സിജോ പൈനാടത്ത്

കൊ​ച്ചി: "നി​ങ്ങ​ൾ വേ​ണ​മെ​ങ്കി​ൽ മ​ട​ങ്ങി​പ്പോ​യ്ക്കോ​ളൂ.. ഞാ​ൻ മു​ന്നോ​ട്ടു പോ​യി​ട്ടേ മ​ട​ങ്ങു​ന്നു​ള്ളൂ...'. പൂ​യം​കു​ട്ടി വ​ന​ത്തി​ലെ ക​ഠി​ന​പാ​ത​ക​ൾ താ​ണ്ടി മ​ല​ക​യ​റു​ന്പോ​ൾ, വ​ഴി​യു​ടെ കാ​ഠി​ന്യ​മ​റി​ഞ്ഞു പി​ന്തി​രി​പ്പി​ക്കാ​ൻ ശ്ര​മി​ച്ച വ​നം വ​കു​പ്പ് ഉ​ദ്യോ​ഗ​സ്ഥ​രോ​ട് വി​.എ​സി​ന്‍റെ മ​റു​പ​ടി. ക​ല്ലും മ​ല​യും ക​ട​ന്ന് വ​നം കൈ​യേ​റ്റ​മു​ണ്ടെ​ന്ന് ആ​രോ​പി​ക്ക​പ്പെ​ട്ട ‌വ​ന​ഭൂ​മി​യി​ൽ അ​ദ്ദേ​ഹ​മെ​ത്തി. ക​ണ്ടു ബോ​ധ്യ​പ്പെ​ട്ട​ത് ആ​ർ​ജ​വ​ത്തോ​ടെ ഉ​റ​ക്കെ വി​ളി​ച്ചു പ​റ​ഞ്ഞു. കേ​ര​ളം ആ​വേ​ശ​ത്തോ​ടെ ആ ​വാ​ക്കു​ക​ൾ​ക്കു കാ​തോ​ർ​ത്തു.

അ​താ​യി​രു​ന്നു വി​എ​സ് അ​ച്യു​താ​ന​ന്ദ​ൻ. കേ​ട്ട​തി​ൽ സ​ത്യ​മു​ണ്ടെ​ന്നു ബോ​ധ്യ​പ്പെ​ട്ടാ​ൽ അ​തു​റ​പ്പി​ക്കാ​നും മു​ഖം നോ​ക്കാ​തെ വി​ളി​ച്ചു​പ​റ​യാ​നും ഏ​തു പ്ര​തി​ബ​ന്ധ​ങ്ങ​ളെ​യും ത​ര​ണം ചെ​യ്ത് അ​ദ്ദേ​ഹം എ​ത്തും.

2002 മേ​യ് 11.

അ​ന്നാ​യി​രു​ന്നു വി​.എ​സി​ന്‍റെ വി​ഖ്യാ​ത​മാ​യ പൂ​യം​കു​ട്ടി മ​ല​ക​യ​റ്റം. വ​നം​വ​കു​പ്പി​ലെ ചി​ല ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ പൂ​യം​കു​ട്ടി വ​ന​മേ​ഖ​ല​യി​ലെ വാ​രി​യം, വെ​ള്ളാ​രം​കു​ത്ത് പ്ര​ദേ​ശ​ങ്ങ​ളി​ൽ വ​ന​ഭൂ​മി കൈ​യേ​റി​യെ​ന്ന ആ​ക്ഷേ​പ​ത്തെ​ത്തു​ട​ർ​ന്നാ​ണ് അ​ന്നു പ്ര​തി​പ​ക്ഷ നേ​താ​വാ​യി​രു​ന്ന വി.​എ​സ്. അ​വി​ടം സ​ന്ദ​ർ​ശി​ച്ച​ത്. ആ​ലു​വ പാ​ല​സി​ൽ നി​ന്നു കാ​റി​ൽ കു​ട്ടം​പു​ഴ​യി​ലെ​ത്തി, അ​വി​ടു​ന്നു ഫോ​ർ​വീ​ൽ ഡ്രൈ​വ് ജീ​പ്പി​ലാ​യി​രു​ന്നു കാ​ട്ടി​ലേ​ക്കു​ള്ള യാ​ത്ര.

ജീ​പ്പ് എ​ത്താ​ത്ത സ്ഥ​ല​ങ്ങ​ളി​ലേ​ക്കു വി​.എ​സ്. ന​ട​ന്നുനീ​ങ്ങി. ഒ​പ്പം പ​രി​സ്ഥി​തി, മാ​ധ്യ​മ​പ്ര​വ​ർ​ത്ത​ക​രെ​ല്ലാം ഉ​ണ്ടാ​യി​രു​ന്നു. സു​ര​ക്ഷാ ഉ​ദ്യോ​ഗ​സ്ഥ​രും ഗ​ൺ​മാ​നു​മെ​ല്ലാം കാ​ടു​ക​യ​റി ത​ള​ർ​ന്നി​ട്ടും വി​.എ​സ്. വി​ശ്ര​മ​മി​ല്ലാ​തെ മു​ന്നോ​ട്ടു ത​ന്നെ നീ​ങ്ങി.

ഇ​ട​യ്ക്കു പ​ല​വ​ട്ടം അ​ട്ട ക​ടി​ച്ചു. സോ​പ്പും പു​ക​യി​ല ക​ഷാ​യ​വും ഉ​പ​യോ​ഗി​ച്ചു ഗ​ൺ​മാ​ൻ വി​എ​സി​ന്‍റെ കാ​ലു​ക​ളി​ൽ നി​ന്ന് അ​ട്ട​ക​ളെ എ​ടു​ത്തു മാ​റ്റു​ന്ന ചി​ത്രം അ​ന്നു മാ​ധ്യ​മ​ങ്ങ​ളി​ൽ ശ്ര​ദ്ധ​നേ​ടി.

എം​എ​ൽ​എ​യാ​യി​രു​ന്ന സാ​ജു പോ​ൾ, മ​ല​യാ​റ്റൂ​ർ ഡി​എ​ഫ്ഒ ആ​യി​രു​ന്ന നോ​യ​ൽ തോ​മ​സ്, പ​രി​സ്ഥി​തി പ്ര​വ​ർ​ത്ത​ക​ൻ ജോ​ൺ പെ​രു​വ​ന്താ​നം തു​ട​ങ്ങി​യ​വ​ർ വി​.എ​സി​നൊ​പ്പം ഉ​ണ്ടാ​യി​രു​ന്നു.
കൈ​യേ​റ്റ​മു​ണ്ടാ​യി​രു​ന്ന പ​ല‍​യി​ട​ത്തും വി​.എ​സ്. എ​ത്താ​തി​രി​ക്കാ​ൻ വ​നം വ​കു​പ്പി​ലെ ചി​ല​ർ അ​ന്നു ശ്ര​മം ന​ട​ത്തി​യെ​ന്ന് ഒ​പ്പ​മു​ണ്ടാ​യി​രു​ന്ന പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. വാ​രി​യ​ത്തെ​യും വെ​ള്ളാ​രം​കു​ത്തി​ലെ​യും ആ​ദി​വാ​സിക്കു​ടി​ക​ളു​ടെ മ​റ​വി​ലാ​യി​രു​ന്നു അ​ന​ധി​കൃ​ത കൈ​യേ​റ്റം ന​ട​ന്ന​ത്.

വി​.എ​സി​ന്‍റെ സ​ന്ദ​ർ​ശ​ന​ത്തി​നു പി​ന്നാ​ലെ അ​ന്നു വ​നം മ​ന്ത്രി​യാ​യി​രു​ന്ന കെ. ​സു​ധാ​ക​ര​ൻ സ്ഥ​ലം സ​ന്ദ​ർ​ശി​ച്ചു. കൈ​യേ​റ്റം ത​ട​യാ​ൻ ഊ​ർ​ജി​ത ന​ട​പ‌​ടി​ക​ൾ സ്വീ​ക​രി​ച്ച​തും ച​രി​ത്രം.