കോ​ട്ട​യം: ഡി​പ്പോ​യി​ലേ​ക്ക് ജോ​ലി​ക്കു പോ​കും​വ​ഴി ക​ഴി​ഞ്ഞ​മാ​സം 25ന് ​കു​ഴ​ഞ്ഞുവീ​ണു മ​രി​ച്ച കെ​എ​സ്ആ​ര്‍ടി​സി ഡ്രൈ​വ​റു​ടെ സം​സ്‌​കാ​ര​ത്തി​നു പോ​യ ജീ​വ​ന​ക്കാ​ര്‍ക്ക് അ​ധി​കൃ​ത​ര്‍ വാ​ഹ​നസൗ​ക​ര്യം ഒ​രു​ക്കി​ക്കൊ​ടു​ത്തി​ല്ലെ​ന്നു പ​രാ​തി.

കോ​ട്ട​യം ഡി​പ്പോ​യി​ലെ പു​തു​പ്പ​ള്ളി സ്വ​ദേ​ശി സി​ബി സേ​വ്യ​റു​ടെ സം​സ്‌​കാ​ര​ത്തി​ന് പോ​യ കെ​എ​സ്ആ​ര്‍ടി​സി ബ​സി​നു വാ​ട​ക ആ​വ​ശ്യ​പ്പെ​ട്ട​താ​യാ​ണ് ജീ​വ​ന​ക്കാ​ര്‍ പ​റ​യു​ന്ന​ത്. പു​ല​ര്‍ച്ചെ നാ​ലി​ന് കോ​യ​മ്പ​ത്തൂ​രി​നു​ള്ള ബ​സ് എ​ടു​ക്കാ​ന്‍ പോ​കും​വ​ഴി ബൈ​ക്കി​ന്‍റെ പെ​ട്രോ​ള്‍ തീ​ര്‍ന്ന​തി​നെ​ത്തു​ട​ർ​ന്ന് ബൈ​ക്ക് ത​ള്ളു​മ്പോ​ള്‍ മാ​ങ്ങാ​ന​ത്തി​നു സ​മീ​പ​ത്തു​വ​ച്ച് ഹൃ​ദ​യാ​ഘാ​ത​മു​ണ്ടാ​യാ​ണ് മ​ര​ണം സം​ഭ​വി​ച്ച​ത്. കോ​ട്ട​യ​ത്തു​നി​ന്നും പു​തു​പ്പ​ള്ളി വ​രെ 10 കി​ലോ​മീ​റ്റ​ര്‍ യാ​ത്രയ്​ക്കാ​ണ് വ​കു​പ്പ് അ​ധി​കൃ​ത​ര്‍ 3600 രൂ​പ വാ​ട​ക ചു​മ​ത്തി​യ​ത്.

ജീ​വ​ന​ക്കാ​രു​ടെ ഫേ​സ്ബു​ക്ക് കൂ​ട്ടാ​യ്മ​ക​ളി​ല്‍ ഇ​തി​നെ​തി​രേ പോ​സ്റ്റു​ക​ളും വ​രു​ന്നു​ണ്ട്. രാ​ഷ്‌​ട്രീ​യ നേ​താ​ക്ക​ള്‍ മ​രി​ക്കു​മ്പോ​ള്‍ അ​ത​ത് സ്ഥ​ല​ങ്ങ​ളി​ല്‍ കെ​എ​സ്ആ​ര്‍ടി​സി​യി​ല്‍ സൗ​ജ​ന്യ​മാ​യി മൃ​ത​ദേ​ഹം എ​ത്തി​ക്കാ​റു​ണ്ട്. അ​തു​പോ​ലെ ജീ​വ​ന​ക്കാ​ര്‍ മ​രി​ച്ചാ​ല്‍ അ​ന്ത്യ​ക​ര്‍മ​ങ്ങ​ളി​ല്‍ പ​ങ്കെ​ടു​ക്കാ​ന്‍ പോ​കു​ന്ന സ​ഹ​പ്ര​വ​ർ​ത്ത​ക​രോ​ട് വാ​ട​ക ഈ​ടാ​ക്കു​ന്ന​ത് ശ​രി​യ​ല്ലെ​ന്നാ​ണ് ഇ​വ​ര്‍ പ​റ​യു​ന്ന​ത്. റോ​ഡി​ല്‍ മി​ന്ന​ല്‍ പ​രി​ശോ​ധ​ന ന​ട​ത്തു​ന്ന വ​കു​പ്പ് മ​ന്ത്രി ഇ​തൊ​ന്നും അ​റി​യു​ന്നി​ല്ലേ​യെ​ന്നും ജീ​വ​ന​ക്കാ​ര്‍ ചോ​ദി​ക്കു​ന്നു.

എ​ന്നാ​ല്‍, ഡി​പ്പാ​ര്‍ട്ടു​മെ​ന്‍റി​ല്‍ ഇ​ത്ത​ര​ത്തി​ല്‍ ബ​സ് വാ​ട​ക​യി​ല്ലാ​തെ അ​നു​വ​ദി​ക്കാ​ന്‍ അ​നു​മ​തി​യി​ല്ലെ​ന്നും മു​ന്പ് ബ​സ് അ​നു​വ​ദി​ക്കു​ന്പോ​ൾ യൂ​ണി​യ​നു​ക​ളാ​ണ് വാ​ട​ക അ​ട​ച്ചി​രു​ന്ന​തെ​ന്നും ഡി​പ്പോ അ​ധി​കൃ​ത​ര്‍ പ​റ​യു​ന്നു.