മൂ​വാ​റ്റു​പു​ഴ: അ​പ​ക​ടാ​വ​സ്ഥ​യി​ലാ​യ ക​ച്ചേ​രി​ത്താ​ഴ​ത്തെ ബ​സ് കാ​ത്തി​രി​പ്പു കേ​ന്ദ്രത്തിന്‍റെ അ​റ്റ​കു​റ്റ​പ്പ​ണി​ക​ൾ ഉ​ട​ൻ ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് സി​പി​എം ടൗ​ണ്‍ ലോ​ക്ക​ൽ സെ​ക്ര​ട്ട​റി​യും ന​ഗ​ര​സ​ഭാം​ഗ​വു​മാ​യ കെ.​ജി. അ​നി​ൽ​കു​മാ​ർ ന​ഗ​ര​സ​ഭ സെ​ക്ര​ട്ട​റി​ക്ക് ക​ത്ത് ന​ൽ​കി. കാ​ത്തി​രി​പ്പു കേ​ന്ദ്ര​ത്തി​ന്‍റെ മേ​ൽ​ക്കൂ​ര​യെ താ​ങ്ങി നി​ർ​ത്തു​ന്ന ഇ​രു​ന്പു പൈ​പ്പു​ക​ൾ തു​രു​ന്പെ​ടു​ത്ത് ന​ശി​ച്ച് ഏ​തു നി​മി​ഷ​വും താ​ഴേ​ക്കു പ​തി​ച്ച് അ​പ​ക​ടം സൃ​ഷ്ടി​ക്കാ​വു​ന്ന നി​ല​യി​ല​യി​ലാ​ണ്.

ഇ​തു സം​ബ​ന്ധി​ച്ച് ക​ഴി​ഞ്ഞ ദി​വ​സം ദീ​പി​ക​യി​ൽ വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു. 40 ല​ക്ഷം ചെ​ല​വ​ഴി​ച്ചു നി​ർ​മി​ച്ച​താ​ണ് ബ​സ് കാ​ത്തു​നി​ൽ​പ്പ് കേ​ന്ദ്രം. കൂ​റ്റ​ൻ തൂ​ണു​ക​ൾ​ക്കു മു​ക​ളി​ൽ ടെ​ൻ​സൈ​ൽ ഫാ​ബ്രി​ക് ഉ​പ​യോ​ഗി​ച്ചാ​ണ് മേ​ൽ​ക്കൂ​ര തീ​ർ​ത്തി​രി​ക്കു​ന്ന​ത്. വി​ല​കൂ​ടി​യ ടെ​ൻ​സൈ​ൽ ഫാ​ബ്രി​ക് ദീ​ർ​ഘ​കാ​ലം ഈ​ടു നി​ൽ​ക്കു​മെ​ങ്കി​ലും ഇ​വ സ്ഥാ​പി​ച്ചി​രി​ക്കു​ന്ന ഇ​രു​ന്പു പൈ​പ്പു​ക​ളി​ലാ​ണ് തു​രു​ന്പ് വ്യാ​പി​ച്ചി​രു​ന്ന​ത്. 2019 ലാ​ണ് ബ​സ് കാ​ത്തി​രി​പ്പു കേ​ന്ദ്ര​ത്തി​ന്‍റെ നി​ർ​മാ​ണം പൂ​ർ​ത്തി​യാ​യ​ത്. ഇ​തി​നു ശേ​ഷം ഇ​ന്നു വ​രെ അ​റ്റ​കു​റ്റ​പ്പ​ണി​ക​ൾ ന​ട​ന്നി​ട്ടി​ല്ല.

നി​ല​വി​ൽ ന​ഗ​ര വി​ക​സ​ന​വു​മാ​യി ബ​ന്ധ​പ്പെ​ട്ട് നി​ർ​മാ​ണ പ്ര​വ​ർ​ത്തി​ക​ൾ ന​ട​ക്കു​ന്ന​തി​നാ​ൽ ഇ​തു​വ​ഴി വാ​ഹ​ന​ങ്ങ​ൾ ക​ട​ത്തി​വി​ടു​ന്നി​ല്ല. അ​തി​നാ​ൽ ബ​സ് കാ​ത്തി​രി​പ്പു കേ​ന്ദ്ര​ത്തി​ൽ യാ​ത്ര​ക്കാ​രും എ​ത്തു​ന്നി​ല്ല. ന​ഗ​ര​വി​ക​സ​നം പൂ​ർ​ത്തീ​ക​രി​ച്ചാ​ൽ വാ​ഹ​ന ഗ​താ​ഗ​തം പു​ന​രാ​രം​ഭി​ക്കു​ന്ന​തോ​ടെ യാ​ത്ര​ക്കാ​രും കാ​ത്തി​രി​പ്പു കേ​ന്ദ്ര​ത്തി​ലെ​ത്തും.