തി​രൂ​ർ: മ​ല​യാ​ള​ത്തി​ലെ ജ​ന​പ്രി​യ നോ​വ​ലി​സ്റ്റും ദീ​പി​ക പ​ത്രാ​ധി​പ​സ​മി​തി അം​ഗ​വു​മാ​യി​രു​ന്ന മു​ട്ട​ത്തു വ​ർ​ക്കി​ക്ക് ല​ഭി​ച്ച സാ​ഹി​ത്യ​താ​രം സ്വ​ർ​ണ​പ്പ​ത​ക്കം തു​ഞ്ച​ത്തെ​ഴു​ത്ത​ച്ഛ​ൻ മ​ല​യാ​ള സ​ർ​വ​ക​ലാ​ശാ​ല​യ്ക്ക് സ​മ​ർ​പ്പി​ക്കു​ന്നു.

കേ​ര​ള​ത്തി​ലെ ക്രൈ​സ്ത​വ സാ​ഹി​ത്യ​കാ​ര​ന്മാ​രു​ടെ​യും ക്രൈ​സ്ത​വ പ​ത്ര​പ്ര​വ​ർ​ത്ത​ക​രു​ടെ​യും കൂ​ട്ടാ​യ്മ​യാ​യി​രു​ന്ന കേ​ര​ള ക്രി​സ്ത്യ​ൻ റൈ​റ്റേ​ഴ്സ് ആ​ൻ​ഡ് ജേ​ർണ​ലി​സ്റ്റ്സ് ഫെ​ല്ലോ​ഷി​പ്പ് 1968ൽ ​സ​മ്മാ​നി​ച്ച അ​വാ​ർ​ഡാ​ണി​ത്. മ​ല​യാ​ള​ത്തി​ൽ ജ​ന​പ്രി​യ നോ​വ​ൽ ശാ​ഖ​യ്ക്ക് തു​ട​ക്കം​കു​റി​ച്ച “പാ​ടാ​ത്ത പൈ​ങ്കി​ളി’’​ക്കു​ള്ള അം​ഗീ​കാ​ര​മാ​യി​രു​ന്നു ഈ ​സാ​ഹി​ത്യ​താ​രം അ​വാ​ർ​ഡ്.

16ന് ​സ​ർ​വ​ക​ലാ​ശാ​ല​യി​ൽ ന​ട​ക്കു​ന്ന ച​ട​ങ്ങി​ൽ 9.27 ഗ്രാം ​തൂ​ക്ക​മു​ള്ള സു​വ​ർ​ണ​സ്മാ​ര​കം സ​ർ​വ​ക​ലാ​ശാ​ല​യ്ക്ക് സ​മ​ർ​പ്പി​ക്കും. സ​മ​ർ​പ്പ​ണ ച​ട​ങ്ങ് ജ​ന​പ്രി​യ സാ​ഹി​ത്യ ച​ർ​ച്ചാ സ​മ്മേ​ള​ന​മാ​യി ന​ട​ത്താ​നാ​ണ് സ​ർ​വ​ക​ലാ​ശാ​ല​യു​ടെ തീ​രു​മാ​നം.

ച​ട​ങ്ങി​ൽ പാ​ടാ​ത്ത പൈ​ങ്കി​ളി എ​ഴു​പ​താം വാ​ർ​ഷി​കം പ്ര​മാ​ണി​ച്ചു ദീ​പി​ക പ്ര​സി​ദ്ധീ​ക​രി​ച്ച വാ​ർ​ഷി​ക​പ്പ​തി​പ്പ് പ്ര​കാ​ശ​നം ചെ​യ്യും. ദീ​പി​ക വാ​രാ​ന്ത്യ​പ്പ​തി​പ്പി​ലാ​ണ് പാ​ടാ​ത്ത പൈ​ങ്കി​ളി ആ​ദ്യ​മാ​യി പ്ര​സി​ദ്ധീ​ക​രി​ച്ച​ത്.

മു​ട്ട​ത്തു വ​ർ​ക്കിയുടെ മ​രു​മ​ക​ൾ അ​ന്ന മു​ട്ട​ത്തി​ന്‍റെ ഓ​ർ​മ​ക്കു​റി​പ്പു​ക​ളു​ടെ സ​മാ​ഹാ​ര​വും ച​ട​ങ്ങി​ൽ പ്ര​കാ​ശ​നം ചെ​യ്യും. സ​ർ​വ​ക​ലാ​ശാ​ല​യി​ൽ സാ​ഹി​ത്യ​ര​ച​ന​യി​ലെ മി​ക​വി​നു​ള്ള മു​ട്ട​ത്തു വ​ർ​ക്കി ഗ്ലോ​ബ​ൽ അ​വാ​ർ​ഡും ച​ട​ങ്ങി​ൽ സ​മ്മാ​നി​ക്കും.


മു​ട്ട​ത്തു വ​ർ​ക്കിയുടെ രണ്ടാമത്തെ മകൻ ജോസഫിന്‍റെ ഭാര്യ അ​ന്ന​യ്ക്കാ​ണ് പ​ത​ക്കം ന​ൽ​കി​യ​ത്. ദ​ക്ഷി​ണേ​ഷ്യ​ൻ ഭാ​ഷ​ക​ൾ പ​ഠി​പ്പി​ക്കു​ന്ന ഏ​തെ​ങ്കി​ലും ഒ​രു സ​ർ​വ​ക​ലാ​ശാ​ല​യ്ക്ക് ഇ​ത് ന​ൽ​കാ​നാ​യി​രു​ന്നു അ​മേ​രി​ക്ക​യി​ൽ വ​ർ​ഷ​ങ്ങ​ളാ​യി താ​മ​സി​ക്കു​ന്ന അ​ന്ന മു​ട്ട​ത്തി​ന് താ​ത്പ​ര്യം.

അ​മേ​രി​ക്ക​യി​ലു​ണ്ടാ​യി​രു​ന്ന എ​ഴു​ത്തു​കാ​രി​യും മ​നു​ഷ്യാ​വ​കാ​ശ പ്ര​വ​ർ​ത്ത​ക​യു​മാ​യ അ​ഡ്വ. ര​തീ​ദേ​വി​യോ​ട് ഇ​ക്കാ​ര്യം അ​ന്ന പ​റ​ഞ്ഞു. തി​രൂ​രി​ലെ മ​ല​യാ​ള സ​ർ​വ​ക​ലാ​ശാ​ല​യ്ക്ക് ന​ൽ​കു​ന്ന​ത് ഉ​ചി​ത​മാ​കു​മെ​ന്നു ര​തീ​ദേ​വി അ​ഭി​പ്രാ​യ​പ്പെ​ട്ടു. അ​ന്ന അ​ത് അം​ഗീ​ക​രി​ക്കു​ക​യാ​യി​രു​ന്നു.

ക​ഴി​ഞ്ഞ മേ​യി​ൽ ഇ​രു​വ​രും നാ​ട്ടി​ലെ​ത്തി സ​ർ​വ​കാ​ല​ശാ​ല​യ്ക്ക് സ​മ​ർ​പ്പി​ക്കാ​നാ​യി​രു​ന്നു തീ​രു​മാ​നം. എ​ന്നാ​ൽ, അ​ന്ന​യ്ക്കു​ണ്ടാ​യ ശാ​രീ​രി​ക​പ്ര​ശ്നം മൂ​ലം യാ​ത്ര അ​സാ​ധ്യ​മാ​യി. ന്യൂ​യോ​ർ​ക്കി​ലെ വീ​ട്ടി​ലെ​ത്തി അ​ഡ്വ. ര​തീ​ദേ​വി സ്വ​ർ​ണ​പ്പ​ത​ക്കം ഏ​റ്റു​വാ​ങ്ങി. 16ന് ​അ​ന്ന മു​ട്ട​ത്തി​നു​വേ​ണ്ടി അ​ഡ്വ. ര​തീ​ദേ​വി​യാ​യി​രി​ക്കും സു​വ​ർ​ണ​സ്മാ​ര​കം സ​ർ​വ​ക​ലാ​ശാ​ല​യ്ക്ക് സ​മ​ർ​പ്പി​ക്കു​ക.