തി​​​രു​​​വ​​​ന​​​ന്ത​​​പു​​​രം: ശ​​​ബ​​​രി​​​മ​​​ല സ്വ​​​ർ​​​ണ​​​പ്പാ​​​ളി വി​​​വാ​​​ദ​​​ത്തി​​​ൽ ഉ​​​ണ്ണി​​​കൃ​​​ഷ്ണ​​​ൻ പോ​​​റ്റി​​​യെ ദേ​​​വ​​​സ്വം വി​​​ജി​​​ല​​​ൻ​​​സ് വീ​​​ണ്ടും ചോ​​​ദ്യം ചെ​​​യ്തു. ഉ​​​ണ്ണി​​​കൃ​​​ഷ്ണ​​​ൻ പോ​​​റ്റി​​​യു​​​ടെ വ​​​രു​​​മാ​​​ന സ്രോ​​​ത​​​സു​​​ക​​​ൾ, സാ​​​മ്പ​​​ത്തി​​​ക ഇ​​​ട​​​പാ​​​ടു​​​ക​​​ൾ, ഭൂ​​​മി ഇ​​​ട​​​പാ​​​ടു​​​ക​​​ൾ സം​​​ബ​​​ന്ധി​​​ച്ച വി​​​വ​​​ര​​​ങ്ങ​​​ളി​​​ലാ​​​ണ് ചോ​​​ദ്യം ചെ​​​യ്യ​​​ൽ ന​​​ട​​​ന്ന​​​ത്. ഉ​​​ണ്ണി​​​കൃ​​​ഷ്ണ​​​ൻ പോ​​​റ്റിയു​​​ടെ വ​​​രു​​​മാ​​​ന സ്രോ​​​ത​​​സു​​​ക​​​ളെക്കു​​​റി​​​ച്ചും സാ​​​മ്പ​​​ത്തി​​​ക, ഭൂ​​​മി ഇ​​​ട​​​പാ​​​ടു​​​ക​​​ളെ കു​​​റി​​​ച്ചു​​​മുള്ള വി​​​വ​​​ര​​​ങ്ങ​​​ളാ​​​ണ് ഇ​​​ന്ന​​​ലെ വി​​​ജി​​​ല​​​ൻ​​​സ് ശേ​​​ഖ​​​രി​​​ച്ച​​​ത്.

അ​​​തേ​​​സ​​​മ​​​യം, ത​​​നി​​​ക്കെ​​​തി​​​രാ​​​യ ആ​​​രോ​​​പ​​​ണ​​​ങ്ങ​​​ൾ ഉ​​​ണ്ണി​​​കൃ​​​ഷ്ണ​​​ൻ ഇ​​​ന്ന​​​ലെ​​​യും നി​​​ഷേ​​​ധി​​​ച്ചു. സ്വ​​​ർ​​​ണ​​​പ്പാ​​​ളി കാ​​​ണി​​​ച്ചു പ​​​ണ​​​പ്പി​​​രി​​​വ് ന​​​ട​​​ത്തി​​​യി​​​ട്ടി​​​ല്ല. പൂ​​​ജ​​​ക​​​ളും വ​​​ഴി​​​പാ​​​ടു​​​ക​​​ളും മാ​​​ത്ര​​​മാ​​​ണ് ന​​​ട​​​ത്തി​​​യ​​​ത് . സാ​​​ങ്കേ​​​തി​​​ക ത​​​ട​​​സ​​​ങ്ങ​​​ൾ കാ​​​ര​​​ണ​​​മാ​​​ണ് സ്വ​​​ർ​​​ണം പൂ​​​ശു​​​ന്ന​​​തി​​​നാ​​​യി ചെ​​​മ്പു പാ​​​ളി​​​ക​​​ൾ ചെ​​​ന്നൈ​​​യി​​​ൽ എ​​​ത്തി​​​ക്കാ​​​ൻ വൈ​​​കി​​​യ​​​തെ​​​ന്നും ഉ​​​ണ്ണി​​​കൃ​​​ഷ്ണ​​​ൻ ആ​​​വ​​​ർ​​​ത്തി​​​ച്ചു. ഇ​​​ന്ന​​​ലെ രാ​​​വി​​​ലെ ആ​​​രം​​​ഭി​​​ച്ച ചോ​​​ദ്യം ചെ​​​യ്യ​​​ൽ നാ​​​ലു മ​​​ണി​​​ക്കൂ​​​റോ​​​ളം നീ​​​ണ്ടു .


ക​​​ഴി​​​ഞ്ഞ ദി​​​വ​​​സ​​​വും ഉ​​​ണ്ണി​​​കൃ​​​ഷ്ണ​​​ൻ പോ​​​റ്റി​​​യെ നാ​​​ലു മ​​​ണി​​​ക്കൂ​​​റോ​​​ളം ദേ​​​വ​​​സ്വം വി​​​ജി​​​ല​​​ൻ​​​സ് ചോ​​​ദ്യം ചെ​​​യ്തി​​​രു​​​ന്നു.​​ വ​​​രും ദി​​​വ​​​സ​​​ങ്ങ​​​ളി​​​ലും ചോ​​​ദ്യം ചെ​​​യ്യ​​​ൽ തു​​​ട​​​ർ​​​ന്നേ​​​ക്കും. അ​​​തോ​​​ടൊ​​​പ്പം ഉ​​​ണ്ണി​​​കൃ​​​ഷ്ണ​​​ന്‍റെ സ​​​ഹാ​​​യി​​​യാ​​​യ വാ​​​സു​​​ദേ​​​വ​​​ൻ, സ്പോ​​​ൺ​​​സ​​​ർ​​​മാ​​​രാ​​​യ അ​​​ന​​​ന്ത സു​​​ബ്ര​​​ഹ്മ​​​ണ്യ​​​ൻ ര​​​മേ​​​ശ് എ​​​ന്നി​​​വ​​​രെ​​​യും ഉ​​​ട​​​നെ ചോ​​​ദ്യം ചെ​​​യ്യാ​​​ൻ വി​​​ജി​​​ല​​​ൻ​​​സ് തീ​​​രു​​​മാ​​​നി​​​ച്ചി​​​ട്ടു​​​ണ്ട്. ചോ​​​ദ്യം ചെ​​​യ്യ​​​ലി​​​നു​​​ശേ​​​ഷം പു​​​റ​​​ത്തെ​​​ത്തി​​​യ ഉ​​​ണ്ണി​​​കൃ​​​ഷ്ണ​​​ൻ പോ​​​റ്റി മാ​​​ധ്യ​​​മ​​​ങ്ങ​​​ളു​​​ടെ ചോ​​​ദ്യ​​​ങ്ങ​​​ളി​​​ൽനി​​​ന്ന് ഒ​​​ഴി​​​ഞ്ഞു​​​മാ​​​റു​​​ന്ന സ​​​മീ​​​പ​​​ന​​​മാ​​​ണ് ഇ​​​ന്ന​​​ലെ സ്വീ​​​ക​​​രി​​​ച്ച​​​ത്.