കോ​ട്ട​യം: കോ​ട്ട​യം ന​ഗ​ര​സ​ഭ​യി​ല്‍ മൂ​ന്നു കോ​ടി​യി​ലേ​റെ രൂ​പ പെ​ന്‍ഷ​ന്‍ ത​ട്ടി​പ്പ് ന​ട​ത്തി​യ കേ​സി​ല്‍ ഒ​രു വ​ര്‍ഷ​ത്തി​ല​ധി​കം ഒ​ളി​വി​ല്‍ ക​ഴി​ഞ്ഞി​രു​ന്ന ക്ല​ര്‍ക്കി​നെ അ​ന്വേ​ഷ​ണ​സം​ഘം അ​റ​സ്റ്റ് ചെ​യ്തു.

കൊ​ല്ലം മ​ങ്ങാ​ട് ആ​ന്‍സി ഭ​വ​നി​ല്‍ അ​ഖി​ല്‍ സി. ​വ​ര്‍ഗീ​സി(30)​നെയാണ് കോ​ട്ട​യം വി​ജി​ല​ന്‍സ് ആ​ന്‍ഡ് ആ​ന്‍റിക​റ​പ്ഷ​ന്‍ ബ്യൂ​റോ​ അ​റ​സ്റ്റ് ചെ​യ്ത​ത്. അ​ഖി​ല്‍ കീ​ഴ​ട​ങ്ങാ​മെ​ന്ന് അ​ന്വേ​ഷ​ണ സം​ഘ​ത്തെ അ​റി​യി​ച്ചു മാ​സ​ങ്ങ​ള്‍ ക​ഴി​ഞ്ഞും കാ​ണാ​മ​റ​യ​ത്താ​യി​രു​ന്നു.

കൊ​ല്ല​ത്തെ ലോ​ഡ്ജി​ല്‍ ഒ​ളി​ച്ചു താ​മ​സി​ക്കു​ന്ന​തി​നി​ടെ യാണ് ഇ​ന്ന​ലെ രാ​വി​ലെ 9.30ന് ​പ്ര​തി​യെ അ​റ​സ്റ്റ് ചെ​യ്ത​ത്. ഇ​ന്ന​ലെ കോ​ട​തി​യി​ല്‍ ഹാ​ജ​രാ​ക്കി​യ അ​ഖി​ലി​നെ റി​മാ​ന്‍ഡ് ചെ​യ് തു. വീ​ണ്ടും ക​സ്റ്റ​ഡി​യി​ല്‍ വാ​ങ്ങി ചോ​ദ്യം ചെ​യ്യു​മെ​ന്ന് വി​ജി​ല​ന്‍സ് പ​റ​ഞ്ഞു.


2020 ഒ​ക്‌​ടോ​ബ​ര്‍ മു​ത​ല്‍ 2024 ഓ​ഗ​സ്റ്റ് വ​രെ 2.40 കോ​ടി രൂ​പ​യാ​ണ് അ​ഖി​ല്‍ ത​ട്ടി​യെ​ടു​ത്ത​ത്. കോ​ട്ട​യം ന​ഗ​ര​സ​ഭ​യി​ല്‍നി​ന്ന് പെ​ന്‍ഷ​ന്‍ ന​ല്‍കി​യി​രു​ന്ന മ​രി​ച്ചു​പോ​യ മു​ന്‍ ജീ​വ​ന​ക്കാ​രി​യു​ടെ അ​ക്കൗ​ണ്ട് ന​മ്പ​ര്‍ തി​രു​ത്തി ഇ​തേ പേ​രു​ള്ള സ്വ​ന്തം മാ​താ​വ് അ​മ്മ പി. ​ശ്യാ​മ​ള​യു​ടെ അ​ക്കൗ​ണ്ട് ന​മ്പ​ര്‍ ചേ​ര്‍ത്താ​ണു പ​ണം ത​ട്ടി​യ​ത്.

കോ​ട്ട​യ​ത്തു ജോ​ലി​ചെ​യ്യു​മ്പോ​ഴും വൈ​ക്ക​ത്തേ​ക്ക് സ്ഥ​ലം​മാ​റ്റം കി​ട്ടി​പ്പോ​യ​ശേ​ഷ​വും ഇ​യാ​ള്‍ ത​ട്ടി​പ്പ് തു​ട​ര്‍ന്നു. ഒ​ളി​വി​ല്‍പോ​കു​ന്ന​തി​നു ത​ലേ​ന്ന് ഏ​ഴു​ല​ക്ഷ​ത്തി​ലേ​റെ രൂ​പ ബാ​ങ്കി​ല്‍നി​ന്നു പി​ന്‍വ​ലി​ച്ച​തി​ന്‍റെ തെ​ളി​വും ല​ഭി​ച്ചി​രു​ന്നു.