വ​ട​ക്കാ​ഞ്ചേ​രി

ക​ഴി​ഞ്ഞ​ദി​വ​സം ഉ​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും വ​ട​ക്കാ​ഞ്ചേ​രി​യി​ലും സ​മീ​പ​പ്ര​ദേ​ശ​ങ്ങ​ളി​ലും മ​ര​ങ്ങ​ൾ​വീ​ണ് വീ​ടു​ക​ൾ ത​ക​ർ​ന്നു. ത​ല​ശേ​രി കു​മ്പ​നി​വ​ള​പ്പി​ൽ ആ​സി​യ​യു​ടെ വീ​ട് തെ​ങ്ങു​വീ​ണാ​ണ് ത​ക​ർ​ന്ന​ത്. ആ​ർ​ക്കും പ​രി​ക്കി​ല്ല. ആ​സി​യയും ​മ​ക​ളും കു​ട്ടി​ക​ളു​മാ​ണ് വീ​ട്ടി​ൽ താ​മ​സി​ച്ചി​രു​ന്ന​ത്.

തൃ​ശൂർ - ഷൊ​ർ​ണൂ​ർ സം​സ്ഥാ​ന പാ​ത​യി​ൽ വാ​ഴ​ക്കോ​ട് മ​രം പൊ​ട്ടി​വീ​ണ് ഏ​റെ നേ​രം ഗ​താ​ഗ​തം ത​ട​സ​പ്പെ​ട്ടു. തു​ട​ർ​ന്ന് സ്ഥ​ല​ത്തെ​ത്തി​യ ഹൈ​വേ പോ​ലീ​സും ഫ​യ​ർ​ഫോ​ഴ്‌​സും നാ​ട്ടു​കാ​രും ചേ​ർ​ന്ന് മ​രം മു​റി​ച്ചു​മാ​റ്റി ഗ​താ​ഗ​തം പു​നഃ​സ്ഥാ​പി​ച്ചു.

എ​രു​മ​പ്പെ​ട്ടി

ശ​ക്ത​മാ​യ കാ​റ്റി​ലും മ​ഴ​യി​ലും എ​രു​മ​പ്പെ​ട്ടി കോ​ട്ട​പ്പു​റ​ത്ത് വീ​ട് ത​ക​ർ​ന്നു​വീ​ണു. ക​ണ്ണം​പാ​റ മേ​ലേ​തി​ൽ പ​ര​മേ​ശ്വ​ര​ന്‍റെ ഓ​ടു​മേ​ഞ്ഞ വീ​ടാ​ണ് ഇ​ന്ന​ലെ പു​ല​ർ​ച്ചെ നാ​ലോ​ടെ​യു​ണ്ടാ​യ ശ​ക്ത​മാ​യ കാ​റ്റി​ലും മ​ഴ​യി​ലും ത​ക​ർ​ന്നു​വീ​ണ​ത്.

പ​ഞ്ചാ​യ​ത്തി​ന്‍റെ അ​തി​ദാ​രി​ദ്ര്യ പ​ട്ടി​ക​യി​ലു​ള്ള വ്യ​ക്തി​യാ​ണ് പ​ര​മേ​ശ്വ​ര​ൻ. ത​നി​ച്ചാ​ണ് വീ​ട്ടി​ൽ താ​മ​സി​ക്കു​ന്ന​ത്. വീ​ട്ടി​ലു​ണ്ടാ​യി​രു​ന്ന പ​ര​മേ​ശ്വ​ര​ൻ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. പ​ഞ്ചാ​യ​ത്ത് പ്ര​സി​ഡ​ന്‍റ് എ​സ്. ബ​സ​ന്ത്‌​ലാ​ൽ, വാ​ർ​ഡ് മെ​മ്പ​ർ റി​ജി ജോ​ർ​ജ്‌ എ​ന്നി​വ​രും വി​ല്ലേ​ജ് ഉ​ദ്യോ​ഗ​സ്ഥ​രും സ്ഥ​ലം​സ​ന്ദ​ർ​ശി​ച്ചു.

ക​ണ്ട​ശാം​ക​ട​വ്

ശ​ക്ത​മാ​യ കാ​റ്റി​ലും മ​ഴ​യി​ലും വ​ൻ​മ​രം ഒ​ടി​ഞ്ഞു​വീ​ണ് വീ​ടി​നു കേ​ടു​പാ​ടു​ക​ള്‍ സം​ഭ​വി​ച്ചു. കാ​ര​മു​ക്ക് പൂ​വ​ശ്ശേ​രി പ​റ​മ്പ് മ​ഹാ​വി​ഷ്ണു ക്ഷേ​ത്ര​ത്തി​നു​സ​മീ​പം ചു​ള്ളി​യി​ൽ ഷാ​ജു​വി​ൻ​ന്‍റെ വീ​ടി​ന്‍റെ മു​ക​ളി​ലേ​ക്കാ​ണ് മ​രം ഒ​ടി​ഞ്ഞു​വീ​ണ​ത്. ഇ​ന്ന​ലെ രാ​വി​ലെ ആ​റി​നാ​യി​രു​ന്നു സം​ഭ​വം. ഈ ​സ​മ​യം ഷാ​ജു​വും ഭാ​ര്യ​യും മ​ക്ക​ളും അ​ക​ത്തു​ണ്ടാ​യി​രു​ന്നു. ശ​ബ്ദം​കേ​ട്ട് ഇ​വ​ർ പു​റ​ത്തേ​ക്കി​റ​ങ്ങി ഓ​ടി​യ​തി​നാ​ൽ അ​പ​ക​ടം ഒ​ഴി​വാ​യി. വീ​ടി​നു ഭാ​ഗി​ക​മാ​യി കേ​ടു​സം​ഭ​വി​ച്ചു.

ചേ​ർ​പ്പ്

ശ​ക്ത​മാ​യ കാ​റ്റി​ലും മ​ഴ​യി​ലും ചേ​ർ​പ്പ് ഹെ​ർ​ബ​ർ​ട്ട് ക​നാ​ൽ പ്ര​ദേ​ശ​ത്ത് മ​ര​ങ്ങ​ൾ ക​ട​പു​ഴ​കി വീ​ണു. വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. കൂ​ക്ക​പ്പ​റ​മ്പി​ൽ മ​ണി​ക​ണ്ഠ​ൻ, ക​ണ്ണോ​ളി സു​ധ​ൻ എ​ന്നി​വ​രു​ടെ വീ​ടു​ക​ളു​ടെ മേ​ൽ​ക്കൂ​ര​യും മു​ക​ൾ ഭാ​ഗ​ത്തെ ട്ര​സ് ഷീ​റ്റു​ക​ളു​മാ​ണ് ത​ക​ർ​ന്നു​വീ​ണ​ത്. ഇ​ന്ന​ലെ രാ​വി​ലെ ആ​റ​ര​യോ​ടെ​യാ​ണ് ചു​ഴ​ലി​ക്കാ​റ്റു​പോ​ലെ​പ്ര​ദേ​ശ​മാ​കെ വീ​ശി​യ​തെ​ന്ന് വീ​ട്ടു​ട​മ സു​ധ​ൻ പ​റ​ഞ്ഞു. ഇ​യാ​ളു​ടെ വീ​ടി​ന്‍റെ മു​ക​ളി​ലെ കോ​ൺ​ക്രീ​റ്റ് ഭി​ത്തി​ക​ളും സി​മ​ന്‍റ് ക​ട്ട​ക​ളും താ​ഴേ​ക്കു​ത​ക​ർ​ന്നു​വീ​ണു.

ആ​ർ​ക്കും ആ​ള​പാ​യ​മി​ല്ല. പ​ല​യി​ട​ത്തും വൈ​ദ്യു​തി പോ​സ്റ്റു​ക​ളും ഒ​ടി​ഞ്ഞു​വീ​ണു. തൃ​ശൂ​ർ, തൃ​പ്ര​യാ​ർ സം​സ്ഥാ​ന പാ​ത​യി​ൽ ഹെ​ർ​ബ​ർ​ട്ട് ക​നാ​ലി​നു​സ​മീ​പം വ​ഴി​യോ​ര​ത്ത് നി​ന്നി​രു​ന്ന മ​രം ഒ​ടി​ഞ്ഞു വീ​ണു. വ​ൻ അ​പ​ക​ടം ഒ​ഴി​വാ​യി. അ​ഗ്നി​ശ​മ​ന സേ​നാം​ഗ​ങ്ങ​ൾ സ്ഥ​ല​ത്തെ​ത്തി മ​രം മു​റി​ച്ചു​മാ​റ്റി. മേ​ഖ​ല​യി​ൽ വൈ​ദ്യു​തി​ബ​ന്ധ​വും ത​ക​രാ​റി​ലാ​യി. ഗ​താ​ഗ​ത ത​ട​സ​വും ഭാ​ഗി​ക​മാ​യി നേ​രി​ട്ടു.

പ​ശു​ത്തൊ​ഴു​ത്തും കോ​ഴി​ക്കൂ​ടും ത​ക​ർ​ന്നു

എ​രു​മ​പ്പെ​ട്ടി: ശ​ക്ത​മാ​യ കാ​റ്റി​ലും മ​ഴ​യി​ലും മ​ങ്ങാ​ട് പ​ശു​ത്തൊ​ഴു​ത്തും കോ​ഴി​ക്കൂ​ടും ത​ക​ർ​ന്നു. വ​ട​ക്കു​മു​റി പ​ട്ടി​ക്കാ​ട്ടി​ൽ മു​ര​ളി​യു​ടെ പ​ശു​ത്തൊ​ഴു​ത്തും തൊ​ഴു​ത്തി​നോ​ടു​ചേ​ർ​ന്നു​ള്ള പു​ല്ല് ശേ​ഖ​രി​ച്ചു​വ​യ്ക്കു​ന്ന മു​റി​യും കോ​ഴി​ക്കൂ​ടു​മാ​ണു ത​ക​ർ​ന്ന​ത്. അ​പ​ക​ടം ന​ട​ക്കു​ന്ന സ​മ​യ​ത്ത് പ​ശു​ക്ക​ളെ തീ​റ്റ​യ്ക്കാ​യി തൊ​ട്ട​ടു​ത്ത പ​റ​മ്പി​ലേ​ക്ക് കൊ​ണ്ടു​പോ​യി​രു​ന്ന​തി​നാ​ൽ പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. വാ​ർ​ഡ് മെ​മ്പ​ർ ഇ.​എ​സ്. സു​രേ​ഷ് സ്ഥ​ല​ത്തെ​ത്തി.