ആ​ല​ക്കോ​ട്: ഏ​തു പ്ര​ദേ​ശ​ത്താ​യാ​ലും കാ​ട്ടു​പ​ന്നി​യെ തു​ര​ത്താ​ൻ ക​ർ​ഷ​ക സ​ഹാ​യസേ​ന റെ​ഡിയാണ്. കാ​ട്ടു​പ​ന്നി​ശ​ല്യം മൂ​ലം ദു​രി​തം അ​നു​ഭ​വി​ക്കു​ന്ന ക​ർ​ഷ​ക​ർ​ക്ക് സ​ഹാ​യ​മായാണ് ക​ർ​ഷ​ക സ​ഹാ​യസേ​ന രം​ഗ​ത്തുള്ളത്. ഉ​ദ​യ​ഗി​രി പ​ഞ്ചാ​യ​ത്തി​ലെ മ​ണ​ക്ക​ട​വ് മേ​പ്ര​ക്കാ​വി​ൽ ടി.​ഡി. തോ​മ​സാ​ണ് ക​ർ​ഷ​ക സ​ഹാ​യ സേ​ന​യെ ന​യി​ക്കു​ന്ന​ത്. തോ​ക്ക് ലൈ​സ​ൻ​സു​ള്ള 11 പേ​ർ അ​ട​ങ്ങു​ന്ന ഒ​രു കൂ​ട്ടം ക​ർ​ഷ​ക​രു​ടെ നേ​തൃ​ത്വ​ത്തി​ലാ​ണ് സ​ഹാ​യ സേ​ന പ്ര​വ​ർ​ത്തി​ക്കു​ന്ന​ത്.

കാ​ട്ടു​പ​ന്നി ശ​ല്യം മൂ​ലം കൃ​ഷി ന​ശി​ക്കു​ന്ന ക​ർ​ഷ​ക​രു​ടെ കൃ​ഷി​യി​ട​ങ്ങ​ളി​ലെ​ത്തി വേ​ട്ട​നാ​യ്ക്ക​ളു​ടെ സ​ഹാ​യ​ത്തോ​ടെ തെ​ര​ച്ചി​ൽ ന​ട​ത്തി, ഒ​ച്ച​വ​ച്ച് പ​ന്നി​ക​ളെ പു​റ​ത്തു​ചാ​ടി​ച്ച് വെ​ടി​വ​ച്ചു കൊ​ല്ലു​ന്ന​താ​ണ് ക​ർ​ഷ​ക സ​ഹാ​യ സേ​ന​യു​ടെ പ്ര​വ​ർ​ത്ത​നം. പ​ഞ്ചാ​യ​ത്ത് അ​ധി​കൃ​ത​രു​ടെ അ​നു​മ​തി​യോ​ടെ അ​വ​രു​ടെ സാ​ന്നി​ധ്യ​ത്തി​ൽ പ​ന്നി​ക​ളു​ടെ ജ​ഡം സം​സ്ക്ക​രി​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ളും അ​വ​ർ ന​ട​ത്തു​ന്നു​ണ്ട്. ആ​ല​ക്കോ​ട്, ഉ​ദ​യ​ഗി​രി, ന​ടു​വി​ൽ, എ​രു​വേ​ശി പ​ഞ്ചാ​യ​ത്തു​ക​ളി​ലെ വി​വി​ധ പ്ര​ദേ​ശ​ത്തു നി​ന്നു​ള്ള​വ​ർ ഈ ​സേ​ന​യി​ൽ ഉ​ണ്ട്.

കാ​ട്ടു​പ​ന്നി ശ​ല്യം കൊ​ണ്ട് കൃ​ഷി ന​ശി​ച്ച​തി​നെ​ത്തു​ട​ർ​ന്ന് സ്വ​യം പ്ര​തി​രോ​ധി​ക്കാ​നാ​ണ് ആ​ദ്യം ഇ​വ​ർ രം​ഗ​ത്തി​റ​ങ്ങി​യ​ത്. പി​ന്നീ​ട് മ​റ്റു​ള്ള ക​ർ​ഷ​ക​രെ സ​ഹാ​യി​ക്കു​ക​യാ​യി​രു​ന്നു. കാ​ട്ടു​പ​ന്നി ശ​ല്യ​ത്താ​ൽ ദു​രി​തം നേ​രി​ടു​ന്ന ക​ർ​ഷ​ക​രും പ​ഞ്ചാ​യ​ത്ത് അ​ധി​കൃ​ത​രും വി​ളി​ച്ചാ​ൽ അ​വി​ടെ​യെ​ത്തി സ​ഹാ​യം ന​ൽ​കാ​ൻ സ​ദാ സ​ന്ന​ദ്ധ​മാ​ണ് സേ​ന. ക​ണ്ണൂ​ർ ജി​ല്ല​യി​ലെ 10 പ​ഞ്ചാ​യ​ത്തു​ക​ളി​ലാ​ണ് നി​ല​വി​ൽ ഇ​വ​രു​ടെ പ്ര​വ​ർ​ത്ത​നം. മ​റ്റു പ​ഞ്ചാ​യ​ത്തു​ക​ളും ആ​വ​ശ്യ​പ്പെ​ട്ടാ​ൽ സ​ഹാ​യി​ക്കാ​ൻ ഇ​വ​ർ ത​യാ​റാ​ണ്.

കൃ​ഷി​യി​ട​ങ്ങ​ളി​ൽ ക​ർ​ഷ​ക​രു​ടെ ക​ണ്ണീ​ർ വീ​ഴ്ത്തു​ന്ന കാ​ട്ടു​പ​ന്നി​ക​ളെ തു​ര​ത്താ​ൻ പ്രാ​ദേ​ശി​ക​മാ​യു​ള്ള ആ​ളു​ക​ളു​ടെ സ​ഹാ​യ​ങ്ങ​ളും സേ​ന​ക്ക് ല​ഭി​ക്കു​ന്നു​ണ്ട്.കാ​ട്ടു​പ​ന്നി ശ​ല്യം ഗ​ണ്യ​മാ​യി കു​റ​യ്ക്കാ​ൻ ഇ​വ​രു​ടെ സേ​വ​നം വ​ഴി​യൊ​രു​ക്കു​ന്നു​ണ്ട്. ക​ർ​ഷ​ക​ർ പ​രാ​തി​യു​മാ​യി പ​ഞ്ചാ​യ​ത്തി​നെ സ​മീ​പി​ക്കു​മ്പോ​ൾ ത​ന്നെ പ​ഞ്ചാ​യ​ത്ത് നി​ർ​ദേ​ശം ഇ​വ​ർ​ക്ക് ല​ഭി​ക്കും.