കൊച്ചേട്ടന്‍റെ കത്ത്

എ​ന്തൊ​രു ന​മ്മ​ളാ​ണ് ന​മ്മ​ൾ!

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗ​ങ്ങ​ളേ,

"വെ​റും ആ​ളു​ക​ളു​ടെ കൂ​ട്ട​മ​ല്ല ന​മ്മ​ൾ; ഹൃ​ദ​യ​ങ്ങ​ളു​ടെ കൂ​ട്ടാ​യ്മ​യാ​ണ് ന​മ്മ​ൾ', എ​ന്ന് ഓ​രോ മ​ല​യാ​ളി​യേ​യും ഓ​ർ​മ്മി​പ്പി​ച്ചു​കൊ​ണ്ട്, ക​ട​ന്നു​വ​ന്ന ന​മ്മു​ടെ പൊ​ന്നോ​ണം, അ​തു സ​ത്യ​മാ​ണ് എ​ന്ന് അ​നു​ഭ​വി​പ്പി​ച്ചാ​ണ് ക​ട​ന്നു​പോ​യ​ത്. "നാ​നാ​ത്വ​ത്തി​ൽ ഏ​ക​ത്വം എ​ന്ന ല​ക്ഷ്യ​ത്തി​ലേ​ക്ക് എ​ത്താ​നു​ള്ള ന​മ്മു​ടെ ശേ​ഷി​യാ​ണ്, ന​മ്മു​ടെ നാ​ഗ​രി​ക​ത​യു​ടെ, ഹൃ​ദ​യ വി​കാ​സ​ത്തി​ന്‍റെ അ​ട​യാ​ളം’ എ​ന്നു പ​റ​ഞ്ഞ ന​മ്മു​ടെ ഗാ​ന്ധി​ജി​യു​ടെ വാ​ക്കു​ക​ളു​ടെ അ​ർ​ത്ഥ​വും ഭാ​വ​വും മ​ല​യാ​ളി മ​ന​സു നി​റ​യെ അ​നു​ഭ​വി​ച്ച കാ​ല​മാ​ണ് ഓ​ണ​ക്കാ​ലം. പ​ത്ര​ങ്ങ​ളി​ലും ടെ​ലി​വി​ഷ​നി​ലും ന​വ​മാ​ധ്യ​മ​ലോ​ക​ത്തും ഒ​രു​പോ​ലെ ആ​വേ​ശ​ത്തോ​ടെ അ​വ​ത​രി​പ്പി​ക്ക​പ്പെ​ട്ട ഓ​ണ​ക്കാ​ഴ്ച​ക​ൾ ക​ണ്ട​പ്പോ​ൾ, "എ​ന്തൊ​രു ന​മ്മ​ളാ​ണ് ന​മ്മ​ൾ' എ​ന്നാ​ണ് കേ​ര​ള​ത്തെ നോ​ക്കി പ​റ​യാ​ൻ തോ​ന്നി​യ​ത്.

വ്യ​ക്തി​ഗ​ത ക​ളി​ക​ളേ​ക്കാ​ളും മ​ത്സ​ര​ങ്ങ​ളേ​ക്കാ​ളും സ​മൂ​ഹ​ത്തി​ന്‍റെ കൂ​ട്ടാ​യ്മ ഉ​ണ​ർ​ത്തു​ന്ന സം​ഘ​ക​ളി​ക​ളാ​ണ് ഓ​ണാ​ഘോ​ഷ​ങ്ങ​ളി​ൽ കൂ​ടു​ത​ൽ! ഓ​ണ​പ്പാ​ട്ട് ഒ​റ്റ​ക്കൊ​രാ​ളാ​യ​ല്ല, ഒ​ന്നി​ലേ​റെ​പ്പേ​ർ ഒ​രു​മി​ച്ചാ​ണ് പാ​ടാ​റു​ള്ള​ത്. "വ​ടം​വ​ലി' ഇ​ല്ലാ​തെ ഓ​ണ​മി​ല്ല. വ​ടം​വ​ലി​ക്ക് ഒ​രാ​ൾ​ത​ന്നെ എ​ന്തു​ചെ​യ്യും.? ര​ണ്ടു വി​ഭാ​ഗ​ങ്ങ​ളാ​യി അ​ത്യ​ന്തം വാ​ശി​യോ​ടെ ഒ​രേ വ​ശ​ത്തേ​ക്ക് ഒ​രു​മി​ച്ചു വ​ലി​ക്കു​ന്ന വ​ടം​വ​ലി ജ​യി​ച്ചാ​ലു​ണ്ടാ​കു​ന്ന അ​ഹ്ലാ​ദ​നി​റ​വി​ൽ വി​ജ​യി​ക​ൾ ത​മ്മി​ൽ ചോ​ദി​ക്കും: "എ​ന്തൊ​രു ന​മ്മ​ളാ​ണ് ന​മ്മ​ൾ!'

ഒ​രാ​ൾ​ക്ക് ഒ​റ്റ​യ്ക്ക് പു​ലി​ക​ളി ന​ട​ത്താ​നാ​വി​ല്ല, വെ​റു​തെ കി​ട​ന്ന് ചാ​ടാം എ​ന്ന​ല്ലാ​തെ നാ​ടി​ള​ക്കി, കാ​ണി​ക​ളു​ടെ ഹൃ​ദ​യ​ങ്ങ​ളെ ഉ​ഴു​തു​മ​റി​ച്ച് മ​ന​സു​ക​ളി​ൽ ആ​വേ​ശ​വും കൗ​തു​മു​ണ​ർ​ത്ത​ണ​മെ​ങ്കി​ൽ ഒ​ട്ടേ​റെ പു​ലി​ക​ളും വേ​ട്ട​ക്കാ​രും ഒ​ന്നി​ച്ചി​റ​ങ്ങു​ക​ത​ന്നെ വേ​ണം.

ഓ​ണ​ക്കാ​ല​ത്ത് മ​ല​യാ​ളി ലോ​ക​ത്തി​നു ന​ൽ​കു​ന്ന ഒ​ര​ത്ഭു​ത​മ​ല്ലേ, ന​മ്മു​ടെ വ​ള്ളം​ക​ളി! ന​തോ​ന്ന​ത വൃ​ത്ത​ത്തി​ന്‍റെ താ​ള​ക്കൊ​ഴു​പ്പി​ൽ തി​ത്തി​ത്താ​ര തി​ത്തി​ത്തെ​യ്, തി​ത്തെ​യ് ത​ക​തെ​യ്തെ​യ്തോം പാ​ടു​ന്ന ഗാ​യ​ക​ർ​ക്കൊ​പ്പം അ​നേ​ക നാ​ളു​ക​ളു​ടെ ക​ഠി​ന പ​രി​ശീ​ല​നം ക​ഴി​ഞ്ഞാ​ണ് വീ​യ​പു​രം ചു​ണ്ട​നും കാ​രി​ച്ചാ​ൽ ചു​ണ്ട​നും ന​ടു​ഭാ​ഗം ചു​ണ്ട​നും പാ​യി​പ്പാ​ട​ൻ ചു​ണ്ട​നും ജ​വ​ഹ​ർ താ​യ​ങ്ക​രി​യും ശ്രീ​ഗ​ണേ​ശ​നും, ഗ​ബ്രി​യേ​ലും എ​ല്ലാം നൂ​റി​നും നൂ​റ്റ​ന്പ​തി​നു​മി​ട​യി​ൽ തു​ഴ​ക്കാ​രു​മാ​യി പു​ന്ന​മ​ട​ക്കാ​യ​ലി​ന്‍റെ ചി​റ്റോ​ള​ങ്ങ​ളെ കീ​റി​മു​റി​ച്ച് ചീ​റി​പ്പാ​യു​ന്ന​ത്.

കി​ളി​ത്ത​ട്ടു​ക​ളി​യും തു​ന്പി​തു​ള്ള​ലും ഏ​റ്റ​വും വ​ശ്യ​സു​ന്ദ​ര​മാ​യ തി​രു​വാ​തി​ര​ക​ളി​യും കൈ​കൊ​ട്ടി​ക്ക​ളി​യും എ​ല്ലാം സം​ഘ​ക​ളി​ക​ളാ​ണ്. "ഒ​റ്റ​യാ​യാ​ൽ നീ ​ഒ​രു തു​ള്ളി​യാ​കും, ഒ​രു​മി​ച്ചാ​ൽ നി​ന​ക്കൊ​രു പ്ര​വാ​ഹ​മാ​കാം' എ​ന്ന ഹെ​ല​ൻ കെ​ല്ല​റി​ന്‍റെ വാ​ക്കു​ക​ൾ ന​മ്മ​ൾ ന​മ്മ​ളാ​കേ​ണ്ട​തി​ന്‍റെ ആ​വ​ശ്യ​ക​ത വെ​ളി​പ്പെ​ടു​ത്തു​ക​യാ​ണ്.

പ​ല പ​ല വി​ഭ​വ​ങ്ങ​ൾ ചേ​ർ​ന്ന് പാ​യ​സ​വും ഓ​ണ​സ​ദ്യ​യും ഉ​ണ്ടാ​കു​ന്ന​തു​പോ​ലെ വ്യ​ത്യ​സ്ത​രാ​യ വ്യ​ക്തി​ക​ൾ ചേ​ർ​ന്നാ​ണ് കു​ടും​ബ​വും സ​മൂ​ഹ​വും രൂ​പീ​ക​രി​ക്ക​പ്പെ​ടു​ന്ന​ത്. ഒ​രു നൂ​ലു​കൊ​ണ്ട​ല്ല, ഒ​രാ​യി​രം നൂ​ലു​ക​ളു​ടെ ക​ലാ​പ​ര​മാ​യ വി​ന്യാ​സം​കൊ​ണ്ടാ​ണ് വ​സ്ത്ര​ങ്ങ​ൾ വ​ർ​ണ വി​സ്മ​യം തീ​ർ​ക്കു​ന്ന​ത്. ഹൃ​ദ​യം ഹൃ​ദ​യ​ത്തെ ക​ണ്ടു​മു​ട്ടു​ന്ന ഇ​ട​മാ​ണ് "ന​മ്മ​ൾ' എ​ന്ന പ​ദം. സ്വ​ന്തം കു​ടും​ബ​ത്തി​ൽ ന​മ്മ​ൾ ഭാ​വം​തീ​ർ​ക്കു​ന്ന​വ​ർ​ക്കു മാ​ത്ര​മേ സ​മൂ​ഹ​ത്തെ ഒ​രു​മ​യി​ലേ​ക്കു ന​യി​ക്കാ​നാ​വൂ. ഞ​ങ്ങ​ളും നി​ങ്ങ​ളു​മാ​യി ത​ല്ലി​പ്പി​രി​യാ​നും പി​രി​ക്കാ​നും കാ​ര​ണം ക​ണ്ടെ​ത്തു​ന്ന​വ​ർ ന​മ്മ​ൾ എ​ന്ന ഭാ​വ​ത്തി​ന്‍റെ ഭം​ഗി​യാ​സ്വ​ദി​ക്കാ​ത്ത​വ​രാ​ണ്.

ഓ​ണ​ക്കാ​ല​ത്ത്, മ​ല​യാ​ളി, പാ​യ​സ​മ​ധു​രം ഹൃ​ദ​യ​ത്തി​ൽ നി​റ​ച്ച്, ഹൃ​ദ​യ​ങ്ങ​ൾ തേ​ടി ന​ട​ക്കു​ക​യാ​യി​രു​ന്നു. പ​ര​സ്പ​രം സ​ദ്യ​യു​ടെ രു​ചി സ​മൃ​ദ്ധി​യും പാ​യ​സ​ത്തി​ന്‍റെ മ​ധു​ര​വും പൂ​ക്ക​ള​ത്തി​ന്‍റെ വ​ർ​ണ​സ​മൃ​ദ്ധി​യും മ​ല​യാ​ളി​യു​ടെ പ​ഞ്ചേ​ന്ദ്രി​യ​ങ്ങ​ളും നി​റ​യ്ക്കു​ന്ന ഹൃ​ദ​യ സ​മ്മേ​ള​ന​ങ്ങ​ളു​ടെ ആ​ര​വം ന​മ്മോ​ട് എ​ന്നും മ​ന്ത്രി​ച്ചു​കൊ​ണ്ടേ​യി​രി​ക്കും, എ​ന്തൊ​രു ന​മ്മ​ളാ​ണ് ന​മ്മ​ൾ! ന​മ്മ​ൾ ഭാ​വ​ത്തി​ന്‍റെ പ്രാ​യോ​ഗി​ക ഭാ​ഷ്യ​ങ്ങ​ളാ​യി മ​ല​യാ​ളി മാ​റ​ട്ടെ. മ​ന​സു ന​ന്നാ​വ​ട്ടെ, നാ​ടു പൊ​ന്നാ​വ​ട്ടെ!

സ്നേ​ഹാ​ശം​സ​ക​ളോ​ടെ, സ്വ​ന്തം കൊ​ച്ചേ​ട്ട​ൻ

"തി​രു​വാ​തി​ര'​യും "കു​ട്ടി​ത്തി​രു​വാ​തി​ര'​യും ത​രം​ഗ​മാ​യി; മ​ത്സ​രം സെ​പ്റ്റം​ബ​ർ 30 വ​രെ

ഡി​സി​എ​ൽ കൂ​ട്ടു​കാ​ർ​ക്കാ​യി കൊ​ച്ചേ​ട്ട​ൻ ഫാ. ​റോ​യി ക​ണ്ണ​ൻ​ചി​റ എ​ഴു​തി, ചാ​ന്ദ്നി കൃ​ഷ്ണ​കു​മാ​ർ ആ​ല​പി​ച്ച "പൊ​ന്നോ​ണ​ത്തോ​ണി അ​ണി​ഞ്ഞൊ​രു​ങ്ങി' എ​ന്ന തി​രു​വാ​തി​ര ഗാ​നം നൂ​റു​ക​ണ​ക്കി​ന് സ്കൂ​ളു​ക​ളി​ലാ​ണ് ഓ​ണ​ക്കാ​ല​ത്ത് ആ​ര​വ​മു​യ​ർ​ത്തി​യ​ത്. ഡി​സി​എ​ൽ കൊ​ച്ചു​കൂ​ട്ടു​കാ​ർ​ക്കാ​യി അ​വ​ത​രി​പ്പി​ച്ച "കു​ഞ്ഞോ​ണം' എ​ന്ന കൊ​ച്ചു​ഗാ​നം "കു​ട്ടി​ത്തി​രു​വാ​തി​ര' എ​ന്ന പേ​രി​ൽ കെ.​ജി., എ​ൽ.​പി. വി​ഭാ​ഗ​ങ്ങ​ൾ​ക്കു​ള്ള മ​ത്സ​ര​മാ​ക്കി​യ​തും ഏ​റെ ആ​ഹ്ലാ​ദ​ത്തോ​ടെ​യാ​ണ് വി​ദ്യാ​ർ​ഥി​ക​ൾ സ്വാ​ഗ​തം ചെ​യ്ത​ത്.

ഓ​ണാ​ഘോ​ഷം ലോ​ക​മാ​സ​ക​ല​മു​ള്ള മ​ല​യാ​ളി​ക​ൾ​ക്ക് ഹൃ​ദ​യ​ത്തി​ന്‍റെ ഒ​രു​മ​യു​ടെ പെ​രു​മ ഘോ​ഷി​ക്കാ​നു​ള്ള കാ​ല​മാ​ണ്. ഇ​പ്പോ​ഴും മ​ന​സി​ൽ മ​ല​യാ​ണ്മ​യു​ടെ പ​ച്ച​പ്പു​ള്ള​വ​രെ​ല്ലാം ഓ​ണം പൊ​ടി​പൊ​ടി​ച്ചു. വി​ദ്യാ​ല​യ​ങ്ങ​ളി​ൽ അ​ധ്യാ​പ​ക​രും വി​ദ്യാ​ർ​ഥി​ക​ളും ഒ​ന്നു​ചേ​ർ​ന്ന് ക​ളി​ക്കാ​ൻ ഒ​രു​മ​യു​ടെ മ​ഹ​ത്വം വി​ളി​ച്ചോ​തു​ന്ന​താ​യി​രു​ന്നു തി​രു​വാ​തി​ര​യു​ടെ​യും കു​ട്ടി​ത്തി​രു​വാ​തി​ര​യു​ടെ​യും ഗാ​ന​ങ്ങ​ൾ.

"പൂ​ക്ക​ളം' പു​തു​മ​യാ​യി

ഡി​സി​എ​ൽ വി​ദ്യാ​ല​യ​ങ്ങ​ൾ​ക്കാ​യി അ​ണി​യി​ച്ചൊ​രു​ക്കി​യ പൂ​ക്ക​ളം മ​ത്സ​ര​വും നി​ര​വ​ധി വി​ദ്യാ​ല​യ​ങ്ങ​ളു​ടെ പ​ങ്കാ​ളി​ത്തം​കൊ​ണ്ട് ശ്ര​ദ്ധേ​യ​മാ​യി. വി​ദ്യാ​ല​യ​ങ്ങ​ളി​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും മാ​നേ​ജ്മെ​ന്‍റും മാ​താ​പി​താ​ക്ക​ളും ചേ​ർ​ന്ന് പൂ​ക്ക​ള​മി​ടു​ന്ന​തി​ന്‍റെ​യും പൂ​ർ​ത്തി​യാ​യ പൂ​ക്ക​ള​ത്തി​ന്‍റെ​യും വീ​ഡി​യോ എ​ടു​ത്ത് അ​യ​യ്ക്കു​ന്ന​താ​യി​രു​ന്നു പൂ​ക്ക​ള മ​ത്സ​രം.


സം​സ്ഥാ​ന​ത​ല ബാ​ഡ്മി​ന്‍റ​ൺ മ​ത്സ​രം

ദീ​പി​ക ബാ​ല​സ​ഖ്യ​ത്തി​ന്‍റെ ആ​ഭി​മു​ഖ്യ​ത്തി​ൽ സം​സ്ഥാ​ന​ത​ല​ത്തി​ൽ ഷ​ട്ടി​ൽ ബാ​ഡ്മി​ന്‍റ​ൺ ടൂ​ർ​ണ​മെ​ന്‍റ് ന​ട​ത്തു​ന്നു. ഒ​ക്ടോ​ബ​ർ 25-നാ​ണു സം​സ്ഥാ​ന​ത​ല മ​ത്സ​രം. ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും മ​ത്സ​രം.

സം​സ്ഥാ​ന​ത​ല​ത്തി​ൽ ന​ട​ത്ത​പ്പെ​ടു​ന്ന ഈ ​മ​ത്സ​ര​ത്തി​ൽ കേ​ര​ള​ത്തി​ലെ എ​ല്ലാ ഡി​സി​എ​ൽ പ്ര​വി​ശ്യ​ക​ളി​ൽ​നി​ന്നും ഇ​രു​വി​ഭാ​ഗ​ത്തി​ലും​പെ​ട്ട ഓ​രോ ഡ​ബി​ൾ​സ് ടീ​മു​ക​ൾ​ക്ക് പ​ങ്കെ​ടു​ക്കാ​വു​ന്ന​താ​ണ്. ഡി​സി​എ​ൽ ശാ​ഖ​ക​ളി​ലെ ഒ​ന്നു മു​ത​ൽ പ​ത്തു​വ​രെ ക്ലാ​സു​ക​ളി​ൽ​പ​ഠി​ക്കു​ന്ന കു​ട്ടി​ക​ൾ​ക്കാ​യി​രി​ക്കും മ​ത്സ​ര​ത്തി​ൽ പ​ങ്കെ​ടു​ക്കാ​ൻ യോ​ഗ്യ​ത​യു​ള്ള​ത്. പ്ര​വി​ശ്യാ​ത​ല​ത്തി​ൽ ന​ട​ത്ത​പ്പെ​ടു​ന്ന ടൂ​ർ​ണ​മെ​ന്‍റി​ലെ വി​ജ​യി​ക​ളാ​കു​ന്ന ടീ​മു​ക​ൾ​ക്കാ​ണ് സം​സ്ഥാ​ന​ത​ല​മ​ത്സ​ര​ത്തി​ലേ​ക്കു പ്ര​വേ​ശ​നം.

പ്ര​വി​ശ്യാ​ത​ല മ​ത്സ​ര വി​ജ​യി​ക​ൾ​ക്ക് ട്രോ​ഫി​യും സ​ർ​ട്ടി​ഫി​ക​റ്റും ന​ൽ​കു​ന്ന​താ​ണ്. പ്ര​വി​ശ്യാ​ത​ല മ​ത്സ​ര​ങ്ങ​ൾ സെ​പ്റ്റം​ബ​ർ 30-നു ​മു​ന്പാ​യി പൂ​ർ​ത്തി​യാ​കും. സം​സ്ഥാ​ന​ത​ല വി​ജ​യി​ക​ൾ​ക്ക് കാ​ഷ് അ​വാ​ർ​ഡും ട്രോ​ഫി​യും സ​ർ​ട്ടി​ഫി​ക്ക​റ്റു​ക​ളും ന​ൽ​കും. വി​ശ​ദ വി​വ​ര​ങ്ങ​ൾ​ക്ക് 9446294666 എ​ന്ന ന​ന്പ​രി​ൽ ബ​ന്ധ​പ്പെ​ടാ​വു​ന്ന​താ​ണ്.

തൃശൂർ പ്രവിശ്യാ മത്സരം സെപ്റ്റംബർ 30-ന്

തൃശൂർ പ്രവിശ്യാതല ബാഡ്മിന്‍റൺ മത്സരം സെപ്റ്റംബർ 30-ന് മുണ്ടൂർ നിർമ്മൽ ജ്യോതി സ്കൂളിൽ നടക്കും. കൂടുതൽ വിവരങ്ങൾക്ക്: 8330872008 എന്ന നന്പരിൽ ബന്ധപ്പെടുക.

വി​ജ്ഞാ​ന​വും വി​നോ​ദ​വും പ​ക​ർ​ന്ന് കോ​ഴി​ക്കോ​ട് പ്ര​വി​ശ്യ​യു​ടെ ലീ​ഡ​ർ​ഷി​പ്പ് ക്യാ​മ്പ്


താ​മ​ര​ശ്ശേ​രി: വി​ദ്യാ​ർ​ഥി​ക​ളി​ൽ വി​ജ്ഞാ​ന​ത്തി​ന്‍റെ​യും വി​നോ​ദ​ത്തി​ന്‍റെ​യും ന​വ്യാ​നു​ഭ​വം പ​ക​ർ​ന്ന് ഡി​സി​എ​ൽ കോ​ഴി​ക്കോ​ട് പ്ര​വി​ശ്യ​യു​ടെ ഇ​ൻ​സ്പ​യ​ർ 2K25 ലീ​ഡ​ർ​ഷി​പ്പ് ക്യാ​മ്പ്. ഓ​ഗ​സ്റ്റ് 31 മു​ത​ൽ സെ​പ്റ്റം​ബ​ർ 3 വ​രെ പു​തു​പ്പാ​ടി മ​ദ​ർ തെ​രേ​സ ട്രെ​യി​നി​ങ്ങ് സെ​ന്‍റ​റി​ൽ ന​ട​ന്ന ക്യാ​മ്പ് താ​മ​ര​ശ്ശേ​രി രൂ​പ​താ ബി​ഷ​പ്പ് മാ​ർ റെ​മീ​ജി​യോ​സ് ഇ​ഞ്ച​നാ​നി​യി​ൽ ഉ​ദ്ഘാ​ട​നം ചെ​യ്തു.

പ്ര​വി​ശ്യ ലീ​ഡ​ർ മേ​ധ ഷൈ​ജ​ൻ അ​ധ്യ​ക്ഷ​ത വ​ഹി​ച്ചു. കൊ​ച്ചേ​ട്ട​ൻ ഫാ. ​റോ​യി ക​ണ്ണ​ഞ്ചി​റ മു​ഖ്യ​പ്ര​ഭാ​ഷ​ണ​വും പ്ര​വി​ശ്യ കോ​ർ​ഡി​നേ​റ്റ​ർ ഫാ. ​സാ​യി പാ​റ​ൻ​കു​ള​ങ്ങ​ര ആ​മു​ഖ പ്ര​ഭാ​ഷ​ണ​വും ന​ട​ത്തി. മേ​ഖ​ല ഓ​ർ​ഗ​നൈ​സ​ർ​മാ​രാ​യ സി​സ്റ്റ​ർ ജോ​ൺ​സി തെ​രേ​സ് SH, എ​ഫി സ​യോ​ണ, പ്ര​വി​ശ്യ കൗ​ൺ​സി​ല​ർ ആ​ൻ​ലി​യ മ​രി​യ ആ​ന്‍റ​ണി, ക്യാ​മ്പ് കോ-​ഓ​ർ​ഡി​നേ​റ്റ​ർ​മാ​രാ​യ സ​ന്ദീ​പ് ക​ള​പ്പു​ര​ക്ക​ൽ, മാ​ത്യു മേ​ൽ​വെ​ട്ടം എ​ന്നി​വ​ർ പ്ര​സം​ഗി​ച്ചു. ‌

പ്ര​വി​ശ്യ ജ​ന​റ​ൽ സെ​ക്ര​ട്ട​റി​മാ​രാ​യ അ​നി​റ്റ റോ​ജ​ൻ സ്വാ​ഗ​ത​വും കാ​ത​റി​ൻ കെ. ​ജോ​ജോ ന​ന്ദി​യും പ​റ​ഞ്ഞു. കൂ​രാ​ച്ചു​ണ്ട് മേ​ഖ​ല ഓ​ർ​ഗ​നൈ​സ​ർ സാ​നി​യ വ​ർ​ഗീ​സ് ഗാ​നം ആ​ല​പി​ച്ചു. പ്ര​വി​ശ്യ പ്രൊ​ജ​ക്ട് സെ​ക്ര​ട്ട​റി ധ്യാ​ൻ കൃ​ഷ്ണ ബി​ഷ​പ്പി​ന് ഉ​പ​ഹാ​രം കൈ​മാ​റി.

പ്ര​സി​ദ്ധ ട്രെ​യി​ന​ർ​മാ​രാ​യ ജോ​ജോ കാ​ഞ്ഞി​ര​ക്കാ​ട​ൻ, ബ​ർ​ണാ​ർ​ഡ് ജോ​സ്, നാ​ട​ൻ​പാ​ട്ട് ക​ലാ​കാ​ര​ൻ ഡോ. ​സു​രേ​ഷ് പു​ത്ത​ൻ​പ​റ​മ്പി​ൽ, നാ​ട​ക പ​രി​ശീ​ല​ക​ൻ കെ​പി സ​ജീ​വ​ൻ എ​ന്നി​വ​ർ വി​വി​ധ ക്ലാ​സു​ക​ൾ ന​യി​ച്ചു. ക്രൈം ​ബ്രാ​ഞ്ച് ഡി​വൈ​എ​സ്പി വി.​വി. ബെ​ന്നി ക്യാ​മ്പം​ഗ​ങ്ങ​ളു​മാ​യി അ​നു​ഭ​വ​ങ്ങ​ൾ പ​ങ്കു​വെ​ച്ചു.

മൂ​വാ​റ്റു​പു​ഴ നി​ർ​മ​ല കോ​ളേ​ജ് ഫി​സി​ക്ക​ൽ എ​ഡ്യൂ​ക്കേ​ഷ​ൻ വി​ഭാ​ഗം മേ​ധാ​വി അ​ഗി​ബെ​റ്റ് മാ​ത്യൂ​സ്, ദേ​ശീ​യ വോ​ളി​ബോ​ൾ താ​രം ഷാ​നി ജോ​സ​ഫ് എ​ന്നി​വ​ർ എ​യ്റോ​ബി​ക്സ്, ഫി​സി​ക്ക​ൽ ട്രെ​യി​നി​ങ്ങ് എ​ന്നി​വ ന​യി​ച്ചു. ‌

ക്യാ​മ്പി​നെ​ത്തി​യ വി​ദ്യാ​ർ​ത്ഥി​ക​ളെ​യും മാ​താ​പി​താ​ക്ക​ളെ​യും ക​ള​ഭം ചാ​ർ​ത്തി​യും ബാ​ല്യ​കാ​ല മി​ഠാ​യി​ക​ൾ ന​ൽ​കി​യും സ്വീ​ക​രി​ച്ചു. കാ​ക്ക​വ​യ​ൽ വ​ന​പ​ർ​വ​ത്തി​ലേ​ക്ക് ന​ട​ത്തി​യ ഉ​ല്ലാ​സ​യാ​ത്ര, ക്യാ​മ്പ് ഫ​യ​ർ, കാ​ൻ​ഡി​ൽ ലൈ​റ്റ് ഡി​ന്ന​ർ എ​ന്നി​വ വി​ദ്യാ​ർ​ഥി​ക​ൾ​ക്ക് മ​റ​ക്കാ​നാ​കാ​ത്ത അ​നു​ഭ​വ​മാ​യി. കോ​ഴി​ക്കോ​ട് ജി​ല്ല​യി​ലെ വി​വി​ധ സ്കൂ​ളു​ക​ളി​ൽ 5 മു​ത​ൽ 10 വ​രെ ക്ലാ​സ്സു​ക​ളി​ൽ പ​ഠി​ക്കു​ന്ന 79 വി​ദ്യാ​ർ​ത്ഥി​ക​ൾ പ​ങ്കെ​ടു​ത്തു.

ദീ​പി​ക കോ​ഴി​ക്കോ​ട് യൂ​ണി​റ്റ് റ​സി​ഡ​ന്‍റ് മാ​നേ​ജ​ർ ഫാ. ​ഷെ​റി​ൻ പു​ത്ത​ൻ​പു​ര​ക്ക​ൽ സ​മാ​പ​ന സ​മ്മേ​ള​നം ഉ​ദ്ഘാ​ട​നം ചെ​യ്തു. സ​ർ​ട്ടി​ഫി​ക്ക​റ്റു​ക​ളും സ​മ്മാ​ന​ങ്ങ​ളും വി​ത​ര​ണം ചെ​യ്തു. പ്രി​ൻ​സ് തോ​മ​സ്, ഷെ​റി​ൻ ജോ​ൺ, നി​ഖി​ൽ ഷാ​ജി, ആ​ൽ​ബി​ൻ സ​ഖ​റി​യാ​സ്, സി​ദ്ധാ​ർ​ഥ് എ​സ് നാ​ഥ്, ഷി​ൽ​ന ദേ​വ​സ്യ, ഫാ​ത്തി​മ കെ​കെ, ഷി​ഫാ​ന ജാ​സ്മി​ൻ വി, ​ശ്രീ​ല​ക്ഷ്മി എ​ന്നി​വ​ർ നേ​തൃ​ത്വം ന​ൽ​കി.

തൊടുപുഴ മേ​ഖ​ലാ ടാ​ല​ന്‍റ് ഫെ​സ്റ്റ് 13ന്

തൊടുപുഴ: ദീ​പി​ക ബാ​ല​സ​ഖ്യം തൊടുപുഴ മേ​ഖ​ലാ ടാ​ല​ന്‍റ് ഫെ​സ്റ്റ് 13-ാം തീ​യ​തി ശ​നി​യാ​ഴ്ച തൊ​ടു​പു​ഴ വി​മ​ല പ​ബ്ലി​ക് എ​ൽ​പി സ്കൂ​ളി​ൽ ന​ട​ക്കും.

എ​ൽ​പി, യു​പി, ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​ണ് മ​ത്സ​രം. പ്ര​സം​ഗം, ല​ളി​ത​ഗാ​നം, ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ ഗാ​നം, ചെ​റു​ക​ഥാ​ര​ച​ന, ക​വി​താ​ര​ച​ന, ഉ​പ​ന്യാ​സ​ര​ച​ന എ​ന്നീ ഇ​ന​ങ്ങ​ളി​ലാ​ണ് മ​ത്സ​രം.

ഡി​സി​എ​ൽ ആ​ന്തം, ല​ഹ​രി​വി​രു​ദ്ധ​ഗാ​നം എ​ന്നി​വ ഒ​ഴി​കെ എ​ല്ലാ മ​ത്സ​ര​ങ്ങ​ളും ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും. ഗ്രൂ​പ്പ് മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന കു​ട്ടി​ക​ൾ​ക്ക് ര​ച​നാ​മ​ത്സ​ര​ത്തി​ൽ പ​ങ്കെ​ടു​ക്കാ​ൻ അ​ർ​ഹ​ത​യു​ണ്ടാ​യി​രി​ക്കു​ക​യി​ല്ല.

ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ സം​ഘ​ഗാ​നം മ​ത്സ​ര​ങ്ങ​ളി​ൽ ഏ​ഴു പേ​ര​ട​ങ്ങു​ന്ന ടീ​മി​ന് പ​ങ്കെ​ടു​ക്കാം. ക​രോ​ക്കെ ഉ​ണ്ടാ​യി​രി​ക്കു​ന്ന​ത​ല്ല.

പ്ര​സം​ഗ​ത്തി​ന് എ​ൽ​പി വി​ഭാ​ഗ​ത്തി​ന് മൂ​ന്നു മി​നി​റ്റും യു.​പി. ഹൈ​സ്കൂ​ൾ വി​ഭാ​ഗ​ങ്ങ​ൾ​ക്ക് 5 മി​നി​റ്റു​മാ​യി​രി​ക്കും സ​മ​യം.