തൃ​പ്പൂ​ണി​ത്തു​റ: താ​ലൂ​ക്ക് ആ​ശു​പ​ത്രി​യി​ൽ ഡോ​ക്ട​ർ​മാ​രു​ടെ​യും മ​റ്റു ജീ​വ​ന​ക്കാ​രു​ടെ​യും അ​ഭാ​വ​ത്തെ തു​ട​ർ​ന്ന് കഴിഞ്ഞദിവസം രോ​ഗി​ക​ൾ​ക്ക് ക്യൂ ​നി​ൽ​ക്കേ​ണ്ടി വ​ന്ന​ത് മ​ണി​ക്കൂ​റു​ക​ൾ. കു​ട്ടി​ക​ളും പ്രാ​യ​മാ​യ​വ​രു​മാ​യ രോ​ഗി​ക​ൾ​ക്ക് ര​ണ്ടു മ​ണി​ക്കൂ​ർ കാ​ഷ്വാ​ലി​റ്റി​ക്കു മു​ന്നി​ൽ കാ​ത്തു​നി​ന്ന ശേ​ഷ​മാ​ണ് ഡോ​ക്ട​റെ കാ​ണാ​നാ​യ​ത്. ഉ​ച്ച​യ്ക്ക് ഒ​ന്നി​ന് ഒപി അ​ട​യ്ക്കു​ന്ന​തോ​ടെ രോ​ഗി​ക​ളു​ടെ ഏ​ക ആ​ശ്ര​യം കാ​ഷ്വാ​ലി​റ്റി​യാ​ണ്.

പു​റ​ത്ത് നൂ​റു​ക​ണ​ക്കി​ന് രോ​ഗി​ക​ൾ കാ​ത്തു നി​ൽ​ക്കു​ന്പോ​ഴും ചി​കി​ത്സി​ക്കാ​നു​ള്ള​ത് ഒ​രു ഡോ​ക്ട​ർ മാ​ത്രം. മി​ക്ക ദി​വ​സ​ങ്ങ​ളി​ലും ഇ​തു ത​ന്നെ​യാ​ണ് അ​വ​സ്ഥ​യെ​ന്നും അ​വി​ടെ​യു​ണ്ടാ​യി​രു​ന്ന​വ​ർ പ​റ​ഞ്ഞു. മ​ണി​ക്കൂ​റു​ക​ൾ കാ​ത്തു​നി​ന്നി​ട്ടും ചി​കി​ത്സ ല​ഭി​ക്കാ​ത്ത​തി​നാ​ൽ സ്വ​കാ​ര്യ ആ​ശു​പ​ത്രി​യി​ലേ​ക്ക് പോ​കു​ന്ന​വ​രു​മു​ണ്ട്. ഫാ​ർ​മ​സി​യി​ൽ​നി​ന്ന് മ​രു​ന്ന് ഇ​ല്ലെ​ന്ന് പ​റ​ഞ്ഞ് പ​ല മ​രു​ന്നി​നും പു​റ​ത്തെ മെ​ഡി​ക്ക​ൽ ഷോ​പ്പു​ക​ളി​ലേ​ക്ക് പ​റ​ഞ്ഞ​യ​ക്കു​ന്ന​ത് പ​തി​വാ​ണെ​ന്നും ആ​ക്ഷേ​പ​മു​ണ്ട്.

അ​റ്റ​ൻ​ഡ​ർ​മാ​ർ ഇ​ല്ലാ​തി​രു​ന്ന​തി​നാ​ൽ കഴിഞ്ഞദിവസം ഓ​ട്ടോ​റി​ക്ഷ​യി​ൽ കൊ​ണ്ടു​വ​രു​ന്ന​തി​നി​ടെ അ​ബോ​ധാ​വ​സ്ഥ​യി​ലാ​യ വീ​ട്ട​മ്മ​യെ അ​വി​ടെ ക്യൂ​വി​ൽ നി​ന്ന രോ​ഗി​ക​ളാ​ണ് സ​്ട്രെ​ച്ച​റി​ൽ കി​ട​ത്തി കാ​ഷ്വാ​ലി​റ്റി​യി​ൽ എ​ത്തി​ച്ച​ത്. മി​ക്ക ദി​വ​സ​ങ്ങ​ളി​ലും പ​ല വ​കു​പ്പു​ക​ളി​ലെ​യും ഡോ​ക്ട​ർ​മാ​ർ ഇ​ല്ലാ​ത്ത​തി​നാ​ൽ രാ​വി​ലെ ഏ​ഴി​നെ​ത്തി ഒ​ന്പ​തു വ​രെ കാ​ത്തു നി​ന്ന ശേ​ഷം തി​രി​ച്ചു പോ​കേ​ണ്ട അ​വ​സ്ഥ​യും രോ​ഗി​ക​ൾ​ക്കു​ണ്ട്.