ലാന്‍സേദ വാണിജ്യ പ്രൈവറ്റ് ലിമിറ്റഡ് കോര്‍പറേറ്റ് ഓഫീസ് തൃശൂരില്‍
Thursday, July 10, 2025 5:48 AM IST
തൃശൂര്‍: കോല്‍ക്കത്ത ആസ്ഥാനമായ ബാങ്കിതര ധനകാര്യ സ്ഥാപനമായ ലാന്‍സേദ വാണിജ്യ പ്രൈവറ്റ് ലിമിറ്റഡ് കോര്‍പറേറ്റ് ഓഫീസ് തൃശൂരില്‍ പ്രവര്‍ത്തനമാരംഭിച്ചു. ഐസിഎല്‍ ഗ്രൂപ്പ് സിഎംഡിയും ലാന്‍സേദ ഡയറക്ടറുമായ അഡ്വ. കെ.ജി. അനില്‍കുമാര്‍ ഉദ്ഘാടനം ചെയ്തു. കോര്‍പറേറ്റ് ഓഫീസിനോടനുബന്ധിച്ച് തൃശൂര്‍ ബ്രാഞ്ചും പ്രവര്‍ത്തനം തുടങ്ങി.
മൂന്നു പതിറ്റാണ്ടായി പ്രവര്‍ത്തിച്ചുവരുന്ന ലാന്‍സേദ വാണിജ്യ പ്രൈവറ്റ് ലിമിറ്റഡ് ഐസിഎല്‍ ഗ്രൂപ്പ് ഏറ്റെടുത്തശേഷം ധനകാര്യമേഖലയിലേക്കു പ്രവര്‍ത്തനം വ്യാപിപ്പിക്കുകയായിരുന്നു. നടപ്പു സാമ്പത്തികവര്‍ഷം കേരളത്തില്‍ 50 ബ്രാഞ്ചുകള്‍ തുറക്കുകയാണു ലക്ഷ്യമെന്ന് കെ.ജി. അനില്‍കുമാര്‍ പറഞ്ഞു. സ്വര്‍ണപ്പണയ വായ്പ ഉള്‍പ്പെടെ വിവിധ വായ്പാസേവനങ്ങള്‍ ലാന്‍സേദ നല്‍കുന്നുണ്ട്. ഡയറക്ടര്‍ ഉമ അനില്‍കുമാര്‍, തൃശൂര്‍ മേയര്‍ എം.കെ. വര്‍ഗീസ്, കെ. ബാലചന്ദ്രന്‍ എംഎല്‍എ എന്നിവര്‍ പങ്കെടുത്തു.