ഉദ്ഘാടന ചടങ്ങില്‍ പങ്കെടുക്കരുതെന്നു നഗരസഭ
Friday, August 22, 2025 2:16 AM IST
പാലക്കാട്: ഇന്നത്തെ ബസ് സ്റ്റാന്‍ഡ് ഉദ്ഘാടന ചടങ്ങില്‍ പങ്കെടുക്കരുതെന്നു എംഎല്‍എ രാഹുല്‍ മാങ്കൂട്ടത്തിലിനു കത്തുനല്‍കി പാലക്കാട് നഗരസഭ.
ഡെപ്യൂട്ടി ചെയര്‍മാന്‍ ഇ. കൃഷ്ണദാസാണ് കത്തുനല്‍കിയത്. ഇന്നു വൈകുന്നേരമാണ് പാലക്കാട് നഗരസഭ ബസ് സ്റ്റാന്‍ഡ് ഉദ്ഘാടന ചടങ്ങ്.
താങ്കള്‍ക്കെതിരേ ഉയര്‍ന്നുവന്ന ഗുരുതരമായ ആരോപണങ്ങള്‍ കണക്കിലെടുത്തും പാലക്കാട് നഗരസഭ സംഘടിപ്പിക്കുന്ന ബസ് സ്റ്റാന്‍ഡ് ഉദ്ഘാടന ചടങ്ങിലേക്കു ചില സംഘടനകള്‍ താങ്കള്‍ക്കെതിരേ സമരപരിപാടിയുമായി വരാന്‍ സാധ്യതയുണ്ടെന്നു മനസിലായതിനാലും പരിപാടിയുടെ ശോഭ കെടുമെന്നു ശങ്കയുള്ളതിനാലും ചടങ്ങില്‍ അനിഷ്ടസംഭവങ്ങള്‍ ഒഴിവാക്കുന്നതിനു പരിപാടിയില്‍നിന്നു വിട്ടുനില്‍ക്കണമെന്ന് അഭ്യര്‍ഥിക്കുന്നു- കത്തില്‍ പറയുന്നു.