പ​യ്യാ​വൂ​ർ: സ്കൂ​ൾ ഉ​ച്ച​ഭ​ക്ഷ​ണ​ത്തി​ൽ പു​തി​യ വി​ഭ​വ​ങ്ങ​ൾ പ്രാ​ബ​ല്യ​ത്തി​ലാ​കു​ന്ന​തി​നു മു​മ്പേ​ത​ന്നെ വി​ദ്യാ​ർ​ഥി​ക​ൾ​ക്കാ​യി രു​ചി വൈ​വി​ധ്യ​മൊ​രു​ക്കി ചാ​മ​ക്കാ​ൽ ഗ​വ.​എ​ൽ​പി സ്കൂ​ൾ ശ്ര​ദ്ധേ​യ​മാ​കു​ന്നു. ചാ​മ​ക്കാ​ൽ എ​ന്ന സ്ഥ​ല​വു​മാ​യി പ​തി​റ്റാ​ണ്ടു​ക​ൾ പി​ന്നി​ടു​ന്ന ബ​ന്ധ​മു​ള്ള ചാ​മ എ​ന്ന ചെ​റു​ധാ​ന്യം ഉ​പ​യോ​ഗി​ച്ച് ത​യാ​റാ​ക്കി​യ രു​ചി​ക​ര​മാ​യ പാ​യ​സ​മാ​ണ് ക​ഴി​ഞ്ഞദി​വ​സം ഉ​ച്ച​ഭ​ക്ഷ​ണ​ത്തി​ന്‍റെ ഭാ​ഗ​മാ​യി വി​ദ്യാ​ർ​ഥി​ക​ൾ​ക്ക് ന​ൽ​കി​യ​ത്. മ​ധ്യ​തി​രു​വി​താം​കൂ​റി​ൽ നി​ന്ന് ആ​ളു​ക​ൾ ഇ​വി​ടേ​ക്ക് കു​ടി​യേ​റി പാ​ർ​ക്കു​ന്ന​തി​ന് മു​മ്പ് ത​ന്നെ ഈ ​പ്ര​ദേ​ശ​ങ്ങ​ളി​ൽ നി​ല​വി​ലു​ണ്ടാ​യി​രു​ന്ന പു​നം കൃ​ഷി​യു​ടെ ഭാ​ഗ​മാ​യി ചാ​മ, മു​ത്താ​റി, ചോ​ളം, തി​ന തു​ട​ങ്ങി​യ​വ ധാ​രാ​ളം കൃ​ഷി ചെ​യ്തി​രു​ന്നു. ഇ​ത്ത​രം കൃ​ഷി​യി​ട​ങ്ങ​ൾ കേ​ന്ദ്രീ​ക​രി​ച്ചാ​ണ് ചാ​മ​ക്കാ​ൽ, മു​ത്താ​റി​ക്ക​ളം എ​ന്നീ സ്ഥ​ല​നാ​മ​ങ്ങ​ളു​ണ്ടാ​യ​ത്.

ചാ​മ​ക്കാ​ലി​ന് സ​മീ​പം ത​ന്നെ​യു​ള്ള മു​ത്താ​റി​ക്ക​ള​ത്തി​ന്‍റെ സ്ഥ​ല​നാ​മ ച​രി​ത്രം വി​ദ്യാ​ർ​ഥി​ക​ളെ ബോ​ധ്യ​പ്പെ​ടു​ത്തി ക​ഴി​ഞ്ഞമാ​സം മു​ത്താ​റി​ക്കു​റു​ക്ക് ത​യാ​റാ​ക്കി ന​ൽ​കി​യി​രു​ന്നു. മു​ത്താ​റി​ക്കു​റു​ക്കും, ചാ​മ​പ്പാ​യ​സ​വും രു​ചി​ച്ച​റി​ഞ്ഞ ചാ​മ​ക്കാ​ലി​ലെ വി​ദ്യാ​ർ​ഥി​ക​ൾ​ക്ക് ഉ​ച്ച​ഭ​ക്ഷ​ണ പ​ദ്ധ​തി ഇ​ന്ന​ലെ​ക​ളി​ലേ​ക്കു​ള്ള ഒ​രു ച​രി​ത്ര​സ​ഞ്ചാ​ര​മാ​യി മാ​റു​ക​യാ​ണ്. നാ​ടി​ന്‍റെ കാ​ർ​ഷി​ക സം​സ്കൃ​തി​യു​ടെ ഓ​ർ​മ​പ്പെ​ടു​ത്ത​ൽ​ കൂ​ടി​യാ​ണ് ഉ​ച്ച​ഭ​ക്ഷ​ണ​ത്തി​ലൂ​ടെ കു​ട്ടി​ക​ൾ​ക്ക് ന​ൽ​കു​ന്ന അ​റി​വു​ക​ൾ.

സ്കൂ​ൾ മു​ഖ്യാ​ധ്യാ​പ​ക​ൻ ഇ.​പി. ജ​യ​പ്ര​കാ​ശി​നൊ​പ്പം, അ​ധ്യാ​പ​ക​രാ​യ ജോ​സ്മി ജോ​സ്, ടി.​വി. ദീ​പ, പി. ​ശി​ല്​പ, എം.​ടി. മ​ധു​സൂ​ദ​ന​ൻ, ടി. ​സ്വ​പ്ന, മ​ദ​ർ പി​ടി​എ പ്ര​സി​ഡ​ന്‍റ് സൗ​മ്യ ദി​നേ​ശ്, പാ​ച​ക തൊ​ഴി​ലാ​ളി​ക​ളാ​യ സോ​ണി​യ തോ​മ​സ്, അ​മി​ത ബാ​ബു എ​ന്നി​വ​രാ​ണ് ഉ​ച്ച​ഭ​ക്ഷ​ണ പ​ദ്ധ​തി​യി​ലെ വ്യ​ത്യ​സ്ത പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന​ത്.