മൂ​ന്നാ​ർ: വി​നോ​ദസ​ഞ്ചാ​ര​ത്തി​നെത്തി​യ സം​ഘ​ത്തെ ക്രൂ​ര​മാ​യി ത​ല്ലി​ച്ച​ത​ച്ച യു​വാ​ക്ക​ൾ​ക്കെതി​രേ വ​ധ​ശ്ര​മ​ത്തി​ന് പോ​ലീ​സ് കേ​സെ​ടു​ത്തു. മൂ​ന്നാ​ർ ആ​ത്തു​ക്കാ​ട് സ്വ​ദേ​ശി​ക​ളാ​യ കൗ​ശി​ക് (24), സു​രേ​ന്ദ്ര​ൻ (25), അ​രു​ണ്‍ സൂ​ര്യ (25) എ​ന്നി​വ​ർ​ക്കെതി​രേ​യാ​ണ് കേ​സ് എ​ടു​ത്തി​രി​ക്കു​ന്ന​ത്.

മൂ​ന്നാ​ർ ഡി​വൈ​എ​സ്പി ച​ന്ദ്ര​കു​മാ​റി​ന്‍റെ നേ​തൃ​ത്വ​ത്തി​ലാ​ണ് പ്ര​തി​ക​ൾ​ക്കെ​തി​രേ ന​ട​പ​ടി സ്വീ​ക​രി​ച്ച​ത്. ദേ​വി​കു​ളം സ​ബ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു. ക​ഴി​ഞ്ഞ ശ​നി​യാ​ഴ്ച ന​ട​ന്ന സം​ഭ​വ​ത്തി​ലാ​ണ് പ്ര​തി​ക​ളെ പി​ടി​കൂ​ടി​യ​ത്. ത​മി​ഴ്നാ​ട്ടി​ൽനി​ന്നെത്തി​യ വി​നോ​ദ​സ​ഞ്ചാ​രി​ക​ളെ​യാ​ണ് ആ​ക്ര​മി​ച്ച​ത്. ആ​ത്തു​ക്കാ​ട് വെ​ള്ള​ച്ചാ​ട്ടം കാ​ണാ​ൻ കാ​റിലെ​ത്തി​യ സം​ഘ​ത്തെ ബൈ​ക്കി​ന് സൈ​ഡ് ന​ൽ​കി​യി​ല്ലെന്ന കാ​ര​ണം കാ​ട്ടി​യാ​യി​രു​ന്നു ആ​ക്ര​മി​ച്ച​ത്.


കാ​ർ, ബൈ​ക്കി​ൽ ഉ​ര​സി​യ​താ​യി ആ​രോ​പി​ച്ച് ബൈ​ക്ക് യാ​ത്രി​ക​ർ എ​ത്തി​യ​തോ​ടെ​യാ​ണ് സം​ഭ​വ​ത്തി​ന്‍റെ തു​ട​ക്കം. വാ​ക്കു​ത​ർ​ക്കം കൈ​യേ​റ്റ​ത്തി​ൽ ക​ലാ​ശി​ക്കു​ക​യും തു​ട​ർ​ന്ന് ഒ​ന്പ​തു പേ​ര​ട​ങ്ങു​ന്ന സം​ഘ​ത്തെ കൂ​ട്ടംചേ​ർ​ന്ന് മ​ർ​ദി​ക്കു​ക​യു​മാ​യി​രു​ന്നുവെന്നു പറയുന്നു. ക​ല്ല് ഉ​പ​യോ​ഗി​ച്ചു​ള്ള ആ​ക്ര​മ​ണ​ത്തി​ൽ ത​മി​ഴ്നാ​ട് ട്രി​ച്ചി സ്വ​ദേ​ശി​ക​ളാ​യ ര​ണ്ടു​പേ​ർ​ക്കു ത​ല​യ്ക്ക് ഗു​രു​ത​ര​മാ​യ പ​രി​ക്കേ​റ്റു.
പ​രി​ക്കേ​റ്റ അ​ര​വി​ന്ദ്, ഗു​ണ​ശീ​ല​ൻ എ​ന്നി​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. യു​വാ​ക്ക​ളു​ടെ ആ​ക്ര​മ​ണം ക​ന​ത്ത​തോ​ടെ നാ​ട്ടു​കാ​ർ ഇ​ട​പെ​ട്ടാ​ണ് പ്ര​തി​ക​ളെ പി​ടി​ച്ചു മാ​റ്റി​യ​ത്. നാ​ട്ടു​കാ​ർ ത​ന്നെ പോ​ലീ​സി​ൽ വി​വ​രം അ​റി​യി​ക്കു​ക​യാ​യി​രു​ന്നു.