റെ​ജി ജോ​സ​ഫ്

കോ​ട്ട​യം: ഇ​ടു​ക്കി കോ​ട്ട​യം ജി​ല്ല​യു​ടെ ഭാ​ഗ​മാ​യി​രു​ന്ന കാ​ലം. ഹൈ​റേ​ഞ്ചി​ലെ തോ​ട്ടം മേ​ഖ​ല​യി​ല്‍ ചെ​ങ്കൊ​ടി പാ​റി​ച്ചു തൊ​ഴി​ലാ​ളി​ക​ളെ സം​ഘ​ടി​പ്പി​ക്കാ​ന്‍ കോ​ട്ട​യ​ത്തു​നി​ന്നു മ​ല ക​യ​റി​യ​വ​ര്‍ മൂ​ന്നു പേ​രാ​ണ്. കി​ട​ങ്ങൂ​രി​ല്‍നി​ന്ന് എം.​എം. മ​ണി, പു​തു​പ്പ​ള്ളി​യി​ല്‍ സി.​എ. കു​ര്യ​ന്‍ എ​ന്നി​വ​ര്‍ക്കൊ​പ്പം വാ​ഴൂ​ര്‍ കൊ​ടു​ങ്ങൂ​രി​ല്‍നി​ന്നു​ള്ള പ​തി​നെ​ട്ടു​കാ​ര​ന്‍ വാ​ഴൂ​ര്‍ സോ​മ​ന്‍.

കോ​രി​ച്ചൊ​രി​യു​ന്ന മ​ഴ​യെ​യും കോ​ച്ചി വലിക്കുന്ന ത​ണു​പ്പി​നെ​യും മ​ര​ണം സം​ഭ​വി​ക്കാ​വു​ന്ന മ​ല​മ്പ​നി​യെ​യും വ​ക വ​യ്ക്കാ​തെ മൂ​വ​രും മ​ല​നാ​ട്ടി​ലെ​ത്തു​മ്പോ​ള്‍ തൊ​ഴി​ലാ​ളി​ലകളില്‍ വ​ലി​യൊ​രു ഭാ​ഗ​വും ത​മി​ഴ​രാ​ണ്.

ഇ​ട​നാ​ട്ടി​ല്‍നി​ന്ന് അ​നേ​കം​പേ​ര്‍ മ​ണ്ണു​തേ​ടി​യാ​ണ് മ​ല​യോ​ര​ങ്ങ​ളി​ലേ​ക്ക് അ​ക്കാ​ല​ത്ത് കു​ടി​യേ​റി​യ​ത്. സോ​മ​ന്‍റെ മ​ല​ക​യ​റ്റ​ത്തി​നു പി​ന്നി​ല്‍ ക​മ്യൂ​ണി​സ്റ്റ് ആ​വേ​ശം ഒ​ന്നു​മാ​ത്ര​മാ​യി​രു​ന്നു.
ന​ന്നേ ചെ​റി​യ പ്രാ​യ​ത്തി​ല്‍ ഏ​ലം, കാ​പ്പി, കു​രു​മു​ള​ക്, തേ​യി​ല തോ​ട്ട​ങ്ങ​ളി​ല്‍ പ​ണി​യെ​ടു​ക്കു​ന്ന തൊ​ഴി​ലാ​ളി​ക​ളെ സം​ഘ​ടി​പ്പി​ച്ചു.

എം.​എം. മ​ണി പെ​രി​യാ​ര്‍ ക​ട​ന്ന് ഉ​ടു​മ്പ​ന്‍ചോ​ല​യി​ലെ​ത്തി​യ​പ്പോ​ള്‍ സി.​എ. കു​ര്യ​നും വാ​ഴൂര്‍ സോ​മ​നും പീ​രു​മേ​ടും വ​ണ്ടി​പ്പെ​രി​യാ​റും പാ​മ്പ​നാ​റും കു​മ​ളി​യും ക​മ്യൂ​ണി​സ്റ്റ് ത​ട്ട​ക​മാ​ക്കി. ക​മ്യൂ​ണി​സ്റ്റ് പാ​ര്‍ട്ടി പി​ള​ര്‍ന്ന​പ്പോ​ള്‍ എം.​എം. മ​ണി സി​പി​എ​മ്മി​ല്‍ ഇ​ടം​പി​ടി​ച്ചു. കു​ര്യ​നും സോ​മ​നും കൈ​കൊ​ടു​ത്ത് സി​പി​ഐ​യി​ല്‍ നി​ല​കൊ​ണ്ടു. പി​ള​ര്‍പ്പു​കാ​ല​ത്ത് സി​ഐ​ടി​യു​വും എ​ഐ​ടി​യു​സി​യും വ​ര്‍ഗ​വി​രോ​ധി​ക​ളാ​യി​രു​ന്നു.

വി​വി​ധ തോ​ട്ട​ങ്ങ​ളി​ലും ഫാ​ക്ട​റി​ക​ളി​ലും ആ​ധി​പ​ത്യം പി​ടി​ക്കാ​ന്‍ ഇ​രു യൂ​ണി​യ​നു​ക​ളും ഏ​റ്റു​മു​ട്ടി. കു​ത്തും വെ​ട്ടു​മു​ണ്ടാ​യി പൊ​രി​ഞ്ഞ പോ​രാ​ട്ട​ത്തി​ല്‍ ഇ​രു​പാ​ര്‍ട്ടി​ക​ളു​ടെ​യും അ​ണി​ക​ള്‍ കൊ​ല്ല​പ്പെ​ട്ടു. തോ​ട്ട​ങ്ങ​ളോ​ടു ചേ​ര്‍ന്ന കൊ​ടി​മ​ര​ങ്ങ​ളും വ​ണ്ടി​പ്പെ​രി​യാ​റ്റി​ലെ​യും പീ​രു​മേ​ട്ടി​ലെ​യും പാ​ര്‍ട്ടി ഓ​ഫീ​സു​ക​ളും പി​ടി​ച്ചെ​ടു​ക്കാ​ന്‍ അ​ണി​ക​ള്‍ ആ​ഞ്ഞു​പൊ​രു​തി.


സി​പി​എ​മ്മും സി​പി​ഐ​യും ത​മ്മി​ല്‍ കാ​ല​ങ്ങ​ളോ​ളം തു​ട​ര്‍ന്ന അ​ടി​ക​ലാ​ശ​ത്തി​ല്‍ വാ​ഴൂ​ര്‍ സോ​മ​ന്‍ ഒ​രു​പാ​ട് ത​ല്ലും ച​ത​യും കൊ​ണ്ടി​ട്ടു​ണ്ട്. മാ​സ​ങ്ങ​ളോ​ളം കി​ട​പ്പി​ലാ​യി​ട്ടു​ണ്ട്. കാ​ല​പ്ര​യാ​ണ​ത്തി​ല്‍ സി​പി​ഐ​യും സി​പി​എ​മ്മും ഒ​രു മു​ന്ന​ണി​ക്കീ​ഴി​ല്‍ ചെ​ങ്കൊ​ടി​യു​മായി കൈ​കോ​ര്‍ത്തു.

വൈ​കി​യു​ണ്ടാ​യ പൊ​രു​ത്ത​ത്തി​ല്‍ എം.​എം. മ​ണി ഉ​ടു​മ്പ​ന്‍ചോ​ല മ​ണ്ഡ​ലം എം​എ​ല്‍എ​യും മ​ന്ത്രി​യു​മാ​യി. സി​പി​ഐ ന​ന്നാ​യി വേ​രോ​ടി​യ പീ​രു​മേ​ട്ടി​ല്‍നി​ന്ന് സി.​എ. കു​ര്യ​ന്‍ എം​എ​ല്‍എ​യും ഡെ​പ്യൂ​ട്ടി സ്പീ​ക്ക​റു​മാ​യി. മു​ന്‍പ് മു​ന്തി​യ പ​ദ​വി​ക​ളൊ​ന്നും കി​ട്ടാ​തെ പാ​ര്‍ട്ടി​ക്കു​വേ​ണ്ടി അ​ധ്വാ​നി​ച്ച വാ​ഴൂ​ർ സോ​മ​ന്‍ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ അ​റു​പ​ത്തി​യെ​ട്ടാം വ​യ​സി​ല്‍ പീ​രു​മേ​ട്ടി​ല്‍നി​ന്ന് എം​എ​ല്‍എ​യാ​യി.

ചെ​ങ്കൊ​ടി പി​ടി​ക്കാ​നും പി​ടി​പ്പി​ക്കാ​നും മ​ല​ക​യ​റി​യ സോ​മ​ന്‍ വ​ണ്ടി​പ്പെ​രി​യാ​റ്റി​ലെ​യും പീ​രു​മേ​ട്ടി​ലെ​യും പാ​ര്‍ട്ടി ഓ​ഫീ​സു​ക​ളി​ലും തൊ​ഴി​ലാ​ളി​ക​ളും ല​യ​ങ്ങ​ളി​ലും കാ​ല​ങ്ങ​ളോ​ളം താ​മ​സി​ച്ചു. പി​ന്നീ​ട് വ​ണ്ടി​പ്പെ​രി​യാ​റ്റി​ല്‍ സ്ഥി​ര​താ​മ​സ​ക്കാ​ര​നാ​യ​പ്പോ​ഴും പേ​രി​നൊ​പ്പം വാ​ഴൂ​രി​നെ കൈ​വി​ട്ടി​ല്ല.

ക​ഴി​ഞ്ഞ തെ​ര​ഞ്ഞെ​ടു​പ്പി​ല്‍ പീ​രു​മേ​ട്ടി​ല്‍ ഇ​ഞ്ചോ​ടി​ഞ്ചു പോ​രാ​ട്ട​ത്തി​ല്‍ കോ​ണ്‍ഗ്ര​സി​ലെ സി​റി​യ​ക് തോ​മ​സി​നെ 1,835 വോ​ട്ടു​ക​ള്‍ക്ക് പ​രാ​ജ​യ​പ്പെ​ടു​ത്തി​യാ​ണ് വാ​ഴൂ​ര്‍ സോ​മ​ന്‍ നി​യ​മ​സ​ഭ​യി​ലേ​ക്ക് എ​ത്തി​യ​ത്.

കൊ​ടു​ങ്ങൂ​രി​ല്‍ സോ​മ​ന്‍റെ ജ്യേ​ഷ്ഠ​സ​ഹോ​ദ​ര​നും കു​ടും​ബ​വും കു​ടും​ബ​വീ​ടും ഇ​പ്പോ​ഴു​മു​ണ്ട്. കോ​ട്ട​യം, തി​രു​വ​ന​ന്ത​പു​രം യാ​ത്ര​ക​ളു​ടെ ഇ​ട​വേ​ള​ക​ളി​ല്‍ സോ​മ​ന്‍ അ​ര നൂ​റ്റാ​ണ്ടു പ​ഴ​കി​യ വീ​ടോ​ര്‍മ​ക​ളു​മാ​യി ത​റ​വാ​ട്ടി​ല്‍ എ​ത്താ​റു​ണ്ടാ​യി​രു​ന്നു.