നെ​ടു​മ്പാ​ശേ​രി: വി​മാ​ന​യാ​ത്ര​ക്കാ​രു​ടെ എ​ണ്ണ​ത്തി​ൽ സം​സ്ഥാ​ന​ത്ത് വീ​ണ്ടും റി​ക്കാ​ർ​ഡി​ട്ട് കൊ​ച്ചി രാ​ജ്യാ​ന്ത​ര വി​മാ​ന​ത്താ​വ​ളം (സി​യാ​ൽ). 2024 - 25 സാ​മ്പ​ത്തി​ക​വ​ർ​ഷം കൊ​ച്ചി വി​മാ​ന​ത്താ​വ​ള​ത്തി​ലെ യാ​ത്രക്കാ​രു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​നയാ​ണു​ണ്ടാ​യ​ത്.

1.12 കോ​ടി യാ​ത്ര​ക്കാ​ർ കൊ​ച്ചി വ​ഴി യാ​ത്ര ചെ​യ്‌​തെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. മു​ൻ​വ​ർ​ഷ​ത്തെ അ​പേ​ക്ഷി​ച്ച് 6.66 ല​ക്ഷം പേ​രാ​ണ് അ​ധി​ക​മാ​യി യാ​ത്ര ചെ​യ്ത​ത്. 6.33 ശ​ത​മാ​ന​ത്തി​ന്‍റെ വ​ർ​ധ​ന​യാണി​ത്.

സി​യാ​ലി​ന്‍റെ 2024 - 25 വാ​ർ​ഷി​ക റി​പ്പോ​ർ​ട്ടി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. ഈ ​കാ​ല​യ​ള​വി​ൽ 59,26,244 ആ​ഭ്യ​ന്ത​ര ​യാ​ത്ര​ക്കാ​രും, 52,69,721 രാ​ജ്യാ​ന്ത​ര യാ​ത്ര​ക്കാ​രു​മാ​ണ് കൊ​ച്ചി വി​മാ​ന​ത്താ​വ​ള​ത്തി​ലൂ​ടെ ക​ട​ന്നു​പോ​യ​ത്. മു​ൻ​വ​ർ​ഷ​ത്തെ അ​പേ​ക്ഷി​ച്ച് ആ​ഭ്യ​ന്ത​ര​യാ​ത്ര​ക്കാ​രു​ടെ എ​ണ്ണ​ത്തി​ൽ 5.85 ശ​ത​മാ​ന​വും, രാ​ജ്യാ​ന്ത​ര യാ​ത്ര​ക്കാ​രു​ടെ എ​ണ്ണ​ത്തി​ൽ 6.87 ശ​ത​മാ​ന​വു​മാ​ണ് വ​ർ​ധ​ന.


രാ​ജ്യ​ത്തെ ഏ​റ്റ​വും തി​ര​ക്കേ​റി​യ എ​ട്ടാ​മ​ത്തെ വി​മാ​ന​ത്താ​വ​ള​മാ​ണു കൊ​ച്ചി. എ​ന്നാ​ൽ, ഈ ​വ​ർ​ഷം ഏ​പ്രി​ൽ - ജൂ​ലൈ കാ​ല​യ​ള​വി​ലെ ക​ണ​ക്ക​നു​സ​രി​ച്ച് രാ​ജ്യാ​ന്ത​ര ​യാ​ത്ര​ക്കാ​രു​ടെ എ​ണ്ണ​ത്തി​ൽ കൊ​ച്ചി അ​ഞ്ചാം സ്ഥാ​ന​ത്തെ​ത്തി. ഡ​ൽ​ഹി, മും​ബൈ, ബം​ഗ​ളൂ​രു, ചെ​ന്നൈ വി​മാ​ന​ത്താ​വ​ള​ങ്ങ​ളാ​ണ് കൊ​ച്ചി​ക്കു മു​ന്നി​ലു​ള്ള​ത്.