കുട്ട​നാ​ട​ൻ ഭൂ​പ്ര​ദേ​ശ​ങ്ങ​ളി​ലെ മ​ണ്ണി​ന്‍റെ സ്വാ​ഭാ​വി​ക ഘ​ട​ന​യ്ക്ക് 2018ലെ ​പ്ര​ള​യ​ത്തി​നു​ശേ​ഷം മാ​റ്റം സം​ഭ​വി​ച്ചി​ട്ടു​ണ്ട്. ന​ദി​ക​ളി​ലും ആ​റു​ക​ളി​ലും തോ​ടു​ക​ളി​ലും കാ​യ​ലു​ക​ളി​ലും ട​ൺ​ക​ണ​ക്കി​ന് എ​ക്ക​ൽ അ​ടി​ഞ്ഞ​ത് മൂ​ലം ജ​ല​വാ​ഹ​ക ശേ​ഷി​യും സ്വാ​ഭാ​വി​ക നീ​രൊ​ഴു​ക്കും ത​ട​സ​പ്പെ​ട്ടി​രി​ക്കു​ന്നു.

ഇ​ത് പെ​ട്ടെ​ന്നു​ള്ള വെ​ള്ള​പ്പൊ​ക്ക​ത്തി​ന് കാ​ര​ണ​മാ​കു​ന്നു. നി​ര​ന്ത​ര​മാ​യു​ള്ള വെ​ള്ള​പ്പൊ​ക്കം മ​ണ്ണി​ന്‍റെ രാ​സ​ഘ​ട​ന​യി​ൽ ഉ​ണ്ടാ​ക്കി​യ മാ​റ്റ​ങ്ങ​ൾ മൂ​ലം ഔ​ഷ​ധ​സ​സ്യ​ങ്ങ​ൾ ന​ശി​ക്കു​ന്നു​ണ്ട്. കൂ​ടാ​തെ പ്ലാ​വ്, തെ​ങ്ങ്, വാ​ഴ തു​ട​ങ്ങി​യ കൃ​ഷി​ക​ളും ന​ശി​ക്കു​ക​യാ​ണ്. നി​ര​ന്ത​ര​മാ​യ വെ​ള്ള​പ്പൊ​ക്കം മൂ​ലം കു​ട്ട​നാ​ട്ടി​ലെ ആ​റു​ക​ളി​ലും തോ​ടു​ക​ളി​ലും കാ​യ​ലു​ക​ളി​ലും ഉ​ണ്ടാ​യി​രു​ന്ന മ​ത്സ്യ​ങ്ങ​ൾ​ക്കും വം​ശ​നാ​ശം സം​ഭ​വി​ക്കു​ന്നു​ണ്ട്.

2018ലെ ​പ്ര​ള​യ​ത്തി​നു ശേ​ഷം കു​ട്ട​നാ​ട്ടി​ൽ ഉ​ണ്ടാ​യ വേ​റൊ​രു മാ​റ്റം മേ​യി​ൽ വെ​ള്ള​പ്പൊ​ക്കം ഉ​ണ്ടാ​കു​ന്ന​താ​ണ്. വെ​ള്ള​പ്പൊ​ക്കം ഉ​ണ്ടാ​കു​മ്പോ​ൾ പാ​ട​ശേ​ഖ​ര​ങ്ങ​ളു​ടെ ഇ​ട​യി​ൽ​കൂ​ടി പോ​കു​ന്ന പ്രധാന റോ​ഡു​ക​ളി​ലും ഇ​ട റോ​ഡു​ക​ളി​ലും വെ​ള്ളം ക​യ​റു​ക​യും ഗ​താ​ഗ​തം തടസപ്പെടുക​യും ചെ​യ്യു​ന്നു. മെ​ഡി​ക്ക​ൽ എ​മ​ർ​ജ​ൻ​സി ഉ​ണ്ടാ​യാ​ൽ ആ​ളു​ക​ളെ ആ​ശു​പ​ത്രി​യി​ൽ എ​ത്തി​ക്കു​ന്ന​തി​നും മി​ക​ച്ച ചി​കി​ത്സ ന​ൽ​കു​ന്ന​തി​നും സാ​ധി​ക്കാ​തെ വ​രി​ക​യും മ​നു​ഷ്യ ജീ​വ​നു​ക​ൾ ന​ഷ്ട​മാ​വു​ക​യും ചെ​യ്യു​ന്നു.


കു​ട്ട​നാ​ട്ടി​ൽ വേ​ണ്ട​ത് ദീ​ർ​ഘ​വീ​ക്ഷ​ണ​ത്തോ​ടു​ള്ള പ​ദ്ധ​തി​ക​ളാ​ണ്. അ​തി​നു​വേ​ണ്ടി കു​ട്ട​നാ​ടി​നെ ഒ​ന്നാ​യിക്ക​ണ്ടു​ള്ള ജ​ല മാ​നേ​ജ്മെ​ന്‍റ് സി​സ്റ്റം ആ​വ​ശ്യ​മാ​ണ്. കൂ​ടാ​തെ കു​ട്ട​നാ​ടി​നു വേ​ണ്ടി വി​ശാ​ല കു​ട്ട​നാ​ട് ഡെ​വ​ല​പ്മെ​ന്‍റ് അ​ഥോ​റി​റ്റി രൂ​പീ​ക​രി​ക്കു​ക​യും അ​തി​ന്‍റെ ത​ല​പ്പ​ത്ത് ഇ​ന്ത്യ​ൻ അ​ഡ്മി​നി​സ്ട്രേ​റ്റീവ് സ​ർ​വീ​സി​ൽ പ്രാ​ഗ​ല്ഭ്യം തെ​ളി​യി​ച്ച ഉ​ദ്യോ​ഗ​സ്ഥ​നെ നി​യ​മി​ക്കു​ക​യും വേ​ണം. ആ​റു​ക​ളി​ലും തോ​ടു​ക​ളി​ലും കാ​യ​ലു​ക​ളി​ലും അ​ടി​ഞ്ഞു​കൂ​ടി​യി​രി​ക്കു​ന്ന എ​ക്ക​ൽ വാ​രി​മാ​റ്റി ജ​ല​വാ​ഹ​ക​ശേ​ഷി കൂ​ട്ടു​ക​യും ഇ​ങ്ങ​നെ കി​ട്ടു​ന്ന എ​ക്ക​ൽ ഉ​പ​യോ​ഗി​ച്ച് പാ​ട​ശേ​ഖ​ര​ങ്ങ​ളു​ടെ പു​റംബ​ണ്ട് ബ​ല​പ്പെ​ടു​ത്തു​ക​യും വേ​ണം.

കി​ഴ​ക്ക​ൻ വെ​ള്ള​ത്തി​ന്‍റെ വ​ര​വ് തു​ട​ങ്ങു​മ്പോ​ൾത​ന്നെ വ​രു​ന്ന അ​ധി​കജ​ലം ഒ​ഴു​കിപ്പോ​കാ​നു​ള്ള സ​ജ്ജീ​ക​ര​ണ​ങ്ങ​ൾ തോ​ട്ട​പ്പ​ള്ളി സ്പി​ൽ​വേ​യി​ലും ത​ണ്ണീ​ർ​മു​ക്കം ബ​ണ്ടി​ലും ബാ​ക്കി​യു​ള്ള പൊ​ഴി​ക​ളി​ലും ചെ​യ്തി​രി​ക്ക​ണം. ത​ണ്ണീ​ർ​മു​ക്കം ബ​ണ്ടും തോ​ട്ട​പ്പ​ള്ളി സ്പി​ൽ​വേ​യും തു​റ​ന്നി​രി​ക്കു​ന്ന അ​വ​സ​ര​ങ്ങ​ളി​ൽ കു​ട്ട​നാ​ട്ടി​ൽ വേ​ലി​യേ​റ്റം മൂ​ല​മു​ള്ള വെ​ള്ള​പ്പൊ​ക്കം ഒ​ഴി​വാ​ക്കാ​ൻ വേ​ലി​യേ​റ്റ വേ​ലി​യി​റ​ക്ക​ങ്ങ​ൾ​ക്ക​നു​സൃ​ത​മാ​യി ഷ​ട്ട​റു​ക​ൾ ക്ര​മീ​ക​രി​ക്കു​ന്ന​തി​നും ന​ട​പ​ടി​ക​ൾ സ്വീ​ക​രി​ക്ക​ണം.