ഗാ​ന്ധി​ന​ഗ​ർ: കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കെ​ട്ടി​ടം ത​ക​ർ​ന്നുവീ​ണ് വീ​ട്ട​മ്മ മ​രി​ച്ചി​ട്ട് ഒ​രു മാ​സം പി​ന്നി​ട്ടെ​ങ്കി​ലും ത​ക​ർ​ന്നുവീ​ണ കെ​ട്ടി​ടം പൊ​ളി​ക്കു​ന്ന​തി​ൽ അ​ന്തി​മ തീ​രു​മാ​ന​മാ​യി​ല്ല. അ​പ​ക​ട​ത്തെ​ത്തു​ട​ർ​ന്ന് രോ​ഗി​ക​ളും ജ​ന​ങ്ങ​ളും ഭീ​തി​യി​ലാ​ണ്.

കെ​ട്ടി​ടം പൊ​ളി​ക്കു​ന്ന​ത് സം​ബ​ന്ധി​ച്ച് ആ​രോ​ഗ്യ​വ​കു​പ്പും ഡി​എം​ഇ​യും ഗാ​ന്ധി​ന​ഗ​ർ പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം അ​ധി​കൃ​ത​രു​മാ​യി ച​ർ​ച്ച​ക​ൾ ന​ട​ത്തി​വ​രി​ക​യാ​ണ്. കെ​ട്ടി​ടം പൂ​ർ​ണ​മാ​യും പൊ​ളി​ച്ചുനീ​ക്ക​ണ​മോ വേ​ണ്ട​യോ എ​ന്നു തീ​രു​മാ​നി​ക്കാ​ൻ കെ​ട്ടി​ട​ത്തി​ന്‍റെ ബ​ല​ക്ഷ​യം സം​ബ​ന്ധി​ച്ച പ​രി​ശോ​ധ​ന​ക​ൾ ന​ട​ത്തി​വ​രിക​യാ​ണ്.

കെ​ട്ടി​ടം ഭാ​ഗി​ക​മാ​യി പൊ​ളി​ച്ച് അ​പ​ക​ട​ക​ര​മ​ല്ലാ​ത്ത ഭാ​ഗം ഉ​പ​യോ​ഗി​ക്കാ​ൻ ക​ഴി​യു​മോ​യെ​ന്നാ​ണ് ഡി​എം​ഇ ത​ല​ത്തി​ലെ ആ​ലോ​ച​ന. എ​ന്നാ​ൽ, ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​നമായി​ട്ടി​ല്ല. അ​തേ​സ​മ​യം കെ​ട്ടി​ടം പൊ​ളി​ച്ചുനീ​ക്കു​ന്ന​തി​ന് 1.4 കോ​ടി​യു​ടെ പ​ദ്ധ​തി ഗാ​ന്ധി​ന​ഗ​ർ പൊ​തു​മ​രാ​മ​ത്ത് കെ​ട്ടി​ടവി​ഭാ​ഗം സ​മ​ർ​പ്പി​ച്ചി​ട്ടു​ണ്ട്. ആ​രോ​ഗ്യ​വ​കു​പ്പി​ന്‍റെ​യും ഡി​എം​ഇ​യു​ടെയും അ​നു​മ​തി ല​ഭി​ച്ചാ​ൽ മാ​ത്ര​മേ കെ​ട്ടി​ടം പൊ​ളി​ച്ചു​നീ​ക്കാ​ൻ സാ​ധി​ക്കു​ക​യു​ള്ളൂ​വെ​ന്ന് ഗാ​ന്ധി​ന​ഗ​ർ പൊ​തു​മ​രാ​മ​ത്ത് വി​ഭാ​ഗം അ​ധി​കൃ​ത​ർ അ​റി​യി​ച്ചു.

മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ കെ​ട്ടി​ടം ത​ക​ർ​ന്നുവീ​ണ് ത​ല​യോ​ല​പ്പ​റ​മ്പ് സ്വ​ദേ​ശി വീ​ട്ട​മ്മ ബി​ന്ദു മ​രി​ച്ച​തോ​ടെ കെ​ട്ടി​ട​ത്തി​ൽ പ്ര​വ​ർ​ത്തി​ച്ചു​കൊ​ണ്ടി​രു​ന്ന എ​ല്ലാ ചി​കി​ത്സാ വി​ഭാ​ഗ​ങ്ങ​ളും പു​തി​യ സ​ർ​ജി​ക്ക​ൽ ബ്ലോ​ക്കി​ലേ​ക്ക് അ​ടി​യ​ന്ത​ര​മാ​യി മാ​റ്റി​യി​രു​ന്നു. കാ​ല​പ്പ​ഴ​ക്ക​ത്തെ​ത്തു​ട​ർ​ന്നാ​ണ് ആ​ശു​പ​ത്രി​യി​ലെ ശു​ചി​മു​റി ഭാ​ഗം ത​ക​ർ​ന്നു​വീ​ണ​ത്.

10 മു​ത​ൽ 15 വ​രെ​യു​ള്ള വാ​ർ​ഡു​ക​ളും പ്ര​ധാ​ന ശ​സ്ത്ര​ക്രി​യാ തി​യ​റ്റ​റും ശ​സ്ത്ര​ക്രി​യാ ഉ​പ​ക​ര​ണ​ങ്ങ​ൾ അ​ണു​വി​മു​ക്ത​മാ​ക്കു​ന്ന സി​എ​സ്ആ​ർ വി​ഭാ​ഗ​വും ഇ​വി​ടെ പ്ര​വ​ർ​ത്തി​ച്ചി​രു​ന്നു. 14-ാം വാ​ർ​ഡി​ന്‍റെ ശു​ചി​മു​റി​യാ​ണ് ത​ക​ർ​ന്നുവീ​ണ​ത്.

എ​ന്നാ​ൽ, തി​യ​റ്റ​റി​ന്‍റെ പ്ര​വ​ർ​ത്ത​നം പു​തി​യ ബ്ലോ​ക്കി​ൽ തു​ട​ങ്ങി​യി​ല്ല. അ​ത്യാ​ഹി​ത വി​ഭാ​ഗ​ത്തി​ലു​ള്ള തി​യ​റ്റ​റി​ലാ​ണ് ഇ​പ്പോ​ൾ ശ​സ്ത്ര​ക്രി​യ ന​ട​ക്കു​ന്ന​ത്. എ​ന്നാ​ൽ, സി​എ​സ്ആ​ർ മു​റി പു​തി​യ ബ്ലോ​ക്കി​ലേ​ക്കു മാ​റ്റി​യി​രു​ന്നു. കാ​ല​പ്പ​ഴ​ക്ക​ത്തെ​ത്തു​ട​ർ​ന്ന് ത​ക​ർ​ന്നു​വീ​ണ കെ​ട്ടി​ടം അ​ടി​യ​ന്ത​ര​മാ​യി പൊ​ളി​ച്ചു​നീ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. നി​ല​വി​ൽ ഇ​വി​ടെ ആ​ശു​പ​ത്രി ജീ​വ​ന​ക്കാ​രു​ടെ സൊ​സൈ​റ്റി​യു​ടെ ഷോ​പ്പിം​ഗ് സ്ഥാ​പ​നം മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്.