ഇ​രി​ട്ടി: നി​ർ​ത്താ​തെ​യു​ള്ള മ​ഴ റ​ബ​ർ ക​ർ​ഷ​ക​രു​ടെ പ്ര​തീ​ക്ഷ​ക​ൾ ത​ക​ർ​ത്തു. റ​ബ​ർ മ​ര​ങ്ങ​ളി​ൽ പു​തു​നാ​ന്പു​ക​ൾ കി​ളി​ർ​ക്കേ​ണ്ട​തി​നു പ​ക​രം ഇ​ല വ്യാ​പ​ക​മാ​യി പൊ​ഴി​യു​ന്ന​താ​ണ് ക​ർ​ഷ​ക​രെ ആ​ശ​ങ്ക​യി​ലാ​ക്കു​ന്ന​ത്.

ഇ​ത്ത​വ​ണ നേ​ര​ത്തെ ആ​രം​ഭി​ച്ച കാ​ല​വ​ർ​ഷം ഓ​ണ​ക്കാ​ല​മെ​ത്തി​യി​ട്ടും ശ​മ​ന​മി​ല്ലാ​തെ തു​ട​രു​ന്ന​ത് മ​റ്റ് കാ​ർ​ഷി​ക മേ​ഖ​ല​യെ​യും പ്ര​തി​സ​ന്ധി​യി​ലാ​ക്കു​ന്നു​ണ്ട്. മ​ഴ​ക്കാ​ല​ത്തും ടാ​പ്പിം​ഗ് ന​ട​ത്താ​ൻ പ്ലാ​സ്റ്റി​ക് ഷീ​റ്റു​ക​ൾ ഒ​ട്ടി​ച്ച ക​ർ​ഷ​ക​ർ​ക്ക് ചെ​ല​വാ​യ തു​ക​പോ​ലും ടാ​പ്പിം​ഗി​ലൂ​ടെ തി​രി​ച്ചു​കി​ട്ടാ​ത്ത അ​വ​സ്ഥ​യാ​ണ്. സാ​ധാ​ര​ണ​യാ​യി ഓ​ണ​ത്തി​ന് മു​ന്പ് ത​ന്നെ ക​ർ​ഷ​ക​ർ​ക്ക് 50 ശ​ത​മാ​ന​ത്തി​ൽ അ​ധി​കം പാ​ൽ ല​ഭി​ക്കാ​റു​ണ്ടെ​ങ്കി​ൽ ഇ​ത്ത​വ​ണ പാ​തി​പോ​ലും ല​ഭി​ച്ചി​ല്ലെ​ന്ന് ക​ർ​ഷ​ക​ർ പ​റ​യു​ന്നു. ഇ​തി​നൊ​പ്പം ഇ​ല​പൊ​ഴി​ച്ച​ൽ കൂ​ടി​യാ​യ​തോ​ടെ ഉ​ത്പാ​ദ​ന​ത്തി​ൽ കു​ത്ത​നെ ഇ​ടി​വു​ണ്ടാ​കു​മെ​ന്ന് ക​ർ​ഷ​ക​ർ പ​റ​യു​ന്നു.

കാ​ര​ണം കു​മി​ൾ​രോ​ഗം

തോ​രാ​തെ പെ​യ്യു​ന്ന മ​ഴ​യി​ൽ ഫൈ​റ്റോ​പ്‌​തോ​റ എ​ന്ന കു​മി​ളി​ന്‍റെ ആ​ക്ര​മ​ണ​മാ​ണ് ഇ​ല​പൊ​ഴി​ച്ചി​ലി​ന് ഇ​ട​യാ​ക്കു​ന്ന​ത്. റ​ബ​റി​ന്‍റെ പാ​ലു​ത്പാ​ദ​ന​ത്തെ നി​യ​ന്ത്രി​ക്കു​ന്ന പ്ര​ധാ​ന​ഘ​ട​ക​മാ​ണ് ഇ​ല​ക​ൾ. സാ​ധാ​ര​ണ റ​ബ​ർ മ​ര​ങ്ങ​ളു​ടെ ഇ​ല​ക​ൾ ഡി​സം​ബ​റോ​ടെ കൊ​ഴി​ഞ്ഞ് ജ​നു​വ​രി മു​ത​ൽ ത​ളി​ർ​ക്കു​ക​യാ​ണ് ചെ​യ്യു​ക. ഇ​ത്ത​വ​ണ ജൂ​ലൈ​യി​ൽ ത​ന്നെ ഇ​ല​പൊ​ഴി​ഞ്ഞു.

കാ​ലാ​വ​സ്ഥ അ​നു​കൂ​ല​മാ​യാ​ലും ഇ​പ്പോ​ൾ കൊ​ഴി​ഞ്ഞ ഇ​ല​ക​ൾ​ക്ക് പ​ക​രം പു​തി​യ ത​ളി​രി​ട​ണ​മെ​ങ്കി​ൽ ഡി​സം​ബ​ർ, ജ​നു​വ​രി മാ​സ​മാ​ക​ണം. സാ​ധാ​ര​ണ മ​ഴ​മാ​റി ത​ണു​പ്പു​കാ​ലം തു​ട​ങ്ങു​ന്ന​തോ​ടെ​യാ​ണ് പ​ര​മാ​വ​ധി പാ​ൽ ല​ഭി​ക്കു​ക. ഇ​ത്ത​വ​ണ മ​ഴ മാ​റി​യാ​ലും ഇ​ല​യി​ല്ലാ​ത്ത​തി​നാ​ൽ സെ​പ്റ്റം​ബ​ർ, ഒ​ക്ടോ​ബ​ർ, ന​വം​ബ​ർ മാ​സ​ങ്ങ​ളി​ൽ കാ​ര്യ​മാ​യ ഉ​ത്പാ​ദ​നം ഉ​ണ്ടാ​കു​മെ​ന്ന് പ്ര​തീ​ക്ഷ​യി​ല്ല. വ​ൻ​കി​ട തോ​ട്ട​ങ്ങ​ളി​ൽ മ​ഴ​യ്ക്ക് മു​ൻ​മ്പ് കു​മി​ൾ​നാ​ശി​നി ത​ളി​ക്കാ​റു​ണ്ടെ​ങ്കി​ലും ഇ​ത്ത​വ​ണ മ​ഴ മാ​റാ​ത്ത​തി​നാ​ൽ പ​ല​ർ​ക്കും മ​രു​ന്ന് ത​ളി​ക്കാ​നാ​യി​ട്ടി​ല്ല. മ​രു​ന്ന് ത​ളി​ച്ചാ​ൽ ത​ന്നെ 45 ദി​വ​സം മാ​ത്ര​മെ പ്ര​യോ​ജ​നം ല​ഭി​ക്കു​ക​യു​മു​ള്ളു.

സ​ബ്‌​സി​ഡി​യും വെ​ട്ടി​ക്കു​റ​ച്ചു

കു​മി​ൾ​നാ​ശി​നി ത​ളി​ക്കു​ന്ന ചെ​ല​വി​ന്‍റെ പ​കു​തി നേ​ര​ത്തെ റ​ബ​ർ ബോ​ർ​ഡ് ക​ർ​ഷ​ക​ർ​ക്ക് സ​ബ്സി​ഡി​യാ​യി ന​ൽ​കി​യി​രു​ന്ന​ത് ക​ഴി​ഞ്ഞ വ​ർ​ഷം മു​ത​ൽ മൂ​ന്നി​ലൊ​ന്നാ​യി വെ​ട്ടി​ക്കു​റ​ച്ചു. വെ​ട്ടി​ക്കു​റ​ച്ച സ​ബ്സി​ഡി​യാ​ക​ട്ടെ ഇ​നി​യും പ​ല​ർ​ക്കും കി​ട്ടി​യി​ട്ടു​മി​ല്ല. ഒ​രു ലി​റ്റ​ർ മ​രു​ന്നു ത​ളി​ക്കു​ന്ന​തി​ന് കീ​ട​നാ​ശി​നി​യു​ടെ വി​ല​യും കൂ​ലി​യ​മു​ട​ക്കം 350 രൂ​പ​യെ​ങ്കി​ലു​മാ​വും.

ഒ​രേ​ക്ക​റി​ന് 40 ലി​റ്റ​റെ​ങ്കി​ലും മ​രു​ന്ന് ത​ളി​ക്ക​ണം. സ​ബ്സി​ഡി​യു​ടെ കാ​ര്യ​ത്തി​ലെ അ​നി​ശ്ചി​ത​ത്വ​വും വ​ലി​യ പ്ര​തി​സ​ന്ധി​യാ​ണ് സൃ​ഷ്ടി​ക്കു​ന്ന​ത്. ക​ർ​ഷ​ക​ർ​ക്ക് ന​ൽ​കാ​നു​ള്ള സ​ബ്‌​സി​ഡി പൂ​ർ​ണ​മാ​യും അ​നു​വ​ദി​ക്ക​ണ​മെ​ന്നും മു​ൻ​കാ​ല​ങ്ങ​ളി​ൽ ന​ൽ​കാ​നു​ള്ള സ​ബ്‌​സി​ഡി​യും പൂ​ർ​ണ​മാ​യും ന​ൽ​ക​ണ​മെ​ന്നാ​ണ് ക​ർ​ഷ​ക​ർ ആ​വ​ശ്യ​പ്പെ​ടു​ന്ന​ത്.