രാജ്യസ്നേഹവും മൂല്യബോധവും കുട്ടികളെ കരുത്തരാക്കും; സണ്ണി ജോസഫ്
Monday, August 11, 2025 6:44 AM IST
കണ്ണൂർ: രാജ്യസ്നേഹവും മൂല്യബോധവും ചെറുപ്പം മുതൽ കുട്ടികളിൽ അങ്കുരിക്കാൻ ജവഹർ ബാൽ മഞ്ചിന്‍റെ പ്രവർത്തനങ്ങൾ വഴിതെളിക്കുമെന്നും അത് അവർക്കു കരുത്താകുമെന്നും കെപിസിസി പ്രസിഡന്‍റ് സണ്ണി ജോസഫ് എംഎൽഎ.
ജവഹർ ബാൽമഞ്ച് ‘കൊടി പാറട്ടേ’ ചടങ്ങിന്‍റെ സംസ്ഥാനതല പരിപാടി കണ്ണൂരിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സണ്ണി ജോസഫ് ദേശീയ പതാക ജവഹർ ബാൽമഞ്ച് കുട്ടികളുടെ സംസ്ഥാന കമ്മിറ്റിക്ക് കൈമാറി.
ജവഹർ ബാൽമഞ്ച് സംസ്ഥാന ചെയർമാൻ സുരേഷ് കെ. കരുൺ അധ്യക്ഷത വഹിച്ചു. ഡിസിസി പ്രസിഡന്‍റ് മാർട്ടിൻ ജോർജ് മുഖ്യപ്രഭാഷണം നടത്തി. ദേശീയ കോ-ഓർഡിനേറ്റർ ഫെൻ റസൽ, സംസ്ഥാന പ്രസിഡന്‍റ് ആദി ഹസൻ, സംസ്ഥാന കോ-ഓർഡിനേറ്റർമാരായ സി.വി.എ. ജലീൽ, പി. മഹേഷ്, എസ്. ശ്രീനാഥ്, ജില്ലാ ചെയർപേഴ്സൺ ലിഷ ദീപക്, സംസ്ഥാന ട്രഷറർ മാർട്ടിൻ ജെ. മാത്യു, സംസ്ഥാന ജോയിന്‍റ് സെക്രട്ടറി എസ്. ഇഷാനി, ജില്ലാ പ്രസിഡന്‍റ് മുരളീകൃഷ്ണ, ജില്ലാ കോ-ഓർഡിനേറ്റർമാരായ എം.പി. ഉത്തമൻ, സി.പി. സന്തോഷ് കുമാർ, എ.കെ. ദീപേഷ് എന്നിവർ പ്രസംഗിച്ചു.
ചടങ്ങിൽ സണ്ണി ജോസഫ് എംഎൽഎ സംസ്ഥാന ചെയർമാൻ സുരേഷ് കരുണിന് ഉപഹാരം നൽകി. 23 ബ്ലോക്കിലെ കോ-ഓർഡിനേറ്റർമാരും മണ്ഡലം ചെയർമാൻമാരും സത്യപ്രതിജ്ഞയെടുത്ത് ചുമതലയേറ്റു.