കൊ​റ്റം​കു​ളം: പെ​രി​ഞ്ഞ​ന​ത്തി​ന് അ​ഭി​മാ​നമായി 36-ാമ​ത് സൗ​ത്ത് സോ​ൺ അ​ത്‌​ല​റ്റി​ക് ചാ​മ്പ്യ​ൻ​ഷി​പ്പി​ൽ ഗോ​ൾ​ഡ് മെ​ഡ​ൽ ക​ര​സ്ഥ​മാ​ക്കി മു​ഹ​മ്മ​ദ് അ​ഷ്ഫാ​ക്.

ആ​ന്ധ്ര​പ്ര​ദേ​ശി​ലെ ഗു​ണ്ടൂ​രി​ൽ ന​ട​ന്ന സോ​ൺ അ​ത്‌​ല​റ്റി​ക് ചാ​മ്പ്യ​ൻ​ഷി​പ്പി​ൽ ഇ​രു​പ​തു​വ​യ​സി​ന് താ​ഴെ​യു​ള്ള​വ​രു​ടെ 400 മീ​റ്റ​ർ ഓ​ട്ട​മ​ത്സ​ര​ത്തി​ലാ​ണ് ഗോ​ൾ​ഡ് മെ​ഡ​ൽ നേ​ടി​യ​ത്. ത​ന്‍റെ ക​ഴി​ഞ്ഞ റി​ക്കാ​ർ​ഡ് തി​രു​ത്തി 47.3 സെ​ക്ക​ൻ​ഡു കൊ​ണ്ടാ​ണ് ഗോ​ൾ​ഡ് മെ​ഡ​ൽ നേ​ടി​യ​ത്. 2024 സം​സ്ഥാ​ന സ്കൂ​ൾ അ​ത്‌​ല​റ്റി​ക് മീ​റ്റി​ൽ 400 മീ​റ്റ​ർ ഓ​ട്ടമ​ത്സ​ര​ത്തി​ൽ താ​ൻ​ത​ന്നെ സ്ഥാ​പി​ച്ച റെ​ക്കോ​ർ​ഡ് (47.65 സെ​ക്ക​ൻ​ഡ്) മ​റി​ക​ട​ന്നാ​ണ് അ​ഷ്ഫാ​ക് പു​തി​യ​സ​മ​യം കു​റി​ച്ച​ത്.

2024ലെ ​സ്കൂ​ൾ അ​ത്‌ല​റ്റി​ക് മീ​റ്റി​ലെ വ്യ​ക്തി​ഗ​ത ചാ​മ്പ്യ​നാ​ണ് മു​ഹ​മ്മ​ദ് അ​ഷ്‌​ഫാ​ക്.
ഇ​ന്ത്യ​യെ പ്ര​തി​നി​ധി​ക​രി​ച്ച് ശ്രീ​ല​ങ്ക​യി​ൽ​ന​ട​ന്ന അ​ന്ത​രാ​ഷ്ട്ര അ​ത്‌​ല​റ്റി​ക് മീ​റ്റി​ലും അ​ഷ്ഫാ​ക് മി​ക​ച്ച പ്ര​ക​ട​നം കാ​ഴ്ച​വ​ച്ചി​രു​ന്നു.

പെ​രി​ഞ്ഞ​നം പ​ഞ്ചാ​യ​ത്തി​ൽ ച​ക്ക​ര​പ്പാ​ടം സ്വ​ദേ​ശി​യും ചെ​റു​കി​ട വ്യാ​പാ​രി​യു​മാ​യ മ​ഠ​ത്തി​പ്പ​റ​മ്പി​ൽ അ​ഷ​റ​ഫ് - ജെ​സി ദ​മ്പ​തി​ക​ളു​ടെ മൂ​ന്നു​മ​ക്ക​ളി​ൽ ഇ​ള​യ​വ​നാ​ണ് മു​ഹ​മ്മ​ദ് അ​ഷ്ഫാ​ക്. വി​ദ്യാ​ർ​ഥി​ക​ളാ​യ അ​ജ്ന അ​ഷ​റ​ഫ്, മു​ഹ​മ്മ​ദ് അ​ർ​ഷ​ക് എ​ന്നി​വ​രാ​ണ് സ​ഹോ​ദ​ര​ങ്ങ​ൾ.

തി​രു​വ​ന​ന്ത​പു​രം ജി​വി രാ​ജ ഗ​വ.​ ഹ​യ​ർസെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​വി​ദ്യാ​ർ​ഥി​യാ​യ അ​ഷ്ഫാ​ക് ക്യാ​പ്റ്റ​ൻ അ​ജി​മോ​ന്‍റെ കീ​ഴി​ലാ​ണ് മൂ​ന്നു​വ​ർ​ഷ​മാ​യി പ​രി​ശീ​ല​നം ന​ട​ത്തു​ന്ന​ത്.