കൊച്ചേട്ടന്‍റെ കത്ത്

ഓ​ണം - പൂ​വു​ക​ൾ​ക്കു പ​റ​യാ​നു​ള്ള​ത്

സ്നേഹമുള്ള ഡിസിഎൽ കുടുംബാംഗങ്ങളേ,

മ​ല​യാ​ളി എ​ന്ന മ​ഹി​മ​യി​ൽ മ​ന​സു കു​തി​രു​ന്ന ഏ​തൊ​രാ​ൾ​ക്കും "ഓ​ണം, തി​രു​വോ​ണം, പൊ​ന്നോ​ണം' തു​ട​ങ്ങി​യ പ​ദ​ങ്ങ​ൾ ഉ​റ​വ​യു​ണ​ർ​ത്തു​ന്ന ഓ​ർ​മ്മ​ക​ളു​ടെ ഒ​ഴു​ക്കു ത​ട‍​യാ​നാ​വി​ല്ല. പു​രാ​വൃ​ത്ത​ങ്ങ​ൾ വിരൂ​പ​മാ​ക്കി വ​ർ​ത്ത​മാ​ന​കാ​ല​ത്തി​ന്‍റെ ഭൂ​തം ആ​വ​സി​ച്ച കു​റ​ച്ചു​പേ​ർ ഓ​ണ​ത്തി​ന്‍റെ ഭൂ​തകാല വി​ശ്വ​വി​ശാ​ല​ത​യി​ൽ അ​തി​രു​വെ​ട്ടാ​ൻ വ​രു​ന്നു​ണ്ട്. എ​ങ്കി​ലും ലോ​കം മു​ഴു​വ​നു​മു​ള്ള മ​ല​യാ​ളി​ക്ക് ഓ​ണം ഉ​ണ​ർ​ത്തു​ന്ന ഉർ​വ്വ​ര​ത​യു​ടെ ഉ​ത്സ​വ​മേ​ളം അ​നി​ർ​വ​ച​നീ​യ​മാ​ണ്.

ഓ​ണ​ത്തി​ന്‍റെ ഓ​രോ പ്ര​തീ​ക​വും ഒ​ട്ടേ​റെ ജീ​വി​ത​ദ​ർ​ശ​ന​ങ്ങ​ൾ ത​ല​മു​റ​ക​ളോ​ട് സം​വേ​ദ​നം ചെ​യ്യു​ന്നു​ണ്ട്. പൂ​വി​ളി​യും പൂ​ക്ക​ള​വും ഓ​ണ​സ​ദ്യ​യും ഊ​ഞ്ഞാ​ലാ​ട്ട​വും ഉ​ൾ​പ്പെ​ടെ​യു​ള്ള ഓ​ണ​ക്ക​ളി​ക​ളും എ​ല്ലാം സ​മൂ​ഹ​മാ​യും വ്യ​ക്തി​പ​ര​മാ​യും നി​ര​ന്ത​രം സം​വ​ദി​ക്കു​ന്നു​ണ്ട്.

ഓ​ണ​പ്പു​ക്ക​ള​ത്തി​ലെ ഓ​രോ പൂ​വി​നും പൂ​വി​ത​ളി​നും പ​റ​യാ​നു​ള്ള​തെ​ന്താ​ണ്? ഒ​ന്നാ​മ​ത്, പൂ​ക്ക​ള​ത്തി​ലെ പൂ​ക്ക​ളു​ടെ വ​ർ​ണ​വൈ​വി​ധ്യം, രൂ​പ​ഭം​ഗി​യു​ള്ള വ്യ​ത്യ​സ്ത​ത! ഓ​രോ ഇ​ത​ളി​നും അ​നേ​കം പ​രാ​ഗ​രേ​ണു​ക്ക​ൾ വ​ഹി​ക്കു​ന്ന ലോ​ല ത​ന്തു​ക്ക​ൾ​ക്കും ജ​ന്മ​സാ​ഫ​ല്യ​ത്തി​ലെ​ത്തി​യ​തി​ന്‍റെ നി​ർ​വൃ​തി പ​ങ്കി​ടാ​നു​ണ്ട്. ‌

ഒ​രു ചെ​ടി​യി​ൽ മൊ​ട്ടി​ടു​ന്പോ​ൾ, ഒ​രു പൂ​വി​നും അ​റി​യി​ല്ല, ത​ന്‍റെ ഉ​ള്ളി​ലെ സു​ഗ​ന്ധ​മെ​ത്ര സു​ഖ​ദാ​യ​ക​മാ​കു​മെ​ന്ന്! ഒ​രി​ത​ളി​നു​മ​റി​യി​ല്ല, ത​ന്‍റെ ദ​ല​മാ​ർ​ദ​വ​ത്തി​ന്‍റെ സ്നി​ഗ്ധ​ത! നി​ര​വ​ധി ചു​ടു​വെ​യി​ലി​ന്‍റെ പൊ​ള്ള​ലും കൊ​ടു​ങ്കാ​റ്റി​ന്‍റെ ത​ള്ള​ലും എ​ത്ര ത​വ​ണ അ​തി​ജീ​വി​ച്ചു! പെ​രു​മ​ഴ​യി​ൽ ക​ഴു​ത്തൊ​ടി​യാ​തെ, കാ​റ്റി​നൊ​ത്തി​ള​കി​മാ​റി, സ്വ​യം സം​ര​ക്ഷി​ച്ച​തി​ന്‍റെ​യും മ​ധു​നു​ക​രാ​ൻ വ​രു​ന്ന വ​ണ്ടു​ക​ളു​ടെ ക്രൂ​ര​പീ​ഡ​ന​ങ്ങ​ളെ അ​തി​ജീ​വി​ച്ച​തി​ന്‍റെ​യും തീ​രാ​ത്ത ക​ഥ​ക​ൾ ഓ​രോ പൂ​വി​നു​മു​ണ്ട് ഒ​ത്തി​രി പ​റ​യാ​ൻ.

ഓ​ണ​പ്പൂ​ക്ക​ള​ത്തി​ൽ മ​റ്റു പൂ​ക്ക​ൾ​ക്കും പൂ​വി​ത​ളു​ക​ൾ​ക്കു​മൊ​പ്പം പൂ​ക്ക​ള​ത്തി​ൽ ഏ​തോ ഒ​രു ഭാ​ഗ​ത്ത്, ഏ​തോ ഒ​രു രൂ​പ​ത്തി​നാ​യു​ള്ള നി​റ​ച്ചേ​ർ​ച്ച​യു​ടെ ഭാ​ഗ​മാ​യി ഇ​ടം ല​ഭി​ക്കു​ന്പോ​ഴും ഒ​രു പൂ​വി​നും അ​റി​യി​ല്ല, ത​ന്‍റെ​കൂ​ടി സാ​ന്നി​ധ്യം​കൊ​ണ്ട് ഈ ​പൂ​ക്ക​ള​ത്തി​നു​ണ്ടാ​കു​ന്ന വ​ർ​ണ​ഭം​ഗി എ​ത്ര വി​സ്മ​യ​ക​ര​മാ​ണെ​ന്ന്. ആ​രാ​ണ്, എ​വി​ടെ​യാ​ണ്, എ​ന്നെ പൂ​ക്ക​ള​ത്തി​ൽ എ​ടു​ത്തു​വ​യ്ക്കു​ന്ന​ത് എ​ന്ന് ഇ​റു​ക്ക​പ്പെ​ടു​ന്ന​തി​നു മു​ന്പ് ഒ​രു പൂ​വി​നും അ​റി​യി​ല്ല. പൂ​വാ​യും ഇ​ത​ളാ​യു​മെ​ല്ലാം ഒ​രു പൂ​വി​ന് വി​ന്യാ​സം ല​ഭി​ച്ചേ​ക്കാം.

അ​പ്പോ​ഴൊ​ക്കെ മു​ൻ​കൂ​ട്ടി വ​ര​ച്ച ഒ​രു ആ​കൃ​തി​ക്ക് അ​ർ​ഥ​മേ​കാ​ൻ ഞാ​നും എ​ടു​ത്തു​വ​യ്ക്ക​പ്പെ​ടു​ന്നു എ​ന്നാ​ണ് ഓ​രോ പൂ​വും സ്വ​യം മ​ന​സി​ലാ​ക്കു​ന്ന​ത്. എ​ന്നെ ഇ​വി​ടെ​യ​ല്ല, അ​വി​ടെ​യാ​യി​രു​ന്നു വ​യ്ക്കേ​ണ്ടി​യി​രു​ന്ന​ത്, എ​ന്ന് ഏ​തെ​ങ്കി​ലും പൂ​വി​ത​ൾ പ​രാ​തി പ​റ​യു​മോ? ഒ​രു പ​രാ​തി​യു​മി​ല്ലാ​തെ എ​ടു​ത്തു​വ​യ്ക്ക​പ്പെ​ടു​ന്നി​ട​ത്തി​രു​ന്ന് പൂ​ക്ക​ള​ത്തി​ന്‍റെ പൊ​തു​വാ​യ സൗ​ന്ദ​ര്യ​ത്തി​ൽ സ്വ​യ​മ​ലി​യു​ന്ന ഓ​രോ പൂ​വും പൂ​വി​ത​ളും ന​മ്മെ ഒ​ട്ടേ​റെ​ക്കാ​ര്യ​ങ്ങ​ൾ പ​ഠി​പ്പി​ക്കു​ന്നു​ണ്ട്.

കൂ​ട്ടു​കാ​രേ, ന​മ്മു​ടെ ജീ​വി​ത​ത്തി​ൽ ന​മ്മ​ളും വ്യ​ത്യ​സ്ത വ​ർ​ണ​ങ്ങ​ളു​ള്ള പൂ​ക്ക​ളാ​ണ്. ഒ​രു പൂ​വും സ്വ​ന്തം നി​റ​വും സു​ഗ​ന്ധ​വും സ്വ​യം ഉ​ണ്ടാ​ക്കു​ന്ന​ത​ല്ല. ഈ ​ചെ​ടി​യി​ൽ മു​ള​യ്ക്കാ​ൻ സ്ര​ഷ്ടാ​വ് അ​നു​ഗ്ര​ഹി​ച്ച​തു​കൊ​ണ്ടു​മാ​ത്രം ഞാ​നി​ങ്ങ​നെ​യാ​യി എ​ന്ന​ല്ലേ, ഓ​രോ പൂ​വും പ​റ​യു​ന്ന​ത്. റോ​സ​പ്പൂ​വി​ന്, മു​ല്ല​യി​ൽ പൂ​ക്കാ​നോ, ഡാ​ലി​യാ​പ്പൂ​വി​ന് തെ​ച്ചി​യി​ൽ വി​ട​രാ​നോ ക​ഴി​യി​ല്ല. ആ​യി​രി​ക്കു​ന്ന ഏ​ത​വ​സ്ഥ​യി​ലും ആ​കാ​വു​ന്നി​ട​ത്തോ​ളം പൂ​ത്തു​വി​ട​രു​ക എ​ന്നാ​ണ് പൂ​ക്ക​ൾ ന​മ്മോ​ടും മ​ന്ത്രി​ക്കു​ന്ന​ത്. കി​ട്ടി​യ ഇ​ട​ങ്ങ​ളി​ൽ പൊ​ട്ടി​വി​ട​രു​ന്ന പൂ​ക്ക​ളാ​ക​ണം ന​മ്മ​ളും. എ​നി​ക്കു നീ​ല​നി​റം വേ​ണ്ട എ​ന്ന് കാ​ക്ക​പ്പൂ​വി​നോ എ​നി​ക്ക് മ​ഞ്ഞ​നി​റം​കൂ​ടി വേ​ണം എ​ന്ന് മു​ല്ല​പ്പൂ​വി​നോ പ​റ​യാ​നാ​കി​ല്ല.

ന​മ്മു​ടെ ജീ​വി​ത​വും സു​ഗ​ന്ധം പ​ര​ത്തു​ന്ന ന​റു​സൂ​ന​ങ്ങ​ളു​ടെ നി​റ​സ​മൃ​ദ്ധ​യി​ൽ നീ​രാ​ട​ട്ടെ! കി​ട്ടാ​ത്ത​തി​നെ​പ്പ​റ്റി മാ​ത്രം പ​രാ​തി പ​റ​ഞ്ഞ്, ആ​യു​സു തീ​ർ​ക്കാ​തെ, കി​ട്ടി​യ ഇ​ട​ങ്ങ​ളി​ൽ പൊ​ട്ടി​വി​ട​രാ​മോ എ​ന്നു പ​രി​ശ്ര​മി​ക്കാം. പൂ​ക്ക​ള​ത്തി​ലെ പൂ​ക്ക​ളെ​പ്പോ​ലെ ഒ​രു​മ​യു​ടെ സൗ​ന്ദ​ര്യം തീ​ർ​ത്ത് മ​നു​ഷ്യ​ജീ​വി​തം മ​ഹ​ത്വ​മു​ള്ള​താ​ക്കാം.

ഏ​വ​ർ​ക്കും എ​ന്‍റെ ഓ​ണാ​ശം​സ​ക​ൾ... സ​സ്നേ​ഹം,
സ്വ​ന്തം കൊ​ച്ചേ​ട്ട​ൻ

"പൂ​വി​ളി 2025' - ഡിസിഎ​ൽ ഓ​ണാ​ഘോ​ഷം!

ഡി​സി​എ​ൽ കൂ​ട്ടു​കാ​ർ​ക്കാ​യി ര​ണ്ട് ഓ​ണാ​ഘോ​ഷ മ​ത്സ​ര​ങ്ങ​ൾ

തി​രു​വാ​തി​ര ക​ളി

DCLDEEPIKA യൂ​ട്യൂ​ബ് ചാ​ന​ലി​ൽ അ​പ്‌​ലോ​ഡ് ചെ​യ്യു​ന്ന തി​രു​വാ​തി​ര​ക​ളി ഗാ​ന​ത്തി​ന​നു​സ​രി​ച്ചു പ​ങ്കെ​ടു​ക്കു​ന്ന സ്കൂ​ളി​ലെ പ​ര​മാ​വ​ധി കു​ട്ടി​ക​ൾ തി​രു​വാ​തി​ര ക​ളി​ക്കു​ന്ന​തി​ന്‍റെ വീ​ഡി​യോ ഡി​സി​എ​ല്ലി​ന് അ​യ​ച്ചു​ത​രി​ക. ഒ​രു സ്കൂ​ളി​ൽ നി​ന്ന് ഒ​രു എ​ൻ​ട്രി​യാ​ണ് അ​നു​വ​ദി​ക്കു​ന്ന​ത്. ഡി​സി​എ​ൽ തി​രു​വാ​തി​ര ഗാ​ന​ത്തി​ന് അ​നു​സ​രി​ച്ചു​ള്ള തി​രു​വാ​തി​ര ക​ളി മാ​ത്ര​മേ മ​ത്സ​ര​ത്തി​നാ​യി​പ​രി​ഗ​ണി​ക്കു​ക​യു​ള്ളൂ. ഗാനം DCLDEEPIKA യൂട്യൂബ് ചാനലിൽ നാളെ ഉച്ചയ്ക്ക് ഒരു മണിക്ക് അപ്ലോഡ് ചെയ്യും.


വി​ജ​യി​ക​ളാ​കു​ന്ന സ്കൂ​ളു​ക​ൾ​ക്ക് 5000, 4000, 3000 രൂ​പ ക്ര​മ​ത്തി​ൽ കാ​ഷ് അ​വാ​ർ​ഡും ട്രോ​ഫി​യും ന​ൽ​കു​ന്ന​താ​ണ്.

"പൂ​ക്ക​ളം' വീ​ഡി​യോ ച​ല​ഞ്ച്

എ​ല്ലാ സ്കൂ​ളു​ക​ളി​ലും ഓ​ണ​പ്പൂ​ക്ക​ളം ഇ​ടു​ന്നു​ണ്ട​ല്ലോ. ഓ​രോ സ്കൂ​ളി​ലും ഓ​ണ​പ്പൂ​ക്ക​ളം ഇ​ടു​ന്ന​തി​ന്‍റെ ഒ​രു​ക്ക​വും പൂ​ക്ക​ളം ഇ​ടു​ന്ന​തും പൂ​ർ​ത്തി​യാ​യ പൂ​ക്ക​ള​വും വീ​ഡി​യോ എ​ടു​ത്ത് ഡി​സി​എ​ല്ലി​ന് അ​യ​ച്ചു​ത​രി​ക. മി​ക​ച്ച ഓ​ണ​പ്പൂ​ക്ക​ള​ത്തി​ന് സ​മ്മാ​ന​ങ്ങ​ൾ ന​ൽ​കു​ന്ന​താ​ണ് .

ഒ​രു സ്കൂ​ളി​ൽ നി​ന്ന് മൂ​ന്ന് പൂ​ക്ക​ള​ങ്ങ​ളു​ടെ വീ​ഡി​യോ അ​യ​ക്കാ​വു​ന്ന​താ​ണ് . അ​യ​ക്കു​ന്ന വീ​ഡി​യോ​യു​ടെ അ​ടി​ക്കു​റി​പ്പി​ൽ സ്കൂ​ളി​ന്‍റെ പേ​രും വി​ശ​ദാം​ശ​ങ്ങ​ളും ന​ൽ​കേ​ണ്ട​താ​ണ് .

പൂ​ക്ക​ളം ഇ​ടു​ന്ന​തി​ൽ വി​ദ്യാ​ർ​ത്ഥി​ക​ളു​ടെ​യും അ​ധ്യാ​പ​ക​രു​ടെ​യും മാ​നേ​ജ്മെ​ന്‍റി​ന്‍റെ​യും താ​പി​താ​ക്ക​ളു​ടെ​യും പ​ങ്കാ​ളി​ത്ത​ത്തോ​ടു​കൂ​ടി​യു​ള്ള വീ​ഡി​യോ​ക്കാ​ണ് പ്ര​ഥ​മ പ​രി​ഗ​ണ​ന ന​ൽ​കു​ന്ന​ത്.
വി​ജ​യി​ക​ളാ​കു​ന്ന സ്കൂ​ളു​ക​ൾ​ക്ക് 5000, 4000, 3000 രൂ​പ ക്ര​മ​ത്തി​ൽ കാ​ഷ് അ​വാ​ർ​ഡും ട്രോ​ഫി​യും ന​ൽ​കു​ന്ന​താ​ണ്.

നി​ങ്ങ​ൾ ത​രു​ന്ന വീ​ഡി​യോ DCLDEEPIKA യൂ​ട്യൂ​ബ് ചാ​ന​ലി​ൽ അ​പ്‌​ലോ​ഡ് ചെ​യ്തു നി​ങ്ങ​ൾ​ക്ക് തി​രി​ച്ച് അ​യ​ച്ചു​ത​രു​ന്ന​താ​ണ് അ​തി​ൽ സെ​പ്റ്റം​ബ​ർ 15 നു​ള്ളി​ൽ ഏ​റ്റ​വും കൂ​ടു​ത​ൽ ലൈ​ക്കും ക​മ​ന്റും ല​ഭി​ക്കു​ന്ന വീ​ഡി​യോ​ക​ൾ​ക്കു പ്ര​ത്യേ​ക പ​രി​ഗ​ണ​ന [25%] ന​ൽ​കു​ന്ന​താ​ണ്.

"ഒ​രേ​യൊ​രി​ന്ത്യ" സ്വാ​ത​ന്ത്ര്യ​ദി​ന ഗാ​ന മ​ത്സ​രം:എ​ൻ​ട്രി ഓ​ഗ​സ്റ്റ് 30 വ​രെ

കോട്ടയം: സ്വാ​ത​ന്ത്ര്യ ദി​ന​ത്തോ​ട​നു​ബ​ന്ധി​ച്ച് ഡി​സി​എ​ൽ ന​ട​ത്തി​യ ഒ​രേ​യൊ​രു ഇ​ന്ത്യ ദേ​ശ​ഭ​ക്തി​ഗാ​ന മ​ത്സ​ര​ത്തി​ൽ നി​ര​വ​ധി വി​ദ്യാ​ല​യ​ങ്ങ​ൾ പ​ങ്കെ​ടു​ത്തു.

"ഒ​രേ​യൊ​രു ഇ​ന്ത്യ' ഗാ​ന​ത്തി​ന് വ​ടു​വെ​ച്ചു​കൊ​ണ്ട് ആ​യി​ര​ക്ക​ണ​ക്കി​ന് വി​ദ്യാ​ർ​ത്ഥി​ക​ൾ ദേ​ശ​സ്നേ​ഹ​ത്തി​ൽ കൈ​കോ​ർ​ത്തു. ഓ​ഗ​സ്റ്റ് 30 വ​രെ​യാ​ണ് ഒ​രേ​യൊ​രു ഇ​ന്ത്യ ദേ​ശ​ഭ​ക്തി​ഗാ​നം മ​ത്സ​ര​ത്തി​ന്‍റെ സ്കൂ​ൾ ത​ല എ​ൻ​ട്രി​ക​ൾ സ്വീ​ക​രി​ക്കു​ന്ന​ത് .

ഈ ​ദേ​ശ​ഭ​ക്തി​ഗാ​ന​ത്തി​ന്‍റെ വീ​ഡി​യോ​യും ക​രോ​ക്കെ​യും DCLDEEPIKA യൂ​ട്യൂ​ബ് ചാ​ന​ലി​ൽ ല​ഭ്യ​മാ​ണ്.

കൂ​ത്താ​ട്ടു​കു​ളം മേ​ഖ​ലാ നേ​ത്യ സം​ഗ​മ​വും തെ​ര​ഞ്ഞെ​ടു​പ്പും 23 ന്

​കൂ​ത്താ​ട്ടു​കു​ളം : ഡി.​സി.​എ​ൽ കൂ​ത്താ​ട്ടു​കു​ളം മേ​ഖ​ലാ നേ​ത്യ സം​ഗ​മ​വും മേ​ഖ​ലാ ഭാ​ര​വാ​ഹി​ക​ളു​ടെ തെ​ര​ഞ്ഞെ​ടു​പ്പും ആ​ഗ​സ്റ്റ് 23 ശ​നി​യാ​ഴ്ച രാ​വി​ലെ 10 മു​ത​ൽ മു​ത്തോ​ല​പു​രം സെ​ന്‍റ് പോ​ൾ​സ് എ​ൽ.​പി സ്കൂ​ളി​ൽ ന​ട​ക്കും. മേ​ഖ​ല​യി​ലെ എ​ല്ലാ ഡ​യ​റ​ക്ട​ർ​മാ​രും സ്കൂ​ൾ ത​ല കൗ​ൺ​സി​ല​ർ​മാ​രും പ​ങ്കെ​ടു​ക്ക​ണ​മെ​ന്ന് പ്ര​വി​ശ്യാ കോ - ​ഓ​ർ​ഡി​നേ​റ്റ​ർ റോ​യ്. ജെ. ​ക​ല്ല​റ​ങ്ങാ​ട്ട് അ​റി​യി​ച്ചു.

ഡി​സി​എ​ൽ സം​സ്ഥാ​ന​ത​ല ബാ​ഡ്മി​ന്‍റ​ൺ മ​ത്സ​രം

ദീ​പി​ക ബാ​ല​സ​ഖ്യ​ത്തി​ന്‍റെ ആ​ഭി​മു​ഖ്യ​ത്തി​ൽ സം​സ്ഥാ​ന​ത​ല​ത്തി​ൽ ഷ​ട്ടി​ൽ ബാ​ഡ്മി​ന്‍റ​ൺ ടൂ​ർ​ണ​മെ​ന്‍റ് ന​ട​ത്തു​ന്നു. ഒ​ക്ടോ​ബ​ർ 25-നാ​ണു സം​സ്ഥാ​ന​ത​ല മ​ത്സ​രം. ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും മ​ത്സ​രം.

സം​സ്ഥാ​ന​ത​ല​ത്തി​ൽ ന​ട​ത്ത​പ്പെ​ടു​ന്ന ഈ ​മ​ത്സ​ര​ത്തി​ൽ കേ​ര​ള​ത്തി​ലെ എ​ല്ലാ ഡി​സി​എ​ൽ പ്ര​വി​ശ്യ​ക​ളി​ൽ​നി​ന്നും ഇരുവിഭാഗത്തിലുംപെട്ട ഓ​രോ ഡ​ബി​ൾ​സ് ടീ​മു​ക​ൾ​ക്ക് പ​ങ്കെ​ടു​ക്കാ​വു​ന്ന​താ​ണ്. ഡി​സി​എ​ൽ ശാ​ഖ​ക​ളി​ലെ ഒ​ന്നു മു​ത​ൽ പ​ത്തു​വ​രെ ക്ലാ​സു​ക​ളി​ൽ​പ​ഠി​ക്കു​ന്ന കു​ട്ടി​ക​ൾ​ക്കാ​യി​രി​ക്കും മ​ത്സ​ര​ത്തി​ൽ പ​ങ്കെ​ടു​ക്കാ​ൻ യോ​ഗ്യ​ത​യു​ള്ള​ത്.

പ്ര​വി​ശ്യാ​ത​ല​ത്തി​ൽ ന​ട​ത്ത​പ്പെ​ടു​ന്ന ടൂ​ർ​ണ​മെ​ന്‍റി​ലെ വി​ജ​യി​ക​ളാ​കു​ന്ന ടീ​മു​ക​ൾ​ക്കാ​ണ് സം​സ്ഥാ​ന​ത​ല​മ​ത്സ​ര​ത്തി​ലേ​ക്കു പ്ര​വേ​ശ​നം.

പ്ര​വി​ശ്യാ​ത​ല മ​ത്സ​ര വി​ജ​യി​ക​ൾ​ക്ക് ട്രോ​ഫി​യും സ​ർ​ട്ടി​ഫി​ക​റ്റും ന​ൽ​കു​ന്ന​താ​ണ്. പ്ര​വി​ശ്യാ​ത​ല മ​ത്സ​ര​ങ്ങ​ൾ സെ​പ്റ്റം​ബ​ർ 30-നു ​മു​ന്പാ​യി പൂ​ർ​ത്തി​യാ​കും. സം​സ്ഥാ​ന​ത​ല വി​ജ​യി​ക​ൾ​ക്ക് കാ​ഷ് അ​വാ​ർ​ഡും ട്രോ​ഫി​യും സ​ർ​ട്ടി​ഫി​ക്ക​റ്റു​ക​ളും ന​ൽ​കും. വി​ശ​ദ വി​വ​ര​ങ്ങ​ൾ​ക്ക് 9446294666 എ​ന്ന ന​ന്പ​രി​ൽ ബ​ന്ധ​പ്പെ​ടാ​വു​ന്ന​താ​ണ്.

വി​ദ്യാ​ർ​ഥി​ക​ളി​ൽ ദേ​ശ​സ്നേ​ഹം പ​ക​ർ​ന്ന് 'ജ​യ്ഹോ'

താ​മ​ര​ശേരി: സ്വാ​ത​ന്ത്ര്യ​ദി​ന​ത്തോ​ട് അ​നു​ബ​ന്ധി​ച്ച് ദീ​പി​ക ബാ​ല​സം​ഖ്യം കോ​ഴി​ക്കോ​ട് പ്ര​വി​ശ്യ ഓ​ൺ​ലൈ​ൻ പ്രോ​ഗ്രാം - "ജ​യ്ഹോ' ന​ട​ത്തി. ഇ​ന്‍റ​ലി​ജ​ൻ​സ് ടെ​ക്നി​ക്ക​ൽ എ​സ്പി ചൈ​ത്ര തെ​രേ​സ ജോ​ൺ ഐ​പി​എ​സ് പ​രി​പാ​ടി ഉ​ദ്ഘാ​ട​നം ചെ​യ്തു. പ്ര​വി​ശ്യ ലീ​ഡ​ർ മേ​ധ ഷൈ​ജ​ൻ അ​ധ്യ​ക്ഷ​ത വ​ഹി​ച്ചു. പ്ര​വി​ശ്യ കോ​ർ​ഡി​നേ​റ്റ​ർ ഫാ. ​സാ​യി പാ​റ​ൻ​കു​ള​ങ്ങ​ര ആ​മു​ഖ പ്ര​ഭാ​ഷ​ണം ന​ട​ത്തി.

ഡെ​പ്യൂ​ട്ടി ലീ​ഡ​ർ ജെ​യ്‌​സ് തോ​മ​സ്, കൗ​ൺ​സി​ല​ർ​മാ​രാ​യ ചൈ​ത്ര കെ, ​ആ​ൻ​ലി​യ മ​രി​യ ആ​ന്‍റ​ണി എ​ന്നി​വ​ർ പ്ര​സം​ഗി​ച്ചു. അ​ധ്യാ​പി​ക സാ​നി​യ വ​ർ​ഗ്ഗീ​സ്, വി​ദ്യാ​ർ​ത്ഥി​ക​ളാ​യ ലി​യാ​ന വി​പി​ൻ, പാ​ർ​വ​ണ സു​ധീ​ഷ് എ​ന്നി​വ​ർ ദേ​ശ​ഭ​ക്തി ഗാ​ന​ങ്ങ​ൾ ആ​ല​പി​ച്ചു.

പ്രോ​ഗ്രാം കോ​ർ​ഡി​നേ​റ്റ​ർ സ​ന്ദീ​പ് ക​ള​പ്പു​ര​ക്ക​ൽ ദേ​ശീ​യോ​ദ്ഗ്ര​ഥ​ന പ്ര​തി​ജ്ഞ ചൊ​ല്ലി​ക്കൊ​ടു​ത്തു. സ്വാ​ത​ന്ത്ര്യ​സ​മ​ര ച​രി​ത്ര ക്വി​സ് ന​ട​ത്തി. മാ​ത്യു ഇ​മ്മാ​നു​വ​ൽ മേ​ൽ​വെ​ട്ടം, ആ​ൽ​ബി​ൻ സ​ഖ​റി​യാ​സ്, സി​ദ്ധാ​ർ​ഥ് എ​സ് നാ​ഥ്‌, ഷി​ൽ​ന ദേ​വ​സ്യ എ​ന്നി​വ​ർ നേ​തൃ​ത്വം ന​ൽ​കി.