ഇ​രി​ട്ടി: ആ​റ​ളം ഫാ​മി​ലും പു​ന​ര​ധി​വാ​സ മേ​ഖ​ല​യി​ലു​മാ​യി താ​വ​ള​മാ​ക്കി​യ കാ​ട്ടാ​ന​ക്കൂ​ട്ട​ങ്ങ​ളെ പൂ​ർ​ണ​മാ​യും തു​ര​ത്തു​ന്ന​തി​ന്‍റെ ഭാ​ഗ​മാ​യി കോ​ട​തി നി​ർ​ദേ​ശ പ്ര​കാ​ര​മു​ള്ള ര​ണ്ടാം​ഘ​ട്ട കാ​ടു വെ​ട്ടി​ത്തെ​ളി​ക്ക​ൽ പ്ര​വൃ​ത്തി ആ​രം​ഭി​ച്ചു. ഫാ​മി​ന്‍റെ വി​വി​ധ ബ്ലോ​ക്കു​ക​ളി​ലാ​യി വ​ന്യ​മൃ​ഗ​ങ്ങ​ൾ താ​വ​ള​മാ​ക്കി​യ 20ൽ ​അ​ധി​കം ഇ​ട​ങ്ങ​ൾ ഉ​ണ്ടെ​ന്ന് വ​നം വ​കു​പ്പി​ന്‍റെ പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു. ഇ​വി​ട​ങ്ങ​ളി​ലെ ഏ​ക​ദേ​ശം 276 ഏ​ക്ക​ർ സ്ഥ​ല​ത്തെ കാ​ടു​ക​ളാ​ണ് ര​ണ്ടാം ഘ​ട്ട​ത്തി​ൽ വെ​ട്ടി​ത്തെ​ളി​ക്കു​ന്ന​ത്. ആ​ദി​വാ​സി​ക​ൾ​ക്ക് പ​തി​ച്ചു ന​ൽ​കി​യി​ട്ടും വ​ർ​ഷ​ങ്ങ​ളാ​യി ജ​ന​വാ​സം ഇ​ല്ലാ​താ​യ മേ​ഖ​ല​യാ​ണ് കാ​ടു​ക​ൾ വ​ള​ർ​ന്ന് വ​ന​സ​മാ​ന മേ​ഖ​ല​യാ​യി മാ​റി​യ​ത്. 450തോ​ളം ആ​ദി​വാ​സി കു​ടും​ബ​ങ്ങ​ൾ​ക്ക് ഒ​രേ​ക്ക​ർ വീ​തം പ​തി​ച്ചു ന​ൽ​കി​യ ഭൂ​മി​യാ​ണ് ഇ​തി​ൽ ഭൂ​രി​ഭാ​ഗ​വും.

ഇ​വി​ടെ നി​ർ​മാ​ണം പൂ​ർ​ത്തി​യാ​ക്കി​യ​തും പാ​തി വ​ഴി​യി​ൽ നി​ർ​മാ​ണം നി​ല​ച്ച വീ‌​ടു​ക​ളും കൃ​ഷി​യി​ട​ങ്ങ​ളു​മു​ണ്ട്. ഇ​വ ഉ​പേ​ക്ഷി​ച്ച് 80 ശ​ത​മാ​നം കു​ടും​ബ​ങ്ങ​ളും സ്ഥ​ലം വി​ട്ടു. അ​ടി​സ്ഥാ​ന സൗ​ക​ര്യ​ങ്ങ​ളു​ടെ കു​റ​വും വ​ന​മേ​ഖ​ല​യോ​ട് ചേ​ർ​ന്ന് കി​ട​ക്കു​ന്ന പ്ര​ദേ​ശ​ത്തെ കാ​ട്ടു​മൃ​ഗ ശ​ല്യ​വു​മാ​ണ് കു​ടും​ബ​ങ്ങ​ൾ വീ​ടും കൃ​ഷി​യി​ട​വും ഉ​പേ​ക്ഷി​ച്ച് പോ​കാ​ൻ കാ​ര​ണം. ഫാ​മി​ൽ നി​ന്ന് തു​ര​ത്തു​ന്ന ആ​ന​ക​ൾ ഇ​വി​ട​ങ്ങ​ളി​ലാ​ണ് താ​വ​ള​മാ​ക്കു​ന്ന​ത്. വെ​ള്ള​വും ഭ​ക്ഷ​ണ​വും ധാ​രാ​ളം ല​ഭി​ക്കു​ന്ന​തോ​ടെ ആ​ന​ക​ൾ ഇ​വി​ടം വി​ട്ട് പോ​കാ​തെ തു​ട​രു​ക​യാ​ണ് . പു​ന​ര​ധി​വാ​സ മേ​ഖ​ല ബ്ലോ​ക്ക് 13-ൽ ​വെ​ള്ളി - ലീ​ല ദ​മ്പ​തി​ക​ളെ കാ​ട്ടാ​ന ച​വി​ട്ടി​ക്കൊ​ന്ന​പ്പോ​ൾ പ്ര​ശ്‌​ന​ത്തി​ൽ ഇ​ട​പെ​ട്ട ഹൈ​ക്കോ​ട​തി​യാ​ണ് കാ​ടു​ക​ൾ വെ​ട്ടി​ത്തെ​ളി​ക്കാ​ൻ നി​ർ​ദേ​ശം ന​ൽ​കി​യ​ത്. ​

ഒ​ന്നാം ഘ​ട്ട​ത്തി​ൽ 210 ഏ​ക്ക​റി​ലെ കാ​ട് വെ​ട്ടി​ത്തെളി​ച്ചി​രു​ന്നു. 250 ഏ​ക്ക​ർ വെ​ട്ടി​ത്തെ​ളി​ക്കാ​നാ​യി​രു​ന്നു തീ​രു​മാ​നി​ച്ച​തെ​ങ്കി​ലും മ​ഴ​യെ പ​ണി നി​ർ​ത്തു​ക​യാ​യി​രു​ന്നു. നേ​ര​ത്തെ വെ​ട്ടി തെ​ളി​ച്ച സ്ഥ​ല​ങ്ങ​ളി​ൽ ഇ​പ്പോ​ൾ ഒ​രാ​ൾ പൊ​ക്ക​ത്തി​ൽ കാ​ട് വ​ള​ർ​ന്നു നി​ൽ​ക്കു​ക​യാ​ണ്. കോ​ട​തി​യു​ടെ നി​ർ​ദേ​ശ​ത്തെ തു​ർ​ന്ന് 276 ഏ​ക്ക​റി​ലെ​ കാ​ടു​ക​ൾ വെ​ട്ടാനു​ള്ള പ​ദ്ധ​തി​യാ​ണ് പ​ട്ടി​ക വ​ർ​ഗ- വി​ക​സ​ന വ​കു​പ്പ് ത​യാ​റാ​ക്കി​യ​ത്.

ഇ​തി​നു​ള്ള എ​സ്റ്റി​മേ​റ്റ് അം​ഗീ​കാ​ര​ത്തി​നാ​യി സ​മ​ർ​പ്പി​ച്ചു. ബ്ലോ​ക്ക് 55-ൽ ​ഇ​തു​വ​രെ സ​ർ​വെ പൂ​ർ​ത്തി​യാ​കാ​ത്തി​നെ തു​ട​ർ​ന്ന് സ​ർ​വെ ന​ട​ത്തു​ക​യും പ​ത്ത് ഏ​ക്ക​റോ​ളം സ്ഥ​ല​ത്ത് വ​രു​ന്ന പ്ര​ദേ​ശ​ത്ത് കൈ​യേ​റി താ​മ​സ​മാ​രം​ഭി​ച്ച ആ​റു കു​ടും​ബ​ങ്ങ​ൾ​ക്ക് സ്ഥ​ലം പ​തി​ച്ചു ന​ൽ​കാ​നു​ള്ള ന​ട​പ​ടി​ക​ളും ആ​രം​ഭി​ച്ചി​ട്ടു​ണ്ട്.