കെപിസിസി ഭാരവാഹികൾ,രാഷ്ട്രീയകാര്യ സമിതി അംഗങ്ങൾ, എംപിമാർ, എംഎൽഎമാർ, ഡിസിസി പ്രസിഡന്‍റുമാർ, കെപിസിസി അംഗങ്ങൾ, തിരുവനന്തപുരം, കൊല്ലം, പത്തനംതിട്ട ജില്ലകളിൽ നിന്നുള്ള ഡിസിസി, ബ്ലോക്ക്, മണ്ഡലം, ബൂത്ത് തലംവരെയുള്ള മുഴുവൻ നേതാക്കളും പ്രവർത്തകരും പ്രതിഷേധമാർച്ചിൽ പങ്കാളികളായി.
സെക്രട്ടറിയേറ്റിന് മുന്നിൽ നടന്ന പൊതുസമ്മേളനം എഐസിസി ജനറൽ സെക്രട്ടറി ദീപദാസ് മുൻഷി ഉദ്ഘാടനം ചെയതു.
അഴിമതിയിൽ മുങ്ങിക്കുളിച്ച എൽഡിഎഫ് സർക്കാരിന്‍റെ അവസാനംകുറിക്കുന്ന മണിമുഴങ്ങിക്കഴിഞ്ഞെന്നും അതിനുള്ള തുടക്കമാണ് സെക്രട്ടേറിയറ്റിലേക്ക് കോണ്ഗ്രസ് നടത്തിയ പ്രതിഷേധ മാർച്ചെന്നും ദീപദാസ് മുൻഷി പറഞ്ഞു.