ബാബുരാജ് പിന്മാറണമെന്ന് മല്ലിക സുകുമാരന്‍
Wednesday, July 30, 2025 1:42 AM IST
കൊച്ചി: താരസംഘടനയായ അമ്മയുടെ തെരഞ്ഞെടുപ്പില്‍ നടന്‍ ബാബുരാജ് മത്സരിക്കരുതെന്നു നടി മല്ലിക സുകുമാരന്‍. ആരോപണവിധേയന്‍ മാറിനില്‍ക്കുകയാണു വേണ്ടത്. ബാബുരാജ് മത്സരിച്ചാല്‍ പല സംശയങ്ങള്‍ക്കും ഇടവരും.
മടുത്തിട്ടാണ് മോഹന്‍ലാല്‍ അമ്മ പ്രസിഡന്‍റ് സ്ഥാനത്തുനിന്നു മാറിയത്. എല്ലാ പ്രശ്‌നങ്ങളിലും ലാലിന്‍റെ പേര് വലിച്ചിഴയ്ക്കുന്നതു ചിലരുടെ ശീലമാണ്. ലാലോ മമ്മൂട്ടിയോ ഇല്ലെങ്കില്‍ പ്രവര്‍ത്തനഫണ്ട് പോലും ലഭിക്കില്ല. തങ്ങള്‍ തെറ്റു കണ്ടാല്‍ തുറന്നുപറയും. അതിനാല്‍ താനും മകനും അമ്മയ്ക്ക് അപ്രിയരാണെന്നും മല്ലിക സുകുമാരന്‍ സ്വകാര്യ ചാനലിനു നല്‍കിയ അഭിമുഖത്തില്‍ പറഞ്ഞു.
ആരോപണ വിധേയര്‍ മാറിനില്‍ക്കുന്നതാണു മര്യാദയെന്നും താനും മത്സരിക്കുന്നുണ്ടെന്നും അനൂപ് ചന്ദ്രന്‍ നേരത്തേ തന്നെ പ്രസ്താവിച്ചിരുന്നു. എന്നാല്‍ ആരോപണവിധേയര്‍ക്കും മത്സരിക്കാമെന്നും പ്രസിഡന്‍റ് സ്ഥാനത്തേക്കു വനിതകള്‍ മത്സരിക്കുന്നതിനെ സ്വാഗതം ചെയ്യുന്നുവെന്നുമാണ് സരയുവിന്‍റെ അഭിപ്രായം.