ക​ടു​ത്തു​രു​ത്തി: റേ​ഡി​യോ അ​വ​താ​ര​ക​രാ​കു​ന്ന​തി​ന്‍റെ ആ​വേ​ശ​ത്തി​ലാ​ണ് കാ​ഞ്ഞി​ര​ത്താ​നം സെ​ന്‍റ് ജോ​ണ്‍​സ് ഹൈ​സ്‌​കൂ​ളി​ലെ വി​ദ്യാ​ര്‍​ഥി​ക​ള്‍. റേ​ഡി​യോ എ​ന്ന​ത് പ​ഴ​യ ത​ല​മു​റ​യു​ടെ വാ​ര്‍​ത്താ​വി​നി​മ​യ-​വി​നോ​ദോ​പാ​ധി എ​ന്ന സ​ങ്ക​ല്‍​പ​ത്തെ മാ​റ്റി​മ​റി​ച്ചു കൊ​ണ്ടാ​ണ് സ്‌​കൂ​ള്‍ റേ​ഡി​യോ​യു​മാ​യി സ്‌​കൂ​ളി​ലെ ഇം​ഗ്ലീ​ഷ് ക്ല​ബ് ക​ട​ന്നുവ​രു​ന്ന​ത്.

ഇം​ഗ്ലീ​ഷ് ഭാ​ഷ​യി​ലെ നൈ​പു​ണ്യ വി​ക​സ​ന​മാ​ണ് ല​ക്ഷ്യംവ​യ്ക്കു​ന്ന​തെ​ങ്കി​ലും വി​ദ്യാ​ര്‍​ഥി​ക​ളു​ടെ വി​വി​ധ​ങ്ങ​ളാ​യ ക​ഴി​വു​ക​ളും ഇ​തി​ലൂ​ടെ പ​രി​പോ​ഷി​പ്പി​ച്ചെ​ടു​ക്കാ​നാ​ണ് ല​ക്ഷ്യ​മി​ടു​ന്ന​ത്. ഓ​രോ ദി​ന​ത്തി​നും ഊ​ര്‍​ജ​മേ​കി രാ​വി​ലെ പ്ര​ഭാ​ത ചി​ന്ത​ക​ളോ​ടെ​യാ​ണ് റോ​ഡി​യോ​യു​ടെ തു​ട​ക്കം. ഉ​ച്ച​യ്ക്ക​ത് അ​ന്താ​രാ​ഷ്‌ട്ര വാ​ര്‍​ത്ത​ക​ളും ക​ഥ​ക​ളും സം​ഭാ​ഷ​ണ​ങ്ങ​ളും ഗാ​ന​ങ്ങ​ളു​മെ​ല്ലാ​മാ​യി​ട്ടാ​വും റേ​ഡി​യോ പ​രി​പാ​ടി​യി​ലൂ​ടെ ക്ലാ​സ് മു​റി​ക​ളി​ലെ​ത്തു​ന്ന​ത്.

ദി ​വൈ​ബ് ലോ​ഞ്ച് എ​ന്നാ​ണ് ഭാ​വ​ങ്ങ​ളു​ടെ ഈ ​തി​ര​യൊ​ഴു​ക്കി​ന് കു​ട്ടി​ക്കൂ​ട്ടം പേ​ര് ന​ല്‍​കി​യി​രി​ക്കു​ന്ന​ത്. റേ​ഡി​യോ അ​വ​ത​ര​ണ​ത്തി​ലൂ​ടെ ല​ഭി​ക്കു​ന്ന ആ​ത്മ​വി​ശ്വാ​സം വ​ലു​താ​ണെ​ന്നാ​ണ് കു​ട്ടി​ക​ളു​ടെ അ​ഭി​പ്രാ​യം. സ്‌​കൂ​ള്‍ റേ​ഡി​യോ കു​ട്ടി​ക​ളു​ടെ ഭാ​വി​യു​ടെ വേ​ദി​യാ​ണെ​ന്ന് പ​രി​പാ​ടി​യു​ടെ ഉ​ദ്ഘാ​ട​നം നി​ര്‍​വ​ഹി​ച്ചു​കൊ​ണ്ട് സ്‌​കൂ​ള്‍ മാ​നേ​ജ​ര്‍ ഫാ.​ ജയിം​സ് വ​യ​ലി​ല്‍ പ​റ​ഞ്ഞു.

വി​ജ​യ​ദി​നാ​ഘോ​ഷ​ത്തോ​ടും ര​ക്ഷാ​ക​ര്‍​തൃ​സം​ഗ​മ​ത്തോ​ടും അ​നു​ബ​ന്ധി​ച്ചാ​യി​രു​ന്നു റേ​ഡി​യോ​യു​ടെ ഉ​ദ്ഘാ​ട​നം. പാ​ലാ അ​ഡാ​ര്‍​ട്ട് ഡ​യ​റ​ക്ട​ര്‍ ഫാ.​ ജയിം​സ് പൊ​രു​ന്നോ​ലി​ല്‍ മു​ഖ്യ​പ്ര​ഭാ​ഷ​ണം ന​ട​ത്തി. പ​ഞ്ചാ​യ​ത്തം​ഗം ലി​സി പാ​ളി​ത്തോ​ട്ടം പ്ര​സം​ഗി​ച്ചു. ഹെ​ഡ്മാ​സ്റ്റ​ര്‍ ബി​ജു മാ​ത്യു. അ​ധ്യാ​പ​ക​രാ​യ സി​സ്റ്റ​ര്‍ ലി​ന​റ്റ് ജോ​സ്, അ​ക്ഷ​യ സി. ​ജോ​സ്, വി​ദ്യാ​ര്‍​ഥി പ്ര​തി​നി​ധി സെ​രൂ​ഗ് എം. ​ഷി​ബു എ​ന്നി​വ​ര്‍ നേ​തൃ​ത്വം ന​ല്‍​കി.