സഹകരണ ഉത്പന്നങ്ങളുടെ കയറ്റുമതിക്ക് പ്രത്യേക പദ്ധതി നടപ്പിലാക്കും
Wednesday, June 12, 2024 1:27 AM IST
തിരുവനന്തപുരം: സഹകരണ മേഖലയിലെ ഉത്പന്നങ്ങളുടെ കയറ്റുമതിക്ക് പ്രത്യേക പദ്ധതി ആവിഷ്കരിച്ച് വരികയാണെന്ന് സഹകരണമന്ത്രി വി.എൻ വാസവൻ നിയമസഭയെ അറിയിച്ചു.
സഹകരണ സംഘങ്ങൾ ഉത്പാദിപ്പിക്കുന്ന മൂല്യ വർധിത ഉത്പന്നങ്ങളായ വെളിച്ചെണ്ണ, എള്ളെണ്ണ, തേയില, ടപ്പിയോക്കാ വിത്ത് മസാല, ടപ്പിയോക്കാ ഡ്രൈ, ചക്ക ഡ്രൈ, തുടങ്ങിയവ അമേരിക്ക, ബ്രിട്ടൻ, ന്യൂസിലാന്റ്, യുഎഇ, ഒമാൻ, ദുബായ്, ഖത്തർ തുടങ്ങിയ രാജ്യങ്ങളിലേക്ക് കയറ്റുമതി ചെയ്യുന്നുണ്ട്.
കൂടുതൽ രാജ്യങ്ങളിലേക്ക് ഈ ഉൽപന്നങ്ങൾ കയറ്റുമതി ചെയ്യുന്നതിനായി യുഎസ്എ, യുകെ, ദക്ഷിണാഫ്രിക്ക, മധ്യേഷ്യൻ രാജ്യങ്ങൾ എന്നിവയിലെ പ്രതിനിധികളെ സംഘടിപ്പിച്ചുകൊണ്ട് നടതത്തിയ എക്സ്പോർട് ബിസിനസ് മീറ്റ്2024 ൽ ലഭിച്ച ഓഡറുകൾ ഈ മാസം തന്നെ കയറ്റി അയച്ചു തുടങ്ങാൻ സഹകരണ സംഘങ്ങൾ സജ്ജമാണെന്നും മന്ത്രി നിയമസഭയെ അറിയിച്ചു.