ADVERTISEMENT

ADVERTISEMENT

വയക്കര സ്കൂളിന്‍റെ മതിൽ ഇടിഞ്ഞു

ചെറുപുഴ: കഴിഞ്ഞ ദിവസമുണ്ടായ കനത്ത മഴയിൽ വയക്കര ഗവ.ഹയർ സെക്കൻഡറി സ്കൂളിന്‍റെ മതിൽ ഇടിഞ്ഞു വീണു.15 മീറ്ററോളം നീളത്തിൽ മതിൽ തകർന്നു. പിടിഎ അംഗങ്ങളുടെ നേതൃത്വത്തിൽ ചെറുപുഴ-പയ്യന്നൂർ റോഡിലേയ്ക്ക് വീണ കല്ലുകൾ നീക്കം ചെയ്തു.

കാക്കേഞ്ചാൽ കൊല്ലാടയിൽ തോടിന്‍റെ അരിക് ഇടിഞ്ഞതിനെ തുടർന്ന് കാക്കേഞ്ചാൽ കൊല്ലാട റോഡ് അപകടാവസ്ഥയിലാണ്.

ADVERTISEMENT

ടിഎസ്എസ്എസ് മണ്ടളം ട്രസ്റ്റ് വാർഷിക പൊതുയോഗം

മണ്ടളം: തലശേരി സോഷ്യൽ സർവീസ് സൊസൈറ്റിയുടെ (ടിഎസ്എസ്എസ്) ആഭിമുഖ്യത്തിലുള്ള മണ്ടളം ട്രസ്റ്റിന്‍റെ വാർഷിക പൊതുയോഗം ടിഎസ്എസ്എസ് അതിരൂപത ഡയറക്ടർ ഫാ. ബിബിൻ വരമ്പകത്ത് ഉദ്ഘാടനം ചെയ്തു. മണ്ടളം ട്രസ്റ്റ് ഡയറക്ടർ ഫാ. മാത്യു വേങ്ങക്കുന്നേൽ അധ്യക്ഷത വഹിച്ചു. ടിഎസ്എസ്എസ് റീജണൽ ഡയറക്ടർ ഫാ. ജോബി ചെരുവിൽ ആമുഖ പ്രഭാഷണവും ചെമ്പേരി മേഖല വൈസ് പ്രസിഡന്‍റ് ബേബി മുല്ലൂർ മുഖ്യപ്രഭാഷണവും ടിഎസ്എസ്എസ് അതിരൂപത അസോസിയേറ്റഡ് ഡയറക്ടർ ഫാ. ആൽബിൻ തെങ്ങുംപള്ളിൽ അനുഗ്രഹ പ്രഭാഷണവും നടത്തി. മണ്ടളം ട്രസ്റ്റ് സെക്രട്ടറി ബീന സജി വാർഷിക, ഓഡിറ്റ് റിപ്പോർട്ടുകൾ അവതരിപ്പിച്ചു. എസ്എസ്എൽസി, പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെ അനുമോദിച്ചു. മികച്ച സ്വയം സഹായ സംഘങ്ങളായി തെരഞ്ഞെടുക്കപ്പെട്ട അനശ്വര, ഐശ്വര്യ, പ്രാർഥന എന്നീ സംഘങ്ങൾക്ക് സമ്മാനങ്ങൾ നൽകി. ട്രസ്റ്റ് പ്രസിഡന്‍റ് ജെസി തങ്കച്ചൻ, ഫാ. ഷോൺ പേരുകുന്നേൽ, ആനിമേറ്റർ സിസ്റ്റർ ലിസി, ബിന്ദു സാജു എന്നിവർ പ്രസംഗിച്ചു.

വിമൽജ്യോതിയിൽ വിജെ‌ഇസി എഡ്യുബോട്ട് എഐ ഉദ്ഘാടനം ചെയ്തു

ചെന്പേരി: ചെന്പേരി വിമൽജ്യോതി എൻജിനിയറിംഗ് കോളജിൽ കംപ്യൂട്ടർ സയൻസ് വിഭാഗത്തിൽ നവീന സംരംഭമായ വിജെഇഇസി എഡ്യുബോട്ട് എഐ ഉദ്ഘാടനം ചെയ്തു. കോളജ് മാനേജർ ഫാ. ജയിംസ് ചെല്ലങ്കോട്ട് ഉദ്ഘാടനം നിർവഹിച്ചു. വിദ്യാർഥികളുടെ സർഗാത്മകതയും സാങ്കേതിക മേഖലയിലുള്ള സ്ഥാപനത്തിന്‍റെ ദീർഘവീക്ഷണവും അഭിനന്ദനാർഹമാണെന്ന് അദ്ദേഹം പറഞ്ഞു. പ്രിൻസിപ്പൽ ഡോ. ബെന്നി ജോസഫ് അധ്യക്ഷത വഹിച്ചു. വിദ്യാർഥികളുടെ പഠന സഹായി എന്ന നിലയിൽ പ്രവർത്തിക്കുന്ന പുതിയ കൃത്രിമബുദ്ധി സംവിധാനം കാന്പസിലെ വിവരവിനിമയത്തിൽ വിപ്ലവം സൃഷ്ടിക്കുമെന്നാണ് പ്രതീക്ഷ. 2021-25 ബാച്ച് കംപ്യൂട്ടർ സയൻസ് വിദ്യാർഥിളും പദ്ധതിയുടെ സംഘാടകരുമായ ഡാർവിൻ സിബി, ഷോൺ ജോജി, അലൻ ബിജു എന്നിവർ എഡ്യുബോട്ട് എഐയുടെയുടെ പ്രവർത്തനരീതി പ്രദർശിപ്പിച്ചു. കംപ്യൂട്ടർ വിഭാഗം മേധാവി ബി. ദിവ്യ,എഐ ഡിപ്പാർട്ട്മെന്‍റ് മേധാവി ഡോ. മനോജ് വി. തോമസ് എന്നിവർ പ്രസംഗിച്ചു.

കളക്ടറുടെ ഉത്തരവ് മറികടന്ന് മാവിലമ്പാറയിൽ ചെങ്കൽ ഖനനത്തിന് ഉദ്യോഗസ്ഥ ഒത്താശയെന്ന്

ചപ്പാരപ്പടവ്: കളക്ടറുടെ ഉത്തരവും മറികടന്ന് മാവിലമ്പാറയിൽ ചെങ്കൽ ഖനനനത്തിന് ഉന്നതോദ്യഗസ്ഥർ ഒത്താശ ചെയ്യുകയാണെന്ന് ബാലേശുഗിരി ആക്ഷൻ കമ്മിറ്റി ഭാരവാഹികൾ ആരോപിച്ചു. ചെങ്ങളായി പഞ്ചായത്തിലെ മാവിലുന്പാറയിലെ ചെങ്കൽ ഖനനത്തിന്‍റെ ദുരിതം അനുഭവിക്കേണ്ടി വരുന്നത് ചപ്പാരപ്പടവ് പഞ്ചായത്തിലെ ബാലേശുഗിരിയിലെ ജനങ്ങളാണെന്ന് ആക്ഷൻ കമ്മിറ്റി ഭാരവാഹികൾ പറഞ്ഞു. മഴക്കാലത്ത് ചെങ്കൽപണയിൽ നിന്നുള്ള ചെളിവെള്ളം ഒഴുകി വരുന്നത് കുടിവെള്ള പ്രശ്നവും സൃഷ്ടിക്കുന്നുണ്ട്. ഇപ്പോൾ ദേവസ്വം ഭൂമി കൈയേറി ചെങ്കൽ ഖനനത്തിനുള്ള നീക്കം നടക്കുന്നുണ്ട്. ഉദ്യോഗസ്ഥരിൽ ചിലരുടെ പിന്തണയും ഇതിനുണ്ടെന്നും ആരോപണമുണ്ട്. കഴിഞ്ഞ ദിവസം ആക്ഷൻ കമ്മിറ്റിയും ചെങ്കൽ അസോസിയേഷൻ പ്രതിനിധികളും ചേർന്ന് യോഗതീരുമാനം എടുത്തത് അനുസരിച്ച് ഇന്നലെ സംയുക്തമായി സ്ഥലം സന്ദർശിച്ചു. ആക്ഷൻ കമ്മിറ്റി ചെയർമാനും ചപ്പാരപ്പടവ് പഞ്ചായത്ത് പ്രസിഡന്‍റുമായ സുനിജ ബാലകൃഷ്ണൻ, കൺവീനർ എ.എൻ. വിനോദ്, ചെങ്ങളായി പഞ്ചായത്തംഗം ശിവദാസൻ ആക്ഷൻ കമ്മിറ്റി ഭാരവാഹികൾ അസോസിയേഷൻ ഭാരവാഹികൾ എന്നിവരും ഇന്നലെ സ്ഥലം സന്ദർശിച്ചവരിൽ ഉണ്ടായിരുന്നു.

കന്യാസ്ത്രീകളുടെ അറസ്റ്റിൽ പ്രതിഷേധം

ചെമ്പേരി: ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് ചെമ്പേരി ലൂർദ് മാതാ ബസിലിക്ക പാരിഷ് കൗൺസിലിന്‍റെ ആഭിമുഖ്യത്തിൽ ചെമ്പേരി ടൗണിൽ പന്തം കൊളുത്തി പ്രതിഷേധറാലി നടത്തി. ബസിലിക്ക മൈതാനിയിൽ നിന്ന് ആരംഭിച്ച റാലി ബസ് സ്റ്റാൻഡ് ചുറ്റി തിരികെ ടൗണിലെത്തി സമാപിച്ചു. വിവിധ ഭക്തസംഘടനാ പ്രവർത്തകരും ഇടവകയിലെ വിശ്വാസികളുമടക്കം നൂറുകണക്കിനാളുകൾ പങ്കെടുത്തു. തുടർന്ന് ടൗണിൽ നടന്ന പ്രതിഷേധ സംഗമം ബസിലിക്ക റെക്ടർ റവ. ഡോ.ജോർജ് കാഞ്ഞിരക്കാട്ട് ഉദ്ഘാടനം ചെയ്തു. പാരിഷ് കോ-ഓർഡിനേറ്റർ സുനിൽ നായിപ്പുരയിടത്തിൽ, കത്തോലിക്ക കോൺഗ്രസ് ചെമ്പേരി യൂണിറ്റ് പ്രസിഡന്‍റ് ഷാജു വടക്കേൽ, വൈസ് പ്രസിഡന്‍റ് സ്കറിയ കളപ്പുര, ചെമ്പേരി എഫ്സി കോൺവെന്‍റ് മദർ സുപ്പീരിയർ സിസ്റ്റർ ആലീസ് എഫ്സിസി, സിസ്റ്റർ തേജസ് ഡിഎസ്ടി, എസ്എഫ്ഒ യൂണിറ്റ് പ്രസിഡന്‍റ് കുര്യാക്കോസ് പുതിയിടത്തുപറമ്പിൽ, മാതൃവേദി ചെമ്പേരി മേഖലാ പ്രസിഡന്‍റ് ഷീബ തെക്കേടത്ത് എന്നിവർ പ്രസംഗിച്ചു. ചെറുപുഴ: ചെറുപുഴ ബ്ലോക്ക്‌ കോൺഗ്രസ് കമ്മിറ്റിയുടെ നേതൃത്വത്തിൽ പ്രകടനവും പ്രതിഷേധ യോഗവും സംഘടിപ്പിച്ചു. ഡിസിസി ജനറൽ സെക്രട്ടറി രജിത്ത് നാറാത്ത് യോഗം ഉദ്ഘാടനം ചെയ്തു. ബ്ലോക്ക് കോൺഗ്രസ് വൈസ് പ്രസിഡന്‍റ് സലീം തേക്കാട്ടിൽ അധ്യക്ഷത വഹിച്ചു. ആലയിൽ ബാലകൃഷ്ണൻ, കെ.കെ. സുരേഷ്കുമാർ, വിജേഷ് ഉമ്മറപൊയിൽ, ടി.പി. ചന്ദ്രൻ, മനോജ് വടക്കേൽ, രവി പൊന്നംവയൽ, എ.കെ. രാജൻ തുടങ്ങിയവർ പ്രസംഗിച്ചു. തിരുമേനി: ഛത്തീസ്ഗഡിൽ കന്യാസ്ത്രീകളെ അറസ്റ്റ് ചെയ്തതിൽ പ്രതിഷേധിച്ച് വിവിധ സംഘടനകളുടെ നേതൃത്വത്തിൽ തിരുമേനിയിൽ പ്രതിഷേധം സംഘടിപ്പിച്ചു. തിരുമേനി ടൗണിൽ നടന്ന പ്രതിഷേധറാലിയും പ്രതിഷേധയോഗവും പി.പി. സിദിൻ ഉദ്ഘാടനം ചെയ്തു. ചെറുപുഴ പഞ്ചായത്ത് വൈസ് പ്രസിഡന്‍റ് റെജി പുളിക്കൽ അധ്യക്ഷത വഹിച്ചു. കെ.കെ. ജോയി, കെ.എസ്. അനിൽ, കെ.പി. ഗോപാലൻ, അന്നമ്മ കുര്യാക്കോസ് എന്നിവർ പ്രസംഗിച്ചു.

തദ്ദേശ തെരഞ്ഞെടുപ്പ്: ‌ഏഴുവരെ പേര് ചേർക്കാം

കണ്ണൂർ: തദ്ദേശ തെരഞ്ഞെടുപ്പിനുള്ള വോട്ടർപട്ടികയിൽ പേരില്ലാത്തവർക്ക് ഏഴ് വരെ പേര് ചേർക്കാൻ അവസരം. 2025 ജനുവരി ഒന്നിനോ അതിന് മുൻപോ 18 വയസ് പൂർത്തിയായവർക്ക് സംസ്ഥാന തെരഞ്ഞെടുപ്പ് കമ്മീഷന്‍റെ sec.kerala.gov.in എന്ന വെബ്‌സൈറ്റ് വഴി വോട്ടർപട്ടികയിൽ പേര് ചേർക്കാം. കരട് വോട്ടർപട്ടിക എല്ലാ തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്‍റെ വെബ് സൈറ്റിലും പരിശോധനയ്ക്ക് ലഭിക്കും.വോട്ടർപട്ടികയിൽ പുതുതായി പേരു ചേർക്കുന്നതിന് ഫോറം നാല്, അപേക്ഷ, ഉൾക്കുറിപ്പുകൾ തിരുത്തുന്നതിന് ഫോം ആറ്, സ്ഥാനമാറ്റം വരുത്തുന്നതിന് ഫോം ഏഴ് എന്നിവയാണ് കമ്മീഷന്‍റെ sec.kerala.gov.in എന്ന വെബ് സൈറ്റിൽനിന്ന് ഉപയോഗിക്കേണ്ടത്. ഓൺലൈനായി അപേക്ഷിച്ചുകഴിഞ്ഞാൽ ഹിയറിംഗിനുള്ള കംപ്യൂട്ടർ ജനറേറ്റഡ് നോട്ടീസ് ലഭിക്കും. നോട്ടീസിൽ പറഞ്ഞിട്ടുള്ള തീയതിയിൽ ആവശ്യമായ രേഖകൾ സഹിതം ഹീയറിംഗിന് നേരിട്ട് ഹാജരാകണം. വോട്ടർപട്ടികയിൽനിന്ന് പേര് ഒഴിവാക്കുന്നത് സംബന്ധിച്ച ആക്ഷേപങ്ങൾ ഫോം അഞ്ച് വഴി ഓൺലൈനായി രജിസ്റ്റർ ചെയ്യുകയും അതിന്‍റെ പ്രിന്‍റിൽ അപേക്ഷകനും ആ വാർഡിലെ ഒരു വോട്ടറും ഒപ്പിട്ട് നേരിട്ടോ തപാലിലൂടെയോ ഇലക്ടറൽ രജിസ്ട്രേഷൻ ഓഫീസർക്ക് സമർപ്പിക്കണം. ഓൺലൈൻ അല്ലാതെ നിർദ്ദിഷ്ട ഫോറത്തിൽ ഇലക്ടറൽ രജിസ്ട്രേഷൻ ഓഫീസർക്ക് (ഇആർഒ) നേരിട്ടും അപേക്ഷ സമർപ്പിക്കാം. പഞ്ചായത്തുകളിലും മുനിസിപ്പാലിറ്റികളിലും അതാത് സ്ഥാപനങ്ങളിലെ സെക്രട്ടറിമാരും കോർപ്പറേഷനുകളിൽ അഡീഷണൽ സെക്രട്ടറിയുമാണ് ഇആർഒ അപേക്ഷകളിലും ആക്ഷേപങ്ങളിലും ഇആർഒ സ്വീകരിക്കുന്ന നടപടിക്കെതിരെ തദേശസ്വയംഭരണവകുപ്പ് ജില്ലാ ജോയിന്‍റ് ഡയറക്ടർക്ക് അപ്പീൽ നൽകാം. ഉത്തരവ് തീയതി മുതൽ 15 ദിവസത്തിനകമാണ് അപ്പീൽ നൽകേണ്ടത്.

മടമ്പം-അലക്സ് നഗർ റോഡ് പുഴയിലേക്ക് ഇടിഞ്ഞു

മടമ്പം: കനത്ത മഴയിൽ മടമ്പം-അലക്സ് നഗർ റോഡിന്‍റെ ഭാഗം പുഴയിലേക്കിടിഞ്ഞു. മൂന്നു തവണയായാണ് ഇടിഞ്ഞത്. കടുതോടിക്കടവിലാണ് കഴിഞ്ഞ ദിവസം മണ്ണിടിഞ്ഞത്. നേരത്തെ ഇതിന് സമീപത്തെ രണ്ട് സ്ഥലങ്ങളിൽ മണ്ണിടിഞ്ഞിരുന്നു. 2020-ലെ പ്രളയ സമയത്താണ് ഈ ഭാഗം ആദ്യമായി പുഴയെടുത്തത്. അന്ന് അലക്സ്നഗർ കുരിശുപള്ളിക്കു സമീപത്തെ റോഡിന്‍റെ പകുതിയോളം പുഴയിലേക്കിടിഞ്ഞിരുന്നു. ഈ ഭാഗത്ത് സംരക്ഷണഭിത്തി ഒരുക്കിയപ്പോൾ ഇതിന് സമീപത്തുള്ള ഭാഗം പൊയ്യായിക്കരിയും പുഴയെടുത്തു. ഈ ഭാഗവും പിന്നീട് ഭിത്തി കെട്ടി ബലപ്പെടുത്തിയിരുന്നു. ഈ റോഡിലെ 200 മീറ്റർ ഭാഗത്തെ മൂന്നാമത്തെ സ്ഥലത്താണ് മണ്ണിടിഞ്ഞിരിക്കുന്നത്. മടമ്പത്ത് നിന്ന് അലക്സ് നഗർ, ഐച്ചേരി ഭാഗത്തേക്ക് പോകുന്ന ഈ റോഡിലൂടെ നിരവധി വാഹനങ്ങളാണ് ദിവസേന പോകുന്നത്. കാഞ്ഞിലേരി-അലക്സ് നഗർ പാലത്തിന്‍റെ നിർമാണം പൂർത്തിയായതിനാൽ ഇതുവഴിയുള്ള വാഹനങ്ങളുടെ എണ്ണവും വർധിച്ചിട്ടുണ്ട്. മറ്റ് അപകടങ്ങൾ ഉണ്ടാകുന്നതിന് മുൻപ് സംരഷണ ഭിത്തി ബലപ്പെടുത്തണമെന്നും ഈ റൂട്ടിലെ പുഴയോട് ചേർന്ന് കിടക്കുന്ന ഭാഗങ്ങളിൽ സംരക്ഷണഭിത്തി ഒരുക്കാൻ നടപടി വേണമെന്നും പ്രദേശവാസികൾ ആവശ്യപ്പെട്ടു.

ബോധവത്കരണ പരിപാടി സംഘടിപ്പിച്ചു

കൂത്തുപറമ്പ്: നിർമലഗിരി കോളജ് (ഓട്ടോണമസ്) വുമൺ സെല്ലിന്‍റെയും ഐക്യുഎസിയുടെയും സംയുക്താഭിമുഖ്യത്തിൽ മൂന്നാം വർഷ ബിരുദ വിദ്യാർഥികൾക്കായി ബോധവത്കരണ പരിപാടി നടത്തി. യുവതികളെ ആരോഗ്യകരമായ സ്ത്രീത്വത്തിലേക്ക് മാറാൻ സഹായിക്കുന്ന അറിവും ആത്മവിശ്വാസവും നൽകുന്ന പരിപാടിയിൽ 298 വിദ്യാർഥിനികൾ പങ്കെടുത്തു. പ്രമുഖ ഗൈനക്കോളജിസ്റ്റായ ഡോ. സിസ്റ്റർ റീന മാത്യു മുഖ്യാതിഥിയായിരുന്നു.അസ്വാഭാവിക ലൈംഗിക പെരുമാറ്റങ്ങൾ, വ്യക്തിശുചിത്വം, ആർത്തവ പ്രശ്നങ്ങൾ, പിസിഒഎസ്, എന്നിവയെക്കുറിച്ച് വിജ്ഞാനപ്രദമായ രീതിയിൽ സിസ്റ്റർ ഡോ. റീന ക്ലാസ് നയിച്ചു. കോളജ് പ്രിൻസിപ്പൽ സിസ്റ്റർ ഡോ.സെലിൻ മാത്യു അധ്യക്ഷത വഹിച്ചു. വുമൺ സെൽ കോ-ഓർഡിനേറ്റർ സിസ്റ്റർ ഡോ. സുജമോൾ ജോസഫ്, ഐക്യുഎസി കൺവീനർ ഡോ.റെൻസി കുര്യൻ,മൂന്നാം വർഷ സുവോളജി വിദ്യാർഥിനി കെ. ജിൻഷ എന്നിവർ പ്രസംഗിച്ചു

കാട്ടാന ആക്രമണം തടയാൻ മുൻകരുതൽ: പരിപ്പ്തോട്-കോട്ടപ്പാറ റോഡിൽ നിയന്ത്രണം

ഇരിട്ടി: ആറളംപുനരധിവാസ മേഖലയിൽ ഏറ്റവും കൂടുതൽ കാട്ടാനശല്യം നേരിടുന്ന ബ്ലോക്ക് 13ൽ ദുരന്തങ്ങൾ ഒഴിവാക്കുന്നതിന്‍റെ ഭാഗമായി അഞ്ചു കിലോമീറ്റർ ദൈർധ്യമുള്ള പരിപ്പ്തോട്-കോട്ടപ്പാറ റോഡിൽ ഗതാഗത നിയന്ത്രണം ഏർപ്പടുത്തിക്കൊണ്ട് കളക്ടർ ഉത്തരവിറക്കി. വൈകുന്നേരം അഞ്ചു മുതൽ രാവിലെ ഏഴുവരെ ഈ റോഡിൽ കൂടി യാത്ര നിരോധിച്ചു. ദുരന്ത നിവാരണ അധികാര പ്രകാരമാണ് ഉത്തരവ്. ആറളം പുനരധിവാസ മേഖലയിൽ പരിപ്പുതോട്, കോട്ടപ്പാറ മേഖലകളിൽ കാട്ടാനശല്യം അതിരൂക്ഷമാണെന്ന് കഴിഞ്ഞ മാസം 26ന് ചേർന്ന ജില്ലാതല സമതിയിൽ വനംവകുപ്പും 28 നു സ്പെഷ്യൽ ബ്രാഞ്ച് കണ്ണൂർ റൂറൽ ഡിവൈഎസ്‌പിയും റിപ്പോർട്ട് നൽകിയിരുന്നു. രണ്ടു മാസം മുന്പ് പുലർച്ചെ ജോലിക്കു പോയ ആദിവാസി ദന്പതികളെ ഈ റോഡിൽ വച്ച് കാട്ടാന ആക്രമിച്ചു പരിക്കേൽപ്പിച്ചതും സ്പെഷൽ ബ്രാഞ്ച് റിപ്പോർട്ടിൽ ചൂണ്ടിക്കാട്ടിയിരുന്നു. റിപ്പോർട്ടുകളുടെ അടിസ്ഥാനത്തിലാണ് നടപടി.ദുരന്തം ഉണ്ടാവാതിരിക്കാനും പ്രദേശവാസികളുടെ ജീവനും മുൻഗണന നൽകിയുമുള്ള ഉത്തരവ് വനം വകുപ്പ്, പോലീസ്, ആറളം ഫാം അധികൃതർ, ഐടിഡിപി എന്നിവർ സംയുക്തമായി കർശനമായി പാലിക്കണമെന്ന് നിർദേശിച്ചിട്ടുണ്ട്. രോഗാവസ്ഥ, മറ്റ് അടിയന്തിര സാഹചര്യങ്ങളിൽ പോലീസ് അനുമതിയോടെ മാത്രം യാത്ര അനുവദിക്കും. ആറളം ഫാമിലെ 11, 13 ബ്ലോക്ക്നിവാസികൾ ജോലിക്ക് പോകാനും മറ്റുമായി ഇരുചക്ര വാഹനങ്ങൾ ഉപയോഗിച്ചും നടന്നും പുലർച്ചെയും രാത്രിയും യാത്ര ചെയ്യുന്ന എളുപ്പ വഴിയാണിത്. ആനയെ തുരത്താതെ ജനങ്ങളെ നിയന്ത്രിക്കുന്നെന്ന് ആക്ഷേപം പുനരധിവാസ മേഖലയിലും ഫാമിലും നാശം വിതയ്ക്കുന്ന ആനകളെ നിയന്ത്രിക്കാതെ ഗതാഗതം നിരോധിച്ച് ജനങ്ങളെ ബുദ്ധിമുട്ടിക്കുന്നതാണെന്ന് ആരോപണം. നിലവിൽ രണ്ട് കുടുംബങ്ങളാണ് മേഖലയിൽ താമസിക്കുന്നത്. യാത്ര നിയന്ത്രണം ഏർപെടുത്തുമ്പോൾ ഈ രണ്ട് കുടുംബങ്ങൾ എന്തുചെയ്യും എന്ന ചോദ്യവും ഉയരുന്നുണ്ട്. ആനയുടെ ശല്യം കാരണം പല കുടുംബങ്ങളും വീടും സ്ഥലവും ഉപേക്ഷിച്ച് മറ്റു ബ്ലോക്കുകളിലെ ഒഴിഞ്ഞ വീടുകളിലേക്ക് താമസം മാറ്റിയിരിക്കുകയാണ്.

പന്തക്കലിൽ നിന്ന് 25 പവൻ കവർന്ന കേസ്; പ്രതിയെ ഇരിട്ടിയിൽ എത്തിച്ച് തെളിവെടുത്തു

ഇരിട്ടി: മാഹി പന്തക്കലിലെ വീട്ടിൽ നിന്ന് 25 പവൻ സ്വർണാഭരണം കവർന്ന കേസിലെ പ്രതിയെ പന്തക്കൽ പോലീസ് ഇരിട്ടിയിൽ എത്തിച്ച് തെളിവെടുപ്പ് നടത്തി. കവർച്ച ചെയ്ത സ്വർണത്തിന്‍റെ ഒരുഭാഗം ഇരിട്ടിയിലെ ഒരു സ്വകാര്യ ധനകാര്യ സ്ഥാപനത്തിൽ വിറ്റതായി കണ്ടെത്തിയതിനെ തുടർന്നാണ് പ്രതിയെ ഇരിട്ടിയിൽ എത്തിച്ച് തെളിവെടുത്തത്. ആറളം വെളിമാനത്തെ പി. ദിലീപ് എന്ന ചേട്ടൻ ബാവയെയാണ് തെളിവെടുപ്പിനായി എത്തിച്ചത്. ആറളം വെളിമാനം ഉന്നതിയിലെ പനച്ചിക്കൽ ഹൗസിൽ പി. ദിലീപ് എന്ന ചേട്ടൻ വാവയെയും ഭാര്യ ഹോം നഴ്‌സ് ഷൈനി, സഹോദരൻ പി. ദിനേശ് എന്ന അനിയൻ ബാവയെയും കഴിഞ്ഞദിവസം പോലീസ് അറസ്റ്റ് ചെയ്ത് റിമാൻഡ് ചെയ്‌തിരുന്നു. പി. ദിനേശനിൽ നിന്ന് 15 പവൻ സ്വർണാഭരണങ്ങൾ കണ്ടെത്തിയിരുന്നു. 10 പവൻ സ്വർണം കൂടി ഇനി കണ്ടെത്തേണ്ടതുണ്ട്. ഇത് കൊല്ലത്ത് വില്പന നടത്തിയെന്നാണ് പോലീസിന് ലഭിച്ച വിവരം.

കന്യാസ്ത്രീകളുടെ അറസ്റ്റിൽ പ്രതിഷേധം

ഇരിട്ടി: ഛത്തീസ്ഗഡിൽ കന്യാസ്ത്രീകളെ തുറങ്കിൽ അടച്ചതിൽ പ്രതിഷേധിച്ച് എകെസിസി മണിക്കടവ് ഫൊറോന പ്രതിഷേധ റാലിയും പൊതുസമ്മേളനവും സംഘടിപ്പിച്ചു. ഫാ. പയസ് പടിഞ്ഞാറേമുറിയിൽ മുഖ്യ പ്രഭാഷണം നടത്തി. എകെസിസി ഫൊറോനാ പ്രസിഡന്‍റ് ബിജു ഒറ്റപ്ലാക്കൽ അധ്യക്ഷത വഹിച്ചു. സിസിലി ബേബി, സിസ്റ്റർ ലിസ്ബിൻ എൻഎസ്, കുര്യാക്കോസ് മേക്കാട്ടുകുന്നേൽ എന്നിവർ പ്രസംഗിച്ചു. എടൂരിൽ സംയുക്ത സംഘടനകളുടെ നേതൃത്വത്തിൽ പ്രതിഷേധ റാലി എടൂർ സെന്‍റ് മേരീസ് ഫെറോനാ വികാരി ഫാ. തോമസ് വടക്കേമുറി ഉദ്ഘാടനം ചെയ്തു. പാരിഷ് കോ-ഓർഡിനേറ്റർ സി.ജെ. ജോസഫ്, ടിഎസ്എസ്എസ് പ്രസിഡന്‍റ് ജിമ്മി വട്ടംതൊട്ടിയിൽ, വൈഎംസിഎ പ്രസിഡന്‍റ് സാജു വാകാനിപ്പുഴ, എകെസിസി പ്രസിഡന്‍റ് തോമസ് തയ്യിൽ, മാതൃവേദി പ്രസിഡന്‍റ് ഷൈനി വെട്ടിയോലിൽ, മുക്തിശ്രീ പ്രസിഡന്‍റ് മേരി ആലക്കാമറ്റം, റെജി കൊടുംപുറം എന്നിവർ പ്രസംഗിച്ചു. കൂത്തുപറമ്പ്: നിർമലഗിരി സെന്‍റ് മേരീസ് പള്ളിയുടെ നേതൃത്വത്തിൽ കൂത്തുപറമ്പിൽ ഐക്യദാർഢ്യ പ്രതിഷേധ റാലിയും പൊതുയോഗവും നടത്തി. തൊക്കിലങ്ങാടി ക്രിസ്തുരാജ നി ആശുപത്രിയിൽ നിന്ന് ആരംഭിച്ച പ്രതിഷേധ റാലി കൂത്തുപറമ്പിലെ ക്രിസ്തുരാജ ദേവാലയത്തിൽ സമാപിച്ചു. പൊതുയോഗം തലശേരി അതിരൂപത വികാരി ജനറാൾ മോൺ. ആന്‍റണി മുതുകുന്നേൽ ഉദ്ഘാടനം ചെയ്തു. രാജ്യം ഭരിക്കുന്ന ബിജെപി സർക്കാർ വർഗീയ വിദ്വേഷം പുലർത്തുന്ന സംഘടനകളുടെ പിൻബലത്തിലാണ് ഭാരതത്തിലെ സാധാരണക്കാരായ ന്യൂനപക്ഷങ്ങൾക്കെതിരെ കേസെടുക്കുകയും ജയിലിൽ അടയ്ക്കുകയും ചെയ്യുന്നതെന്ന് അദ്ദേഹം പറഞ്ഞു. സെന്‍റ് മേരീസ് പള്ളി വികാരി റവ. ഡോ. തോമസ് കൊച്ചുകരോട്ട് അധ്യക്ഷത വഹിച്ചു. നിർമലഗിരി കോളജ് അഡ്വാൻസ്ഡ് സ്റ്റഡീസ് ഡയറക്ടർ റവ.ഡോ. ലൂക്കോസ് മാടശേരി മുഖ്യപ്രഭാഷണം നടത്തി. റാണി ജയ് ഹയർ സെക്കൻഡറി സ്കൂൾ പ്രിൻസിപ്പൽ സിസ്റ്റർ ഡോ. മേഴ്സി കുന്നത്തു പുരയിടം, ക്രിസ്തുരാജ ഇൻസ്റ്റിറ്റ്യൂഷൻസ് അഡ്മിനിസ്ട്രേറ്റർ സിസ്റ്റർ സിൻസി മരിയ, പാരിഷ് കോ-ഓർഡിനേറ്റർ ഡോ.ജോസ് മേലേട്ട് തടത്തിൽ, സിസ്റ്റർ ഡോ. റീന, സിസ്റ്റർ ഡോ. ലിൻസി ഫ്രാൻസിസ് എന്നിവർ പ്രസംഗിച്ചു. ഉളിക്കൽ: കത്തോലിക്ക കോൺഗ്രസ് നെല്ലിക്കാംപൊയിൽ മേഖലാ കമ്മിറ്റി നടത്തിയ പ്രതിഷേധ പരിപാടി ഫൊറോനാ വികാരി ഫാ. ജോസഫ് കാവനാടി ഉദ്ഘാടനം ചെയ്തു. തോമസ് വർഗീസ് അധ്യക്ഷത വഹിച്ചു. സിഎംസി കോൺവന്‍റ് പ്രൊവിൻഷ്യാൾ സിസ്റ്റർ ലിറ്റിൽ തെരെസ്, സ്കറിയ വലിയമറ്റം തുടങ്ങിയവർ പ്രസംഗിച്ചു. ഇരിട്ടി: ‍ഉളിക്കലിൽ കോൺഗ്രസ് നടത്തിയ പ്രതിഷേധ മാർച്ച് കെപിസിസി മെംബർ പി.സി. ഷാജി ഉദ്ഘാടനം നിർവഹിച്ചു, കെപിസിസി മെംബർ ചാക്കോ പാലക്കലോടി, ഡിസിസി ജനറൽ സെക്രട്ടറി ബേബി തോലാനി, ഇരിക്കൂർ ബ്ലോക്ക്‌ കോൺഗ്രസ് കമ്മറ്റി പ്രസിഡന്‍റ് എ.ജെ. ജോസഫ്, ദിലീപ് മാത്യു, പ്രിൻസ് പി, ജോർജ്, ടി.ഒ. മാത്യു, ജോസ് പൂമല, ടോമി ജോസഫ് , കുര്യാക്കോസ് മണിപ്പാടം എന്നിവർ പ്രസംഗിച്ചു. ഇരിട്ടിയിൽ എൽഡിഎഫിന്‍റെ നേതൃത്വത്തിൽ നടത്തിയ പ്രതിഷേധ പരിപാടി കെ. ശ്രീധരൻ ഉദ്ഘാടനം ചെയ്തു. സിപിഐ നേതാവ് ബാബുരാജ് പായം അധ്യക്ഷത വഹിച്ചു. സിപിഎം ഏരിയാ സെക്രട്ടറി കെ.വി. സക്കീർ ഹുസൈൻ, അജയൻ പായം, സി.വി.എം. വിജയൻ, അഷറഫ്, പി.പി. അശോകൻ എന്നിവർ പ്രസംഗിച്ചു. ഉളിക്കലിൽ കെ.ജീ ദിലീപ് ഉദ്ഘാടനം ചെയ്തു. പി.കെ. ശശി, ആർ സുജി എന്നിവർ പ്രസംഗിച്ചു. അങ്ങാടിക്കടവിൽ സി.വി. ശശീന്ദ്രൻ ഉദ്ഘാടനം ചെയ്തു. ഏബ്രഹാം വെട്ടിക്കൽ അധ്യക്ഷത വഹിച്ചു. കെ.ജെ. സജീവൻ, കെ. മോഹനൻ എന്നിവർ പ്രസംഗിച്ചു. എടൂരിൽ കെ.ടി. ജോസ് ഉദ്ഘാടനം ചെയ്തു. ബിപിൻ തോമസ് അധ്യക്ഷത വഹിച്ചു. ഇ.പി. രമേശൻ എന്നിവർ പ്രസംഗിച്ചു. കേളകം: എൽഡിഎഫിന്‍റെ നേതൃത്വത്തിൽ കേളകത്ത് പ്രതിഷേധ പ്രകടനവും പൊതുയോഗവും നടത്തി. പ്രകടനത്തിനു ശേഷം ടൗണിൽ നടന്ന പ്രതിഷേധയോഗം സിപിഎം ജില്ലാ സെക്രട്ടേറിയേറ്റംഗം പി. പുരുഷോത്തമൻ ഉദ്ഘാടനം ചെയ്തു. സിപിഐ മണ്ഡലം സെക്രട്ടറി ഷിജിത്ത് വായന്നൂർ അധ്യക്ഷത വഹിച്ചു. വിവിധ രാഷ്ട്രീയകക്ഷി നേതാക്കളായ സി.ടി. അനീഷ്, എ. പ്രദീപൻ, ജോർജ് മാത്യു, ബോബി, പി.ജെ. ജോണി, എം. രാജൻ എന്നിവർ പ്രസംഗിച്ചു. പ്രകടനത്തിന് തങ്കമ്മ സ്കറിയ, കെ.ജെ. ജോസഫ്, കെ.സി. ജോർജ്, വി. ഷാജി കെ.പി. ഷാജി എന്നിവർ നേതൃത്വം നൽകി. കൂത്തുപറമ്പ്: എൽഡിഎഫ് മണ്ഡലം കമ്മറ്റിയുടെ നേതൃത്വത്തിൽ കൂത്തുപറമ്പിൽ പ്രകടനവും പ്രതിഷേധയോഗവും സംഘടിപ്പിച്ചു. പാലത്തുംങ്കരയിൽ നിന്നും ആരംഭിച്ച പ്രകടനം ബസ് സ്റ്റാൻഡ്‌ പരിസരത്ത് സമാപിച്ചു. സിപിഎം ജില്ലാ കമ്മറ്റി അംഗം കെ. ധനഞ്ജയൻ ഉദ്ഘാടനം ചെയ്തു. സിപിഐ മണ്ഡലം സെക്രട്ടറി എം. വിനോദൻ അധ്യക്ഷത വഹിച്ചു. എം. സുകുമാരൻ, സി.വിജയൻ, എൻ. ധനഞ്ജയൻ, മാറോളി ശ്രീനിവസൻ, കെ. മുസ്തഫഹാജി എന്നിവർ പ്രസംഗിച്ചു. ടി.ബാലൻ, ടി. പവിത്രൻ, എൻ.കെ. ശ്രീനിവാസൻ, കെ.വി. രജീഷ്, പി. ജിതേഷ്, കെ. ബാബുരാജ് തുടങ്ങിയവർ നേതൃത്വം നൽകി. പേരാവൂർ: തൊണ്ടിയിൽ ടൗണിൽ കോൺഗ്രസ് മണ്ഡലം കമ്മറ്റിയുടെ നേതൃത്വത്തിൽ പ്രതിഷേധ പ്രകടനവും, യോഗവവും നടത്തി. പേരാവൂർ ബ്ലോക്ക് കോൺഗ്രസ്‌ പ്രസിഡന്‍റ് ജൂബിലി ചാക്കോ, മാത്യു തോമസ്, രാജു ജോസഫ്, നൂറുദ്ധീൻ മുള്ളേരിയ്ക്കൽ, ബാബു തുരുത്തി പള്ളിയിൽ ജോബി ജോസഫ്, ജിബിറ്റ് ജോബ്, ജയിംസ് അറയ്ക്കൽ, ശശീന്ദ്രൻ കിളിയത്തിൽ എന്നിവർ നേതൃത്വം നൽകി കേളകം: യൂത്ത് കോൺഗ്രസ് കേളകം, കണിച്ചാർ, കൊട്ടിയൂർ മണ്ഡലം കമ്മിറ്റികളുടെ നേതൃത്വത്തിൽ കേളകത്ത് പന്തം കൊളുത്തി പ്രകടനം നടത്തി. ജില്ലാ പ്രസിഡന്‍റ് വിജിൽ മോഹനൻ ഉദ്ഘാടനം ചെയ്തു. ജില്ല ജനറൽ സെക്രട്ടറിമാരായ വിപിൻ ജോസഫ്, ജിബിൻ ജയ്സൺ നിയോജക മണ്ഡലം പ്രസിഡന്‍റ് നിധിൻ നടുവനാട്, കെപിസിസിയംഗംലിസി ജോസഫ്, മണ്ഡലം പ്രസിഡന്‍റുമാരായ ടോണി വർഗീസ്, ആദർശ് തോമസ്, റെജിനോൾഡ് മൈക്കിൾ, കെഎസ്‌യു ജില്ല സെക്രട്ടറി എബിൻ പുന്നവേലിൽ എന്നിവർ പ്രസംഗിച്ചു. മട്ടന്നൂർ: മട്ടന്നൂരിൽ എൽഡിഎഫിന്‍റെ നേതൃത്വത്തിൽ പ്രതിഷേധിച്ചു. തലശേരി റോഡിൽ നിന്നാരംഭിച്ച പ്രകടനം നഗരം ചുറ്റി ബസ് സ്റ്റാൻഡ് പരിസരത്ത് സമാപിച്ചു. സി.എച്ച്. വത്സലൻ അധ്യക്ഷത വഹിച്ചു. എൻ.വി. ചന്ദ്ര ബാബു, എം. രതീഷ് എന്നിവർ പ്രസംഗിച്ചു. എൻ. ഷാജിത്ത്, എം. രാജൻ, മുണ്ടാണി പുരുഷോത്തമൻ, കെ.പി. രമേശൻ തുടങ്ങിയവർ നേതൃത്വം നൽകി. കണ്ണൂർ: എൽഡിഎഫിന്‍റെ നേതൃത്വത്തിൽ നഗരത്തിൽ പ്രതിഷേധ പ്രകടനവും പൊതുയോഗവും നടത്തി. തെക്കീബസാറിൽ നിന്ന് ആരംഭിച്ച പ്രകടനം കണ്ണൂർ പഴയ ബസ് സ്റ്റാൻഡിൽ സമാപിച്ചു. പൊതുയോഗം സിപിഎം ജില്ലാ സെക്രട്ടേറിയറ്റംഗം എൻ. സുകന്യ ഉദ്ഘാടനം ചെയ്തു. സി. രവീന്ദ്രൻ അധ്യക്ഷത വഹിച്ചു. എൽഡിഎഫ് നേതാക്കളായ കെ.പി. സുധാകരൻ, അഡ്വ. അജയകുമാർ, എം.പി. മുരളി, യു. ബാബുഗാപിനാഥ്, കെ. പ്രശാന്തൻ, അസ്‌ലം പിലാക്കൽ, ദിനേശൻ, രാഗേഷ് മന്ദന്പേത്ത് എന്നിവർ പ്രസംഗിച്ചു.

ആറളത്ത് 5.36 കോടിയുടെ റോഡ് നവീകരണത്തിന് ഭരണാനുമതി

ഇരിട്ടി: ആറളം ഫാം പുരധിവാസ മേഖലയിൽ വിവിധ ബ്ലോക്കുകളെ തമ്മിൽ ബന്ധിപ്പിക്കുന്ന 11 റോഡുകളുടെ നവീകരണ പ്രവൃത്തിക്ക് 5.36 കോടിയുടെ ഭരണാനുമതി ലഭിച്ചതായി സണ്ണിജോസഫ് എംഎൽഎ അറിയിച്ചു. പുനരധിവാസ മേഖലയുടെ അടിസ്ഥാന സൗകര്യ വികസനം ലക്ഷ്യമാക്കിയാണ് റോഡുകൾ നവീകരിക്കുന്നത്. 3000 ഏക്കറോളം വ്യാപിച്ചു കിടക്കുന്ന പുനരധിവാസ മേഖലയിൽ പ്രധാന റോഡുകൾക്ക് പുറമെ നിരവധി ചെറുറോഡുകളും ഉണ്ട്. ഇതിൽ ചിലതെങ്കിലും ടാറിങ്ങ് നടത്തിയെങ്കിലും കുറെ ഭാഗം നവീകരണം കാത്ത് കഴിയുകയാണ്. ബ്ലോക്ക് 11-ൽ കക്കുവപ്പാലം ചത്തുട്ടി റോഡിന്‍റെ (0.290 കി.മീ.) കോൺക്രീറ്റ് പാവ്‌മെന്‍റ് പ്രവൃത്തിക്ക് 15 ലക്ഷവും ബ്ലോക്ക് ഏഴിൽ കൈതക്കുന്ന് കേളൻമുക്ക് റോഡിൽ (0.40 കി. മീ) കൽവർട്ടും കോൺക്രീറ്റ് പാവ്‌മെന്‍റും 34 ലക്ഷവും വകയിരുത്തി. ചെമ്പൻമുക്ക് ബ്ലോക്ക് വയനാട് മേഖല കൈതത്തോട് റോഡ് (2.25 കി.മീ) 93.20 ലക്ഷവും ഏഴാം ബ്ലോക്കിൽ ഭഗവതിമുക്ക് പ്ലോട്ട് നമ്പർ ഏഴ് റോഡ് (0.414 കി.മീ) 16.90 ലക്ഷവും ബ്ലോക്ക് ഒമ്പതിൽ തമ്പായിമുക്ക് ഓട്ടോ വാസു കോർട്ട് റോഡ് (1.585 കി.മീ) 64.40 ലക്ഷവും അനുവദിച്ചു. പുരുഷുവിന്‍റെകട-കാട്ടിക്കുളം റോഡ് (0.75 കി.മീ) 30.70 ലക്ഷവും ബ്ലോക്ക് ഒന്പതിൽ കൈമക്കവല കാളികയം അങ്കണവാടി റോഡ് (1.01 കി.മീ) 41.30 ലക്ഷവും ബ്ലോക്ക് പത്തിൽ ട്രാൻസ്‌ഫോർമർമുക്ക് കോർട്ട് റോഡ് (0.265 കി.മീ) 10.90 ലക്ഷവും ഫോറസ്റ്റ് ഓഫീസ് ജനാർദ്ദനൻമുക്ക് റോഡിന് (1.36 കി.മീ) 60.30 ലക്ഷവും അനുവദിച്ചു. ബ്ലോക്ക് 11-ൽ വെള്ളിക്കവല ഗോഡൗൺ റോഡ് (0.71 കി.മീ) 29.00 ലക്ഷവും ബ്ലോക്ക് ഏഴിൽ എംആർഎസ് ബ്ലോക്ക് 10 കോടതിറോഡ് (1.7 കി.മീ) 90.50 ലക്ഷവും അനുവദിച്ചു. സാങ്കേതിക അനുമതി ലഭിച്ച് ടെൻഡർ നടപടി പൂർത്തിയാക്കുന്ന മുറയ്ക്ക് പ്രവർത്തി ആരംഭിക്കാൻ കഴിയുമെന്നും സണ്ണി ജോസഫ് എംഎൽഎ അറിയിച്ചു.

യുഡിഎഫ് ഇരിട്ടി നഗരസഭാ ഓഫീസ് മാർച്ചിൽ സംഘർഷം

ഇരിട്ടി: അശാസ്ത്രീയമായി വാർഡ് വിഭജിച്ചും വോട്ടർ പട്ടികയിൽ ക്രമക്കേട് നടത്തിയും തദ്ദേശ തെരഞ്ഞെടുപ്പ് അട്ടമറിക്കാൻ ഇരിട്ടി നഗരസഭയിലെ സിപിഎം - ഉദ്യോഗസ്ഥ കൂട്ടിക്കെട്ട് ശ്രമിക്കുന്നതായി ആരോപിച്ച് യുഡിഎഫ് നടത്തിയ നഗരസഭാ ഓഫീസ് മാർച്ചിൽ പോലീസും പ്രവർത്തകരും തമ്മിൽ ഉന്തും തള്ളും. ഓഫീസിന് മുന്നിലേക്ക് പ്രകടനമായി എത്തിയ പ്രവർത്തകർ പോലീസ് വലയം ഭേദിച്ച് ഗേറ്റ് തള്ളിത്തുറക്കാൻ നടത്തിയ ശ്രമം നേരിയ സംഘർഷത്തിനിടയാക്കി. മാർച്ച് മുസ്‌ലിം ലീഗ് ജില്ലാ പ്രസിഡന്‍റ് അബ്ദുൾ കരീം ചേലേരി ഉദ്ഘാടനം ചെയ്തു. മുസ്‌ലിം ലീഗ് നേതാവ് എം. മുഹമ്മദ് അധ്യക്ഷത വഹിച്ചു. കെപിസിസി അംഗം ചന്ദ്രൻ തില്ലങ്കേരി, ഡിസിസി സെക്രട്ടറി പി.കെ. ജനാർദനൻ, യുഡിഎഫ് നേതാക്കളായ ഇബ്രാഹിം മുണ്ടേരി, പി.എ. നസീർ, കെ.വി. രാമചന്ദ്രൻ, എം.പി. അബ്ദുൾ റഹ്മാൻ, സി.കെ. ശശീധരൻ, സി. അഷ്‌റഫ്, കെ. സുമേഷ്, നിഥിൻ നടുവനാട്, എം.എം. മജീദ്, സമീർ പുന്നാട്, പി.വി. മോഹനൻ പി.കെ. ബൾക്കീസ്, പി. കുട്ട്യപ്പ എന്നിവർ പ്രസംഗിച്ചു. യുഡിഎഫ് നേതാക്കൾ നഗരസഭാ സെക്രട്ടറിക്ക് പരാതി നൽകി.

തദ്ദേശ തെരഞ്ഞെടുപ്പ്: ‌ ഏഴുവരെ പേര് ചേർക്കാം

കണ്ണൂർ: തദ്ദേശ തെരഞ്ഞെടുപ്പിനുള്ള വോട്ടർപട്ടികയിൽ പേരില്ലാത്തവർക്ക് ഏഴ് വരെ പേര് ചേർക്കാൻ അവസരം. 2025 ജനുവരി ഒന്നിനോ അതിന് മുൻപോ 18 വയസ് പൂർത്തിയായവർക്ക് സംസ്ഥാന തെരഞ്ഞെടുപ്പ് കമ്മീഷന്‍റെ sec.kerala.gov.in എന്ന വെബ്‌സൈറ്റ് വഴി വോട്ടർപട്ടികയിൽ പേര് ചേർക്കാം. കരട് വോട്ടർപട്ടിക എല്ലാ തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്‍റെ വെബ് സൈറ്റിലും പരിശോധനയ്ക്ക് ലഭിക്കും. വോട്ടർപട്ടികയിൽ പുതുതായി പേരു ചേർക്കുന്നതിന് ഫോറം നാല്, അപേക്ഷ, ഉൾക്കുറിപ്പുകൾ തിരുത്തുന്നതിന് ഫോം ആറ്, സ്ഥാനമാറ്റം വരുത്തുന്നതിന് ഫോം ഏഴ് എന്നിവയാണ് കമ്മീഷന്‍റെ sec.kerala.gov.in എന്ന വെബ് സൈറ്റിൽനിന്ന് ഉപയോഗിക്കേണ്ടത്. ഓൺലൈനായി അപേക്ഷിച്ചുകഴിഞ്ഞാൽ ഹിയറിംഗിനുള്ള കമ്പ്യൂട്ടർ ജനറേറ്റഡ് നോട്ടീസ് ലഭിക്കും. നോട്ടീസിൽ പറഞ്ഞിട്ടുള്ള തീയതിയിൽ ആവശ്യമായ രേഖകൾ സഹിതം ഹീയറിംഗിന് നേരിട്ട് ഹാജരാകണം. വോട്ടർപട്ടികയിൽനിന്ന് പേര് ഒഴിവാക്കുന്നത് സംബന്ധിച്ച ആക്ഷേപങ്ങൾ ഫോം അഞ്ച് വഴി ഓൺലൈനായി രജിസ്റ്റർ ചെയ്യുകയും അതിന്‍റെ പ്രിന്‍റിൽ അപേക്ഷകനും ആ വാർഡിലെ ഒരു വോട്ടറും ഒപ്പിട്ട് നേരിട്ടോ തപാലിലൂടെയോ ഇലക്ടറൽ രജിസ്ട്രേഷൻ ഓഫീസർക്ക് സമർപ്പിക്കണം. ഓൺലൈൻ അല്ലാതെ നിർദ്ദിഷ്ട ഫോറത്തിൽ ഇലക്ടറൽ രജിസ്ട്രേഷൻ ഓഫീസർക്ക് (ഇആർഒ) നേരിട്ടും അപേക്ഷ സമർപ്പിക്കാം. പഞ്ചായത്തുകളിലും മുനിസിപ്പാലിറ്റികളിലും അതാത് സ്ഥാപനങ്ങളിലെ സെക്രട്ടറിമാരും കോർപ്പറേഷനുകളിൽ അഡീഷണൽ സെക്രട്ടറിയുമാണ് ഇആർഒ അപേക്ഷകളിലും ആക്ഷേപങ്ങളിലും ഇആർഒ സ്വീകരിക്കുന്ന നടപടിക്കെതിരെ തദേശസ്വയംഭരണവകുപ്പ് ജില്ലാ ജോയിന്‍റ് ഡയറക്ടർക്ക് അപ്പീൽ നൽകാം. ഉത്തരവ് തീയതി മുതൽ 15 ദിവസത്തിനകമാണ് അപ്പീൽ നൽകേണ്ടത്.

10 രൂപയ്ക്ക് മലബാറിൽ

പാലായിൽ നിന്ന് കൂത്താട്ടുകുളം വഴി ആലുവ വരെ ബസിൽ. അവിടെനിന്നും തീവണ്ടിയിൽ കണ്ണൂരിൽ.. ചെലവായ തുകയാകട്ടെ 10 രൂപ മാത്രമാണെന്നാണ് പാലാ രാമപുരത്തു നിന്ന് 1946 ൽ മധ്യതിരുവിതാംകൂറിൽനിന്ന് ചെന്പന്തൊട്ടിയിലെത്തിയ ഉറുമ്പുകാട്ടിൽ ജോസഫ് പറയുന്നത്. ആദ്യം കോഴിക്കോട് ജില്ലയിലെ മുക്കത്തും കണ്ണൂർ ജില്ലയിലെ തന്നെ മടമ്പത്തും കൃഷിക്കായുള്ള സ്ഥലം അന്വേഷിച്ചിരുന്നെങ്കിലും ഒടുവിൽ ഇന്നത്തെ ചെമ്പന്തൊട്ടി പ്രദേശത്ത് ഭൂമി കണ്ടെത്തുകയാണുണ്ടായത്. ഞങ്ങൾ വാങ്ങിയ സ്ഥലത്ത് കുടുംബസമേതം താമസം തുടങ്ങിയതിനൊപ്പം തന്നെ കാടുകൾ വെട്ടിത്തെളിച്ച് ഭൂമി കിളച്ചൊരുക്കി കരനെൽക്കൃഷിയും ആരംഭിച്ചിരുന്നു. ധാന്യവിള കളായ നെല്ല്, ചോളം, തുവര തുടങ്ങിയവ കൂടാതെ പ്രധാനമായി കപ്പയും കൃഷി ചെയ്തു. സ്ഥിരമായ സാമ്പത്തിക വരുമാനം നേടാനാണ് പിന്നീട് കുരുമുളക്, കശുമാവ്, തെങ്ങ്, കമുക്, റബർ എന്നീ നാണ്യവിളകളും കൃഷി ചെയ്തു തുടങ്ങിയത്. അന്ന് ബ്രിട്ടീഷ് ഭരണം നിലനിന്നിരുന്ന മലബാർ ജില്ലയിൽ ഉൾപ്പെട്ട നെടിയേങ്ങ, ചുഴലി, നടുവിൽ വില്ലേജുകളുടെ ഭാഗങ്ങൾ ചേർന്ന വിസ്തൃതമായ പ്രദേശമാണ് ഇന്നത്തെ ചെമ്പന്തൊട്ടിയായി മാറിയത്. കോറങ്ങോട് എന്നറിയപ്പെടുന്ന സ്ഥലത്തുള്ള തോടിനോട് ചേർന്നുള്ള ഭാഗത്തിന് ചെമ്പന്തൊട്ടിക്കരി എന്നാണ് പ്രദേശവാസികൾ അന്നു പറഞ്ഞിരുന്നത്. അതിൽനിന്ന് കുടിയേറ്റക്കാർ ചെമ്പന്തൊട്ടി മാത്രമായി പേര് സ്വീകരിക്കുകയാണുണ്ടായതെന്ന് കുട്ടിച്ചേട്ടൻ താനെഴുതിയ ചെമ്പന്തൊട്ടിയുടെ ചരിത്ര പുസ്തകത്തിൽ വിവരിക്കുന്നുണ്ട്. കുടിയേറ്റത്തിന്‍റെ ആദ്യകാലം മുതൽ തന്നെ കർഷകസമൂഹം തങ്ങളുടെ പ്രദേശത്ത് സഞ്ചാരയോഗ്യമായ റോഡുകൾ, പാലങ്ങൾ, ആരാധനാലയം, വിദ്യാലയം എന്നിവ സാധ്യമാക്കാനുള്ള തീവ്രശ്രമങ്ങൾ തുടർന്നിരുന്നു. ആദ്യകാലങ്ങളിൽ ക്രൈസ്തവരായ കുടിയേറ്റ ജനതയ്ക്ക് ഞായറാഴ്ച വിശുദ്ധ കുർബാനയിൽ സംബന്ധിക്കണമെങ്കിൽ ദീർഘദൂരം കാൽനടയായി സഞ്ചരിച്ച് മടമ്പം പള്ളിയിൽ എത്തണമായിരുന്നു. 1949 ൽ ഏറ്റവും അടുത്ത സ്ഥലമായ ചെമ്പേരിയിൽ പള്ളി ആരംഭിച്ചതോടെ അവിടേക്ക് പോയിത്തുടങ്ങി. 1953 ൽ ചെമ്പന്തൊട്ടിയിൽ പള്ളിക്കുവേണ്ടി കെട്ടിടം നിർമിച്ച് ഇടവകയും ആരംഭിച്ചു. ഇതിനിടെ ദീർഘകാലം താൻ പള്ളിയിലെ ശുശ്രൂഷിയായി സേവനം ചെയ്തിരുന്നതായും കുട്ടിച്ചേട്ടൻ പറഞ്ഞു. 1959 മുതൽ 62 വരെ ചെമ്പന്തൊട്ടി ഇടവകയിലെ വികാരിയായിരുന്ന ഫാ.ജോസഫ് കുന്നേലിന്‍റെ നേതൃത്വത്തിലാണ് ചെമ്പന്തൊട്ടിയിൽനിന്ന് ശ്രീകണ്ഠപുരം, ചുഴലി, പുറഞ്ഞാൺ എന്നിവിടങ്ങളിലേക്കുള്ള മൂന്ന് പ്രധാന റോഡുകളും യാഥാർഥ്യമായത്. 1951 ൽ ചെമ്പന്തൊട്ടിയിൽ ആദ്യമായി ഒരു കച്ചവട പീടികയും ആരംഭിച്ചിരുന്നു. ഇന്ന് കുടിയേറ്റക്കാരുടെ നാലാം തലമുറയിലേക്ക് കടക്കുമ്പോൾ എല്ലാ വിധ ആധുനിക സൗകര്യങ്ങളും ലഭ്യമാകുന്ന നാടായി ചെമ്പന്തൊട്ടി മാറിക്കഴിഞ്ഞു.

ഒരേക്കറിന് 100 രൂപ

ഒരേക്കറിന് നൂറു രൂപയായിരുന്നു സ്ഥലത്തിന്‍റെ വില. കൂടുതൽ സ്ഥലം വാങ്ങി കൃഷി ചെയ്യുക എന്ന ഉദ്ദേശത്തോടെയാണ് കുടുംബം കോട്ടയം ഏറ്റുമാനൂരിൽ നിന്ന് 1956 ൽ ഉദയഗിരിയിൽ എത്തിയതെന്നാണ് മുണ്ടയ്ക്കൽ ജോസ് പറയുന്നത്. ഒരു വർഷം കഴിഞ്ഞാണ് അമ്മ മറിയക്കുട്ടിയും ഞാനും സഹോദരി ഗ്രേസിയും മലബാറിലേക്ക് എത്തിയത്. ഉദയഗിരി എന്ന് അറിയപ്പെട്ടിരുന്നത് പാട്ടപ്പാറ പ്രദേശം എന്നാണ്. ഉദയഗിരിയുടെ സമീപം പുല്ലരിയിലാണ് സ്ഥലം വാങ്ങിയത്. കാട്ടാന ഉൾപ്പെടെയുള്ള വന്യമൃഗങ്ങൾ ഇവിടെയുണ്ടായിരുന്നു. ഈ മലമ്പ്രദേശത്തിന്‍റെ പല ഭാഗങ്ങളിലായി ആദിവാസി വിഭാഗത്തിൽപ്പെട്ടവർ കൂര കെട്ടി താമസിച്ചിരുന്നു. വന്യമൃഗങ്ങളെ തുരത്താൻ ഇവർ പ്രഗൽഭരായിരുന്നു. വാഹന സൗകര്യങ്ങൾ ഇല്ലാതിരുന്ന കാലത്ത് തളിപ്പറമ്പിൽനിന്ന് ഉദയഗിരിയിൽ എത്തണമെങ്കിൽ 50 കിലോമീറ്റർ അധികം കാൽനടയായിചുറ്റി സഞ്ചരിക്കണമായിരുന്നു. വീടുകളിലേക്ക് ആവശ്യമായ സാധനങ്ങൾ വാങ്ങാൻ 30 കിലോമീറ്റർ സഞ്ചരിച്ച് ചപ്പാരപ്പടവിൽ പോകേണ്ട കാലമുണ്ടായിരുന്നു. അക്കാലത്തെ പ്രധാന വരുമാനമാർഗം എരുമ വളർത്തലായിരുന്നു. കപ്പ, നെല്ല്, ഇഞ്ചി, കുരുമുളക്, തെരുവ് പുല്ല് എന്നിവയായിരുന്നു പ്രധാനമായും കൃഷി ചെയ്തിരുന്നത്. തെരുവപ്പുല്ലിന്‍റെ അരിക് അക്കാലത്ത് നല്ല പ്രിയമായിരുന്നു. അവ ശേഖ രിച്ച് കിലോമീറ്ററുകൾ സഞ്ചരിച്ച് തളിപ്പറമ്പിൽ ആയിരുന്നു വില്പന നടത്തിയിരുന്നത്. അങ്ങനെയാണ് ഞങ്ങൾ താമസിക്കുന്ന പ്രദേശം ഇന്നും പുല്ലരി എന്നറിയപ്പെടുന്നത്. മരവും മുളയും കൊണ്ട് വീടുണ്ടാക്കി, ഓടയില മെടഞ്ഞുണ്ടാക്കിയ ഓടപ്പായ കൊണ്ട് മേഞ്ഞു. ഇല്ലി ചതച്ചുണ്ടാക്കുന്ന ചെറ്റ (തൈതൽ) കൊണ്ട് മറയും വാതിലുമുണ്ടാക്കും. കിടക്കാൻ മുളം കുറ്റി നാട്ടി, തൈതൽ വിരിച്ച് സൗകര്യപ്പെടുത്തുകയായിരുന്നു. ഇങ്ങനെ ഉണ്ടാക്കുന്ന വീടുകൾ അന്ന് ചെറ്റമറ എന്നാണ് അറിയപ്പെട്ടിരുന്നത്. വൈദികരുടെ സാന്നിധ്യവും വെഞ്ചിരിപ്പും ഇല്ലാതിരുന്നപ്പോൾ അയൽക്കാർ എല്ലാം ചേർന്ന് പ്രാർഥിച്ച് താമസം തുടങ്ങിയായിരുന്നു പതിവ്. മഴക്കാലത്ത് ആറുമാസത്തോളം പുഴ കടക്കാനാകാതെ ഒറ്റപ്പെട്ടു കിടക്കുന്ന പ്രദേശമാണ് ഇവിടം. വിദ്യാഭ്യാസം നേടുന്നതിൽ സൗകര്യമില്ലായിരുന്ന കാലത്ത് അടിസ്ഥാന വിദ്യാഭ്യാസം ലഭിക്കുന്നത് വളരെ താമസിച്ചായിരുന്നു ഇവിടെ. സ്കൂളുകൾ അടുത്ത് ഇല്ലാത്തതും ദൂരസ്ഥലങ്ങളിലേക്ക് പുഴ കടന്നു പോകാൻ പാലമോ മറ്റു സൗകര്യങ്ങളോ ഇല്ലാത്തതും വന്യമൃഗങ്ങളുടെ ശല്യം കാരണവും വിദ്യാഭ്യാസം മുടങ്ങുന്നതിനു കാരണമായി. പിന്നീട് 7 ,8 ക്ലാസുകളിൽ പഠിച്ചിട്ടുള്ള കുട്ടികൾ അന്നത്തെ പാട്ടപ്പാറയിൽ അധ്യാപകരായി നടത്തിയ സ്കൂളിൽ ആയിരുന്നു ആദ്യപഠനം. ഈ സ്കൂളുകളെ നാട്ടു കാർ വിളിച്ചിരുന്നത് കള്ള പള്ളി ക്കൂടം എന്ന പേരിലായിരുന്നു. ആലക്കോട്, ഉദയഗിരി പ്രദേശത്തെ കുടിയേറ്റ ചരിത്രത്തിൽ അവസ്മരണീയമായ സ്ഥാനമാണ് ബിഷപ് മാർ സെബാസ്റ്റ്യൻ വള്ളോപ്പിള്ളി, പി.ആർ. രാമവർമ രാജ എന്നിവർക്കുള്ളത്.

കുർബാനയും വിശപ്പും

" തൊണ്ടി പള്ളിയിൽ വിശുദ്ധ കുർബാന കാണാൻ പോകുന്നതിന് രണ്ട് ഉദ്ദേശങ്ങളായിരുന്നു ഉണ്ടായിരുന്നത്. ആദ്യത്തേത് കുർബാനയിൽ പങ്കെടുക്കുക. രണ്ടാമത്തേത് തിരികെ പോരുന്ന വഴി ഏതെങ്കിലും പ്ലാവിൽനിന്ന് ചക്ക പറിക്കുക. പട്ടിണി മാറ്റാൻ അതേ വഴിയുള്ളൂ. കാപ്പാട് പഞ്ചായത്തിന്‍റെ ( ഇന്നത്തെ കേളകം, കൊട്ടിയൂർ, കണിച്ചാർ ) ആദ്യ പ്രസിഡന്‍റ് ജോർജുകുട്ടി മുക്കാടന്‍റെ ഓർമകളാണ്. 1930 മുതലാണ് തൊണ്ടിയിൽ തുടങ്ങി കൊട്ടിയൂർവരെയുള്ള പ്രദേശങ്ങളിൽ കുടിയേറ്റം ആരംഭിച്ചത്. കണിച്ചാർ -കേളകം, കൊട്ടിയൂർ പഞ്ചായത്തുകളിലെ ഭൂമി മണത്തണയിലെ നായർ തറവാടുകളിലെ അധീനതയിലായിരുന്നു. തിരുവിതാംകൂറിൽനിന്നും മലബാറിലേക്ക് കുടിയേറിയവരിൽ ഭൂരിഭാഗം ആളുകളും കൈയിൽ ഒന്നുമില്ലാതെയാണ് ഭാര്യയേയും മക്കളെയും കൂട്ടി ഇവിടെയൊക്കെ എത്തിയത്. കപ്പയും തെരുവയും മധുരക്കിഴങ്ങും ആയിരുന്നു ആദ്യകാലങ്ങളിലെ പ്രധാന കൃഷികൾ. മണത്തണ മുതൽ അമ്പായത്തോട് വരെയുള്ള റോഡ് നിർമാണം ഒറ്റ ദിവസം കൊണ്ട് പൂർത്തിയാക്കിയതാണ്. കൊട്ടിയൂർ കുടിയിറക്ക് വിരുദ്ധ സമരം കേരള ചരിത്രത്തിലെ തന്നെ പ്രധാനപ്പെട്ട സംഭവമാണ്. വടക്കൻ അച്ചനും വെല്ലിംഗ്ടണും എകെജിയും മുൻനിരയിൽ നിന്ന് നയിച്ച സമരം.കേരള ചരിത്രത്തോടൊപ്പം നിൽക്കും ഈ കുടിയേറ്റ ജനതയുടെ ഐതിഹാസികമായ പോരാട്ടവും. തൊണ്ടിയിലായിരുന്നു ആകെ ഒരു ആശുപത്രി ഉണ്ടായിരുന്നത്. വാഹന സൗകര്യം ഇല്ലാതിരുന്നാൽ രോഗികളെ എടുത്തുകൊണ്ടായിരുന്നു പോയിരുന്നത്. പഞ്ചായത്തിന്‍റെ നേതൃത്വത്തിൽ പ്രദേശത്തെ വായനശാലകൾക്ക് രോഗികളെ എടുത്തുകൊണ്ടു പോകാൻ ചുമടുതാങ്ങികൾ നൽകിയിരുന്നു. കുടിയേറ്റം എന്നത് ഒരു പോരാട്ടമാണ്. കൈയിൽ ഒന്നുമില്ലാത്തവൻ ജീവിക്കാൻ വേണ്ടി ഒരു പരിചയമില്ലാത്ത നാട്ടിൽ തങ്ങളുടെ മക്കളെയും ഭാര്യയേയും കൈപിടിച്ച് നടത്തിയ ധീരമായ പോരാട്ടം.

ഉസ്താദിന്‍റെ കാര്‍ കത്തിച്ചു; മുന്‍ ഉസ്താദിനെതിരേ കേസ്

കാസര്‍ഗോഡ്: മദ്രസയ്ക്കു മുന്നില്‍ നിര്‍ത്തിയിട്ടിരുന്ന ഉസ്താദിന്‍റെ കാര്‍ തീവച്ചുനശിപ്പിച്ചു. ചെങ്കള നെല്ലിക്കട്ടയിലെ പൈക്ക ജുമാമസ്ജിദ് കോമ്പൗണ്ടില്‍ നിര്‍ത്തിയിട്ടിരുന്ന കര്‍ണാടക മാഞ്ചി സ്വദേശി റാസ ബാഫഖി ഹൈതമി (32) ഉപയോഗിച്ചിരുന്ന 2012 മോഡല്‍ സ്വിഫ്റ്റ് ഡിസയര്‍ കാര്‍ ആണ് കത്തിനശിച്ചത്. അബ്ദുള്ള മംഗല്‍പാടിയുടെ ഉടമസ്ഥതയിലുള്ളതാണ് കാര്‍. വ്യാഴാഴ്ച പുലര്‍ച്ചെ 2.30ഓടെയാണ് സംഭവം. സമീപവാസികള്‍ വിവരമറിയിച്ചതിനെതുടര്‍ന്ന് കാസര്‍ഗോഡ് അഗ്നിരക്ഷാസേന സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ വി.എന്‍. വേണുഗോപാലിന്‍റെയും വി.എം. സതീഷിന്‍റെയും നേതൃത്വത്തില്‍ രണ്ടു യൂണിറ്റ് വാഹനം സംഭവസ്ഥലത്തെത്തി ഏറെ നീണ്ട പരിശ്രമത്തിനൊടുവില്‍ തീയണയ്ക്കുകയായിരുന്നു. കാറും കാറിലുണ്ടായിരുന്ന പാസ്‌പോര്‍ട്ട്, മറ്റ രേഖകളും പൂര്‍ണമായും കത്തിനശിച്ചു. എന്നാല്‍ കാറിനു സമീപത്തുണ്ടായിരുന്ന മസ്ജിദിന്‍റെ സ്‌കൂള്‍ബസിനും ബൈക്കിനും തീ പടരാതെ തടയാന്‍ സേനയ്ക്ക് കഴിഞ്ഞു. മുമ്പ് ഇവിടെ ഉസ്താദ് ആയി ജോലി ചെയ്തിരുന്ന അബൂബക്കറിനെ സംശയിക്കുന്നതായുള്ള ഹൈതമിയുടെ പരാതിയില്‍ അബൂബക്കറിനെതിരെ ബദിയഡുക്ക പോലീസ് കേസെടുത്തു. ഇദ്ദേഹത്തെ മുമ്പ് പള്ളികമ്മിറ്റി ജോലിയില്‍ നിന്നും പിരിച്ചുവിട്ടിരുന്നു. ഇതിന്‍റെ വിരോധമാകാം തീവയ്പിനു പിന്നിലെന്നു സംശയിക്കുന്നതായും പരാതിയില്‍ പറയുന്നു.

പയ്യന്നൂര്‍ സിപിഎമ്മിലെ വിഭാഗീയത: പാർട്ടി നടപടി ശാസനയിലൊതുക്കി

കണ്ണൂര്‍: പയ്യന്നൂര്‍ സിപിഎമ്മിലെ വിഭാഗീയതയുമായി ബന്ധപ്പെട്ട് നേതാക്കൾക്കെതിരെയുള്ള ന‌ടപടി ശാസനയിലും താക്കീതിലുമൊതുക്കി ജില്ലാ നേതൃത്വം. ജില്ലാ കമ്മിറ്റി നിയോഗിച്ച അന്വേഷണ കമ്മീഷൻ റിപ്പോർട്ടിന്‍റെ അടിസ്ഥാനത്തിൽ സംസ്ഥാന സെക്രട്ടറി എം.വി. ഗോവിന്ദൻ പങ്കെടുത്ത ഏരിയാ കമ്മിറ്റി യോഗത്തിലാണ് ജില്ലാ കമ്മിറ്റിയെടുത്ത നടപടി റിപ്പോർട്ട് ചെയ്തത്. തദ്ദേശസ്വയംഭരണ തെരഞ്ഞെടുപ്പ് മുന്നില്‍ക്കണ്ട് പലര്‍ക്കുമെതിരേയുള്ള നടപടികള്‍ ശാസനയില്‍ ഒതുക്കുകയായിരുന്നുവെന്നാണ് വിലയിരുത്തൽ. ഏരിയാ കമ്മിറ്റിയംഗം വി.കുഞ്ഞികൃഷ്ണന്‍, ജില്ലാ കമ്മിറ്റിയംഗം വി. നാരായണൻ, ഏരിയാ സെന്‍റർ അംഗം കെ.വിജീഷ്, നഗരസഭാ വൈസ് ചെയര്‍മാനും മുന്‍ ഏരിയ കമ്മിറ്റി‍യംഗവുമായ പി.വി. കുഞ്ഞപ്പന്‍, മുന്‍ ജില്ലാ കമ്മിറ്റിയംഗം സി.കൃഷ്ണന്‍ തുടങ്ങിയ നേതാക്കള്‍ അവശ്യമായ ജാഗ്രത കാണിച്ചില്ലെന്നാണ് അന്വേഷണ റിപ്പോർട്ടിൽ പറഞ്ഞിരുന്നത്. ഇതിൽ വി.കുഞ്ഞികൃഷ്ണനെ ശാസിക്കുകയും കെ.വിജീഷ്, പി.വി. കുഞ്ഞപ്പൻ എന്നിവരെ താക്കീത് ചെയ്യുകയും ചെയ്യും. വി.നാരായണനെയും വി. കുഞ്ഞികൃഷ്ണനെയും അവരുടെ തെറ്റുകൾ ബോധ്യപ്പെടുത്തും. ജാഗ്രതക്കുറവാണ് സി.കൃഷ്ണനെതിരേയുള്ള കുറ്റം. ഇത് രണ്ടാംവട്ടമാണ് കുഞ്ഞികൃഷ്ണനെതിരെയുള്ള നടപടിയുണ്ടാവുന്നത്. പയ്യന്നൂര്‍ റൂറല്‍ ബാങ്ക് കൂടിയ വിലയ്ക്ക് ഭൂമി വാങ്ങിയതിലൂടെ ലക്ഷങ്ങള്‍ നഷ്ടപ്പെടുത്തിയെന്ന ആരോപണമുയര്‍ന്നിരുന്നു. സംഭവത്തില്‍ ആവശ്യമായ ജാഗ്രത പുലര്‍ത്താന്‍ നേതൃത്വത്തിലുള്ളവര്‍ക്കായില്ലെന്നും അന്വേഷണ കമ്മീഷന് വ്യക്തമായ വിവരങ്ങള്‍ നല്‍കുന്നതില്‍ വീഴ്ച പറ്റിയതായും ചൂണ്ടിക്കാട്ടുന്നുണ്ട്. പയ്യന്നൂരിലെ വിഭാഗീയതക്ക് നേതൃത്വം കൊടുക്കുന്നവര്‍ അതില്‍നിന്നും പിന്മാറണമെന്നും ഒരുകാരണവശാലും വിഭാഗീയ പ്രവര്‍ത്തനം അനുവദിക്കില്ലെന്നും ജില്ലാ കമ്മിറ്റി കർശന മുന്നറിയിപ്പ് നൽകിയിട്ടുണ്ട്.

ഹൃദയാരാം സിൽവർ ജൂബിലി ആഘോഷം നാളെ

കണ്ണൂർ: തിരുഹൃദയ സന്യാസിനി സമൂഹത്തിന്‍റെ കീഴിലുള്ള ഹൃദയാരാം ഗ്രൂപ്പ് ഓഫ് മെന്‍റൽ ഹെൽത്ത് ഇൻസ്റ്റിറ്റ്യൂഷൻസ് സിൽവർ ജൂബിലി നിറവിൽ. ജൂബിലി ആഘോഷം നാളെ ഉച്ചകഴിഞ്ഞ് രണ്ടിന് ധർമശാല ലക്സോട്ടിക്ക ഇന്‍റർനാഷണൽ കൺവൻഷൻ സെന്‍ററിൽ മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്യും. തലശേരി ആർച്ച്ബിഷപ് മാർ ജോസഫ് പാംപ്ലാനി അധ്യക്ഷത വഹിക്കും. കോട്ടയം അതിരൂപത സഹായമെത്രാൻ മാർ ജോസഫ് പണ്ടാരശേരിൽ ജൂബിലി സുവനീർ പ്രകാശനം ചെയ്യും. എസ്എച്ച് കോൺഗ്രിഗേഷൻ സുപ്പീരിയർ ജനറൽ സിസ്റ്റർ ഉഷ മരിയ ആമുഖപ്രഭാഷണം നടത്തും. ഹൃദയാരാം കടന്നുവന്ന വഴികളെക്കുറിച്ച് ഹൃദയാരാം ഗ്രൂപ്പ് ഓഫ് ഇൻസ്റ്റിറ്റ്യൂഷന്‍സ് അസിസ്റ്റന്‍റ് ഡയറക്ടർ സിസ്റ്റർ ഡോ. ജാൻസി പോൾ എസ്എച്ച് വിശദീകരിക്കും. ജൂബിലിയോട‌‌‌‌‌നുബന്ധിച്ച് ആരംഭിക്കുന്ന പുതിയ സംരംഭങ്ങളായ പിജിഡിഎൽഡി, ലൈഫ് എലൈക്സർ, വിംഗ്സ് എന്നിവയുടെ ഉദ്ഘാടനം യഥാക്രമം കണ്ണൂർ യൂണിവേഴ്സിറ്റി വൈസ് ചാൻസലർ ഡോ. കെ.കെ.സാജു, കെ.വി. സുമേഷ് എംഎൽഎ, കണ്ണൂർ യൂണിവേഴ്സിറ്റി രജിസ്ട്രാർ ഡോ.ജോബി കെ. ജോസ് എന്നിവർ നിർവഹിക്കും. പരിപാടിയിൽ ആദരിക്കുന്ന വിവിധ വ്യക്തിത്വങ്ങളെ ഹൃദയാരാം കമ്യൂണിറ്റി കോളജ് പ്രിൻസിപ്പൽ ഡോ. സിസ്റ്റർ ജ്യോതിസ് പാലയ്ക്കൽ സദസിന് പരിചയപ്പെടുത്തും. ഹൃദയാരാം ഫൗണ്ടർ ഡയറക്ടറും എസ്എച്ച് കോൺഗ്രിഗേഷൻ പ്രൊവിൻഷ്യൽ സുപ്പീരിയറുമായ സിസ്റ്റർ ഡോ. ട്രീസ പാലയ്ക്കൽ എസ്എച്ച് പ്രഭാഷണം നടത്തും. സണ്ണി ജോസഫ് എംഎൽഎ, കേരള യൂണിവേഴ്സിറ്റി മുൻ പ്രൊ-വൈസ് ചാൻസലർ ഡോ. എൻ. വീരമണികണ്ഠൻ, തലശേരി അതിരൂപത വികാരി ജനറാൾ മോൺ. സെബാസ്റ്റ്യൻ പാലാക്കുഴി, കണ്ണൂർ രൂപത വികാരി ജനറാൾ മോൺ. ക്ലാരൻസ് പാലിയത്ത്, നാഷണൽ ഹെൽത്ത് മിഷൻ മുൻ ഡിപിഎം ഡോ. കെ.വി. ലതീഷ്, തളിപ്പറന്പ് സെന്‍റ് മേരീസ് ഫൊറോന വികാരി ഫാ. മാത്യു ആശാരിപറന്പിൽ, ഹെൽത്ത് കെയർ ആക്ടിവിറ്റീസ് ജനറൽ കൗൺസിലർ സിസ്റ്റർ ഡോ. ജോൺസി മരിയ എസ്എച്ച്, കണ്ണൂർ ഹോളി ഫാമിലി ചർച്ച് വികാരി ഫാ. മാത്യു നരിക്കുഴി, ഹെൽത്ത് കെയർ ആക്ടിവിറ്റീസ് പ്രൊവിൻഷ്യൽ കൗൺസിലർ സിസ്റ്റർ റെജി ജേക്കബ് എസ്എച്ച്, ദീപിക കണ്ണൂർ റസിഡന്‍റ് മാനേജർ ഫാ. ജോബിൻ വലിയപറന്പിൽ എന്നിവർ ആശംസകളർപ്പിക്കും. ഹൃദയാരാം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് ഡയറക്ടർ സിസ്റ്റർ ഡോ. റിൻസി അഗസ്റ്റിൻ സ്വാഗതവും ഹാർട്ട് (എച്ച്ഇആർടി) സെക്രട്ടറി സി.എ. അബ്ദുൾ ഗഫൂർ നന്ദിയും പറയും. തുടർന്ന് കലാപരിപാടികള്‌ അരങ്ങേറും. വേദനിക്കുന്ന മനസുകൾക്ക് ആശ്വാസമായി... രണ്ടായിരാമാണ്ടിൽ തലശേരി സെന്‍റ് ജോസഫ്സ് പ്രോവിൻസിന്‍റെ നേതൃത്വത്തിൽ കൗൺസിലിംഗ് സെന്‍ററിലൂടെയാണ് ഹൃദയാരാം പ്രവർത്തനമാരംഭിച്ചത്. നിലവിൽ കണ്ണൂരിന് പുറമെ ഇരിട്ടി, കൂടാളി, കർണാടകയിലെ നെല്ലിയാടി എന്നിവിടങ്ങളിലും ഹൃദയാരാമിന്‍റെ ശാഖകൾ പ്രവർത്തിക്കുന്നുണ്ട്. കാൽ നൂറ്റാണ്ടിനിടെ ജാതിമത-പ്രായ ഭേദമന്യേ വേദനിക്കുന്ന മനസുകൾക്ക് ആശ്വാസമാകാൻ ഹൃദയാരാമിന് സാധിച്ചു. മാനസിക പ്രശ്നങ്ങൾ മാനസികരോഗമായി തെറ്റിദ്ധരിക്കപ്പെട്ടിരുന്ന കാലത്ത് കൗൺസിലിംഗ്, സൈക്കോ തെറാപ്പി, പരിശിലീന പരിപാടികൾ, ബോധവത്കരണ ക്ലാസുകൾ, ട്രോമാ കെയർ എന്നിവയിലൂടെ പതിനായിരങ്ങളെ ജീവിതത്തിലേക്ക് കൈപിടിച്ച് തിരിച്ചെത്തിക്കാൻ 25 വർഷത്തെ പ്രവർത്തനത്തിലൂടെ ഹൃദയാരാമിന് കഴിഞ്ഞിട്ടുണ്ട്.

ചാലിൽ സെന്‍റ് പീറ്റേഴ്സ് ഇടവകയുടെ പള്ളിമേട തകർന്നു; വൈദികൻ അദ്ഭുതകരമായി രക്ഷപ്പെട്ടു

തലശേരി: ചാലിൽ സെന്‍റ് പീറ്റേഴ്സ് പള്ളിയുടെ പള്ളിമേട തകർന്നു. സംഭവസമയത്ത് മുറിയിലുണ്ടായിരുന്ന വൈദികൻ ഫാ. ജോസഫ് കൊറ്റിയത്ത് അദ്ഭുതകരമായി രക്ഷപ്പെട്ടു. ഇന്നലെ രാവിലെ 8.50 ഓടെയാണ് സംഭവം. സംഭവത്തെക്കുറിച്ച് ഫാ.ജോസഫ് പറയുന്നത് ഇങ്ങനെ; രാവിലെ വിശുദ്ധ കുർബാന അർപ്പിച്ച ശേഷം പ്രഭാത ഭക്ഷണം കഴിക്കുന്നതിന് മുന്നോടിയായി വസ്ത്രം മാറാൻ പള്ളിമേടയിൽ എത്തി. അപ്പോഴോണ് ശബ്ദം കേട്ടത്. നോക്കുന്പോൾ കെട്ടിടം ചെറുതായി ഇടിയുന്നത് ശ്രദ്ധയിൽപ്പെട്ടു. ഉടൻതന്നെ പുറത്തോട്ട് ഇറങ്ങുകയായിരുന്നു. ദൈവകൃപയാൽ പെട്ടെന്ന് ഇറങ്ങിയതിനാൽ ദുരന്തത്തിനിരയായില്ലെന്ന് ഫാ. ജോസഫ് പറഞ്ഞു. ഫാ. ജോസഫിന്‍റെ മുറിയും അതിഥികളുടെ ശുചിമുറിയും അടങ്ങിയ ഓട് മേഞ്ഞ ഇരുനില കെട്ടിടമാണ് തകർന്നു വീണത്. ഈ കെട്ടിടത്തോട് ചേർന്ന് സ്കൂളും പ്രവർത്തിക്കുന്നുണ്ട്. ചെറുപുഴ മടക്കാംപൊയിൽ സ്വദേശിയായ ഫാ. ജോസഫ് രണ്ട് മാസം മുന്പാണ് ചാലിൽ പള്ളിയിൽ ചുമതലയേറ്റത്. മുകൾ നിലയിലെ ശുചിമുറിയടക്കം തകർന്ന് കല്ലും മണ്ണും ഓടും വാരികളും താഴെ വീണതോടെ അടിയിലുള്ള സ്റ്റോർ മുറി, ജെ.ജെ. ലൈറ്റ് ആൻഡ് സൗണ്ട് മുറി, തൊട്ടടുത്ത മതിൽ എന്നിവ തകർന്നു അവശിഷ്ടങ്ങൾ റോഡിലേക്ക് പതിച്ചു. സെന്‍റ് പീറ്റേഴ്സ് സ്കൂൾ ഉൾപ്പെടെ പള്ളിയുടെ ചുറ്റുമതിലിനുള്ളിൽ പ്രവർത്തിക്കുന്നുണ്ടെങ്കിലും സ്കൂൾ പ്രവൃത്തി സമയമല്ലാത്തതിനാൽ മറ്റ് അപായങ്ങൾ സംഭവിച്ചില്ല. വിവരമറിഞ്ഞ് ഓടിയെത്തിയ പരിസരവാസികളും നാട്ടുകാരും പോലീസും അഗ്നിശമന സേനയും ചേർന്ന് രക്ഷാപ്രവർത്തനം നടത്തി. സ്പീക്കർ എ.എൻ. ഷംസീർ, നഗരസഭാ ചെയർ പേഴ്സൺ കെ.എം. ജമുനാ റാണി, വൈസ് ചെയർമാൻ എം.വി.ജയരാജൻ, വാർഡംഗം ഐറിൻ സ്റ്റീഫൻ, സമീപ വാർഡുകളിലെ കൗൺസിലർമാർ, വിവിധ രാഷ്‌ട്രീയ പാർട്ടി നേതാക്കൾ തുടങ്ങിയവർ സ്ഥലത്തെത്തിയിരുന്നു.

ചൂട്ടാട് മത്സ്യബന്ധന ബോട്ട് അപകടത്തിൽപ്പെട്ട് മത്സ്യത്തൊഴിലാളി മരിച്ചു

പഴയങ്ങാടി: പുതിയങ്ങാടി ചൂട്ടാട് അഴിമുഖത്ത് പുലിമുട്ടിന് സമീപം മത്സ്യബന്ധന ബോട്ട് അപകടത്തിൽപ്പെട്ട് മത്സ്യത്തൊഴിലാളി മരിച്ചു. പശ്ചിമ ബംഗാൾ സ്വദേശി റിയാജുൾ ഇസ്‌ലാമാണ്(35) (35) മരിച്ചത്. ചൂട്ടാട് പുലിമുട്ടിന് സമീപത്ത് നിന്ന് ഇന്നലെ രാവിലെ 10.50 തോടെയാണ് മൃതദേഹം കണ്ടെത്തിയത്. ഇന്നലെ രാവിലെ ഒന്പതോടെയാണ് ബോട്ട് അപകടത്തിൽപ്പെട്ടത്. ബോട്ടിൽ ഏഴ് തൊഴിലാളികളുണ്ടായിരുന്നു. മത്സ്യബന്ധനം കഴിഞ്ഞ് മടങ്ങിവരികയായിരുന്ന ബോട്ട് പുലിമുട്ടിന് സമീപമുള്ള മണൽത്തിട്ടയിൽ തട്ടി അബ്ദുൾ ഇസ്‌ലാം കടലിലേക്ക് തെറിച്ചുവീഴുകയായിരുന്നു. മറ്റ് മത്സ്യത്തൊഴിലാളികളും പഴയങ്ങാടി പോലീസും ഫയർഫോഴ്സും കോസ്റ്റൽ പോലിസും ചേർന്ന് നടത്തിയ തെരച്ചിലിലാണ് പുലിമുട്ടിന് സമീപത്ത് നിന്ന് മൃതദേഹം കണ്ടെത്തിയത്. മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളജ് മോർച്ചറിയിലേക്ക് മാറ്റി.

ഡ്രൈവര്‍ തൂങ്ങിമരിച്ച നിലയിൽ

തളിപ്പറമ്പ്: ഗുഡ്‌സ് കാരിയര്‍ ഡ്രൈവറെ തൂങ്ങിമരിച്ചനിലയിൽ കണ്ടെത്തി. ബക്കളം കാനൂല്‍ ചെഗുവേര ലക്ഷംവീട് കോളനിയിലെ അന്തിക്കാട്ട്പറമ്പില്‍ എ.കെ. വിജേഷിനെയാണ് (38) താമസിക്കുന്ന വീടിന്‍റെ വരാന്തയില്‍ സാരിയിൽ തൂങ്ങി മരിച്ചനിലയിൽ കണ്ടെത്തിയത്. അമിത മദ്യപാനം മൂലമുള്ള മാനസികവിഷമമാണ് മരണകാരണമെന്ന് പോലീസ് പറഞ്ഞു. പരേതനായ കുഞ്ഞപ്പ-കമല ദമ്പതികളുടെ മകനാണ്. ഭാര്യ: ദിവ്യ. മക്കള്‍: വൈഗ, വൈഷ്ണവ്. സഹോദരി: ബിന്ദു (കോഴിക്കോട്).

വീരാജ്പേട്ട ബേത്രി കാവേരി നദിയിൽ അജ്ഞാത മൃതദേഹം കണ്ടെത്തി

ഇരിട്ടി: വീരാജ്പേട്ട താലൂക്കിലെ കാവേരി നദിയുടെ ഭാഗമായ ബേത്രി പുഴയിൽ അജ്ഞാത മൃതദേഹം കണ്ടെത്തി. ബുധനാഴ്ച രാവിലെ നദി തീരത്തെത്തിയ പ്രദേശവാസി ദുർഗന്ധം വമിച്ചതിനെത്തുടർന്നു നടത്തിയ പരിശോധനയിലാണ് തലയില്ലാത്ത നിലയിൽ അഴുകിയ മൃതദേഹം കണ്ടെത്തിയത്. വിവരമറിയിച്ചതിനെത്തുടർന്ന് വീരാജ്പേട്ട റൂറൽ പോലീസ്‌ സ്റ്റേഷൻ ഓഫീസർ വാണിശ്രീയും സംഘവും സ്ഥലത്തെത്തി പരിശോധന നടത്തി. മുങ്ങൽ വിദഗ്ദനായ മട്ടപ്പയുടെ സഹായത്തോടെ മൃതദേഹം പുറത്തെടുത്ത് മടിക്കേരി സർക്കാർ ആശുപത്രി മോർച്ചറിയിലേക്ക് മാറ്റി. തലയില്ലാത്ത മൃതദേഹത്തിന് 15 -20 ദിവസം വരെ പഴക്കമുണ്ടാകുമെന്നും 35 -40 വയസ് പ്രായം തോന്നിക്കുന്നുണ്ടെന്നും പോലീസ് അറിയിച്ചു. കറുത്ത നിറത്തിലുള്ള പാന്‍റ്സും ചുവന്ന നിറത്തിലുള്ള ടീ ഷർട്ടുമാണ് ധരിച്ചിരിക്കുന്നത്. മരിച്ചയാളെക്കുറിച്ച് വല്ല വിവരവും ലഭിക്കുന്നവർ 9480804956 , 9480804952 എന്ന ഫോൺ നമ്പറിൽ വിവരം അറിയിക്കണമെന്ന് വീരാജ്പേട്ട പോലീസ് അറിയിച്ചു.

സ്നേഹവും കരുതലുമാണ് സുവിശേഷത്തിന്‍റെ അന്തസത്ത: മാർ ജോസഫ് പാംപ്ലാനി

ചെമ്പേരി: ദൈവത്തിന്‍റെ കരുണയും സ്നേഹവും കരുതലുമാണ് സുവിശേഷത്തിന്‍റെ അന്തസത്തയെന്നും കാലം ചെല്ലുംതോറും സുവിശേഷമൂല്യം വർധിക്കുകയാണെന്നും തലശേരി ആർച്ച്ബിഷപ് മാർ ജോസഫ് പാംപ്ലാനി. തലശേരി അതിരൂപതയിൽ പുതുതായി രൂപീകൃതമായ മിഷനറി സൊസൈറ്റി ഫോർ ദ മാർജിനലൈസ്ഡ് (എംഎസ്എം) എന്ന അപ്പസ്തോലിക ജീവിതസമർപ്പണ സമൂഹത്തിന്‍റെ പ്രഖ്യാപനം ചെമ്പേരി ലൂർദ് മാതാ ബസിലിക്കയിൽ നിർവഹിച്ച് സന്ദേശം നൽകുകയായിരന്നു ആർച്ച്ബിഷപ്. ഈശോയോടുള്ള സ്നേഹവും സുവിശേഷത്തോടുള്ള പ്രതിബദ്ധതയുമാണ് അവഗണിക്കപ്പെട്ടവരെ സമൂഹത്തെ മുഖ്യധാരയിലേക്ക് എത്തിക്കുകയെന്ന സേവന പ്രവൃത്തിയിലൂടെ മാതൃകയാകുന്നത്. എല്ലാ പാവപ്പെട്ടവരിലും കർത്താവിന്‍റെ തിരുമുഖം കാണാൻ കഴിയുന്നതാണ് ഈ സേവനത്തിന്‍റെ പുണ്യമെന്നും ആർച്ച്ബിഷപ് പറഞ്ഞു. ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ട് ആമുഖ പ്രഭാഷണം നടത്തി. അതിരൂപത വികാരി ജനറാൾ മോൺ.ആന്‍റണി മുതുകുന്നേൽ സഹകാർമികനായിരുന്നു. അതിരൂപത ചാൻസലർ ഫാ.ജോസഫ് മുട്ടത്തുകുന്നേൽ എംഎസ്എം പ്രഖ്യാപനത്തിന്‍റെ ഡിക്രി വായിച്ചു. എംഎസ്എം അപ്പസ്തോലിക ജീവിത സമൂഹത്തിൽ ആദ്യത്തെ അംഗത്വം സ്വീകരിച്ച ഫാ. സെബാസ്റ്റ്യൻ മണപ്പാത്തുപറമ്പിൽ അംഗത്വ വാഗ്ദാനം നടത്തി സഭാവസ്ത്രം സ്വീകരിച്ച ശേഷം സമൂഹത്തിന്‍റെ പ്രഥമ സെർവന്‍റ് ജനറലായി ചുമതലയേറ്റു. തുടർന്ന് സമൂഹത്തിൽ സേവന സന്നദ്ധരായ പന്ത്രണ്ട് പ്രേഷിതർകൂടി അംഗത്വ വാഗ്ദാനം നടത്തി സഭാവസ്ത്രം സ്വീകരിച്ചു. തിരുക്കർമങ്ങൾക്കും വിശുദ്ധ കുർബാനയ്ക്കും ശേഷം എംഎസ്എം പ്രഥമ സെർവന്‍റ് ജനറൽ ഫാ. സെബാസ്റ്റ്യൻ മണപ്പാത്തുപറമ്പിൽ നന്ദി പറഞ്ഞു. സ്നേഹവിരുന്നും നടന്നു. തലശേരി അതിരൂപതയിലെ വിവിധ ഇടവകകളിൽനിന്നുള്ള വൈദികർ, സന്യസ്തർ, അൽമായർ എന്നിവരും കേരളത്തിലും ഇതര സംസ്ഥാനങ്ങളിലും സേവനം ചെയ്തുവരുന്ന ആകാശപ്പറവകളുടെ കൂട്ടുകാരുടെ സമൂഹത്തിൽ നിന്നുളള പ്രതിനിധികളും ചടങ്ങിൽ പങ്കെടുക്കാൻ എത്തിയിരുന്നു. മൂന്ന് പതിറ്റാണ്ടുകൾക്ക് മുമ്പ് ഫാ. ജോർജ് കുറ്റിക്കലിന്‍റെ നേതൃത്വത്തിൽ ആരംഭിച്ച ആകാശപ്പറവകളുടെ കൂട്ടുകാരുടേയും കോട്ടയം കേന്ദ്രമാക്കി കുട്ടികൾക്ക് വേണ്ടി ജീവകാരുണ്യ പ്രവർത്തനങ്ങൾ നടത്തിവരുന്ന തെരേസ്യൻ ചാരിറ്റബിൾ ട്രസ്റ്റിന്‍റെയും പ്രേഷിതരെ സംയോജിപ്പിച്ചാണ് സീറോ മലബാർ സഭ തലശേരി അതിരൂപതയിൽ മിഷനറി സൊസൈറ്റി ഫോർ ദ മാർജിനലൈസ്ഡ് (എംഎസ്എം) എന്ന പേരിൽ അപ്പസ്തോലിക ജീവിത സമർപ്പണസമൂഹത്തിന് രൂപം നൽകിയിട്ടുള്ളത്. പാർശ്വവത്കരിക്കപ്പെട്ടവർക്കായുള്ള‌ ശുശ്രൂഷയാണ് ലക്ഷ്യം പാർശ്വവത്കരിക്കപ്പെട്ടവരെ പുനരധിവസിപ്പിക്കുകയും അവർക്കായി ശുശ്രൂഷ ചെയ്യുകയുമാണ് അപ്പസ്തോലിക് ജീവിത സമൂഹത്തിലൂടെ നടപ്പിലാക്കുന്നത്. ഇതുവഴി ഇന്ത്യയിലെന്പാടും ശുശ്രൂഷ ചെയ്യാൻ സാധിക്കും. ഇന്ത്യയുടെ പല ഭാഗങ്ങളിലും പ്രേഷിതപ്രവർത്തനം ചെയ്യുന്നവരാണ് ഒന്നിക്കുന്നത്. ആരുമില്ലാത്ത കുട്ടികൾക്ക് നല്ല വിദ്യാഭ്യാസം നൽകി അവരെ ഉത്തമരായ പൗരന്മാരായി വളർത്തുവാൻ ശ്രദ്ധിക്കും. -ഫാ. സെബാസ്റ്റ്യൻ മണപ്പാത്തുപറന്പിൽ, സെർവന്‍റ് ജനറൽ

പോക്‌സോ കേസിൽ പ്രതിക്ക് 57 വർഷം തടവ്

മട്ടന്നൂർ: ഭിന്നശേഷിക്കാരിയായ പെൺകുട്ടിയെ പീഡിപ്പിച്ച കേസിലെ പ്രതിക്ക് 57 വർഷം തടവും 1,30,000 രൂപ പിഴയും ശിക്ഷ. പെൺകുട്ടിയുടെ ബന്ധുവിനെയാണ് മട്ടന്നൂർ പോക്‌സോ അതിവേഗ കോടതി ജഡ്ജി അനിറ്റ് ജോസഫ് ശിക്ഷിച്ചത്. 2023ൽ മട്ടന്നൂർ സ്റ്റേഷൻ പരിധിയിലായിരുന്നു സംഭവം. എസ്‌ഐ യു.കെ. ജിതിനാണ് കേസ് രജിസ്റ്റർ ചെയ്തത്. ഇൻസ്‌പെക്ടർ കെ.വി.പ്രമോദൻ അന്വേഷണം പൂർത്തിയാക്കി കുറ്റപത്രം സമർപ്പിച്ചു. പ്രോസിക്യൂഷന് വേണ്ടി സ്‌പെഷ്യൽ പബ്ലിക് പ്രോസിക്യൂട്ടർ പി.വി.ഷീന ഹാജരായി.

രണ്ടു മക്കളുമായി യുവതി കിണറ്റിൽ ചാടി; ഒരു കുട്ടിയുടെ നില ഗുരുതരം

പഴയങ്ങാടി: ചെറുതാഴം ശ്രീസ്ഥയിൽ രണ്ടു മക്കളെയുമെടുത്ത് യുവതി കിണറ്റിൽ ചാടി. യുവതിയെയും കുട്ടികളെയും അഗ്നിരക്ഷാസേനയും പോലീസും നാട്ടുകാരും ചേർന്ന് പുറത്തെടുത്തെങ്കിലും ഒരു കുട്ടി അതീവഗുരുതരാവസ്ഥയിലാണ്. ഇന്നലെ ഉച്ചയോടെയാണ് സംഭവം. കണ്ണപുരം കീഴറ സ്വദേശിനി ധനഞ്ജയയാണ് (30) മക്കളായ ധ്യാൻ കൃഷ്ണ (ആറ്), ദേവിക (നാല്) എന്നിവരെയെടുത്ത് ഭർത്താവിന്‍റെ ശ്രീസ്ഥയിലെ വീടിനു സമീപത്തെ കിണറ്റിൽ ചാടിയത്. കുട്ടികളെ കാണാത്തതിനെ തുടർന്ന് ബന്ധുക്കൾ നടത്തിയ തെരച്ചിലിലാണ് കിണറ്റിൽ ചാടിയ വിവരം അറിയുന്നത്. മൂവരെയും കിണറ്റിൽനിന്ന് രക്ഷിച്ച് കണ്ണൂർ ഗവ. മെഡിക്കൽ കോളജിലെത്തിക്കുകയായിരുന്നു. ധ്യാൻകൃഷ്ണയാണ് അത്യാസന്നനിലയിൽ കഴിയുന്നത്. ഗാർഹിക പീഡനമാണ് ആത്മഹത്യാശ്രമത്തിന് കാരണമെന്ന് പറയപ്പെടുന്നു. കുറച്ച് ദിവസം മുന്പ് യുവതി ഇക്കാര്യം ചൂണ്ടിക്കാണിച്ച് പരിയാരം പോലീസിൽ പരാതി നൽകിയിരുന്നു. തുടർന്ന് പോലീസ് ഇരുവീട്ടുകാരുമായി ചർച്ചയിൽ സമവായത്തിലെത്തിയ ശേഷമാണ് ധനഞ്ജയ ഭർതൃവീട്ടിലേക്ക് തിരിച്ചുപോയതെന്നും പറയുന്നു.

ഭൂരിപക്ഷ സ്വാധീനം ഉപയോഗിച്ചുള്ള ഭരണഘടനാ ലംഘനം അംഗീകരിക്കാനാകില്ല: മാർ പാംപ്ലാനി

കരുവഞ്ചാൽ: ഭൂരിപക്ഷ സ്വാധീനം ഉപയോഗിച്ച് അധികാരശക്തികൾ തിരുവസ്ത്രം അണിഞ്ഞവരുടെ യാത്രാസ്വാതന്ത്ര്യവും സ്വതന്ത്രമായി ജോലി ചെയ്യാനുള്ള അവകാശവും തടയുന്നത് മതേതരത്വ ജനാധിപത്യ മൂല്യങ്ങളുടെ ധ്വംസനമാണെന്നും ഇത് അംഗീകരിക്കാനാകില്ലെന്നും തലശേരി ആർച്ച്ബിഷപ് മാർ ജോസഫ് പാംപ്ലാനി. ഛത്തീസ്ഗഡിൽ മലയാളികളായ കന്യാസ്ത്രീകളെ അന്യായമായി അറസ്റ്റ് ചെയ്തതിൽ പ്രതിഷേധിച്ച് കത്തോലിക്കാ കോൺഗ്രസ് വായാട്ടുപറമ്പ് ഫൊറോനയുടെ നേതൃത്വത്തിൽ കരുവഞ്ചാലിൽ നടത്തിയ പ്രതിഷേധ പൊതുസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ആർച്ച്ബിഷപ്. സഭയ്ക്ക് രാഷ്‌ട്രീയം വിഷയമല്ല. എല്ലാ ഭാരതീയരും സഹോദരി സഹോദരന്മാരാണ് എന്ന് ഭരണഘടന പറയുന്നുണ്ടെങ്കിലും ചിലർ ക്രൈസ്തവരെ ശത്രുക്കളായാണ് കാണുന്നത്. ഇത്തരം സമീപനങ്ങൾ അപകടത്തിലേക്കാണ് കൊണ്ടുപോകുന്നത്. കുഷ്ഠരോഗികൾക്ക് വേണ്ടി ജീവിതം സമർപ്പിച്ച കന്യാസ്ത്രീകളെയാണ് രാജ്യദ്രോഹികളായി ചിത്രീകരിച്ച് ജയിലിലാക്കിയിരിക്കുന്നത്. ഇഷ്ടമുള്ള മതത്തെ സ്വീകരിക്കാനുള്ള അവകാശം ചോദ്യം ചെയ്യുന്ന മതപരിവർത്തന നിരോധനനിയമം നടപ്പാക്കാനുള്ള നടപടി അപലപനീയമാണ്. ഭരണകർത്താക്കളുടെ കീഴിൽ പ്രവർത്തിക്കുന്ന പോലീസാണ് മനുഷ്യക്കടത്ത് ആരോപിച്ച് കന്യാസ്ത്രീകളെ അറസ്റ്റ് ചെയ്ത് അന്യായമായി തടങ്കലിലാക്കിയതെന്നും ആർച്ച്ബിഷപ് മാർ ജോസഫ് പാംപ്ലാനി പറഞ്ഞു.ഫൊറോന വികാരി റവ. ഡോ തോമസ് തെങ്ങുംപള്ളിൽ അധ്യക്ഷത വഹിച്ചു. നടുവിൽ പഞ്ചായത്ത് പ്രസിഡന്‍റ് ബേബി ഓടംപള്ളി മുഖ്യപ്രഭാഷണം നടത്തി. കത്തോലിക്കാ കോൺഗ്രസ് അതിരൂപത പ്രസിഡന്‍റ് ഫിലിപ്പ് വെളിയത്ത്, ജയിംസ് പുത്തൻപുര, ജിമ്മി ആയിത്തമറ്റം, ടോമി കണയാങ്കൽ, ഫൊറോന ഡയറക്ടർ ഫാ. സെബാസ്റ്റ്യൻ പുതുപ്പള്ളി, ബിനോയ് തോമസ്, സുരേഷ് കാഞ്ഞിരത്തിങ്കൽ, ജയ്സൺ അട്ടാറിമാക്കൽ എന്നിവർ പ്രസംഗിച്ചു. പൊതുസമ്മേളനത്തിന് മുന്നോടിയായി കരുവഞ്ചാൽ പെട്രോൾ പമ്പിന് സമീപത്തുനിന്ന് ആരംഭിച്ച പ്രതിഷേധ പ്രകടനത്തിൽ വൈദികരും കന്യാസ്ത്രീകളും അല്മായരും ഉൾപ്പെടെ നൂറുകണക്കിനാളുകൾ പങ്കെടുത്തു.

കന്യാസ്ത്രീകളുടെ അറസ്റ്റിൽ പ്രതിഷേധം

പേരാവൂർ: ഛത്തീസ്ഗഡിൽ കന്യാസ്ത്രീകളെ അറസ്റ്റ്ചെയ്തതിൽ പ്രതിഷേധിച്ച് പേരാവൂർ ഫൊറോന കൗൺസിലിന്‍റെയും പേരാവൂർ മേഖല കത്തോലിക്ക കോൺഗ്രസിന്‍റെയും വിവിധ സംഘടനകളുടെയും സംയുക്ത ആഭിമുഖ്യത്തിൽ പ്രതിഷേധ പ്രകടനവും പൊതുയോഗവും നടത്തി. പ്രതിഷേധ പ്രകടനം ഫാ. മാത്യു തെക്കേമുറി ഉദ്ഘാടനം ചെയ്തു. കത്തോലിക്ക കോൺഗ്രസ് പേരാവൂർ മേഖലാ പ്രസിഡന്‍റ് ജോർജ് കാനാട്ട് അധ്യക്ഷത വഹിച്ചു. റവ. ഡോ. ഫിലിപ്പ് കവിയിൽ മുഖ്യ പ്രഭാഷണം നടത്തി, ഫാ. തോമസ് പട്ടാംകുളം , സിസ്റ്റർ ട്രീസ പാലക്കൽ, ജോണി തോമസ് വടക്കേക്കര, ടോസിൻ ബോബൻ, ജോൺസൺ പൊട്ടങ്കൽ,ഒ മാത്യു എന്നിവർ പ്രസംഗിച്ചു. ഇരിട്ടി: നിരപരാധികളായ കന്യാസ്ത്രീകളെ അറസ്റ്റ് ചെയ്തു ജയിലിൽ അടച്ച ഛത്തീസ്ഗഡ് പോലീസിന്‍റെ നടപടിയിൽ തലശേരി രൂപതയിലെ വിവിധ ഇടവകകളിൽ പ്രതിഷേധം സംഘടിപ്പിച്ചു. മണിപ്പാറ സെന്‍റ് മേരീസ് പള്ളിയിൽ മണിക്കടവ് മാതൃവേദി നടത്തിയ പ്രതിഷേധം ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ട് നേതൃത്വം നൽകി. ഫാ. ജോബി കോവാട്ട്, ഫാ. പയസ് പടിഞ്ഞാറേമുറിയിൽ, ഫാ. ജയിംസ് കുരിശുമൂട്ടിൽ, ഫാ. ജോർജ് ചാലിൽ,സിസ്റ്റർ ലിൻഡ, സിസിലി ബേബി, ലില്ലി ബെന്നി എന്നിവർ പങ്കെടുത്തു. കച്ചേരിക്കടവ് ഇടവകയിൽ ജോർജിയൻസ് മാതൃവേദിയുടെ ആഭിമുഖ്യത്തിൽ വായ് മൂടിക്കെട്ടി പ്രതിഷേധിച്ച് ഐക്യദാർഢ്യം പ്രകടിപ്പിച്ചു. പള്ളിമുറ്റത്ത് നടത്തിയ പ്രതിഷേധ പരിപാടി ഇടവക വികാരി ഫാ. മാത്യു പൊട്ടംപ്ലാക്കലും മാതൃവേദി ഭാരവാഹികളും നേതൃത്വം നൽകി. ആനപ്പന്തി കരുണാമയനായ ഈശോയുടെ ഇടവകയിലെ സമർപ്പിതരും ഇടവകാംഗങ്ങളും പ്രതിഷേധിച്ചു. പള്ളിമുറ്റത്ത് നടത്തിയ വായ് മൂടിക്കെട്ടി നടത്തിയ പ്രതിഷേധം സിസ്റ്റർ നാൻസി എസ്എബിഎസ് ഉദ്ഘാടനം ചെയ്തു. ഫാ. ബിജു തേലക്കാട് നേതൃത്വം നൽകി. കോൺഗ്രസ് ആറളം, കീഴപള്ളി മണ്ഡലം കമ്മറ്റികളുടെ നേതൃത്വത്തിൽ എടൂരിൽ പ്രതിഷേധ പ്രകടനവും പൊതുയോഗവും നടത്തി. ബ്ലോക്ക് പഞ്ചായത്ത് പ്രസിഡന്‍റ് കെ. വേലായുധൻ , ഡിസിസി സെക്രട്ടറി വി.ടി. തോമസ്, മുൻ പഞ്ചായത്ത് പ്രസിഡന്‍റ് സി.വി. ജോസഫ് , മണ്ഡലം പ്രസിഡന്‍റുമാരായ ജോഷി പാലമറ്റം, ജിമ്മി അന്തീനാട്ട് എന്നിവർ പ്രസംഗിച്ചു. വള്ളിത്തോടിൽ കേരള കോൺഗ്രസ് പായം മണ്ഡലം കമ്മിറ്റിയുടെ നേതൃത്വത്തിൽ നടന്ന പ്രതിഷേധ യോഗംസംസ്ഥാന വൈസ് ചെയർമാൻ അഡ്വ. കെ.എ. ഫിലിപ്പ് ഉദ്ഘാടനം ചെയ്തു . മണ്ഡലം പ്രസിഡന്‍റ് ജിജോ അടവനാൽ അധ്യക്ഷത വഹിച്ചു. ഡെന്നീസ് മാണി, പി.സി. ജോസഫ്, കെ.ജെ ജോസഫ് , ജോർജ് ആന്‍റണി, ജോസ് വടക്കേപറമ്പിൽ, തോമസ് ഇല്ലിക്കൽ, റ്റിസി മണിക്കൊമ്പേൽ, ബേബി പുതിയമഠത്തിൽ , തമ്പി കല്ലൂർ, റോബിൻസ് മണ്ണനാൽ എന്നിവർ പ്രസംഗിച്ചു. എകെസിസി കരിക്കോട്ടക്കരി യൂണിറ്റിന്‍റെ നേതൃത്തതിൽ കരിക്കോട്ടക്കരി ടൗണിൽ വായമൂടിക്കെട്ടി പ്രതിഷേധ പ്രകടനം നടത്തി. എകെസിസി എടൂർ മേഖല ഡയറക്ടർ ഫാ. കുര്യാക്കോസ് കളരിക്കൽ , യൂണിറ്റ് പ്രസിഡന്‍റ് കെ.സി.ചാക്കോ എന്നിവർ നേതൃത്വം നൽകി. കേളകം: വൈഎംസിഎയുടെ നേതൃത്വത്തിൽ കേളകം ടൗണിൽ വായ മൂടിക്കെട്ടി പ്രകടനം നടത്തി. കേളകം വൈഎംസിഎ യൂണിറ്റ് പ്രസിഡന്‍റ് ജോസ് ആവണംകോട്ട് ഉദ്ഘാടനം ചെയ്തു. ഇരിട്ടി സബ് റീജണൽ ജനറൽ കൺവീനർ ഏബ്രഹാം കച്ചിറയിൽ, തോമസ് പോൾ, ടോം അഗസ്റ്റിൻ, ജീമോൾ മനോജ് എന്നിവർ പ്രസംഗിച്ചു. കേളകം, കൊട്ടിയൂർ, കണിച്ചാർ, അടയ്ക്കാത്തോട് എന്നിവിടങ്ങളിൽ നിന്നുള്ള വൈഎംസിഎ പ്രതിനിധികളും പങ്കെടുത്തു. പയ്യന്നൂര്‍: ഡിവൈഎഫ്ഐ പയ്യന്നൂർ ബ്ലോക്ക് കമ്മിറ്റിയുടെ നേതൃത്വത്തിൽ യുവജന പ്രതിഷേധം സംഘടിപ്പിച്ചു. പയ്യന്നൂര്‍ സെന്‍റർ ബസാറില്‍ നിന്നും ആരംഭിച്ച പ്രകടനം പഴയ ബസ് സ്റ്റാൻഡിൽ സമാപിച്ചു.ഡിവൈഎഫ്‌ഐ കണ്ണൂര്‍ ജില്ലാ വൈസ് പ്രസിഡന്‍റ് വി.കെ. നിഷാദ് ഉദ്ഘാടനം ചെയ്തു.സി. ഷിജില്‍, കെ. മനുരാജ്, മുഹമ്മദ് ഹാഷിം എന്നിവര്‍ പ്രസംഗിച്ചു. കൊട്ടിയൂർ: കൊട്ടിയൂർ സെന്‍റ് സെബാസ്റ്റ്യൻസ് ഇടവകയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി. വികാരി ഫാ . സജി പുഞ്ചയിൽ ഉദ്ഘാടനം ചെയ്തു. അസിസ്റ്റൻറ് വികാരി ഫാ. ബോബി പാലക്കുഴ, ട്രസ്റ്റിമാരായ സാജു മേൽപ്പനാം തോട്ടം, തോമസ് തുമ്പൻ തുരുത്തി, ജയ്സൺ കാക്കര ക്കുന്നേൽ, ജിം മാത്യം നമ്പുടാകം, എകെസിസി പ്രസിഡന്‍റ് ജിൽസ് എം മേക്കൽ, ലാലിച്ചൻ പുല്ലാപ്പള്ളി ബോബി മുണ്ടിയാനി, ഗ്രേസി വെള്ളിയാംമാക്കൽ എന്നിവർ പ്രസംഗിച്ചു.

ബാവലി പുഴയോരത്ത് ശക്തമായ മണ്ണിടിച്ചിൽ

ഇരിട്ടി: ശക്തമായ മഴയ്ക്കൊപ്പം പുഴയിലെ ജലനിരപ്പ് കുത്തനെ ഉയർന്നതും കുത്തൊഴുക്കും കാരണം ബാവലി പുഴയോരത്ത് മണ്ണിടിച്ചിൽ ശക്തമായി. മണ്ണിടിച്ചിലിനെ തുടർന്ന് പുഴയുടെ ആഴം കുറയുന്നത് വെള്ളപ്പൊക്കത്തിനും ഇടയാക്കുന്നു. കരകവിഞ്ഞ് ഒഴുകുന്ന പുഴയുടെ ഇരു കരകളിലും സ്വകാര്യ വ്യക്തികളുടെ സ്ഥലം പുഴയിലേക്ക് ഇടിഞ്ഞു കൊണ്ടിരിക്കുകയാണ്. ഓരോ മഴക്കാലം കഴിയുമ്പോഴും കരയിടിച്ചിൽ കൂടുകയാണ്. മുഴക്കുന്ന് പഞ്ചായത്തിൽ മാത്രം നൂറ് ഏക്കറോളം പുഴ പുറമ്പോക്കുണ്ട്. ഒരോ മഴക്കാലം കഴിയുന്പോഴും പുറന്പോക്ക് ഭൂമിയുടെ അളവ് കുറഞ്ഞു കുറഞ്ഞു വരുന്പോഴും പുഴയോരം സംരക്ഷിക്കാൻ ആവശ്യമായ നടപടികൾ ഉണ്ടാകുന്നില്ല. പാലപ്പുഴ, പയഞ്ചേരി, ആറളം ഭാഗങ്ങളിലാണ് വലിയ തോതിൽ കരയിടിച്ചിൽ ഭീഷണി നേരിടുന്നത്. കഴിഞ്ഞ പ്രളയത്തിൽ പയഞ്ചേരി മേഖലയിൽ പുഴ ഗതിമാറി ഒഴുകിയത് നിരവധി പേരുടെ വീടുകൾക്കും കൃഷിയിടങ്ങൾക്കും ഭീഷണിയായിയിരുന്നു. പുഴയിൽ നിന്നുള്ള മണലെടുപ്പ് വർഷങ്ങളായി നിലച്ചതോടെ പുഴയുടെ ആഴം ഗണ്യമായി കുറഞ്ഞു. ഇതും പുഴ കരകവിയാൻ പ്രധാന കാരണമാണ്. കഴിഞ്ഞ പ്രളയത്തിൽ ആറളം. കേളകം , കൊട്ടിയൂർ പഞ്ചായത്തുകളിലെ വിവിധ ഭാഗങ്ങളിൽ ഉണ്ടായ ഉരുൾപൊട്ടൽ മൂലം വൻതോതിൽ കല്ലും മണ്ണും പുഴയിൽ അടിഞ്ഞു. ഇവ നീക്കം ചെയ്തിട്ടുമില്ല. ഓരേ സീസണിലും ടൗൺ കണക്കിന് മണൽ പുഴയിൽ അടിയുന്നത് കാരണം പലയിടത്തും വലിയ തുരുത്തുകൾ രൂപപ്പെട്ടു കഴിഞ്ഞു. ചെറയി അരുവികളിൽ നിന്നും തോടുകളിൽ നിന്നും ഒഴുകിയെത്തുന്ന വെള്ളം പോലും പുഴയ്ക്ക് ഉൾക്കൊള്ളാനാകുന്നില്ല. വീടുകൾക്ക് ഭീഷണിയാകുന്ന ചില സ്ഥലങ്ങളിൽ പ്രളയ ദുരിതാശ്വസ ഫണ്ട് ഉപയോഗിച്ച് സംരക്ഷണ ഭിത്തി നിർമിച്ചിട്ടുണ്ടെങ്കിലും വെള്ളപ്പൊക്കം തടയാൻ ഇതു കൊണ്ടു മാത്രം സാധ്യമല്ലാത്ത അവസ്ഥയാണ്. പുഴയോരം സംരക്ഷണ ഭിത്തി കെട്ടി സംരക്ഷിക്കണം എന്നാവശ്യപ്പെട്ട് നിരവധി അപേക്ഷകൾ വിവിധ വകുപ്പുകൾക്ക് നൽകുന്നുണ്ടെങ്കിലും നടപടി ഉണ്ടാകുന്നില്ലെന്ന് പുഴയോര വാസികൾ ആരോപിക്കുന്നു.പുഴയിൽ അടിഞ്ഞ മാലിന്യങ്ങളും മണലും നീക്കിയാൽ തന്നെ വെള്ളപ്പൊക്കത്തിനും കരയിടിച്ചിലിനും ഒരു പരിധിവരെ പരിഹാരമാകുമെന്ന് ഇവർ പറഞ്ഞു. ജബ്ബാർകടവ് ഇക്കോ പാർക്കിന്‍റെ ഒരു ഭാഗവും പുഴയെടുത്തു കഴിഞ്ഞ ദിവസം ഉണ്ടായ അതിശക്തമായ മഴയിൽ ബാവലി പുഴയിൽ ജലനിരപ്പ് ഉയർന്നതോടെയാണ് ജബ്ബാർകടവ് പാലത്തിന് സമീപത്തായുള്ള പുഴയോരത്തെ ഇക്കോ പാർക്കിന്‍റെ ഒരു ഭാഗം ഇടിഞ്ഞു താഴ്ന്നു. സഞ്ചാരികൾക്ക് തണൽ വിരിക്കാൻ കല്ലുകെട്ടി സംരക്ഷിച്ച മരങ്ങൾ ഉൾപ്പെടെ പുഴയിലേക്ക് പതിച്ചു. പാർക്കിന്‍റെ ഭാഗമായുള്ള സംരക്ഷണ വേലിയും തകർന്നു. 20 മീറ്ററോളം നീളത്തിൽ സ്ഥലം മണ്ണിടിഞ്ഞ് പുഴയിലേക്ക് പതിച്ചു.

രക്തദാന ക്യാമ്പ് സംഘടിപ്പിച്ചു

കൂത്തുപറമ്പ്: നിർമലഗിരി കോളജ് (ഓട്ടോണമസ്) എൻസിസി, എൻഎസ്എസ്, കൂത്തുപറന്പ് സിറ്റി ലയൺസ് ക്ലബ് എന്നിവയുടെ സംയുക്താഭിമുഖ്യത്തിൽ രക്തദാന ക്യാമ്പ് സംഘടിപ്പിച്ചു. കോളജ് പ്രിൻസിപ്പൽ സിസ്റ്റർ ഡോ. സെലിൻ മാത്യു ഉദ്ഘാടനം ചെയ്തു. കൂത്തുപറമ്പ് സിറ്റി ലയൺസ് ക്ലബ് പ്രസിഡന്‍റ് ശ്രീരമ്യാ പ്രകാശ് അധ്യക്ഷത വഹിച്ചു. എൻസിസി ഓഫീസർ അസി. പ്രഫ. ലഫ്. കേണൽ ഡോ. കമില്ലോ ജോസഫ്, എൻഎസ്എസ് പ്രോഗ്രാം ഓഫീസർമാരായ ഡോ. ദീപു തോമസ്, സിസ്റ്റർ ഡോ. ഒ.എസ്. മഞ്ജു, മലബാർ കാൻസർ സെന്‍റർ ഡോ. ഹർഷ എന്നിവർ പ്രസംഗിച്ചു.

400 കെവി ലൈൻ: സർക്കാർ പ്രഖ്യാപിച്ച നഷ്ടപരിഹാര പാക്കേജ് അപര്യാപ്തം

ഉളിക്കൽ: കരിന്തളം-വയനാട് 400 കെവി ലൈൻ കടന്നുപോകുന്ന ഉളിക്കൽ പഞ്ചായത്തിലെ ഭൂമി നഷ്ടപ്പെടുന്ന കർഷകരുടെ യോഗം ഉളിക്കൽ പഞ്ചായത്ത് ഓഡിറ്റോറിയത്തിൽ ചേർന്നു. സർക്കാർ പ്രഖ്യാപിച്ച നഷ്ടപരിഹാര പാക്കേജ് അപരാപ്തമാണെന്നും യാതൊരു കാരണവശാലും അംഗീകരിക്കില്ലെന്ന് കർഷകരുടെ യോഗം പ്രഖ്യാപിച്ചു. പൊതുമരാമത്ത്, പഞ്ചായത്ത് റോഡിനോട് ചേർന്ന് ഭൂമി നഷ്ടപ്പെടുന്ന കർഷകർക്ക് ഭൂമിയുടെ മാർക്കറ്റ് വില തന്നെ ലഭ്യമാക്കണമെന്നും കൃഷിഭൂമിയുടെ വിളകൾക്ക് ന്യായമായ വില ലഭ്യമാക്ക ണമെന്നും യോഗം ആവശ്യപ്പെട്ടു. തൃപ്തികരമായ നഷ്ടപരിഹാരത്തുക ലഭ്യമാക്കാതെ കർഷകന്‍റെ ഭൂമിയിൽ കെഎസ്ഇബി ഉദ്യോഗസ്ഥരെ പ്രവേശിപ്പിക്കല്ലെന്നും യാതൊരുവിധ നിർമാണ പ്രവർത്തനങ്ങളും കൃഷിഭൂമിയിൽ അനുവദിക്കില്ലെന്നും യോഗം തീരുമാനിച്ചു. യോഗത്തിൽ പഞ്ചായത്ത് പ്രസിഡന്‍റ് പി.സി. ഷാജി അധ്യക്ഷത വഹിച്ചു. വൈസ് പ്രസിഡന്‍റ് സമീറ പള്ളിപ്പാത്ത്, ഇരിക്കൂർ ബ്ലോക്ക് പഞ്ചായത്ത് മെംബർ ചാക്കോ പാലക്കലോടി, ഒ.വി. ഷാജു, ടോമി മുകാനോലി, സരുൺ തോമസ്, പി.കെ. നിഷ , ജാൻസി കുന്നേൽ തുടങ്ങിയവർ പ്രസംഗിച്ചു.

വെളിച്ചെണ്ണയുടെ വില കുറയ്ക്കുന്പോൾ നാളികേര‌ കർഷകരെയും സംരക്ഷിക്കണം: ജോസ് പൂമല

കണ്ണൂർ: കൊച്ചിയിൽ വ്യവസായികളുമായി നടത്തിയ ചർച്ചയുടെ അടിസ്ഥാനത്തിൽ വെളിച്ചെണ്ണ വിലയിൽ കുറവ് വരുത്തുമെന്ന മന്ത്രി ജി.ആർ. അനിൽ കുമാറിന്‍റെ പ്രസ്താവന നാളികേര കർഷകരെ ആശങ്കയിലാക്കുന്നതാണെന്ന് കർഷക കോൺഗ്രസ് ജില്ലാ പ്രസിഡന്‍റ് ജോസ് പൂമല. ജില്ലാ കാർഷിക വികസന സമിതി യോഗത്തിലാണ് അദ്ദേഹം ഇക്കാര്യം ചൂണ്ടിക്കാട്ടിയത്. വെളിച്ചെണ്ണയുടെ വില കുറയക്കാനുള്ള നടപടികളുമായി സർക്കാർ മുന്നോട്ടു പോകുന്പോൾ തന്നെ നാളികേര കർഷകരുടെ സംരക്ഷണവും ഉറപ്പാക്കണമെന്നും അദ്ദേഹം ആവശ്യപ്പെട്ടു.

കന്യാസ്ത്രീകളുടെ അറസ്റ്റിൽ പ്രതിഷേധം

ചെറുപുഴ: ഛത്തീസ്ഗഡിൽ കന്യാസ്ത്രീകളെ അറസ്റ്റ്ചെയ്തതിൽ പ്രതിഷേധിച്ച് കെസിവൈഎം ചെറുപുഴ മേഖലയുടെ നേതൃത്വത്തിൽ പ്രതിഷേധ ജ്വാലയും പ്രകടനവും നടത്തി. ചെറുപുഴ ബസ്‌സ്റ്റാൻഡ് പരിസരത്ത് നിന്നാരംഭിച്ച പ്രകടനം ടൗൺ ചുറ്റി മേലേബസാറിൽ തിരുമേനി റോഡിന് സമീപം സമാപിച്ചു. തുടർന്നു നടന്ന യോഗം ചെറുപുഴ സെന്‍റ് മേരീസ് ഫൊറോന വികാരി ഫാ. ഫിലിപ്പ് ഇരുപ്പക്കാട്ട് ഉദ്ഘാടനം ചെയ്തു. മേഖലാ ഡയറക്ടർ ഫാ. നിതിൻ പൂകമല അധ്യക്ഷത വഹിച്ചു. സിസ്റ്റർ ടെസ് മാത്യു, മേഖല പ്രസിഡന്‍റ് ആൽബി മേലേടത്ത്, ജനറൽ സെക്രട്ടറി ആൽബിൻ ചൂരനോലിൽ, സോന സി. ജോജി എന്നിവർ പ്രസംഗിച്ചു. മടന്പം: മടമ്പം ഫൊറോനയിലെ കെസിസി, കെസിഡബ്ല്യുഎ എന്നീ സംഘടനകൾ സംയുക്തമായി പ്രതിഷേധ ധർണ നടത്തി. പയ്യാവൂർ സെന്‍റ് സെബാസ്റ്റ്യൻസ് വലിയ പള്ളിയിൽ ഫൊറോന വികാരി ഫാ.സജി മെത്താനത്ത് ഉദ്ഘാടനം ചെയ്തു. ദുർഗിൽ ക്രിസ്ത്യൻ മിഷനറിമാർ മതപരിവർത്തനവും മനുഷ്യക്കടത്തും നടത്തുന്നുവെന്ന മുഖ്യമന്ത്രി വിഷ്ണു ദേവ് സായ് പ്രസ്താവിച്ചതിലൂടെ അക്രമികൾക്ക് ഭരണകൂടത്തിന്‍റെ സഹായവും പിൻബലവുമുണ്ടെന്ന് ചടങ്ങിൽപ്രസംഗിച്ച ഫാ.ബേബി കട്ടിയാങ്കൽ പറഞ്ഞു. കെസിസി ഫൊറോന പ്രസിഡന്‍റ് സജി ഞരളക്കാട്ട്കുന്നേൽ, കെസിഡബ്ല്യൂസി റിജിയണൽ പ്രസിഡന്‍റ് ബിൻസി മാറിക, ടോമി കീഴങ്ങാട്ട്, ബീന സജി, സിസ്റ്റർ പ്രിൻസി എസ്‌വിഎം, ടി.പി.മാനുവൽ, രാജു നന്തികാട്ട്, ബിജു മുല്ലൂർ, ജോമോൻ മേക്കാട്ടേൽ എന്നിവർ പ്രസംഗിച്ചു. ചമതച്ചാൽ: കന്യാസ്ത്രീകളുടെ അറസ്റ്റിൽ ചമതച്ചാൽ സെന്‍റ് സ്റ്റീഫൻസ് ക്നാനായ കത്തോലിക്ക പള്ളിയിൽ കെസിസി, കെസിഡബ്ല്യുസി, കെസിവൈഎൽ എന്നിവയുടെ സംയുക്താഭിമുഖ്യത്തിൽ പ്രതിഷേധവും പ്രാർഥനയും നടത്തി. വായ മൂടിക്കെട്ടിയും ബാനർ ഏന്തിയും ആളുകൾ പ്രതിഷേധിച്ചു. പ്രത്യേക പ്രാർത്ഥനകളും നടത്തി. ഭരണഘടന ഉറപ്പു നൽകുന്ന അവകാശങ്ങൾ സംരക്ഷിക്കപ്പെടണമെന്നും പാർശ്വവൽക്കരിക്കപ്പെട്ടവരുടെ ഉന്നമനത്തിനായി പ്രവർത്തിക്കുന്നവരെ ഇല്ലായ്മ ചെയ്യാൻ ഒരു ശക്തിക്കും സാധ്യമല്ലെന്നും പീഡകൾ അനുഭവിക്കേണ്ടി വന്നാൽ തളരുന്നവരല്ല അഭിമാനിക്കുന്നവരാണ് ക്രൈസ്തവരെന്നും വികാരി ഫാ. ജിബിൽ കുഴിവേലിൽ പറഞ്ഞു. ബെന്നി ഓഴാങ്കൽ, ടോമി കിഴങ്ങാട്ട്, ജെസി നിരപ്പേൽ, ജോയി നാഗനാടിയിൽ, ജോയി പുല്ലാട്ട്, സോണി ലൂക്കോസ്, സെജിൻ ബെന്നി എന്നിവർ നേതൃത്വം നൽകി. ഉദയഗിരി: ഉദയഗിരിയിൽ കത്തോലിക്ക കോൺഗ്രസ് ആലക്കോട് മേഖലയുടെ നേതൃത്വത്തിൽ പ്രതിഷേധറാലിയും പൊതുയോഗവും നടത്തി. ഉദയഗിരി സെന്‍റ് മേരീസ് പള്ളി വികാരി ഫാ. സേവ്യർ പുത്തൻപുര ഉദ്ഘാടനം ചെയ്തു. മേഖല പ്രസിഡന്‍റ് എമ്മാനുവൽ കോയിക്കൽ അധ്യക്ഷത വഹിച്ചു. സിസ്‌റ്റർ സോണിയ, യൂണിറ്റ് പ്രസിഡന്‍റ് ജോസഫ് തുണ്ടിയിൽ, ബേബി മുണ്ടയ്ക്കൽ എന്നിവർ പ്രസംഗിച്ചു. ഉദയഗിരി: ഉദയഗിരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ഉദയഗിരി ടൗണിൽ പ്രതിഷേധ പ്രകടനവും യോഗവും നടത്തി. ഡിസിസി ജനറൽ സെക്രട്ടറി ബിജു പുളിയൻതൊട്ടി ഉദ്ഘാടനം ചെയ്തു. മണ്ഡലം പ്രസിഡന്‍റ് ജോയിച്ചൻ പള്ളിയാലിൽ അധ്യക്ഷത വഹിച്ചു. ജോസ് പറയൻ കുഴിയിൽ, സരിത ജോസ്, ബെന്നി പീടിയേക്കൽ, ടോമി കാടംകാവിൽ, ടെസി ആലുംമൂട്ടിൽ, മിനി ഉപ്പൻ മാക്കൽ, സിന്ധു തോമസ്, ഷൈലജ സുനിൽ, ബേബി കോയിക്കൽ, ബെന്നി മാപ്പിള കുന്നേൽ, കെ.കെ. കൃഷ്ണൻകുട്ടി , ഡിനോ മൈലപ്പറമ്പിൽ എന്നിവർ നേതൃത്വം നൽകി. ചെറുപുഴ: ഡിവൈഎഫ്ഐ പെരിങ്ങോം ബ്ലോക്ക് കമ്മിറ്റിയുടെ നേതൃത്വത്തിൽ യുവജന പ്രതിഷേധം സംഘടിപ്പിച്ചു. മേലേ ബസാറിൽ നിന്നാരംഭിച്ച പ്രകടനം ബസ് സ്റ്റാൻഡ് ചുറ്റി മേലേ ബസാറിൽ സമാപിച്ചു. തുടർന്ന് നടന്ന പൊതുയോഗം കെ.ഡി. അഗസ്റ്റ്യൻ ഉദ്ഘാടനം ചെയ്തു. പി.നിധിൻ അധ്യക്ഷത വഹിച്ചു. പി.പി.സിദിൻ, ശരത്ചന്ദ്രൻ, കെ. അഭിജിത്ത്, കെ.പി. സനൂജ് എന്നിവർ പ്രസംഗിച്ചു. ഉദയഗിരി: അന്യായമായി അറസ്റ്റ്ചെയ്ത കന്യാസ്ത്രീകളെ വിട്ടയക്കാൻ കേന്ദ്ര സർക്കാർ അടിയന്തരമായി ഇടപെടണമെന്ന് ജനാധിപത്യ കേരള കോൺഗ്രസ് സംസ്ഥാന ഡെപ്യൂട്ടി ചെയർമാൻ എ.ജെ. ജോസഫ് ആവശ്യപ്പെട്ടു. ഛത്തീസ്ഗഡിൽ അറസ്റ്റിലായ സിസ്റ്റർ വന്ദനയുടെ ഉദയഗിരിയിലെ കുടുംബാഗങ്ങളെ സന്ദർശിച്ചതിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പാർട്ടി ജില്ലാ പ്രസിഡന്‍റ് ജോജി ആനിത്തോട്ടം, ജില്ലാ സെക്രട്ടറി ടോമിച്ചൻ നടുത്തൊട്ടിയിൽ, ജില്ലാ വൈസ് പ്രസിഡന്‍റ് ജോസഫ് പരത്തനാൽ, ഇരിക്കൂർ നിയോജക മണ്ഡലം പ്രസിഡന്‍റ് സണ്ണി പരവരാകത്ത്, ജോർജ് കാരക്കാട്ട് എന്നിവരും അദ്ദേഹത്തോടൊപ്പം കുടുംബാംഗങ്ങളെ സന്ദർശിച്ചു. നെല്ലിക്കുറ്റി: വെറ്റിലക്കൊടി ഒന്നാം യൂണിറ്റ് കുടുംബ കൂട്ടായ്മ പ്രതിഷേധയോഗം ചേർന്നു. യൂണിറ്റ് പ്രസിഡന്‍റ് ജോഷി അയ്യമല, ലൈസൺ മാവുങ്കൽ, ജോയ് കുന്നേൽ, മഞ്ജു കുറ്റിക്കാട്ടുകുന്നേൽ, ആലിസ് കുന്നേൽ എന്നിവർ പ്രസംഗിച്ചു.

വിദ്യാഭ്യാസമെന്നത് മികച്ച കുട്ടികളെ മാത്രം പ്രോത്സാഹിപ്പിക്കുന്നതാകരുത്: സജീവ് ജോസഫ്

ആലക്കോട്: മികച്ച കുട്ടികൾക്ക് മാത്രം പ്രോത്സാഹനം നൽകുന്നതിൽ ഒതുങ്ങുന്നതാകരുത് വിദ്യാഭ്യാസ മേഖലയെന്ന് സജീവ് ജോസഫ് എംഎൽഎ. ഇരിക്കൂർ മണ്ഡലത്തിൽ എംഎൽഎ നടപ്പാക്കി വരുന്ന സമഗ്ര വിദ്യാഭ്യാസ പദ്ധതിയായ ദിശാദർശന്‍റെ ഭാഗമായ ഭാഷാമൃതം പദ്ധതിയുടെ നിയോജക മണ്ഡലതല ഉദ്ഘാടനം ആലക്കോട് എൻഎസ്എസ് ഹയർസെക്കൻഡറി സ്കൂളിൽ നിർവഹിച്ചു പ്രസംഗിക്കുകയായിരന്നു അദ്ദേഹം. ആലക്കോട് പഞ്ചായത്ത് പ്രസിഡന്‍റ് ജോജി കന്നിക്കാട്ടിൽ അധ്യക്ഷതവഹിച്ചു. എഇഒ കെ.മനോജ് മുഖ്യപ്രഭാഷണം നടത്തി. മുഖ്യാധ്യാപിക ജിഷ ജി. നായർ, എൻഎസ്എസ്താലൂക്ക് യൂണിയൻ പ്രസിഡന്‍റ് എം.എം. ഷജിത്ത്, ആലക്കോട് പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. എ. ഖലീൽ റഹ്‌മാൻ ,പി.ആർ. നിഷ, പ്രിൻസിപ്പൽ രാജി ബാലകൃഷ്‌ണൻ, മനോജ് ഗോകുലം, ബി. രഞ്ജിനി, സി. രഘുനാഥ് എന്നിവർ പ്രസംഗിച്ചു.

മഹിളാ സേവാ സംഘം വാർഷിക പൊതുയോഗം

ചെമ്പന്തൊട്ടി: തലശേരി സോഷ്യൽ സർവീസ് സൊസൈറ്റിയുടെ (ടിഎസ്എസ്എസ്) ആഭിമുഖ്യത്തിൽ ചെമ്പന്തൊട്ടിയിലെ മഹിളാ സേവാ സംഘത്തിന്‍റെ (എംഎസ്എസ്) വാർഷിക പൊതുയോഗം ടിഎസ്എസ്എസ് തലശേരി അതിരൂപത ഡയറക്ടർ ഫാ. ബിബിൻ വരമ്പകത്ത് ഉദ്ഘാടനം ചെയ്തു. ചെമ്പന്തൊട്ടി സെന്‍റ് ജോർജ് ഫൊറോന പള്ളി വികാരി ഫാ. ആന്‍റണി മഞ്ഞളാംകുന്നേൽ അധ്യക്ഷത വഹിച്ചു. ടിഎസ്എസ്എസ് അതിരൂപത പ്രസിഡന്‍റ് ജോഷി കുന്നത്ത് മുഖ്യപ്രഭാഷണവും അതിരൂപത അസോസിയേറ്റഡ് ഡയറക്ടർ ഫാ. ആൽബിൻ തെങ്ങുംപള്ളിൽ അനുഗ്രഹ പ്രഭാഷണവും നടത്തി. ചടങ്ങിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികൾ, മികച്ച കർഷക വനിതകൾ, സ്വയം സഹായ സംഘങ്ങൾ എന്നിവർക്ക് ആദരവ് നൽകി. എംഎസ്എസ് യൂണിറ്റ് സെക്രട്ടറി ലിസ വടക്കേൽ വാർഷിക റിപ്പോർട്ടും കണക്കും അവതരിപ്പിച്ചു. പ്രോഗ്രാം മാനേജർ ലിസി ജിജി, സിസ്റ്റർ എമിലിൻ, ഷാഹിദ അബൂബക്കർ, മേരി ജോയ്, മേരിക്കുട്ടി ചാക്കോ എന്നിവർ പ്രസംഗിച്ചു.

ബിജെപിയുടെയും സംഘപരിവാറിന്‍റെയും തനിനിറം പുറത്തുവന്നു: കേരള കോണ്‍ഗ്രസ്-എം

തളിപ്പറമ്പ്: സാമൂഹിക സേവനത്തിന് ജീവിതം സമര്‍പ്പിച്ച മലയാളികളായ രണ്ട് കന്യാസ്ത്രീകളെ ഛത്തീസ്ഗഡിലെ ഭരണകൂടം കള്ളക്കേസ് ചുമതത്തി ജയിലിലാക്കിയതോടെ ഇന്ത്യൻ ഭരണഘടനയെയാണ് തടവറയിലാക്കിയതെന്ന് കേരള കോണ്‍ഗ്രസ്-എം ജില്ലാ നേതൃസംഗമം അഭിപ്രായപ്പെട്ടു. ഈ നടപടിയിലൂടെ ബിജെപിയുടെയും സംഘപരിവാറിന്‍റെയും തനിനിറം മറനീക്കി പുറത്തുവന്നിരിക്കുകയാണ്. ഇത്തരം സംഭവങ്ങള്‍ക്കെതിരെ ശക്തമായ പ്രക്ഷോഭം സംഘടിപ്പിക്കാൻ ജില്ലാ നേതൃസംഗമം തീരുമാനിച്ചു. സംസ്ഥാന ഓഫീസ് ചാര്‍ജ് ജനറല്‍ സെക്രട്ടറിയും മുൻ എംഎൽഎയുമായി ഡോ.സ്റ്റീഫന്‍ ജോര്‍ജ് നേതൃയോഗം ഉദ്ഘാടനം ചെയ്തു. ജില്ലാ പ്രസിഡന്‍റ് ജോയ് കൊന്നക്കൽ അധ്യക്ഷത വഹിച്ചു. അഡ്വ. സെബാസ്റ്റ്യൻ കുളത്തുങ്കൽ എംഎൽഎ മുഖ്യപ്രഭാഷണം നടത്തി. അഡ്വ. മുഹമ്മദ് ഇക്ബാല്‍, ജോയിസ് പുത്തന്‍പുര, അഡ്വ.മാത്യു കുന്നപ്പള്ളി, സജി കുറ്റിയാനിമറ്റം, ജോസ് ചെമ്പേരി, ജോബിച്ചന്‍ മൈലാടൂര്‍, കെ.ടി സുരേഷ് കുമാര്‍, ബിനു മണ്ഡപം, വി.വി.സേവി, പി.എസ് ജോസഫ്, സി.എം ജോര്‍ജ്, മാത്യു പുളിക്കക്കുന്നേല്‍, സി.ജെ.ജോണ്‍, ബിനു ഇലവുങ്കല്‍, മാത്യു കാരിത്താങ്കല്‍, ജെയിംസ് മരുതാനിക്കാട്ട്, ഡെന്നി കാവാലം, വിപിന്‍ തോമസ്, ബിജു പുതുക്കള്ളി, അമല്‍ ജോയി കൊന്നക്കല്‍, ജയ്സണ്‍ ജീരകശ്ശേരി, ബീനസുരേഷ്, എ.കെ രാജു, ബിന്ദു ഏറത്ത്, ത്രേസ്യാമ്മ കൊങ്ങോല, ടോം പുളിച്ചമാക്കല്‍ എന്നിവര്‍ പ്രസംഗിച്ചു.

കേരള റീജണൽ കബഡി ചാമ്പ്യൻഷിപ്പ്: പയ്യാവൂർ സെന്‍റ് ആൻസിന് ഓവറോൾ കിരീടം

പയ്യാവൂർ: സെന്‍റ് ആൻസ് സ്കൂൾ ഓഡിറ്റോറിയത്തിൽ കഴിഞ്ഞ രണ്ട് ദിവസങ്ങളിലായി നടന്ന സിഐഎസ്‌സിഇ കേരള റീജണൽ കബഡി ചാമ്പ്യൻഷിപ്പിൽ സെന്‍റ് ആൻസ് ഇംഗ്ലീഷ് മീഡിയം സ്കൂൾ ടീം ഓവറോൾ കിരീടം നേടി. സമാപന സമ്മേളനം സിഐഎസ് സിഇ ഓൾ കേരള കബഡി റീജണൽ ജനറൽ കൺവീനർ ആർ.പി. ബിനേഷ് ഉദ്ഘാടനം ചെയ്തു. സ്കൂൾ പ്രിൻസിപ്പൽ സിസ്റ്റർ ജിൽസി അധ്യക്ഷത വഹിച്ചു. വൈസ് പ്രിൻസിപ്പൽ സിസ്റ്റർ ടോമിത, അധ്യാപിക എൽസി തോമസ് എന്നിവർ പ്രസംഗിച്ചു. കേരളത്തിന്‍റെ വിവിധ ഭാഗങ്ങളിൽ നിന്നുള്ള ഇരുപതോളം ടീമുകൾ മത്സരത്തിൽ പങ്കെടുത്തു. അണ്ടർ- 17, അണ്ടർ- 19 ആൺകുട്ടികളുടെ വിഭാഗങ്ങളിലും അണ്ടർ- 14, അണ്ടർ- 17 പെൺകുട്ടികളുടെ വിഭാഗങ്ങളിലും സെന്‍റ് ആൻസ് ചാന്പ്യന്മാരായി. അണ്ടർ-14 ആൺകുട്ടികളുടെ വിഭാഗത്തിൽ തൃശൂരും അണ്ടർ- 19 പെൺകുട്ടികളുടെ വിഭാഗത്തിൽ പാലക്കാടുമാണ് വിജയം നേടിയത്.

ഇൻസ്റ്റലേഷനും കുടുംബസംഗമവും നടത്തി

ആലക്കോട്: വൈസ് മെൻസ് ക്ലബ്‌ ഇൻസ്റ്റലേഷനും കുടുംബസംഗമവും നടത്തി. റീജണൽ ഡയറക്ടർ പി.എസ്. ഫ്രാൻസിസ് കുടുംബസംഗമം ഉദ്ഘാടനം ചെയ്തു. പ്രസിഡന്‍റ് ജോസ് കാടങ്കാവിൽ അധ്യക്ഷത വഹിച്ചു. ഡിസ്ട്രിക്ട് ഗവർണർ ടാജി ടോം ഇൻസ്റ്റല്ലേഷൻ നിർവഹിച്ചു. പുതിയ മെംബർമാരുടെ ഇൻഡക്ഷൻ മുൻ റീജണൽ ഡയറക്ടർ കെ.എം. ഷാജി നിർവഹിച്ചു. സാമൂഹ്യസേവന പ്രവർത്തനങ്ങളുടെ ഉദ്ഘാടനം മധു പണിക്കർ നിർവഹിച്ചു. ആദ്യകാല മെംബർമാരെ ആദരിക്കൽ, പഠനത്തിൽ മികവ് പുലർത്തിയ കുട്ടികൾക്കുള്ള അവാർഡ് വിതരണവും നടത്തി. കെ.എം.സതീഷ്കുമാർ, ജോൺ പടിഞ്ഞാത്ത്, അനീഷ്‌ തോമസ്, സുനിൽകുമാർ, സണ്ണി മാനടിയേൽ, എം.പി. പ്രഭാകരൻ, ലൂസി ജോൺ, ഇസ ജോസ്, എൻ.വി. സജീവ്, എം.കെ. ജയചന്ദ്രൻ, മെറിൻ ജോൺ എന്നിവർ പ്രസംഗിച്ചു.

ബൈക്ക് നിയന്ത്രണം വിട്ട് മറിഞ്ഞ് യുവാവ് മരിച്ചു

കൂത്തുപറമ്പ്: ബൈക്ക് നിയന്ത്രണം വിട്ട് മറിഞ്ഞ് യുവാവ് മരിച്ചു. കുഴിയിൽ പീടികയിലെ കെ.വി. പ്രബിനാണ് (38) മരിച്ചത്. ചൊവ്വാഴ്ച രാത്രി വളവിൽപീടികയ്ക്ക് സമീപം ബൈക്ക് റോഡിൽനിന്ന് തെന്നിമാറി മരത്തിൽ ഇടിച്ചുമറിയുകയായിരുന്നു. പരിക്കേറ്റ പ്രബിനിനെ ഉടൻ നാട്ടുകാർ സ്വകാര്യ ആശുപത്രിയിലെത്തിച്ചെങ്കിലും ഇന്നലെ പുലർച്ചെ മരിച്ചു. പരേതനായ ബാലകൃഷ്ണൻ-പ്രസീദ ദമ്പതികളുടെ മകനാണ്. ഭാര്യ: സ്വേത. മകൾ: ദ്രുവലക്ഷ്മി. സഹോദരി: നീതു.

കുടിയാന്മല മേരി ക്വീൻസ് ഹൈസ്കൂൾ സുവർണ ജൂബിലി ആഘോഷങ്ങൾക്ക് തുടക്കം

കുടിയാൻമല: മേരി ക്വീൻസ് ഹൈസ്കൂളിന്‍റെ സുവർണ ജൂബിലി ആഘോഷങ്ങൾ സജീവ് ജോസഫ് എംഎൽഎ ഉദ്ഘാടനം ചെയ്തു. തലശേരി അതിരൂപത വികാരി ജനറാൾ മോൺ.സെബാസ്റ്റ്യൻ പാലാക്കുഴി അധ്യക്ഷത വഹിച്ചു. മുഖ്യാധ്യാപകൻ സുനിൽ ജോസഫ് ആമുഖ പ്രഭാഷണവും സ്കൂൾ മാനേജർ ഫാ.പോൾ വള്ളോപ്പിള്ളി അനുഗ്രഹ പ്രഭാഷണവും ഏരുവേശി പഞ്ചായത്ത് പ്രസിഡന്‍റ് മിനി ഷൈബി മുഖ്യപ്രഭാഷണവും നടത്തി. പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ ഷൈല ജോയി വെട്ടിയ്ക്കൽ, തളിപ്പറമ്പ് ബ്ലോക്ക് പഞ്ചായത്ത് മെമ്പർ ജോഷി കണ്ടത്തിൽ, വാർഡ് മെംബർമാരായ ജോയി ജോൺ, സാജു ജോസഫ്, കുടിയാന്മല ഫാത്തിമ യുപി സ്കൂൾ മുഖ്യാധ്യാപിക മിനി ഏബ്രഹാം, പിടിഎ പ്രസിഡന്‍റ് പി.ജെ.ലിജു, സ്റ്റാഫ് സെക്രട്ടറി ക്ലീറ്റസ് പോൾ എന്നിവർ പ്രസംഗിച്ചു. സുവർണ ജൂബിലി ലോഗോ പ്രകാശനവും ജൂബിലി ഗാന സമർപ്പണവും നടന്നു. അധ്യാപകർ, വിദ്യാർഥികൾ, പൗരപ്രമുഖർ, നാട്ടുകാർ എന്നിവർക്കൊപ്പം പൂർവ അധ്യാപക വിദ്യാർഥികളും അണിനിരന്ന വിളംബര റാലിയോടെയാണ് സുവർണ ജൂബിലി ഉദ്ഘാടന സമ്മേളനത്തിന് തുടക്കം കുറിച്ചത്‌.

കന്യാസ്ത്രീകൾക്ക് ഐക്യദാർഢ്യവുമായി നാട്

ആലക്കോട്: കള്ളക്കേസിൽ കുടുക്കി കന്യാസ്ത്രീകളെ ജയിലിലടച്ചതിൽ പ്രതിഷേധിച്ച് കത്തോലിക്ക കോൺഗ്രസ് ആലക്കോട് ഫൊറോനയുടെ നേതൃത്വത്തിൽ പ്രതിഷേധ മാർച്ച് നടത്തി. ആലക്കോട് സെന്‍റ് മേരീസ് ഫൊറോന പള്ളിയിൽ നിന്ന് ആലക്കോട് ടൗണിലേക്ക് നടത്തിയ മാർച്ചിൽ നൂറുകണക്കിന് വിശ്വാസികൾ പങ്കെടുത്തു. പ്രതിഷേധയോഗം ആലക്കോട് ഫൊറോന വികാരി ഫാ. ആന്‍റണി പുന്നൂര് ഉദ്ഘാടനം ചെയ്തു. കത്തോലിക്ക കോൺഗ്രസ് അതിരൂപത പ്രസിഡന്‍റ് ഫിലിപ്പ് വെളിയത്ത് അധ്യക്ഷത വഹിച്ചു. അതിരൂപത ഭാരവാഹികളായ ജിമ്മി ആയിത്തമറ്റം, സുരേഷ് ജോർജ്, ടോമി കണയങ്കൽ, ജയിംസ് മാനുവൽ, ബേബി കോയ്ക്കൽ, ജോസഫ് കൈതമറ്റം, മേഖല ഡയറക്ടർ ഫാ. ജിബിൻ വട്ടംകാട്ടേൽ, ഫാ. അനീഷ് ചെക്കിട്ടമുറിയിൽ, ഫാ. സെബാസ്റ്റ്യൻ മുട്ടത്തുപാറ, ഫാ. ജോസ് മൈലംമൂട്ടിൽ, ഫാ. റെജി കാഞ്ഞിരത്താംകുന്നേൽ, ഫാ. എബിൻ മുള്ളംകുഴിയിൽ, ഫാ. അമൽ വള്ളിയിൽ എന്നിവർ നേതൃത്വം നൽകി. ചെറുപുഴ: കത്തോലിക്കാ കോൺഗ്രസിന്‍റെ നേതൃത്വത്തിൽ ചെറുപുഴയിൽ പന്തംകൊളുത്തി പ്രകടനം നടത്തി. ചെറുപുഴ ടൗണിൽ കുരിശുപള്ളിക്ക് സമീപത്ത് നിന്നാരംഭിച്ച പന്തം കൊളുത്തി പ്രകടനം ബസ് സ്റ്റാൻഡ് ചുറ്റി താഴെ ബസാറിൽ സമാപിച്ചു. തുടർന്ന് നടന്ന യോഗം ചെറുപുഴ സെന്‍റ് മേരീസ് ഫൊറോന വികാരി ഫാ. ഫിലിപ്പ് ഇരുപ്പക്കാട്ട് ഉദ്ഘാടനം ചെയ്തു. കത്തോലിക്കാ കോൺഗ്രസ് തലശേരി അതിരൂപതാ പ്രസിഡന്‍റ് ഫിലിപ്പ് വെളിയത്ത് അധ്യക്ഷത വഹിച്ചു. ഫാ. തോമസ് പൂവൻപുഴ, ജിമ്മി ഐക്കരമറ്റം, സുരേഷ് ജോർജ്, ജയിംസ് ഇമ്മാനുവൽ, ജോസഫ് മാത്യു കൈതമറ്റം, സാജു പുത്തൻപുര, ഷിന്‍റോ കൈപ്പനാനിക്കൽ, മനോജ് വടക്കേൽ, ജെ. സെബാസ്റ്റ്യൻ, സജി തോപ്പിൽ, ജോയി പറമ്പിൽ, അസി പൂക്കളം എന്നിവർ പ്രസംഗിച്ചു. വൈദികർ, സിസ്റ്റേഴ്സ്, വിവിധ ഇടവകകളിൽ നിന്നെത്തിയ വിശ്വാസികൾ എന്നിങ്ങനെ നൂറു കണക്കിനാളുകൾ പങ്കെടുത്തു. ചെമ്പന്തൊട്ടി: ചെന്പന്തൊട്ടി എകെസിസിയുടെ നേതൃത്വത്തിൽ ടൗണിൽ റാലിയും യോഗവും നടത്തി. ഫാ. ബിനീഷ് വലിയപറന്പിൽ റാലി ഉദ്ഘാടനം ചെയ്തു. അഗസ്റ്റിൻ കരിമ്പുമാലിൽ, കെ.ജെ.ചാക്കോ കൊന്നയ്ക്കൽ, സോയി പുറവക്കാട്ട്, സിസ്റ്റർ എമിൽ സിഎസ്എൻ, സിസ്റ്റർ ആതിര എഫ്സിസി, സിസ്റ്റർ ആൻ മരിയ എഫ്സിസി, സിസ്റ്റർ എമ്മാനുവൽ സിഎസ്എൻ, വിൻസെന്‍റ് കുഴിഞ്ഞാലിൽ, തോമസ് കുര്യൻ, ആന്‍റണി ജീരകത്തിൽ, പ്രിമ പാലത്തിങ്കൽ എന്നിവർ പ്രസംഗിച്ചു. തേർത്തല്ലി: കത്തോലിക്ക കോൺഗ്രസ് മേരിഗിരി മേഖലയുടെ നേതൃത്വത്തിൽ തേർത്തല്ലി ടൗണിൽ പ്രതിഷേധ യോഗം സംഘടിപ്പിച്ചു. കനത്ത മഴയിലും നൂറുകണക്കിന് സ്ത്രീകൾ ഉൾപ്പെടെയുള്ളവർ പങ്കെടുത്ത പ്രതിഷേധ പ്രകടനവും നടന്നു. അതിരൂപത പ്രസിഡന്‍റ് ഫിലിപ്പ് വെളിയത്ത് പ്രതിഷേധ യോഗം ഉദ്ഘാടനം ചെയ്തു. മേഖല പ്രസിഡന്‍റ് തോമസ് ഒഴുകയിൽ അധ്യക്ഷത വഹിച്ചു. ഫൊറോന ഡയറക്ടർ ഫാ. ജോർജ് തൈക്കുന്നുംപുറം, ഫാ. ആന്‍റണി തെക്കേമുറി, ഫാ. നിഖിൽ ആട്ടുകാരൻ, ഷാജൻ കടക്കുഴി, ജയിംസ് ഇമ്മാനുവൽ, തോമസ് കൊട്ടാടിക്കുന്നേൽ, റിൻസി കുന്നുംപുറത്ത്, ജോർജ് പന്തമാക്കൽ, ജോഷി ആനി തോട്ടത്തിൽ എന്നിവർ പ്രസംഗിച്ചു. ശ്രീകണ്ഠപുരം: കെസിവൈഎം ചേപ്പറമ്പ യൂണിറ്റിന്‍റെ നേതൃത്വത്തിൽ പന്തം കൊളുത്തി പ്രകടനവും പ്രതിഷേധ കൂട്ടായ്മയും സംഘടിപ്പിച്ചു. ചേപ്പറമ്പ ഇടവക വികാരി ഫാ. കുര്യാക്കോസ് ഓരത്തേൽ പ്രതിഷേധ കൂട്ടായ്മ ഉദ്ഘാടനം ചെയ്തു. കെസിവൈഎം ചെമ്പന്തൊട്ടി ഫൊറോന പ്രസിഡന്‍റ് എബിൻ ഐസക്ക്‌ കാഞ്ഞിരത്തിങ്കൽ, ഫൊറോന സെക്രട്ടറി ടോം കാര്യാടിയിൽ തുടങ്ങിയവർ പ്രസംഗിച്ചു. കെസിവൈഎം ചേപ്പറമ്പ യൂണിറ്റ് പ്രസിഡന്‍റ് ആൽബിൻ കോട്ടക്കൽ, യൂണിറ്റ് ആനിമേറ്റർ സിസ്റ്റർ നവ്യ പാലാട്ടിൽ, ആനിമേറ്റർ ടിജോ താഴത്തേൽ തുടങ്ങിയവർ നേതൃത്വം നൽകി. കാർത്തികപുരം: കാർത്തികപുരം സെന്‍റ് സെബാസ്റ്റ്യൻസ് ഇടവകയുടെ നേതൃത്വത്തിൽ കാർത്തികപുരം ടൗണിൽ പന്തം കൊളുത്തി പ്രകടനവും പ്രതിഷേധ ജ്വാലയും നടത്തി. ഇടവക വികാരി ഫാ. അനീഷ് കുളത്തറ, സിസ്റ്റർ ഗ്രേയ്സി തോമസ്, ജോജോ ഓലിക്കുന്നേൽ, അനൂപ് മുണ്ടിയാനി, ജോബിൻസ് കണയങ്കൽ, ആന്‍റണി നിരപ്പേൽ എന്നിവർ നേതൃത്വം നൽകി. ചെമ്പേരി: കന്യാസ്ത്രീകളെ അറസ്റ്റ് ചെയ്ത് തടവിലാക്കിയ ഛത്തീസ്ഗഡ് സർക്കാരിന്‍റെ ഭരണഘടനാവിരുദ്ധ നടപടിക്കെതിരേ ചെമ്പേരി മദർ തെരേസ ഓഡിറ്റോറിയത്തിൽ ചേർന്ന പാരിഷ് കൗൺസിൽ യോഗം ശക്തമായ പ്രതിഷേധിച്ചു. ചെമ്പേരി ലൂർദ് മാതാ ബസിലിക്ക റെക്ടർ റവ.ഡോ. ജോർജ് കാഞ്ഞിരക്കാട്ട് അധ്യക്ഷത വഹിച്ചു. അസിസ്റ്റന്‍റ് റെക്ടർ ഫാ. അജേഷ് തുരുത്തേൽ, പാരിഷ് കോ-ഓർഡിനേറ്റർ സുനിൽ നായിപ്പുരയിടം, പാരിഷ് കൗൺസിൽ സെക്രട്ടറി ജോസ് കാളിയാനി, എകെസിസി വൈസ് പ്രസിഡന്‍റ് സ്കറിയ കളപ്പുര, സിസ്റ്റർ ആലീസ്, സിസ്റ്റർ ലിജി, ഷീബ തെക്കേടം എന്നിവർ പ്രസംഗിച്ചു. തടവിൽ കഴിയുന്ന കന്യാസ്ത്രീകളെ മോചിപ്പിക്കാൻ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് ഇടവകയിലെ ഭക്തസംഘടനകളയും വിശ്വാസി സമൂഹത്തേയും പങ്കെടുപ്പിച്ച് നാളെ വൈകുന്നേരം ആറിന്ന് ചെമ്പേരി ടൗണിൽ പ്രതിഷേധ സംഗമവും പ്രകടനവും നടത്തും. ഉദയഗിരി: കള്ളക്കേസിൽ കുടുക്കികന്യാസ്ത്രീകളെ ജയിലിലടച്ചത് അപലപനീയവും ന്യൂനപക്ഷ വിഭാഗങ്ങൾക്കു മേലുള്ള കടന്നാക്രമണമാണെന്നും വനിതാ കമ്മീഷൻ ചെയർപേഴ്സൺ പി. സതീദേവി. സിസ്റ്റർ വന്ദന ഫ്രാൻസിസിന്‍റെ വീട്ടിലെത്തി ബന്ധുക്കളെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു അവർ. നിരപരാധികളെ മോചിപ്പിക്കാൻ അടിയന്തര നടപടികൾ ഉണ്ടാവണമെന്നും പി. സതീദേവി ആവശ്യപ്പെട്ടു. ഉദയഗിരി: കേരള കോൺഗ്രസ്-എം നേതാക്കൾ സിസ്റ്റർ വന്ദന ഫ്രാൻസിസിന്‍റെ വീട് സന്ദർശിച്ചു ബന്ധുക്കളെ ആശ്വസിപ്പിപ്പിച്ചു. കന്യാസ്ത്രീകളെ എത്രയും പെട്ടെന്ന് മോചിപ്പിക്കാനും അവർക്കാവശ്യമായ എല്ലാ നിയമസഹായങ്ങളും ചെയ്യണമെന്ന് ആവശ്യപ്പെട്ട് പാർട്ടി ചെയർമാൻ ജോസ് കെ. മാണി എംപി. പ്രധാനമ ന്ത്രിക്ക് നിവേദനം നൽകിയിട്ടുണ്ടെന്നും അദ്ദേഹം കന്യാസ്ത്രീകളുടെ മോചനത്തിനായി പ്രയത്നിച്ചു കൊണ്ടിരിക്കുകയാണന്നും നേതാക്കൾ ബന്ധുക്കളെ അറിയിച്ചു. സംസ്ഥാന ജനറൽ സെക്രട്ടറി സജി കുറ്റിയാനിമറ്റം, കെ.ടി സുരേഷ് കുമാർ,സി.ജെ. ജോൺ, ബിജു പുതുക്കള്ളി, ബിന്ദു ഏറത്ത്,ജിനോ പാറേമാക്കൽ എന്നിവരുടെ നേതൃത്വത്തിലുള്ള സംഘമാണ് വീട്ടിൽ സന്ദർശനം നടത്തിയത്. ആലക്കോട്: സിസ്റ്റർ വന്ദന ഫ്രാൻസിസിന്‍റെ ഉദയഗിരിയിലെ വീട് ന്യൂനപക്ഷകമ്മീഷൻ അംഗം പി. റോസ സന്ദർശിച്ചു. പി.സന്തോഷ് എംപി സിസ്റ്റർ വന്ദന ഫ്രാൻസിസിന്‍റെ സഹോദരനുമായി ഫോണിൽ സംസാരിച്ച് മോചനത്തിനുള്ള ശ്രമങ്ങൾ നടത്തി വരികയാണെന്ന് അറി‍യിച്ചു. വിവിധ രാഷ്‌ട്രീയ നേതാക്കളും വീട്ടിലെത്തി ബന്ധുക്കളെ ആശ്വസിപ്പിച്ചു. സിപിഎം സംസ്ഥാന സെക്രട്ടറി എം.വി ഗോവിന്ദൻ, പി.കെ.ശ്രീമതി, എം.വി. ജയരാജൻ, ജില്ലാ പഞ്ചായത്ത് പ്രസിഡന്‍റ് കെ.കെ.രത്നകുമാരി, വൈസ് പ്രസിഡന്‍റ് ബിനോയ് കുര്യൻ, ഏരിയ സെക്രട്ടറി സാജൻ ജോസഫ്, ഉദയഗിരി പഞ്ചായത്ത് പ്രസിഡന്‍റ് കെ.എസ് ചന്ദ്രശേഖരൻ, ഡിസിസി പ്രസിഡന്‍റ് മാർട്ടിൻ ജോർജ്, സെക്രട്ടറി ബിജു പുളിയൻതൊട്ടി, ജോയിച്ചൻ പള്ളിയാലിൽ, രഞ്ജിത്ത് ഇരുപ്പക്കാട്ട്,സാജൻ ഞവരക്കാട്ട്, സിപിഐ ജില്ലാ സെക്രട്ടറി സി. പി. സന്തോഷ്‌, സംസ്ഥാന കമ്മിറ്റിയംഗങ്ങളായ സി.എൻ.ചന്ദ്രൻ, സി.പി. ഷൈജൻ, ആലക്കോട് മണ്ഡലം സെക്രട്ടറി വി.ജി. സോമൻ, എഐഎസ്എഫ് സംസ്ഥാന വൈസ് പ്രസിഡന്‍റ് പി.എ.ഇസ്മയിൽ, ജെ.പി. ജോസഫ്, കെ.ആർ.രതീഷ്, കെ.ജി. മോഹൻദാസ്, ജോസ് കായിപ്ലാക്കൽ, സാബു കല്ലട എന്നിവർ സന്ദർശിച്ചു. ബിജെപി കണ്ണൂർ നോർത്ത് ജില്ലാ പ്രസിഡന്‍റ് കെ.കെ വിനോദ് കുമാറിന്‍റെ നേതൃത്വത്തിൽ ദേശീയ സമിതി അംഗം സി.കെ പദ്മനാഭൻ , ജില്ലാ ജനറൽ സെക്രട്ടറി അജികുമാർ കരികിൽ, ജില്ലാ വൈസ് പ്രസിഡന്‍റ് ഗംഗാധരൻ കാളിശ്വരം , ജില്ലാ സെക്രട്ടറി അരുൺ തോമസ് , പി. ബി റോയ് , ജനറൽ സെക്രട്ടറിമാരായ പി.ഡി.ജയലാൽ, എം.എസ്.രാജീവൻ, എസ്. ശ്രീനാഥ്, എം.ഡി. സന്തോഷ്, കെ. ജയരാജ്, എസ് സി മോർച്ച ജില്ലാ വൈസ് പ്രസിഡന്‍റ് കെ.ആർ. രഞ്ജിത്ത്,എം.വി ജോയ്, ഉദയഗിരി പഞ്ചായത്ത് വൈസ് പ്രസിഡന്‍റ് കെ.എസ്.രഞ്ജിത്ത്, വിനു ഉപ്പൻമാക്കൽ , പി.വി ബാലൻ, ടി.യു.ശ്രീഹരി, കെ.എസ്.തുളസീധരൻ ഹരിഹരക്കുറപ്പ് തുടങ്ങിയവരും സന്ദർശിച്ചു.

വിമൽജ്യോതി കോളജിൽ റാഗിംഗ് വിരുദ്ധ- മയക്കുമരുന്ന് വിരുദ്ധ അവബോധ ക്ലാസ്

ചെന്പേരി: വിമൽ ജ്യോതി എൻജിനിയറിംഗ് കോളജിൽ റാഗിംഗ് വിരുദ്ധ-മയക്കുമരുന്ന് വിരുദ്ധ അവബോധ ക്ലാസ് സംഘടിപ്പിച്ചു. ശ്രീകണ്ഠപുരം എക്സൈസ് സബ് ഇൻസ്പെക്ടർ പി.കെ. അർജുൻ ഉദ്ഘാടനം ചെയ്തു. പ്രിൻസിപ്പൽ ഡോ. ബെന്നി ജോസഫ് അധ്യക്ഷത വഹിച്ചു. വിദ്യാർഥികൾക്ക് റാഗിംഗിന്‍റെയും മയക്കുമരുന്നിന്‍റെയും ദോഷഫലങ്ങളെയും കുറിച്ച് അഡ്വ. എം.എം. ഷജിത്ത് ക്ലാസെടുത്തു. എൻഎസ്എസ് പ്രോഗ്രാം ഓഫീസർ പ്രഫ. റിജോയി, പിആർഒ സെബാസ്റ്റ്യൻ പുത്തൻപുര, പ്രഫ. കെ.കെ. അഖിൽ, എൻഎസ്എസ് സെക്രട്ടറി അലൻ ആന്‍റണി എന്നിവർ പ്രസംഗിച്ചു. കോളജ് അധികൃതർ, അധ്യാപകർ, വിദ്യാർഥികൾ എന്നിവർ പരിപാടിയിൽ പങ്കെടുത്തു.

വിദ്യാരംഗം കലാ സാഹിത്യവേദി ഉദ്ഘാടനം

ചെമ്പന്തൊട്ടി: ചെറുപുഷ്പം യുപി സ്കൂളിൽ വിദ്യാരംഗം കലാസാഹിത്യ വേദി, വിവിധ ക്ലബുകൾ എന്നിവയുടെ ഉദ്ഘാടനം ചെമ്പന്തൊട്ടി അർബൻ വെൽനെസ് ഹെൽത്ത് സെന്‍റർ മെഡിക്കൽ ഓഫീസർ ഡോ. അഭിജിത്ത് സുരേഷ് നിർവഹിച്ചു. സ്കൂൾ മുഖ്യാധ്യാപിക ലൗലി എം. പോൾ അധ്യക്ഷത വഹിച്ചു. പിടിഎ പ്രസിഡന്‍റ് സുബീഷ്, സ്റ്റാഫ് സെക്രട്ടറി പി. ഷാജി, വിദ്യാർഥി പ്രതിനിധി ഗൗരി, വിദ്യാരംഗം കലാസാഹിത്യ വേദി കൺവീനർ ഗ്ലോറിയ എന്നിവർ പ്രസംഗിച്ചു. ഉദ്ഘാടന ചടങ്ങിൽ 2025-26 അധ്യയന വർഷത്തെ സ്കൂൾ പാർലമെന്‍റ് അംഗങ്ങൾ സത്യപ്രതിജ്ഞ ചെയ്തു. സ്കൂളിലെ വിവിധ ക്ലബുകളുടെ നേതൃത്വത്തിൽ കലാപരിപാടികളും അരങ്ങേറി.

പോക്സോ കേസിൽ ജാമ്യത്തിലിറങ്ങി‌‌ മുങ്ങിയ പ്രതി അറസ്റ്റിൽ

പയ്യാവൂർ: പോക്സോ കേസിൽ മുങ്ങി നടക്കുകയായിരുന്ന പ്രതിയെ പയ്യാവൂർ പോലീസ് താമരശേരിയിൽ വച്ച് അറസ്റ്റ് ചെയ്തു. കാഞ്ഞിരക്കൊല്ലിയിലെ കെ.ആർ. രാഗേഷിനെയാണ് സിഐ ട്വിങ്കിൾ ശശിയുടെ നേതൃത്വത്തിൽ അറസ്റ്റ് ചെയ്‌തത്. പയ്യാവൂർ പോലീസ് 2023ൽ രജിസ്റ്റർ ചെയ്ത പോക്സോ കേസിലെ പ്രതിയായ ഇയാൾ ജാമ്യത്തിലിറങ്ങി മുങ്ങുകയായിരുന്നു. താമരശേരിയിൽ ഒളിച്ചു താമസിക്കുന്നുണ്ടെന്ന രഹസ്യ വിവരത്തെ തുടർന്ന് പോലീസ് നടത്തിയ അന്വേഷണത്തിലാണ് പിടിയിലാകുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. സീനിയർ സിവിൽ പോലീസ് ഓഫീസർമാരായ സുകേഷ്, വിനിൽ, വിനേഷ് എന്നിവരും അന്വേഷണ സംഘത്തിലുണ്ടായിരുന്നു.

ഭാരവാഹികളുടെ സ്ഥാനാരോഹണം നടത്തി

കുടിയാന്മല: യംഗ് മൈൻഡ്സ് ഇന്‍റർനാഷണൽ (വൈഎംഐ) കുടിയാന്മല ക്ലബ് ഭാരവാഹികളുടെ സ്ഥാനാരോഹണം കുടിയാന്മല വ്യാപാരഭവൻ ഓഡിറ്റോറിയത്തിൽ നടന്നു. യംഗ് മൈൻഡസ് ഇന്‍റർനാഷണൽ റീജണൽ ചെയർമാൻ കെ. രഞ്ജിത്ത് കുമാർ സമ്മേളനം ഉദ്ഘാടനം ചെയ്തു. പുതിയ ഭാരവാഹികളായി ചുമതലയേൽക്കുന്ന എം.ജെ. പോൾ, ബേബി പോൾ, അലക്സ് മാത്യു എന്നിവർക്ക് വൈഎംഐ ഡിസ്ട്രിക്ട് ഗവർണർ കെ.വി. പ്രശാന്തൻ സത്യപ്രതിജ്ഞ ചൊല്ലിക്കൊടുത്തു. പുതുതായി ക്ലബിൽ ചേർന്നവരെ റീജണൽ സെക്രട്ടറി രാജേഷ് ഗോപാൽ അംഗത്വം നൽകി സ്വീകരിച്ചു. റീജണൽ ട്രഷറർ എം. പ്രമോദ് കമ്യൂണിറ്റി സർവീസ് പ്രോജക്ടിന്‍റെ ഉദ്ഘാടനം നിർവഹിച്ചു. വൈഎംഐ ഡിസ്ട്രിക്ട് സെക്രട്ടറി സി.വി. വിനോദ് കുമാർ, ഗ്രോ ഗ്രീൻ പദ്ധതി ബുള്ളറ്റിൻ എഡിറ്റർ രഞ്ജിത്ത് രാഘവൻ എന്നിവർ മെംബർഷിപ്പ് സർട്ടിഫിക്കറ്റുകൾ വിതരണം ചെയ്തു. ഡിസ്ട്രിക്ട് ട്രഷറർ ബിജു ഫ്രാൻസീസ്, സോജൻ ഇരുപ്പക്കാട്ട് എന്നിവർ പ്രസംഗിച്ചു. തുടർന്ന് വിവിധ കലാപരിപാടികളും നടന്നു.

കാലവർഷക്കൊടുതി; 30.33 ഹെക്ടറിലെ കൃഷി നശിച്ചു; 1.16 കോടിയുടെ നഷ്ടം

കണ്ണൂർ: കാലവർഷ കെടുതിയിൽ ജില്ലയിൽ 1.16 കോടിയുടെ കൃഷി നാശം. 30.33 ഹെക്ടറിലെ കൃഷി നശിച്ചു. മേയിൽ ആരംഭിച്ച കനത്ത മഴയിൽ ഏറ്റവും കൂടുതൽ കൃഷി നാശം നേരിട്ടത് വാഴ കൃഷിക്കാണ്. എടക്കാട് ബ്ലോക്കിൽ 0.73 ഹെക്ടറിലായി 137104 രൂപയുടേയും ഇരിക്കൂർ ബ്ലോക്കിൽ 1.93 ഹെക്ടറിലായി 1543400 രൂപയുടേയും ഇരിട്ടിയിൽ 2.47 ഹെക്ടറിലായി 222900 രൂപയുടേയും കല്യാശേരിയിൽ 0.72 ഹെക്ടറിലായി 501000 രൂപയുടേയും കൂത്തുപറന്പ ബ്ലോക്കിൽ 30550 രൂപയുടേയും പാനൂർ ബ്ലോക്കിൽ 0.01 ഹെക്ടറിലായി 607000 രൂപയുടേയും തളിപ്പറന്പ് ബ്ലോക്കിൽ 7.07 ഹെക്ടറിലായി 749960 രൂപയുടേയും കണ്ണൂർ ബ്ലോക്കിൽ 0.4 ഹെക്ടറിലായി 100000 രൂപയുടേയും പേരാവൂർ ബ്ലോക്കിൽ 2.0 ഹെക്ടറിലായി 2410000 രൂപയുടേയും നാശനഷ്ടമുണ്ടായി. കൃഷി നാശം സംബന്ധിച്ച അവസാന കണക്കെടുപ്പ് നടന്നു വരികയാണ്. നഷ്ടപരിഹാരം ഇൻഷ്വർ ചെയ്ത കൃഷിക്കു മാത്രം കാലവർഷകെടുതിയിൽ കൃഷി നാശം നേരിട്ട കർകരിൽ ഇൻഷ്വർ ചെയ്ത കർഷകർക്കു മാത്രമേ നഷ്ടപരിഹാരം ലഭിക്കുകയുള്ളൂ. ഇൻഷ്വറൻസ് ചെയ്യാത്ത കർഷകർക്ക് കൃഷി നാശമുണ്ടായാലും നഷ്ടപരിഹാരം ലഭിക്കില്ല. മുൻ വർഷങ്ങളിൽ ഇൻഷ്വർ ചെയ്യാത്ത കാർഷിക വിളകൾക്കും സർക്കാർ നഷ്ടപരിഹാരം നൽകിയിരുന്നു.

ഗ്രാമസ്വരാജ് പുരസ്കാരം സരുൺ തോമസിന്

ഇരിട്ടി: കേരളത്തിലെ പഞ്ചായത്തുകളിൽ മാതൃകാപരമായ പ്രവർത്തനം നടത്തുന്ന ഒരു പഞ്ചായത്തംഗത്തിന് വർഷം തോറും നൽകി വരുന്ന ഗ്രാമസ്വരാജ് പുരസ്കാരത്തിന് ഉളിക്കൽ പഞ്ചായത്ത് മാട്ടറ വാർഡംഗം സരുൺ തോമസിനെ തെരഞ്ഞടുത്തു. നിലവിലെ തദ്ദേശ ഭരണ സമിതി കാലയളവിൽ നടത്തിയ പ്രവർത്തനങ്ങൾ സംസ്ഥാനാടിസ്ഥാനത്തിൽ വിലയിരുത്തിയാണ് പുരസ്കാര ജേതാവിനെ തെരഞ്ഞെടുത്തത്. ഫലകവും പ്രശസ്തിപത്രവും 10001 രൂപയും അടങ്ങുന്നതാണ് പുരസ്കാരം. കൊല്ലം ഇടയം കേന്ദ്രീകരിച്ച് പ്രവർത്തിക്കുന്ന ഗ്രാമസ്വരാജ് പഠന കേന്ദ്രമാണ് പുരസ്കാരം ഏർപ്പെടുത്തിയത്. ഓഗസ്റ്റ് രണ്ടാം വാരത്തിൻ പുരസ്കാര സമർപ്പണം നടത്തുമെന്ന് സംഘാടകർ അറിയിച്ചു.

പാൽച്ചുരത്ത് വിത്തൂട്ട് നടത്തി

പാൽച്ചുരം: വന്യജീവികൾ കാടിറങ്ങി നാട്ടിലേക്ക് വരുന്നത് തടയുന്നതിനുള്ള മാർഗമെന്ന നിലയിൽ പാൽച്ചുരത്ത് വിത്തൂട്ട് നടത്തി. വന്യജീവികൾക്ക് കാടിനുള്ളിൽ തന്നെ ഭക്ഷണമൊരുക്കുക എന്ന മിഷൻ ഫുഡ്, ഫോഡർ, വാട്ടർ എന്ന പദ്ധതിയുടെ ഭാഗമായാണ് വിത്തൂട്ട് നടത്തിയത്. ഫലവൃക്ഷങ്ങളുടെ വിത്തുകൾ കാട്ടിൽ നിക്ഷേപിക്കുന്നതാണ് പദ്ധതി. പ്ലാവ്, മാവ്, ആഞ്ഞിലി, കുടംപുളി, ഞാവൽ തുടങ്ങിയ ഫലവൃക്ഷങ്ങളുടെ വിത്തുകളാണ് വനത്തിൽ നിക്ഷേപിച്ചത്. സണ്ണി ജോസഫ് എംഎൽഎ ഉദ്ഘാടനം ചെയ്തു. കൊട്ടിയൂർ റേഞ്ച് ഫോറസ്റ്റ് ഓഫീസർ നിതിൻ രാജ് അധ്യക്ഷത വഹിച്ചു. കൊട്ടിയൂർ പഞ്ചായത്ത് പ്രസിഡന്‍റ് റോയി നമ്പുടാകം, ആറളം വൈൽഡ് ലൈഫ് അസി. വാർഡൻ രമ്യ രാഘവൻ, കൊട്ടിയൂർ വെസ്റ്റ് സെക്ഷൻ ഫോറസ്റ്റ് ഓഫീസർ എസ്. സജീവ്കുമാർ, പഞ്ചായത്ത് അംഗം ഷാജി പൊട്ടയിൽ എന്നിവർ പ്രസംഗിച്ചു. കൊട്ടിയൂർ ഐ.ജെ.എം. ഹയർ സെക്കൻഡറി സ്കൂളിലെ എസ്പിസി, സ്കൗട്ട് ആൻഡ് ഗൈഡ്സ് വിദ്യാർഥികളും പങ്കെടുത്തു.

ജില്ലാ വടംവലി ചാമ്പ്യൻഷിപ്പ്: കുന്നോത്ത് സെന്‍റ് ജോസഫ്സ് ഹയർ സെക്കൻഡറി സ്കൂൾ ഓവറോൾ ചാമ്പ്യന്മാർ

ഇരിട്ടി: ജില്ലാ ടഗ് ഓഫ് വാർ അസോസിയേഷനും കുന്നോത്ത് സെന്‍റ് ജോസഫ്സ് ഹയർ സെക്കൻഡറി സ്കൂളും സംയുക്തമായി നടത്തിയ ജില്ലാ വടംവലി ചാമ്പ്യൻഷിപ്പിൽ ആതിഥേയരായ കുന്നോത്ത് സെന്‍റ് ജോസഫ്സ് ഹയർസെക്കൻഡറി സ്കൂൾ ഓവറോൾ ചാമ്പ്യൻമാരായി. അണ്ടർ 19 ആൺകുട്ടികളുടെയും പെൺകുട്ടികളുടെയും വിഭാഗങ്ങളിൽ ഒന്നാം സ്ഥാനവും അണ്ടർ 17 പെൺകുട്ടികളുടെ വിഭാഗത്തിൽ രണ്ടാം സ്ഥാനവും ആൺകുട്ടികളുടെ വിഭാഗത്തിൽ മൂന്നാം സ്ഥാനവും നേടിയാണ് കുന്നോത്ത് സ്കൂൾ ചാമ്പ്യന്മാരായത്. ദേശാഭിമാനി കോടിയേരി, സെന്‍റ് മേരീസ് എടൂർ എന്നിവർ ഓവറോൾ രണ്ടാം സ്ഥാനവും കരസ്ഥമാക്കി. സീനിയർ പുരുഷന്മാരുടെ 600 കിലോ വിഭാഗത്തിലും മിക്സഡ് വിഭാഗത്തിലും ടൗൺ ടീം കൂത്തുപറമ്പയും, പുരുഷന്മാരുടെ 640 കിലോ വിഭാഗത്തിൽ എംജി കോളജ് ഇരിട്ടിയും, വനിതകളുടെ 500 കിലോ വിഭാഗത്തിൽ ദേശാഭിമാനി കോടിയേരിയും ചാമ്പ്യന്മാരായി. അണ്ടർ 19 മിക്സഡ് വിഭാഗത്തിലും അണ്ടർ 17 ആൺകുട്ടികളുടെ വിഭാഗത്തിലും സെന്‍റ് തോമസ് ഹയർ സെക്കൻഡറി സ്കൂൾ മണിക്കടവും, അണ്ടർ 17 മിക്സഡ് വിഭാഗത്തിൽ ഗവൺമെന്‍റ് ഹയർസെക്കൻഡറി സ്കൂൾ പ്രാപൊയിലും, അണ്ടർ 17 മിക്സഡ് വിഭാഗത്തിൽ സെൻമേരീസ് എടൂരും ചാമ്പ്യൻമാരായി. പുതുതായി നിർമിച്ച വടംവലി കോർട്ടിന്‍റേയും മത്സര ഉദ്ഘാടനവും ഫാ. മാത്യു ശാസ്താംപടവിൽ നിർവഹിച്ചു. സ്കൂൾ മാനേജർ ഫാ. സെബാസ്റ്റ്യൻ മുക്കിലിക്കാട്ട് അധ്യക്ഷത വഹിച്ചു. സ്കൂൾ പ്രിൻസിപ്പൽ പി.കെ. ബാബു സമ്മാന വിതരണം നടത്തി. ജില്ലാ വടംവലി അസോസിയേഷൻ സെക്രട്ടറി പ്രവീൺ മാത്യു, പായം പഞ്ചായത്ത് മെമ്പർമാരായ മുജീബ് കുഞ്ഞിക്കണ്ടി, ഷൈജൻ ജേക്കബ്, വൈസ് പ്രിൻസിപ്പൽ എം.ജെ. ജോർജ്, പിടിഎ പ്രസിഡന്‍റ് ബെന്നി പുതിയാമ്പുറം, ജോബി ജോസഫ്, വി.ജെ. സിജോ, ബെന്നി ജോസഫ് എന്നിവർ പ്രസംഗിച്ചു.

കൊട്ടിയൂർ ശിവക്ഷേത്രം ടൂറിസം ഹെറിറ്റേജ് പദ്ധതികൾ ഉദ്ഘാടനം ചെയ്തു

കൊട്ടിയൂർ: തലശേരി ഹെറിറ്റേജ് ടൂറിസം പദ്ധതിയിൽ ഉൾപ്പെടുത്തി കൊട്ടിയൂർ ശിവക്ഷേത്രത്തിൽ ടൂറിസം വകുപ്പിന്‍റെ മൂന്ന് ഘട്ടങ്ങളിലായി പൂർത്തിയാക്കിയ പ്രവൃത്തികളുടെ ഉദ്ഘാടനം മന്ത്രി പി.എ. മുഹമ്മദ് റിയാസ് നിർവഹിച്ചു. പത്ത് കോടിയോളം രൂപ ചെലവഴിച്ച് ക്ഷേത്രത്തിൽ ടൂറിസം വകുപ്പിന്‍റെ കൊട്ടിയൂർ ടെംപിൾ ടൂറിസം എക്‌സ്പീരിയൻസ് സ്ട്രീറ്റ്, സ്ട്രീറ്റ് സ്‌കേപ്പ്, ടൂറിസ്റ്റ് അമിനിറ്റീസ് എന്നിങ്ങനെ മൂന്ന് ഘട്ട പദ്ധതിയാണ് പൂർത്തിയാക്കിയത്. കൊട്ടിയൂർ ക്ഷേത്ര പരിസരത്തു നടന്ന ചടങ്ങിൽ സണ്ണി ജോസഫ് എംഎൽഎ അധ്യക്ഷത വഹിച്ചു.കൊട്ടിയൂർ പഞ്ചായത്ത് പ്രസിഡന്‍റ് റോയ് നമ്പുടാകം, വൈസ് പ്രസിഡന്‍റ് ഫിലോമിന തുമ്പൻതുരുത്തിയിൽ, ബ്ലോക്ക് പഞ്ചായത്തംഗം കെ. സുനീന്ദ്രൻ, വാർഡ് മെംബർ ജോണി ആമക്കാട്, കൊട്ടിയൂർ ദേവസ്വം ചെയർമാൻ ടി. നാരായണൻ നായർ, ടി.സി. മനോജ്, ടി.സി. ബിജു, അസി. കമ്മീഷണർ എൻ.കെ. ബൈജു, ഒ.കെ. വാസു, കെ. ഗോകുൽ, മാനേജർ കെ നാരായണൻ തുടങ്ങിയവർ പങ്കെടുത്തു.

കാർഗിൽ വിജയ ദിനാഘോഷം നടത്തി

ഇരിട്ടി : ആറളം പഞ്ചായത്തിലെ എക്സ് സർവീസ് മെൻ യൂണിറ്റിന്‍റെ നേതൃത്വത്തിൽ കാർഗിൽ വിജയദിത്തിൽ ആറളം പഞ്ചായത്തിന്‍റെ പ്രധാന കേന്ദ്രങ്ങളിൽ സന്ദേശയാത്ര സംഘടിപ്പിച്ചു. കീഴ്പ്പള്ളി ടൗണിൽ ചേർന്ന സമാപന സമ്മേളനം പഞ്ചായത്ത് അംഗം വത്സ ജോസ് ഉദ്ഘാടനം ചെയ്തു. രക്ഷധികാരി ഗോപി അത്തിയ്ക്കൽ അഅധ്യക്ഷത വഹിച്ചു. ആറളം എക്സ് സർവീസ് മെൻ യൂണിറ്റ് പ്രസിഡന്‍റ് എം.എം. ജയിംസ്, വ്യാപാരി വ്യവസായി ഏകോപന സമിതി സെക്രട്ടറി റഷീദ് പനേരി എക്സ് സർവീസ് മെൻ യൂണിറ്റ് സെക്രട്ടറി എം.എം.ജോസഫ്, യൂണിറ്റ് ട്രഷറര്‍ പി. നാരായണൻ എന്നിവർ പ്രസംഗിച്ചു .

കന്യാസ്ത്രീകൾക്ക് ഐക്യദാർഢ്യവുമായി നാട്

മട്ടന്നൂർ: ഛത്തീസ്ഗഡിൽ അകാരണമായി തുറുങ്കിലടക്കപ്പെട്ട കന്യാസ്ത്രീകൾക്ക് ഐക്യദാർഢ്യവുമായി സിപിഐ മട്ടന്നൂർ മണ്ഡലം കമ്മിറ്റിയുടെ ആഭിമുഖ്യത്തിൽ മട്ടന്നൂർ ടൗണിൽ പന്തം കൊളുത്തി പ്രകടനം നടത്തി. തുടർന്നു നടന്ന പ്രതിഷേധ യോഗം മണ്ഡലം സെക്രട്ടറി സി.എച്ച്. വത്സലൻ ഉദ്ഘാടനം ചെയ്തു. വി. അശോകൻ അധ്യക്ഷത വഹിച്ചു. ജില്ലാ കൗൺസിൽ അംഗങ്ങളായ മഹേഷ് കക്കത്ത്, കെ. മഹിജ, സി. ദിനേശൻ എന്നിവർ പ്രസംഗിച്ചു. പ്രകടനത്തിന് മനോജൻ കക്കത്ത്, പ്രദീപൻ പുത്തലത്ത്, ഷാജി മണക്കായി, കെ.കെ. മനോജൻ, കെ.വി. രതീശൻ, എ.സി. ദാമോദരൻ, മുണ്ടാണി പുരുഷോത്തമൻ, കെ. ഷൈമ എന്നിവർ നേതൃത്വം നൽകി. ഇരിട്ടി: കന്യാസ്ത്രീകളെ കള്ളക്കേസിൽപെടുത്തിയ നടപടികൾക്കെതിരേ സിപിഐയുടെ നേതൃത്വത്തിൽ ഇരിട്ടിയിൽ പ്രതിഷേധ പ്രകടനവും യോഗവും നടന്നു. കെ.ടി. ജോസ് ഉദ്ഘാടനം ചെയ്തു. കെ.പി. കുഞ്ഞി അധ്യക്ഷത വഹിച്ചു. പായം ബാബുരാജ് എന്നിവർ പ്രസംഗിച്ചു. ശങ്കർ സ്റ്റാലിൻ, കെ.പി. പദ്മനാഭൻ, സന്തോഷ് പാലക്കൽ, ബാബു കാരക്കാട്ട്, ദേവിക കൃഷ്ണൻ, ആർ. സുജിന, എം. ദിനേശൻ എന്നിവർ നേതൃത്വം നല്കി. ഇരിട്ടി: കുന്നോത്ത് ഇടവക എകെസിസിയുടെയും മാതൃവേദിയുടെയും സംയുക്താഭിമുഖ്യത്തിൽ നടന്ന കുന്നോത്ത് പാരിഷ് ഹാളിൽ നടന്ന പ്രതിഷേധ യോഗം ഫാ. ജോസഫ് കരിങ്ങാലിക്കാട്ടിൽ ഉദ്ഘാടനം ചെയ്തു. എകെസിസി പ്രസിഡന്‍റ് എൻ.വി. ജോസഫ് അധ്യക്ഷത വഹിച്ചു. ഇടവക കോ-ഓർഡിനേറ്റർ സെബാസ്റ്റ്യൻ കക്കാട്ടിൽ, മാതൃവേദി പ്രസിഡന്‍റ് ജീന കെ. മാത്യു തുടങ്ങിയവർ പ്രസംഗിച്ചു. ഇരിട്ടി: കന്യാസ്ത്രീകൾക്കും വൈദികർക്കും എതിരെ മത തീവ്രവാദ സംഘടനകൾ നടത്തുന്ന ആക്രമണത്തെ ആം ആദ്മി പാർട്ടി ജില്ലാകമ്മിറ്റി പ്രതിഷേധിച്ചു. യോഗത്തിൽ ആം ആദ്മി പാർട്ടി ജില്ലാ പ്രസിഡന്‍റ് ഷാജി മാട്ടറ, ജില്ലാ ജനറൽ സെക്രട്ടറി ബിജു പാമ്പയ്ക്കൽ, വർക്കിംഗ് പ്രസിഡന്‍റ് ജോസഫ് പാരിക്കാപള്ളി, വൈസ്പ്രസിഡന്‍റുമാരായ കെ.വി. രതീശൻ, സിബി തുരുത്തിപ്പിള്ളി, സെക്രട്ടറിമാരായ റമീസ് ചെറുവോട്ട്, ചന്ദ്രലേഖ, പേരാവൂർ നിയോജക മണ്ഡലം പ്രസിഡന്‍റ് സ്റ്റാനിസ്ലാവോസ്, ഇരിക്കൂർ നിയോജക മണ്ഡലം പ്രസിഡന്‍റ് തോമസ് കുര്യൻ എന്നിവർ പ്രസംഗിച്ചു.

സ്കൂൾ ബസ് ഫ്ലാഗ് ഓഫ് ചെയ്തു

ഇരിട്ടി: പടിയൂർ ശ്രീനാരായണ എ യു പി സ്കൂളിൽ മാനേജ്മെന്‍റും സ്റ്റാഫും സംയുക്തമായി വാങ്ങിയ സ്കൂൾ ബസിന്‍റെ ഫ്ലാഗ് ഓഫ്‌ എസ്എൻഡിപി യോഗം ദേവസ്വം സെക്രട്ടറി സന്തോഷ്‌ അരയാക്കണ്ടി നിർവഹിച്ചു. പി.എൻ. ബാബു അധ്യക്ഷത വഹിച്ചു. മുഖ്യാധ്യാപിക പി.ജി. സിന്ധു, അജി കണക്കശേരി, എ.എം. കൃഷ്ണൻകുട്ടി, പടിയൂർ ശാഖാ യോഗം പ്രസിഡന്‍റ് സുരേന്ദ്രൻ മുടപ്പയിൽ, വാർഡ് മെംബർ രാജീവൻ, പിടിഎ പ്രസിഡന്‍റ് സി. രജീഷ്, രശ്മി പുളിക്കൽ എന്നിവർ പ്രസംഗിച്ചു. പിടിഎ, മദർ പിടിഎ അംഗങ്ങൾ, അധ്യാപകർ രക്ഷിതാക്കൾ, വിദ്യാർഥികൾ എന്നിവർ പങ്കെടുത്തു.

വിമാനത്താവള പരിസരത്തെ മാലിന്യ സംസ്‌കരണ നടപടികൾ വിലയിരുത്തി

മട്ടന്നൂർ: കണ്ണൂർ രാജ്യാന്തര വിമാനത്തവള പരിസരത്തെ മാലിന്യ സംസ്‌കരണ നടപടികൾ എയ്‌റോഡ്രോം എൻവയോൺമെന്‍റ് മാനേജ്‌മെന്‍റ് കമ്മിറ്റി യോഗം വിലയിരുത്തി. വിമാനത്താവളത്തിന് 10 കിലോമീറ്റർ ചുറ്റളവിൽ അനധികൃത അറവുശാലകൾ നടത്തുകയോ പക്ഷികളെയും മൃഗങ്ങളെയും ആകർഷിക്കുന്ന മാലിന്യങ്ങൾ നിക്ഷേപിക്കുകയോ ചെയ്യരുത്. വിമാനത്താവളത്തിന് ചുറ്റും വന്യജീവികളുടെയും പക്ഷികളുടെയും ഉറവിടങ്ങൾ കുറയ്ക്കുന്നതിന് പൊതുജനങ്ങൾക്ക് മാർഗനിർദേശങ്ങളും ബോധവത്കരണവും നൽകും. എയർക്രാഫ്റ്റ് ആക്ട് 1934 പ്രകാരം നിയമം ലംഘിക്കുന്നവർക്ക് മൂന്ന് വർഷം വരെ തടവോ ഒരു കോടി രൂപ വരെ പിഴയോ അല്ലെങ്കിൽ രണ്ടും കൂടിയോ ഉള്ള ശിക്ഷ ലഭിക്കും. യോഗത്തിന് മുന്നോടിയായി മട്ടന്നൂർ നഗരസഭയിലും കീഴല്ലൂർ പഞ്ചായത്തിലും സമിതി അംഗങ്ങൾ സംയുക്ത പരിശോധന നടത്തിയിരുന്നു. വന്യജീവികളെയും പക്ഷികളെയും ആകർഷിക്കുന്ന ഉറവിടങ്ങൾ, അനുചിതമായ മാലിന്യം തള്ളൽ, അനധികൃത അറവുശാലകൾ എന്നിവ കണ്ടെത്താനാണ് പരിശോധന നടത്തിയത്. യോഗത്തിൽ ജില്ലാ കളക്ടർ അരുൺ കെ. വിജയൻ അധ്യക്ഷത വഹിച്ചു. കണ്ണൂർ വിമാനത്താവളം, പോലീസ്, മട്ടന്നൂർ നഗരസഭ, കീഴല്ലൂർ പഞ്ചായത്ത്, വനം വകുപ്പ്, ജില്ലാ മെഡിക്കൽ ഓഫീസ്, ജലസേചന വകുപ്പ് എന്നിവിടങ്ങളിൽ നിന്നുള്ള ഉദ്യോഗസ്ഥർ പങ്കെടുത്തു.

‘മീഡിയേഷൻ ഫോർ ദി നേഷൻ' കാമ്പയിന് തുടക്കമായി

കണ്ണൂർ: രാജ്യത്തുടനീളം തീർപ്പാകാതെ കിടക്കുന്ന നിയമപരമായ കേസുകൾ പരിഹരിക്കുന്നതിന് സുപ്രീംകോടതിയുടെയും നാഷണൽ ലീഗൽ അഥോറിറ്റിയുടെയും നേതൃത്വത്തിൽ നടക്കുന്ന 'മീഡിയേഷൻ ഫോർ ദി നേഷൻ' കാമ്പയിന് ജില്ലയിൽ തുടക്കമായി. ജില്ലയിൽ പരിഗണിച്ച 600 കേസുകളിൽ 50 എണ്ണം രമ്യതയിൽ തീർപ്പാക്കാൻ സാധിച്ചുവെന്ന് പ്രിൻസിപ്പൽ ജില്ലാ സെഷൻസ് ജഡ്ജും മീഡിയേഷൻ സെന്‍റർ ജില്ലാ കോ ഓർഡിനേറ്റുമായ കെ.ടി. നിസാർ അഹമ്മദ് പറഞ്ഞു. സിവിൽ കേസുകൾ, വൈവാഹിക തർക്കങ്ങൾ, കുടുംബ തർക്കങ്ങൾ, അപകട ക്ലെയിമുകൾ, ഗാർഹിക പീഡനം, ചെക്ക് ബൗൺസ് കേസുകൾ, വാണിജ്യ തർക്കങ്ങൾ, സർവീസ് കാര്യങ്ങൾ, ക്രിമിനൽ കോമ്പൗണ്ടബിൾ കേസുകൾ, ഉപഭോക്തൃ തർക്കങ്ങൾ, കടം തിരിച്ചുപിടിക്കൽ കേസുകൾ, ഭൂമി ഏറ്റെടുക്കൽ എന്നിവ മീഡിയേഷൻ മുഖാന്തരം രമ്യതയിൽ അവസാനിപ്പിക്കാൻ സാധിക്കും. പരിശീലനം ലഭിച്ച പ്രഫഷണലുകളെയും അഭിഭാഷകരേയും ഉൾപ്പെടുത്തിയാണ് കാമ്പയിൻ. ഒറ്റയ്ക്കും കൂട്ടമായും വിശ്വസ്തതയോടെ കാര്യങ്ങൾ ചർച്ചചെയ്ത് കൃത്യമായ പ്രശ്‌നം കണ്ടെത്തി കേസുകൾ പരിഹരിക്കാൻ ഇതിലൂടെ സാധിക്കും. കൂടാതെ ജനസൗഹൃദവും ചെലവ് കുറഞ്ഞതും സമയം ലാഭിക്കാൻ സാധിക്കുന്നതുമാണ്. കോടതിയുടെ പരിഗണനയിലുള്ള കേസുകൾ ഒത്തുതീർപ്പാക്കാൻ താത്പര്യമുള്ളവർക്ക് അഭിഭാഷകരേയോ ലീഗൽ സർവീസ് അഥോറിറ്റി വഴിയോ ബന്ധപ്പെട്ട് മീഡിയേഷനിലേക്ക് മാറ്റാം. നിലവിൽ ലീഗൽ സർവീസ് അഥോറിറ്റി മുഖാന്തരം സ്ത്രീകൾക്കും കുട്ടികൾക്കും സൗജന്യ നിയമ സംവിധാനം നല്കുന്നുണ്ട്. കാമ്പയിൻ സെപ്റ്റംബർ 30 വരെ തുടരും.

30.33 ഹെക്ടറിലെ കൃഷി നശിച്ചു; 1.16 കോടിയുടെ നഷ്ടം

കണ്ണൂർ: കാലവർഷ കെടുതിയിൽ ജില്ലയിൽ 1.16 കോടിയുടെ കൃഷി നാശം. 30.33 ഹെക്ടറിലെ കൃഷി നശിച്ചു. മേയിൽ ആരംഭിച്ച കനത്ത മഴയിൽ ഏറ്റവും കൂടുതൽ കൃഷി നാശം നേരിട്ടത് വാഴ കൃഷിക്കാണ്. എടക്കാട് ബ്ലോക്കിൽ 0.73 ഹെക്ടറിലായി 137104 രൂപയുടേയും ഇരിക്കൂർ ബ്ലോക്കിൽ 1.93 ഹെക്ടറിലായി 1543400 രൂപയുടേയും ഇരിട്ടിയിൽ 2.47 ഹെക്ടറിലായി 222900 രൂപയുടേയും കല്യാശേരിയിൽ 0.72 ഹെക്ടറിലായി 501000 രൂപയുടേയും കൂത്തുപറന്പ ബ്ലോക്കിൽ 30550 രൂപയുടേയും പാനൂർ ബ്ലോക്കിൽ 0.01 ഹെക്ടറിലായി 607000 രൂപയുടേയും തളിപ്പറന്പ് ബ്ലോക്കിൽ 7.07 ഹെക്ടറിലായി 749960 രൂപയുടേയും കണ്ണൂർ ബ്ലോക്കിൽ 0.4 ഹെക്ടറിലായി 100000 രൂപയുടേയും പേരാവൂർ ബ്ലോക്കിൽ 2.0 ഹെക്ടറിലായി 2410000 രൂപയുടേയും നാശനഷ്ടമുണ്ടായി. കൃഷി നാശം സംബന്ധിച്ച അവസാന കണക്കെടുപ്പ് നടന്നു വരികയാണ്. നഷ്ടപരിഹാരം ഇൻഷ്വർ ചെയ്ത കൃഷിക്കു മാത്രം കാലവർഷകെടുതിയിൽ കൃഷി നാശം നേരിട്ട കർകരിൽ ഇൻഷ്വർ ചെയ്ത കർഷകർക്കു മാത്രമേ നഷ്ടപരിഹാരം ലഭിക്കുകയുള്ളൂ. ഇൻഷ്വറൻസ് ചെയ്യാത്ത കർഷകർക്ക് കൃഷി നാശമുണ്ടായാലും നഷ്ടപരിഹാരം ലഭിക്കില്ല. മുൻ വർഷങ്ങളിൽ ഇൻഷ്വർ ചെയ്യാത്ത കാർഷിക വിളകൾക്കും സർക്കാർ നഷ്ടപരിഹാരം നൽകിയിരുന്നു.

അധ്വാനപർവം

ട്രെയിൻമാർഗം പയ്യന്നൂരിൽ എത്തിയ കുടിയേറ്റക്കാർക്ക് പാടിച്ചാൽവരെ സർവീസ് നടത്തിയിരുന്ന ബസായിരുന്നു ചെറുപുഴ, ചുണ്ട, പുളിങ്ങോം, ഇടവരമ്പ്, പാലാവയൽ എന്നിവിടങ്ങളിലേക്ക് പോകാനുള്ള ആശ്രയം. എന്നാൽ, കുടിയേറ്റക്കാർക്ക് അവസാനം മാത്രമാണ് ബസിൽ കയറാൻ സാധിക്കൂ...അന്ന് ഇന്നത്തെ പോലെ ബസിൽ കയറിയതിനു ശേഷം ടിക്കറ്റ് എടുക്കുന്ന രീതി ഇല്ലായിരുന്നു. മറിച്ച് ബസിൽ കയറുന്നതിനു മുമ്പ് ടിക്കറ്റ് എടുക്കണം. കുടിയേറ്റക്കാർ ഒഴിച്ചുള്ളവർക്കെല്ലാം ടിക്കറ്റ് നൽകി ബസിൽ കയറ്റി ഇരുത്തിയതിനു ശേഷമേ മണിക്കൂറുകളോളം ടിക്കറ്റിനായി കാത്തു നിന്നിരുന്ന കുടിയേറ്റക്കാർക്ക് ടിക്കറ്റ് ലഭിക്കുകയുള്ളൂവെന്ന് പാലാവയലിലെ എ.കെ. ജോൺ അറയ് ക്കൽ പറയുന്നു. 1949 ൽ മാതാപിതാക്കൾ എത്തിയെങ്കിലും 1953 ലാണ് ഞാൻ പാലാവയലിൽ എത്തുന്നത്. പാലായിൽനിന്നു രാവിലെ ബസിൽ കയറി ആലുവായിൽ എത്തി അവിടെനിന്നും ട്രെയിൻ മാർഗം പയ്യന്നൂരിലേക്ക്. ഷൊർണൂർ ജംഗ്ഷനിൽ തീവണ്ടി മാറി കയറുമ്പോൾ കൈയിലുണ്ടായിരുന്ന ബാഗും മറ്റു സാധനങ്ങളുമെല്ലാം പോലീസ് പരിശോധനയ്ക്ക് വിധേയമാക്കി. രണ്ടു ദിവസത്തെ കൽക്കരി തീവണ്ടിയാത്ര എന്നെയും കൂടെയുണ്ടായിരുന്നവരെയും കരിപ്പുകയിൽ കുളിപ്പിച്ചു. റെയിൽവേ സ്റ്റേഷനിൽനിന്നും രണ്ട് മൈൽ ദൂരം നടന്ന് കൊക്കാനിശേരി എന്ന ഇന്നത്തെ പയ്യന്നൂർ ടൗണിൽ എത്തി. അവിടെനിന്നും ബസിൽ പാടിച്ചാലിലേക്ക്. പാടിച്ചാലിൽ എത്തിയപ്പോൾ വൈകുന്നേരമായതിനാൽ അന്നത്തെ യാത്ര അവസാനിപ്പിച്ച് അവിടുത്തെ ഒരു കടത്തിണ്ണയിൽ കിടന്നുറങ്ങി. പിറ്റേന്ന് കാൽനടയായി രാവിലെ 12 കിലോമീറ്റർ ദൂരെയുള്ള പാലാവയലിലേക്ക്. ഇരുൾ വീഴുന്നതിന് മുമ്പായി മുളകൾ കെട്ടിയുണ്ടാക്കിയ പാണ്ടിയിൽ പുളിങ്ങോം പുഴ കടന്ന് പാലാവയലിൽ എത്തി. നടന്നു പോകാൻ മാത്രം വീതിയുള്ള കാട്ടുപാത, പാമ്പും വന്യമൃഗങ്ങളുമുള്ള കാട്ടുപ്രദേശം. അങ്ങിങ്ങായി ഓരോ വീടുകൾ. വീട് എന്ന് പറയാൻ പറ്റില്ലായിരുന്നു. ഷെഡുകൾ കുടിലുകൾ എന്നൊക്കെയാണ് പറഞ്ഞിരുന്നത്. മണ്ണ് വെട്ടിക്കൂട്ടിയുണ്ടാക്കിയ തറ. മരക്കമ്പുകൾ നിർമിച്ച മേൽക്കൂര, ഓട തണ്ടോടെ പറിച്ച് ചെറിയ കറ്റകളാക്കി ഉണക്കിയ ഓടപ്പായ കൊണ്ടാണ് മേഞ്ഞിരുന്നത്. ഓട പൊട്ടിച്ച് മെടഞ്ഞുണ്ടാക്കിയ പാളികൾക്കൊണ്ട് മറച്ചിരിക്കും. ഇതായിരുന്നു അന്നത്തെ വാസസ്ഥലം. കുടിയേറ്റത്തിന്‍റെ ആദ്യനാളുകളിൽ ഭക്ഷ്യക്ഷാമം രൂക്ഷമായിരുന്നു. അരി സുലഭമായിരുന്നില്ല. കപ്പ ആയിരുന്നു പ്രധാന ഭക്ഷണം. മംഗലാപുരം രൂപതയുടെ കീഴിലുള്ള നീലേശ്വരം സെന്‍റ് പീറ്റേഴ്സ് പളളിയിലെ ഫാ. ജറോം ഡിസൂസ മാസത്തിൽ രണ്ടു ദിവസം ഇവിടെയെത്തി വീടുകളിൽ ദിവ്യബലി അർപ്പിക്കുമായിരുന്നു. അച്ചൻ പെരുമ്പട്ടവരെ ബോട്ടിനു വന്ന ശേഷം നടന്ന് പാലാവയലിൽ എത്തും. ‌മഴക്കാലത്ത് വഴികളിലുള്ള തോട്ടിൽ അച്ചനെ എടുത്ത് കടത്തണം. ഒരിക്കൽ ഏണിച്ചാൽ തോട് നിറഞ്ഞ് കിടന്നപ്പോൾ അച്ചനെ ചെന്പിനകത്ത് ഇരുത്തി ഇക്കരയെത്തിച്ചത് ഇപ്പോഴും ഓർമയിൽ തങ്ങിനിൽക്കുന്നു.‌ വിളവായാൽ ഏറുമാടത്തിൽ " കൃഷിയിടങ്ങളിൽ വിളവായി തുടങ്ങിയാൽ രാത്രിയിൽ ഏറുമാടത്തിൽ കാവൽ ഇരിക്കും. കൂട്ടായ്മയിലാണ് പല കൃഷികളും ചെയ്യുന്നത്. അതിനാൽ, ഒരുമിച്ചാണ് കാവൽ..ഇല്ലെങ്കിൽ വിളവെല്ലാം കാട്ടുപന്നി കൊണ്ടുപോകും. കുരങ്ങിന്‍റെ ശല്യവും വ്യാപകമായിരുന്നു. എന്നാൽ, ആന കൃഷിയിടത്തിൽ ഇറങ്ങുന്നത് വല്ലപ്പോഴും മാത്രമായിരുന്നുവെന്ന് പൈസക്കരി പുണർത്താംകുന്നേൽ പി.എം. മാത്യു പറയുന്നു. പാല രാമപുരത്ത് നിന്ന് 1957 ലാണ് മാതാപിതാക്കളായ ഏബ്രാഹാം-ക്ലാര എന്നിവർ മാത്യു ഉൾപ്പെടെ ആറുമക്കളുമായി മലബാറിലേക്ക് യാത്രതിരിച്ചത്. കണ്ണൂരിൽനിന്ന് വാഹനത്തിൽ ശ്രീകണ്ഠപുരം എത്തുകയും അവിടെനിന്ന് നടന്ന് പൈസക്കരിയിൽ എത്തി സ്ഥലം വാങ്ങുകയായിരുന്നു. മഴക്കാലമായാൽ പാറക്കടവ് പുഴ കരകവിഞ്ഞൊഴുകും. സാധനങ്ങൾ വാങ്ങാനും മാർക്കറ്റിൽ കൊണ്ടുപോയി വിൽക്കാനും സാധിക്കാത്ത അവസ്ഥ. അസുഖം ബാധിച്ചാൽ വാഹനസൗകര്യം ഇല്ലാത്തതിനാൽ രോഗികളെ ചാക്കുകട്ടിലിൽ കിടത്തിയായിരുന്നു കൊണ്ടുപോയിരുന്നത്. ചെങ്ങളായിയിൽ മാത്രമാണ് ഒരു ഡിസ്പെൻസറി ഉണ്ടായിരുന്നത്. കുടിയേറ്റക്കാരിൽ കൂടുതൽ പേരും അകാലത്തിൽ മരണമടഞ്ഞത് പാന്പു കടിയേറ്റാണ്. പൈസക്കരിയിലെ സ്കൂളിൽ പ്യൂൺ ആയി ജോലി കിട്ടിയപ്പോൾ സ്കൂളിലെ പല ആവശ്യങ്ങൾക്ക് തളിപ്പറന്പിൽ പോകണമായിരുന്നു. ഏകദേശം 30 കിലോമീറ്റർ ദൂരം നടക്കാനുണ്ടായിരുന്നു. ഗതാഗതസൗകര്യം ഇല്ലാത്തതിനാൽ മനഃസമ്മതം നടത്താൻ മൂന്നുദിവസം പിന്നിട്ട സംഭവവും പി.എം. മാത്യു ഓർമിച്ചെടുക്കുന്നു. വൈദികന്‍റെ സൗകര്യം അന്ന് തളിപ്പറന്പ് തൃച്ചംബരത്ത് മാത്രമാണ് ഉണ്ടായിരുന്നത്. വരന്‍റെ ആൾക്കാരും വധുവിന്‍റെ ആൾക്കാരും രണ്ടു സംഘമായി തിരിഞ്ഞ് തളിപ്പറന്പിലേക്ക് നടപ്പുതുടങ്ങി. വൈകുന്നേരത്തോടെയാണ് അവിടെ എത്തിയത്. പിന്നെ, അവിടെ വിശ്രമിച്ച് അടുത്ത ദിവസം മനഃസമ്മതം നടത്തി. അവിടെനിന്നും വെള്ളിയാഴ്ച അതിരാവിലെ പുറപ്പെട്ടാണ് പൈസക്കരിയിൽ എത്തിച്ചേർന്നത്. കുടിയേറ്റകാലത്തെ പ്രധാന വ്യാപാര കേന്ദ്രമായിരുന്നു ചെങ്ങളായി. അവിടെനിന്നും പാപ്പിനിശേരി, വളപട്ടണം ഭാഗങ്ങളിലേക്ക് ബോട്ട് സർവീസ് ഉണ്ടായിരുന്നു. ഇന്നു കാണുന്ന പയ്യാവൂർ-ചന്ദനക്കാംപാറ റോഡ് നിർമിച്ചതും അന്നത്തെ കൂട്ടായ്മയിലാണ്. കൺമുന്നിൽ മരണങ്ങൾ മലബാറിലേക്ക് എത്തിയപ്പോൾ പനി ബാധിച്ച് മൂത്ത ജ്യേഷ്ഠൻ മരിച്ചു. എട്ടുവയസുള്ളപ്പോൾ അപ്പനും മരിച്ചു. എന്തു ചെയ്യണമെന്നറിയില്ല.. ഒന്നും ആലോചിച്ചില്ല. കിട്ടിയ സ്ഥലത്ത് പല കൃഷി രീതികളും നടത്തി. ഒടുവിൽ മണ്ണിനോട് പടവെട്ടി ജീവിതം തിരികെ പിടിക്കുകയായിരുന്നുവെന്ന് അയ്യൻകുന്നിലെ വെട്ടിക്കൽ ഏബ്രഹാം പറയുന്നു. അയ്യൻകുന്ന് പഞ്ചായത്തിലെ ആദ്യ കുടിയേറ്റക്കാരിൽ രണ്ടുപേരിൽ ഒരാളായ വെട്ടിക്കൽ ഔസേപ്പിന്‍റെ മകൻ ഏബ്രഹാം പങ്കുവയ്ക്കുന്നത് തീച്ചൂള പോലെ പൊള്ളുന്ന ഓർമകളാണ്. 1941 ലാണ് വെട്ടിക്കൽ ഔസേപ്പച്ചനും മൂത്ത രണ്ടു മക്കളും ബന്ധുക്കളായ കാവുങ്കൽ കുടുംബവും കരിക്കോട്ടക്കരിയിൽ എത്തുന്നത്. നിരവധി സ്ഥലങ്ങൾ തേടി നടന്നതിനു ശേഷമാണ് കരിക്കോട്ടക്കരിയിൽ അന്നത്തെ ജന്മി പാറപ്രവൻ മമ്മുഹാജിയിൽനിന്നും 27 ഏക്കർ സ്ഥലം വാങ്ങുന്നത്. ട്രെയിനിൽ ആലുവയിൽ നിന്നും ഷൊർണൂരിൽ, ഷൊർണൂരിൽ നിന്നും തലശേരി, പിന്നീട് കൽക്കരി വണ്ടിയിൽ ഇരിട്ടി, അവിടെ നിന്നും കാൽനടയായി കരിക്കോട്ടക്കരിയിൽ.. അങ്ങനെയായിരുന്നു യാത്ര. അന്നു ധാരാളം നെൽവയലുകൾ ഉണ്ടായിരുന്ന പ്രദേശമായിരുന്നു കരിക്കോട്ടക്കരി. അതുകൊണ്ടുതന്നെ കുടിയേറ്റത്തിന്‍റെ ആദ്യകാലത്തുതന്നെ നെൽക്കൃഷി നടത്തി വിശപ്പടക്കാൻ കഴിഞ്ഞിരുന്നു. വീട്ടുസാധനങ്ങൾ വാങ്ങാൻ മാസത്തിൽ ഒരിക്കൽ കിലോമീറ്ററുകൾ നടന്നുവേണം പോകാൻ. മൂന്നും നാലും കുടുംബത്തിലെ അംഗങ്ങൾ ഒന്നിച്ചാകും യാത്ര. ‌ അസുഖം പിടിപെട്ടാൽ രോഗിയെ എടുത്തുകൊണ്ട് 20 കിലോമീറ്റർ ദൂരെയുള്ള കമ്പോണ്ടറുടെ അടുത്തെത്തുമ്പോൾ പലരും ജീവനോടെ കാണില്ലെന്നും ഏബ്രഹാം പറയുന്നു.

ക്രൈസ്തവ പീഡനം അവസാനിപ്പിക്കണം: ചെറുപുഷ്പ മിഷൻലീഗ്

തലശേരി : മതേതര ഭാരതത്തിലെ വിവിധ സംസ്ഥാനങ്ങളിൽ ക്രൈസ്തവർക്കെതിരെയുള്ള അതിക്രമങ്ങൾ അവസാനിപ്പിക്കണമെന്ന് ചെറുപുഷ്പ മിഷൻലീഗ് തലശേരി അതിരൂപത കമ്മിറ്റി ആവശ്യപ്പെട്ടു. ക്രൈസ്തവ മിഷനറിമാർ സമൂഹത്തിൽ നടത്തുന്ന ജീവകാരുണ്യ പ്രവർത്തനങ്ങളെ അവഹേളിക്കുകയും ആൾക്കൂട്ട വിചാരണ നടത്തി കള്ളക്കേസിൽ ജയിലാക്കുകയും ചെയ്യുന്ന പ്രവണത വർധിക്കുന്നതിൽ കമ്മിറ്റി ഉത്കണ്ഠ രേഖപ്പെടുത്തി. ആരോരുമില്ലാത്തവർ‌ക്ക് ജിവനും ജീവിതവും സമർപ്പിച്ച മിഷനറിമാരെ മനുഷ്യക്കടത്തുകാരും മതപരിവർത്തകരുമാക്കി മുദ്രകുത്തി രാജ്യദ്രോഹ കുറ്റംവരെ ചുമത്തി തുറങ്കിലടച്ച് പീഡിപ്പിക്കുകയാണ്. ക്രൈസ്തവർ നടത്തുന്ന നൂറുകണക്കിന് ആതുരാലയ- വിദ്യാഭ്യാസ സ്ഥാപനങ്ങളിലൂടെ മതപരിവർത്തനം നടത്തുന്നു എന്ന ആരോപണം അടിസ്ഥാനരഹിതമാണ്. മതപരിവർത്തനം നടത്തുന്നുണ്ടെങ്കിൽ ഓരോ വർഷവും ക്രൈസ്തവരുടെ എണ്ണം എങ്ങനെയാണ് കുറയുന്നതെന്ന് ആരോപണം ഉന്നയിക്കുന്നവർ വ്യക്തമാക്കണമെന്ന് അതിരൂപത ഡയറക്ടർ ഫാ. ജിതിൻ വയലുങ്കൽ, പ്രസിഡന്‍റ് ഷിജോ സ്രായിൽ, സെക്രട്ടറി ബിജു കൊച്ചുപൂവക്കോട് എന്നിവർ ആവശ്യപ്പെട്ടു.

പ്രവാസി യുവാവിന്‍റെ കൊലപാതകം: പത്താം പ്രതി അറസ്റ്റില്‍

കാസര്‍ഗോഡ്: പ്രവാസി യുവാവിനെ തട്ടിക്കൊണ്ടുപോയി തലകീഴായി കെട്ടിത്തൂക്കി ക്രൂരമായി മര്‍ദ്ദിച്ചു കൊലപ്പെടുത്തിയ കേസിലെ പത്താം പ്രതിയെ ക്രൈംബ്രാഞ്ച് അറസ്റ്റ് ചെയ്തു. മഞ്ചേശ്വരം അച്ചക്കര സ്വദേശിയായ അഷര്‍ അലിയാണ് (35) അറസ്റ്റിലായത്. ദുബായില്‍ നിന്ന് നാട്ടിലേക്ക് വരികയായിരുന്ന അഷറിനെ കണ്ണൂര്‍ വിമാനത്താവളത്തില്‍ ഡിവൈഎസ്പി പി.മധുസൂദനന്‍ നായരും സംഘവും അറസ്റ്റ് ചെയ്യുകയായിരുന്നു. 2022 ജൂണ്‍ 26നാണ് കേസിനാസ്പദമായ സംഭവം. കുമ്പള സീതാംഗോളി മുഗു റോഡിലെ പ്രവാസിയായ അബൂബക്കര്‍ സിദ്ദിഖിനെയാണ് (32) കൊലപ്പെടുത്തിയത്. ഗള്‍ഫിലുള്ള ഒരാളെ ഏല്‍പ്പിക്കുന്നതിനായി നല്‍കിയ 30 ലക്ഷം രൂപയുമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശിച്ചതെന്നാണ് പോലീസ് കേസ്. ആദ്യം അബൂബക്കര്‍ സിദ്ദിഖിന്‍റെ സഹോദരനെയും സുഹൃത്തിനെയും ക്വട്ടേഷന്‍ സംഘം തട്ടികൊണ്ടുപോവുകയും അജ്ഞാത കേന്ദ്രത്തില്‍ തടവിലാക്കിയ ശേഷം ക്രൂരമായി മര്‍ദ്ദിക്കുകയായിരുന്നു. എന്നാല്‍ സാമ്പത്തിക ഇടപാട് പ്രശ്‌നത്തിനു പരിഹാരം ഉണ്ടായില്ല. തുടര്‍ന്ന് ഗള്‍ഫിലായിരുന്ന അബൂബക്കര്‍ സിദ്ദിഖിനെ നാട്ടിലേക്ക് വിളിച്ചുവരുത്തി കാറില്‍ തട്ടിക്കൊണ്ടുപോയ ശേഷം പൈവളിഗെയിലെ ആളൊഴിഞ്ഞ സ്ഥലത്തെ ഇരുനിലവീട്ടില്‍ എത്തിച്ചു. അവിടെവച്ച് തലകീഴായി കെട്ടിത്തൂക്കി ക്രൂരമായി മര്‍ദ്ദിച്ചതോടെ മരണം സംഭവിച്ചു. ഇതേത്തുടര്‍ന്ന് ക്വട്ടേഷന്‍ സംഘം അബൂബക്കര്‍ സിദ്ദിഖിന്റെ മൃതദേഹം കാറില്‍ കയറ്റി ബന്തിയോട്ടെ സ്വകാര്യആശുപത്രിയുടെ മുന്നില്‍ ഉപേക്ഷിച്ച് കടന്നുകളയുകായിരുന്നു. 19 പ്രതികളില്‍ 14 പേരെ അറസ്റ്റ് ചെയ്തിരുന്നു. കൊലപാതകത്തില്‍ നേരിട്ട് ബന്ധമുള്ളവരടക്കം അഞ്ചുപേര്‍ ഒളിവിലാണ്. കൂടുതല്‍ പ്രതികളും ഗൂഢാലോചനയും ഉണ്ടെന്നു കാണിച്ച് അമ്മ നല്‍കിയ പരാതിയെ തുടര്‍ന്നാണ് കേസ് ക്രൈംബ്രാഞ്ചിനു കൈമാറിയത്. കൊല നടന്ന ദിവസം തന്നെ ദുബായിലേക്കു കടന്ന അഷര്‍ അലിയെ പിടികൂടുന്നതിനു ക്രൈംബ്രാഞ്ച് ലുക്ക് ഔട്ട് നോട്ടീസും പുറപ്പെടുവിച്ചിരുന്നു. കൊലക്കേസ് കൂടാതെ അബൂബക്കര്‍ സിദ്ദിഖിന്‍റെ സഹോദരനെയും സുഹൃത്തിനെയും വധിക്കാന്‍ ശ്രമിച്ചതിനും അഷര്‍ അലിക്കെതിരെ കേസുണ്ട്.

എട്ടുവയസുകാരിയെ പീഡിപ്പിച്ച അന്പത്തിനാലുകാരന് 77 വർഷം കഠിനതടവും രണ്ടരലക്ഷം പിഴയും

തളിപ്പറമ്പ്: എട്ടുവയസുകാരിയെ പീഡിപ്പിച്ച കേസിൽ പ്രതിയെ 77 വര്‍ഷം കഠിനതടവിനും രണ്ടരലക്ഷം രൂപ പിഴയ്ക്കും ശിക്ഷിച്ചു. ഉളിക്കൽ സ്വദേശി പദ്മനാഭനെയാണ് (54) തളിപ്പറന്പ് അതിവേഗ പോക്സോ കോടതി ജഡ്ജി ആർ. രാജേഷ് ശിക്ഷിച്ചത്. 2021, 22 വർഷങ്ങളിലായിരുന്നു കേസിനാസ്പദമായ സംഭവം. തളിപ്പറമ്പ് സ്റ്റേഷനിലെ എസ്ഐ ദിനേശന്‍ കൊതേരി രജിസ്റ്റര്‍ ചെയ്ത കേസ് പിന്നീട് ഉളിക്കല്‍ സ്റ്റേഷനിലേക്ക് മാറ്റുകയായിരുന്നു. വിചാരണയ്ക്കിടെ മുങ്ങിയ പ്രതിയെ ഉളിക്കല്‍ എസ്ഐ സുധീര്‍ കല്ലനാണ് അറസ്റ്റ് ചെയ്ത് കോടതിയിൽ കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി സ്‌പെഷ്യല്‍ പ്രോസിക്യൂട്ടര്‍ അഡ്വ. ഷെറിമോൾ ജോസ് ഹാജരായി.

കൊട്ടിയൂരിൽ റോഡുകളും അടിസ്ഥാന സൗകര്യങ്ങളും വികസിപ്പിക്കും: മന്ത്രി മുഹമ്മദ് റിയാസ്

ൊകൊട്ടിയൂർ: കൊട്ടിയൂർ ഉത്സവത്തിന് വരുന്നവർക്ക് ഗതാഗതക്കുരുക്ക് ഇല്ലാത്ത വിധം സൗകര്യപ്രദമായ റോഡുകൾ, മറ്റ് അടിസ്ഥാന സൗകര്യങ്ങൾ എന്നിവ ഒരുക്കാനായി പ്രപ്പോസൽ സമർപ്പിക്കാൻ സൂപ്രണ്ടിംഗ് എൻജിനിയർക്ക് നിർദേശം നല്കുമെന്ന് മന്ത്രി പി.എ. മുഹമ്മദ് റിയാസ്. തലശേരി ഹെറിറ്റേജ് ടൂറിസം പദ്ധതിയിൽ ഉൾപ്പെടുത്തി കൊട്ടിയൂർ ശിവക്ഷേത്രത്തിൽ ടൂറിസം വകുപ്പിന്‍റെ മൂന്ന് ഘട്ടങ്ങളിലായി പൂർത്തിയാക്കിയ പ്രവൃത്തികളുടെ ഉദ്ഘാടനം നിർവഹിച്ചു പ്രസംഗിക്കുകയായിരുന്നു മന്ത്രി. ഇത്തവണ ഒരുകാലത്തും ഇല്ലാത്ത നിലയിൽ കർണാടകത്തിൽ നിന്നും തമിഴ്നാട്ടിൽ നിന്നും നിരവധി തീർഥാടകർ കൊട്ടിയൂരിലെത്തി. അതിന് അനുസൃതമായ പശ്ചാത്തല വികസനം ഇവിടെ വേണം. പ്രദേശത്തിന്‍റെ പശ്ചാത്തലവികസനം ടൂറിസം, പൊതുമരാമത്ത് വകുപ്പുകളുടെ സഹകരണത്തോടെ നടപ്പാക്കാൻ ശ്രമിക്കും. കൊട്ടിയൂർ ക്ഷേത്രം ഉൾപ്പെടെ കണ്ണൂരിലെ വിവിധ ക്ഷേത്രങ്ങൾ ഉൾപ്പെടുത്തി വിപുലമായ തീർഥാടന ടൂറിസത്തിനുള്ള പ്രപ്പോസൽ കേന്ദ്രസർക്കാരിന് സമർപ്പിക്കും. തീർഥാടകർ ഒരു ആരാധനാലയത്തിലേക്ക് വരുമ്പോൾ അതോടൊപ്പം സമീപപ്രദേശത്തെ ടൂറിസം കേന്ദ്രങ്ങളും കാണുന്നു. ഇതിലൂടെ ആ പ്രദേശത്തിനും ജില്ലയ്ക്കും അതുവഴി സംസ്ഥാനത്തിനും സാമൂഹ്യ-സാമ്പത്തിക അഭിവൃദ്ധിയുണ്ടാകും.നമ്മുടെ നാട്ടിലെ ആരാധനാലയങ്ങളുടെ പൈതൃകം സംരക്ഷിക്കുക, സൗകര്യങ്ങൾ ഒരുക്കുക എന്ന ഉത്തരവാദിത്വം കേരള ടൂറിസം വകുപ്പിനുണ്ടെന്നും മന്ത്രി പറഞ്ഞു.

വീട്ടിൽനിന്ന് 25 പവൻ കവർന്ന കേസിൽ ഹോം നഴ്സിന്‍റെ‌ ഭർതൃസഹോദരൻ അറസ്റ്റിൽ

മാഹി: മാഹിയിലെ വീട്ടിൽനിന്ന് 25 പവൻ സ്വർണം കവർന്ന കേസിൽ വീട്ടിൽ ജോലിക്കുനിന്ന ഹോം നഴ്സിന്‍റെ ഭർത്താവിന്‍റെ സഹോദരനായ ആറളം സ്വദേശിയെ മാഹി സിഐ അനിൽകുമാറും സംഘവും അറസ്റ്റ് ചെയ്തു. ആറളം വെളിമാനം ഉന്നതിയിലെ പനച്ചിക്കൽ അനിയൻ ബാവ എന്ന പി. ദിനേഷിനെ (23) യാണ് തിങ്കളാഴ്ച അറസ്റ്റ് ചെയ്തത്. പന്തക്കൽ ഊരോത്തുമ്മൽ ക്ഷേത്രത്തിന് സമീപം സപ്രമയ ക്വാർട്ടേഴ്സിലെ താഴത്തെനിലയിൽ താമസിക്കുന്ന രമ്യയുടെ വീട്ടിൽ സൂക്ഷിച്ച സ്വർണമാണ് കളവുപോയത്. ആലപ്പുഴ സ്വദേശിനിയായ രമ്യ കോടിയേരി മലബാർ കാൻസർ സെന്‍ററിലെ നഴ്സാണ്. ഭർത്താവ് ഷിബുകുമാറിന് കൊല്ലത്താണ് ജോലി. ഇവർ ജോലിക്കു പോകുന്പോൾ രണ്ടു ചെറിയ കുട്ടികളെ നോക്കാനായി ഏജൻസി വഴിയാണ് ആറളം സ്വദേശിനി ഷൈനിയെ (29) നൽകിയത്. ഷൈനിയുടെ പെരുമാറ്റം ഇഷ്ടമാകാത്തതിനാൽ ഏജൻസിയോട് കുറച്ച് പ്രായംചെന്ന ഹോം നഴ്സിനെ ഏർപ്പാടാക്കാൻ ആവശ്യപ്പെട്ടിരുന്നു. ജോലി മതിയാക്കി മടങ്ങിയ ഷൈനി വീടിന്‍റെ താക്കോൽ കൂടെക്കൊണ്ടുപോയി. മറ്റൊരു താക്കോൽ കൂടിയുള്ളതിനാൽ വീട്ടുകാർ അത് കാര്യമാക്കിയില്ല. ശനിയാഴ്‌ച ഡ്യൂട്ടിക്ക് പോയപ്പോൾ മക്കളെ അടുത്ത വീട്ടിലാക്കി. അന്ന് രാത്രിയാണ് മോഷണം നടന്നത്. ഹോം നഴ്സിന്‍റെ കൂട്ടാളികളായ ദിനേഷ് എന്ന അനിയൻ ബാവയും ചേട്ടൻ ബാവ ദിലീപും ചേർന്ന് ഷൈനി നൽകിയ താക്കോൽ ഉപയോഗിച്ച് സ്വർണാഭരണങ്ങൾ കവരുകയായിരുന്നു. കിടപ്പുമുറിയിലെ അലമാരയിൽ സൂക്ഷിച്ച 25 പവൻ സ്വർണാഭരണങ്ങൾ കവർന്നശേഷം വാതിൽപൂട്ടി താക്കോൽ ജനലിലൂടെ അകത്തേക്ക് ഇട്ടതായി സിഐ അനിൽ കുമാർ പറഞ്ഞു.മാഹി പോലീസ് മൂന്നു സ്ക്വാഡുകൾ രൂപീകരിച്ച് ഹോം നഴ്സിനെ കേന്ദ്രീകരിച്ച് ന‌ടത്തിയ അന്വേഷണത്തിലാണ് പ്രതിയെ പിടികൂടിയത്. ഷൈനിയുടെ വീടിന്‍റെ പിൻവശത്ത് കുഴിയെടുത്ത് 15 പവൻ സ്വർണം കുഴിച്ചിട്ടനിലയിൽ കണ്ടെത്തി. കുഴിയെടുത്ത സ്ഥലം കാണാതിരിക്കാൻ മുകളിൽ ബക്കറ്റ് കമിഴ്ത്തിവച്ചിരുന്നു. പോലീസ് എത്തുമ്പോൾ ഷൈനിയും ദിലീപും വീടുപൂട്ടി സ്ഥലംവിട്ടിരുന്നു. ഇവർക്കായി അന്വേഷണം തുടരുകയാണ്. ബാക്കി 10 പവൻ സ്വർണാഭരണങ്ങളും കണ്ടെത്തേണ്ടതുണ്ട്. മാഹി സിഐ പി.എ. അനിൽകുമാറിന്‍റെ നേതൃത്വത്തിൽ പള്ളുർ എസ്ഐ വി.പി. സുരേഷ് ബാബു, ക്രൈം എസ്ഐമാരായ. വി.സുരേഷ്, സുരേന്ദ്രൻ, എഎസ്ഐമാരായ വിനീഷ്, ശ്രീജേഷ്, സുജിത്ത്, വിനീത് എന്നിവരാണ് കേസ് അന്വേഷിച്ചത്. അനിയൻ ബാവയുടെ പേരിൽ അടിപിടി, മോഷണം ഉൾപ്പെടെ പതിനാറോളം കേസുകൾ കേരളത്തിലെ വിവിധ പോലീസ് സ്റ്റേഷനുകളിലുണ്ട്. 2023 മുതൽ 24 വരെ കാപ്പ ചുമത്തി തൃശൂർ വിയ്യൂർ ജയിലിലടച്ചിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

പാലക്കോട് കാണാതായ മത്സ്യത്തൊഴിലാളിയുടെ മൃതദേഹം കടലിൽ കണ്ടെത്തി

പയ്യന്നൂര്‍: പാലക്കോട് പുഴയിൽ മീൻ പിടിക്കുന്നതിനിടെ ശക്തമായ കാറ്റിൽ തോണി മറിഞ്ഞ് കാണാതായ മത്സ്യത്തൊഴിലാളിയുടെ മൃതദേഹം നാലാം ദിവസം കടലിൽ കണ്ടെത്തി. പയ്യന്നൂര്‍ പുഞ്ചക്കാട് സ്വദേശി നെടുവിള പടിഞ്ഞാറ്റതില്‍ ഏബ്രഹാമിന്‍റെ(49) മൃതദേഹമാണ് ഇന്നലെ രാവിലെ വളപട്ടണത്തുനിന്നും നാല് നോട്ടിക്കല്‍ മൈല്‍ (എഴര കിലോമീറ്ററോളം) അകലെ ഉള്‍ക്കടലിലെ നോര്‍ത്ത് 54ൽ മത്സ്യത്തൊഴിലാളികൾ കണ്ടെത്തിയത്. ഇവർ വിവരമറിയിച്ചതിനെ തുടർന്ന് കോസ്റ്റൽ പോലീസ് രാവിലെ പത്തോടെ മൃതദേഹം അഴീക്കൽ തുറമുഖത്തെത്തിച്ചു. പുതിയങ്ങാടി ഭാഗത്ത് തെരച്ചില്‍ നടത്തുകയായിരുന്ന ബന്ധുക്കളും സുഹൃത്തുക്കളും അഴീക്കലിലെത്തി മൃതദേഹം തിരിച്ചറിഞ്ഞു. കണ്ണൂർ മെഡിക്കൽ കോളജിലെ പോസ്റ്റുമോർട്ടത്തിന് ശേഷം വൻ ജനാവലിയുടെ സാന്നിധ്യത്തിൽ പുഞ്ചക്കാട് സെന്‍റ് ജോസഫ് പള്ളിയിൽ സംസ്കരിച്ചു. ഭാര്യ: ജാന്‍സി. മക്കള്‍: ആരോണ്‍,അയോണ, അലീന(വിദ്യാര്‍ഥികള്‍). സഹോദരങ്ങള്‍: ഫ്രാന്‍സീസ് (കാഞ്ഞങ്ങാട്), ഷാജി (ഇറ്റലി), ഷൈനി, സലിന്‍ (ഇറ്റലി).

കാറ്റിലും മഴയിലും വാഴത്തോട്ടം നശിച്ചു; ദുരിതക്കയത്തിൽ കർഷകൻ

ഇരിട്ടി: ശക്തമായ കാറ്റും മഴയും ഇരിട്ടി മാടത്തിലിലെ വാഴക്കർഷകനായ ജോണി യോയാക്കിനെ ഇത്തവണ തള്ളിവിട്ടത് കരകയറാൻ കഴിയാത്ത സാന്പത്തിക പ്രതിസന്ധിയിലേക്ക്. ഓണം വിപണി ലക്ഷ്യമിട്ട് നടത്തിയ നേന്ത്രവാഴക്കൃഷി പൂർണമായും അതിവർഷത്തിൽ നശിക്കുകയായിരുന്നു. ആദ്യം ആയിരത്തോളം കുലക്കാറായ നേന്ത്രവാഴകൾ നിലംപൊത്തിയതിന്‍റെ ഞെട്ടൽ മാറുന്നതിന് മുന്പ് വീശിയട‌ിച്ച ചുഴലിക്കാറ്റിൽ 1300 ഓളം വാഴകളും നശിച്ചു. ഓരോ സീസണിലും ബാങ്കിൽ നിന്ന് വായ്പയെടുത്തും കടം വാങ്ങിയും കൃഷി നടത്തിയിരുന്ന ജോണി ഇതോടെ ആത്മഹത്യയുടെ വക്കിലാണ് . കുലയ്ക്കാറായ വാഴകളാണ് കഴിഞ്ഞ ദിവസം രണ്ട് തോട്ടങ്ങളിലായി നശിച്ചത്. ഭൂമി പാട്ടത്തിനെടുത്ത് കൃഷിയിറക്കുന്ന ജോണി ഇനിയെന്തുചെയ്യണമെന്നറിയാതെ പ്രതിസന്ധിയിലാണ് . നേരത്തെ ആരംഭിച്ച കാലവർഷവും ശമനമില്ലാതെ പെയ്ത മഴയുമാണ് ജോണിയുടെ പ്രതീക്ഷകൾ തകർത്തത്. 3000 ൽ അധികം വഴകളാണ് മൂന്ന് സ്ഥലങ്ങളിലായി കൃഷി ചെയ്തിരുന്നത്. ഇതിൽ പെരുവംപറമ്പിലും ഇരിട്ടി ടൗണിനടുത്തും ചെയ്തിരുന്ന കൃഷിയുടെ 90 ശതമാനവും കഴിഞ്ഞ ദിവസങ്ങളിൽ നശിച്ചു. അവശേഷിക്കുന്നവ ഏത്‌ നിമിഷവും നിലം പൊത്താറായ അവസ്ഥയിലുമാണ് . മൂന്ന് തോട്ടവും ഇൻഷ്വർ ചെയ്തിരുന്നുവെങ്കിലും കുലവരുന്നതിന് മുന്പ് നശിച്ചതിനാൽ തുച്ഛമായ നഷ്ടപരിഹാരമേ ലഭിക്കുകയുള്ളൂ. കുലച്ചതിനുശേഷം നശിച്ച വാഴകൾക്കേ ഇൻഷ്വറൻസ് പരിരക്ഷ അനുവദിക്കൂ എന്ന നിലപാടാണ് സ്ഥലത്ത് പരിശോധനയക്ക് എത്തിയ കൃഷിവകുപ്പ് ഉദ്യോഗസ്ഥർ പറഞ്ഞത്. കുലയ്ക്കാത്ത വാഴയ്ക്ക് 150 രൂപയും കുലച്ച വാഴയ്ക്ക് 300 രൂപയുമാണ് നഷ്ടപരിഹാരം ലഭിക്കുക. എട്ട് മാസത്തിൽ കുലക്കേണ്ട വാഴകൾ അതിവർഷം കാരണം ഒന്പത് മാസം പിന്നിട്ടിട്ടും കുലച്ചിരുന്നില്ല . ഇത്തരം വാഴകൾക്ക് 150 രൂപ മാത്രമെ അനുവദിക്കു എന്ന കൃഷി വകുപ്പിന്‍റെ നിലപാട് കർഷകരെ കടുത്ത പ്രതിസന്ധിയിലേക്കാണ് തള്ളി വിടുന്നത്.

ബസ് തോട്ടിലേക്ക് മറിഞ്ഞ് 11 പേർക്ക് പരിക്ക്

ചെറുപുഴ: തിരുമേനി മുതുവത്ത് സ്വകാര്യ ബസ് നിയന്ത്രണംവിട്ട് തോട്ടിലേക്ക് മറിഞ്ഞ് 11 പേർക്ക് പരിക്ക്. തിരുമേനിയിൽനിന്ന് പയ്യന്നൂരിലേക്ക് പോകുന്ന ബസ് മുതുവത്ത് മെക്കാഡം ടാറിംഗ് അവസാനിക്കുന്ന ഭാഗത്തെ ഇറക്കം ഇറങ്ങുന്നതിനിടെ നിയന്ത്രണംവിട്ട് വലതുവശത്തേക്ക് നീങ്ങി കലുങ്കിന്‍റെ സംരക്ഷണ ഭിത്തിയും തകർത്ത് തോട്ടിലേക്ക് മറിയുകയായിരുന്നു. ഇന്നലെ രാവിലെ 9.15 ഓടെയാണ് അപകടം. ബസിൽ പതിനഞ്ചിൽ താഴെ യാത്രക്കാർ മാത്രമേ ഉണ്ടായിരുന്നുള്ളൂ. പരിക്കേറ്റ ദേവസ്യ വെളിയത്ത് (60), ജെസി ദേവസ്യ (55) എന്നിവരെ കണ്ണൂരിലെ മിംസ് ആശുപത്രിയിലും ജോസ് വെട്ടിക്കാപള്ളിയിൽ (60), തോമസ് തോട്ടത്തിൽ (50), ഭാര്യ സോളി തോട്ടത്തിൽ (38), ജോസ് കയ്യാലപറമ്പിൽ (68), പ്രാപ്പൊയിൽ ഗവ. ഹയർ സെക്കൻഡറി സ്കൂൾ വിദ്യാർഥി കുഴിക്കാലായിൽ അലൻ സിറിൽ (7) എന്നിവരെ കണ്ണൂർ ബേബി മെമ്മോറിയൽ ആശുപത്രിയിലും പ്രാപ്പൊയിൽ ഗവ. ഹയർ സെക്കൻഡറി സ്കൂൾ വിദ്യാർഥി കുഴിക്കാലായിൽ മിലൻ സിറിൽ (5), കല്ലിപ്പുഴ ഷീബ ബിജു (48), ബസ് ഡ്രൈവർ അഖിൽ തോമസ് (28),കണ്ടക്ടർ തെക്കനാട്ട് സൂരജ് (34) എന്നിവരെ ചെറുപുഴയിലെ വിവിധ ആശുപത്രികളിലും പ്രവേശിപ്പിച്ചു. ചെറുപുഴ എസ്എച്ച്ഒ വിനീഷ് കുമാറിന്‍റെ നേതൃത്വത്തിൽ പോലീസ് സംഘവും അസിസ്റ്റന്‍റ് മോട്ടോർ വെഹിക്കിൾ ഇൻസ്പെക്ടർ എം.ജി. സുധീഷിന്‍റെ നേതൃത്വത്തിൽ മോട്ടോർ വാഹനവകുപ്പ് ഉദ്യോഗസ്ഥരും സ്ഥലത്തെത്തി പരിശോധന നടത്തി. തുടർന്ന് തളിപ്പറമ്പ് കുപ്പത്തു നിന്നെത്തിയ ഖലാസിക് ക്രെയിനിന്‍റെ സഹായത്തോടെ ബസ് തോട്ടിൽനിന്ന് ഉയർത്തി റോഡിലെത്തിച്ചു.

സബ് ജൂണിയര്‍ ബോക്‌സിംഗ്: കോഴിക്കോടും തിരുവനന്തപുരവും മുന്നേറുന്നു

കണ്ണൂര്‍: കണ്ണൂര്‍ ജിവിഎച്ച്എസ്എസിൽ (സ്‌പോര്‍സ്) നടക്കുന്ന സംസ്ഥാന സബ് ജൂണിയര്‍ ബോക്‌സിംഗ് ചാമ്പ്യന്‍ഷിപ്പിൽ വനിതാ വിഭാഗത്തിൽ കോഴിക്കോട്, തിരുവനന്തപുരം ജില്ലകൾ മുന്നേറുന്നു. രണ്ടാം ദിവസമായ ഇന്നലെ രാത്രി ആൺകുട്ടികളുടെ മത്സരങ്ങൾ പുരോഗമിക്കുകയാണ്. ചാമ്പ്യന്‍ഷിപ്പ് കെ.വി. സുമേഷ് എംഎല്‍എ ഉദ്ഘാടനം ചെയ്തു. സംസ്ഥാന സ്‌പോര്‍ട്‌സ് കൗണ്‍സില്‍ മുന്‍ വൈസ് പ്രസിഡന്‍റ് ഒ.കെ.വിനീഷ് അധ്യക്ഷത വഹിച്ചു. ബോക്‌സിംഗ് ഫെഡറേഷന്‍ ഓഫ് ഇന്ത്യ ഡവലപ്‌മെന്‍റ് കമ്മിഷന്‍ വൈസ് ചെയര്‍മാന്‍ ഡോ. എന്‍.കെ. സൂരജ്, ടൗൺ സിഐ ശ്രീജിത്ത് കൊടേരി തുടങ്ങിയവര്‍ മുഖ്യാതിഥികളായിരുന്നു. വി.പി. പവിത്രന്‍, ജില്ലാ ബോക്‌സിംഗ് അസോസിയേഷന്‍ പ്രസിഡന്‍റ് എം. പ്രശാന്ത്. ധീരജ് കുമാർ, സി. രാജേഷ് കുമാരൻ എന്നിവർ പ്രസംഗിച്ചു. അശ്വതി ബിജു, ആര്‍ അക്ഷയ എന്നിവരെയും ദേശീയ സ്‌കൂള്‍ ബോക്‌സിംഗ് ചാമ്പ്യന്‍ഷിപ്പില്‍ കേരളത്തിന്‍റെ പരിശീലകനായ എം.എസ് സിജിനിനെയും ചടങ്ങില്‍ ആദരിച്ചു. രണ്ടാം ദിവസത്തെ മത്സരത്തിൽ മുന്‍ ലോക വനിതാ ബോക്‌സിംഗ് ചാമ്പ്യന്‍ കെ.സി. ലേഖ മുഖ്യാതിഥിയായിരുന്നു. സെമിഫൈനല്‍, ഫൈനല്‍ മത്സരങ്ങള്‍ ഇന്ന് ഉച്ചയക്ക് ഒന്നിനാരംഭിക്കും. രാത്രി സമാപിക്കും. വിവിധ ജില്ലകളില്‍ നിന്നായി നാനൂറോളം കുട്ടികള്‍ പങ്കെടുക്കുന്നുണ്ട്. യുപി യിലെ നോയ്ഡയില്‍ ഓഗസ്റ്റ് ആദ്യവാരം നടക്കുന്ന ദേശീയ ചാമ്പ്യന്‍ഷിപ്പില്‍ പങ്കെടുക്കുന്നതിനുള്ള കേരള ടീമിനെ ഈ മത്സരത്തില്‍ വച്ച് തെരഞ്ഞെടുക്കും.

യൂത്ത് കോൺഗ്രസ് ഫണ്ട് വെട്ടിച്ചെന്ന് കണ്ണൂരിലെ കോൺഗ്രസ് നേതാവ്

കണ്ണൂര്‍: തിരുവനന്തപുരത്തെ കോൺഗ്രസ് നേതാവ് പാലോട് രവി പാർട്ടിക്കെതിരെ നടത്തിയ ഫോൺ സംഭാഷണത്തിനു പിന്നാലെ യൂത്ത് കോൺഗ്രസിനെതിരെ ഗുരുതര ആരോപണം ഉന്നയിച്ച് കണ്ണൂരിലെ കോൺഗ്രസ് നേതാവ്. കണ്ണൂർ ഡിസിസി സെക്രട്ടറി കെ.സി. വിജയന്‍റെ ഫോൺ സംഭാഷണമാണ് പുറത്തായത്. യൂത്ത് കോൺഗ്രസ് സംസ്ഥാന പ്രസിഡന്‍റ് രാഹുൽ മാങ്കൂട്ടത്തിൽ, കണ്ണൂർ ജില്ലാ പ്രസിഡന്‍റ് വിജിൽ മോഹനൻ എന്നിവർക്കെതിരെയാണ് കെ.സി. വിജയൻ ആരോപണം ഉന്നയിച്ചിരിക്കുന്നത്. യൂത്ത് കോൺഗ്രസ് ഫണ്ട് വെട്ടിപ്പ് നടത്തിയതായി പറയുന്ന ഫോൺ സംഭാഷണമാണ് പുറത്തുവന്നിരിക്കുന്നത്. വയനാട് ദുരിതാശ്വാസത്തിന് പിരിച്ച പണം വെട്ടിപ്പ് നടത്തിയെന്നാണ് മറ്റൊരാളോട് പറയുന്നത്. പിരിച്ചെടുത്തതിന്‍റെ കണക്ക് അറിയാം. വ്യാജ തിരിച്ചറിയൽ കാർഡ് ഉണ്ടാക്കിയാണ് വിജിൽ മോഹനൻ പ്രസിഡന്‍റായത്. കള്ളവോട്ട് വാങ്ങി ജില്ലാ പ്രസിഡന്‍റായി ചമഞ്ഞു നടക്കുകയാണ്. നിന്‍റെ മുകളിലെ നേതാവും അങ്ങനെ തന്നെ ഇതൊക്കെ മനസിൽ അടക്കിവച്ചാണ് മുന്നോട്ടുപോകുന്നതെന്നും കെ.സി. വിജയൻ മറ്റൊരാളുമായി നടത്തിയ സംഭാഷണത്തിൽ പറയുന്നുണ്ട്.

കന്യാസ്ത്രീകളുടെ അറസ്റ്റിൽ‌ വ്യാപക പ്രതിഷേധം

പയ്യാവൂർ: ഇതര സംസ്ഥാനങ്ങളിൽ അധഃസ്ഥിത വിഭാഗങ്ങൾക്ക് സഹായഹസ്തവുമായി സന്നദ്ധ സേവനം നടത്തുന്ന ക്രൈസ്തവ മിഷണറിമാർ, വൈദികർ, കന്യാസ്ത്രീകൾ എന്നിവരെ അന്യായമായി കേസിൽപ്പെടുത്തി ജയിലിൽ അടയ്ക്കുന്ന കിരാത നടപടി അവസാനിപ്പിക്കണമെന്ന് കത്തോലിക്ക കോൺഗ്രസ് തലശേരി അതിരൂപത കമ്മിറ്റി. സംഘപരിവാർ സംഘടനകൾ മറ്റ് സംസ്ഥാനങ്ങളിൽ പ്രവർത്തിക്കുന്ന മിഷണറിമാരെയും കന്യാസ്ത്രീകളെയും അകാരണമായാണ് ദ്രോഹിക്കുന്നത്. നിർധനരും നിസഹായരുമായി പാർശ്വവത്കരിക്കപ്പെട്ടവരുടെ ഇടയിൽ സാന്ത്വനത്തിന്‍റെ വെള്ളിവെളിച്ചമായി എത്തുന്നവരെ മതപരിവർത്തനം നടത്തിയെന്ന അവാസ്തവമായ കുറ്റം ചുമത്തി അറസ്റ്റ് ചെയ്ത് ജയിലിൽ അടയ്ക്കുകയാണെന്ന് കത്തോലിക്കാ കോൺഗ്രസ് കുറ്റപ്പെടുത്തി. കേരളത്തിൽ കത്തോലിക്കാ സഭയോട് കൂടുതൽ അടുക്കാൻ ശ്രമിക്കുകയും കേരളത്തിന് പുറത്ത് സഭാസ്ഥാപനങ്ങളെ ആക്രമിക്കുകയും ചെയ്യുന്ന നിലപാടാണ് സംഘപരിവാർ സംഘടനകൾ സ്വീകരിക്കുന്നതെന്ന് യോഗം ആരോപിച്ചു. ഛത്തീസ്ഗഡ് സർക്കാർ അടിയന്തരമായി ഇടപെട്ട് കന്യാസ്ത്രീകളെ എത്രയും വേഗത്തിൽ മോചിപ്പിക്കണമെന്ന് യോഗം ആവശ്യപ്പെട്ടു. യോഗം ഗ്ലോബൽ ഡയറക്ടർ റവ. ഡോ. ഫിലിപ്പ് കവിയിൽ ഉദ്ഘാടനം ചെയ്തു. അതിരൂപത പ്രസിഡന്‍റ് ഫിലിപ്പ് വെളിയത്ത് അധ്യക്ഷത വഹിച്ചു. ടോണി ജോസഫ് പുഞ്ചക്കുന്നേൽ, ജിമ്മി ആയിത്തമറ്റം, സുരേഷ് ജോർജ്, ബെന്നി പുതിയാംപുറം, ഷീജ കാറുകുളം, ബെന്നിച്ചൻ മഠത്തിനകം, ഐ.സി. മേരി, ടോമി കണയാങ്കൽ, ജയിംസ് ഇമ്മാനുവൽ, ജോർജ് കാനാട്ട്, ജോബി പഴയമഠത്തിൽ, ബിജു ഒറ്റപ്ലാക്കൽ, ബെന്നി ജോൺ, കെ.ജെ. ഷാജൻ, മാത്യു വള്ളോംകോട്ട്, വർഗീസ് പള്ളിച്ചിറ, സൈജോ ജോസഫ്, ജോസഫ് മാത്യു, ജെയ്സൺ അട്ടാറിമാക്കൽ, ബേബി കോയിക്കൽ, സാജു പുത്തൻപുര, സാജു പടിഞ്ഞാറേട്ട്, ബെന്നി തുളുമ്പൻമാക്കൽ, ജോണി തോലമ്പുഴ, രാജീവ് കണിയാന്തറ, സ്റ്റീഫൻ കീച്ചേരിക്കുന്നേൽ എന്നിവർ പ്രസംഗിച്ചു.

പൈതൃകത്തണലിൽ മലയോരം

കുടിയേറ്റത്തിന്‍റെ വിസ്മയ ഭൂമിയായ മലബാറിന്‍റെ മണ്ണിൽ ഒരേട് കൂടി പിറക്കുകയാണ്. മണ്ണിൽ വിയർപ്പിന്‍റെ വീരഗാഥ രചിച്ച കഠിനാദ്ധ്വാനികളും ദീർഘദൃഷ്ടികളുമായ മനുഷ്യരുടെ ചരിത്രതിരുശേഷിപ്പുകൾക്ക് സർക്കാർ ചരിത്ര സ്മാരകമൊരുക്കുന്നു. അതും മലബാറിന്‍റെ ധീരരായ കർഷകരെ മുന്നിൽനിന്ന് നയിച്ച "മലബാർ മോസസിന്‍റെ' പേരിൽ- ബിഷപ് വള്ളോപ്പിള്ളി സ്മാരക കുടിയേറ്റ മ്യൂസിയം. ചെന്പന്തൊട്ടിയിൽ ഓഗസ്റ്റ് 16ന് മ്യൂസിയം ഉദ്ഘാടനത്തിനൊരുങ്ങുന്പോൾ മലയാളത്തിന്‍റെ പ്രഥമ ദിനപത്രമായ "ദീപിക' ഓഗസ്റ്റ് രണ്ടിന് പയ്യാവൂരിൽ സംഘടിപ്പിക്കുന്ന "പൈതൃകം' കുടിയേറ്റ സെമിനാറിലൂടെ മലബാർ കുടിയേറ്റത്തിന്‍റെ സവിശേഷചരിത്രത്തെ ഒരിക്കൽകൂടി പുതുതലമുറയ്ക്കു മുന്നിൽ സമർപ്പിക്കുന്നു, ചർച്ച ചെയ്യുന്നു. അതിനൊപ്പം ആ സാഹസിക മുന്നേറ്റത്തെ നേരിട്ടറിഞ്ഞവരും അനുഭവിച്ചവരും അഭിമാനം കൊള്ളുന്നവരും ദീപിക ലേഖകരോട് ഒാർമകൾ പങ്കുവയ്ക്കുന്ന വാർത്താപരന്പര "പൈതൃകം മലയോരം' ഇന്നു മുതൽ വനഭൂമികൾ, പേടിപ്പെടുത്തുന്ന വന്യമൃഗങ്ങൾ, ഇരുകരകളും കവിഞ്ഞൊഴുകുന്ന പുഴകൾ, മലന്പനിയുടെ തേർവാഴ്ച...ഇതൊന്നും വകവയ്ക്കാതെ തിരുവതാംകൂർ-കൊച്ചി രാജ്യങ്ങളിൽനിന്ന് അവർ മലബാറിലേക്ക് കുടിയേറി. റോഡിന് പകരം ആന നടന്ന് തെളിഞ്ഞ വഴികളിലൂടെ ഓരോ പ്രദേശത്തും എത്തി. ജന്മിമാരുടേയും ദേവസ്വങ്ങളുടെയും അവരുടെ ഇടനിലക്കാരുടെയും കൈയിൽനിന്ന് ആധാരം വഴിയോ പാട്ടമായോ ഭൂമി വാങ്ങിച്ചു. കുടിയേറ്റക്കാരുടെ വരവോടെ വെറുതെ കിടന്ന ഭൂമിയാകെ ഉഴുതുമറിക്കപ്പെട്ടു. കാർഷിക മേഖലയിൽ ധാരാളം തൊഴിലവസരങ്ങൾ വന്നു. തെങ്ങും കവുങ്ങും റബറും കുരുമുളകും നിറഞ്ഞ ഹരിതാഭയണിഞ്ഞ മലയോരങ്ങളായി. മലയോരങ്ങളെ കൂട്ടിയിണക്കുന്ന നിരവധി പാതകളായി, ചെറുപട്ടണങ്ങളായി, ‌ഏറുമാടങ്ങൾ കെട്ടി രാപ്പാർത്തിരുന്ന സ്ഥലങ്ങൾ മണിസൗധങ്ങളായി. കുടിയേറ്റക്കാരുടെ വലിയ ശത്രുക്കൾ മലന്പനിയും കാട്ടുമൃഗങ്ങളുമായിരുന്നു. അനേകം, ആളുകൾ മരിക്കുകയും ചിലർ എല്ലാം ഉപേക്ഷിച്ച് തിരിച്ചുപോകുകയും ചെയ്തു. കുടിയേറ്റക്കാരുടെ പുരോഗതി എല്ലാവരെയും അതിശയിപ്പിക്കുന്ന ഒന്നായിരുന്നു. പള്ളികൾ, മഠങ്ങൾ, അനാഥാലയങ്ങൾ, വിദ്യാലയങ്ങൾ, റോഡുകൾ, പാലങ്ങൾ എന്നിവയെല്ലാം സർക്കാരിന്‍റെ സഹായമില്ലാതെ നിർമിച്ചു. ഇന്നു മലബാറിന്‍റെ മലയോരങ്ങൾ സന്പൽ സമൃദ്ധമായതിന്‍റെ പിന്നിൽ മണ്ണിന്‍റെ മക്കളുടെ അദ്ധ്വാനമാണ്. കെട്ടുകഥകളെന്നുപോലും വെല്ലുന്ന ജീവിതാനുഭവങ്ങളിലൂടെ വിയർപ്പും രക്തവും ജീവനും നൽകി നേടിയെടുത്ത വാഗ്ദത്തഭൂമി. കൂലിക്ക് അന്ന് ആരും പറന്പുകളിൽ കൃഷിപ്പണി എടുപ്പിക്കാറില്ലായിരുന്നു..പകരത്തിന് പകരം പണിയെടുക്കുകയായിരുന്നു. മാറ്റാൾ പണിയെന്നാണ് ഇതിനെ വിളിച്ചിരുന്നതെന്ന് മരങ്ങാട്ടുപള്ളി കടപ്ലാമറ്റത്തുനിന്ന് 1954 ൽ ചെന്പേരി വളയംകുണ്ടിലേക്ക് കുടിയേറിയ പുതിയേടത്ത്പറന്പിൽ പി.കെ. കുര്യാക്കോസ് പറയുന്നു. അച്ഛൻ കുര്യാക്കോസും അമ്മ മറിയാമ്മയും അച്ഛന്‍റെ അമ്മ റോസയും താനുൾപ്പെടെ ഏഴുമക്കളും കൂടിയാണ് ഇവിടെ എത്തിയത്. ഏരുവേശിയിലെ നന്പ്യാരുടെ പക്കൽനിന്നാണ് സ്ഥലം വാങ്ങിയത്. കണ്ണൂരിൽ ട്രെയിനിറങ്ങി ഞങ്ങൾ വളപട്ടണംവരെ നടന്നു. അവിടെനിന്ന് വഞ്ചിയിൽ ചെങ്ങളായിലേക്ക്. ചെങ്ങളായിൽ വഞ്ചിയിറങ്ങി വീണ്ടും നടന്നാണ് ചെന്പേരിയിലെത്തിയത്. അപ്പോൾ, ഇവിടെ കുടിയേറി വന്ന ഏതാനും കുടുംബക്കാർ ഉണ്ടായിരുന്നു. എല്ലാവരും കൂടി പരസ്പരം സഹകരിച്ചായിരുന്നു അന്നത്തെ കൃഷിരീതികൾ. കപ്പ, നെല്ല്, ഇഞ്ചി, ചേന, ചോളം, മുത്താറി, പച്ചക്കറികൾ എന്നിവ കൃഷി ചെയ്തിരുന്നു. ഉപ്പും ഉണക്കമത്സ്യവും മാത്രം അന്ന് വാങ്ങിയാൽ മതിയായിരുന്നു. കാട്ടുപന്നിയായിരുന്നു കൃഷിക്ക് ഏറ്റവും വലിയ ഭീഷണി. പടക്കം പൊട്ടിച്ച് പന്നിയെ ഓടിച്ചു. ഇന്ന് കാണുന്ന ചെന്പേരി-വളയംകുണ്ട്-ചുങ്കക്കുന്ന്- ശ്രീകണ്ഠപുരം റോഡ് അന്നത്തെ കൂട്ടായ്മയിൽ നിർമിച്ച റോഡാണ്. പള്ളിയും അച്ചൻമാരും ആയിരുന്നു എല്ലാവരെയും ഒന്നിപ്പിക്കുന്ന കേന്ദ്രം. കാർഷിക ഉത്പന്നങ്ങൾ വിറ്റഴിക്കാൻ കാളവണ്ടിയായിരുന്നു ഉപയോഗിച്ചിരുന്നത്. ചെന്പേരിയിൽ നിന്നുള്ള ഗതാഗതത്തിന് ആകെയുള്ളത് വാനായിരുന്നു. ഇത് ചെന്പേരി വാൻ എന്നായിരുന്നു അറിയപ്പെട്ടിരുന്നത്. കൃഷി തന്നെയായിരുന്നു അന്നത്തെ പ്രധാന ആശ്രയമെന്നും എന്നാൽ ഉത്പന്നങ്ങൾ വിറ്റഴിക്കാൻ കിലോമീറ്ററുകൾ താണ്ടണമായിരുന്നുവെന്നും കുര്യാക്കോസ് പറയുന്നു. മാറ്റിയുടുക്കാൻ ഒരു തോർത്തുമുണ്ട് പോലും ഇല്ല. പകൽ അന്തിയോളം പണികഴിഞ്ഞ് നനഞ്ഞ തോർത്തുമുണ്ട് ഉടുത്ത് അന്തിയുറങ്ങിയ കാലത്തെക്കുറിച്ചാണ് പാലാ മരങ്ങാട്ടുപള്ളിയിൽ നിന്നും എടൂർ വെമ്പുഴച്ചാൽ പ്രദേശത്ത് എത്തിയ പാരിക്കാപ്പള്ളിൽ കുടുംബത്തിലെ ഇളയ മകൻ പി.വി. ഏബ്രഹാം എന്ന കുഞ്ഞേട്ടന്‍റെ ഓർമയിലുള്ളത്.1947 ൽ അപ്പന്‍റെയും അമ്മയുടെയും കൈപിടിച്ച് മൂത്ത സഹോദരങ്ങൾക്ക് ഒപ്പമാണ് മലബാറിൽ എത്തിയത്. അടുത്ത ബന്ധുക്കളായ ചെമ്പോത്തനാടിയിൽ കുടുംബവും മറ്റ് രണ്ടു സഹായികളുടെ കുടുംബവും കൈക്കുഞ്ഞുങ്ങളുമായി തലശേരിയിൽ ട്രെയിൻ ഇറങ്ങി ബസിൽ ഇരിട്ടിയിലേക്ക്. ഇരിട്ടിയിൽ നിന്നും കാൽനടയായി കൈക്കുഞ്ഞുങ്ങളും ഒക്കെയായി ഒരുപറ്റം ആളുകൾ. കിടക്കാൻ ഇടമില്ല. കഴിക്കാൻ ഭക്ഷണമില്ല. അസുഖം പിടിപെട്ടാൽ വൈദ്യൻ പോലുമില്ല പുല്ലുകൊണ്ട് മേഞ്ഞ ഒരു ഷെഡിലായിരുന്നു താമസം. പണിക്കും സഹായത്തിനുമായി കൂടെ കൊണ്ടുവന്ന സഹായിയുടേത് ഉൾപ്പെടെ നാലു കുടുംബങ്ങൾ ഒരു കുടിലിൽ ഒന്നിച്ച്. ഭക്ഷണം ഉണ്ടാകാം. ഇല്ലെങ്കിൽ വയറുനിറച്ച് വെള്ളം കുടിക്കും. പണി ചെയ്തു ക്ഷീണിച്ചതുകൊണ്ട് വിശപ്പറിയാതെ കിടന്നയുടനെ ഉറങ്ങിപ്പോകും. മാസത്തിൽ ഒരിക്കൽ വീട്ടുസാധനങ്ങൾ വാങ്ങാൻ എല്ലാവരും ഒന്നിച്ച്‍ കിലോമീറ്ററുകൾ നടന്നു വേണം പോകാൻ. പുഴയ്ക്ക് പാലമില്ല, നീന്താൻ അറിയുന്നവർ മൂന്നോ നാലോപേർ ചേർന്ന് അത്യാവശ്യക്കാരെ പുഴ കടത്തിവിടും. റോഡില്ല, ആന മരം വലിച്ച ചാലുകളാണ് അന്നത്തെ നടവഴി. മഴക്കാലമായാൽ കോളിക്കടവ് പുഴകടന്ന് ഇരിട്ടിയിൽ എത്തുന്നത് ജീവന്മരണ പോരാട്ടമായിരുന്നു. അന്നത്തെ കുടിയേറ്റക്കാരന്‍റെ ഏറ്റവും വലിയ ആഗ്രഹം എന്നത് മാസത്തിൽ ഒരിക്കൽ ഒരു ദിവ്യബലിയിൽ പങ്കെടുക്കാൻ കഴിയണം എന്നായിരുന്നു. പിന്നീടത് മാസത്തിൽ ഒരിക്കൽ ഒത്തുചേരുമ്പോൾ ഒരു ഷെഡിന് വേണ്ടിയായിരുന്നു. ആഗ്രഹം പിന്നീട് ഒരു കുരിശടി സ്ഥാപിക്കാനായി വളർന്നു. കുരിശടി വളർന്ന് പള്ളിയിലേക്കും പള്ളിക്കൂടങ്ങളിലേക്കും വഴി-പാലം എന്നീ ആവശ്യങ്ങളിലേക്കും വളർന്നുവെന്നും ഏബ്രഹാം പറയുന്നു.

സി.എസ്. പൗലോസ് അനുസ്മരണം

പയ്യാവൂർ: കേരള കോൺഗ്രസ് -എം ജില്ലാ മുൻ സെക്രട്ടറിയും ഇരിക്കൂർ നിയോജകമണ്ഡലം മുൻ പ്രസിഡന്‍റുമായിരുന്ന സി.എസ്. പൗലോസിന്‍റെ പത്താം ചരമവാർഷികദിനാചരണം സംഘടിപ്പിച്ചു. ഇരിക്കൂർ നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ ചുണ്ടപ്പറമ്പ് സെന്‍റ് ആന്‍റണീസ് പള്ളി സെമിത്തേരിയിലെ സ്മൃതികുടീരത്തിൽ പുഷ്പാർച്ചനയും പയ്യാവൂർ കെ.എം. മാണി ഭവനിൽ അനുസ്മരണ യോഗവും നടന്നു. സംസ്ഥാന ജനറൽ സെക്രട്ടറി സജി കുറ്റ്യാനിമറ്റം സമ്മേളനം ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് ബിജു പുതുക്കള്ളി അധ്യക്ഷത വഹിച്ചു. ജില്ലാ പ്രസിഡന്‍റ് ജോയി കൊന്നയ്ക്കൽ അനുസ്മരണ പ്രഭാഷണം നടത്തി. സി.ജെ. ജോൺ, വി.വി. സേവി, ബിനു മണ്ഡപം, ബിനു ഇലവുങ്കൽ, സിബി പന്തപ്പാട്ട്, ഏലമ്മ ഇലവുങ്കൽ, നോബിൻസ് ചെരിപ്പുറം, എ.പി. ജോസഫ്, ബെന്നി മഞ്ഞക്കഴക്കുന്നേൽ, ജിനോ പാറേമ്മാക്കൽ, ജോസ് മണ്ഡപം, ടോമി അനിത്തോട്ടം, അലക്സാണ്ടർ ഇല്ലിക്കുന്നുംപുറം, ജോസഫ് കൂനാനി, തുളസീധരൻ നായർ, രോഹൻ പൗലോസ് എന്നിവർ പ്രസംഗിച്ചു.

ചെമ്പേരി ബസിലിക്കയിൽ കരിസ്മാറ്റിക് സുവർണ ജൂബിലിക്ക് തിരിതെളിഞ്ഞു

ചെമ്പേരി: കേരള കത്തോലിക്ക കരിസ്മാറ്റിക് നവീകരണ മുന്നേറ്റം ചെമ്പേരി സബ് സോണിന്‍റെ ആഭിമുഖ്യത്തിൽ ചെമ്പേരി ലൂർദ് മാതാ ബസിലിക്കയിൽ സംഘടിപ്പിച്ച വചനപ്രഘോഷണ ശുശ്രൂഷയുടെ ഭാഗമായി ബസിലിക്ക റെക്ടർ റവ.ഡോ.ജോർജ് കാഞ്ഞിരക്കാട്ടും വചനപ്രഘോഷകൻ ഫാ.റാഫ്സൺ പീറ്റർ ഒസിഡിയും ചേർന്ന് കരിസ്മാറ്റിക് സുവർണ ജൂബിലി തിരി തെളിയിച്ചു. കരിസ്മാറ്റിക് ചെമ്പേരി സബ്സോൺ ആനിമേറ്റർ കൂടിയായ റവ.ഡോ.ജോർജ് കാഞ്ഞിരക്കാട്ട് ആമുഖ സന്ദേശം നൽകി. തുടർന്ന് ഫാ.റാഫ്സൺ പീറ്റർ വചനപ്രഘോഷണം, സൗഖ്യാരാധന എന്നിവക്ക് മുഖ്യകാർമികത്വം വഹിച്ചു. വിശുദ്ധ കുർബാന, ദിവ്യകാരുണ്യ പ്രദക്ഷിണം എന്നിവയും നടന്നു. ചെമ്പേരി ബസിലിക്ക പരിധിയിലെ പന്ത്രണ്ട് ഇടവകകളിൽ നിന്നുള്ള കരിസ്മാറ്റിക് പ്രാർഥന ഗ്രൂപ്പ് അംഗങ്ങൾ പങ്കെടുത്തു. ചെമ്പേരി സബ്സോൺ കോ-ഓർഡിനേറ്റർ വിൻസെന്‍റ് മായയിൽ നേതൃത്വം നൽകി.

കന്യാസ്ത്രീകളുടെ അറസ്റ്റ്: നാടെങ്ങും പ്രതിഷേധം

പയ്യാവൂർ: കന്യാസ്ത്രീകളെ അറസ്റ്റ് ചെയ്തത് രാജ്യത്തിന്‍റെ മതനിരപേക്ഷ സംസ്കാരത്തിന് കളങ്കം വരുത്തിയെന്നും ന്യൂനപക്ഷ സമൂഹങ്ങൾക്കുമേലുള്ള സംഘപരിവാറിന്‍റെ തുടർച്ചയായ കടന്നാക്രമണങ്ങളുടെ ഒടുവിലത്തെ ഉദാഹരണമാണെന്നും കേരള കോൺഗ്രസ്-എം ജില്ലാ പ്രസിഡന്‍റ് ജോയ് കൊന്നക്കൽ. കന്യാസ്ത്രീകളെ കള്ളക്കേസിൽ അറസ്റ്റ് ചെയ്ത് റിമാൻഡ് ചെയ്തതിൽ പ്രതിഷേധിച്ച് പയ്യാവൂരിൽ സംഘടിപ്പിച്ച പ്രതിഷേധ ജ്വാല ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാന ജനറൽ സെക്രട്ടറി സജി കുറ്റിയാനിമറ്റം മുഖ്യ പ്രഭാഷണം നടത്തി.ബിനു മണ്ഡപം, വി.വി. സേവി, സി.ജെ. ജോൺ, ബിനു ഇലവുങ്കൽ, ബിജു പുതുക്കള്ളി, ജോസഫ് ഇലവുങ്കൽ,സിബി പന്തപ്പാട്ട്, റോഹൻ പൗലോസ്,നോബിൻസ് ചെരിപുറം, ഏലമ്മ ജോസഫ്, അലക്സാണ്ടർ ഇല്ലിക്കുന്നുംപുറം, ജോസ് മണ്ഡപം, ജിനോ പാറേമാക്കൽ, ബെന്നി മഞ്ഞക്കഴക്കുന്നേൽ എന്നിവർ പ്രസംഗിച്ചു. തേർത്തല്ലി: കേരള കോൺഗ്രസ്-എം ആലക്കോട് മണ്ഡലം കമ്മിറ്റി പ്രതിഷേധിച്ചു. രയറോം ടൗണിൽ പ്രതിഷേധ ജ്വാല സംഘടിപ്പിച്ചു. മണ്ഡലം പ്രസിഡന്‍റ് ജയിംസ് ഇമ്മാനുവേൽ ഉദ്ഘാടനം ചെയ്തു. സിബി പന്തപ്പടാൻ, ഷാജി പനച്ചിപ്പുറം, ജോസ് ടി. മാത്യു, ചാക്കോച്ചൻ നിരപ്പേൽ, സണ്ണി മറ്റത്തിൽ, ജോയി തെക്കേമല, തങ്കച്ചൻ കൊച്ചുവീട്ടിൽ എന്നിവർ നേതൃത്വം നൽകി. ഉദയഗിരി: ആൾക്കൂട്ട വിചാരണയ്ക്ക് വിധേയരായി പോലീസ് അറസ്റ്റ് ചെയ്ത് ജയിലിലച്ച് സിസ്റ്റർ വന്ദന ഫ്രാൻസിസിന്‍റെ മാതൃ ഇടവകയായ ഉദയഗിരി സെന്‍റ് മേരീസ് ഇടവകയിൽ കന്യാസ്ത്രീകളെ വിട്ടയക്കണമെന്നാവശ്യപ്പെട്ട് മൗനജാഥയും പ്രതിഷേധ യോഗവും നടത്തി. പള്ളിയിൽ നിന്ന് ഉദയഗിരി ടൗണിലേക്ക് നടത്തിയ മൗനജാഥയിൽ ആയിരത്തിലധികം വിശ്വാസികൾ പങ്കെടുത്തു. ഇടവക വികാരി ഫാ. സേവ്യർ പുത്തൻപുര, അസി. വികാരി, ഫാ. അമൽ വള്ളിയിൽ, മദർ സുപ്പീരിയർ സിസ്റ്റർ നാൻസി എസ്എച്ച് എന്നിവർ നേതൃത്വം നൽകി. ഇരിക്കൂർ: ക്രൈസ്തവ സന്യാസിനികളുടെ മോചനത്തിന് വേണ്ടി കേരളത്തിലെ എംപിമാർ അടിയന്തരമായി ഇടപെടണമെന്ന് ജനാധിപത്യ കേരള കോൺഗ്രസ് ഇരിക്കൂർ നിയോജക മണ്ഡലം കമ്മറ്റി ആവശ്യപ്പെട്ടു. ബിജെപിയും സംഘ പരിവാറും പ്രത്യേക ലക്ഷ്യത്തോടെ ഉത്തരേന്ത്യയിൽ വ്യാപകമായി നിരന്തരം ക്രൈസ്തവ വേട്ട നടത്തിക്കൊണ്ടിരിക്കുകയാണ്. ഇതിനെതിരെ കേരള ക്രൈസ്തവർ ഒറ്റക്കെട്ടായി പ്രതിഷേധിക്കണമെന്നും യോഗം ആവശ്യപ്പെട്ടു. കണ്ണൂർ ജില്ലാ സെക്രട്ടറി ടോമിച്ചൻ നടുത്തൊട്ടിയിൽ അധ്യക്ഷതവഹിച്ചു. ജോസഫ് പരത്തനാൽ, സണ്ണി പരവരാകത്ത്, ജോസ് തെക്കേടം, ജോർജ് കാരക്കാട്ട് ജസ്റ്റിൻ വടക്കൻ, ബിജു പുളിയ്ക്കൽ എന്നിവർ പ്രസംഗിച്ചു. പെരുമ്പടവ്: കെസിവൈഎം, എസ്എംവൈഎം മേരിഗിരി ഫൊറോന കമ്മിറ്റിയുടെ നേതൃത്വത്തിൽ പെരുമ്പടവിൽ പ്രതിഷേധ പ്രകടനം നടത്തി. പെരുമ്പടവിൽ നടന്ന പ്രതിഷേധയോഗം അതിരൂപത ജനറൽ സെക്രട്ടറി അബിൻ വടക്കേക്കര ഉദ്ഘാടനം ചെയ്തു. ഫൊറോന ഡയറക്ടർ ഫാ.കിരൺ ചെന്പ്ലായിൽ അധ്യക്ഷത വഹിച്ചു. ഫൊറോന പ്രസിഡന്‍റ് ജോബിൻ കുറഞ്ഞിക്കാട്ട് പ്രസംഗിച്ചു. പെരുമ്പടവ്: പെരുമ്പടവിൽ സെന്‍റ് ജോസഫ് ഇടവക, മാതൃവേദി, കത്തോലിക്കാ കോൺഗ്രസ്, മിഷൻ ലീഗ്, കെസിവൈഎം എന്നിവയുടെ ആഭിമുഖ്യത്തിൽ പ്രതിഷേധ ജ്വാല സംഘടിപ്പിച്ചു. ഇടവക വികാരി ഫാ. ജോർജ് തൈക്കുന്നുംപുറം ഉദ്ഘാടനം ചെയ്തു. ഇടവക കോ-ഓർഡിനേറ്റർ ഷെൽമോൻ പൈനാടത്ത്, ഫാ. കിരൺ ചെമ്പ്ലായിൽ, ബാബു വാണിയകിഴക്കേൽ, ജെയ്സൺ പുത്തേട്ട്, റോൺസി വെള്ളാപ്പള്ളി, സണ്ണി കപ്പൂര് എന്നിവർ നേതൃത്വം നൽകി. പൈസക്കരി: പൈസക്കരി ഫൊറോനയിൽ കത്തോലിക്ക കോൺഗ്രസ്, മാതൃവേദി, കെസിവൈഎം എന്നിവയുടെ നേതൃത്വത്തിൽ വിശ്വാസി സമൂഹം പ്രതിഷേധ പ്രകടനം നടത്തി. ഫൊറോന വികാരി ഫാ. നോബിൾ ഓണംകുളം, അസിസ്റ്റന്‍റ് വികാരി ഫാ.ജോമിൽ കോന്നൂർ, ഇടവക കോ-ഓർഡിനേറ്റർ ബിനു മണ്ഡപം, കത്തോലിക്ക കോൺഗ്രസ് ഫൊറോന ജനറൽ സെക്രട്ടറി വിത്സൺ ചാക്കോ, അതിരൂപത സെക്രട്ടറി വർഗീസ് പള്ളിച്ചിചിറ, കെസിവൈഎം ഫൊറോന ട്രഷറർ ജിബിൻ പുളിയ്ക്കൽ എന്നിവർ പ്രസംഗിച്ചു. വായാട്ടുപറമ്പ്: കത്തോലിക്ക കോൺഗ്രസ് വായാട്ടുപറന്പ് ഇടവക പ്രതിഷേധിച്ചു. ഫൊറോന ഡയറക്ടർ റവ. ഡോ. തോമസ് തെങ്ങുംപള്ളിൽ, ഫൊറോനാ പ്രസിഡന്‍റ് ജയ്സൺ അട്ടാറിമാക്കൽ യൂണിറ്റ് സെക്രട്ടറി ജോസ് വട്ടപ്പറമ്പിൽ എന്നിവർ പ്രസംഗിച്ചു. മാത്യു പുത്തൻപുര, ഇമ്മാനുവേൽ പൂവന്നിക്കുന്നേൽ, മാത്യു പുളിക്കൽ എന്നിവർ നേതൃത്വം നൽകി. പയ്യാവൂർ: കന്യാസ്ത്രീകളെ അറസ്റ്റ് ചെയ്ത സംഭവം മത പീഡനവും ആൾക്കൂട്ട വിചാരണയും ആണെന്ന് യുണൈറ്റഡ് ക്രിസ്ത്യൻ ഫ്രണ്ട് (യുസിഎഫ്). യുസിഎഫ് ജില്ലാ പ്രസിഡന്‍റ് സജി കാക്കനാട്ട് അധ്യക്ഷത വഹിച്ചു. കോ-ഓർഡിനേറ്റർ ജസ്റ്റിൻ ഇടയാനിക്കാട്, ജോർജ് പുളിയ്ക്കുന്നേൽ, ബെന്നി പണ്ടാരശേരിയിൽ, മാത്യു കുടക്കച്ചിറ, ജോസ് നെട്ടനാനി എന്നിവർ പ്രസംഗിച്ചു. ആലക്കോട്: കന്യാസ്ത്രീകളെ കള്ളക്കേസിൽ കുടുക്കി ജയിലിലടച്ച ബിജെപി ഭരണകൂടത്തിന്‍റെ നടപടിയെ കുറിച്ച് കേരളത്തിൽ ബിജെപി നേതൃത്വം മറുപടി പറയണമെന്നും നേതൃത്വത്തിന്‍റെ നിലപാട് അറിയാൻ പൊതുസമൂഹത്തിന് താത്പര്യമുണ്ടെന്നും സജീവ് ജോസഫ് എംഎൽഎ. കന്യാസ്ത്രീകളെ ജയിലിൽ അടച്ചതിനെതിരെ ആലക്കോട് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ ആലക്കോട് ടൗണിൽ നടത്തിയ പ്രതിഷേധ പ്രകടനവും യോഗവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. യുഡിഎഫ് ജില്ലാ ചെയർമാൻ പി.ടി. മാത്യു, ബ്ലോക്ക് പ്രസിഡന്‍റ് ജോസ് വട്ടമല, ഡിസിസി സെക്രട്ടറിമാരായ തോമസ് വക്കത്താനം ജോഷി കണ്ടത്തിൽ, ബിജു പുളിയന്തൊട്ടിയിൽ, ബാബു പള്ളിപ്പുറം, ജോയിച്ചൻ പള്ളിയാലി, ജോജി കന്നിക്കാട്ട്, ടി.എൻ. ബാലകൃഷ്ണൻ, ജനാർദ്ദനൻ വലമറ്റം, രവി കുന്നുംപുറം എന്നിവർ പ്രസംഗിച്ചു. സിസ്റ്റർ വന്ദനയുടെ കുടുംബവീട് സന്ദർശിച്ചു ഉദയഗിരി: ഛത്തീസ്ഗഡിൽ റിമാൻഡിൽ കഴിയുന്ന സിസ്റ്റർ വന്ദന ഫ്രാൻസിസിന്‍റെ ആലക്കോട് ഉദയഗിരിയിലെ കുടുംബ വീട് കേരള കോൺഗ്രസ് ജില്ലാ നേതാക്കൾ സന്ദർശിച്ചു. ജില്ലാ പ്രസിഡന്‍റ് റോജസ് സെബാസ്റ്റ്യൻ, കെ.എ.ഫിലിപ്പ്, ജോസഫ് മുള്ളൻമട, ബേബി തോട്ടത്തിൽ, സാബു മണിമല, മേരി ജയിംസ്, ജോയി തെക്കേടം, ഡെന്നിസ് വാഴപ്പള്ളിൽ എന്നിവരടങ്ങിയ സംഘമാണ് സന്ദർശനം നടത്തി വീട്ടുകാരെ ആശ്വസിപ്പിച്ചത്.

ജില്ലയിൽ 3250 ഹെക്ടറിലേക്ക് തീറ്റപ്പുൽ കൃഷി വ്യാപിപ്പിക്കും

കണ്ണൂർ: കാലിത്തീറ്റ ഉത്പാദനത്തിൽ ജില്ലയെ സ്വയം പര്യാപ്തമാക്കാൻ ലക്ഷ്യമിട്ട് 3250 ഹെക്ടർ സ്ഥലത്തേക്ക് കൂടി തീറ്റപ്പുൽ കൃഷി വ്യാപിക്കും. ഇതിനായി മിൽമ, കുടുംബശ്രീ, ദേശീയ തൊഴിലുറപ്പ് പദ്ധതി, വ്യവസായ വകുപ്പ്, ജയിൽ വകുപ്പ്, ജലവിഭവ വകുപ്പ് എന്നിവയുടെ പങ്കാളിത്തത്തോടുകൂടി ക്ഷീരവികസന വകുപ്പ് കൃഷി ചെയ്യാനാവശ്യമായ സ്ഥലം കണ്ടെത്തി ഓഗസ്റ്റ് ആദ്യവാരം കൃഷി ആരംഭിക്കും. ക്ഷീര വികസന വകുപ്പിന്‍റെ കണക്കനുസരിച്ച് 56,000 കന്നുകാലികളാണ് ജില്ലയിൽ ഉള്ളത്. ഇവയ്ക്കായി ക്ഷീരവികസന വകുപ്പിനു കീഴിൽ വരുന്ന 13 ക്ഷീര വികസന യൂണിറ്റുകളിലെ 224 ക്ഷീര സംഘങ്ങൾ 807 ഹെക്ടർ സ്ഥലത്ത് മാത്രമാണ് തീറ്റപ്പുൽ കൃഷി ചെയ്യുന്നത്. ക്ഷീരവികസന വകുപ്പ് പദ്ധതികൾ പ്രകാരം 52 ഹെക്ടർ സ്ഥലത്ത് കൃഷി ആരംഭിക്കുന്നതിനുള്ള പുതിയ അപേക്ഷകൾ ഈ വർഷം ക്ഷണിച്ചിട്ടുണ്ട്. ശേഷിക്കുന്ന 2391 ഹെക്ടർ സ്ഥലം കൂടി കണ്ടെത്തി തീറ്റപ്പുൽ കൃഷി വ്യാപിപ്പിക്കും. സ്ഥല ലഭ്യത സംബന്ധിച്ച് വിശദാംശങ്ങൾ നൽകുന്നതിന് വിവിധ വകുപ്പു മേധാവികൾക്ക് നിർദേശം നല്കിയിട്ടുണ്ട്. ജില്ലാ കളക്ടർ അരുൺ കെ. വിജയന്‍റെ അധ്യക്ഷതയിൽ ജില്ലാതല ടാസ്‌ക് ഫോഴ്സിന്‍റെ രൂപീകരണ യോഗം ചേർന്ന് സ്ഥലലഭ്യത സംബന്ധിച്ച് വിവിധ വകുപ്പുകളിൽ നിന്ന് വിശദാംശം തേടി. തീറ്റപ്പുൽ കൃഷിക്ക് സജ്ജരായ ഭൂവുടമകൾ, സ്ഥാപനങ്ങൾ, ഗ്രൂപ്പുകൾ എന്നിവയുടെ വിശദാംശങ്ങൾ റവന്യു, കൃഷി, ക്ഷീരവികസന വകുപ്പുകൾ കണ്ടെത്തണം. കൃഷി ചെയ്യുന്നതിനുള്ള സ്ഥലം കണ്ടെത്തിയാൽ കൃഷി വകുപ്പ് മണ്ണുപരിശോധന ഉൾപ്പെടെ നടത്തി ജലലഭ്യത, മണ്ണിന്‍റെ ഫലഭൂയിഷ്ടത എന്നിവ ഉറപ്പുവരുത്തും. ഓഗസ്റ്റ് ആദ്യവാരം കൃഷി ആരംഭിക്കാ നായാൽ ഒക്ടോബർ മാസത്തോടെ തീറ്റപ്പുൽ കന്നുകാലികൾക്ക് നല്കാൻ പാകമാകുമെന്നാണ് ക്ഷീരവികസന വകുപ്പ് കണക്കുകൂട്ടുന്നത്.

സി.വി. വർഗീസിനെ അനുസ്മരിച്ചു

ചെട്ടിയാംപറമ്പ്: ചെട്ടിയാംപറമ്പ് പുഴയോരം കലാകായിക വേദിയുടെയും ചീങ്കണ്ണി പുഴ സംരക്ഷണ സമിതിയുടെയും അഭിമുഖ്യത്തിൽ അന്തരിച്ച പൊതുപ്രവർത്തകൻ സി.വി. വർഗീസ് (കുഞ്ഞുട്ടി സാർ ) പൊരുമത്തറയെ അനുസ്മരിച്ചു. ചെട്ടിയാംപറമ്പ് പ്രദേശത്തിന്‍റെ വിവിധ വികസന പ്രവർത്തനങ്ങളിൽ സജീവ പങ്കാളിത്തം വഹിച്ച വ്യക്തിയാണെന്ന് യോഗം ഉദ്ഘാടനം ചെയ്ത ചീങ്കണ്ണി പുഴ സംരക്ഷണ സമിതി ചെയർമാൻ ടോമി ചാത്തൻപാറ പറഞ്ഞു. വളയഞ്ചാൽ മുതൽ അടക്കാത്തോട് വരെയുള്ള ആന പ്രതിരോധം മതിൽ നിർമാണത്തിൽ തുടക്കം മുതൽ അവസാനം വരെ അക്ഷീണം പ്രവർത്തിക്കുകയും രണ്ടായിരത്തിൽ ചെട്ടിയാംപറമ്പ് പ്രദേശത്ത് വൈദ്യുതി എത്തിക്കുന്നതിൽ മുഖ്യ പങ്കുവഹിക്കുകയും ചെയ്ത വ്യക്തിയാണ് അദ്ദേഹമെന്ന് യോഗം അനുസ്മരിച്ചു. റെജി ചാത്തൻപാറ, റെജി ഉള്ളാഹിയൽ, റോബിൻ മുഞ്ഞനാട്ട്, കുഞ്ഞുമോൻ പാലത്തിങ്കൽ തുടങ്ങിയവർ പ്രസംഗിച്ചു.

താവക്കര ബസ് സ്റ്റാൻഡ് പരിസരത്തെ അനധികൃത നിർമാണം പൊളിച്ചു മാറ്റി

കണ്ണൂർ: താവക്കര ബസ് സ്റ്റാൻഡ് പരിസരത്ത് പ്രദേശത്ത് കോർപറേഷൻ സ്ഥലം കൈയേറിയുള്ള കെട്ടിട നിർമാണം പൊളിച്ചു മാറ്റി. വർഷങ്ങളായി പ്രദേശവാസികൾ ആവശ്യപ്പെട്ടിട്ടും നടപടി ഉണ്ടാവാത്ത സാഹചര്യത്തിൽ നാട്ടുകാർ നടത്തി വരുന്ന സമരത്തിന് സിപിഎം പിന്തുണ പ്രഖ്യാപിച്ചതിനു പിന്നാലെയാണ് കോർപറേഷൻ അനധികൃത നിർമാണം പൊളിച്ച് നീക്കിയത്. ഇവിടെയുള്ള ഓടയ്ക്കുമേൽ സ്ലാബിട്ട് ജനങ്ങൾക്കുള്ള വഴിയെന്ന നിലയിൽ നിർമിച്ച നടപ്പാത കൈയേറിയായിരുന്നു അനധികൃത നിർമാണം . കന്‍റോൺമെന്‍റ് മേഖലയോട് ചേർന്ന പ്രദേശത്തെ ജനങ്ങൾക്കുള്ള വഴിയായ ഉപയോഗിക്കേണ്ട സ്ഥലത്തായിരുന്നു കൈയേറ്റം. ഇവിടെ കെട്ടിടനിർമാണം നടത്തിയതോടെ കന്‍റോൺമെന്‍റ് അതിർത്തി പട്ടാളം കൊട്ടിയടച്ചാൽ ജനങ്ങൾക്ക് വേറെ വഴിയില്ലാത്ത അവസ്ഥ ഉടലെടുക്കുമായിരുന്നു. പ്രദേശത്തെ ജനങ്ങൾ സമരത്തിനിറങ്ങിയ സാഹചര്യത്തിൽ കഴിഞ്ഞ 15ന് സിപിഎം ജില്ലാ സെക്രട്ടറി സ്ഥലം സന്ദർശിക്കുകയും കോർപറേഷൻ അനധികൃത നിർമാണം പൊളിച്ചില്ലെങ്കിൽ ഞങ്ങൾ പൊളിക്കുമെന്നും അതുമായി ബന്ധപ്പെട്ട് എന്ത് പ്രശ്നമുണ്ടായാലും നേരിടുമെന്നും കോർപറേഷൻ അധികൃതർക്ക് മുന്നറിയിപ്പ് നൽകിയിരുന്നു.

കന്യാസ്ത്രീകളുടെ അറസ്റ്റ്: നാടെങ്ങും പ്രതിഷേധം

എകെസിസി ഇരിട്ടി: നിരപരാധികളായ കന്യാസ്ത്രീകളെ മതപരിവർത്തനത്തിന്‍റെ പേരിൽ അറസ്റ്റ് ചെയ്തു ജയിലിൽ അടച്ച ഛത്തീസ്ഗഡ് പോലീസിന്‍റെ നടപടിയെ കുന്നോത്ത് ഫൊറോന കത്തോലിക്ക കോൺഗ്രസ് അപലപിച്ചു. മലയാളികളായ കന്യാസ്ത്രീകളെ അന്യായമായി ജയിലിൽ അടച്ച നടപടി ഉടൻ മോചിപ്പിക്കാൻ നടപടിയെടുക്കണമെന്ന് യോഗം കേന്ദ്ര-സംസ്ഥാന സർക്കാരുകളോടെ ആവശ്യപ്പെട്ടു.കോംഗോയിൽ കത്തോലിക്കാ പള്ളിയിൽ ഭീകരാക്രമണം നടത്തി ക്രിസ്ത്യാനികളെ കൂട്ട കൊല നടത്തിയതിലും യോഗം പ്രതിഷേധം രേഖപ്പെടുത്തി. പ്രതിഷേധയോഗം ഫൊറോന ഡയറക്ടർ ഫാ. ജോസഫ് തേനംമാക്കൽ ഉദ്ഘാടനം ചെയ്തു. ഫൊറോന പ്രസിഡന്‍റ് മാത്യു വള്ളോംങ്കോട്ട് അധ്യക്ഷത വഹിച്ചു . ഗ്ലോബൽ സെക്രട്ടറി അഡ്വ. ഷീജ സെബാസ്റ്റ്യൻ, ഗ്ലോബൽ അംഗം ബെന്നി പുതിയാംമ്പുറം, അതിരൂപത സെക്രട്ടറി ഷാജു ഇടശ്ശേരി, എക്സിക്യൂട്ടീവ് അംഗം അൽഫോൻസ് കളപ്പുര, ഫൊറോനാ സെക്രട്ടറി ഷിബു കുന്നപ്പള്ളി , എൻ.വി . ജോസഫ് നെല്ലിക്കുന്നേൽ , ജോൺസൺ അണിയറ, ജോസുകുഞ്ഞ് തടത്തിൽ എന്നിവർ പ്രസംഗിച്ചു. കിളിയന്തറ ഇടവക എകെസിസിയുടെ നേതൃത്വത്തിൽ നടത്തിയ പ്രതിഷേധ യോഗം കിളിയന്തറ ഇടവക വികാരി ഫാ. ആന്‍റണി ആനക്കല്ലിൽ ഉദ്ഘാടനം ചെയ്തു. യൂണിറ്റ് പ്രസിഡന്‍റ് ഷിബു കുന്നപ്പള്ളി അധ്യക്ഷത വഹിച്ചു. വൈസ് പ്രസിഡന്‍റ് ജിജോ അടവനാൽ, ഫിലോമിന കക്കാട്ടിൽ, സെക്രട്ടറി തങ്കച്ചൻ ചെമ്പംകുളത്തിൽ, ബേബി കാശാംകാട്ടിൽ, രാജി അടവനാൽ, മാത്യുകുട്ടി കുന്നപ്പള്ളി, ഇടവക കോ-ഓർഡിനേറ്റർ തോമസ് ഇല്ലിക്കൽ, സോളി ആഞ്ഞിലിത്തോപ്പിൽ, മിഥുൻ കുന്നപ്പള്ളി, ജോണി ചേരിക്കത്തടത്തിൽ എന്നിവർ പ്രസംഗിച്ചു. ചെറുപുഷ്പ മിഷൻ ലീഗ് കേളകം: കന്യാസ്ത്രീകളെ കള്ളക്കേസിൽ കുടുക്കി ജയിലിലാക്കിയതിൽ ചെറുപുഷ്പ മിഷൻ ലീഗ് മാനന്തവാടി രൂപതയും കെസിവൈഎം ചുങ്കക്കുന്ന് മേഖലയും സംയുക്തമായി പ്രതിഷേധ കൂട്ടായ്മ സംഘടിപ്പിച്ചു. ചുങ്കക്കുന്ന് ഫാത്തിമ മാതാ പള്ളിയിൽ ഫൊറോന വികാരി ഫാ. പോൾ കൂട്ടാല ഉദ്ഘാടനം ചെയ്തു. രാജ്യത്തിന്‍റെ വിവിധ ഭാഗങ്ങളിൽ ക്രൈസ്തവർക്ക് നേരെ വർധിച്ചു വരുന്ന അക്രമങ്ങളുടെ ഭാഗമാണിതെന്നും മതന്യൂനപക്ഷങ്ങൾക്ക് ഭരണഘടന നൽകുന്ന അവകാശങ്ങളുടെ മേലുള്ള കടന്നുകയറ്റമാണ് നടന്നതെന്നും കെസിവൈഎം മാനന്തവാടി രൂപത ജനറൽ സെക്രട്ടറി വിമൽ കൊച്ചുപുരയ്ക്കൽ പറഞ്ഞു. ചെറുപുഷ്പ മിഷൻലീഗ് മാനന്തവാടി രൂപത ഡയറക്ടർ ഫാ. സന്തോഷ് ഒറവാറന്തറ , രൂപത റീജണൽ ഓർഗനൈസർ റോയി മൂഞ്ഞനാട്ട് എന്നിവർ പ്രസംഗിച്ചു. കേരള കോൺഗ്രസ്-എം പയ്യാവൂർ: കന്യാസ്ത്രീകളെ അറസ്റ്റ് ചെയ്തത് രാജ്യത്തിന്‍റെ മതനിരപേക്ഷ സംസ്കാരത്തിന് കളങ്കം വരുത്തിയെന്നും ന്യൂനപക്ഷ സമൂഹങ്ങൾക്കുമേലുള്ള സംഘപരിവാറിന്‍റെ തുടർച്ചയായ കടന്നാക്രമണങ്ങളുടെ ഒടുവിലത്തെ ഉദാഹരണമാണെന്നും കേരള കോൺഗ്രസ്-എം ജില്ലാ പ്രസിഡന്‍റ് ജോയ് കൊന്നക്കൽ. കന്യാസ്ത്രീകളെ കള്ളക്കേസിൽ അറസ്റ്റ് ചെയ്ത് റിമാൻഡ് ചെയ്തതിൽ പ്രതിഷേധിച്ച് പയ്യാവൂരിൽ സംഘടിപ്പിച്ച പ്രതിഷേധ ജ്വാല ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാന ജനറൽ സെക്രട്ടറി സജി കുറ്റിയാനിമറ്റം മുഖ്യ പ്രഭാഷണം നടത്തി.ബിനു മണ്ഡപം, വി.വി. സേവി, സി.ജെ. ജോൺ, ബിനു ഇലവുങ്കൽ, ബിജു പുതുക്കള്ളി, ജോസഫ് ഇലവുങ്കൽ,സിബി പന്തപ്പാട്ട്, റോഹൻ പൗലോസ്,നോബിൻസ് ചെരിപുറം, ഏലമ്മ ജോസഫ്, അലക്സാണ്ടർ ഇല്ലിക്കുന്നുംപുറം, ജോസ് മണ്ഡപം, ജിനോ പാറേമാക്കൽ, ബെന്നി മഞ്ഞക്കഴക്കുന്നേൽ എന്നിവർ പ്രസംഗിച്ചു. ഇരിട്ടി: മൗലികാവകശാങ്ങൾ ചവിട്ടി മെതിക്കുന്നവരെ നിലക്ക് നിർത്താൻ കേന്ദ്ര സർക്കാരും ബിജെപിയും തയാറാകണമെന്ന് കേരള കോൺഗ്രസ്-എം കരിക്കോട്ടക്കരി മണ്ഡലം കമ്മിറ്റി ആവശ്യപ്പെട്ടു. ഏബ്രഹാം വെട്ടിക്കൽ, സി.എം. ജോർജ്, ഏബ്രഹാം പാരിക്കപ്പള്ളി, എ.കെ.രാജു, വർഗീസ് ആനിത്തോട്ടം, ലൂക്കോസ് മറ്റത്തിൽ, മാത്യു കാക്കനാട്ട്, എൻ.ജെ. ടോമി, കുര്യച്ചാൻ വാഴപറന്പിൽ, ബേബി ചേരുംതടം എന്നിവർ പ്രസംഗിച്ചു. സംസ്ക്കാര സാഹിതി കണ്ണൂർ: കന്യാസ്ത്രീകളെ കൽത്തുറുങ്കിലടച്ച നടപടി അപലപനീയമാണെന്ന് സംസ്ക്കാരസാഹിതി കണ്ണൂർ ജില്ലാ കമ്മിറ്റി യോഗം. സംസ്ഥാന ജനറൽ സെക്രട്ടറി കെ.പ്രമോദ് ഉദ്ഘാടനം ചെയ്തു. ജില്ലാ ചെയർമാൻ സുരേഷ് കൂത്തുപറമ്പ് അധ്യക്ഷത വഹിച്ചു. ജില്ലാ ജനറൽ കൺവീനർ കെ.എൻ ആനന്ദ് നാറാത്ത്, വി.വി. വിജയൻ, ഡോ. വി.എ.അഗസ്റ്റിൻ, ടി.പി. രാജീവൻ,സി.കെ ദിലീപ് കുമാർ, പി.വി.ദീപ എന്നിവർ പ്രസംഗിച്ചു.

പ്രതിഷേധ ധർണ സംഘടിപ്പിച്ചു

കണ്ണൂർ: കാലപ്പഴക്കത്താൽ ഇടിഞ്ഞു വീഴുന്ന കെട്ടിടത്തിൽ ഇരുന്ന് ജോലി ചെയ്യുന്ന വാട്ടർഅഥോറിറ്റി ജീവനക്കാരുടെ ജീവൻ സംരക്ഷിക്കാൻ മാനേജ്മെന്‍റും സർക്കാരും തയാറാകണമെന്ന് കേരള വാട്ടർ അഥോറിറ്റി സ്റ്റാഫ് അസോസിയേഷൻ (ഐഎൻടിയുസി) ആവശ്യപ്പെട്ടു. സ്റ്റാഫ് അസോസിയേഷൻ ഐഎൻടിയുസി കണ്ണൂർ ഡിവിഷൻ ഓഫീസിനു മുന്നിൽ പ്രതിഷേധ ധർണ സംഘടിപ്പിച്ചു. കെപിസിസി അംഗം റിജിൽ മാക്കുറ്റി ഉദ്ഘാടനം ചെയ്തു. അപകടാവസ്ഥ യിലായ തലശേരി സബ് ഡിവിഷൻ ഓഫീസ് കോണാർ വയലിലെ വാട്ടർ അഥോറിറ്റിയുടെ അധീനത യിലുള്ള സ്ഥലത്തുള്ള കെട്ടിടത്തിലേക്ക് അടിയന്തരമായി മാറ്റുക, പ്രസ്തുത സ്ഥലത്ത് പുതിയ കെട്ടിടം പണിയുക, വാട്ടർഅഥോറിറ്റിയുടെ മുഴുവൻ ആസ്തി വകകളും സംരക്ഷിക്കുക, മുഴുവൻ ഓഫീസുകളുടെയു പമ്പ് ഹൗസുകളുമായും സുരക്ഷ ഓഡിറ്റ് നടത്തുക, വാട്ടർ അഥോറിറ്റിയുടെ തലശേരിയിലെ 114.5 സെന്‍റ് സ്ഥലം സ്വകാര്യ ട്രസ്റ്റിന് കൈമാറാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ധർണ സംഘടിപ്പിച്ചത്. ജില്ലാ പ്രസിഡന്‍റ് ടി.വി. ഫെമി അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ബി. രാഗേഷ് മുഖ്യപ്രഭാഷണം നടത്തി. വിനോദ് എരവിൽ, ടി.പി. സഞ്ജയ്, കെ.വി. വേണുഗോപാലൻ, മെറിൻ ജോൺ, വി.പി. റെജി തുടങ്ങിയവർ പ്രസംഗിച്ചു.

മണ്ണിടിഞ്ഞുവീണ് വീട് അപകടാവസ്ഥയിൽ

ഇരിട്ടി: കനത്ത മഴയിൽ വീടിനു പിറകിലെ കുന്നിടിഞ്ഞ് നിർമാണത്തിരിക്കുന്ന വീട് അപകടാവസ്ഥയിലായി. പായം പഞ്ചായത്തിലെ മാടത്തിൽ ഒറ്റക്കൊമ്പൻചാലിൽ കൊച്ചുവീട്ടിൽ അപ്പച്ചന്‍റെ വീടാണ് അപകടാവസ്ഥയിലായത്. കഴിഞ്ഞ ദിവസമുണ്ടായ കനത്ത മഴയിൽ വീടിനു പിറകിലെ കുന്ന് ഇടിഞ്ഞു നിരങ്ങി വീടിന്‍റെ പിൻഭാഗത്തെ ചുമരിൽ പതിക്കുകയായിരുന്നു. ചുമരിൽ ഒന്നരയാൾ പൊക്കത്തിൽ മണ്ണ് നിറഞ്ഞു നിൽക്കുന്ന അവസ്ഥയാണ്. നാലുവർഷമായി നിർമാണ പ്രവൃത്തി നടക്കുന്ന വീടാണ്. വയറിംഗ് ഉൾപ്പെടെ പൂർത്തിയാക്കി പുതിയ വീട്ടിൽ താമസം തുടങ്ങാനുള്ള ശ്രമത്തിനിടയിലാണു വീട് അപകടാവസ്ഥയിലായത്. ഏറെ സാമ്പത്തിക ബാധ്യതയ്ക്ക് നടുവിലും ഇവിടേക്കു താമസം മാറാൻ ആഗ്രഹിച്ചിരിക്കുമ്പോഴാണ് മണ്ണിടിഞ്ഞ് വീട് തകരുന്ന അവസ്ഥ ഉണ്ടായിരുന്നതെന്നും അപ്പച്ചൻ പറഞ്ഞു. ഇടിഞ്ഞുവീണ മണ്ണ് നീക്കണമെങ്കിൽ പോലും വലിയ തുക കണ്ടെത്തണം. മണ്ണ് നീക്കുമ്പോൾ കുന്ന് കൂടുതൽ ഇടിയാനുള്ള സാധ്യതയും ഏറെയാണ്.

കൗണ്‍സിലിംഗ് കോഴ്‌സ് ഉദ്ഘാടനം ചെയ്തു

പയ്യന്നൂര്‍: പയ്യന്നൂര്‍ ഫാമിലി വെല്‍നസ് സെന്‍ററിന്‍റെ നേതൃത്വത്തില്‍ നടത്തപ്പെടുന്ന 21-ാം ബാച്ച് ബേസിക്ക് കൗണ്‍സിലിംഗ് സര്‍ട്ടിഫിക്കറ്റ് കോഴ്‌സ് ആരംഭിച്ചു. കൗണ്‍സിലിംഗ് കോഴ്‌സിന്‍റെ ഉദ്ഘാടനം നഗരസഭ മുന്‍ ചെയര്‍മാന്‍ ശശി വട്ടക്കൊവ്വല്‍ നിര്‍വഹിച്ചു. ഡയറക്‌ടര്‍ സിസ്റ്റര്‍ അരുണ കിടങ്ങന്‍ അധ്യക്ഷത വഹിച്ചു. പയ്യന്നൂര്‍ സെന്‍റ് തോമസ് ഇടവക വികാരി ഫാ. ജോണ്‍ മുണ്ടോളിക്കല്‍ മുഖ്യ പ്രഭാഷണം നടത്തി. ഹോളിഫാമിലി അൽമായ സുഹൃത് സംഘടന പ്രസിഡന്‍റ് സെബാസ്റ്റ്യന്‍ തോട്ടുങ്കല്‍, കോഴ്‌സ് പൂര്‍ത്തിയാക്കിയ വിജയ, അസിസ്റ്റന്‍റ് സുപ്പീരിയര്‍ സിസ്റ്റര്‍ മേരി ജോസ്, സിസ്റ്റര്‍ പുഷ്പ വര്‍ഗീസ് എന്നിവര്‍ സംസാരിച്ചു. കഴിഞ്ഞ ബാച്ചില്‍ ഉന്നതവിജയം കരസ്ഥമാക്കിയവരെ ചടങ്ങില്‍ സമ്മാനങ്ങള്‍ നല്‍കി അനുമോദിക്കുകയും കോഴ്‌സ് പൂര്‍ത്തീകരിച്ചവര്‍ക്ക് സര്‍ട്ടിഫിക്കറ്റ് വിതരണവും നടത്തി. വേലൂര്‍ ഫാറ്ററിയുടെ സര്‍ട്ടിഫിക്കറ്റ് കോഴ്‌സില്‍ പങ്കെടുക്കാന്‍ ആഗ്രഹിക്കുന്നവര്‍ 04985205757. 9446545757 എന്ന ഫോൺ നന്പറിൽ ബന്ധപ്പെടണം.

ജില്ലയിൽ 3250 ഹെക്ടറിലേക്ക് തീറ്റപ്പുൽ കൃഷി വ്യാപിപ്പിക്കും

കണ്ണൂർ: കാലിത്തീറ്റ ഉത്പാദനത്തിൽ ജില്ലയെ സ്വയം പര്യാപ്തമാക്കാൻ ലക്ഷ്യമിട്ട് 3250 ഹെക്ടർ സ്ഥലത്തേക്ക് കൂടി തീറ്റപ്പുൽ കൃഷി വ്യാപിക്കും. ഇതിനായി മിൽമ, കുടുംബശ്രീ, ദേശീയ തൊഴിലുറപ്പ് പദ്ധതി, വ്യവസായ വകുപ്പ്, ജയിൽ വകുപ്പ്, ജലവിഭവ വകുപ്പ് എന്നിവയുടെ പങ്കാളിത്തത്തോടുകൂടി ക്ഷീരവികസന വകുപ്പ് കൃഷി ചെയ്യാനാവശ്യമായ സ്ഥലം കണ്ടെത്തി ഓഗസ്റ്റ് ആദ്യവാരം കൃഷി ആരംഭിക്കും. ക്ഷീര വികസന വകുപ്പിന്‍റെ കണക്കനുസരിച്ച് 56,000 കന്നുകാലികളാണ് ജില്ലയിൽ ഉള്ളത്. ഇവയ്ക്കായി ക്ഷീരവികസന വകുപ്പിനു കീഴിൽ വരുന്ന 13 ക്ഷീര വികസന യൂണിറ്റുകളിലെ 224 ക്ഷീര സംഘങ്ങൾ 807 ഹെക്ടർ സ്ഥലത്ത് മാത്രമാണ് തീറ്റപ്പുൽ കൃഷി ചെയ്യുന്നത്. ക്ഷീരവികസന വകുപ്പ് പദ്ധതികൾ പ്രകാരം 52 ഹെക്ടർ സ്ഥലത്ത് കൃഷി ആരംഭിക്കുന്നതിനുള്ള പുതിയ അപേക്ഷകൾ ഈ വർഷം ക്ഷണിച്ചിട്ടുണ്ട്. ശേഷിക്കുന്ന 2391 ഹെക്ടർ സ്ഥലം കൂടി കണ്ടെത്തി തീറ്റപ്പുൽ കൃഷി വ്യാപിപ്പിക്കും. സ്ഥല ലഭ്യത സംബന്ധിച്ച് വിശദാംശങ്ങൾ നൽകുന്നതിന് വിവിധ വകുപ്പു മേധാവികൾക്ക് നിർദേശം നല്കിയിട്ടുണ്ട്. ജില്ലാ കളക്ടർ അരുൺ കെ. വിജയന്‍റെ അധ്യക്ഷതയിൽ ജില്ലാതല ടാസ്‌ക് ഫോഴ്സിന്‍റെ രൂപീകരണ യോഗം ചേർന്ന് സ്ഥലലഭ്യത സംബന്ധിച്ച് വിവിധ വകുപ്പുകളിൽ നിന്ന് വിശദാംശം തേടി. തീറ്റപ്പുൽ കൃഷിക്ക് സജ്ജരായ ഭൂവുടമകൾ, സ്ഥാപനങ്ങൾ, ഗ്രൂപ്പുകൾ എന്നിവയുടെ വിശദാംശങ്ങൾ റവന്യു, കൃഷി, ക്ഷീരവികസന വകുപ്പുകൾ കണ്ടെത്തണം. കൃഷി ചെയ്യുന്നതിനുള്ള സ്ഥലം കണ്ടെത്തിയാൽ കൃഷി വകുപ്പ് മണ്ണുപരിശോധന ഉൾപ്പെടെ നടത്തി ജലലഭ്യത, മണ്ണിന്‍റെ ഫലഭൂയിഷ്ടത എന്നിവ ഉറപ്പുവരുത്തും. ഓഗസ്റ്റ് ആദ്യവാരം കൃഷി ആരംഭിക്കാ നായാൽ ഒക്ടോബർ മാസത്തോടെ തീറ്റപ്പുൽ കന്നുകാലികൾക്ക് നല്കാൻ പാകമാകുമെന്നാണ് ക്ഷീരവികസന വകുപ്പ് കണക്കുകൂട്ടുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]