ADVERTISEMENT

ADVERTISEMENT

അമലയില്‍ എന്‍എംസി ശില്പശാല

തൃശൂർ: അമല മെഡിക്കല്‍ കോളജ് അധ്യാപകര്‍ക്കായി നാഷണല്‍ മെഡിക്കല്‍ കൗണ്‍സിലിന്‍റെ നേതൃത്വത്തില്‍ ആരംഭിച്ച ത്രിദിനശില്പശാലയുടെ ഉദ്ഘാടനം ഡയറക്ടര്‍ ഫാ. ജൂലിയസ് അറയ്ക്കല്‍ നിര്‍വഹിച്ചു.

ഫാ. ആന്‍റണി മണ്ണുമ്മല്‍, ഡോ. ബെറ്റ്സി തോമസ്, ഡോ. ദീപ്തി രാമകൃഷ്ണന്‍, ഡോ. ലോല ദാസ്, ഡോ. റെന്നീസ് ഡേവിസ്, എന്‍എംസി ഒബ്സര്‍വര്‍ ഡോ. സരിത ജെ. ഷെണോയ്, കോ ഓര്‍ഡിനേറ്റര്‍ ഡോ. സുനില്‍ കെ. മേനോന്‍ എന്നിവര്‍ പ്രസംഗിച്ചു.

ADVERTISEMENT

നാഷണല്‍ ഹയര്‍സെക്കന്‍ഡറി സ്‌കൂളില്‍ ലഹരിവിരുദ്ധ ബോധവത്കരണ സെമിനാര്‍

ഇരിങ്ങാലക്കുട: ഇരിങ്ങാലക്കുട ജനമൈത്രി പോലീസ് സമിതിയും ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളും സംയുക്തമായി ലഹരിവിരുദ്ധ ബോധവത്കരണ സെമിനാര്‍ സംഘടിപ്പിച്ചു. നാഷണല്‍ ഹൈസ്‌കൂളില്‍ നടന്ന സെമിനാറിന്‍റെ ഉദ്ഘാടന പ്രസംഗത്തില്‍ പഠനവും കായിക വിനോദങ്ങളും ജീവിതവുമാകട്ടെ ലഹരിയെന്നും വിദ്യാര്‍ഥികള്‍ ചിട്ടയായ ജീവിത ശൈലി രൂപപ്പെടുത്തണമെന്നും ഇരിങ്ങാലക്കുട പോലീസ് എസ്എച്ച്ഒ എം.എസ്. ഷാജന്‍ പറഞ്ഞു. സ്‌കൂള്‍ മാനേജര്‍ വിപിആര്‍ മേനോന്‍ അധ്യക്ഷത വഹിച്ച ചടങ്ങിന് ഹെഡ്മിസ്ട്രസ് സീന സ്വാഗതം ആശംസിച്ചു. എക്‌സൈസ് ഉദ്യോഗസ്ഥന്‍ രാജേന്ദ്രന്‍ വിദ്യാര്‍ഥികള്‍ക്കായുള്ള ബോധവ‍ക്കരണ ക്ലാസ് എടുത്തു. യോഗത്തിന് ഷിജി നന്ദി പ്രകാശിപ്പിച്ചു. സെമിനാറിനു സബ് ഇന്‍സ്‌പെക്ടര്‍ ഓഫ് പോലീസ് കെ.എം. നാസര്‍, സമിതിയംഗങ്ങളായ കെ.എന്‍. സുഭാഷ്, രമേഷ് വാരിയര്‍, പി.ആര്‍. സ്റ്റാന്‍ലി എന്നിവര്‍ നേതൃത്വം നല്‍കി.

അംബേദ്കർ ഗ്രാമം: ആയിരത്തോളം ഉന്നതികൾക്ക് സഹായംനൽകി: മന്ത്രി ഒ.ആർ. കേളു

മാള: അംബേദ്കർ ഗ്രാമം പദ്ധതി ആരംഭിച്ച് പത്ത് വർഷം പിന്നിടുമ്പോൾ ആയിരത്തോളം ഉന്നതികൾക്ക് ഒരുകോടി രൂപ വീതം സർക്കാർ സഹായം ലഭ്യമാക്കിയതായി മന്ത്രി ഒ.ആർ. കേളു. പദ്ധതിയുടെ ഭാഗമായി സംസ്ഥാനത്ത് എസ്‌സി വിഭാഗത്തിൽ നിന്നുള്ള 50 ഉന്നതികളും എസ്ടി വിഭാഗത്തിൽ നിന്നുള്ള 50 ഉന്നതികളും ഉൾപ്പെടെ ആകെ 100 ഉന്നതികൾ ഓരോ വർഷവും തെരഞ്ഞെടുത്തതായും മന്ത്രി പറഞ്ഞു. പൊയ്യ ഗ്രാമപഞ്ചായത്തിൽ ഉൾപ്പെടുന്ന പൂപ്പത്തി ഉന്നതിയിൽ അംബേദ്കർ ഗ്രാമം പദ്ധതിയുടെ ഭാഗമായി പൂർത്തിയായ വികസന പ്രവർത്തനങ്ങളുടെ ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി. വി. ആർ. സുനിൽകുമാർ എംഎൽഎ അധ്യക്ഷത വഹിച്ചു. പൂപ്പത്തിയിലുള്ള അംബേദ്കർ ഗ്രാമത്തിൽ 72,32,209 രൂപ ചെലവഴിച്ച് നാല് നിർമാണ പ്രവർത്തങ്ങളാണ് പൂർത്തീകരിച്ചത്. 5,83,088 രൂപ ചെലവഴിച്ച് 109 വീടുകളിലേക്ക് 500 ലിറ്റർ പിവിസി വാട്ടർ ടാങ്കുകൾ വിതരണം ചെയ്തു. വീടുകളിലേക്കുള്ള കുടിവെള്ള വിതരണ പദ്ധതിയുടെ ഭാഗമായി 17 വീടുകളിലേക്ക് ഗാർഹിക വാട്ടർ കണക്ഷൻ ലഭ്യമാക്കുന്നതിനായി 11,64,569 രൂപ ചെലവഴിച്ചു. 20,39,815 രൂപ ചെലവഴിച്ച് രണ്ട് നിലകളിലായി വനിതാ സ്വയംതൊഴിൽ കേന്ദ്രം നിർമിച്ചിട്ടുണ്ട്. ‌മാള ബ്ലോക്ക് പഞ്ചായത്ത് പ്രസിഡന്‍റ്്് രേഖ ഷാന്‍റി, മുൻ ജില്ലാ പഞ്ചായത്ത് പ്രസിഡന്‍റ്് പി. കെ. ഡേവിസ്, തൃശൂർ ജില്ലാ പട്ടികജാതി വികസന ഓഫീസർ കെ സന്ധ്യ, എസ്‌സി ഡെവലപ്മെന്റ് ഓഫീസർ എസ്. ശ്യാം ശങ്കർ, ജനപ്രതിനിധികൾ, മെമ്പർമാർ, ഉന്നതി നിവാസികൾ തുടങ്ങിയവർ ചടങ്ങിൽ പങ്കെടുത്തു.

ന്യൂനപക്ഷവേട്ട ഇന്ത്യക്ക് ഭൂഷണമല്ല: എം.കെ. ഉല്ലേഖ്

മാള: മനുഷ്യനന്മക്കായി ഉണ്ടാക്കുന്ന നിയമസംഹിതകള്‍ ദുരുപയോഗം ചെയ്ത് രാജ്യത്ത് അരാജകത്വം സൃഷ്ടിക്കുന്ന മതമൗലികവാദികളാണ് ഇന്ത്യയുടെ ശത്രുക്കളെന്ന് ഗ്രന്ഥകാരനും ടൈംസ് ഓഫ് ഇന്ത്യ, എക്കണോമിക് ടൈംസ് എന്നിവയുടെ എഡിറ്ററുമായിരുന്ന എം. കെ. ഉല്ലേഖ് അഭിപ്രായപ്പെട്ടു. ന്യൂനപക്ഷങ്ങളെ വേട്ടയാടുന്ന പ്രവണത മതേതരരാജ്യമായ ഇന്ത്യയ്ക്ക് ഭൂഷണമല്ലെന്നും അദ്ദേഹം കൂട്ടിച്ചേർത്തു. മാള ഡോ. രാജ ു ഡേവിസ് ഇന്‍റര്‍നാഷണല്‍ സ്കൂളില്‍ നടന്നുവരുന്ന ഡെസിനിയല്‍ നോളജ് സീരീസിലെ പത്താമത് പ്രഭാഷണപരിപാടിയില്‍ പ്രസംഗിക്കുകയായിരുന്നു അദ്ദേഹം. ചെയര്‍മാന്‍ ഡോ. രാജു ഡേവിസ് പെരേപ്പാടന്‍ അധ്യക്ഷത വഹിച്ചു. ഡയറക്ടര്‍ അന്ന ഗ്രേസ് രാജു, പ്രിന്‍സിപ്പൽ‍ ഇ.ടി. ലത, വ്രിസ വിപിന്‍, ആരോണ്‍ ദേവ്, വൈഗ രഞ്ജിത് എന്നിവര്‍ പ്രസംഗിച്ചു.

തിരനോട്ടം ഒരുക്കുന്ന "അരങ്ങ്' ക്രൈസ്റ്റ് കോളജ് ഓഡിറ്റോറിയത്തില്‍ നാളെ

ഇരിങ്ങാലക്കുട: ഡോ. കെ.എന്‍. പിഷാരടി സ്മാരക കഥകളി ക്ലബ്ബിന്‍റെ സംഘാടനത്തില്‍ തിരനോട്ടം ഒരുക്കുന്ന അരങ്ങിന് നാളെ ക്രൈസ്റ്റ് കോളജ് ഓഡിറ്റോറിയത്തില്‍ വേദിയാകുന്നു. രാവിലെ 9.30ന് ആരംഭിക്കുന്ന അരങ്ങില്‍ ഗുരുദക്ഷിണയെത്തുടര്‍ന്ന് കോട്ടക്കല്‍ പിഎസ്‌വി നാട്യസംഘം അവതരിപ്പിക്കുന്ന "കീചകവധം' കഥകളിയുടെ സമ്പൂര്‍ണ്ണാവതരണം ഉണ്ടായിരിക്കും. നാട്യസംഘത്തിലെ നാല്പതോളം കലാകാരന്മാര്‍ ചൊല്ലിയാടിയുറപ്പിച്ച് അവതരിപ്പിക്കുന്ന എട്ടുമണിക്കൂറിലധികം നീണ്ടുനില്ക്കുന്ന ഈ ബൃഹത് അവതരണത്തില്‍ നായക കഥാപാത്രമായ കീചകവേഷത്തിന് ഡോ. സദനം കൃഷ്ണന്‍കുട്ടി പ്രത്യേക ക്ഷണിതാവായി പങ്കെടുക്കും. ജീവിതത്തിലുടനീളം സര്‍ഗാത്മകതനിറഞ്ഞ കലാസപര്യ പിന്‍തുടര്‍ന്ന മുതിര്‍ന്ന ആചാര്യന്മാര്‍ക്കുള്ള ദക്ഷിണ ഇത്തവണ കഥകളി നാട്യാചാര്യന്‍ കലാമണ്ഡലം കെ.ജി. വാസുദേവന്‍, അണിയറശില്പി കോട്ടയ്ക്കല്‍ കുഞ്ഞിരാമന്‍ എന്നീ മഹാപ്രതിഭകള്‍ക്ക് നല്കി ആദരിക്കുന്നു. കോട്ടയ്ക്കല്‍ കുഞ്ഞിരാമന് നല്കുന്ന ദക്ഷിണ കൊടുങ്ങല്ലൂര്‍ കുഞ്ഞിക്കുട്ടി തമ്പുരാട്ടിയുടെ സ്മരണാര്‍ത്ഥം ഏര്‍പ്പെടുത്തിയതാണ്. കഥകളി ക്ലബ് പ്രതിനിധികളായ രമേശന്‍ നമ്പീശന്‍ (പ്രസിഡന്‍റ്്), അഡ്വ. രാജേഷ് തമ്പാന്‍ (സെക്രട്ടറി), ടി.എന്‍. കൃഷ്ണദാസ് (ട്രഷറര്‍), തിരനോട്ടം പ്രതിനിധികളായ പി.എസ്. രാമസ്വാമി, ശശികുമാര്‍ തോട്ടുപുറം, തിരനോട്ടം കോ- ഓര്‍ഡിനേറ്റര്‍ അനിയന്‍ മംഗലശേരി എന്നിവര്‍ പത്രസമ്മേളനത്തില്‍ പങ്കെടുത്തു.

അരിപ്പാലത്തെ മാവേലിസ്റ്റോര്‍ നിര്‍ത്തി

അരിപ്പാലം: പൂമംഗലം പഞ്ചായത്തില്‍ അരിപ്പാലത്ത് പ്രവര്‍ത്തിച്ചിരുന്ന സിവില്‍സപ്ലൈസിന്‍റെ മാവേലിസ്റ്റോര്‍ നിര്‍ത്തി. വര്‍ഷങ്ങളായി പ്രദേശത്തെ ജനങ്ങള്‍ക്ക് ആശ്രയമായിരുന്ന മാവേലിസ്റ്റോറാണ് ഓഗസ്റ്റ് ഒന്നുമുതല്‍ നിര്‍ത്തിയത്. അരിപ്പാലത്ത് മാവേലിസ്റ്റോര്‍ പ്രവര്‍ത്തിച്ചിരുന്ന കെട്ടിടം ഉടമ മറ്റൊരാള്‍ക്ക് വിറ്റതി നാല്‍ ഒഴിയാന്‍ ആവശ്യപ്പെടുകയായിരുന്നു. കരാര്‍ തീര്‍ന്നതോടെയാണ് ആ മാസം മുതല്‍ സ്റ്റോറിന്‍റെ പ്രവര്‍ത്തനം നിര്‍ത്തിയത്. മാവേലിസ്റ്റോര്‍ പൂട്ടിയതിനെതിരേ ബിജെപി പൂമംഗലം പഞ്ചായത്ത് കമ്മിറ്റി രംഗത്തെത്തി. പൂമംഗലം പഞ്ചായത്തിന്‍റെ അനാസ്ഥയാണ് അടച്ചുപൂട്ടലിന് കാരണമെന്ന് ബിജെപി ആരോപിച്ചു. ഓണത്തിനു മുന്‍പ് ഔട്ട്‌ലറ്റ് തുറന്നുപ്രവര്‍ത്തിച്ചില്ലെങ്കില്‍ പഞ്ചായത്തില്‍ ഉപരോധം നടത്തുമെന്നും ബിജെപി നേതാവ് ബിജോയ് കുന്നുമ്മല്‍ പറഞ്ഞു. അതേസമയം പൂമംഗലം പഞ്ചായത്തില്‍ത്തന്നെ മാവേലി സ്റ്റോര്‍ തുടരുമെന്നും അരിപ്പാലത്ത് മറ്റൊരുസ്ഥലം കിട്ടാത്തതിനാല്‍ എടക്കുളം നെറ്റിയാട് സെന്‍ററിലേക്കാണ് മാവേലിസ്റ്റോര്‍ മാറ്റുന്നതെന്നും പഞ്ചായത്ത് പ്രസിഡന്‍റ് കെ.എസ്. തമ്പി പറഞ്ഞു. പൂമംഗലം സഹകരണബാങ്ക് നേരത്തേ പ്രവര്‍ത്തിച്ചിരുന്ന കെട്ടിടത്തിലേക്കാണ് മാറ്റുന്നത്. ഇതിന്‍റെ ഭാഗമായിട്ടാണ് അരിപ്പാലത്ത് പ്രവര്‍ത്തിച്ചുവരുന്ന മാവേലിസ്റ്റോര്‍ താത്കാലികമായി നിര്‍ത്തിയത്. ഓണത്തിന് മുന്‍പേ എടക്കുളത്ത് മാവേലിസ്റ്റോര്‍ അവിടെ പ്രവര്‍ത്തനം ആരംഭിക്കുമെന്നും പ്രസിഡന്‌റ് കൂട്ടിച്ചേര്‍ത്തു.

ആശുപത്രിജീവനക്കാരിയെ ആക്രമിച്ച സ്ത്രീ അറസ്റ്റിൽ

കൊടുങ്ങല്ലൂർ: താലൂക്ക് ആശൂപത്രിയിലെ കാഷ്വാലിറ്റിയിൽ ബഹളം വയ്ക്കുകയും പിടിച്ചുമാറ്റാൻ ശ്രമിച്ച സെക്യൂരിറ്റി ജീവനക്കാരിയെ കൊല്ലുമെന്നും മറ്റും ഭീഷണിപ്പെടുത്തി ആക്രമിച്ച് ഔദ്യോഗിക കൃത്യനിർവഹണം തടസപ്പെടുത്തിയ സംഭവത്തിൽ മതിലകം പള്ളിവളവ് കണ്ടകത്ത് വീട്ടിൽ കദീജ (65) അറസ്റ്റിൽ. ആറിന് വൈകീട്ട് 6.45നാണ് സംഭവം. കൊടുങ്ങല്ലൂർ പോലീസ് സ്റ്റേഷൻ ഇൻസ്പെക്ടർ ബി.കെ. അരുൺ, സബ് ഇൻസ്പെക്ടർ ടി.എം. കശ്യപൻ, സിവിൽ പോലീസ് ഓഫീസർമാരായ ഗിൽബർട്ട്, അമൽദേവ് എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.

സ്കൂൾവിദ്യാർഥികളെ കബളിപ്പിച്ച് ബാറിലേക്ക് കൊണ്ടുപോയി മദ്യം കുടിപ്പിച്ച സംഭവം: കെഎസ്ഇബി ജീവനക്കാരനും ബാർ ജീവനക്കാരും അറസ്റ്റിൽ

ചാലക്കുടി: സ്കൂൾ വിദ്യാർഥികളെ കബളിപ്പിച്ച് മദ്യം കൊടുക്കുവാനായി ബാറിലേക്ക് കൊണ്ടുവന്ന കെഎസ്ഇബി ജീവനക്കാരനും മദ്യം നൽകിയ ബാർ ജീവനക്കാരെയും പോലീസ് അറസ്റ്റുചെയ്തൂ. കെഎസ്ഇബി ജീവനക്കാരൻ അന്നമനട കാട്ടുകണ്ടത്തിൽ വീട്ടിൽ സ്നേഹേഷ് (44), മദ്യം നൽകിയ ബാർ ജീവനക്കാരായ പാലക്കാട് കിഴക്കഞ്ചേരി എളവൂർപാടം കാട്ടിരിക്കൽ വീട്ടിൽ ദിവാകരൻ (45), വയനാട് പുൽപ്പള്ളി വടക്കൽ അനീഷ് (34) എന്നിവരാണ് അറസ്റ്റിലായത്. ഇവർക്കെതിരെ ജുവനൈൽ ജസ്റ്റിസ് ആക്ട് പ്രകാരവും അബ്കാരി ആക്ട് പ്രകാരവും കേസെടുത്തു. കഴിഞ്ഞദിവസം 4.30ന് ചായ്പൻകുഴിയിലുള്ള സ്കൂളിന്‍റെ മുന്നിൽനിന്നും പ്രായപൂർത്തിയാകാത്ത രണ്ട് സ്കൂൾ കുട്ടികളെ മോട്ടോർ സൈക്കിളിൽ മോതിരക്കണ്ണിയിലുള്ള ബാറിലേക്ക് കൂട്ടിക്കൊണ്ടുപോയി ബാറിൽവച്ച് കുട്ടികൾക്ക് ബിയർ വാങ്ങിക്കുടിക്കാൻ നൽകുകയായിരുന്നു. കെഎസ്ഇബി ജീവനക്കാരനായ സ്നേഹേഷിനെതിരെ വകുപ്പുതല നടപടികൾക്കായി റിപ്പോർട്ട് സമർപ്പിക്കും. ചാലക്കുടി പോലീസ് സ്റ്റേഷൻ ഇൻസ്പെക്ടർ എം.കെ. സജീവ്, എസ്ഐമാരായ ഋഷിപ്രസാദ്, കെ.കെ. ബിജു, ഹരിശങ്കർ പ്രസാദ്, എഎസ്ഐ ജിബി, സിവിൽ പോലീസ് ഓഫീസർമാരായ സുജിത്ത്, സജിത്ത് എന്നിവർ ചേർന്നാണ് പ്രതിയെ പിടികൂടിയത്.

ഒഡീഷയിലെ ആക്രമണം: തൃശൂർ അതിരൂപത പ്രതിഷേധിച്ചു

തൃശൂർ: ഒഡീഷയിലെ ജലേശ്വറിൽ വൈദികർക്കും സന്യസ്തർക്കുമെതിരേ ബജ്‌രംഗ്ദൾ നടത്തിയ ആൾക്കൂട്ട അക്രമത്തിനെതിരേ തൃശൂർ അതിരൂപത പ്രതിഷേധിച്ചു. ക്രൈസ്തവസമൂഹത്തിനെതിരേ തീവ്രനിലപാടുകളുള്ള ചില മതസംഘടനകളുടെ നേതൃത്വത്തിൽ വ്യാപകമായി നടന്നുവരുന്ന ആക്രമണങ്ങളിൽ അതിരൂപത ഉത്കണ്ഠയും ആശങ്കയും രേഖപ്പെടുത്തി. ഭരണഘടന ഉറപ്പുനൽകുന്ന മതസ്വാതന്ത്ര്യത്തിനും സുരക്ഷിതത്വത്തിനും എതിരായ തുടരെയുള്ള ആക്രമണങ്ങൾ ആവർത്തിക്കാതിരിക്കാൻ കേന്ദ്രസർക്കാർ സംസ്ഥാനങ്ങൾക്കു നിർദേശം നൽകണം. ഭയരഹിതമായി ജീവിക്കാനും പൗരന്മാരുടെ മതപരമായ അവകാശങ്ങൾ സംരക്ഷിക്കാനും സർക്കാരും നിയമ സംവിധാനങ്ങളും ശക്തമായ നടപടികൾ സ്വീകരിക്കണമെന്നും തൃശൂർ അതിരൂപത ഓർമപ്പെടുത്തി.

പട്ടികജാതി വിഭാഗത്തിലെ അമ്പതിനായിരം യുവാക്കള്‍ക്കു തൊഴില്‍ കണ്ടെത്തിനല്‍കും: മന്ത്രി

പുതുക്കാട്: സംസ്ഥാന സര്‍ക്കാരിന്‍റെ വിജ്ഞാനകേരളം പദ്ധതിയിലൂടെ അമ്പതിനായിരത്തിലധികം പട്ടികജാതി പട്ടികവര്‍ഗ യുവാക്കള്‍ക്ക് തൊഴില്‍ നല്‍കുന്നതിനാണ് സര്‍ക്കാരിന്‍റെ ലക്ഷ്യമെന്ന് മന്ത്രി ഒ.ആര്‍. കേളു പറഞ്ഞു. പുതുക്കാട് രണ്ടാംകല്ല് ഉന്നതിയില്‍ നടപ്പാക്കിയ ഒരുകോടി രൂപയുടെ അംബേദ്കര്‍ ഗ്രാമവികസനപദ്ധതി ഉദ്ഘാടനംനിര്‍വഹിച്ചു സംസാരിക്കുകയായിരുന്നു മന്ത്രി. കെ.കെ. രാമചന്ദ്രന്‍ എംഎല്‍എ അധ്യക്ഷതവഹിച്ചു. കൊടകര ബ്ലോക്ക് പഞ്ചായത്ത് പ്രസിഡന്‍റ് കെ.എം. ചന്ദ്രന്‍, ജില്ലാപഞ്ചായത്ത് അംഗം സരിത രാജേഷ്, ബ്ലോക്ക് പഞ്ചായത്ത് അംഗം സതി സുധീര്‍, പുതുക്കാട് ഗ്രാമപഞ്ചായത്ത് വൈസ് പ്രസിഡന്‍റ് ഷൈനി ജോജു, ഗ്രാമപഞ്ചായത്ത് അംഗം ഹിമ ദാസന്‍, ജില്ലാ പട്ടികജാതി ഉപദേശകസമിതി അംഗം പി.കെ. ശിവരാമന്‍, ജില്ലാ പട്ടികജാതി വികസന ഓഫിസര്‍ കെ. സന്ധ്യ എന്നിവര്‍ സംസാരിച്ചു. രണ്ടാംകല്ല് ഉന്നതിയില്‍ അംബേദ്കര്‍ ഗ്രാമം പദ്ധതിയുടെ ഭാഗമായി ഒമ്പതു വീടുകളുടെ നവീകരണം, മൂന്ന് റോഡുകളുടെ നിര്‍മാണം, ഡിജിറ്റല്‍ ലൈബ്രറി, ഡ്രെയ്‌നേജ് സംവിധാനം എന്നിവയാണ് നടപ്പിലാക്കിയത്.

വേലൂർ പഞ്ചായത്ത് ഓഫീസ് ഉദ്ഘാടനം ഇന്ന്; കോൺഗ്രസ് പ്രതിഷേധിക്കും

എരുമപ്പെട്ടി: വേലൂർ ഗ്രാമപഞ്ചായത്തിന്‍റെ ഓഫീസ് കെട്ടിട്ട നിർമാണത്തിൽ എംഎൽഎയും ഭരണസമിതിയും ജനങ്ങളെ വഞ്ചിച്ചെന്നും നിർമാണത്തിൽ അഴിമതിയുണ്ടെന്നും ആരോപിച്ച് കോൺഗ്രസ് രംഗത്തെത്തി. ഇന്നുനടക്കുന്ന ഉദ്ഘാടനം ബഹിഷ്കരിച്ച് പഞ്ചായത്ത് ഓഫീസിലേക്ക് മാർച്ചും ധർണയും നടത്തുമെന്ന് പ്രതിപക്ഷമായ കോൺഗ്രസ് മെമ്പർമാരും മണ്ഡലം കമ്മിറ്റി ഭാരവാഹികളും വാർത്താസമ്മേളനത്തിൽ അറിയിച്ചു. നാലുകോടി രൂപ ചെലവു വരുന്ന കെട്ടിടം നിർമിക്കുന്നതിന് മുഴുവൻ ഫണ്ടും എ.സി. മൊയ്തീൻ എംഎൽഎ നൽകുമെന്ന് ഉറപ്പുനൽകിയിരുന്നു. എന്നാൽ തനത് ഫണ്ടിൽനിന്ന് ആദ്യഗഡുവായി 80 ലക്ഷം നൽകിയെങ്കിലും കരിവന്നൂർ കേസിൽ പ്രതിയായതോടെ ബാക്കിയുള്ള ഫണ്ട് നൽകിയില്ല. ഇതോടെ നിർമാണംനിലച്ചു. വാടകക്കെട്ടിടത്തിലേക്ക് പ്രവർത്തനം മാറ്റിയതിനാൽ തനത് ഫണ്ടിൽനിന്ന് പഞ്ചായത്ത് 25 ലക്ഷം രൂപ വാടക നൽകേണ്ടിവന്നു. വാർഡുകളിലെ വികസനപ്രവർത്തനത്തിനായി നീക്കിവച്ച പഞ്ചായത്ത് തനത് ഫണ്ടിൽനിന്നു മൂന്നുകോടി 30 ലക്ഷം രൂപ ചെലവഴിച്ചാണ് കെട്ടിടത്തിന്‍റെ നിർമാണം പൂർത്തീകരിച്ചതെന്നും കോൺഗ്രസ് അറിയിച്ചു. ഇതോടെ ഭൂരിഭാഗം വാർഡുകളിലെയും കുടിവെള്ളപദ്ധതികളുടെയും റോഡുകളുടെയും ലൈഫ് പദ്ധതിയിലെ വീടുകളുടെയും നിർമാണംനിലച്ചു. ജൽ ജീവൻ പദ്ധതിക്കായി പൊളിച്ച റോഡുകൾ പുനർനിമിക്കാൻ കഴിഞ്ഞില്ല. എന്നാൽ സിപിഎം ഭരിക്കുന്ന വാർഡുകളിലേക്ക്‌ എംഎൽഎ ഫണ്ടും ജില്ല, ബ്ലോക്ക് ഫണ്ടുകളും അനുവദിച്ച് പ്രതിപക്ഷവാർഡുകളെ അവഗണിച്ചുവെന്നു കോൺഗ്രസ് ആരോപിച്ചു. കെട്ടിടനിർമാണത്തിന് ഫണ്ട് കണ്ടെത്തുന്നതിനായി നികുതി എട്ടുശതമാനത്തിൽനിന്നു 10 ശതമാനം ഉയർത്തി ജനങ്ങളെ ബുദ്ധിമുട്ടിച്ചു. ഇതിനെതിരേ നടന്ന പ്രതിപക്ഷസമരങ്ങളെ ഭരണസമിതി കണ്ടില്ലെന്ന് നടിച്ചു. മുഴുവൻ ഫണ്ട് തരാമെന്ന് വാഗ്ദാനംനൽകി വഞ്ചിച്ച എംഎൽഎക്കും ഫണ്ട് അനുവദിക്കാതിരുന്ന വകുപ്പുമന്ത്രിക്കും വേലൂരിലെ ജനങ്ങളുടെ നികുതിപ്പണം കൊണ്ട് നിർമിച്ച പഞ്ചായത്ത് ഓഫീസ് കെട്ടിടം ഉദ്ഘാടനംചെയ്യാൻ യോഗ്യതയില്ലായെന്നും കോൺഗ്രസ് ആരോപിച്ചു. എംഎൽഎയുടെയും ഭരണസമിതിയുടെയും ജനദ്രോഹനടപടിക്കെതിരേ കോൺഗ്രസ് നടത്തുന്ന പ്രതിഷേധ സമരം കെപിസിസി സെക്രട്ടറി ജോൺ ഡാനിയൽ ഉദ്ഘാടനംചെയ്യുമെന്നും കോൺഗ്രസ് നേതാക്കൾ അറിയിച്ചു. എരുമപ്പെട്ടി പ്രസ് ക്ലബിൽ നടത്തിയ വാർത്താസമ്മേളനത്തിൽ മണ്ഡലം പ്രസിഡന്‍റ് ഫ്രെഡി പി. ജോൺ, പ്രതിപക്ഷനേതാവ് സ്വപ്ന രാമചന്ദ്രൻ, ബ്ലോക്ക് വൈസ് പ്രസിഡന്‍റ് പി.പി. യേശുദാസ്, പഞ്ചായത്ത് മെമ്പർമാരായ പി.എൻ. അനിൽ, സി.ഡി. സൈമൺ എന്നിവർ പങ്കെടുത്തു.

ഗുരുവായൂരപ്പനു വഴിപാടായി നടപ്പന്തൽ സമർപ്പിച്ചു

ഗുരുവായൂർ: ക്ഷേത്രത്തിന്‍റെ കിഴക്കേനടയിൽ മേൽപുത്തൂർ ഓഡിറ്റോറിയത്തിന് തെക്കുഭാഗത്തായി നിർമിച്ച നടപ്പന്തൽ ഗുരുവായൂരപ്പന് സമർപ്പിച്ചു. കിഴക്കേനടയിൽ അലങ്കാരഗോപുരത്തിന് മുന്നിൽ നിർമിച്ച സ്റ്റീൽ ഗേറ്റും ഭഗവാന് സമർപ്പിച്ചു. തമിഴ്നാട് കുംഭകോണം ഗുരുവായൂരപ്പ ഭക്തസംഘത്തിന്‍റെ വഴിപാടായാണ് 60 ലക്ഷം ചെലവിട്ട നിർമാണപ്രവൃത്തികള്‌ വഴിപാടായി സമർപ്പിച്ചത്. ഇതിനുപുറമെ ക്ഷേത്രത്തിന്‍റെ കിഴക്കേഗോപുരത്തിലേയും പടിഞ്ഞാറെഗോപുരത്തിലേയും തൂണുകളിൽ പൊതിഞ്ഞ വെള്ളിയുടെ പോളീഷിംഗും ഇവർ ചെയ്തുനൽകും. ദേവസ്വം ചെയർമാൻ ഡോ.വി.കെ. വിജയൻ നടപ്പന്തൽ സമർപ്പണം നിർവഹിച്ചു. ദേവസ്വം ഭരണസമിതി അംഗങ്ങളായ മല്ലിശേരി പരമേശ്വരൻ നമ്പൂതിരിപ്പാട്, സി. മനോജ്, മനോജ് ബി.നായർ, കെ.പി. വിശ്വനാഥൻ, അഡ്മിനിസ്ട്രേറ്റർ ഒ.ബി. അരുൺകുമാർ, കുംഭകോണം ശ്രീഗുരുവായൂരപ്പൻ ട്രസ്റ്റ് പ്രസിഡന്‍റ് മണിചന്ദ്രൻ, എൻജിനീയർമാരായ എം.വി. രാജൻ, എം.കെ. അശോക്‌കുമാർ എന്നിവർ പങ്കെടുത്തു.

വാഴാനി ഫോറസ്റ്റ് സ്റ്റേഷന്‍റെ പ്രവർത്തനം അകമലയിലേക്കു മാറ്റില്ല

വടക്കാഞ്ചേരി: ദീപിക വാർത്ത ശ്രദ്ധയിൽപ്പെട്ട എംഎൽഎയുടെ ഇടപെടലിൽ വാഴാനി ഫോറസ്റ്റ് സ്റ്റേഷന്‍റെ പ്രവർത്തനം അകമലയിലേക്കുമാറ്റില്ല. വാഴാനി ഫോറസ്റ്റ് സ്റ്റേഷൻ അകമലയിലേക്ക് മാറ്റുന്നതായുള്ള വാർത്തയാണ് സേവ്യർ ചിറ്റിലപ്പിള്ളി എംഎൽഎയുടെ ശ്രദ്ധയിൽപ്പെട്ടത്. വനംമന്ത്രിയുടെ ഓഫീസുമായി നടത്തിയ അടിയന്തര ഇടപെടലിനെത്തുടർന്ന് ഉത്തരവ് നടപ്പാക്കേണ്ടതില്ലെന്ന് ഡിഎഫ്ഒ പുതിയ ഉത്തരവിറക്കിയതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. മച്ചാട്, വടക്കാഞ്ചേരി റേയ്ഞ്ചുകളിലെ വനാതിർത്തികളിൽ കാട്ടാനശല്യവും വന്യമൃഗ ഭീതിയും നിലനിൽക്കുന്ന സാഹചര്യത്തിൽ പ്രതിരോധപ്രവർത്തനങ്ങൾ ശക്തിപ്പെടുത്തുകയാണ് സർക്കാർ ചെയ്യുന്നത്. നിർത്തലാക്കിയ അകമല ഫോറസ്റ്റ് സ്റ്റേഷൻ പുന:സ്ഥാപിക്കുകയാണുവേണ്ടത്. കൂടുതൽ വാച്ചർമാരെ നിയോഗിച്ച് പ്രതിരോധപ്രവർത്തനങ്ങൾ ശക്തിപ്പെടുത്തണം. ഇതിനുപകരം വാഴാനിയിലെ ഫോറസ്റ്റ് സ്റ്റേഷൻ അകമലയിലേക്കുമാറ്റി ക്രമീകരണം നടത്തിയതായി ഉത്തരവിറങ്ങിയ സാഹചര്യം പരിശോധിക്കുമെന്ന് സേവ്യർ ചിറ്റിലപ്പിള്ളി എംഎൽഎ പറഞ്ഞു.

മേയർക്ക് എതിരേ ഭരണപക്ഷം; സംരക്ഷിക്കുമെന്നു പ്രതിപക്ഷം

തൃശൂർ: മേയർക്കെതിരേ വീണ്ടും ഭരണപക്ഷം. മേയറെ സംരക്ഷിക്കുമെന്ന‌ു പ്രതിപക്ഷവും. വഞ്ചിച്ചു പുറത്താക്കിയവർ എന്തുകാണിച്ച് സംരക്ഷിക്കുമെന്നു ഭരണപക്ഷത്തിന്‍റെ ചോദ്യം. കോർപറേഷൻ കൗണ്‍സിൽ യോഗത്തിൽ വീണ്ടും നാടകീയനിമിഷങ്ങൾ. അങ്കണവാടിനിർമാണത്തിനായി സ്ഥലം വാങ്ങുന്നതുമായി ബന്ധപ്പെട്ടുള്ള അജൻഡയിൽ, കുട്ടികളില്ലാത്ത സാഹചര്യത്തിൽ അങ്കണവാടിതന്നെ വേണമെന്നില്ല എന്ന് പ്രതിപക്ഷ കൗണ്‍സിലറും സ്റ്റാൻഡിംഗ് കമ്മിറ്റി ചെയർപേഴ്സണുമായ മുകേഷ് കൂളപറന്പിൽ നടത്തിയ പരാമർശമാണ് തമ്മിൽത്തല്ലിനു തുടക്കമിട്ടത്. അങ്കണവാടിയെന്നതു കുട്ടികളെ നോക്കാൻ മാത്രമുള്ള ഇടമല്ലെന്നും തന്‍റെ ഡിവിഷനിൽ അങ്കണവാടിക്കു സ്ഥലം വാങ്ങിയിട്ടുണ്ടെന്നും പ്രതിപക്ഷ കൗണ്‍സിലർ ലാലി ജെയിംസ് പറഞ്ഞതോടെ ഭരണമുന്നണി കൗണ്‍സിലർ അനീസ് അഹമദ് മേയർക്കെതിരേ രംഗത്തുവന്നു. ചിലർക്കുമാത്രം ചില പദ്ധതികൾ നടപ്പാക്കിക്കിട്ടുന്നുവെന്ന് ആരോപിച്ച് പ്രതിഷേധം അറിയിച്ച അനീസിനെ ശാന്തനാക്കാൻ മേയർ എം.കെ. വർഗീസ് ശ്രമിച്ചെങ്കിലും അനീസിനു പിന്തുണയുമായി ഭരണമുന്നണിയിലെതന്നെ സാറാമ്മ റോബ്സണും ഷീബ ബാബുവും ശബ്ദം ഉയർത്തിയതോടെ, കിട്ടിയ അവസരം മുതലാക്കാനുള്ള പ്രതിപക്ഷശ്രമത്തെച്ചൊല്ലിയും കൗണ്‍സിലിൽ ഇരുമുന്നണികളും കൊന്പുകോർത്തു. പാർട്ടിയിലെ തമ്മിൽത്തല്ല് പാർലിമെന്‍ററി പാർട്ടിസമ്മേളനത്തിൽ മതിയെന്നും മേയറെ ഒറ്റപ്പെടുത്തരുതെന്നും മേയർക്കു പ്രതിപക്ഷം സംരക്ഷണം നൽകുമെന്നും പ്രതിപക്ഷനേതാവ് രാജൻ പല്ലനും കോണ്‍ഗ്രസ് കൗണ്‍സിലർ ജോണ്‍ ഡാനിയലും പറഞ്ഞു. ഇതിനെതിരേ രംഗത്തുവന്ന ഭരണമുന്നണി കൗണ്‍സിലർ ആർ. രാഹുൽനാഥിന്‍റെ സംസാരത്തിനു തടയിടാനുള്ള വർഗീസ് കണ്ടംകുളത്തിക്ക് എതിരേ രാഹുൽനാഥും തിരിഞ്ഞതോടെ വാദപ്രതിവാദങ്ങൾ ശക്തമായി. നേതാക്കൾക്കുമാത്രമല്ല മറ്റുള്ളവർക്കും സംസാരിക്കാൻ അനുവാദമുണ്ടെന്നായി രാഹുൽനാഥ്. അങ്കണവാടി വിഷയവുമായി ബന്ധപ്പെട്ട് പലതവണ ആവശ്യപ്പെട്ടിട്ടും നടപ്പാക്കാൻ കഴിയാതെ പോയതാണ് അനീസിന്‍റെ പ്രതിഷേധത്തിന് ഇടയാക്കിയത്. വിഷയം തന്‍റെ ശ്രദ്ധയിൽപ്പെട്ടിട്ടില്ലെന്നും പരിശോധിക്കാമെന്നും എല്ലാവർക്കും പദ്ധതികൾ ഒരുപോലെ ലഭ്യമാകണമെന്നാണ് താൻ ആഗ്രഹിക്കുന്നതെന്നും മേയർ പറഞ്ഞു. കോർപറേഷന്‍റെ സബ്സ്റ്റേഷൻ നിർമാണോദ്ഘാടനവുമായി ബന്ധപ്പെട്ട് കേന്ദ്രമന്ത്രി സുരേഷ് ഗോപിയുടെ ചിത്രം എല്ലായിടത്തും ഫ്ലെക്സ് അടിച്ചുവയ്ക്കുന്പോഴും കേന്ദ്രമന്ത്രിയുടെ ഒഴിവുകൂടി അറിഞ്ഞുവേണം അതു ചെയ്യാനെന്നും മനഃപൂർവം ഒഴിവാക്കാനുള്ള ശ്രമം അംഗീകരിക്കാൻ കഴിയില്ലെന്നും ബിജെപി കൗണ്‍സിലർമാർ പറഞ്ഞു. എന്നാൽ, സുരേഷ്ഗോപിയെ പലതവണ ബന്ധപ്പെടാൻ ശ്രമിച്ചിട്ടും കിട്ടിയില്ലെന്നായിരുന്നു മേയറുടെ വാദം. മേൽക്കൂര റോഡിലേക്കു വീണ സംഭവം: വിജിലൻസ് അന്വേഷണം പ്രഖ്യാപിച്ച് മേയർ തൃശൂർ: കോർപറേഷൻ കെട്ടിടത്തിന്‍റെ മുകളിൽ സ്ഥാപിച്ചിരുന്ന ഷീറ്റുമേഞ്ഞ മേൽക്കൂര എംഒ റോഡിലേക്കു വീണ സംഭവത്തിൽ വിജിലൻസ് അന്വേഷണം പ്രഖ്യാപിച്ച് മേയർ എം.കെ. വർഗീസ്. എന്നാൽ, കുറ്റക്കാരായ ഉദ്യോഗസ്ഥരെ സസ്പെൻഡ് ചെയ്യാതിരിക്കാനുള്ള തന്ത്രമാണിതെന്നും വിജിലൻസ് അന്വേഷണം പ്രഖ്യാപനത്തിൽ ഒതുങ്ങുമെന്നും പ്രതിപക്ഷനേതാവ് രാജൻ ജെ. പല്ലൻ കുറ്റപ്പെടുത്തി. കുറ്റക്കാരായ ഉദ്യോഗസ്ഥരെ സസ്പെൻഡ് ചെയ്തു സർക്കാരിനു റിപ്പോർട്ട് കൈമാറണം. സെക്രട്ടറിയുടെ റിപ്പോർട്ടിൽ അസിസ്റ്റന്‍റ് എൻജിനീയർ നിഷാന്തിനു വീഴ്ച പറ്റിയതാണെന്നുണ്ടെന്നും ടെക്നിക്കൽ അനുമതി കൊടുത്ത അന്നത്തെ സൂപ്രണ്ടിംഗ് എൻജിനീയർ ഷൈബി ജോർജ് നിയമം പാലിച്ചിട്ടില്ലെന്നും രാജൻ പല്ലൻ കുറ്റപ്പെടുത്തി.

വീട് ജപ്തിചെയ്തു; കുടുംബത്തെ ഇറക്കിവിടാനുള്ള ബാങ്കിന്‍റെ ശ്രമം തടഞ്ഞു

എരുമപ്പെട്ടി: നെല്ലുവായിൽ വീട് ജപ്തിചെയ്ത് കുടുംബത്തെ ഇറക്കിവിടാനുള്ള ബാങ്കിന്‍റെ ശ്രമം സിപിഎം നേതാക്കൾ തടഞ്ഞു. മഹാരാഷ്ട്ര ആസ്ഥാനമായി പ്രവർത്തിക്കുന്ന ഉജ്ജീവൻ സ്മോൾ ഫിനാൻസ് ബാങ്ക് ഉദ്യോഗസ്ഥരാണ് ജപ്തി നടപടികൾ സ്വീകരിച്ചത്. വീട്ടുകാരെടുത്ത ലോൺ തിരിച്ചടവുമുടങ്ങി കുടിശികയായതിനെ തുടർന്നായിരുന്നു ബാങ്കിന്‍റെ നടപടി. വിവരമറിഞ്ഞ് സ്ഥലത്തെത്തിയ സിപിഎം വടക്കാഞ്ചേരി ഏരിയാകമ്മിറ്റിയംഗം കെ.എം. അഷറഫിന്‍റെ നേതൃത്വത്തിൽ ലോക്കൽ സെക്രട്ടറി പി.സി. അബാൽ മണി, വാർഡ് മെമ്പർ എൻ.പി. അജയൻ എന്നിവർ ജപ്തി തടയുകയായിരുന്നു. സംഭവ സമയത്ത് ഗൃഹനാഥൻ വീട്ടിലുണ്ടായിരുന്നില്ല. അദ്ദേഹത്തിന്‍റം ഭാര്യയും ഗർഭിണിയായ മകൾ ഉൾപ്പടെ രണ്ട് പെൺമക്കളും ഇവരുടെ ചെറിയ കുഞ്ഞുങ്ങളുമാണ് വീട്ടിലുണ്ടായിരുന്നത്. ഇവരെ വീട്ടിൽനിന്നിറക്കി പോലീസും കോടതിയിൽനിന്ന് കമ്മീഷനുമായിയെത്തിയ ബാങ്ക് ഉദ്യോസ്ഥരും വാതിൽപൂട്ടി സീൽചെയ്തു. വിവരമറിഞ്ഞെത്തിയ സിപിഎം നേതാക്കൾ ഉദ്യേഗസ്ഥരുമായി വാക്കേറ്റമുണ്ടാകുകയും പൂട്ടുതുറന്ന് വീട്ടുകാരെ അകത്തുകയറ്റുകയുംചെയ്തു. പിന്നീട് സ്ഥലത്തെത്തിയ ഗൃഹനാഥൻ ചർച്ചനടത്തി വായ്പ തിരിച്ചടയ്ക്കാൻ ബാങ്ക് അധികൃതരിൽനിന്ന് സമയം നീട്ടിവാങ്ങി.

ബാങ്ക് സെക്യൂരിറ്റി ജീവനക്കാരൻ ട്രെയിൻതട്ടി മരിച്ചനിലയിൽ

ഗുരുവായൂർ: വിമുക്തഭടനായ ബാങ്ക് സെക്യൂരിറ്റി ജീവനക്കാരനെ ട്രെയിൻതട്ടി മരിച്ചനിലയിൽ കണ്ടെത്തി. കുന്നംകുളം പെരുമ്പിലാവ് പൊറവൂർ ചൂണ്ടലാത്ത് വീട്ടിൽ ദിലീപിനെ(44)യാണ് മരിച്ച നിലയിൽ കണ്ടെത്തിയത്. ബോർഡർ സെക്യൂരിറ്റി ഫോഴ്സിൽ ഹവിൽദാർ ആയിരുന്ന ദിലീപ് മൂന്നു വർഷം മുമ്പാണ് ഗുരുവായൂർ കിഴക്കേനടയിലെ എസ്ബിഐ ബ്രാഞ്ചിൽ സെക്യൂരിറ്റി ജോലിക്ക് കയറിയത്. ഇന്നലെ രാവിലെ ബാങ്കിലെത്തി അവധി പറഞ്ഞ് തിരിച്ചു പോയിരുന്നു. എട്ടരയോടെ കർണ്ണംകോട്ട് ബസാർ റെയിൽവേ ഗേറ്റിനു സമീപം ഫോണിൽ സംസാരിച്ചു നിൽക്കുന്നതായി പരിസരവാസികൾ കണ്ടിരുന്നു. 8.40ന് എറണാകുളം പാസഞ്ചർ കടന്നുപോയതിനുശേഷമാണ് മൃതദേഹം കണ്ടെത്തിയത്. ഗുരുവായൂർ ടെമ്പിൾ പോലീസ് മേൽനടപടികൾ സ്വീകരിച്ചു. ഭാര്യ: ശ്യാമ. മകൾ: അൻസിക.

ഡ്രൈവർ കുഴഞ്ഞുവീണ് മരിച്ചു

തളിക്കുളം: തളിക്കുളം സ്വദേശി കുഴഞ്ഞുവീണ് മരിച്ചു. മുറ്റിച്ചൂർ പാലത്തിനു തെക്ക് കിഴക്കിനിയത്ത് പരേതനായ കൊച്ചുമോന്‍റെ മകൻ സത്യൻ(68) ആണ് മരിച്ചത്. ഷാപ്പ് ഏജൻസിയുടെ കള്ളുവിതരണ വാഹനത്തിന്‍റെ ഡ്രൈവറായിരുന്നു. ഇന്നലെ ഉച്ചയ്ക്ക് മുറ്റിച്ചൂർ പാലത്തിനു സമീപം കുഴഞ്ഞുവീഴുകയായിരുന്നു. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മാതാവ്: മീനാക്ഷി. ഭാര്യ: ഗീത. മക്കൾ: ഷിബിൻ, ഷിജി. മരുമക്കൾ: ശാന്തി, ശ്രീജു.

തൂങ്ങിമരിച്ചനിലയിൽ

കാെരട്ടി: കൊരട്ടി അങ്ങാടി റെയിൽവേ സ്‌റ്റേഷൻ പ്ലാറ്റ്ഫോമിലെ തണൽമരത്തിൽ അജ്ഞാതനെ തൂങ്ങി മരിച്ചനിലയിൽ കണ്ടെത്തി. ഇന്നലെ രാവിലെ സ്റ്റേഷനിലെത്തിയ യാത്രക്കാരാണ് ടിക്കറ്റ് കൗണ്ടറിലെ ജീവനക്കാരനെയും പോലീസിനെയും വിവരം അറിയിച്ചത്. കൊരട്ടി പോലീസ് സ്ഥലത്തെത്തി മേൽനടപടികൾ സ്വീകരിച്ചു. തുടർന്ന് മൃതദേഹം ചാലക്കുടി താലൂക്ക് ആശുപത്രിയിലേക്കു മാറ്റി. 55 വയസ് തോന്നിക്കുന്ന പുരുഷന്‍റേതാണ് മൃതദേഹം.

സഹൃദയ കോളജില്‍ ഹിരോഷിമ ദിനാചരണം

കൊടകര: സഹൃദയ കോളജ് ഓഫ് അഡ്വാന്‍സ്ഡ് സ്റ്റഡീസിലെ എന്‍എസ്എസ് യൂണിറ്റിന്‍റെ നേതൃത്വത്തില്‍ ഹിരോഷിമ ദുരന്തത്തിന്‍റെ 80 ാം വാര്‍ഷികാചരണം സംഘടിപ്പിച്ചു. എന്‍എസ്എസ് വോളന്‍റിയര്‍ ശ്രേയ സുരേഷ് നിര്‍മിച്ച സമാധാനത്തിന്‍റെ പ്രതീകമായ സഡാക്കൊ കൊക്കുകളെ എക്‌സിക്യൂട്ടീവ് ഡയറക്ടര്‍ റവ. ഡോ. ഡേവിസ് ചെങ്ങിനിയാടന്‍ പ്രിന്‍സിപ്പല്‍ ഡോ. കെ.എല്‍. ജോയ്, വൈസ് പ്രിന്‍സിപ്പല്‍ ഡോ. കെ. കരുണ എന്നിവര്‍ക്കുകൈമാറി ഉദ്ഘാടനം ചെയ്തു. കോളജ് അസോസിയേറ്റ് എക്‌സിക്യൂട്ടീവ് ഡയറക്ടര്‍ റവ. ഡോ. ജോജി കല്ലിങ്കല്‍, ഡീന്‍ ഓഫ് അക്കാദമിക്‌സ് ഡോ. എം. ബി. ഷീബ, എന്‍എസ്എസ് പ്രോഗ്രാം ഓഫീസര്‍ കെ. ജയകുമാര്‍, വോളന്‍റിയര്‍മാരായ ഏയ്ഞ്ചല്‍ റോസ്, പൂര്‍ണിമ ശങ്കര്‍, ഗോപിക മുരളീധരന്‍, മുഹമ്മദ് നിഹാല്‍ എന്നിവര്‍ പ്രസംഗിച്ചു.

മന്ത്രി ആര്‍. ബിന്ദുവിന്‍റെ ഓഫീസിലേക്ക് എബിവിപി മാര്‍ച്ച്

ഇരിങ്ങാലക്കുട: സര്‍വകലാശാലകളില്‍ സ്ഥിരം വിസിമാരെ നിയമിക്കുക, കേരളത്തിലെ ഗവ. കോളജുകളില്‍ സ്ഥിരം പ്രിന്‍സിപ്പല്‍മാരെ നിയമിക്കുക, സര്‍വകലാശാല ഭരണത്തില്‍ സര്‍ക്കാരിന്‍റെ രാഷ്ട്രീയ ഇടപെടലുകള്‍ അവസാനിപ്പിക്കുക എന്നീ വിഷയങ്ങള്‍ ഉന്നയിച്ചുകൊണ്ട് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദുവിന്‍റെ ഇരിങ്ങാലക്കുടയിലെ ഓഫീസിലേക്ക് എബിവിപി തൃശൂര്‍ ജില്ലാ കമ്മിറ്റിയുടെ നേതൃത്വത്തില്‍ പ്രതിഷേധ മാര്‍ച്ച് സംഘടിപ്പിച്ചു. ആല്‍ത്തറയ്ക്കുസമീപം പോലീസ് മാര്‍ച്ച് തടഞ്ഞു. എബിവിപി സംസ്ഥാന ജോയിന്‍റ്് സെക്രട്ടറി ആര്‍. അശ്വതി മാര്‍ച്ച് ഉദ്ഘാടനം ചെയ്തു പ്രസംഗിച്ചു. എബിവിപി തൃശൂര്‍ ജില്ല സെ ക്രട്ടറി കെ.എസ്. യദുകൃഷ്ണന്‍, സംസ്ഥാനസമിതി അംഗം വിഘ്നേശ്, ജില്ലാസമിതി അംഗങ്ങളായ എം.ബി. അരുണ്‍, സി ദ്ധാര്‍ഥ്, അമല്‍, ആനയ്കൃഷ് ണ തുടങ്ങിയവര്‍ മാര്‍ച്ചിനു നേതൃത്വം നല്‍കി.

പ്രോജക്ട് റിപ്പോര്‍ട്ട് തയാറാക്കാന്‍ ഉദ്യോഗസ്ഥ സംഘമെത്തി

മൂന്നുമുറി: മറ്റത്തൂര്‍ പഞ്ചായത്തില്‍ പ്രാദേശിക ടൂറിസംപദ്ധതി നടപ്പാക്കുന്നതുമായി ബന്ധപ്പെട്ട് ഡിടിപിസി ഉദ്യോഗസ്ഥസംഘം ഇന്നലെ കുഞ്ഞാ ലിപ്പാറ പ്രദേശം സന്ദര്‍ശിച്ചു. ഡെസ്റ്റിനേഷന്‍ ചലഞ്ച് പദ്ധതിയിലുള്‍പ്പെടുത്തി നടപ്പാക്കുന്ന ടൂറിസം പ്രോജക്ടിനുവേണ്ടി വിശദമായ റിപ്പോര്‍ട്ട് തയാറാക്കുന്നതിനായാണു ടൂറിസം പ്രമോഷന്‍ കൗണ്‍സിലില്‍നിന്നുള്ള ഉദ്യോഗസ്ഥര്‍ കുഞ്ഞാലിപ്പാറയിലെത്തിയത്. ഡെപ്യൂട്ടി ഡയറക്ടര്‍ ആര്‍.സി. പ്രേംഭാസ്, ഡിടിപിസി സെക്രട്ടറി സി. വിജയരാജ്, സി എര്‍ത്ത് ആര്‍ക്കിടെക്ട് സി.പി. സുനില്‍ എന്നിവരടങ്ങിയ സംഘമാണ് ഇവിടെയെത്തി സാധ്യതാപഠനം നടത്തിയത്. ഡിടിപിസിയും മറ്റത്തൂര്‍ പഞ്ചായത്തും സംയുക്തമായാണ് പദ്ധതി നടപ്പാകുന്നത്. ഇതിനായി നേരത്തെ മറ്റത്തൂര്‍ പഞ്ചായത്ത് തയാറാക്കിയ ഡി പിആറില്‍ മാറ്റങ്ങള്‍ വരുത്തിക്കൊണ്ടുള്ള പ്രോജക്ട് റിപ്പോര്‍ട്ട് ഒരാഴ്ചയ്ക്കകം തയാറാക്കി ജില്ലാ കളക്ടര്‍ക്ക് സമര്‍പ്പിക്കുമെന്നും കളക്ടറുടെ അംഗീകാരം ലഭിച്ചാല്‍ ഈ 31നകം വിശദമായ റിപ്പോര്‍ട്ട് തയാറാക്കി വകുപ്പുതല അനുമതിക്കു സമര്‍പ്പിക്കുമെന്നും അനുമതി ലഭിച്ചാലുടന്‍ പദ്ധതിയുടെ നിര്‍മാണജോലികള്‍ ആരംഭിക്കുമെന്നും ടൂറിസം ഡെപ്യൂട്ടി ഡയറക്ടര്‍ ആര്‍.സി. പ്രേംഭാസ് പറഞ്ഞു. ആദ്യഘട്ടത്തില്‍ സഞ്ചാരികള്‍ക്കാവശ്യമായ അടിസ്ഥാന‌സൗകര്യങ്ങള്‍ ഒരുക്കുന്നതിനാണ് ഊന്നല്‍ നല്‍കുക. ഏകദേശം ഒരു കോടിരൂപയോളമാണു പദ്ധതിക്കു ചെലവുപ്രതീക്ഷിക്കുന്നത്. നാടിന് ഉണര്‍വേകുന്ന മികച്ച പദ്ധതിയായി കുഞ്ഞാലിപ്പാറ ടൂറിസം മാറുമെന്ന് വാര്‍ഡ് മെംബര്‍ എം.എസ്. സുമേഷ് പറഞ്ഞു.

സ്‌കൂളിലെ സീലിംഗ് വീണ സംഭവം ; പ്രതിഷേധം ശക്തം

യൂത്ത് കോണ്‍ഗ്രസ് പ്രകടനവും പ്രതിഷേധയോഗവും കോടാലി: ഗവ. എല്‍പി സ്‌കൂള്‍ ഓഡിറ്റോറിയത്തിന്‍റെ സീലിംഗ് നിര്‍മാണത്തില്‍ അഴിമതികാണിച്ചവരെ ശിക്ഷിക്കണമെന്നാവശ്യപ്പെട്ട് യൂത്ത് കോണ്‍ഗ്രസ് മറ്റത്തൂര്‍ മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധപ്രകടനവും പൊതുയോഗവും സംഘടിപ്പിച്ചു. യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്‍റ് ഒ.ജെ. ജനീഷ് ഉദ്ഘാടനം ചെയ്തു. മണ്ഡലം പ്രസിഡന്‍റ് ് പ്രതീഷ് പണ്ടാരത്തില്‍ അധ്യക്ഷത വഹിച്ചു. ഡിസിസി ജനറല്‍ സെക്രട്ടറി ടി.എം. ചന്ദ്രന്‍, യൂത്ത് കോണ്‍ഗ്രസ് സംസ്ഥാന സെക്രട്ടറി ജെറോണ്‍ ജോണ്‍, ഷാഫി കല്ലൂപറമ്പില്‍, സി.എച്ച്. സാദത്ത്, ലിന്‍റോ പള്ളിപ്പറമ്പന്‍, പ്രവീണ്‍ എം. കുമാര്‍, എ.ബി. പ്രിന്‍സ്, നൈജോ ആന്‍റോ, ലിനോ മൈക്കിള്‍ എന്നിവര്‍ പ്രസംഗിച്ചു. ബിജെപിയുടെ പന്തംകൊളുത്തിപ്രകടനം കോടാലി: ഗവ. എല്‍പി സ്‌കൂളില്‍ ഓഡിറ്റോറിയത്തിലെ സീലിംഗ് തകര്‍ന്നുവീണ സംഭവത്തില്‍ അന്വേഷണം ആവശ്യപ്പെട്ട് ബിജെപിയുടെ നേതൃത്വത്തില്‍ കോടാലിയില്‍ പന്തംകൊളുത്തി പ്രകടനം നടത്തി. തുടര്‍ന്ന് ആല്‍ത്തറയ്ക്കല്‍ നടന്ന പൊതുയോഗം ബിജെപി ജില്ലാ പ്രസിഡന്‍റ് ജസ്റ്റിന്‍ ജേക്കബ് ഉദ്ഘാടനം ചെയ്തു. മറ്റത്തൂര്‍ മേഖല പ്രസിഡന്‍റ് വേണുഗോപാല്‍ തോട്ടത്തില്‍, വെള്ളിക്കുളങ്ങര മേഖല പ്രസിഡന്‍റ് സജിത ചന്ദ്രന്‍, അഡ്വ. പി.ജി. ജയന്‍, ശ്രീധരന്‍ കളരിക്കല്‍, സുധീര്‍ വെട്ടിയാട്ടില്‍ തുടങ്ങിയവര്‍ പ്രസംഗിച്ചു. എന്‍ജിനീയര്‍മാരുടെ സംഘം പരിശോധനയ്ക്കെത്തി കോടാലി: കോടാലി ജിഎല്‍പി സ്‌കൂളില്‍ ഓഡിറ്റോറിയത്തിന്‍റെ സീലിംഗ് ഇളകി വീണതിനെക്കുറിച്ച് അന്വേഷിക്കാന്‍ തദ്ദേശസ്വയംഭരണ വകുപ്പിലെ എന്‍ജിനീയര്‍മാരുടെ സംഘം എത്തി. എക്‌സിക്യൂട്ടീവ് എന്‍ജിനീയര്‍ പി.ജെ. സ്മിതയുടെ നേതൃത്വത്തിലുള്ള സംഘമാണ് ഇന്നലെ പരിശോധനക്കെത്തിയത്. കൊടകര ബ്ലോക്ക് പഞ്ചായത്ത് അസി.എക്‌സിക്യൂട്ട് എന്‍ജിനീയര്‍ എം.ജെ. രതീഷ്, മറ്റത്തൂര്‍ പഞ്ചായത്ത് അസി.എന്‍ജിനീയര്‍ ദിവ്യഗോപിനാഥ് എന്നിവരും പരിശോധന സംഘത്തിലുണ്ടായിരുന്നു. സീലിംഗ് വീഴാനിടയായതു സംബന്ധിച്ച് അന്വേഷിച്ച് റിപ്പോര്‍ട്ട് നല്‍കാന്‍ ജില്ലാ കളക്ടര്‍ നിര്‍ദേശിച്ചതിന്‍റെ അടിസ്ഥാനത്തിലാണ് ഇവര്‍ സ്‌കൂളില്‍ പരിശോധനയ്ക്കെത്തിയത്.

കുത്തിപ്പൊളി; റീറ്റെയിൻ വാൾ നിർമാണം ജനകീയ പ്രതിഷേധത്തെത്തുടർന്ന് രാത്രി നിർത്തിവച്ചു

കൊരട്ടി: മുരിങ്ങൂരിനും ചിറങ്ങരയ്ക്കും പിന്നാലെ കൊരട്ടിയിൽ മൂന്നു സ്പാനുകളിലുയർത്തിയ മേൽപ്പാലത്തിന്‍റെ അപ്രോച്ച് റോഡ് നിർമിക്കുന്നതിനുള്ള റീറ്റെയിൻ വാളിനായി മൂന്നു വാലറ്റവും കുത്തിപ്പൊളിച്ചു. സർക്കാർ അച്ചുകൂടത്തിനുസമീപം കുത്തിപ്പൊളിച്ചതു യാതൊ രു സുരക്ഷാമാനദണ്ഡങ്ങളും പാലിക്കാതെയാണെന്നും വെളിച്ചമില്ലാത്ത ഭാഗമെന്ന നിലയിൽ ലൈറ്റുകളോ അപകടസൂചന നൽകുന്ന ബ്ലിങ്കിംഗ് ലൈറ്റുകളാോ സ്ഥാപിക്കാതെ റീറ്റെയിൻ വാളിനായി കുഴിയെടുക്കാൻ അനുവദിക്കില്ലെന്നുമുള്ള നിലപാടുമായി പ്രദേശവാസികൾ രംഗത്തെത്തി. വൈകീട്ട് അഞ്ചോടെ മണ്ണുമാന്തിയന്ത്രം ഉപയോഗിച്ചുള്ള നിർമാണപ്രവൃത്തികൾ നിർത്തിവച്ചെങ്കിലും രാത്രി ഏഴോടെ പുനരാരംഭിച്ചു. തുടർന്ന് ജനങ്ങൾ ഒറ്റക്കെട്ടായി രംഗത്തെത്തി നിർമാണം തടഞ്ഞു. ജെസിബി ഓപ്പറേറ്ററും ഒരു കരാർ ജീവനക്കാരനും മാത്രമാണ് സ്ഥലത്തുണ്ടായത്. തുടർന്ന് പ്രോജക്ട് ഡയറക്ടറും സൈറ്റ് ഇൻചാർജും ടെലഫോണിൽ അനുനയനീക്കവുമായി വന്നെങ്കിലും പ്രതിഷേധം കടുത്തതോടെ നിർമാണം നിർത്തിവച്ചു. സംഭവമറിഞ്ഞ് രാത്രി എട്ടരയോടെ കൊരട്ടി പോലീസ് സ്ഥലത്തെത്തി. കൊരട്ടി പോലീസ് സ്റ്റേഷനു സമീപം ബുധനാഴ്ച വൈകീട്ടോടെയാണ് ആദ്യം കുത്തിപ്പൊളിച്ചത്. താത്കാലികമായി നിർത്തിവയ്ക്കുന്നുവെന്ന രീതിയിലാണ് കുഴിയെടുക്കാൻ വന്നവർ പോയതെങ്കിലും ഇന്നലെ മറ്റു രണ്ടിടങ്ങളിൽ കുഴിയെടുക്കുകയായിരുന്നു. സർവീസ് റോഡുകൾ ടാർ ചെയ്ത് സഞ്ചാരം സുഗമമാക്കി കൊരട്ടിയിൽ നിർമാണം ആരംഭിച്ചാൽ മതിയെന്നാണു പൊതുവികാരം. എൻഎച്ച്എഎയും നിർമാണ ക്കമ്പനിയും നൽകുന്ന ഉറപ്പുകൾ പ്രാവർത്തികമാക്കാറില്ലെന്നും നിർമാണം നിർത്തി യോഗം വിളിച്ചുചേർത്ത് കൂടിയാലോചനകളിലൂടെ ദേശീയപാത വികസനം നടപ്പിലാക്കണമെന്നാണ് നാട്ടുകാരുടെ നിലപാട്. രണ്ടു ദിവസം മഴ മാറി നിന്നാൽ മുരിങ്ങൂരിലെയും ചിറങ്ങരയിലെയും കൊ രട്ടിയിലെയും ബദൽറോഡുകൾ ടാർ ചെയ്യാമെന്ന പ്രോജക്ട് ഡയറക്ടറുടെ ഉറപ്പുപോലും പാലിക്കപ്പെട്ടിട്ടില്ല. പ്രശ്നങ്ങളുടെ നിജസ്ഥിതി ചൂണ്ടിക്കാട്ടി ഗ്രാമപഞ്ചായത്ത് പ്രസിഡന്‍റ്് പി.സി. ബിജു ഇന്നലെ ജില്ലാ കളക്ടർക്കു കത്തുനൽകിയിട്ടുണ്ട്.

തെരുവുനായ് നിയന്ത്രണസന്ദേശവുമായി മണ്‍സൂണ്‍ വാക്ക് പത്തിന്

തൃശൂർ: തെരുവുനായ് നിയന്ത്രണസന്ദേശവുമായി വേൾഡ് മലയാളി കൗണ്‍സിൽ വള്ളുവനാട് പ്രോവിൻസ് മണ്‍സൂണ്‍ വാക്ക് പത്തിനു രാവിലെ ആറിനു നടക്കും. എഴുന്നൂറോളംപേർ പങ്കെടുക്കും. തൃശൂർ വടക്കുന്നാഥ ക്ഷേത്രം തെക്കേഗോപുരനടയിൽനിന്നു പൂമലയിലേക്കു 14 കിലോമീറ്ററാണു നടക്കുന്നത്. ജില്ലാ കളക്റ്റർ അർജുൻ പാണ്ഡ്യൻ ഫ്ളാഗ് ഓഫ് ചെയ്യും. ഡോഗ് വെൽഫയർ കമ്മിറ്റി ചെയർമാൻ ജോസ് മാവേലി, കേരള സീനിയർ ലീഡേഴ്സ് ഫോറം ജനകീയസമിതി പ്രസിഡന്‍റ് രാജീവ് എന്നിവർ പങ്കെടുക്കും. തെക്കേഗോപുരനടയിൽ മെഗാ സൂംബാ ഡാൻസ് അവതരിപ്പിച്ചാണു മണ്‍സൂണ്‍ വാക്കിനു തുടക്കം കുറിക്കുക. പങ്കെടുക്കുന്നവർക്കു ടീഷർട്ടും തൊപ്പിയും നൽകും. പൂമലയിലെ റിച്ച് ഇന്ത്യ റിസോർട്ടിലാണു സമാപനം. ഇവിടെ റിഫ്രഷ്മെന്‍റ് സൗകര്യമുണ്ടാകും. തൃശൂർ നഗരത്തിലേക്കു തിരിച്ചുപോകാൻ വാഹനങ്ങൾ എർപ്പെടുത്തിയിട്ടുണ്ട്. സർക്കാർ രണ്ട‌േക്കർ അനുവദിക്കുകയാണെങ്കിൽ തെരുവുനായ്ക്കൾക്കു ഷെൽട്ടർ നിർമിച്ചു പരിപാലിക്കാൻ വേൾഡ് മലയാളി കൗണ്‍സിൽ മുന്നിലുണ്ടാകുമെന്നു ഭാരവാഹികൾ അറിയിച്ചു. പ്രോഗ്രാം കോ ഓർഡിനേറ്റർമാരായ എ.എസ്. രാജീവ്, സുജിത് ശ്രീനിവാസൻ, വള്ളുവനാട് പ്രോവിൻസ് ചെയർമാൻ ജോസ് പുതുക്കാടൻ, ഗ്ലോബൽ വൈസ് ചെയർമാൻ സുരേന്ദ്രൻ കണ്ണാട്ട്, പ്രോവിൻസ് സെക്രട്ടറി എൻ.പി. രാമചന്ദ്രൻ, വൈസ് പ്രസിഡന്‍റ് ജെയ്സണ്‍ മുറ്റിച്ചൂകാരൻ, ആക്ടിംഗ് സെക്രട്ടറി ചന്ദ്രപ്രകാശ് എടമന, ട്രഷറർ രാജഗോപാലൻ, ചാപ്റ്റർ പ്രസിഡന്‍റ് ദിലീപ്, സെക്രട്ടറി അഡ്വ. ശ്രീകുമാർ എന്നിവർ നേതൃത്വം നൽകും. ജെയ്സണ്‍ മുറ്റിച്ചൂക്കാരൻ, സുജിത് ശ്രീനിവാസൻ എന്നിവരാണു ഷെൽട്ടറിന്‍റെ പ്രോജക്ട് കോഓർഡിനേറ്റർമാർ. കഴിഞ്ഞദിവസം ബാങ്കോക്കിൽ നടന്ന വേൾഡ് മലയാളി കൗണ്‍സിൽ ബിനാലേയിൽ ഗ്ലോബൽ ചെയർമാനായി തോമസ് മൊട്ടയ്ക്കലിനെയും പ്രസിഡന്‍റായി ഡോ. ബാബു സ്റ്റീഫനെയും തെരഞ്ഞെടുത്തിരുന്നു. സുരേന്ദ്രൻ കണ്ണാട്ട് ഗ്ലോബൽ വൈസ് പ്രസിഡന്‍റും സുജിത് ശ്രീനിവാസൻ ഗ്ലോബൽ ഫോറം ചെയർമാനുമായി തെരഞ്ഞെടുക്കപ്പെട്ടു.

വയോധികരെ തെരുവിലിറക്കിയ സർക്കാരിനു തുടരാൻ അവകാശമില്ല: സോയ ജോസഫ്

തൃശൂർ: വയോധികരായ പെൻഷൻകാരെ അവകാശങ്ങൾക്കുവേണ്ടി തെരുവിലിറക്കുന്ന പിണറായി സർക്കാരിനു കേരളത്തിൽ ഭരണം തുടരാൻ അവകാശമില്ലെന്നു യൂത്ത് കോണ്‍ഗ്രസ് സംസ്ഥാന സെക്രട്ടറി ഡോ. സോയ ജോസഫ്. വിവിധ ആവശ്യങ്ങളുന്നയിച്ചു കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ കളക്ടറേറ്റിനുമുന്നിൽ നടത്തിയ ദ്വിദിനധർണയുടെ രണ്ടാംദിവസത്തെ യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അവർ. വനിതാ ഫോറം ജില്ലാ പ്രസിഡന്‍റ് നദീറ, കെ‌എസ്എസ്‌പിഎ ജില്ലാ പ്രസിഡന്‍റ് കെ.ജി. ഉണ്ണികൃഷ്ണൻ, സെക്രട്ടറി കെ.എ. ഫ്രാൻസിസ്, ട്രീഷറർ ഗിരീന്ദ്രബാബു, സംസ്ഥാനസെക്രട്ടറി ടി.എം. കുഞ്ഞുമൊയ്തീൻ, കൊച്ചുത്രേസ്യ ജെ. മുരിങ്ങാത്തേരി, ജെസി തരകൻ, പി.എസ്. സുന്ദരൻ, എം.സി. പോളച്ചൻ, എ.ജി. നാരായണൻ, വി.സി. ജോണ്‍സൻ, എം.എഫ്. ജോയ്, ലിസി ഓസ്റ്റിൻ, സി.ജെ. ത്രേസ്യ എന്നിവർ പ്രസംഗിച്ചു.

വിശുദ്ധ എവുപ്രാസ്യമ്മയുടെ തിരുനാൾ 29ന്; പന്തലിനു കാൽനാട്ടി

ഒല്ലൂർ: വിശുദ്ധ എവുപ്രാസ്യമ്മയുടെ തീർഥകേന്ദ്രത്തിൽ ഊട്ടുതിരുനാൾ 29ന് ആഘോഷിക്കും. തിരുനാളിനോടനുബന്ധിച്ചുള്ള പന്തലിന്‍റെ കാൽനാട്ടുകർമം തീർഥകേന്ദ്രം റെക്ടർ ഫാ. ജോയ് ചിറ്റിലപ്പിള്ളി നിർവഹിച്ചു. 10 നു രാവിലെ ആറിനു തൃശൂർ ലൂർദ് കത്തീഡ്രലിൽ നടക്കുന്ന വിശുദ്ധ കുർബാനയ്ക്കുശേഷം വിളംബരഘോഷയാത്ര ആരംഭിക്കും. 17നു രാവിലെ ആറിന് എടത്തിരുത്തി ഫൊറോന പള്ളിയിലെ ദിവ്യബലിക്കുശേഷം ഫൊറോന വികാരി തിരുനാൾ കമ്മിറ്റിക്കു ഉയർത്താനുള്ള കൈമാറും. രാവിലെ 9.30 ന് അതിരൂപത മെത്രാപ്പോലീത്ത മാർ ആൻഡ്രൂസ് താഴത്ത് തീർഥകേന്ദ്രത്തിൽ കൊടി ഏറ്റുവാങ്ങും. 20 നു വൈകീട്ട് അഞ്ചിനു ദിവ്യബലിക്കുശേഷം അതിരൂപത വികാരി ജനറാൾ മോണ്‍. ജെയ്സണ്‍ കൂനംപ്ലാക്കൽ തിരുനാൾകൊടിയേറ്റം നിർവഹിക്കും. 24 നു വൈകീട്ട് നാലിനു വാഹനവെഞ്ചരിപ്പും ഉണ്ടായിരിക്കും. തിരുനാളിനു മുന്നോടിയായി നടന്ന യോഗത്തിൽ താജ് ആന്‍റണിയെ ജനറൽ കണ്‍വീനറായും പോളി ജോസ്, ഡേവീസ് കൊള്ളന്നൂർ, കെ.ടി. ജോജു, ജോസ് ഉക്രാൻ, ജോസഫ് ചെറുശേരി, സലിൽ പാണേങ്ങാടൻ, ആനന്ദ് മൊയലൻ, ജയ മുത്തിപ്പീടിക, വിൽസണ്‍ പുലിക്കോടൻ, എ.ജെ. ആന്‍റണി എന്നിവരെ വിവിധ കമ്മിറ്റി കണ്‍വീനർമാരായും തെരഞ്ഞെടുത്തു.

ടോൾ കരാർ കമ്പനിയെ പുറത്താക്കാൻ സർക്കാർ തയാറാവണം: ജോസഫ് ടാജറ്റ്

തൃശൂർ: പാലിയേക്കര ടോൾ കരാർ കമ്പനിയുടെ വീഴ്‌ചകളും ലംഘനങ്ങളും ഹൈക്കോടതി ശരിവച്ച സാഹചര്യത്തിൽ ടോൾ കരാർ കമ്പനിയെ പുറത്താക്കാൻ സംസ്ഥാന സർക്കാർ മുൻകൈയെടുക്കണമെന്നു ഡിസിസി പ്രസിഡന്‍റും ജില്ലാ പഞ്ചായത്ത് പ്രതിപക്ഷനേതാവുമായ അഡ്വ. ജോസഫ് ടാജറ്റ് പത്രസമ്മേളനത്തിൽ പറഞ്ഞു. സർക്കാരിന്‍റെ ഇരട്ടത്താപ്പ് ജനങ്ങൾക്കു ബോധ്യപ്പെട്ടിട്ടുണ്ട്. നിയമപോരാട്ടങ്ങൾ പൊതുജനത്തെ ഏൽപ്പിക്കാതെ സർക്കാർ ഏറ്റെടുക്കണം. ടോൾ കരാർ ത്രികക്ഷികരാറിലെ കക്ഷിയായ സർക്കാർ ഉത്തരവാദിത്വം നിർവഹിക്കണം. സ്വാഭാവികമായും കരാർ കമ്പനിയും എൻഎച്ച്എഐയും ഹൈക്കോടതിവിധിക്കെതിരേ സുപ്രീം കോടതിയെ സമീപിക്കും. അതിനെതിരേ സർക്കാർ സുപ്രീം കോടതിയിൽ ഹാജരായി കേസ് നടത്തണം. സംസ്ഥാനത്തെ ജനങ്ങളുടെ സുരക്ഷയും യാത്രാസൗകര്യവും സുഗമമാക്കേണ്ട ഉത്തരവാദിത്വം സർക്കാരിനാണെന്നു കോടതി കണ്ടെത്തിയിട്ടുണ്ട്. ജനങ്ങളുടെ യാത്രാസൗകര്യം തകരാറിലായെന്നും കോടതി പരാമർശിച്ചു. ടോൾപിരിവ് തടഞ്ഞ കളക്ടറുടെ ഉത്തരവ് സർക്കാരിന്‍റെ നിർദേശപ്രകാരമാണു പിൻവലിച്ചതെന്നു വ്യക്തമായിട്ടുണ്ട്. ജൂലൈവരെ പിരിച്ചെടുത്തത് 1614.26 കോടി രൂപ കരാർലംഘനങ്ങൾ നടക്കുന്നതായും സേഫ്റ്റി ഓഡിറ്റ് റിപ്പോർട്ടിലെ പരിഹാരനിർദേശങ്ങൾ ഇനിയും നടപ്പാക്കിയിട്ടില്ലെന്നും വിവരാവകാശരേഖകൾ വ്യക്തമാക്കുന്നതായി അഡ്വ. ജോസഫ് ടാജറ്റ് വ്യക്തമാക്കി. കഴിഞ്ഞ 13 വർഷമായി ജനങ്ങൾ ദുരിതമനുഭവിക്കുകയാണ്. ജൂലൈ വരെ 1614.26 കോടി രൂപ പിരിച്ചതായും പ്രതിദിനം 40,000 വാഹനങ്ങൾ കടന്നുപോകുന്നതായും 51 ലക്ഷം രൂപ വരുമാനമുണ്ടെന്നും രേഖ വ്യക്തമാക്കുന്നു. കരാർലംഘനങ്ങളുടെ പേരിൽ മേയ്‌വരെ 2353.92 കോടി രൂപ കരാർ കമ്പനിക്കു പിഴ ചുമത്തിയിട്ടുണ്ടെന്നു രേഖയിലുണ്ട്. ഇത്രയൊക്കെ ജനങ്ങളെ കൊള്ളയടിച്ചിട്ടും സംസ്ഥാനസർക്കാർ നിലപാടു സ്വീകരിക്കാത്തതു പ്രതിഷേധാർഹമാണ്. കമ്പനിയെ കരിമ്പട്ടികയിൽപെടുത്തി കരാറിൽനിന്ന് ഒഴിവാക്കാനും പിഴ ഇടാക്കാനും എൻഎച്ച്എഐ ആർബ്രിട്രേഷൻ ട്രൈബ്യൂണൽ നൽകിയ കേസിൽനിന്നു സംസ്ഥാനസർക്കാർ കോടതിയെ സമീപിച്ച് ഒഴിവായതു കമ്പനിയെ സഹായിക്കുന്ന നിലപാടാണ്. കമ്പനിക്കെതിരേ വാദങ്ങൾ ഉന്നയിക്കാവുന്ന സാഹചര്യമാണു നഷ്ടപ്പെടുത്തിയത്.

ആവർത്തിച്ചു ശ്രദ്ധയിൽപ്പെടുത്തിയിട്ടും എൻഎച്ച്എഐ നടപടിയെടുത്തില്ല

തൃശൂർ: മണ്ണുത്തി-അങ്കമാലി ദേശീയപാതയിലെ ടോൾപിരിവ് നിർത്തലാക്കിയ ഹൈക്കോടതിവിധിയിൽ എൻഎച്ച്എഐയ്ക്കു രൂക്ഷവിമർശനം. സംസ്ഥാന ചീഫ് സെക്രട്ടറി, കരാറുകാരൻ, എൻഎച്ച്എഐ എന്നിവയുമായി ചേർന്നു ചർച്ചനടത്തി കേന്ദ്രസർക്കാർ ഉചിതമായ നടപടി സ്വീകരിക്കണം. എൻഎച്ച്എഐ പ്രശ്നങ്ങൾ കൃത്യമായ സമയങ്ങളിൽ പരിഹരിക്കേണ്ടതായിരുന്നു. ആവർത്തിച്ചു ശ്രദ്ധയിൽപ്പെടുത്തിയിട്ടും എൻഎച്ച്എഐ കേന്ദ്രസർക്കാരുമായി ചേർന്നു നടപടിയെടുത്തില്ലെന്നും വിധിയിൽ ചൂണ്ടിക്കാട്ടുന്നു. ദേശീയപാതയിലെ യാത്ര സുഗമമാക്കാൻ എൻഎച്ച്എഐയ്ക്കു ബാധ്യതയുണ്ട്. പൊതുവിശ്വാസത്തിലൂന്നിയുള്ള ബന്ധമാണ് ജനങ്ങളും എൻഎച്ച്എഐയും തമ്മിലുള്ളത്. അതു ലംഘിച്ച് ടോൾ പിരിവ് ജനങ്ങളിൽ അടിച്ചേൽപ്പിക്കാനാകില്ല. 65 കിലോമീറ്ററിൽ ആകെ നാലു കിലോമീറ്ററിൽ മാത്രമാണു പ്രശ്നമെന്ന വാദവും ഹൈക്കോടതി തള്ളി. ഗതാഗതക്കുരുക്കിനു നിരവധി പ്രശ്നങ്ങളുണ്ടാകാം. മേൽപ്പാലം, അടിപ്പാത എന്നിവയുടെ നിർമാണം, സർവീസ് റോഡുകൾ ഗതാഗതയോഗ്യമാക്കുന്നതിലെ കരാർകന്പനിയുടെ പിഴവ് എന്നിങ്ങനെയുള്ള കാര്യങ്ങൾ പരിഗണിക്കുന്നില്ല. ഈ സാഹചര്യത്തിൽ ജനങ്ങളിൽനിന്നു ടോൾ ഈടാക്കുന്നതിലെ നിയമസാധുതയിൽമാത്രമാണ് ശ്രദ്ധിക്കുന്നതെന്നും കോടതി പറഞ്ഞു. ടോൾ നിർത്തിവച്ചുള്ള ജില്ലാ കളക്ടറുടെ ഉത്തരവിലും പിഴവുകൾ വ്യക്തമാണ്. ഉത്തരവ് പിൻവലിച്ചതിനുശേഷമുള്ള യോഗത്തിൽ നിർമാണസ്ഥലങ്ങളിൽ റോഡ് ഇടുങ്ങിയതും മഴയിൽ വെള്ളക്കെട്ടുണ്ടായതും പരിഹരിക്കാമെന്നു ദേശീയപാത അഥോറിറ്റി ഉറപ്പുനൽകിയിരുന്നു. ഇതും പാലിച്ചില്ല. സ്വകാര്യ സ്ഥാപനങ്ങളുമായി ചേർന്നു കരാറുകൾ ഉണ്ടാക്കുന്പോൾ സർക്കാരിന്‍റെ ഉത്തരവാദിത്വം ഇല്ലാതാകുന്നില്ല. ജനങ്ങളുടെ താത്പര്യം സംരക്ഷിക്കുന്നതിനു മുകളിലല്ല ഒന്നും. ജനങ്ങൾക്കു സേവനങ്ങൾ ലഭിക്കുന്നില്ലെങ്കിൽ സ്വകാര്യകരാറിന്‍റെ പേരിൽ പണം നൽകാൻ നിർബന്ധിക്കാനാകില്ല. മൂന്നുമണിക്കൂർവരെ യാത്രകൾ വൈകുന്ന സാഹചര്യമുണ്ട്. നിശ്ചിതകാലയളവിനുള്ളിൽ ഇക്കാര്യങ്ങൾ ചർച്ച ചെയ്തു പരിഹരിക്കണമെന്നും ഉത്തരവിൽ വ്യക്തമാക്കുന്നു.

ദീപിക കളർ ഇന്ത്യ മത്സരം ഇന്ന്

തൃശൂർ: ഇന്ത്യയെന്ന വികാരം ഹൃദയതാളമായി മാറുന്ന ദീപിക കളർ ഇന്ത്യ മത്സരം ഇന്ന്. രാജ്യസ്നേഹത്തിനൊപ്പം മയക്കുമരുന്നിനെതിരായ പ്രതിരോധമുയർത്തി കുട്ടികൾ രചിക്കുന്ന പുതുചരിത്രത്തിന് ഇന്നു രാജ്യം സാക്ഷ്യംവഹിക്കും. ഇന്ത്യയുടെ 79-ാമത് സ്വാതന്ത്ര്യദിനാഘോഷത്തിന്‍റെ ഭാഗമായി ദീപിക നടത്തുന്ന കളർ ഇന്ത്യ സീസണ്‍ ഫോർ മത്സരത്തിൽ രാജ്യമെന്പാടുംനിന്ന് പത്തു ലക്ഷത്തോളം വിദ്യാർഥികൾ നിറംചാർത്തും. ലഹരിക്കെതിരേയുള്ള പോരാട്ടവും ഭാരതത്തിന്‍റെ ഐക്യവും അഖണ്ഡതയും ഊട്ടിയുറപ്പിക്കാനുള്ള സന്ദേശവും കുട്ടികൾക്കു പകർന്നുനൽകാൻ ലക്ഷ്യമിട്ടാണ് ദീപികയും ദീപിക ബാലസഖ്യവും കൈകോർത്ത് കളർ ഇന്ത്യ മത്സരം സംഘടിപ്പിക്കുന്നത്. മത്സരത്തിൽ പങ്കുചേരുന്ന എല്ലാവർക്കും പ്രശസ്ത സിനിമാതാരം മഞ്ജു വാര്യരുടെ കൈയൊപ്പുള്ള സർട്ടിഫിക്കറ്റുകൾ നൽകും. മത്സരത്തിന്‍റെ തൃശൂർ ജില്ലാതല ഉദ്ഘാടനം രാവിലെ പത്തിനു കിഴക്കേകോട്ട നിർമലമാത സെൻട്രൽ സ്കൂളിൽ തൃശൂർ റേഞ്ച് ഡിഐജി ഹരിശങ്കർ നിർവഹിക്കും. കൽദായ സുറിയാനിസഭ അധ്യക്ഷൻ മാർ ഔഗിൻ കുര്യാക്കോസ് മെത്രാപ്പോലീത്ത അധ്യക്ഷത വഹിക്കും. കേരള പെയിന്‍റ്സ് ചെയർമാൻ ജോസഫ് ലിജോ, നിർമലമാത സ്കൂൾ പ്രിൻസിപ്പൽ സിസ്റ്റർ ലിൻസ മരിയ, ദീപിക റസിഡന്‍റ് മാനേജർ ഫാ. ജിയോ തെക്കിനിയത്ത്, സർക്കുലേഷൻ മാനേജർ കെ.എൽ. ഡേവിസ് എന്നിവർ പങ്കെടുക്കും. കളർ ഇന്ത്യ ഇരിങ്ങാലക്കുട മേഖലാതല ഉദ്ഘാടനം ഇരിങ്ങാലക്കുട ക്രൈസ്റ്റ് വിദ്യാനികേതനിൽ തൃശൂർ റൂറൽ ജില്ലാ സ്പെഷൽ ബ്രാഞ്ച് ഡിവൈഎസ്പി പി.ആർ. ബിജോയ് നിർവഹിക്കും. ക്രൈസ്റ്റ് വിദ്യാനികേതൻ പ്രിൻസിപ്പൽ ഫാ. ജോയ് ആലപ്പാട്ട് സിഎംഐ അധ്യക്ഷത വഹിക്കും. ചാലക്കുടി മേഖലാതല ഉദ്ഘാടനം കുഴിക്കാട്ടുശേരി സെന്‍റ് മേരീസ് എൽപി സ്കൂളിൽ രാഷ്ട്രദീപിക ലിമിറ്റഡ് ഡയറക്ടർ ഇട്ടൂപ്പ് കോനൂപ്പറന്പൻ നിർവഹിക്കും. ഇരിങ്ങാലക്കുട രൂപത ഡിഎഫ്സി ഡയറക്ടർ ഫാ. ജോൺ കവലക്കാട്ട് അധ്യക്ഷത വഹിക്കും. ഇരിങ്ങാലക്കുട രൂപത ഡിഎഫ്സി പ്രസിഡന്‍റ് ജോസഫ് വാസുപുരത്തുകാരൻ, ദീപിക കോഓർഡിനേറ്റിംഗ് എഡിറ്റർ ഫാ. റിന്‍റോ പയ്യപ്പിള്ളി എന്നിവർ പങ്കെടുക്കും. ഗുരുവായൂർ മേഖലാതല ഉദ്ഘാടനം ബ്രഹ്മകുളം സെന്‍റ് തെരേസാസ് സിജിഎച്ച്എസിൽ കേരള ചിത്രകല അക്കാദമി അംഗം അജിത്ത് സ്മൂത്ത് നിർവഹിക്കും. സ്കൂൾ ഹെഡ്മിസ്ട്രസ് സിസ്റ്റർ ഡെയ്സ് മരിയ എഫ്സിസി അധ്യക്ഷത വഹിക്കും. പറപ്പൂർ മേഖലാതല ഉദ്ഘാടനം ചൊവ്വന്നൂർ സെന്‍റ് മേരീസ് ജിഎച്ച്എസിൽ കുന്നംകുളം നഗരസഭ ചെയർപേഴ്സൺ സീത രവീന്ദ്രൻ നിർവഹിക്കും. ഹെഡ്മിസ്ട്രസ് സിസ്റ്റർ ഡോ. വിന്നി സിഎസ്‌സി അധ്യക്ഷത വഹിക്കും. ആർട്ടിസ്റ്റ് ഗോപീകൃഷ്ണൻ മുഖ്യാതിഥിയാകും. ഒല്ലൂർ മേഖലാതല ഉദ്ഘാടനം വേലൂപ്പാടം സെന്‍റ് പയസ് ടെൻത്ത് കോൺവന്‍റ് സ്കൂളിൽ ആർട്ടിസ്റ്റ് ഡേവിസ് നിർവഹിക്കും. ഹെഡ്മിസ്ട്രസ് സിസ്റ്റർ റെനി തെരേസ് സിഎംസി അധ്യക്ഷത വഹിക്കും.

ഇനിയും പ്രതികരിക്കും; പലരുടെയും കണ്ണുതുറക്കാൻ: എം.എൽ. റോസി

തൃശൂർ: മേയർക്കെതിരേ തുടർച്ചയായി ആരോപണങ്ങൾ ഉന്നയിക്കുന്പോഴും താൻ പാർട്ടി വിടുമെന്ന് ആരും കരുതേണ്ടെന്നും തനിക്കു പദവി തന്നവർക്ക് ആ ബഹുമാനം തിരികെനൽകുമെന്നും ഡെപ്യൂട്ടി മേയർ എം.എൽ. റോസി. തന്‍റെ ഓഫീസ് മുറിയിലെ ശുചിമുറിയിൽ ഉച്ചകഴിഞ്ഞാൽ പതിവായി വെള്ളം മുടങ്ങാറുണ്ട്. അക്കാര്യം പലതവണ അറിയിച്ചിട്ടും പരിഹാരം ആകാത്തതിനെത്തുടർന്നാണു പരസ്യമായി പ്രതിഷേധിച്ചത്. വിഷയം ഇപ്പോൾ പരിഹരിച്ചിട്ടുണ്ട്. എന്നാൽ കോർപറേഷൻഭരണത്തിലെ കൂട്ടായ്മക്കുറവിനെതിരേ ഇനിയും പ്രതികരിക്കും. അതൊരു കണ്ണുതുറക്കലിനുംകൂടിയാണ്. എന്നുകരുതി താൻ പാർട്ടി വിടുമെന്ന് ആരും കരുതേണ്ട. ഡെപ്യൂട്ടി മേയറായി നാളിതുവരെയായി ഒരു നെയിംബോർഡ് നൽകാനോ ഓഫീസ് മുറിയുടെയും ശുചിമുറിയുടെയും തകരാറുള്ള വാതിലുകൾ മാറ്റാനോ പ്രശ്നം പരിഹരിക്കാനോ ഒരു നടപടിയും ഇതുവരെ ഉണ്ടായിട്ടില്ല. ഓഫീസ് മുറിയിലേക്കു ടിവി ആവശ്യപ്പെട്ടിരുന്നു. പക്ഷേ ലഭിച്ചതു പഴക്കമേറെയുള്ള ടിവിയാണ്. എന്നാൽ എം.കെ. വർഗീസ് മേയറായി ചുമതലയേറ്റപ്പോൾ ചേംബർ പൊളിച്ചുപണിതതും അതിന് എലിയെ പഴിച്ചതും എല്ലാവർക്കും അറിയുന്നതാണ്. അത്തരം സാഹസത്തിനു താൻ മുതിരാത്തത്, തനിക്കല്ല നാടിനാണു വികസനം ആവശ്യമുള്ളത് എന്നറിയാവുന്നതിലാണ്: റോസി പറഞ്ഞു.

ഡെപ്യൂട്ടി മേയറുടെ ശുചിമുറിയിൽ വെള്ളംമുടക്കി പകവീട്ടുന്നു: രാജൻ പല്ലൻ

തൃശൂർ: കോർപറേഷൻ ഡെപ്യൂട്ടി മേയറുടെ ചേംബറിലെ ശുചിമുറിയിൽ വെള്ളംമുടക്കി മേയറും എൽഡിഎഫ് നേതാക്കളും പകവീട്ടുന്നെന്നു പ്രതിപക്ഷനേതാവ് രാജൻ ജെ. പല്ലൻ. ഈയിടയായി കോർപറേഷൻ കൗണ്‍സിൽ യോഗങ്ങളിൽ ഭരണനേതൃത്വത്തിനെതിരേ ഡെപ്യൂട്ടി മേയർ എം.എൽ. റോസി നിലപാട് സ്വീകരിച്ചിരുന്നു. ഇതിന്‍റെ പ്രതികാരമെന്ന നിലയിലാണ് ശുചിമുറിയിലെ വെള്ളപ്രശ്നം പരിഹരിക്കാത്തത്. ഡെപ്യൂട്ടി മേയറുടെ ചേംബറിൽപോലും വെള്ളംനൽകാൻ സാധിക്കാത്ത കോർപറേഷൻ ഭരണകൂടം എങ്ങനെയാണ് സാധാരണ ജനങ്ങൾക്കു കുടിവെള്ളം ലഭ്യമാക്കുക. ഇത്തരം പ്രവൃത്തികൾ സാംസ്കാരികതലസ്ഥാനത്തിന് അപമാനകരമാണ്. എൽഡിഎഫ് ഭരണസമിതിയിലെ തമ്മിൽത്തല്ലും ഭിന്നതയുമാണു മറനീക്കി പുറത്തുവരുന്നതെന്നും രാജൻ പല്ലൻ പറഞ്ഞു. ശുചിമുറിയിൽ വെള്ളം മുടങ്ങിയതിനെതിരേ രൂക്ഷമായ ഭാഷയിലാണ് ഡെപ്യൂട്ടി മേയർ മാധ്യമങ്ങളിലൂടെ പ്രതികരിച്ചത്. ഞാനെന്ന ഭാവമാണു മേയർക്കെന്നും ഭരണത്തിൽ കൂട്ടായ്മയില്ലെന്നും വർഗീസ് കണ്ടംകുളത്തിക്കൊപ്പം ചേർന്നു സ്വയംഭരണമാണു നടപ്പാക്കുന്നതെന്നും എം.എൽ. റോസി ആരോപിച്ചു. ഒന്നരക്കോടി ചെലവിട്ടു നിർമിച്ച അരിസ്റ്റോ റോഡിന്‍റെ ഉദ്ഘാടനം മന്ത്രി ബിന്ദുവാണു നടത്തേണ്ടതെന്ന് അറിഞ്ഞില്ല. കോണ്‍ഗ്രസ് കൗണ്‍സിലർമാർ പറഞ്ഞതുകൊണ്ടാണു പോയതെന്നും അവർ പറഞ്ഞു. ശുചിമുറിയുടെ വെള്ളംമുടക്കൽ; ആരോപണം തള്ളി മേയർ തൃശൂർ: ശുചിമുറിയുടെ വെള്ളംമുടക്കിയെന്ന ഡെപ്യൂട്ടി മേയർ എം.എൽ. റോസിയുടെ ആരോപണങ്ങൾ തള്ളി മേയർ എം.കെ. വർഗീസ്. ""ഡെപ്യൂട്ടി മേയറുടെ മുറിക്കു മാത്രമായി പ്രത്യേകം ടാങ്കില്ല. മേയറുടെ മുറിയിൽ വെള്ളംവന്നാൽ ഡെപ്യൂട്ടി മേയറുടെ മുറിയിലും വെള്ളംവരും. ഞാനായിട്ട് ആർക്കും ഒരു ബുദ്ധിമുട്ടും സൃഷ്ടിച്ചിട്ടില്ല. എനിക്കു ഞാനെന്ന ഭാവം ഉണ്ടെന്ന അവരുടെ വാക്കിൽ കഴന്പില്ല'', അദ്ദേഹം പറഞ്ഞു.

ഹൈബ്രിഡ് പാവല്‍ പ്രഗതിയുടെ കൃഷിയിട പ്രദര്‍ശനം

ഒളരിക്കര: കേരള കാര്‍ഷിക സര്‍വകലാശാല വികസിപ്പിച്ചെടുത്ത ഹൈബ്രിഡ് പാവല്‍ ഇനമായ പ്രഗതിയുടെ കൃഷിയിടപ്രദര്‍ശനം അയ്യന്തോള്‍ കൃഷിഭവനു കീഴില്‍ വരുന്ന കാര്യാട്ടുകരയിലെ കര്‍ഷകനായ അരവിന്ദാക്ഷന്‍ മേനോന്‍റെ കൃഷിയിടത്തില്‍ സംഘടിപ്പിച്ചു. വിളവെടുപ്പ് മുന്‍ കൃഷിമന്ത്രി വി.എസ്. സുനില്‍കുമാര്‍ ഉദ്ഘാടനം ചെയ്തു. വി.കെ. മോഹനന്‍ കാര്‍ഷികസംസ്‌കൃതി ജില്ലാ കണ്‍വീനര്‍ രാജേന്ദ്ര ബാബു, കാര്‍ഷിക സര്‍വകലാശാല അഗ്രികള്‍ച്ചര്‍ എക്സ്റ്റന്‍ഷന്‍ വിഭാഗം അസിസ്റ്റന്‍റ് പ്രഫസർ ഡോ. ഒ.ആർ. സുലജ, അയ്യന്തോള്‍ കൃഷി ഓഫീസര്‍ എസ്. സരിന്‍, അസിസ്റ്റന്‍റ് കൃഷി ഓഫീസര്‍ ഇ.കെ. കിഷോര്‍, കൃഷി അസിസ്റ്റന്‍റുമാരായ കെ.കെ. അഞ്ജന, കെ.ആർ. രജിത, ടി.എം. സന്ദീപ്, കെ.കെ. സ്മിജു എന്നിവരും കര്‍ഷകരോടൊപ്പം പങ്കെടുത്തു. അയ്യന്തോള്‍ കൃഷിഭവന്‍റെയും കാര്‍ഷികസര്‍വകലാശാലയുടെയും സംയോജിതമേല്‍നോട്ടത്തിലായിരുന്നു അഞ്ചുസെന്‍റിൽ പ്രദര്‍ശനകൃഷി ഒരുക്കിയത്. 20 മുതല്‍ 25 സെന്‍റീമീറ്റർവരെ നീളവും 200ഗ്രാം വരെ തൂക്കവും വരുന്ന, രണ്ടരമാസംകൊണ്ട് വിളവെടുക്കാവുന്ന പാവല്‍ ഇനമാണു പ്രഗതി.

ഐക്യരാഷ്ട്രസഭ മാതൃകാ അസംബ്ലി ദേവമാതയിൽ

തൃശൂർ: യുഎൻ അസംബ്ലിയുടെ മാതൃക "ദേവ്മണ്‍' ദേവമാത സ്കൂളിൽ ആരംഭിച്ചു. വിദ്യാര്‍ഥികളില്‍ മൗലിക അവകാശം, സ്ത്രീശക്തീകരണം, ഭാഷാനൈപുണ്യം, ആശയവിനിമയശേഷി, വിവിധ രാജ്യങ്ങളുടെ സംസ്കാരം, രാജ്യസുരക്ഷ തുടങ്ങിയ വിഷയങ്ങളിൽ അവബോധം വളർത്തുകയും പരിശീലിപ്പിക്കുകയുമാണ് യുഎൻ മോഡൽ അസംബ്ലി സംഘടിപ്പിക്കുന്നതിന്‍റെ ലക്ഷ്യം. സിഎംഐ ദേവമാത പ്രൊവിൻസിന്‍റെ വികാർ പ്രൊവിൻഷ്യൽ ഫാ.ഡേവി കാവുങ്ങൽ സിഎംഐ ഉദ്ഘാടനം ചെയ്തു. ദേവമാത സ്കൂൾ പ്രിൻസിപ്പൽ ഫാ. ജോയ്സ് എലവത്തിങ്കൽ, അധ്യാപിക വി.ജി. സിസിലി, കുസാറ്റ് നിയമ വിദ്യാർഥി ഗംഗ പ്രമോദ്, ബംഗളൂരു സെന്‍റ് ജോസഫ് കോളജ് വിദ്യാർഥി ആബ അഭിലാഷ്, ദേവമാതയിലെ വിദ്യാർഥികളായ എ.വി. കൃഷ്ണശ്രീ, മിലേവ കൊള്ളന്നൂർ, അധ്യാപികമാരായ കാർത്തിക ബാലചന്ദ്രൻ, ഒലിവിയ എന്നിവർ പ്രസംഗിച്ചു.

ഗുരുവായൂരിൽ ഓൺലൈൻ - പ്രാദേശിക ടാക്സി ഡ്രൈവർമാർ തമ്മിൽ തർക്കം

ഗുരുവായൂർ: ഓൺലൈൻ ടാക്സി ഡ്രൈവർമാരും പ്രാദേശിക ടാക്സിക്കാരും തമ്മിലുള്ള തർക്കം കയ്യാങ്കളിയോളമെത്തി. ഇന്നലെ വൈകിട്ട് ടെമ്പിൾ പോലീസ് സ്റ്റേഷന് മുന്നിലാണ് സംഭവം. ഇരുവിഭാഗങ്ങളും തമ്മിൽ മുമ്പുണ്ടായ സംഘർഷവുമായി ബന്ധപ്പെട്ട് പരാതി നൽകാനെത്തിയതാണ് ഓൺലൈൻ ടാക്സി ഡ്രൈവർമാർ. ഇതിനിടയിലാണ് ഒരു വിഭാഗം പ്രാദേശിക ടാക്സി ഡ്രൈവർമാർ സ്റ്റേഷൻ പരിസരത്ത് എത്തിയത്. ഇരുവിഭാഗവും തമ്മിൽ ഏറെനേരം വാക്കേറ്റവും ഉന്തും തള്ളുമായി. പോലീസ് ഇരുവിഭാഗത്തെയും സ്റ്റേഷനിലേക്ക് വിളിച്ചുവരുത്തി താക്കീത് നൽകി. ക്ഷേത്രനടയിൽ നിന്ന് ഓൺലൈൻ ടാക്സിയിൽ യാത്രക്കാരെ കയറ്റാൻ അനുവദിക്കില്ലെന്ന നിലപാടിലാണ് പ്രാദേശിക ടാക്സി ഡ്രൈവർമാർ. ക്ഷേത്രനടയിൽ വ്യാപകമായി ഇതിനെതിരെ ഫ്ലക്സ് സ്ഥാപിച്ചിട്ടുണ്ട്. ഇവ നീക്കം ചെയ്യണമെന്ന് ആവശ്യപ്പെട്ട് ഓൺലൈൻ ടാക്സി ഡ്രൈവർമാർ നഗരസഭയിൽ പരാതി നൽകി. അനധികൃതമായി സ്ഥാപിച്ച ഫ്ലക്സുകൾ നീക്കം ചെയ്യുമെന്ന് നഗരസഭ അറിയിച്ചതോടെ ഓൺലൈൻ ടാക്സി ഡ്രൈവർമാർ ഇവ നീക്കം ചെയ്യാൻ ശ്രമിച്ചതാണ് സംഘർഷത്തിനിടയാക്കിയത്. ഹൈക്കോടതി വിധിപ്രകാരമാണ് തങ്ങൾ സർവീസ് നടത്തുന്നതെന്നും പോലീസ് സംരക്ഷണം നൽകണമെന്നും ഓൺലൈൻ ടാക്സി ഡ്രൈവർമാരുടെ സംഘടന ആവശ്യപ്പെട്ടു. ടാക്സി സ്റ്റാൻഡുകളുടെ 150 മീറ്റർ ദൂരപരിധിയിൽ യാത്രക്കാരെ കയറ്റരുതെന്ന് ഓൺലൈൻ ടാക്സികൾക്ക് പോലീസ് നിർദേശം നൽകി. ഫ്ലാറ്റുകളിലും വീടുകളിലും എത്തി യാത്രക്കാരെ എടുക്കുന്നതിന് ദൂരപരിധി ബാധകമല്ല. ഔട്ടർ ഭാഗത്തെ ലോഡ്ജുകളിൽ നിന്നും യാത്രക്കാരെ എടുക്കാം. ടെമ്പിൾ സിഐ ജി.അജയകുമാർ, വികസന സ്ഥിരം സമിതി അധ്യക്ഷൻ എ.എം. ഷെഫീർ എന്നിവരാണ് ഇരുവിഭാഗവുമായി ചർച്ച നടത്തിയത്. ഉടൻ തന്നെ ട്രാഫിക് റഗുലേറ്ററി യോഗം വിളിച്ച് ശാശ്വത പരിഹാരം കാണുമെന്ന് സിഐ ജി. അജയകുമാർ അറിയിച്ചു.

ചുവന്നമണ്ണിൽ വീണ്ടും കാട്ടാന ഇറങ്ങി; വ്യാപക കൃഷിനാശം

ചുവന്നമണ്ണ്: ഉറവുംപാടത്ത് കാട്ടാനകൾ ഇറങ്ങി വ്യാപകമായി കൃഷി നശിപ്പിച്ചു. ബുധനാഴ്ച രാത്രിയാണ് കാട്ടാന ഇറങ്ങിയത്. കേഴപ്ലാക്കൽ ഷാജി, ഇടപ്പനയത്ത് എൽദോസ്, മേക്കാട്ടിൽ വർഗീസ്, പൈലി, പോൾ എന്നിവരുടെ കൃഷിയിടങ്ങളിലാണ് കാട്ടാന നാശംവിതച്ചത്. ജനവാസ മേഖലയിൽ ഇറങ്ങിയ കാട്ടാന തങ്ങളുടെ ജീവനും ഭീഷണിയാണെന്ന് കർഷകർ പറഞ്ഞു. നിരവധി കർഷകർ തിങ്ങിപ്പാർക്കുന്ന പ്രദേശമാണിത്. കാലപ്പഴക്കം ചെന്നതും പ്രവർത്തനരഹിതവുമായ സോളാർ വൈദ്യുത വേലിയാണ് ഈ മേഖലയിൽ ഉള്ളത്. പ്രദേശത്തെ വൈദ്യുത വേലി പുനർനിർമിക്കകയോ, വന്യമൃഗങ്ങളെ നിയന്ത്രിക്കുന്നതിനാവശ്യമായ നടപടികൾ സ്വീകരിക്കുകയോ അധികൃതർ ചെയ്യാത്തതാണ് കാട്ടാനശല്യം ഇത്രയും രൂക്ഷമാകാൻ കാരണം. വന്യമൃഗങ്ങൾ കാർഷിക വിളകൾ നശിപ്പിക്കാൻ തുടങ്ങിയതോടെ പ്രദേശത്ത് കൃഷി ചെയ്യാൻ കർഷകർ തയ്യാറാകാത്ത സ്ഥിതിയിലാണെന്ന് വാർഡ് മെമ്പർ കെ.പി. ചാക്കോച്ചൻ പറഞ്ഞു. പഞ്ചായത്ത് പ്രതിപക്ഷനേതാവ് ബാബു തോമസ്, വനംവകുപ്പ് ഉദ്യോഗസ്ഥർ തുടങ്ങിയവർ സ്ഥലം സന്ദർശിച്ചു.

ചേലക്കര ജനവാസമേഖലയിൽ അഞ്ചുദിവസം തുടർച്ചയായി കാട്ടാനശല്യം

ചേലക്കര: മേഖലയിൽ തുടർച്ചയായി അഞ്ചുദിനം കാട്ടാന ജനവാസമേഖലയിൽ ഇറങ്ങി ഭീതിപരത്തി. കഴിഞ്ഞദിവസം രാത്രി ഒമ്പതരയോടെ വാഴക്കോട് പ്ലാഴി സംസ്ഥാനപാത മുറിച്ചുകടന്ന കാട്ടാന മുള്ളൂർക്കര പഞ്ചായത്തിലെ മണലാടി വിഷ്ണു ക്ഷേത്രത്തിന് സമീപവും തുടർന്ന് പാറപ്പുറം മേഖലയിലുമെത്തി. ജോലി കഴിഞ്ഞ് ബൈക്കിൽ മടങ്ങുകയായിരുന്ന യുവാവ് കാട്ടാനയെ മുന്പിൽ കണ്ട് ബൈക്ക് ഉപേക്ഷിച്ച് ഓടി രക്ഷപ്പെട്ടു. വിവരമറിഞ്ഞെത്തിയ നാട്ടുകാർ സംസ്ഥാനപാത ഉപരോധിച്ചു. വാഴാനിയിൽ നിന്നും മായന്നൂരിൽ നിന്നും വനപാലകർ സ്ഥലത്തെത്തി കാട്ടാനയെ കണ്ടെത്താനുള്ള ശ്രമം തുടരുകയാണ്. തുടർച്ചയായി കാട്ടാന ജനവാസ മേഖലയിലെത്തുന്നത് തടയാൻ അധികൃതർ നടപടി സ്വീകരിച്ചില്ലെങ്കിൽ വലിയ പ്രക്ഷോഭത്തിനൊരുങ്ങുകയാണ് നാട്ടുകാർ. ഭീതിപരത്തിയ കാട്ടാന കിഴക്കുദിക്ക് ലക്ഷ്യം വെച്ചാണ് സഞ്ചരിച്ചതെന്നാണ് നാട്ടുകാർ പറയുന്നത്. കഴിഞ്ഞദിവസം മേഖലയിൽ കാട്ടന ഒരു യുവതിക്ക് നേരെ പാഞ്ഞടുത്തത്തിരുന്നു. സ്ഥിരമായി നാട്ടിലിറങ്ങുന്ന ഒറ്റയാനെ മയക്കുവെടി വെച്ച് പിടികൂടണമെന്നാണ് നാട്ടുകാരുടെ ആവശ്യം. ഉന്നതതലയോഗം വിളിച്ചുചേർക്കും: കെ. രാധാകൃഷ്ണൻ എംപി ചേലക്കര: മേഖലയിലെ വിവിധ പ്രദേശങ്ങളിൽ കാട്ടാനയുടെ ആക്രമണങ്ങൾ തുടരുന്ന പാശ്ചാത്തലത്തിൽ നടപടികൾ സ്വീകരിക്കാൻ ഉന്നതതലയോഗം വിളിച്ചുചേർക്കുമെന്ന് എംപി അറിയിച്ചു. നിലവിലെ സംഭവങ്ങൾ വനംമന്ത്രി എ.കെ. ശശീന്ദ്രനെ ധരിപ്പിച്ചെന്നും കളക്ടറുമായും ഡിഎഫ്ഒയുമായും ഫോണിൽ സ്ഥിതിഗതികൾ വിലയിരുത്തിയതായും എംപി പറഞ്ഞു. സമഗ്രമായ ആക്‌ഷൻപ്ലാൻ തയ്യാറാക്കുന്നതിനും നടപടികൾ സ്വീകരിക്കുന്നതിനുംവേണ്ടി നാളെ രാവിലെ ഒമ്പതിന് എംഎൽഎ, കളക്ടർ, ജനപ്രതിനിധികൾ, ഡിഎഫ്ഒ, പോലീസ് ഉദ്യോഗസ്ഥർ, വിവിധ രാഷ്ടീയ പ്രതിനിധികൾ എന്നിവർ ഉൾപ്പെട്ട യോഗം ചേലക്കര റസ്റ്റ് ഹൗസിൽ വിളിച്ചുചേർക്കുമെന്ന് എംപി അറിയിച്ചു. ജനങ്ങളുടേയും കർഷകരുടെയും ആശങ്കകൾ ശാശ്വതമായി പരിഹരിക്കുവാനുള്ള തീരുമാനങ്ങൾ യോഗത്തിൽ കൈക്കൊള്ളുമെന്നും എംപി അറിയിച്ചു.

വാഴാനി ഫോറസ്റ്റ് സ്റ്റേഷൻ ഇനിയില്ല‌; പകരം അകമലയിൽ

വടക്കാഞ്ചേരി: കാട്ടാനയുൾപ്പടെയുള്ള വന്യജീവികളുടെശല്യം വർധിച്ച സാഹചര്യത്തിൽ വാഴാനി ഫോറസ്റ്റ് സ്റ്റേഷൻ ഒഴിവാക്കുന്നതോടെ മലയോരകർഷകർക്ക് ദുരിതമായി. സ്റ്റേഷനിലെ ഉദ്യോഗസ്ഥരോട് മൂന്നു ദിവസങ്ങൾക്കകം അകമല സ്റ്റേഷനിലെത്തണമെന്നാണ് ഡിഎഫ്ഒ ഉത്തരവിറക്കിയിരിക്കുന്നത്. വർഷങ്ങളായി അടഞ്ഞുകിടക്കുന്ന അകമല ഫോറസ്റ്റ്സ്റ്റേഷൻ ഉടൻ ക്ലീൻ ചെയ്ത് വ്യത്തിയാക്കണമെന്നും ഉത്തരവിൽ പറയുന്നുണ്ട്. അകമല ഫോറസ്റ്റ്സ്റ്റേഷൻപുനഃസ്ഥാപിക്കുന്നതോടെ വന്യമൃഗശല്യം രൂക്ഷമായ വടക്കാഞ്ചേരി, മുള്ളൂർക്കര, പാഞ്ഞാൾ, ചേലക്കര ഉൾപ്പടെയുള്ള മേഖലയിലേക്ക് ജീവനക്കാർക്ക് അതിവേഗം എത്താൻ കഴിയുമെന്നതിനാലാണ് വാഴാനിയിൽ നിന്നും അകമലയിലേക്ക് മാറ്റുന്നതെന്ന് മച്ചാട് റെഞ്ച് ഫോറസ്റ്റ് ഓഫീസർ അജിൽ പി വേണുഗോപാൽ പറഞ്ഞു. നിരന്തരമായി കാട്ടാന ഉൾപ്പടെയുള്ള വന്യജീവിശല്യം രൂക്ഷമായ തെക്കുംകരയിലെ വനമേഖലയോടുചേർന്നുകിടക്കുന്ന വാഴാനി, കൊളത്താശേരി, പേരേപാടം, വീരോലിപ്പാടം, മലാകം, കുറ്റിക്കാട് എന്നി പ്രദേശങ്ങളിലെ കർഷകർ സ്റ്റേഷൻമാറ്റുന്നതോടെദുരിതത്തിലാകും. വാഴാനി ഫോറസ്റ്റ് സ്റ്റേഷൻ നിലനിർത്താനുള്ള സംവീധാനം ഉടൻ നടപ്പിലാക്കിയില്ലെങ്കിൽ ശക്തമായ സമരപരിപാടികൾക്ക് രൂപം നൽകുമെന്ന് കർഷക കോൺഗ്രസ് നിയോജക മണ്ഡലം പ്രസിഡന്‍റ്് സണ്ണി മാരിയിൽ, മണ്ഡലം പ്രസിഡന്‍റ് എം.എസ്. ഗിരീഷ് എന്നിവർ അറിയിച്ചു.

നവവധുവിനെ വീട്ടിൽ മരിച്ചനിലയിൽ കണ്ടെത്തി

അന്നമനട: നവവധുവിനെ വീട്ടിൽ മരിച്ചനിലയിൽ കണ്ടെത്തി. അന്നമനട എടയാറ്റൂർ സ്വദേശി ആലങ്ങാട്ടുകാരൻ വീട്ടിൽ നൗഷാദിന്‍റെ മകൾ ആയിഷ(23)യെ ആണ് കിടപ്പുമുറിയിൽ ഇന്നലെ രാവിലെ ഏഴിന് മരിച്ചനിലയിൽ കണ്ടെത്തിയത്. ഹൃദയാഘാതമാണെന്നാണ് പ്രാഥമിക നിഗമനം. ജൂലായ് 13 നായിരുന്നു വിവാഹം. ഭർത്താവ് ചേലക്കര സ്വദേശി നീണ്ടൂർ വീട്ടിൽ മുഹമ്മദ് ഇഹ്‌സാൻ ഒരാഴ്ച മുൻപാണ് അവധിക്കുശേഷം വിദേശത്തേക്ക് തിരിച്ചുപോയത്. കാസോക്കു കരാട്ടെ ഇന്ത്യയുടെ പരിശീലകയായ ആയിഷ ചാലക്കുടി പനമ്പിള്ളി കോളജിലെ പിജി വിദ്യാർഥിയാണ്. തുടർച്ചയായി സംസ്ഥാന ചാമ്പ്യയായ ഇവർ മാള സൊക്കോർസോ സ്‌കൂൾ, മാള കാർമൽ കോളജ്, സ്നേഹഗിരി ഹോളി ചൈൽഡ് സ്‌കൂൾ, പാലിശേേരി എസ്എൻഡിപി ഹയർസെക്കൻഡറി സ്‌കൂൾ എന്നിവിടങ്ങളിലെ കരാട്ടെ പരിശീലകയാണ്. സംസ്കാരം നടത്തി.

അജ്ഞാതമൃതദേഹം കണ്ടെത്തി

ചേർപ്പ്: വെങ്ങിണിശേരി കപ്പക്കാട് പാടംബണ്ടിൽ മോട്ടോർ ഷെഡിനു സമീപം പുരുഷന്‍റേതായ മൃതദേഹം കണ്ടെത്തി. ഏകദേശം 50 വയസിനു താഴെ പ്രായം തോന്നിക്കുന്ന ജീർണാവസ്ഥയിലായ മൃതദേഹത്തിന് ദിവസങ്ങളുടെ പഴക്കമുണ്ട്. ഫയർഫോഴ്സ് എത്തി മൃതദേഹം പുറത്തെടുത്തു. ചേർപ്പ് പോലീസ് മേൽനടപടികൾ സ്വീകരിച്ചു.

ചാലക്കുടി നഗരസഭ എൻജിനീയറിംഗ് ഓഫീസിനു മുന്നിൽ കൗൺസിലർ വത്സൻ ചമ്പക്കര സത്യഗ്രഹസമരം നടത്തി

പോട്ട: മൂന്നാം വാർഡിൽ പോട്ട പറകൊട്ടിക്കൽ ക്ഷേത്രം റോഡിലെ അഴുക്കുചാൽ നിർമാണം തടസപ്പെട്ടതിൽ പ്രതിഷേധിച്ച് കൗൺസിലർ വത്സൻ ചന്പക്കര സത്യഗ്രഹ സമരം നടത്തി. വീടുകളുടെ മതിലുകളോടുചേർന്ന് കുഴിയെടുത്തതിനെത്തുടർന്ന് രണ്ടുമതിലുകൾ തകർന്നുവീണിരുന്നു. കൂടുതൽ മതിലുകൾ വീഴാതിരിക്കുന്നതിനായി കരാറുകാരൻ സൈഡ് കോൺക്രീറ്റ് വർക്കുകൾ പെട്ടെന്നുതന്നെ പൂർത്തിയാക്കി. മുൻ മുനിസിപ്പൽ അസി. എൻജിനീയർ മുനിസിപ്പൽ ഓഫീസിനു മുന്നിൽ സമരംനടത്തിയ ദിവസം നടന്ന അഴുക്കുചാലിന്‍റെ സൈഡ് കോൺക്രീറ്റിന്‍റെ അളവുകൾ പ്രൈസിൽ അപ്‌ലോഡ് ചെയ്തില്ല. തുടർന്ന് കരാറുകാരൻ പണികൾ നിർത്തിവയ്ക്കുകയായിരുന്നു. ഇരുപതോളം വീടുകൾക്കുമുന്നിലായി ചാല് കീറിയതിനെത്തുടർന്ന് ആളുകൾക്ക് വീടിനു പുറത്തുകടക്കാൻ പറ്റാത്ത സാഹചര്യമായിരുന്നു. ഇതേത്തു ടർന്നാണ് വാർഡ് കൗൺസിലർ വത്സൻ ചമ്പക്കര എൻജിനീയറിംഗ് വിഭാഗത്തിനുമുന്നിൽ സമരം ആരംഭിച്ചത്. ഇതേത്തുടർന്ന് നിരവധി നാട്ടുകാരും നഗരസഭയിലെത്തി മുനിസിപ്പൽ ചെയർമാനുമായി ചർച്ച നടത്തി. ചെയർമാൻ ഇടപെട്ടതിനെത്തുടർന്ന് മുൻ അസി. എൻ ജിനീയർ അളവുകൾ കയറ്റാത്ത‌ പക്ഷം പ്രസ്തുത 100 മീറ്റർ കോർകട്ട് ചെയ്ത് സാമ്പിൾ പരിശോധിച്ച് വാല്യൂവേഷൻ ചെയ്ത് പ്രസ്തുത അളവ് ബില്ലിൽ കയറ്റാമെന്ന് മുനിസിപ്പൽ എൻജിനീയർ രേഖാമൂലം കരാറുകാരനു കത്ത് കൊടുക്കാമെന്ന് സമ്മതിച്ചു. കത്ത് ലഭിച്ചതിനെ തുടർന്ന് കരാറുകാരൻ പണികൾ ഉടൻ പുനരാരംഭിക്കും. തുടർന്ന് വത്സൻ ചമ്പക്കര സത്യഗ്രഹസമരം അവസാനിപ്പിച്ചു.

കേരളത്തെ ഭിന്നശേഷിസൗഹൃദ സംസ്ഥാനമാക്കി മാറ്റുകയാണു ലക്ഷ്യം: മന്ത്രി ഡോ. ആര്‍. ബിന്ദു

ഇരിങ്ങാലക്കുട: ഭിന്നശേഷി സൗഹൃദ സംസ്ഥാനമാക്കി കേരളത്തെ മാറ്റുക എന്ന ലക്ഷ്യത്തോടെ നിരവധി പ്രവര്‍ത്തനങ്ങളാണ് സര്‍ക്കാര്‍ നടത്തുന്നതെന്ന് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു. ഇരിങ്ങാലക്കുട മണ്ഡലത്തിലെ ഭിന്നശേഷി വിഭാഗത്തില്‍പ്പെട്ടവര്‍ക്ക് ഏകീകൃത തിരിച്ചറിയല്‍ കാര്‍ഡ് നല്‍കുന്നതിനുള്ള മെഡിക്കല്‍ ബോര്‍ഡ് ക്യാമ്പ് ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. സംസ്ഥാനത്തെ മുഴുവന്‍ ഭിന്നശേഷിക്കാര്‍ക്കും സമ്പൂര്‍ണ തിരിച്ചറിയല്‍ കാര്‍ഡ് നല്‍കാനാണു സാമൂഹ്യനീതി വകുപ്പിന്‍റെയും കേരള സാമൂഹ്യ സുരക്ഷാ‌മിഷന്‍റെയും നേതൃത്വത്തില്‍ ഇത്തരം ക്യാമ്പുകള്‍ സംഘടിപ്പിക്കുന്നതെന്ന് മന്ത്രി ഡോ. ആര്‍. ബിന്ദു പറഞ്ഞു. ഭിന്നശേഷി വിഭാഗത്തില്‍പ്പെട്ട എല്ലാവര്‍ക്കും ഏകീകൃത തിരിച്ചറിയല്‍ കാര്‍ഡ് ലഭ്യമാക്കുന്ന ആദ്യത്തെ മണ്ഡലമായി മാറാനുള്ള തയാറെടുപ്പിലാണ് ഇരിങ്ങാലക്കുട മണ്ഡലം. മണ്ഡലത്തിലെ ഏഴാമത്തെ ക്യാമ്പാണ് ഇതെന്നും മന്ത്രി പറഞ്ഞു. ഡോക്ടര്‍മാരുടെ സേവനം ഒറ്റക്കുടക്കീഴില്‍ ലഭ്യമാകുന്നത് ഭിന്നശേഷി വിഭാഗക്കാര്‍ക്കു സഹായകരമാകുമെന്നും മന്ത്രി പറഞ്ഞു. സാമൂഹിക അവബോധത്തിനും ഭൗതിക പശ്ചാത്തലത്തിലും മാറ്റങ്ങള്‍ സൃഷ്ടിച്ചുകൊണ്ട് കേരളത്തിലെ ഭിന്നശേഷിക്കാര്‍ക്ക് ഒന്നാമത്തെ പരിഗണന നല്‍കുന്നതിന് സാമൂഹ്യനീതി വകുപ്പ് നിരവധി പ്രവര്‍ത്തനങ്ങള്‍ നടത്തിവരുന്നുണ്ടെന്നും മന്ത്രി കൂട്ടിച്ചേര്‍ത്തു. ഇരിങ്ങാലക്കുട പുല്ലൂര്‍ സെന്‍റ് സേവ്യേഴ്‌സ് ഐടിഐയില്‍ നടന്ന പരിപാടിയില്‍ മുരിയാട് പഞ്ചായത്ത് പ്രസിഡന്‍റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ്് ലളിത ബാലന്‍ വിശിഷ്ടാതിഥിയായി. കേരള സാമൂഹ്യ സുരക്ഷാ മിഷന്‍ റീജ്യണല്‍ ഡയറക്ടര്‍ ഡോ. പി.സി. സൗമ്യ, ജില്ലാ സാമൂഹ്യനീതി ഓഫീസര്‍ കെ.ആര്‍. പ്രദീപന്‍, കേരള സാമൂഹ്യ സുരക്ഷാ മിഷന്‍ ജില്ലാ കോ-ഒാര്‍ഡിനേറ്റര്‍ കെ.പി. സജീവ്, മുരിയാട് പഞ്ചായത്ത് മെമ്പര്‍ എ.പി. സേവ്യര്‍, ജനപ്രതിനിധികള്‍ തുടങ്ങിയവര്‍ പങ്കെടുത്തു. ഉദ്ഘാടനത്തിനുശേഷം വിവിധ വകുപ്പ് ഡോക്ടമാരുടെ നേതൃത്വത്തില്‍ ക്യാമ്പ് നടത്തി.

കൊരട്ടിയിൽ റീറ്റെയിനിംഗ് വാളിന്‍റെ പണിതുടങ്ങി

കൊരട്ടി: മുരിങ്ങൂരിലും ചിറങ്ങരയിലും അടിപ്പാത നിർമാണം നടക്കുന്നതിന്‍റെ ഭാഗമായി കൊരട്ടിയിൽ മൂന്നു സ്പാനുകളിലായുള്ള നിർദിഷ്ട പാലത്തിന്‍റെ റീറ്റെയിനിംഗ് വാൾ നിർമാണത്തിനായി കൊരട്ടി പോലീസ് സ്റ്റേഷനുസമീപം ഇന്നലെ കുഴിയെടുത്തു. അങ്കമാലി ദിശയിലുള്ള പ്രധാനപാതയ്ക്കും സർവീസ് റോഡിനും ഇടക്കുള്ള ഭാഗത്താണ് കുഴിയെടുക്കൽ തുടങ്ങിയിരിക്കുന്നത്. അഞ്ചര കിലോമീറ്റർ ദൂരത്തിനുള്ളിൽ മുരിങ്ങൂരിലും ചിറങ്ങരയിലും കൊരട്ടിയിലും ഒരേ‌സമയം പണി നടന്നാൽ ഗതാഗതക്കുരുക്ക് നിയന്ത്രണാതീതമാകുമെന്ന പൊതുധാരണയുടെ അടിസ്ഥാനത്തിൽ കൊരട്ടിയിലെ നിർമാണം വൈകിക്കുകയായിരുന്നു. മുരിങ്ങൂരിലെയും ചിറങ്ങരയിലെയും അടിപ്പാത നിർമാണവും അപ്രോച്ച് റോഡും അനുബന്ധ നിർമാണങ്ങളും ആവശ്യത്തിനു തൊഴിലാളികളില്ലാതെ മന്ദഗതിയിൽ നടക്കുന്നതിനിടെ കൊരട്ടിയിൽ പണി ആരംഭിക്കാനുള്ള നീക്കത്തിനെതിരെ പ്രതിഷേധം ശക്തമാവുകയാണ്. റീറ്റെയിൻ വാളിനായി കുഴിയെടുത്തതറിഞ്ഞ് കൊരട്ടി ഗ്രാമപഞ്ചായത്ത് പ്രസിഡന്‍റ് പി.സി. ബിജു, മർച്ചന്‍റ്സ് അസോസിയേഷൻ പ്രസിഡന്‍റ് ബെന്നി ജോസഫ്, സേവ് കൊരട്ടി ചെയർമാൻ എൻ.ഐ. തോമസ് എന്നിവരും പ്രദേശവാസികളും പ്രതിഷേധവുമായി രംഗത്തെത്തി. കൊരട്ടിയിൽ നിർമാണം ആരംഭിക്കുന്നതിനുമുമ്പ് നിർമാണത്തിന്‍റെ വർക്ക് ഷെഡ്യൂൾ ഗ്രാമപഞ്ചായത്ത് പ്രസിഡന്‍റിനെയും കൊരട്ടി സി‌ഐയെയും അറിയിക്കാമെന്ന് നാഷണൽ ഹൈവേ അഥോറിറ്റി പ്രോജക്ട് ഡയറക്ടർ പഞ്ചായത്ത് കാര്യാലയത്തിൽ രണ്ടു മാസംമുമ്പ് ചേർന്ന യോഗത്തിൽ നൽകിയ ഉറപ്പിന്‍റെ ലംഘനമാണ് ഇന്നലെ നടന്നതെന്ന് ഗ്രാമപഞ്ചായത്ത് പ്രസിഡന്‍റ്് അടക്കമുള്ളവർ ചൂണ്ടിക്കാണിക്കുന്നു. റീറ്റെയിൻ വാൾ നിർമിക്കുന്നതിന് കേവലം ജെ‌സിബി ഓപ്പറേറ്ററും ഒരു തൊഴിലാളിയും മാത്രമാണ് സ്ഥലത്തുണ്ടായിരുന്നതെന്നും സൂപ്പർവൈസർമാരോ‌ എൻജിനീയറിംഗ് വിഭാ‌ഗത്തിലുള്ളവരോ സ്ഥലത്തുണ്ടായിരുന്നില്ലെന്നും നാട്ടുകാർ ആരോപിച്ചു. വിഷയം ജില്ലാ കളക്ടറുടെയും പ്രോജക്ട് ഡയറക്ടറുടെയും കൊരട്ടി സിഐയുടെയും ശ്രദ്ധയിൽപ്പെടുത്തിയതായും ബദൽ സംവിധാനങ്ങളും ജനങ്ങളുടെ സുഗമമായ സഞ്ചാരവും ഉറപ്പുവരു ത്താതെ കൊരട്ടിയിലെ നിർമാണം അനുവദിക്കാനാകില്ലെന്ന നിലപാടിലാണ് സംഘടനാ പ്രതിനിധികളും പ്രദേശവാസികളും. എൻഎച്ച് എ എയും നിർമാണ കമ്പനിയും നൽകുന്ന ഉറപ്പുകൾ പ്രാവർത്തികമാക്കാറില്ലെന്നും നിർമാണംനിർത്തി യോഗം വിളിച്ചുചേർത്ത് കൂടിയാലോചനകളിലൂടെ ദേശീയപാത വികസനം നടപ്പിലാക്കണമെന്നാണ് നാട്ടുകാരുടെ നിലപാട്. കൊരട്ടിയിൽ പാലം അവസാനിക്കുന്ന ഭാഗത്തുമാത്രമേ ഇപ്പോൾ റീറ്റെയിൻ വാൾ നിർമിക്കൂവെന്നും പാലത്തിന്‍റെ സ്‌ട്രക് ച്ചർ അടക്കമുള്ളവ പിന്നീടേ നിർമിക്കുവെന്നുമാണ് എൻഎച്ച് എഐ അധികൃതർ നൽകുന്ന വിശദീകരണം. എന്നാൽ ബദൽ സംവിധാനമൊരുക്കാതെ പ്രധാനപാതയ് ക്കും സർവീസ് റോഡിനും ഇടയിൽ കുഴിയെടുത്താൽ ഗതാഗതക്കുരുക്ക് കൂടുതൽ രൂക്ഷമാകുമെന്നും നിർമാണപ്രവൃത്തികൾ താത്കാലികമായി നിർത്തിവച്ച് മുന്നൊരുക്കം കാര്യക്ഷമമാക്കണമെന്നുമാണ് നാട്ടുകാരുടെ പക്ഷം.

ദേവാലയങ്ങളിൽ തിരുനാൾ

തേശേരി സെന്‍റ് മേരീസ് കൊടകര: തേശേരി സെന്‍റ് മേരീസ് ദേവാലയത്തിലെ പരിശുദ്ധ സ്വര്‍ഗാരോപിത മാതാവിന്‍റെ തിരുനാളിനു കൊടിയേറി. ചാലക്കുടി ഫൊറോന വികാരി ഫാ. വര്‍ഗീസ് പാത്താടന്‍ കൊടിയേറ്റം നിര്‍വഹിച്ചു. തിരുനാളിന്‍റെ ഭാഗമായുള്ള നവനാള്‍ തിരുക്കര്‍മങ്ങള്‍ 14 വരെ നടക്കും. 15ന് നടക്കുന്ന തിരുനാള്‍ പാട്ടുകുര്‍ബാനയ്ക്ക് ഫാ. ബിനോയ് പൊ‌ഴോലിപ്പറമ്പില്‍ കാര്‍മികത്വം വഹിക്കും. ഫാ. ഡിറ്റോ കൂള സന്ദേശം നല്‍കും. നേര്‍ച്ച ഊട്ടും ഉണ്ടാകും. തിരുനാളാഘോഷത്തിന്‍റെ നടത്തിപ്പിനായി വികാരി ഫാ. ജെയ് ന്‍ കടവില്‍, ജനറല്‍ കണ്‍വീനര്‍ ജോയ് കള്ളിയത്തുപറമ്പില്‍, കൈക്കാരന്മാരായ ഷിബു കള്ളിയത്തുപറമ്പില്‍, ആന്‍റണി വേലിക്കകം, ജോയിന്‍റ്് കണ്‍വീനര്‍ ബൈജു കള്ളിയത്തുപറമ്പില്‍ എന്നിവരുടെ നേതൃത്വത്തില്‍ വിവിധ കമ്മിറ്റികള്‍ പ്രവര്‍ത്തിച്ചുവരുന്നു. പുളിങ്കര സെന്‍റ് മേരീസ് പുളിങ്കര: സെന്‍റ് മേരീസ് ദേവാലയത്തിൽ 15 ന് നടക്കുന്ന പരിശുദ്ധ സ്വർഗാരോപിത മാതാവിന്‍റെ ഊട്ടുതിരുനാളിന് ഫാ. ബെന്നി ചെറുവത്തൂർ കൊടിയേറ്റി. തുടർന്ന് ദിവ്യബലിയും നൊവേനയും നടന്നു. ഫാ. ജിജി കുന്നേൽ സഹകാർമികനായിരുന്നു.

പെട്രോൾപമ്പിൽ ബസ് കത്തിനശിച്ചു

മാള: പെട്രോൾപമ്പിൽ നിർത്തിയിട്ടിരുന്ന ബസ് കത്തിനശിച്ചു. പുത്തൻചിറ മങ്കിടി ജംഗ്ഷനിലുള്ള പെട്രോൾ പമ്പിൽ ഇന്നലെ പുലർച്ചെയായിരുന്നു സംഭവം. തീ സമീപത്തുണ്ടായിരുന്ന മറ്റു ബസുകളിലേക്കും പെട്രോൾ പമ്പിലേക്കും പടരാതിരുന്നതു വൻ ദുരന്തം ഒഴിവാക്കി. മങ്കിടിയിലെ പിസികെ പെട്രോളിയം എന്ന പേരിലുള്ള പമ്പിനോടുചേർന്നാണ് ആറു സ്വകാര്യ ബസുകൾ പാർക്ക് ചെയ്തിരുന്നത്. ചാലക്കുടി - കൊടുങ്ങല്ലൂർ റൂട്ടിലോടുന്ന സുഹൈൽ എന്ന സ്വകാര്യ ബസിലാണ് തീപടർന്നതും പൂർണമായി കത്തിനശിച്ചത്. സമീപത്തുണ്ടായിരുന്ന രണ്ടുബസുകൾക്ക് കേടുപാടുകൾ സംഭവിച്ചു. തീപിടിച്ച ബസ് പൂർണമായും കത്തി നശിച്ചു. ഓഫീസിനോടുചേർന്നുള്ള മുറിക്കും തീപിടിച്ച് നാശനഷ്ടം ഉണ്ടായിട്ടുണ്ട്. സംഭവസമയത്ത് ഇതുവഴി കടന്നുപോയ ഇരുചക്ര വാഹന യാത്രക്കാരനാണ് സംഭവം കണ്ടത്. ഇയാൾ ഫയർഫോഴ്സിനെയും പോലീസിനെയും വിവരമറിയിക്കുകയായിരുന്നു. മാളയിൽ നിന്നെത്തിയ ഫയർഫോഴ്സ് സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി. തീപിടിത്തത്തിന്‍റെ കാരണം വ്യക്തമല്ല. മാള പോലീസും ഫോറൻസിക് വിദഗ്ധരും സംഭവസ്ഥലത്തെത്തി നടപടികൾ സ്വീകരിച്ചുവരുന്നു.

ഇരിങ്ങാലക്കുട കെഎസ്ആര്‍ടിസിയെ സംരക്ഷിക്കാന്‍ ഒറ്റക്കെട്ടായി മുന്നേറുമെന്നു നാട്ടുകാര്‍

ഇരിങ്ങാലക്കുട: അടച്ചു‌പൂട്ടല്‍ ഭീഷണിനേരിടുന്ന ഇരിങ്ങാലക്കുട കെഎസ്ആര്‍ടിസി ഡിപ്പോയെ കൈ‌പിടിച്ചുയര്‍ത്താന്‍ ഒറ്റക്കെട്ടായി മുന്നേറുമെന്ന തീരുമാനവുമായി നാട്ടുകാര്‍. കെഎസ്ആര്‍ടിസി സംരക്ഷണ‌സമിതിയുടെ നേതൃത്വത്തില്‍ നാട്ടുകാരെ പങ്കെടുപ്പിച്ച് സംഘടിപ്പിച്ച വിപുലമായ യോഗത്തിലാണ് സമരാഹ്വാനവുമായി നാട്ടുകാര്‍ ഒറ്റക്കെട്ടായി മുന്നോട്ടുവന്നത്. ഇരിങ്ങാലക്കുടയുടെ പടിഞ്ഞാറന്‍ മേഖലയില്‍പ്പെട്ട പന്ത്രണ്ടോളം റെസിഡന്‍റ്സ് അസോസിയേഷനുകളിലെ അംഗങ്ങള്‍ യോഗത്തില്‍ പങ്കെടുത്തു. കെഎസ്ആര്‍ടിസി സംരക്ഷണ‌സമിതി ചെയര്‍മാന്‍ രാജീവ് മുല്ലപ്പിള്ളി അധ്യക്ഷത വഹിച്ചു. മുന്‍ ഗവ. ചീഫ് വിപ്പ് അഡ്വ. തോമസ് ഉണ്ണിയാടന്‍ ഉദ്ഘാടനം ചെയ്തു. വളര്‍ച്ചയുടെ വിവിധ ഘട്ടങ്ങള്‍ താണ്ടിയ ഇരിങ്ങാലക്കുട കെഎസ്ആര്‍ടിസി വളര്‍ച്ചയിലേക്കു‌പോകാതെ വീണ്ടും തകര്‍ച്ചയിലേക്കു പോകുന്നതിനെതിരെ നാട്ടുകാര്‍ ജാഗ്രതാപൂര്‍വം ഇടപെട്ടില്ലെങ്കില്‍ പടിഞ്ഞാറന്‍ മേഖലയുടെ വികസനം നഷ്ടപ്പെടുമെന്നും സാധാരണക്കാരുടെ യാത്രാസൗകര്യം ഇല്ലാതാകുമെന്നും അദ്ദേഹം ജനങ്ങളെ ഓര്‍മിപ്പിച്ചു. അഡ്വ. കെ.ജി. അജയ്കുമാര്‍, ടി. അപ്പുക്കുട്ടന്‍‌നായര്‍, നഗരസഭ കൗണ്‍സിലര്‍മാരായ ടി.വി. ചാര്‍ളി, കെ.എം. സന്തോഷ്, അഡ്വ. കെ.ജി. അജയ്കുമാര്‍, ഭാരതീയ വിദ്യാഭവന്‍ ചെയര്‍മാന്‍ ടി. അപ്പുക്കുട്ടന്‍ നായര്‍, ജിനന്‍ പണിക്കശേരി, ഹേമചന്ദ്രന്‍, ലേഖ പാലയ്ക്കല്‍, ബിജോയ് നെല്ലിപ്പറമ്പില്‍, രഘു, സമിതി ജനറല്‍ കണ്‍വീനര്‍ എം.കെ. സേതുമാധവന്‍, എ.സി. സുരേഷ് എന്നിവര്‍ പ്രസംഗിച്ചു. സെന്‍റിന് കേവലം 400 രൂപ നിരക്കില്‍ തളിയക്കാട്ടില്‍ മുകുന്ദന്‍ മേനോന്‍റെ ഭാര്യയായ ഭവാനി അമ്മ കെഎസ്ആര്‍ടിസിക്ക് വിട്ടു‌കൊടുത്ത രണ്ടര ഏക്കര്‍ സ്ഥലം നശിപ്പിച്ചുകളയാന്‍ യാതൊരു കാരണവശാലും അനുവദിക്കില്ലെന്നും എന്തുവിലകൊടുത്തും കെഎസ്ആര്‍ടിസിയെ രക്ഷിക്കാന്‍ താന്‍ മുന്നില്‍ത്തന്നെ ഉണ്ടാകുമെന്നും ഭവാനി അമ്മയുടെ മകന്‍ ഹരികുമാര്‍ തളിയക്കാട്ടില്‍ പ്രഖ്യാപിച്ചതു ഹര്‍ഷാരവത്തോടെയാണു നാട്ടുകാര്‍ സ്വീകരിച്ചത്.

അധ്യാപകദ്രോഹനടപടികൾ അവസാനിപ്പിക്കണം

ചാലക്കുടി: ആയിരക്കണക്കിന് അധ്യാപകരുടെ നിയമനങ്ങൾ വർഷങ്ങളായി വിദ്യാഭ്യാസ വകുപ്പിലെ ഉദ്യോഗസ്ഥന്മാർ പാസാക്കുന്നില്ല. ഉപജില്ല - വിദ്യാഭ്യാസ ജില്ല ഓഫീസുകളിൽ ചില ഉദ്യോഗസ്ഥരുടെ ഭാഗത്തുനിന്ന് തുടർച്ചയായി അധ്യാപക ദ്രോഹ‌നടപടികൾ ഉണ്ടാ കുന്നു. അത്തരം ഉദ്യോഗസ്ഥർക്കെതിരെ ശക്തമായ നടപടികൾ സ്വീകരിക്കണമെന്നും കെ പിഎസ്ടിഎ ഉപജില്ല നേതൃയോഗം ആവശ്യപ്പെട്ടു. 23 ന് നടക്കുന്ന ഉപജില്ല ക്യാന്പ് സംഘാടകസമിതി രൂപീകരണയോഗം മുനിസിപ്പൽ ചെയർപേഴ്സൺ ഷിബു വാലപ്പൻ ഉദ്ഘാടനം ചെയ്തു. കെപിഎസ്‌ടിഎ സബ് ജില്ല പ്രസിഡന്‍റ്് കെ.എം. റാഫി അധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡന്‍റ് വി.ഒ. പൈലപ്പൻ മുഖ്യപ്രഭാഷണം നടത്തി. കെപിഎസ്ടിഎ സംസ്ഥാന വൈസ് പ്രസിഡന്‍റ്് സാജു ജോർജ്, അഡ്വ. സി.ജി. ബാലചന്ദ്രൻ, ഒ. എസ്. ചന്ദ്രൻ, ജോണി പുല്ലൻ, പ്രവീൺ എം. കുമാർ, പി.പി. ടെസി, മേരി ഷിബി, പി.യു. രാഹുൽ, പി.എക്സ്. മോളി, തോമാച്ചൻ വാറുണ്ണി, പി.വി. ജിസ എന്നിവർ പ്രസംഗിച്ചു.

ചിറയ്ക്കൽ പാലം തുറന്നുകൊടുത്തു

തൃപ്രയാർ: ചാഴൂർ പഞ്ചായത്തിലെ ചിറയ്ക്കൽ പാലം ഗതാഗതത്തിനായി തുറന്നുകൊടുത്തു. രാവിലെ വൻജനാവലിയുടെ സാന്നിധ്യത്തിൽ സി.സി. മുകുന്ദൻ എംഎൽഎയാണ് റോഡ് തുറന്നത്. ശോചനീയാവസ്ഥയിലായിരുന്ന പാലം 90 ദിവസം മുഴുവനായി അടച്ചിട്ടാണ് നിർമിച്ചത്. 5.30 കോടി രൂപയാണ് ആകെ നിർമാണച്ചെലവ്. ജനങ്ങളുടെ അഭ്യർഥന മാനിച്ചാണ് നിർമാണം പൂർത്തിയായയുടനെ പാലം തുറന്നതെന്നും പാലത്തിനുമുകളിൽ കോൺക്രീറ്റ്, ടൈലിംഗ് തുടങ്ങിയ പ്രവൃത്തികൾ വേഗംതന്നെ പൂർത്തീകരിക്കുമെന്നും എംഎൽഎ പറഞ്ഞു. മൂന്നുമാസത്തിനുള്ളിൽ പാലംപണി പൂർത്തികരിച്ച് തുറന്നുകൊടുത്തത് ചരിത്രപരമാണെന്നും സി.സി. മുകുന്ദൻ എംഎൽഎ പറഞ്ഞു. ചാഴൂർ ഗ്രാമപഞ്ചായത്ത് പ്രസിഡന്‍റ് കെ.എസ്. മോഹൻദാസ്, ത്രിതല പഞ്ചായത്ത് അംഗങ്ങൾ, ബസ് ഉടമ പ്രതിനിധികൾ തുടങ്ങി നിരവധിപേർ പങ്കെടുത്തു.

ഫിറ്റ്നസ് നഷ്ടമായ സ്കൂൾ കെട്ടിടങ്ങൾ പൊളിക്കാൻ നിർദേശം

പുതുക്കാട്: അളഗപ്പനഗർ എഎൽപി സ് കൂൾ, മറ്റത്തൂർ ഗവ. എൽപി സ്കൂൾ എന്നിവിടങ്ങളിലെ ഫിറ്റ്നസ് നഷ്ടമായ കെട്ടിടങ്ങൾ ഉടൻ പൊളിച്ചുമാറ്റണമെന്ന് കെ.കെ. രാമചന്ദ്രൻ എംഎൽഎ പറഞ്ഞു. എംഎൽഎ വിളിച്ചുചേർത്ത പുതുക്കാട് മണ്ഡലം വിദ്യാലയസുരക്ഷാ അവലോകനയോഗത്തിലായിരുന്നു നിർദേശം. അളഗപ്പനഗർ എഎൽപി സ്കൂളിനും മറ്റത്തൂർ ജിഎൽപി സ്കൂളിനും പുതിയ കെട്ടിടത്തിന് മണ്ഡലം ആസ്തിവികസന ഫണ്ടിൽനിന്നു തുക അനുവദിക്കുമെന്നും എംഎൽഎ പറഞ്ഞു. യോഗം എംഎൽഎ ഉദ്ഘാടനംചെയ്തു. ബ്ലോക്ക് പഞ്ചായത്ത് പ്രസിഡന്‍റ് കെ.എം. ചന്ദ്രൻ അധ്യക്ഷതവഹിച്ചു. വരന്തരപ്പിള്ളി ഗ്രാമപഞ്ചായത്ത് പ്രസിഡന്‍റ് കലാപ്രിയ സുരേഷ്, കൊടകര ബ്ലോക്ക് പഞ്ചായത്ത് മെമ്പർ ഇ.കെ. സദാശിവൻ, സജിത രാജീവ്, മിനി ഡെന്നി, സതിസുധീർ, ചാലക്കുടി എഇഒ പി.ബി. നിഷ, ചേർപ്പ് എഇഒ എം.വി. സുനിൽകുമാർ, ബിആർസി കോ-ഓർഡിനേറ്റർ ടി.ആർ. അനൂപ്, വിവിധ വകുപ്പ് ഉദ്യോഗസ്ഥർ യോഗത്തിൽ പങ്കെടുത്തു. സ്കൂളുകളിൽ അപകടകരമായി നിൽക്കുന്ന മരങ്ങൾ മുറിച്ചു മാറ്റുന്നതിന് ഗ്രാമപഞ്ചായത്തുകൾ, ദുരന്തനിവാരണവകുപ്പ്, സോഷ്യൽ ഫോറസ്ട്രി ഉൾപ്പടെയുള്ളവർ ഉൾക്കൊള്ളുന്ന ട്രീ കമ്മിറ്റി ഉടൻചേർന്ന് ആവശ്യമായ നടപടികൾ സ്വീകരിക്കണമെന്നും യോഗത്തിൽ നിർദേശമുണ്ടായി. അപകടകരമായ വൈദ്യുതി ലൈനുകൾ, പോസ്റ്റുകൾ ഇവ മാറ്റുന്നതിന് പരിശോധനാനടപടികൾ നടക്കുന്നതായും വിദ്യാലയങ്ങളോടുചേർന്ന ലൈനുകൾ കേബിളുകളാക്കി മാറ്റുന്നതിനുള്ള നടപടി സ്വീകരിച്ചുവരുന്നതായും കെഎസ് ഇബി ഉദ്യോഗസ്ഥർ യോഗത്തിൽ അറിയിച്ചു.

നഷ്ടപരിഹാരവും ചികിത്സാച്ചെലവും സർക്കാർ വഹിക്കണമെന്നു ബിജെപി

വടക്കാഞ്ചേരി: വരവൂർ ഗവ. ഹയർസെക്കൻഡറി സ്കൂളിൽവച്ച് ഷോക്കേറ്റ് ചികിത്സയിൽകഴിയുന്ന പതിമൂന്നുകാരന്‍റെ ചികിത്സാച്ചെലവും രണ്ടുലക്ഷം രൂപ നഷ്ടപരിഹാരവും സർക്കാർ വഹിക്കണമെന്ന് ബിജെപി തൃശുർ നോർത്ത് ജില്ലാ കമ്മറ്റി പത്രസമ്മേളനത്തിൽപറഞ്ഞു. കഴിഞ്ഞ വ്യാഴാഴ്ചയുണ്ടായ സംഭവത്തിൽ സിഡബ്ല്യുസി, പോലീസ്, ജില്ലാ വിദ്യാഭ്യാസ ഓഫീസർ, പൊതുമരാമത്ത് വകുപ്പ്, ജില്ലാപഞ്ചായത്ത്, ജില്ലാ കളക്ടർ, വിദ്യാഭ്യാസവകുപ്പ് എന്നിവർക്കു പരാതികൾ നൽകിയിട്ടും നാളിതുവരെ ഒരു നടപടിയും ഉണ്ടായില്ലെന്നും ബിജെപി ഭാരവാഹികൾ പറഞ്ഞു. സംഭവത്തിൽ പിടി എ പ്രസിഡന്‍റും വാർഡ്മെമ്പറും സ്കൂളിലെ പ്രധാനാധ്യാപികയും ഒത്തുകളിക്കുകയാണ്. സ്കൂളിൽ പുതുതായി നിർമിച്ച കെട്ടിടങ്ങളിലെ വൈദ്യുതീകരണം തകരാറിലാണ്. ബിജെപി നൽകിയ പരാതിയിൽ കെഎസ്ഇബി അന്വേഷണം നടത്തിയെങ്കിലും റിപ്പോർട്ട് പുറത്തുവിട്ടിട്ടില്ല. സ്കൂളിന്‍റെ നൂറാംവാർഷികത്തിന് നാട്ടുകാരിൽനിന്നു ലക്ഷങ്ങൾ പിരിച്ചെടുത്തിട്ടും നാളിതുവരെ കണക്ക് അവതരിപ്പിക്കാത്തതിൽ നാട്ടുകാരിലും പ്രതിഷേധം ശക്തമാണ്. പത്രസമ്മേളനത്തിൽ ബിജെപി തൃശൂർ നോർത്ത് ജില്ലാ ജനറൽസെക്രട്ടറി വിപിൻ കൂടിയേടത്ത്, ജില്ലാ സെക്രട്ടറി നിത്യസാഗർ, ചെറുതുരുത്തി മണ്ഡലം പ്രസിഡന്‍റ് എം.എ. രാജു, ബിജെപി വരവൂർ പഞ്ചായത്ത് പ്രസിഡന്‍റ് കെ. ബാലകൃഷ്ണൻ തുടങ്ങിയവർ പങ്കെടുത്തു.

ഇൻസ്റ്റഗ്രാം പോസ്റ്റ്: വിദ്യാർഥികൾ ചേരിതിരിഞ്ഞ് ഏറ്റുമുട്ടി

കാഞ്ഞാണി: ഇൻസ്റ്റഗ്രാം ഗ്രൂപ്പിൽ കുറ്റപ്പെടുത്തി പോസ്റ്റിട്ടതുമായി ബന്ധപ്പെട്ട വൈരാഗ്യത്തിൽ വിദ്യാർഥികൾ സ്കൂൾമുറ്റത്ത് ഏറ്റുമുട്ടി. സംഘട്ടനത്തില്‌ കമ്പ്യൂട്ടർ സയൻസ് വിദ്യാർഥിക്ക് ഗുരുതരപരിക്കേറ്റു. കാരമുക്ക് എസ്എൻജിഎസ് സ്കൂളിലെ പ്ലസ്‌ വ‌ൺ വിദ്യാർഥി കാഞ്ഞാണി നീലങ്കാവിൽ ജെയ്സന്‍റെ മകൻ ആൽവിനാണ്(16) പരിക്കേറ്റത്. തലയോട്ടിക്ക് പൊട്ടലും മൂക്കിന്‍റെപാലവും തകർന്നനിലയിൽ ആൽവിനെ തൃശൂരില്‌ സ്വകാര്യാശുപത്രിയിൽ പ്രവേശിപ്പിച്ചു. ചൊവ്വാഴ്ച രാവിലെ ഇടവേള സമയത്തായിരുന്നു സ്കൂളിലെ കമ്പ്യൂട്ടർ സയൻസ് വിഭാഗത്തിലെ ആൺകുട്ടികളും കൊമേഴ് സ് വിഭാഗത്തിലെ ആൺകുട്ടികളും ഏറ്റുമുട്ടിയത്. ഇരുവിഭാഗം കുട്ടികളും ഇൻസ്റ്റഗ്രാം ഗ്രൂപ്പിൽ പോസ്റ്റിട്ട് ചേരിതിരിഞ്ഞ് പോർവിളി പതിവാണ്. കൊമേഴ്സ് വിഭാഗത്തിലെ 22 ഓളം വരുന്ന വിദ്യാർഥികൾ ഇത് ചോദ്യംചെയ്തു. വാക്കേറ്റത്തെ തുടർന്ന് ഇരുക്ലാസിലേയും കുട്ടികൾ കൂട്ടത്തല്ലായി. ഇതുകണ്ട് അധ്യാപകർ പിടിച്ചുമാറ്റാനെത്തി. ആൽവിന്‍റെ ക്ലാസിലെ എല്ലാവരേയുംമാറ്റിപ്പോൾ ആൽവിൻ തനിച്ചായി. ഈ തക്കംനോക്കി ആൽവിനെ മർദിക്കുകയായിരുന്നു. അടികൊണ്ട് നിലത്തുവീണ ആൽവിന്‍റെ തലയ്ക്കും മുഖത്തും നെഞ്ചിലും കൈകൊണ്ട് ഇടിക്കുകയും കാൽകൊണ്ട് ചിവിട്ടുകയുമായിരുന്നു. ആൽവിനെ ആക്രമിച്ച 22 ഓളം വരുന്ന വിദ്യാർഥികൾക്കെതിരേ അന്തിക്കാട് പോലീസ് കേസെടുത്തു.

അമല ആശുപത്രിയിൽ ഇലക്ട്രിക് ബഗ്ഗി സർവീസ് ആരംഭിച്ചു

തൃശൂർ: അമല മെഡിക്കൽ കോളജ് ആശുപത്രിയിൽ വിവിധ വിഭാഗങ്ങളിലേക്കു യാത്ര എളുപ്പമാക്കുന്നതിനായി സൗജന്യ ഇലക്ട്രിക് ബഗ്ഗി സർവീസ് ആരംഭിച്ചു. വയോജനങ്ങൾ, വൈകല്യമുള്ളവർ, ഗർഭിണികൾ, നടക്കാൻ ബുദ്ധിമുട്ടുള്ളവർ എന്നിവർക്കായാണ് സർവീസ് ആരംഭിച്ചത്. സിറ്റി പോലീസ് കമ്മീഷണർ ആർ. ഇളങ്കോ ഫ്ലാഗ് ഓഫ് ചെയ്തു. പൊയ്യ അന്പൂക്കൻ ഫാമിലി ട്രസ്റ്റാണ് ബഗ്ഗി സ്പോണ്‍സർ ചെയ്തിരിക്കുന്നത്. റവ.ഡോ. തോമസ് അന്പൂക്കൻ ആശീർവാദകർമം നിർവഹിച്ചു. ഡയറക്ടർ ഫാ. ജൂലിയസ് അറയ്ക്കൽ, ഡോ. റോബർട്ട് അന്പൂക്കൻ എന്നിവർ പ്രസംഗിച്ചു.

അരിസ്റ്റോ റോഡ് തുറന്നുകൊടുത്ത് പ്രതിപക്ഷം; ഉദ്ഘാടനം പിറകേ..!

തൃശൂർ: അരിസ്റ്റോ റോഡ് ഉദ്ഘാടനം മേയർ എം.കെ. വർഗീസ്, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ വർഗീസ് കണ്ടംകുളത്തി അടക്കം എൽഡിഎഫ് ബഹിഷ്കരിച്ചെങ്കിലും ഡെപ്യൂട്ടി മേയർ എം.എൽ. റോസി നാടമുറിച്ച് റോഡ് വാഹനഗതാഗതത്തിനു തുറന്നുകൊടുത്തു. തീയതിയും സമയവും ഉദ്ഘാടകനെയും തീരുമാനിച്ചശേഷം രാഷ്ട്രീയലക്ഷ്യത്തിനായി തലേന്നാൾ ഉദ്ഘാടനം നീട്ടിയതിൽ പ്രതിപക്ഷ കൗൺസിലർമാരുടെയും നാട്ടുകാരുടെയും പ്രതിഷേധം ഉയർന്നിരുന്നു. 12നു മന്ത്രി ഡോ. ആര്‍. ബിന്ദു നിർവഹിക്കുമെന്നാണു കഴിഞ്ഞ ദിവസം മേയർ അറിയിച്ചിരുന്നത്. എന്നാൽ മുൻകൂട്ടി തീരുമാനിച്ചപ്രകാരം ഇന്നലെത്തന്നെ റോഡ് ഉദ്ഘാടനം നടത്താൻ പ്രതിപക്ഷ നേതാവ് രാജൻ പല്ലന്‍റെ നേതൃത്വത്തിൽ തീരുമാനമെടുക്കുകയായിരുന്നു. വികസനപ്രവർത്തനങ്ങളിൽ രാഷ്ട്രീയം പാടില്ലെന്നും അരിസ്റ്റോ റോഡ് യാഥാർഥ്യമാക്കാൻ ഡിവിഷൻ കൗൺസിലർമാരായ ലീല വർഗീസും സിന്ധു ആന്‍റോ ചാക്കോളയും ആത്മാർഥമായി ശ്രമിച്ചിട്ടുണ്ടെന്നും ഡെപ്യൂട്ടി മേയർ പറഞ്ഞു. കൗൺസിലർ ലീല വർഗീസ് അധ്യക്ഷത വഹിച്ചു. രാജൻ ജെ. പല്ലൻ മുഖ്യാതിഥിയായി. പൗരസമിതി പ്രസിഡന്‍റ് ജോസ് മുണ്ടാടൻ, ആലുക്കാസ് ഗ്രൂപ്പ് ചെയർമാൻ ജോസ് ആലുക്ക, മുൻ കൗൺസിലർ ബൈജു വർഗീസ്, കൗൺസിലർമാരായ സിന്ധു ആന്‍റോ ചാക്കോള, ലാലി ജെയിംസ്, ജയപ്രകാശ് പൂവത്തിങ്കൽ, ശ്യാമള മുരളീധരൻ, ഇ.വി. സുനിൽരാജ്, എബി വർഗീസ്, എൻ.എ. ഗോപകുമാർ, അഡ്വ. വില്ലി ജിജോ, സുനിതാ വിനു, ആൻസി ജേക്കബ്, റെജി ജോയ്, നിമ്മി റപ്പായി, വി.കെ. ചന്ദ്രൻ എന്നിവർ പ്രസംഗിച്ചു.

തകർന്നുവീഴാറായ വീട്ടിൽ ഭയത്തോടെ വയോധികസഹോദരികള്‌

എരുമപ്പെട്ടി: മഴ കനത്തുപെയ്യുമ്പോൾ തകർന്നുവീഴാറായ വീട്ടിൽ ഭയത്തോടെ കഴിയുകയാണ് വയോധികരായ സഹോദരിമാർ. വെള്ളറക്കാട് പാരിക്കുന്നിൽ ചുള്ളിവളപ്പിൽ ഓമനയും കാർത്ത്യായനിയുമാണ് അധികൃതരുടെ അവഗണനയിൽ ദുരിതംപേറി കഴിയുന്നത്. കടങ്ങോട് പഞ്ചായത്തിലെ ഏഴാംവാർഡിലാണ് ഓമന (75) യും കാർത്ത്യായനി(68)യും താമസിക്കുന്നത്. വാർധക്യസഹജമായ അസുഖത്തിൽ ഓമനയ്ക്ക് നടക്കാനും സ്വയംഎഴുന്നേറ്റിരിക്കാനും കഴിയാത്ത അവസ്ഥയാണ്. രണ്ടുപേരും അവിവാഹിതരായതിനാൽ സംരക്ഷിക്കാനും ആരുമില്ല. ഇവർ താമസിക്കുന്ന വീട് കാലപ്പഴക്കത്താൽ തകർന്ന് നിലംപൊത്താറായ സ്ഥിതിയിലാണ്. മണ്ണിഷ്ടികകൊണ്ട് നിർമിച്ച, ഓടുമേഞ്ഞ വീട് പത്തുവർഷമായി വാസയോഗ്യമല്ല. ചുമരുകൾ പല ഭാഗങ്ങളിലും വിണ്ടുപൊട്ടി. മേൽക്കൂരയുടെ ഉത്തരങ്ങളും കഴുക്കോലുകളും പൊട്ടിയനിലയിലാണ്. ഓടുകൾ പൊട്ടിയതിനാൽ ടാർപോളിനുപയോഗിച്ച് മേൽക്കൂര മൂടിയാണ് ചോർച്ചതടയുന്നത്. മുൻ പഞ്ചായത്ത് പ്രസിഡന്‍റും നിലവിലെ സ്റ്റാൻഡിംഗ്കമ്മിറ്റി ചെയർപേഴ്സനുമായ വാർഡ് മെമ്പർ രമണി രാജനോടും ഗ്രാമസഭയിലും നിരന്തരം അഭ്യർഥിക്കുന്നുണ്ടെങ്കിലും വീട് പുനർ നിർമാണത്തിന് പരിഗണിക്കുന്നില്ലെന്ന് ഇവർ പറയുന്നു.മുഖ്യമന്ത്രിയുടെ നവകേരളസദസിലും ഇവർ അപേക്ഷ സമർപ്പിച്ചിരുന്നു. എന്നാൽ താമസയോഗ്യമായ വീടുണ്ടെന്ന റിപ്പോർട്ടിന്‍റെ അടിസ്ഥാനത്തിൽ അപേക്ഷ നിരസിക്കുന്നുവെന്നാണ് പിന്നീട് മറുപടി ലഭിച്ചത്. വീട് കാണാതേയും അവസ്ഥകൾ മനസിലാക്കാതേയുമാണ് ഉദ്യോഗസ്ഥർ റിപ്പോർട്ട് നൽകിയത്. ഒരു ദുരന്തത്തിനായി കാത്തുനിൽക്കാതെ എത്രയുംപെട്ടെന്ന് ഇവർക്ക് വീട് നിർമിച്ചുനൽകാൻ പഞ്ചായത്ത് അധികൃതർ തയാറാകണമെന്ന് നാട്ടുകാര്‌ ആവശ്യപ്പെട്ടു. വയോധികസഹോദരിമാരുടെ ആരോപണം രാഷ്ട്രീയവിരോധം: വാർഡ് മെമ്പർ എരുമപ്പെട്ടി: കടങ്ങോട് പഞ്ചായത്തിലെ പാരിക്കുന്നിൽ താമസിക്കുന്ന വയോധികരായ സഹോദരിമാർക്ക് ലൈഫിൽ വീടുനൽകുന്നതിൽ താൻ അവഗണന കാണിച്ചൂവെന്ന ആരോപണം അടിസ്ഥാനരഹിതവും രാഷ്ട്രീയപ്രേരിതവുമാണെന്ന് വാർഡ് മെമ്പർ രമണി രാജൻ അറിയിച്ചു. ആദ്യതവണ ലൈഫിൽ വീടുനൽകാൻ താൻ മുൻകെെയെടുത്ത് അപേക്ഷനൽകിയെങ്കിലും സ്ഥലം ഇവരുടെ പേരിലായിരുന്നില്ല. തറവാട് വീടായതിനാൽ സഹോദരീസഹോദരൻമാർ ഉൾപ്പടെ സ്ഥലത്തിന് നിരവധി അവകാശികളുണ്ടായിരുന്നു. മൂന്നുസെന്‍റ് സ്ഥലം ഇവരുടെ പേരിലേക്ക് മാറ്റാൻ തയാറായില്ല. അതുകൊണ്ടാണ് ലൈഫിൽ പരിഗണിക്കാതിരുന്നത്. ഇപ്പോൾ സ്ഥലം ഇവരുടെ പേരിലേക്ക് മാറ്റിയതിനാൽ ലൈഫിൽ പരിഗണിക്കാനാവശ്യമായ നടപടികളെടുത്തിട്ടുണ്ട്. നിലവിലെ വീടിന് അറ്റകുറ്റപ്പണിക്കായി ഫണ്ട് അനുവദിച്ചെങ്കിലും ഇവർ നിരസിച്ചു. നവകേരളാസദസിലും വീടിനായി പുതിയ റിപ്പോർട്ട് സമർപ്പിച്ചിട്ടുണ്ട്. 18 വർഷത്തോളമായി ആശ്രയപദ്ധതിയിൽ ഉൾപ്പെടുത്തി ഭക്ഷ്യധാന്യക്കിറ്റുകൾ ഉൾപ്പടെയുള്ള സഹായങ്ങൾ കഴിഞ്ഞമാസംവരെ ചെയ്തിട്ടുണ്ട്. കുടിവെള്ള ടാങ്കും കട്ടിലും നൽകി. ഈ കുടുംബത്തോടൊപ്പം എന്നുംനിൽക്കുന്നതന്നെ രാഷ്ട്രീയവിരോധത്തിൽ അപകീർത്തിപ്പെടുത്താൻ ചിലർ നടത്തിയ ശ്രമമാണ് ഇത്തരം ആരോപണങ്ങൾക്ക് പിന്നിലെന്നും രമണി രാജൻ അറിയിച്ചു.

പോലീസുകാരനെ ആക്രമിച്ച സോഷ്യൽ മീഡിയ ഇൻഫ്ലുവൻസർ അറസ്റ്റിൽ

പുതുക്കാട്: പാലിയേക്കര ടോൾപ്ലാസയ്ക്കുസമീപം പോലീസ് ഉദ്യോഗസ്ഥനെ ആക്രമിച്ച സോഷ്യൽമീഡിയ ഇൻഫ്ലുവൻസർ അറസ്റ്റിൽ. വരന്തരപ്പിള്ളി സ്വദേശി കരിയാട്ട് രേവന്ത് ബാബുവാണ് അറസ്റ്റിലായത്. മിനിയാന്നു രാത്രിയാണ് ഇയാൾ പോലീസ് ഉദ്യോഗസ്ഥനെ ആക്രമിച്ചത്. രാത്രി 12 മണിയോടെ ഇയാൾ ടോൾപ്ലാസയിലെത്തി വാഹനങ്ങൾ കടത്തിവിടുകയും സമീപത്തു പാർക്ക് ചെയ്തിരുന്ന വാഹനങ്ങളുടെ താക്കോൽ ഊരിയെടുക്കുകയും ചെയ്യുകയായിരുന്നു. വിവരമറിഞ്ഞെത്തിയ ഹൈവേ പോലീസ് രേവന്തിനെ തടയാൻ ശ്രമിക്കുന്നതിനിടെ വിഷ്ണു എന്ന പോലീസ് ഉദ്യോഗസ്ഥന്‍റെ നെറ്റിയിൽ മർദിച്ചു പരിക്കേൽപ്പിക്കുകയായിരുന്നു. രേവന്തിനെതിരേ ജാമ്യമില്ലാവകുപ്പുപ്രകാരം പുതുക്കാട് പോലീസ് കേസെടുത്തു. പുതുക്കാട് എസ്ഐ വൈഷ്ണവ്, എഎസ്ഐ ജിജോ, ഹൈവേ പോലീസ് എസ്ഐ ബിജു എന്നിവർ ചേർന്നാണു പ്രതിയെ അറസ്റ്റ് ചെയ്തത്.

പുതിയ സബ്സ്റ്റേഷൻ, പ്രസരണശൃംഖല നിർമാണത്തിനു നാളെ തുടക്കമാകുന്നു

തൃശൂർ: മെട്രോ സിറ്റിയായി മാറുന്ന കോർപറേഷന്‍റെ ചരിത്രത്തിനു പുതിയൊരു പൊൻതൂവൽകൂടി. 135.7 കോടി രൂപ ചെലവിൽ ലാലൂരിൽ 110 കെവി സബ്സ്റ്റേഷനും 110 കെവി പ്രസരണശൃംഖലയും നിർമിക്കാൻ ഒരുങ്ങുന്നു. കേന്ദ്രസർക്കാരിന്‍റെ ആർഡിഎസ്എസ് പദ്ധതിവഴിയാണ് തുക ലഭ്യമാക്കിയിരിക്കുന്നത്. രാജ്യത്തുതന്നെ ഇത്രയും തുക അനുവദിച്ചുകിട്ടിയ ഏക കോർപറേഷനും തൃശൂരാണെന്നു മേയർ എം.കെ. വർഗീസ് പറഞ്ഞു. വിയ്യൂരിൽനിന്നാണ് ഇപ്പോൾ കോർപറേഷൻ വൈദ്യുതി സ്വീകരിക്കുന്നത്. പദ്ധതി പൂർത്തീകരിക്കുന്നതിലൂടെ മറ്റൊരു സ്രോതസും ലഭിക്കും. ഇതിലൂടെ കോർപറേഷൻ പരിധിയിൽ വോൾട്ടേജ് ക്ഷാമം ഒഴിവാക്കാനും മുഴുവൻ സമയം വൈദ്യുതി ലഭ്യമാക്കാനും സാധിക്കും. ഇതിനുപുറമെ ഉപഭോക്താക്കൾക്കു സ്മാർട്ട് മീറ്റർകൂടി ഉറപ്പുവരുത്തുന്നതിലൂടെ ഉപയോഗിച്ച വൈദ്യുതിക്കുമാത്രം തുക നൽകേണ്ടതുള്ളൂവെന്നതും ആശ്വാസമാകും. സംസ്ഥാനത്തുതന്നെ വൈദ്യുതി ഉത്പാദിപ്പിക്കുന്ന ഏക കോർപറേഷനും തൃശൂരാണ്. നാളെ ഉച്ചകഴിഞ്ഞു 2.30 നു മന്ത്രി കെ. കൃഷ്ണൻകുട്ടി സബ് സ്റ്റേഷന്‍റെയും കേന്ദ്രമന്ത്രി സുരേഷ്ഗോപി പ്രസരണ ശൃംഖലയുടെയും ഉദ്ഘാടനം നിർവഹിക്കും. മന്ത്രി ആർ. ബിന്ദു കരാർകൈമാറ്റം നിർവഹിക്കും. പത്രസമ്മേളനത്തിൽ സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ വർഗീസ് കണ്ടംകുളത്തി, സാറാമ്മ റോബ്സണ്‍ എന്നിവരും പങ്കെടുത്തു.

ഓഡിറ്റോറിയത്തിന്‍റെ സീലിംഗ് ഇളകിവീണു

മറ്റത്തൂര്‍: കോടാലി ഗവ. എല്‍പി സ്‌കൂളില്‍ രണ്ടുവര്‍ഷംമുമ്പ് പണി പൂര്‍ത്തീകരിച്ച് ഉദ്ഘാടനം ചെയ്ത ഓഡിറ്റോറിയത്തിനുള്ളിലെ സീലിംഗ് അടര്‍ന്നുവീണു. ഇന്നലെ പുലർച്ചെയായിരുന്നു സംഭവം. രാത്രിയിലായതിനാല്‍ വൻദുരന്തം വഴിമാറി. രണ്ടായിരത്തിലേറെ ചതുരശ്രഅടി വിസ്തൃതിയുളള ഓഡിറ്റോറിയത്തില്‍ ജിപ്‌സം ബോര്‍ഡുകൊണ്ടു നിര്‍മിച്ച സീലിംഗാണ് പൂര്‍ണമായി നിലംപൊത്തിയത്. ജിപ്‌സം ബോര്‍ഡിനൊപ്പം സീലിംഗിലെ ഫാനുകളും വീണു. ഓഡിറ്റോറിയത്തിലുണ്ടായിരുന്ന കസേരകൾ തകര്‍ന്നു. രാത്രിയില്‍ വലിയ ശബ്ദം കേട്ടതായി സ്‌കൂളിനു സമീപത്തു താമസിക്കുന്നവര്‍ പറഞ്ഞു. അധ്യയനദിവസങ്ങളില്‍ ഇതിനുള്ളില്‍ കുട്ടികള്‍ ഉണ്ടാവാറുണ്ട്. മഴയുള്ള സമയങ്ങളില്‍ അസംബ്ലി നടക്കാറുള്ളതും ഇവിടെയാണ്. സ്‌കൂളിലെ ചടങ്ങുകള്‍ക്കുപുറമെ പഞ്ചായത്തുമായി ബന്ധപ്പെട്ട പരിപാടികളും പൊതുപരിപാടികളും നടക്കാറുള്ളതും ഈ ഓഡിറ്റോറിയത്തിലാണ്. 2017-18ലെ പുതുക്കാട് മണ്ഡലം ആസ്തിവികസന ഫണ്ടില്‍നിന്നനുവദിച്ച 54 ലക്ഷം രൂപ വിനിയോഗിച്ചു നിര്‍മിച്ച ഓഡിറ്റോറിയം 2023ലാണ് പണിപൂര്‍ത്തിയാക്കി ഉദ്ഘാടനം നടത്തിയത്. കോസ്റ്റ് ഫോര്‍ഡിനായിരുന്നു നിര്‍മാണച്ചുമതല. ഓഡിറ്റോറിയത്തിന്‍റെ ജിഐ ഷീറ്റുമേഞ്ഞ മേല്‍ക്കൂരയില്‍ നേരത്തെ ചോര്‍ച്ച ഉണ്ടായിരുന്നതായും അന്നത്തെ പിടിഎയും വിദ്യാലയസൗഹൃദസമിതിയും ഇക്കാര്യം ചൂണ്ടിക്കാട്ടിയതിനെതുടര്‍ന്ന് അധികൃതര്‍ ചോര്‍ച്ച പരിഹരിക്കുകയും ചെയ്തിരുന്നതായി പറയുന്നു. ഇപ്പോള്‍ വീണ്ടും ചോര്‍ച്ചയുണ്ടായതാകാം സീലിംഗ് അടര്‍ന്നുവീഴാന്‍ കാരണമായതെന്നാണ് സംശയം. അതേസമയം, നിര്‍മാണത്തിലെ അപാകതയാണ് അപകടത്തിനു കാരണമായെതെന്നും ആരോപണമുയര്‍ന്നിട്ടുണ്ട്. തുടര്‍ച്ചയായി പെയ്ത മഴയെതുടര്‍ന്നാണ് സീലിംഗ് അടര്‍ന്നുവീണതെന്നും സീലിംഗ് വീഴാനിടയായ സാഹചര്യം വിശദമായി പരിശോധിക്കുമെന്നും സ്ഥലത്തെത്തിയ കോസ്റ്റ്‌ഫോര്‍ഡ് ഉദ്യോഗസ്ഥര്‍ പറഞ്ഞു. സംഭവത്തെതുടര്‍ന്ന് വിവിധ വകുപ്പിലെ ഉദ്യോഗസ്ഥരും സ്‌കൂളിലെത്തി. സീലിംഗ് ഇളകിവീണതു നിര്‍മാണത്തിലെ അപാകതകൊണ്ടാണെന്നാരോപിച്ച് ബിജെപി, കോണ്‍ഗ്രസ് പ്രവര്‍ത്തകര്‍ സംഭവസ്ഥലത്തു പ്രതിഷേധവുമായെത്തി. ഗുണനിലവാരം കുറഞ്ഞ സാമഗ്രികളാണ് നിര്‍മാണത്തിനുപയോഗിച്ചിട്ടുള്ളതെന്നും അഴിമതി നടന്നിട്ടുണ്ടെന്നും ഇവര്‍ ആരോപിച്ചു. സ്‌കൂള്‍ ഓഡിറ്റോറിയത്തിനുമുന്നില്‍ ഏറെനേരം മുദ്രാവാക്യം മുഴക്കി പ്രതിഷേധിച്ച പാര്‍ട്ടിപ്രവര്‍ത്തകരെ പോലീസ് എത്തിയാണ് നീക്കിയത്. സീലിംഗ് തകര്‍ന്ന സംഭവം അന്വേഷിച്ചു നടപടിയെടുക്കണമെന്നു സ്ഥലം സന്ദര്‍ശിച്ച ഡിസിസി ജനറല്‍ സെക്രട്ടറി ടി.എം. ചന്ദ്രന്‍ ആവശ്യപ്പെട്ടു. 54 ലക്ഷം രൂപയുടെ നിര്‍മാണപ്രവൃത്തിയില്‍ വന്‍അപാകതയാണ് ഉണ്ടായിട്ടുള്ളതെന്നും ഡിസിസി ജനറല്‍ സെക്രട്ടറി ആരോപിച്ചു. സമഗ്ര അന്വേഷണം വേണം: കെ.കെ. രാമചന്ദ്രന്‍ കോടാലി: സ്‌കൂളിലെ ഓഡിറ്റോറിയത്തിന്‍റെ സീലിംഗ് ഇളകി വീണ സംഭവത്തില്‍ സമഗ്ര അന്വേഷണം നടത്തണമെന്നും കുറ്റക്കാരെ കണ്ടെത്തി നടപടി സ്വീകരിക്കണമെന്നും കെ.കെ. രാമചന്ദ്രന്‍ എംഎല്‍എ ആവശ്യപ്പെട്ടു. ഇതുസംബന്ധിച്ച് വിദ്യാഭ്യാസമന്ത്രിക്കു കത്തയച്ചതായി എംഎല്‍എ പറഞ്ഞു. 2017-18 സാമ്പത്തികവര്‍ഷത്തില്‍ മണ്ഡലം ആസ്തിവികസന ഫണ്ടില്‍ നിന്ന് അനുവദിച്ച 54 ലക്ഷം രൂപയുടെ പ്രൊപ്പോസലില്‍ 47 ലക്ഷം രൂപ വിനയോഗിച്ചാണ് ഓഡിറ്റോറിയത്തിന്‍റെ നിര്‍മാണം പൂര്‍ത്തീകരിച്ചത്. നിര്‍മാണത്തില്‍ അപാകത ഉണ്ടായിട്ടുണ്ടോ എന്നു അടിയന്തിരമായി പരിശോധിക്കണമെന്നും വീഴ്ച വരുത്തിയിട്ടുണ്ടെങ്കില്‍ കുറ്റക്കാര്‍ക്കെതിരെ കര്‍ശനനടപടി സ്വീകരിക്കണമെന്നും വിദ്യാഭ്യാസമന്ത്രിയോടും ജില്ലാ ഭരണകൂടത്തോടും ആവശ്യപ്പെട്ടതായും എംഎല്‍എ പറഞ്ഞു.

ടോള്‍പിരിവ് നിര്‍ത്തി; പാലിയേക്കരയില്‍ ആഹ്ലാദപ്രകടനം

പാലിയേക്കര: പാലിയേക്കര ടോള്‍പ്ലാസയില്‍ ടോള്‍പിരിവ് നിര്‍ത്തിവെച്ചു. ബുധനാഴ്ച ഉച്ചയ്ക്ക് 12.30നു ടോള്‍ ബൂത്തുകള്‍ തുറന്ന്, ഫാസ്ടാഗ് റീഡിംഗ് സംവിധാനം നിര്‍ത്തിവയ്ക്കുകയായിരുന്നു. ദേശീയപാതയിലെ ടോള്‍പിരിവ് ഒരുമാസത്തേക്കു നിര്‍ത്തിവയ്ക്കാനുളള ഹൈക്കോടതി ഉത്തരവിനെതുടര്‍ന്നായിരുന്നു നടപടി. ഹൈക്കോടതി ഉത്തരവിനെതുടര്‍ന്ന് ഹർജിക്കാരായ ഷാജി കോടങ്കണ്ടത്ത്, ഒ.ജെ. ജെനീഷ്, എഐവൈഎഫ് ജില്ലാ സെക്രട്ടറി പ്രസാദ് പാറേരി എന്നിവരുടെ നേതൃത്വത്തില്‍ പ്രവര്‍ത്തകര്‍ ടോള്‍പ്ലാസയിലെത്തി ആഹ്ലാദപ്രകടനം നടത്തി. ഹൈക്കോടതി ഉത്തരവ് നടപ്പാക്കണമെന്ന് ആവശ്യപ്പെട്ട് എഐവൈഎഫ് പ്രവര്‍ത്തകര്‍ ടോള്‍ബൂത്തുകള്‍ തുറന്നുനല്‍കുകയും യാത്രക്കാര്‍ക്കു മധുരം നല്‍കുകയും ചെയ്തു. 14 വര്‍ഷം തുടര്‍ച്ചയായി എഐവൈഎഫ് നടത്തിയ സമരത്തിന്‍റെ ഫലമാണ് കോടതി ഉത്തരവെന്നു പ്രതിഷേധം ഉദ്ഘാടനംചെയ്ത പ്രസാദ് പാറേരി അവകാശപ്പെട്ടു. പാലിയേക്കര ടോള്‍കൊള്ളയ്ക്കും ഗതാഗതക്കുരുക്കിനും എതിരേ യൂത്ത് കോണ്‍ഗ്രസ് നടത്തിയ നിരന്തരമായ സമരങ്ങളെതുടര്‍ന്നുണ്ടായ ഹൈക്കോടതിവിധി സ്വാഗതാര്‍ഹമാണെന്നു യൂത്ത് കോണ്‍ഗ്രസ് പുതുക്കാട് നിയോജകമണ്ഡലം പ്രസിഡന്‍റ് ഫൈസല്‍ ഇബ്രാഹിം, ഒല്ലൂര്‍ നിയോജക മണ്ഡലം പ്രസിഡന്‍റ് ആല്‍ജോ ചാണ്ടി എന്നിവര്‍ പറഞ്ഞു. ടോള്‍പിരിവ് മരവിപ്പിച്ച ഹൈക്കോടതിവിധി സ്വാഗതാര്‍ഹമാണെന്ന് കേരള കോണ്‍ഗ്രസ് -എം സംസ്ഥാന സെക്രട്ടേറിയറ്റംഗം ജോര്‍ജ് താഴെക്കാടന്‍ പറഞ്ഞു. വിജയിച്ചതു വർഷങ്ങളുടെ നിയമപോരാട്ടം സ്വന്തം ലേഖകൻ തൃശൂർ: ദേശീയപാത 544 ൽ മണ്ണുത്തി-ഇടപ്പള്ളി ഭാഗത്തു ടോൾപിരിവ് നിർത്തലാക്കാനുള്ള ഹൈക്കോടതി ഉത്തരവ് പുറത്തുവന്നപ്പോൾ വിജയംകണ്ടത് കെപിസിസി സെക്രട്ടറി ഷാജി ജെ. കോടങ്കണ്ടത്ത് അടക്കമുള്ളവരുടെ നിരന്തരപോരാട്ടം. ഗുരുവായൂർ ഇൻഫ്രാസ്ട്രക്ചർ ലിമിറ്റഡിനു ടോൾ പിരിക്കാനുള്ള കാലാവധി 2026 ൽനിന്ന് 2028ലേക്കു നീട്ടിനൽകിയതും ന്യായമായ ലാഭമുണ്ടാക്കിയിട്ടും പിരിവു തുടരുന്നതും ഗതാഗതക്കുരുക്കും ചൂണ്ടിക്കാട്ടി കെപിസിസി സെക്രട്ടറി അഡ്വ. ഷാജി കോടങ്കണ്ടത്ത് അഡ്വ. ഗംഗേഷ് മുഖാന്തരമാണു ഹൈക്കോടതിയിൽ ഹർജി നൽകിയത്. പാലിയേക്കര ടോളിന്‍റെ പരിധിയിലുള്ളവർക്കു സൗജന്യ പാസ് നിർത്തലാക്കാനുള്ള നീക്കത്തിനെതിരേയാണു ആദ്യം ഷാജി കോടങ്കണ്ടത്തും സനീഷ് കുമാർ ജോസഫും രംഗത്തുവന്നത്. ഇക്കാര്യമുന്നയിച്ചു 2019ൽ സുപ്രീം കോടതിയിൽ ഹർജി നൽകി. കോടതിയുടെ വാക്കാലുള്ള നിർദേശത്തിന്‍റെ അടിസ്ഥാനത്തിൽ 2021ൽ ഹൈക്കോടതിയിൽ ഹർജി നൽകി. 2028 വരെ ടോൾ പിരിക്കുന്നതു നീട്ടിനൽകിയതു റദ്ദാക്കണമെന്നായിരുന്നു പ്രധാന ആവശ്യം. മണ്ണുത്തി - ഇടപ്പള്ളി റോഡ് നിർമാണത്തിന് 312 കോടിയുടെ ടെൻഡറാണു വിളിച്ചത്. നിർമാണം പൂർത്തിയായപ്പോൾ 723 കോടി ചെലവായെന്ന കണക്കു പുറത്തുവിട്ടു. ഇതുവരെ 1500 കോടിക്കു മുകളിൽ പിരിച്ചു. മണ്ണുത്തി മുതൽ അങ്കമാലി വരെ ബിഒടി കരാറും അങ്കമാലി മുതൽ ഇടപ്പള്ളിവരെ എംഒടി കരാറുമാണു നിലവിലുള്ളത്. ഈ രണ്ടു റീച്ചുകളിലുമായി അമിതമായ ലാഭമാണു കന്പനിക്കു ലഭിച്ചതെന്നും ടോൾ നിർത്തണമെന്നതുമായിരുന്നു രണ്ടാമത്തെ ആവശ്യം. ഇതിൽ വാദം തുടരുന്പോഴാണ് അടിപ്പാതകളുടെ നിർമാണം ആരംഭിച്ചത്. മതിയായ സൗകര്യങ്ങൾ ഉറപ്പാക്കാതെയാണ് അടിപ്പാതകൾ നിർമിക്കുന്നതെന്നും ഗതാഗതക്കുരുക്ക് തുടരുന്ന സാഹചര്യത്തിൽ ടോൾ നിർത്തണമെന്നും ആവശ്യപ്പെട്ട് ഉപഹർജി നൽകി. ഈ ഹർജി പരിഗണിച്ചാണു നാലാഴ്ചത്തേക്കു ടോൾപിരിവ് നിർത്താൻ ഹൈക്കോടതി ഉത്തരവിട്ടത്. റോഡ് നിർമാണത്തിൽ ദേശീയപാത അഥോറിറ്റിയുടെ ഭാഗത്തുനിന്നു ഗുരുതരമായ പിഴവുണ്ടായെന്നും ടോൾ പിരിക്കാൻ അനുമതി നൽകുന്പോൾ ഗതാഗതം സുഗമമാക്കാനുള്ള ഉത്തരവാദിത്വമുണ്ടെന്നും പ്രശ്നം പരിഹരിക്കുന്നതിൽ അഥോറിറ്റിക്കു വീഴ്ചപറ്റിയെന്നും ഹൈക്കോടതിവിധിയിൽ ചൂണ്ടിക്കാട്ടി. നാലാഴ്ച: ടോൾ കന്പനിക്ക് നഷ്ടം 16 കോടി തൃശൂർ: നാലാഴ്ച ടോൾപിരിവ് നിർത്തുന്പോൾ ടോൾ കന്പനിക്കു നഷ്ടം 16 കോടിയോളം രൂപ. 2024 ഡിസംബർ 31 വരെയുള്ള കണക്കനുസരിച്ചു പ്രതിദിനം 40,000 വാഹനങ്ങളിൽനിന്ന് ശരാശരി 53 ലക്ഷം രൂപയാണു ലഭിക്കുന്നത്. 2028 ജൂണ്‍വരെയാണു ടോൾ പിരിക്കാൻ അനുമതി. മണ്ണുത്തി - ഇടപ്പള്ളി പാതയ്ക്കായി 720 കോടിയാണു ചെലവ്. 2024 ഡിസംബർ 31 വരെ 1506.28 കോടി പിരിച്ചെടുത്തു. പുതിയ കണക്കുകൾ പുറത്തുവന്നിട്ടില്ലെങ്കിലും 93 കോടിയെങ്കിലും കഴിഞ്ഞ ആറുമാസത്തിനിടെ പിരിച്ചിട്ടുണ്ട്. 55 രൂപയിൽ തുടങ്ങിയ ടോൾപിരിവ് ഇപ്പോൾ 95 രൂപയായി. വർഷാവർഷം സെപ്റ്റംബർ ഒന്നിനു ടോൾനിരക്ക് വർധിപ്പിക്കും. ഓരോ വർഷം കഴിയുന്പോഴും അമിതമായ ലാഭമാണു കരാർ കന്പനിക്കു ലഭിക്കുന്നത്. ടോൾപിരിവ് കാലാവധി നീട്ടിനൽകിയാൽ നിയമനടപടി: അഡ്വ. ജോസഫ് ടാജറ്റ് തൃശൂർ: ഹൈക്കോടതിവിധിയെത്തുടർന്നു നിർത്തലാക്കിയ ടോൾപിരിവ് കാലയളവ് ദേശീയപാത അഥോറിറ്റിയോ സംസ്ഥാന സർക്കാരോ ഇടപെട്ടു പിന്നീടു നീട്ടിനൽകിയാൽ ശക്തമായ നിയമനടപടി സ്വീകരിക്കുമെന്നു ഡിസിസി പ്രസിഡന്‍റ് അഡ്വ. ജോസഫ് ടാജറ്റ്. പ്രളയസമയത്തും കോവിഡ് കാലത്തും ടോൾപിരിവ് നിർത്തിവച്ചു. ഇതു പിന്നീടു നീട്ടിനൽകി. കോടതിവിധിയിൽ ആശ്വാസമുണ്ട്. പത്തുവർഷമായി കോണ്‍ഗ്രസിന്‍റെ വിവിധ നേതാക്കൾ നടത്തിയ പോരാട്ടമാണു ഫലംകണ്ടത്. കരാർലംഘനത്തെക്കുറിച്ചു വിവരാവകാശരേഖകളടക്കമാണു പരാതി നൽകിയത്. എല്ലാവർഷവും സെപ്റ്റംബർ ഒന്നിനു ടോൾനിരക്ക് വർധിപ്പിക്കരുതെന്നും ആവശ്യപ്പെട്ടു. 2018 മുതൽ കോടതി നൽകിയ നിർദേശങ്ങൾ കരാർകന്പനി പാലിച്ചില്ല. 2022ൽ സേഫ്റ്റി ഓഡിറ്റിംഗിൽ കണ്ടെത്തിയ 50 പിഴവുകളിൽ അഞ്ചെണ്ണത്തിന്‍റെ നിർമാണമാണ് ഇപ്പോൾ നടക്കുന്നത്. ഗതാഗതയോഗ്യമല്ലാത്തതിനാൽ ടോൾപിരിവ് നിർത്താനുള്ള ജില്ലാ കളക്ടറുടെ ഉത്തരവ് സർക്കാർ ഇടപെട്ട് അട്ടിമറിച്ചു എന്ന ആരോപണം ശരിവയ്ക്കുന്നതാണു കോടതിവിധി. കളക്ടറുടെ നടപടി സർക്കാർ അംഗീകരിച്ചിരുന്നെങ്കിൽ മൂന്നുമാസത്തെ നരകയാതനയും ധനനഷ്ടവും യാത്രക്കാർക്ക് ഉണ്ടാകുമായിരുന്നില്ല. ഹൈക്കോടതിയുടെ താത്കാലിക ഉത്തരവെങ്കിലും ഉണ്ടായതിൽ സന്തോഷമുണ്ടെന്നും അഡ്വ. ജോസഫ് ടാജറ്റ് പറഞ്ഞു.

നാടക പ്രവർത്തകൻ കൊടുങ്ങല്ലൂർ കൃഷ്ണൻകുട്ടി

കൊടുങ്ങല്ലൂർ: നാടകത്തിന്‍റെ സമസ്ത മേഖലയിലും കയ്യൊപ്പ് ചാർത്തിയ കലാകാരൻ കൊടുങ്ങല്ലൂർ കൃഷ്ണൻകുട്ടി(77) അന്തരിച്ചു. മൃതദേഹം ഇന്നു രാവിലെ ഒന്പതു മുതൽ 11 വരെ കൊടുങ്ങല്ലൂർ പോലീസ് സ്റ്റേഷനു മുമ്പിലെ കുഞ്ഞിക്കുട്ടൻ തമ്പുരാൻ ചത്വരത്തിൽ പൊതുദർശനത്തിനു വയ്ക്കും. തുടർന്ന് പതിനൊന്നരയോടെ ചാപ്പാറ പൊതുശ്മശാനത്തിൽ സംസ്കരിക്കും സമഗ്ര സംഭാവനയ്ക്കുള്ള ഗുരുപൂജ പുരസ്കാരം നൽകി കേരള സംഗീതനാടക അക്കാദമി ആദരിച്ചിട്ടുണ്ട്. നൂറുകണക്കിന് നാടകങ്ങളിൽ അഭിനയിക്കുകയും നിരവധി നാടകങ്ങൾ സംവിധാനം ചെയ്യുകയും നാടകങ്ങൾക്ക് ആവശ്യമായ സെറ്റ്, കർട്ടൻ തുടങ്ങിയവ തയ്യാറാക്കുന്നതിലും പ്രമുഖനായിരുന്നു. എൺപതുകളിൽ അദ്ദേഹം രചനയും സംവിധാനവും നിർവഹിച്ച് അധ്വാന്തം എന്ന നാടകം ഒരുപാട് വേദികളിൽ അവതരിപ്പിച്ചു. അയാൾ കഥ എഴുതുകയാണ്, ഭൂമിഗീതം എന്നീ സിനിമകളിലും അഭിനയിച്ചു. തിരുവഞ്ചിക്കുളം തിരുമുപ്പം റോഡിൽ മുണ്ടാപ്പുള്ളി കണ്ടൻ കോരന്‍റെയും കുരുംബയുടെയും മകനാണ്. ഭാര്യ: പ്രേമ. മക്കൾ: കിരൺ കിഷൻ, വരുൺ കിഷൻ, ഗ്രീഷ്മ. മരുമകൻ: ശ്രീരാജ്.

പനി ബാധിച്ച് പ്ലസ്ടു വിദ്യാർഥി മരിച്ചു

അഴീക്കോട്: പനി ബാധിച്ച് ചികിത്സയിലായിരുന്ന പ്ലസ്ടു വിദ്യാർഥി മരിച്ചു. സീതി സാഹിബ് മെമ്മോറിയൽ ഹയർ സെക്കൻഡറി സ്കൂളിൽ പ്ലസ് ടു കൊമേഴ്സ് വിഭാഗം വിദ്യാർഥി അഞ്ജിമ സനിൽ(17) ആണ് മരിച്ചത്. അഴീക്കോട് മരപ്പാലത്തിനു സമീപം തേവാലിൽ സനിൽ-നിഷ ദമ്പതികളുടെ മകളാണ്. ഒരാഴ്ചയോളമായി എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. സംസ്കാരം നടത്തി. സ്കൂളിലെ എൻഎസ്എസ് വോളന്‍റിയറായിരുന്നു. സഹോദരി: അപർണ (സീതി സാഹിബ് ഹൈസ്കൂൾ ഒമ്പതാം ക്ലാസ് വിദ്യാർഥി).

കിണറ്റിൽവീണ് വയോധിക മരിച്ചു

നെന്മണിക്കര: ചിറ്റിശേരിയിൽ കിണറ്റിൽ വീണ് വയോധിക മരിച്ചു. കണ്ണമ്പുഴ പരേതനായ ഈനാശുവിന്‍റെ ഭാര്യ സിസിലി(68) ആണ് മരിച്ചത്. ഇന്നലെ രാവിലെയാണ് സിസിലിയെ വീട്ടുകിണറ്റിൽ മരിച്ചനിലയിൽ കണ്ടെത്തിയത്. പുതുക്കാട് നിന്ന് ഫയർഫോഴ്‌സ് എത്തിയാണ് മൃതദേഹം പുറത്തെടുത്തത്. പുതുക്കാട് പോലീസ് മേൽനടപടികൾ സ്വീകരിച്ചു. സംസ്കാരം ഇന്നു രാവിലെ ഒന്പതിന് ചിറ്റിശ്ശേരി സെന്‍റ് മേരീസ് പള്ളിയിൽ. മക്കൾ: സിജോ, സിന്‍റോ. മരുമക്കൾ: സിമി, ജിൻസി.

പുഴയിൽ കാണാതായ യുവാവിന്‍റെ മൃതദേഹം കണ്ടെത്തി

അലനല്ലൂർ: ചൊവ്വാഴ്ച വൈകുന്നേരം വെള്ളിയാർ പുഴയിൽ ഒഴുക്കിൽപെട്ടു കാണാതായ യുവാവിന്‍റെ മൃതദേഹം കണ്ടെത്തി. അലനല്ലൂർ എളംകൊള്ളവൻ യൂസഫിന്‍റെ മകൻ സാബിത്ത് (26) ആണ് മരിച്ചത്. കണ്ണങ്കുണ്ട് പാലത്തിനു മുകളിൽ നിന്നാണ് സാബിത്ത് ഒഴുക്കിൽപെട്ടത്. തുടർന്ന് നാട്ടുകാരും വട്ടമ്പലത്തുനിന്ന് എത്തിയ അഗ്നിരക്ഷാസേനയും തെരച്ചിൽ നടത്തിയെങ്കിലും കണ്ടെത്തിയിരുന്നില്ല. ഇന്നലെ രാവിലെ വീണ്ടും തെരച്ചിൽ നടത്തുന്നതിനിടെയാണ് മൃതദേഹം കണ്ടെത്തിയത്. കബറടക്കം നടത്തി. മാതാവ്: സാബിറ. സഹോദരങ്ങൾ: സുൽഫത്ത്, സഫാനത്ത്, ഡാനിഷ്.

കെഎസ്ഇബി ഓഫീസിനു മുന്പിൽ പ്രതിഷേധം

ചാലക്കുടി: പെരിങ്ങൽകുത്തിൽ മഴക്കാലത്ത് ജലനിരപ്പ് 415 മീറ്ററിൽ നിർത്തുക, ഷോളയാർ, പറമ്പിക്കുളം അണക്കെട്ടുകളിൽ പര്യാപ്തമായ ഫ്ലഡ് ക്യൂഷൻ നിലനിർത്തുക തുടങ്ങിയ ആവശ്യങ്ങൾ ഉന്നയിച്ച് പുഴസംരക്ഷണ സമിതിയുടെ നേതൃത്വത്തിൽ കെഎസ്ഇബി ഓഫീസിനു മുന്പിൽ ബഹുജന പ്രതിഷേധ ധർണ നടത്തി. സനീഷ്കുമാർ ജോസഫ് എംഎൽഎ ഉദ്ഘാടനം ചെയ്തു. നഗരസഭ ചെയർപേഴ്സൺ ഷിബു വാലപ്പൻ അധ്യക്ഷത വഹിച്ചു. എസ്.പി. രവി. ഫാ. വർഗീസ് പാത്താടൻ, ടൗൺഇമാം ഹാജിഹുസൈൻ ബാഗവി, അഡ്വ. ബിജു എസ്. ചിറയത്ത്. മേരി നളൻ, എം. മോഹൻ ദാസ്, കെ.എം. ഹരിനാരായണൻ, ജയൻ പട്ടത്ത്, വിനിത ചോലയാർ, അമ്പാടി ഉണ്ണി, പ്രഫ. കുസുമം ജോസഫ്, ലീന ഡേവിസ്, ഷോൺ പല്ലിശേരി, സുരേഷ് മുട്ടത്തിൽ, കലാഭവൻ ജയൻ, ഐ. എ. അബ്ദുൾ മജീദ് തുടങ്ങിയവർ നേതൃത്വം നൽകി.

കയ്പമംഗലത്ത് ഓടിക്കൊണ്ടിരുന്ന ഓട്ടോ ടാക്സിക്കു മുകളിൽ തെങ്ങുവീണു

കാളമുറി: കയ്പമംഗലത്ത് ഓടി ക്കൊണ്ടിരുന്ന ഓട്ടോ ടാക്സിക്ക് മുകളിൽ തെങ്ങ് വീണു. ഓട്ടോ ടാക്സിയിലുണ്ടായിരുന്നവർ അദ്ഭുതകരമായി രക്ഷപ്പെട്ടു. ഇന്നലെ ഉച്ചതിരിഞ്ഞ് നാലോ ടെ കയ്പമംഗലം ഫിഷറീസ് സ് കൂളിനുസമീപം വെസ്റ്റ് ടിപ്പുസുൽത്താൻ റോഡിലായിരുന്നു അപകടം. യാത്രക്കാരുമായി തളിക്കുളത്തുനിന്ന് ശ്രീനാരായണപുരത്തേക്കുപോയിരുന്ന ഓട്ടോ ടാക്സിക്കു മുകളിലാണ് തെങ്ങുവീണത്. ഡ്രൈവറും യാത്രക്കാരും പരിക്കേൽക്കാതെ രക്ഷപ്പെട്ടു. ഓട്ടോ ടാക്സിയുടെ മുൻഭാഗം തകർന്നിട്ടുണ്ട്. ശ്രീനാരായണപുരം സ്വദേശി ഉണ്ണികൃഷ്ണന്‍റെ ഉടമസ്ഥതയിലുള്ളതാണ് ഓട്ടോ ടാക്സി.

വെളയനാട് സെന്‍റ് മേരീസ് എൽപി സ്കൂളിന്‍റെ പുതിയ കെട്ടിടം ഉദ്ഘാടനംചെയ്തു

വെള്ളാങ്കല്ലൂർ: വെളയനാട് സെന്‍റ് മേരീസ് എൽപി സ്കൂളിന്‍റെ പുതിയ കെട്ടിടോദ്ഘാടനം ഇരിങ്ങാലക്കുട രൂപത മെത്രാൻ മാർ പോളി കണ്ണൂക്കാടൻ നിർവഹിച്ചു. അഡ്വ. വി.ആർ സുനിൽകുമാർ എംഎൽഎ അധ്യക്ഷത വഹിച്ചു. ബെന്നി ബഹനാൻ എംപി മുഖ്യാതിഥിയായിരുന്നു. വെള്ളാങ്കല്ലൂർ പഞ്ചായത്ത് പ്രസിഡന്‍റ്് നിഷ ഷാജി, മുൻ പഞ്ചായത്ത് പ്രസിഡന്‍റ്് എം. മുകേഷ്, വാർഡ് മെമ്പർ ബിജു പോൾ പുല്ലൂക്കര, കോർപറേറ്റ് എഡ്യൂക്കേഷണൽ ഏജൻസി മാനേജർ ഫാ. സീജോ ഇരിമ്പൻ, അധ്യാപക രക്ഷാകർതൃ പ്രതിനിധികൾ, മാനേജ്‌മെന്‍റ് പ്രതിനിധി, സ് കൂൾ ലീഡർ തുടങ്ങിയവർ ആശംസയർപ്പിച്ചു. സ്കൂൾ മാനേജർ ഫാ. ജിനു വെണ്ണാട്ടുപറമ്പിൽ സ്വാഗതവും പ്രധാനാധ്യാപിക കെ.ജെ. ശാന്തി നന്ദിയും പറഞ്ഞു.

കയ്പമംഗലത്ത് അങ്കണവാടിയിൽ കുടിവെള്ളം കിട്ടാക്കനിയായിട്ട് നാലുമാസം

കയ്പമംഗലം: കയ്പമംഗലത്ത് അങ്കണവാടിയിൽ കുടിവെള്ളം കിട്ടാക്കനിയായിട്ട് നാലു മാസമായി. വാട്ടർ അഥോറിറ്റിയും പഞ്ചായത്തും തമ്മിലുള്ള ശീതസമരമാണ് കുടിവെള്ളം മുട്ടിച്ചതെന്നാണ് ആരോപണം. കയ്പമംഗലം പഞ്ചായത്തിലെ ഒമ്പതാം വാർഡിലെ തനുശ്രീ അങ്കണവാടിയിലാണു പ്രശ്നം. പന്ത്രണ്ടു കുട്ടികളാണ് ഇവിടെയുള്ളത്. ഇവർക്കു ഭക്ഷണം പാകംചെയ്യാനും പ്രാഥമിക‌കാര്യങ്ങൾ നിർവഹിക്കാനും വെള്ളമില്ലാത്ത അവസ്ഥയാണ്. നാട്ടിക ഫർക്ക ശുദ്ധജല പദ്ധതി മുഖേനയാണ് ഇവിടേക്ക് വെള്ളമെത്തിച്ചിരുന്നത്. എന്നാൽ പൈപ്പ് പൊട്ടിയതിനെത്തുടർന്ന് ഇവിടേക്കുള്ള ശുദ്ധജലം കിട്ടാതായി. വർഷങ്ങൾക്കുമുമ്പ് കാന പണിതപ്പോൾ കുടിവെള്ള വിതരണ പൈപ്പ് കാനയ്ക്കടിയിൽ പോയതിനാൽ അറ്റകുറ്റ‌പ്പണി നടത്താൻ പറ്റാത്ത അവസ്ഥയാണെന്ന് വാട്ടർ അഥോറിറ്റി അധികൃതർ പറയുന്നത്. കോൺക്രീറ്റ് കാന പൊളിച്ച് പൈപ്പ് ശരിയാക്കേണ്ട സ്ഥിതിയായ‌തോടെ വാട്ടർ അഥോറിറ്റി കണക്‌ഷൻ സ്റ്റോപ്പറിട്ട് നിർത്തുകയായിരുന്നു. പകരം അങ്കണ‌വാടിക്കുസമീപം പൊതുടാപ്പ് സ്ഥാപിച്ച് കൊടുക്കുകയും ചെയ്തു. എന്നാൽ പല ദിവസ‌ങ്ങളിലും വെള്ളമില്ലാതായതോടെ ആഴ്ച്ചയിൽ 400 രൂപ കൊടുത്ത് വെള്ളം വാങ്ങി ഉപ‌യോഗിക്കേണ്ട അവസ്ഥയാണെന്ന് അങ്കണവാടി വർക്കർ സിന്ധു പറഞ്ഞു. അങ്കണവാടി യിലേക്കും തൊട്ടടുത്ത നഗറിലേക്കുമുള്ള കുടിവെള്ള വിതരണ പൈപ്പ് മാറ്റിസ്ഥാപിക്കേണ്ടതുണ്ടെന്നും ഇതിനുള്ള ഫണ്ട് പഞ്ചായത്ത് നൽകണമെന്നുമാണ് വാട്ടർ അഥോറിറ്റിയുടെ വാദം. ഇതിനായി നാലുലക്ഷം രൂപയുടെ എസ്റ്റിമേറ്റ് തയാറാക്കിയാണ് വാട്ടർ അഥോറിറ്റി പഞ്ചായത്തിനു നൽകിയിരിക്കുന്നത്. എന്നാൽ ഇത്രയും തുകയുടെ ആവശ്യമില്ലെന്നും പൈപ്പ് മാറ്റി സ്ഥാപിക്കാൻ ഒന്നര ലക്ഷം രൂപ പഞ്ചായത്ത് വകയിരുത്തിയിട്ടുണ്ടെ ന്നും ഏറ്റവും വേഗത്തിൽ പ്രശ്നം പരിഹരിക്കാനുള്ള ശ്രമം നടത്തി വരികയാണെന്നും പഞ്ചായത്ത് പ്രസിഡന്‍റ് ശോഭന രവി, വാർഡ് മെമ്പർ വി.ബി. ഷെഫീക്ക് എന്നിവർ പറഞ്ഞു. സിപിഐ പ്രതിഷേധം കയ്പമംഗലം: തനുശ്രീ അങ്കണവാടിയിൽ കുടിവെള്ളം നിഷേധിക്കുന്നതിനെതിരെ സിപിഐ കാക്കാത്തുരുത്തി ബ്രാഞ്ചിന്‍റെ പ്രതിഷേധം. അങ്കണവാടിക്ക് മുമ്പിൽ നടത്തിയ പ്രതിഷേധ യോഗം സിപിഐ കയ്പമംഗലം ലോക്കൽ സെക്രട്ടറി ഇ. ആർ.ജോഷി ഉദ്ഘാടനം ചെയ്തു. അസി.സെക്രട്ടറി പി.കെ.റഹിം അധ്യക്ഷനായി. നൗഷാദ് കില്ലാഡി, അജിത് കൃഷ്ണൻ, ഇ.എസ്. സതീശൻ, അഷറഫ് തണ്ടാശേരി, സജിനി തുടങ്ങിയവർ പ്രസംഗിച്ചു.

മണിക്കൂറുകൾ നീണ്ട മഴ; സർവത്ര വെള്ളം

മുരിങ്ങൂർ കോട്ടമുറിയിൽ വീടുകളിലും സ്ഥാപനങ്ങളിലും വെള്ളംകയറി മുരിങ്ങൂർ: രണ്ടു മണിക്കൂറുകൾ നീണ്ട ശക്തമായ മഴയിൽ ദേശീയപാത 544 മുരിങ്ങൂർ കോട്ടമുറിയിൽ വീടുകളിലും സ്ഥാപനങ്ങളിലുമായി പത്തിടങ്ങളിൽ വെള്ളം കയറി. ദേശീയപാത വികസനത്തിന്‍റെ ഭാഗമായി നിർമിച്ച കാനയുടെ അശാസ്ത്രീയത മൂലമാണ് കാനകൾ നിറഞ്ഞതും വീടുകളിലും സ്ഥാപനങ്ങളിലും വെള്ളം കയറിയതും. നിർമാണത്തിന്‍റെ പ്രാരംഭഘട്ടത്തിൽത്തന്നെ അശാസ്ത്രീയത ചൂണ്ടിക്കാണിച്ചെങ്കിലും കരാർ കമ്പനിയോ നാഷണൽ ഹൈവേ അഥോറിറ്റിയോ ചെവിക്കൊള്ളാതിരുന്നതിന്‍റെ തിക്തഫലമാണു പ്രദേശവാസികൾ നേരിടുന്നത്. കാനയിൽ അടിഞ്ഞുകൂടിയ മണ്ണുപോലും നീക്കാ തെയായിരുന്നു കാനയ്ക്കുമുകളിലെ സ്ലാബിടൽ നടന്നത്. കാനയുടെ രണ്ടു ഭാഗങ്ങളും അടച്ചതു‌മൂലം കാനയിലെത്തുന്ന വെള്ളം ഒഴുക്കിക്കളയാൻ ജല‌നിർഗമനമാർഗങ്ങളില്ല. കാനയിൽ മഴവെള്ളം നിറഞ്ഞാൽ റോഡുകളിലും വീടുകളിലും സ്ഥാപനങ്ങളിലും അടുത്ത പറമ്പുകളിലും വെള്ളം കയറുന്ന അവസ്ഥയാണു നിലനിൽക്കുന്നത്. 2018ലെ പ്രളയത്തിൽ‌പോലും വെള്ളം കയറാതിരുന്ന വീടുകളിലാണു കേവലം രണ്ടു മണിക്കൂർ നീണ്ടുനിന്ന മഴയിൽ വെള്ളം കയറിയിരിക്കുന്നത്. സംഭവമറിഞ്ഞ് മേലൂർ ഗ്രാമപഞ്ചായത്ത് പ്രസിഡന്‍റ് എം.എസ്. സുനിതയുടെ നേതൃത്വത്തിൽ ജനപ്രതിനിധികൾ സ്ഥലത്തെത്തി. ദേശീയപാതയുടെ ഇരുഭാഗങ്ങളിലും വെള്ളക്കെട്ട് രൂക്ഷമാവുകയും പ്രദേശവാസികൾ പ്രതിഷേധത്തിലുമായതോടെ പ്രസിഡന്‍റ് ് ജില്ലാ കളക്ടറെയും തഹസിൽദാരെയും പോലീസിനെയും എൻഎച്ച്എഐയും വിവരം അറിയിച്ചു. സ്ഥലത്ത് കരാർ കമ്പനിയുടെ മേൽനോട്ടക്കാരോ എൻഎച്ച്എഐ പ്രതിനിധികളാോ ഉണ്ടായിരുന്നില്ല. കാനയിൽ നിറഞ്ഞ വെള്ളം കാനയുടെ ഒരു ഭാഗം പൊളിച്ച് തൊട്ടടുത്ത ഇറിഗേഷൻ കനാലിലേക്ക് ഒഴുക്കി താത്കാലിക പരിഹാരം ഉണ്ടാക്കണമെന്ന നിലപാടിൽ പഞ്ചായത്ത് പ്രസിഡന്‍റും മറ്റു ജനപ്രതിനിധികളും ഉറച്ചുനിന്നു. സംഭവമറിഞ്ഞെത്തിയ കരാർ കമ്പനി പ്രതിനിധികൾ ആദ്യം വഴങ്ങിയില്ലെങ്കിലും പ്രസിഡന്‍റും പ്രദേശവാസികളും നിലപാട് കടുപ്പിച്ചതോടെ കാനയുടെ പാർശ്വഭിത്തിയുടെ കോൺക്രീറ്റിന്‍റെ ഒരുഭാഗം മുറിച്ചുമാറ്റി വെള്ളം തുറന്നുവിട്ടു. ഇതോടെയാണ് വെള്ളക്കെട്ടിനുപരിഹാരമായത്. ദേശീയപാതയുടെ മറുഭാഗത്തും കോൺക്രീറ്റ് മുറിച്ചുമാറ്റി ഗ്രാമീണ റോഡിലേക്ക് ഒഴുക്കിവിട്ടു. വെള്ളക്കെട്ട് രൂക്ഷമായതിനൊപ്പം ഇന്നലെ രാവിലെ മുതൽ അതിരൂക്ഷമായ ഗതാഗതക്കുരുക്കാണ് മുരിങ്ങൂർ മുതൽ കൊരട്ടിവരെയും പെരുമ്പി മുതൽ പൊങ്ങംവരെയും രൂപപ്പെട്ടത്. രണ്ടു ദിവസം വെയിൽ ലഭിച്ചാൽ മുരങ്ങൂരിലെയും ചിറങ്ങരയിലെയും കൊരട്ടിയിലെയും ബദൽ റോഡുകൾ ടാർ ചെയ്യുമെന്ന് കഴിഞ്ഞ മാസം ജില്ലാ കളക്ടറുടെയും എംപി, എംഎൽഎ എന്നിവരുടെയും സാന്നിധ്യത്തിൽ എൻഎച്ച്എഐ പ്രൊജക്ട് ഡയറക്ടർ ജനങ്ങൾക്ക് നൽകിയ ഉറപ്പ് വെറുംവാക്കായി. ഉറപ്പുപാലിക്കാത്തതിന്‍റെ കാരണം ചോദിക്കുവാനുള്ള കടമ പോലും ജനപ്രതിനിധികളുടെയും ജില്ലാ ഭരണകൂടത്തിന്‍റെയും ഭാഗത്തുനിന്നുണ്ടാകുന്നില്ലെന്ന ഗുരുതരമായ ആക്ഷേപമാണ് ജനങ്ങൾ ഉയർത്തുന്നത്. കാന അലങ്കാരം; മഴവെള്ളമൊഴുകുന്നത് പ്രധാന പാതയിലൂടെ..! കൊരട്ടി: ഇന്നലെ രാവിലെ പെയ്ത ശക്തമായ മഴയിൽ കൊരട്ടി - നാലുകെട്ട് പൊതുമരാമത്ത് റോഡിൽ എംഎഎം ഹയർസെക്കൻഡറി സ്കൂളിനു മുന്നിൽ ഇന്നലെ രൂപപ്പെട്ട വെള്ളക്കെട്ട്. ഓരങ്ങളിൽ ഡ്രെയിനേജ് ഉണ്ടെങ്കിലും മണ്ണും മാലിന്യംനിറഞ്ഞ നിലയിലാണ്. ഇതോടെയാണു വെള്ളം പ്രധാനപാതയിലൂടെ ഒഴുകിയത്. കൊരട്ടിയുടെ കിഴക്ക് - വടക്ക് ഭാഗങ്ങളിൽ നിന്നും ഇവിടേക്ക് ഒഴുകിയെത്തുന്ന വെള്ളത്തിന് ശമനമുണ്ടാകാനും ഗതാഗതം സാധാരണ നിലയിലാകാനും മണിക്കൂറുകളോളം വേണ്ടിവന്നു. ആലത്തൂരില്‍ വീട് ഭാഗികമായി തകര്‍ന്നു കൊടകര: കനത്തമഴയില്‍ പറപ്പൂക്കര പഞ്ചായത്തിലെ ആലത്തൂരില്‍ വീട് ഭാഗികമായി തകര്‍ന്നുവീണു. ആലത്തൂര്‍ തുരുത്തുപറമ്പ് മൂന്നുസെന്‍റ്് നഗറിലെ കോരത്ത് വളപ്പില്‍ ശോഭനയുടെ ഓടിട്ട വീടിന്‍റെ മേല്‍ക്കൂരയാണു തകര്‍ന്നുവീണത്. ഇന്നലെ ഉച്ചയോടെയാണു വലിയ ശബ്ദത്തോടെ വീടിന്‍റെ മുന്‍ഭാഗം തകര്‍ന്നു നിലംപതിച്ചത്. ഈ സമയത്തു വീടിനുള്ളില്‍ ആളുണ്ടായിരുന്നെങ്കിലും പരിക്കേല്‍ക്കാതെ രക്ഷപ്പെട്ടു. പോത്തന്‍ചിറയില്‍ വീടുകളില്‍ വെള്ളംകയറി വെള്ളിക്കുളങ്ങര: കനത്തുപെയ്ത മഴയില്‍ മറ്റത്തൂര്‍ പഞ്ചായത്തിലെ എട്ടാം വാര്‍ഡില്‍ ഉള്‍പ്പെടുന്ന പോത്തന്‍ചിറ പ്രദേശത്ത് വീടുകള്‍ വെള്ളത്തിലായി. പതിവില്ലാത്ത‌വിധം ഉയര്‍ന്ന ഭാഗങ്ങളില്‍ നിന്ന് കുത്തിയൊലിച്ചെത്തിയ മഴവെള്ളം ഇവിടെയുള്ള വീടുകള്‍ക്കു ചുറ്റും നിറയുകയായിരുന്നു. ആറുവീടുകളുടെ തറപ്പൊക്കം‌വരെ വെള്ളം ഉയര്‍ന്നു. ചില വീടുകളുടെ തറയുടെ വശങ്ങളില്‍‌നിന്ന് കല്ലുകള്‍ ഇളകിപ്പോയി. പോത്തന്‍ചിറയിലെ പോട്ടക്കാരന്‍ രാമായി വീടുനിര്‍മാണത്തിനായി സൂക്ഷിച്ചിരുന്ന മണലും മെറ്റലും മഴവെള്ളത്തില്‍ കുത്തിയൊലിച്ചുനഷ്ടപ്പെട്ടു. ഒട്ടും പ്രതീക്ഷിക്കാത്ത സമയത്ത് വീടുകള്‍ക്കുചുറ്റും വെള്ളം നിറഞ്ഞപ്പോള്‍ ഇവിടെയുള്ള കുടുംബങ്ങള്‍ പരിഭ്രാന്തി യിലായി. 2018ലെ പ്രളയകാലത്തുപോലും പോത്തന്‍ചിറ പ്രദേശത്ത് ഇങ്ങനെ വെള്ളം ഉയര്‍ന്നിട്ടില്ലെന്ന് പഞ്ചായത്തംഗം കെ.ആര്‍. ഔസേഫ് പറഞ്ഞു. രണ്ടുമണിക്കൂറിനകം വെള്ളം ഒഴുകിപ്പോയതു പ്രദേശവാസികള്‍ക്ക് ആശ്വാസമായി. വെള്ളിക്കുളങ്ങര വില്ലേജ് ഒാഫീസില്‍ നിന്നുള്ള ഉദ്യോഗസ്ഥര്‍ സ്ഥലം സന്ദര്‍ശിച്ച് നാശനഷ്ടം വിലയിരുത്തി.

കടലിൽ കുടുങ്ങിയ വള്ളങ്ങൾ രക്ഷപ്പെട്ടു

ചാവക്കാട്: റെഡ് അലർട്ട് അവഗണിച്ച് കടലിൽ ഇറങ്ങിയ വള്ളങ്ങൾ ശക്തമായ കാറ്റിൽപെട്ട് കടലിൽക്കുടുങ്ങി. കളക്ടർ തൃശൂർ ജില്ലയിൽ ഇന്നലെ റെഡ് അലർട്ട് പ്രഖ്യാപിച്ചിരുന്നു. മുന്നറിയിപ്പുണ്ടായാൽ കടലിൽ മത്സ്യബന്ധനയാനങ്ങൾ ഇറങ്ങാൻപാടില്ല. നിർദേശം അവഗണിച്ച് ഇന്നലെ നിരവധി വള്ളങ്ങൾ കടലിലിറങ്ങി. പുലർച്ചെ കടലിൽ ഇറങ്ങിയ വള്ളങ്ങൾ രാവിലെ എട്ടു മണിയോടെ ആഞ്ഞുവീശിയ കാറ്റിൽ അകപ്പെടുകയായിരുന്നു. അപകടംമനസിലാക്കിയ മത്സ്യത്തൊഴിലാളികൾ വള്ളങ്ങൾ മുഴുവൻ മുനയ്ക്കക്കടവ് ഹാർബറിലും മറ്റും അടുപ്പിച്ചു. ഭാഗ്യംകൊണ്ടാണ് വള്ളങ്ങൾ ഇന്നലെ അപകടങ്ങളിൽപെടാതെ രക്ഷപ്പെട്ടത്. മുന്നറിയിപ്പ് അവഗണിച്ച് കടലിൽപോയ വള്ളങ്ങൾ അപകടത്തിൽപ്പെട്ടാൽ സർക്കാരിൽനിന്നുള്ള ആനുകൂല്യം ലഭിക്കില്ല.

പോലീസ് നടപടി: ചാവക്കാട് നഗരസഭ പ്രതിഷേധിച്ചു

ചാവക്കാട്: നഗരസഭയുടെ കുളിമുറിമാലിന്യ മൊബൈൽ ട്രീറ്റ്മെന്‍റ് യൂണിറ്റ് നഗരസഭയുടെ അനുമതിയില്ലാതെ ഗുരുവായൂർ പോലീസ് പിടിച്ചെടുത്ത നടപടിയെ ചാവക്കാട് നഗരസഭാധ്യക്ഷ ഷീജ പ്രശാന്ത് വാർത്താസമ്മേളനത്തിൽ അപലപിച്ചു. യൂണിറ്റിന്‍റെ പ്രവർത്തനം തടസപ്പെടുത്തിയവർക്കെതിരേ കർശനനടപടി സ്വീകരിക്കണമെന്നും ചെയർപേഴ്സൺ വാർത്താസമ്മേളനത്തിൽ ആവശ്യപ്പെട്ടു. മനുഷ്യവിസർജ്യ വസ്തുക്കൾ മികച്ച രീതിയിൽ സംസ്കരിക്കാൻ കഴിയുന്നതാണ് സഞ്ചരിക്കുന്ന സംസ്കരണശാല. ദ്രവമാലിന്യം സംസ്കരിച്ച് ലഭിക്കുന്ന വെള്ളം കാന ഉൾപ്പെടെയുള്ള പൊതുസ്ഥലത്ത് ഒഴുക്കികളയാവുന്ന ദുർഗന്ധമില്ലാത്ത വെള്ളമാണ്. ഇതറിയാത്തവരാണ് മലിനജലം ഒഴുക്കിയെന്ന് ബഹളംവച്ച് പോലീസിനെ വരുത്തിയതെന്ന് വൈസ് ചെയർമാൻ കെ.കെ. മുബാറക്, മുൻ ചെയർമാൻ എം.ആർ. രാധാകൃഷ്ണൻ എന്നിവർ അറിയിച്ചു. മൊബൈൽ ട്രീറ്റ്‌മെന്‍റ് യൂണിറ്റ് എന്നത് ചെറിയൊരു ട്രക്കിൽ ക്രമീകരിച്ചിട്ടുള്ള ശാസ്ത്രീയ സെപ്റ്റിക‌ ്ടാങ്ക് സംസ്കരണ യൂണിറ്റാണ്. ഇത് ഒരുമണിക്കൂറിനുള്ളിൽ 6000 ലിറ്റർ മലിനജലം ശുദ്ധീകരിക്കാൻ ശേഷിയുള്ളതാണ്. ശുദ്ധീകരിച്ച വെള്ളം കേന്ദ്ര മലിനീകരണ നിയന്ത്രണബോർഡിന്‍റെ മാനദണ്ഡങ്ങൾ പാലിച്ചുകൊണ്ട് കൃഷിക്ക,ോ മറ്റ് ആവശ്യങ്ങൾക്കോ പുനരുപയോഗയോഗ്യമാണ്. ഈ യൂണിറ്റുവഴി ശേഖരിക്കുന്ന ഖരമാലിന്യം കമ്പോസ്റ്റാക്കി മാറ്റാനും സാധിക്കും. സാമൂഹികവിരുദ്ധരുടെ ഇത്തരം നടപടികൾക്കെതിരേയും കാര്യക്ഷമായി പ്രവർത്തിക്കേണ്ട പോലീസ് ഉദ്യോഗസ്ഥരുടെ അനാസ്ഥയ്ക്കെതിരേയും മുഖ്യമന്ത്രിക്കും വകുപ്പ് മന്ത്രിക്കും സംസ്ഥാന പോലീസ് മേധാവിക്കും മറ്റും ബന്ധപ്പെട്ട അധികാരികൾക്കും പരാതിനൽകിയിട്ടുണ്ട്. നഗരസഭയുടെ പ്രതിച്ഛായയെ തകർക്കാനുള്ള ബോധപൂർവമായ ശ്രമത്തിന്‍റെ ഭാഗമാണിബെന്ന് നഗരസഭാധ്യക്ഷ ആരോപിച്ചു. നഗരസഭാ സെക്രട്ടറി എം.എസ്. ആകാശ്, ക്ലീൻ സിറ്റി മാനേജർ ബി. ദിലീപ് തുടങ്ങിയവരും പങ്കെടുത്തു.

ശുചിമുറിമാലിന്യം കാനയിലേക്ക് ഒഴുക്കിയ സംഭവം; പ്രതിഷേധം ശക്തം

ഗുരുവായൂർ: സ്വകാര്യ ലോഡ്ജിലെ ശുചിമുറിമാലിന്യം സംസ്കാരണ വാഹനത്തിൽ സംസ്കരിച്ചശേഷമുള്ള വെള്ളം കാനയിലേക്കൊഴുക്കിയ സംഭവത്തിൽ ഇന്നലെചേർന്ന കൗൺസിൽ യോഗത്തിലും നഗരസഭ ഓഫീസിനുമുന്നിലും പ്രതിഷേധം. സംഭവം കൗൺസിലിന്‍റെ തുടക്കത്തിൽ ചർച്ചചെയ്യാത്തതിൽ പ്രതിഷേധിച്ച് വാർഡ് കൗൺസിലർ കോൺഗ്രസിലെ വി.കെ. സുജിത്ത് നടുത്തളത്തിൽ കുത്തിയിരുന്ന് പ്രതിഷേധിച്ചു. അടിയന്തരപ്രമേയത്തിന് അനുമതിനിഷേധിച്ചതിൽ പ്രതിഷേധിച്ച് ബിജെപി അംഗങ്ങളായ ശോഭ ഹരിനാരായണൻ, ജ്യോതി രവീന്ദ്രനാഥ് എന്നിവർ കൗൺസിൽ യോഗത്തിൽനിന്ന് ഇറങ്ങിപ്പോയി. എന്നാൽ അടിയന്തര കൗൺസിലായതിനാൽ വിഷയം അവസാനം ചർച്ചചെയ്യാമെന്ന് നഗരസഭ ചെയർമാൻ എം. കൃഷ്ണദാസ് അറിയിച്ചു. ഇതിനെ പ്രതിപക്ഷം എതിർത്തതോടെ ബഹളമായി. വിഷയം ചർച്ചചെയ്യാതെ അജന്‌ഡയിലേക്ക് കടന്നതോടെ സുജിത്ത് ചെയർമാന്‍റെ ചേംബറിനു മുന്നിൽ കുത്തിയിരിക്കുകയായിരുന്നു. ചാവക്കാട് നഗരസഭയുടെ വാഹനം ഗുരുവായൂർ നഗരസഭ പിടിച്ചെടുത്തു എന്ന വാർത്തകൾ ശുദ്ധ അസംബന്ധമാണെന്ന് നഗരസഭ ചെയർമാൻ എം. കൃഷ്ണദാസ് പറഞ്ഞു.

അരിസ്റ്റോ റോഡ് ഉദ്ഘാടനം മാറ്റിയതിൽ പ്രതിഷേധം

തൃശൂര്‍: തീയതിയും സമയവും ഉദ്ഘാടകനെയും തീരുമാനിച്ചശേഷം തലേന്നാൾ യാതൊരു കാരണവുമില്ലാതെ അരിസ്റ്റോ റോഡ് ഉദ്ഘാടനം നീട്ടിയതിൽ പ്രതിപക്ഷ കൗൺസിലർമാരുടെയും നാട്ടുകാരുടെയും പ്രതിഷേധം. ഇന്നു വൈകീട്ട് നാലിനു മേയർ ഉദ്ഘാടനംചെയ്യുമെന്നു നോട്ടീസിലൂടെ അറിയിച്ചിരുന്ന പരിപാടി 12നു മന്ത്രി ഡോ. ആര്‍. ബിന്ദു ഉദ്ഘാടനം നിർവഹിക്കുമെന്നാണ് മേയർ ഒടുവിൽ അറിയിച്ചിരിക്കുന്നത്. എന്നാൽ മുൻകൂട്ടി തീരുമാനിച്ചപ്രകാരം ഇന്നു വൈകീട്ട് നാലിനുതന്നെ റോഡ് പൊതുജനങ്ങൾക്കായി തുറന്നുകൊടുക്കുമെന്നു പ്രതിപക്ഷനേതാവ് രാജൻ പല്ലൻ പറഞ്ഞു. പൊട്ടിപ്പൊളിഞ്ഞ് വാഹനയാത്രികർക്കു സ്ഥിരം തലവേദന സൃഷ്ടിച്ചിരുന്ന റോഡ് ഒന്നരക്കോടി ചെലവിട്ടാണു ടൈല്‍സ് വിരിച്ചത്. ആദ്യം ഇന്നലെ ഉദ്ഘാടനം നിശ്ചയിക്കുകയും എന്നാൽ കൗൺസിൽ ഉള്ളതിനാൽ മേയറുടെ നിർദേശപ്രകാരം ഇന്നത്തേക്കു മാറ്റുകയുമായിരുന്നു. ഇപ്രകാരം മേയറെ ഉദ്ഘാടകനും കൗൺസിലർ ലീലടീച്ചറെ അധ്യക്ഷയാക്കിയും നോട്ടീസും അച്ചടിച്ചു. നോട്ടീസിൽ കൗൺസിലർ സിന്ധു ആന്‍റോ ചാക്കോള, ഡെപ്യൂട്ടി മേയർ എം.എൽ. റോസി, വർഗീസ് കണ്ടംകുളത്തി, രാജൻ പല്ലൻ, കരോളിൻ എന്നിവരുടെയെല്ലാം ഫോട്ടോയും വച്ചിരുന്നു. എന്നാൽ, തെരഞ്ഞെടുപ്പു മുന്നിൽക്കണ്ട് ഭരണപക്ഷത്തുള്ള ചിലർ മേയറെ ഉദ്ഘാടനത്തിൽനിന്നു വിലക്കുകയും പാർട്ടിപരിപാടിയാക്കി മാറ്റാൻ മന്ത്രിയെക്കൊണ്ട് ഉദ്ഘാടനം ചെയ്യിക്കാൻ പദ്ധതിയിടുകയുമായിരുന്നു. തുടർന്ന് അവരുടെ നിർബന്ധത്തിനു വഴങ്ങിയാണ് മേയർ ഉദ്ഘാടനം മാറ്റിയതെന്നു രാജൻ പല്ലൻ കുറ്റപ്പെടുത്തി.

അതിരൂപത സമുദായജാഗ്രതാ സദസ് സെപ്റ്റംബർ 21ന്

തൃശൂര്‍: കത്തോലിക്കാസഭയും സമുദായവും കാലങ്ങളായി അനുഭവിച്ചുവരുന്ന നിരവധി പ്രശ്നങ്ങളിൽ കേന്ദ്ര, സംസ്ഥാന സർക്കാരുകൾ നിഷേധാത്മകനയം സ്വീകരിക്കുകയാണെന്നു തൃശൂർ അതിരൂപതയിലെ സംഘടനാ ഏകോപനസമിതി കുറ്റപ്പെടുത്തി. രാജ്യത്തു മതസ്വാതന്ത്യത്തിനുനേരേ ഉയരുന്ന വെല്ലുവിളികൾ, ജെ.ബി. കോശി കമ്മീഷൻ നടപടികളിൽ സർക്കാർ സ്വീകരിക്കുന്ന ഒളിച്ചുകളി, വിദ്യാഭ്യാസമേഖലയിലെ മതനിഷേധശ്രമങ്ങൾ, മലയോര- തീരദേശ- ചെറുകിട കച്ചവടമേഖലകളിലെ വെല്ലുവിളികൾ, സഭയുടെ സ്വത്തുവകകൾ കൈയടക്കാനുള്ള നീക്കങ്ങൾ തുടങ്ങിയ വിഷയങ്ങളിൽ വിശ്വാസിസമൂഹത്തെ ബോധവത്കരിക്കാനും പൊതുസമൂഹത്തിന്‍റെ ശ്രദ്ധയിലേക്കു കൊണ്ടുവരാനും സെപ്റ്റംബർ 21നു തൃശൂരിൽ അതിരൂപതാതല സമുദായജാഗ്രതാസദസ് സംഘടിപ്പിക്കാൻ ഏകോപനസമിതി യോഗം തീരുമാനിച്ചു. ഓരോ ഇടവകയിൽനിന്നും പ്രതിനിധികളെ പങ്കെടുപ്പിക്കുന്ന ജാഗ്രതാസദസിൽ മതമേലധ്യക്ഷൻമാരും സമുദായനേതാക്കളും പങ്കെടുക്കും. ഇതിന് അനുബന്ധമായി അതിരൂപതയിലെ 240 ഇടവകകളിൽ ബോധവത്കരണസദസുകൾ നടന്നുവരികയാണ്. വികാരി ജനറാൾമാരായ മോൺ. ജെയ്സൺ കൂനംപ്ലാക്കൽ, മോൺ. ജോസ് കോനിക്കര, ചാൻസലർ ഡോ. ഡൊമിനിക് തലക്കോടൻ, കത്തോലിക്ക കോൺഗ്രസ് ഡയറക്ടർ ഫാ. ജിജോ വള്ളൂപ്പാറ, ഏകോപനസമിതി കൺവീനർ ഡോ. ടോണി ജോസഫ്, പാസ്റ്ററൽ കൗൺസിൽ സെക്രട്ടറി ജോഷി വടക്കൻ, കത്തോലിക്ക കോൺഗ്രസ് അതിരൂപത പ്രസിഡന്‍റ് ഡോ. ജോബി തോമസ് കാക്കശേരി എന്നിവർ പ്രസംഗിച്ചു.

കനത്ത മഴ: വീടുകളിൽ വെള്ളംകയറി, നാശനഷ്ടം

പട്ടിക്കാട്: പാണഞ്ചേരി ഗ്രാമപഞ്ചായത്തിന്‍റെ വിവിധഭാഗങ്ങളിൽ വ്യാപക നാശനഷ്ടം. ചെന്നായ്പ്പാറ സ്വദേശിനി മംഗലത്ത് ആലീസിന്‍റെ വീടിനു പിൻഭാഗത്തെ മതിലിടിഞ്ഞു. രാവിലെ ഏഴരയോടെയായിരുന്നു സംഭവം. തുടർന്ന് ഇവരെ വീട്ടിൽനിന്നു മാറ്റിപ്പാർപ്പിച്ചു. ചെന്നായ്പ്പാറ ആശ്രമത്തിന് സമീപം തോട് കവിഞ്ഞൊഴുകിയതോടെ പ്രദേശത്തെ വീടുകളിൽ വെള്ളംകയറി. കൊട്ടാരവളപ്പിൽ സ്വരാജ്, സഹദേവൻ എന്നുവരുടെ വീടുകളിലാണ് വെള്ളം കയറിയത്. താമരവെള്ളച്ചാൽ സ്വദേശി മോഹനന്‍റെ വീട്ടിൽ വെള്ളം കയറിയതോടെ വാർഡ് മെമ്പർ അജിത മോഹൻദാസിന്‍റെ നേതൃത്വത്തിൽ നാട്ടുകാർചേർന്ന് ശുചീകരണ പ്രവർത്തനങ്ങൾനടത്തി. പുത്തൂർ: പുത്തൻകാട് തോട് കരകവിഞ്ഞതോടെ പ്രദേശത്തെ നിരവധി വീടുകളിലാണ് വെള്ളംകയറിയത്. വേലുക്കാരൻ വിൻസെന്‍റ്, പാത്രക്കട നാരായണൻ, ഫ്രാൻസിസ് പൊർത്തൂർ, ബാബു കൊല്ലേലി, വിജയൻ ആന്താനി, എൽസി എലവുത്തിങ്കൽ, കൂമുള്ളി ശശി, ഔസേപ്പ് വില്ലൻ, ദാസൻ കള്ളാടത്തിൽ, സുബ്രഹ്മണ്യൻ വെളിയത്തുപറമ്പിൽ, നോബിൾ തച്ചേലിക്കര, ചിറയത്ത് ജോസ്, പഴുപ്പറമ്പിൽ റോയ് തുടങ്ങിയവരുടെ വീടുകളിലാണ് വെള്ളംകയറിയത്. കൂടാതെ വെട്ടുകാട് സെന്‍റ് ജോസഫ് പള്ളിയുടെ എട്ടാംകല്ല് കപ്പോളയുടെ സംരക്ഷണഭിത്തിയും വെള്ളത്തിന്‍റെ കുത്തൊഴുക്കിൽ ഇടിഞ്ഞുതകർന്നു. സ്വകാര്യ വ്യക്തികൾ തോട് കെെയേറി നിർമാണ പ്രവൃത്തികൾ നടത്തിയതാണ് ഇത്തരത്തിൽ തോട് കരകവിയാൻ കാരണമെന്നും ഇതിനെതിരേ പഞ്ചായത്തിൽ പരാതിനൽകുമെന്നും നാട്ടുകാർ പറഞ്ഞു. അടിയന്തരമായി നടപടിയെടുത്തില്ലെങ്കിൽ പ്രദേശവാസികൾ അനധികൃത കെെയേറ്റങ്ങൾ പൊളിച്ചുനീക്കുമെന്നും നാട്ടുകാർ പറഞ്ഞു. പുത്തൂർ: പഞ്ചായത്ത് പരിധിയിലെ വിവിധസ്ഥലങ്ങളിൽ വ്യാപകമായി വെള്ളംകയറി. മിക്ക റോഡുകളും വെള്ളത്തിൽമുങ്ങിയ അവസ്ഥയാണ്. മലയോര പ്രദേശത്തെ തോടുകളെല്ലാം കരകവിഞ്ഞു. ഇതോടെ പ്രദേശത്തെ നിരവധി വീടുകളിലാണ് വെള്ളംകയറിയത്. പുത്തൂർ പഞ്ചായത്ത് പരിധിയിലെ വെട്ടുകാട്, ചെറുകുന്ന്, ഉദയനഗർ, ആശാദീപം, പുളിഞ്ചോട്, പുത്തൻകാട്, ആട്ടുപാലം, സ്നേഹാശ്രമം എന്നീ ഭാഗങ്ങളിലെല്ലാം രൂക്ഷമായ വെള്ളക്കെട്ടാണ് ഉണ്ടായത്. പുത്തൂർ - മാന്ദാമംഗലം റൂട്ടിൽ വെട്ടുകാട് റോഡിൽ വെള്ളംകയറിയതിനെ തുടർന്ന് ഇതുവഴിയുള്ള വാഹനഗതാഗതവും ഏറെനേരം തടസപ്പെട്ടു. വെട്ടുകാട് ഏഴാംകല്ല് സ്നേഹാശ്രമം റോഡിൽ ഉപ്പുമാക്കൻ തോമസിന്‍റെ വീടിന്‍റെ മുറ്റം ഇടിഞ്ഞു. സമീപവാസി ആക്കാശേരി വർഗീസ്, തെക്കുംപുറം മേരി, ബാബു ആച്ചേരിക്കുടിയിൽ, ചൊള്ളാമാക്കൻ ഷിജു, യാക്കോബ് കൊച്ചുപുരയ്ക്കൽ എന്നിവരുടെ വീടിന് പിന്‌വശത്താണ് ഉരുൾപൊട്ടലിന് സമാനമായരീതിയിൽ മണ്ണ് ഇടിഞ്ഞുവീണത്. ഇതോടെ ഈ പ്രദേശത്തെ 20 ഓളം വീട്ടുകാർ ഭീതിയിലാണ്. മുരുക്കുംപാറ ഇളംപാറ റോഡിന്‍റെ സംരക്ഷണഭിത്തിയും കനത്തമഴയിൽ ഇടിഞ്ഞുവീണു. കൂടുതൽഭാഗം ഏതുനിമിഷവും ഇടിഞ്ഞുവീഴാവുന്ന വിധത്തിൽ വിണ്ടുകീറിയ അവസ്ഥയിലാണ്. ഇതുവഴിയുള്ള വാഹനഗതാഗതവും തടസപ്പെട്ടു. വടക്കാഞ്ചേരി: വടക്കാഞ്ചേരിയിലും സമീപപ്രദേശങ്ങളിലും താഴ്ന്നസ്ഥലങ്ങളിൽ വെള്ളംകയറി. മുള്ളൂർക്കര ആറ്റൂർ കമ്പനിപടി, ഓട്ടുപാറ, കുന്നംകുളം റോഡ്, തെക്കുംകര പനങ്ങാട്ടുകര എന്നി പ്രദേശങ്ങളിലാണ് വെള്ളംകയറി ജനജീവിതം സ്തംഭിച്ചത്. വിവിധ സ്ഥലങ്ങളിൽ ചെറിയതോതിൽ മണ്ണിടിച്ചിലും ഉണ്ടായിട്ടുണ്ട്. വടക്കാഞ്ചേരി: അകമല റെയിൽവേട്രാക്കിൽ വെള്ളംകയറി ട്രെയിൻ ഗതാഗതം 20 മിനിറ്റ് തടസപ്പെട്ടു. അധികൃതരത്തി ഏറെനേരം പണിപ്പെട്ടാണ് ട്രാക്കിൽനിന്നു വെള്ളത്തിന്‍റെ ശല്യം ഒഴിവാക്കിയത്. ഇന്നലെ രാവിലെ 10.30ഓടെയാണ് സംഭവം. തിരുവനന്തപുരത്തേക്ക് പോകുകയായിരുന്ന ശബരി എക്സപ്രസാണ് ട്രാക്കിൽ വെള്ളമെത്തിയതിനെ തുടർന്ന് പിടിച്ചിട്ടത്. അകമല കുന്നിനുമുകളിൽനിന്നു അതിശക്തമായി കുത്തിയൊലിച്ച് ഇറങ്ങുകയായിരുന്നുവെന്ന് പ്രദേശവാസികൾ പറഞ്ഞു. ഇതേതുടർന്ന് തൃശൂർ ഭാഗത്തേക്കുള്ള ട്രെയിനുകളും വൈകിയാണ് ഓടിയത്. ഒരുമണിക്കൂറിനുള്ളിൽ ട്രാക്കിലെ തടസങ്ങൾ ഒഴിവാക്കി ട്രെയിൻ ഗതാഗതം പുനസ്ഥാപിച്ചു.

അക്ഷയ സംരംഭകർ ആരുടെയും അടിമകളല്ല: സ്റ്റീഫൻ ജോൺ

തൃശൂര്‌: അക്ഷയ സംരംഭകർ ആരുടേയും അടിമവേലക്കാരല്ലെന്നും അവർ പ്രതിഫലംനോക്കാതെ സർക്കാരിനും ജനങ്ങൾക്കുംവേണ്ടി നിലകൊള്ളുന്ന ജനസേവകരാണെന്നും അക്ഷയ സംരംഭകരുടെ സംഘടനയായ ഫേസ് സംസ്ഥാന പ്രസിഡന്‍റ് സ്റ്റീഫൻ ജോൺ അഭിപ്രായപ്പെട്ടു. പ്രതിസന്ധികൾക്കിടയിലും അക്ഷയ മുന്നോട്ടുകൊണ്ടുപോവാൻ പാടുപെടുന്ന സംരംഭകരെ വേദനിപ്പിക്കുന്ന നടപടികൾ അധികൃതരുടെ ഭാഗത്തുനിന്ന് ഉണ്ടാവുന്നത് ഖേദകരമാണെന്നും അദ്ദേഹം പറഞ്ഞു. തൃശൂരിൽ നടന്ന ഫേസ് സംസ്ഥാന പ്രതിനിധിസമ്മേളനം ഉദ്ഘാടനംചെയ്തു സംസാരിക്കുകയായിരുന്നു അദ്ദേഹം. പരിപാടിയിൽ ഫേസ് സംസ്ഥാന സെക്രട്ടറി എ.പി. സദാനന്ദൻ അധ്യക്ഷനായി. മാത്യു ജോൺ കണ്ണൂർ, ഫേസ് സംസ്ഥാന ട്രഷറർ സി.വൈ. നിഷാന്ത്, സെക്രട്ടറി എ.പി. സദാനന്ദൻ, എ. നസീർ, എം. സുദിൽ, പ്രതീഷ് ജേക്കബ്, പ്രദീപ് മംഗലത്ത്, ബിജു പൂക്കോട്, സജയകുമാർ, എം. അരവിന്ദാക്ഷൻ, വി .കെ. വിജയലക്ഷ്മി എന്നിവർ പ്രസംഗിച്ചു. മൂന്നാമത് സംസ്ഥാനസമ്മേളനം 31ന് ആലപ്പുഴയിൽ നടക്കും.

ക്രിസ്ത്യൻ മാനേജ്മെന്‍റുകളോടുള്ള സർക്കാർ നിലപാട് വിവേചനപരം: ടീച്ചേഴ്സ് ഗിൽഡ്

തൃശൂർ: സംസ്ഥാനത്തെ എയ്ഡഡ് സ്കൂളുകളിൽ നിയമനാംഗീകാരം കാത്തുനിൽക്കുന്ന ആയിരക്കണക്കിന് അധ്യാപകരെ നിരാശരാക്കിയ സർക്കാർ ഉത്തരവ് വിവേചനപരമെന്നു കാത്തലിക് ടീച്ചേഴ്സ് ഗിൽഡ് തൃശൂർ അതിരൂപതാ സമിതി. 2018 മുതലുളള നിയമനങ്ങളാണു നിഷേധിക്കുന്നത്. ഹൈക്കോടതിവിധിയെതുടർന്ന് എൻഎസ്എസ് മാനേജ്മെന്‍റിന്‍റെ നിയന്ത്രണത്തിലുള്ള മുഴുവൻ നിയമനങ്ങൾക്കും സർക്കാർ അംഗീകാരം നൽകി. മറ്റു മാനേജ്മെന്‍റുകളോടു ചിറ്റമ്മനയമാണ് സ്വീകരിക്കുന്നത്. എൻഎസ്എസ് മാനേജ്മെന്‍റിനു ലഭിച്ച കോടതിവിധി ചൂണ്ടിക്കാട്ടി അനുകൂലവിധി സന്പാദിക്കാൻ ഉപദേശിച്ച മന്ത്രിമാർ സർക്കാരിന്‍റെ നയം വ്യക്തമാക്കണം. അധ്യാപകനിയമനങ്ങൾക്ക് അംഗീകാരം നൽകാത്തതിനെത്തുടർന്ന് രണ്ടുപേർ ആത്മഹത്യ ചെയ്തു. പൊതുവിദ്യാഭ്യാസരംഗത്തു കേരളം നന്പർ വണ്‍ ആണെന്നു പറയുന്പോഴും ആയിരക്കണക്കിന് അധ്യാപകരാണു ദിവസവേതനക്കാരായും വേതനമില്ലാതെയും ജോലിചെയ്യുന്നത്. ചില മാനേജ്മെന്‍റുകൾക്കു പ്രത്യേകം പരിഗണന നൽകി നിയമന അംഗീകാരം നൽകുന്ന നയത്തിനു സർക്കാർ കടുത്ത വില നൽകേണ്ടിവരുമെന്നും ശക്തമായ സമരങ്ങൾക്കു രൂപംനൽകുമെന്നും ടീച്ചേഴ്സ് ഗിൽഡ് തൃശൂർ അതിരൂപതാ സമിതി അറിയിച്ചു. പ്രതിഷേധയോഗം വികാരി ജനറാൾ മോണ്‍. ജോസ് കോനിക്കര ഉദ്ഘാടനം ചെയ്തു. ടീച്ചേഴ്സ് ഗിൽഡ് അതിരൂപത ഡയറക്ടർ ഫാ. ജോയ് അടന്പുകുളം, പ്രസിഡന്‍റ് എ.ഡി. സാജു, ബിജു പി. ആന്‍റണി, ജോഫി മഞ്ഞളി, എൻ.പി. ജാക്സണ്‍ എന്നിവർ പ്രസംഗിച്ചു.

കൊടുംമഴയിലും ടാറിംഗ്!!! "അലർട്ടു'മായി നാട്ടുകാർ

തൃശൂർ: കോരിച്ചൊരിയുന്ന മഴയത്ത് ഒരു ടാറിടൽ അപാരത. ജനം രംഗത്തുവന്നതോടെ പണി അവസാനിപ്പിച്ച് തൊഴിലാളികൾ. ഇന്നലെ രാവിലെയാണ് സംഭവം. അതിതീവ്രമഴ തുടരുന്നതിനിടെയാണ് മാരാർ റോഡിലെ കോർപറേഷൻ റോഡിലെ കുഴിയടയ്ക്കാൻ തൊഴിലാളികൾ എത്തിയത്. റോഡിലെ കുഴികൾ ജീവനെടുത്തപ്പോൾപോലും ഇല്ലാത്ത ആത്മാർഥത കനത്ത മഴയ്ക്കിടെ കണ്ടതോടെ കെപിസിസി സെക്രട്ടറി ഷാജി ജെ. കോടങ്കണ്ടത്താണ് ആദ്യം പ്രതിഷേധം അറിയിച്ച് രംഗത്തുവന്നത്. തുടർന്നു നാട്ടുകാരും രംഗത്തിറങ്ങുകയായിരുന്നു. ആദ്യം എതിർപ്പ് കണ്ടില്ലെന്നുനടിച്ച് പണിതുടരുകയും കുഴി അടയ്ക്കുകയും ചെയ്തെങ്കിലും ജനം എതിർപ്പു പ്രകടിപ്പിച്ചതോടെ പണി നിർത്തിവയ്ക്കാൻ പിന്നീട് മേയറും ആവശ്യപ്പെട്ടു. ജില്ലയിൽ റെഡ് അലർട്ട് പ്രഖ്യാപിച്ച സാഹചര്യത്തിൽ ഒരു പണിയും പാടില്ലെന്നും താൻ കരാറുകാരനു കർശനനിർദേശം നൽകിയിരുന്നതാണെന്നും അലർട്ടുകളെക്കുറിച്ച് അറിവില്ലാത്ത ഇതരസംസ്ഥാനതൊഴിലാളികളാണ് റോഡുപണിക്ക് എത്തിയിരുന്നതെന്നും അവർ ടാർ ചൂടാക്കുക മാത്രമേ ചെയ്തിട്ടുള്ളൂവെന്നുമായിരുന്നു മേയറുടെ ന്യായീകരണം. ടാറിംഗ് നിർമാണത്തിനായി എത്തിയതു മലയാളികൾതന്നെ ആയിരുന്നെന്നും കുഴികളിൽ അവർ ടാർ തട്ടിയിരുന്നുവെന്നും മേയറുടെ വാദം പൊള്ളയാണെന്നും ഷാജി കോടങ്കണ്ടത്ത് പറഞ്ഞു. എന്നാൽ, കൊടുംമഴയിൽ ടാറിംഗ് നടത്തുന്നതിന്‍റെ വീഡിയോ ആക്ഷേപങ്ങളോടെ സമൂഹമാധ്യമങ്ങളിൽ രാവിലെമുതൽ പ്രചരിച്ചു. ചാനലുകളിലും ഈ വീഡിയോ കാണിച്ചിരുന്നു.

മഴയല്ലിത്, കണ്ണീർ... സിന്ധുവിനു പറയാൻ വാക്കുകളില്ല

സി.ജി. ജിജാസൽ തൃശൂർ: ആശുപത്രിയിലെ ആധിയിൽനിന്നു വീട്ടിലേക്ക് എത്തിയപ്പോൾ കണ്ടതു നെഞ്ചുതകരുന്ന കാഴ്ച. അക്വാട്ടിക് ലെയ്ൻ തറയിൽ വീട്ടിൽ സിന്ധുവിന് ഇന്നലെ പെയ്ത മഴ നൽകിയതു തീരാദുരിതം. ആശുപത്രിയിൽ അത്യാഹിതവിഭാഗത്തിൽ ചികിത്സയിൽ തുടരുന്ന മാതാവ് വള്ളിക്കുട്ടിയമ്മയുടെ അടുത്തുനിന്നും വീട്ടിലേക്കു വരുന്പോഴാണ് സ്വന്തം വീട് അരയ്ക്കൊപ്പം വെള്ളത്തിൽ മുങ്ങിയ കാഴ്ച കാണുന്നത്. കഴിഞ്ഞ രാത്രി പോകുംവരെ യാതൊരു പ്രശ്നവും ഇല്ലായിരുന്നു. രണ്ടുമണിക്കൂർ പെയ്ത മഴയിൽ വീട് വെള്ളത്തിൽ മുങ്ങി. ഇലക്ട്രോണിക്സ്, ഭക്ഷ്യവസ്തുക്കൾ, ഫർണീച്ചറുകൾ ഉൾപ്പെടെയുള്ള വസ്തുക്കൾ വെള്ളത്തിൽ മുങ്ങി. ഇഴജന്തുക്കൾകൂടി വീടുകളിൽ കയറിയതോടെ വീട്ടിലെ അവശ്യവസ്തുക്കൾപോലും മാറ്റാൻ കഴിയാതെ സിന്ധുവും സമീപവീട്ടുകാരും ദുരിതത്തിലായി. സമീപത്തെ വീടായ ലക്ഷ്മിനിവാസിലെ ലക്ഷ്മിക്കുട്ടിയമ്മയെ പോലീസ് ഉൾപ്പെടെയുള്ളവർ എത്തിയാണ് സുരക്ഷിതസ്ഥാനത്തേക്കു മാറ്റിയത്. മുൻവർഷങ്ങളിലും സമാനമായ അനുഭവങ്ങൾ ഉണ്ടായിട്ടുണ്ടങ്കിലും ഇത്രയും പെട്ടെന്നു വെള്ളം കയറുന്നത് ആദ്യമായിട്ടാണെന്നും തുടർച്ചയായി ഉണ്ടാകുന്ന ദുരിതം പരിഹരിക്കാൻ അടിയന്തരനടപടി വേണമെന്നും വീട്ടുകാർ ആവശ്യപ്പെട്ടു. വിവരമറിഞ്ഞ് മേയർ എം.കെ. വർഗീസും കോർപറേഷൻ ജീവനക്കാരും സ്ഥലത്തെത്തിയിരുന്നു. തുടർന്നുനടന്ന പ്രവർത്തനങ്ങളിലൂടെ അരമണിക്കൂറിനുള്ളിൽതന്നെ റോഡുകളിലെ വെള്ളക്കെട്ട് പരിഹരിക്കാൻ കഴിഞ്ഞെങ്കിലും സിന്ധുവിന്‍റെയും സമീപവാസികളുടെയും വീട്ടിലെ ദുരിതം ഒഴിഞ്ഞില്ല.

കണ്‍ട്രോൾ റൂം തുറന്നു

തൃശൂർ: രണ്ടു ദിവസങ്ങളിലായുണ്ടായ കനത്ത മഴയെത്തുടർന്ന് തൃശൂർ താലൂക്ക് ഓഫീസിലും പുത്തൂർ ഗ്രാമപഞ്ചായത്തിലും 24 മണിക്കൂറും പ്രവർത്തിക്കുന്ന കണ്‍ട്രോൾ റൂം ആരംഭിച്ചതായി മന്ത്രി കെ. രാജൻ അറിയിച്ചു. അടിയന്തര സാഹചര്യത്തിൽ 0487 2331443 എന്ന നന്പറിൽ തൃശൂർ താലൂക്ക് എമർജൻസി ഓപ്പറേഷൻ സെന്‍ററുമായി ബന്ധപ്പെടാം. ആംബുലൻസ്, ഫയർഫോഴ്സ്, വൈദ്യുതിവകുപ്പ്, ജലസേചനവകുപ്പ് ഉദ്യോഗസ്ഥർ സജ്ജരായി രംഗത്തുണ്ടാകും. മഴക്കെടുതി നേരിടാൻ ഉപകരണങ്ങൾ വാങ്ങാൻ ഒരു ലക്ഷംരൂപയും ക്യാന്പ് ആരംഭിക്കാൻ ഒരു ലക്ഷം രൂപയും അടിയന്തരമായി അനുവദിക്കാൻ മന്ത്രി നിർദേശിച്ചു. ഒടിഞ്ഞുവീണ മരങ്ങൾ അടിയന്തരമായി മുറിച്ചുമാറ്റാൻ ഡിഎഫ്ഒയ്ക്കു നിർദേശം നൽകി. അപകടാവസ്ഥയിലുള്ള മരങ്ങൾ മുറിച്ചുമാറ്റാൻ പഞ്ചായത്ത് സെക്രട്ടറിക്കു നിർദേശം നൽകി. ഏഴാംകല്ല് പള്ളിപ്പരിസരത്തെ കനാലിലെ ഒഴുക്ക് സുഗമമാക്കാൻ കനാൽ ഭാഗം പൊട്ടിച്ച് അണ്ടർ ടണലിലേക്കു വെള്ളം ഒഴുക്കിവിടാൻ നടപടി സ്വീകരിച്ചു. പുത്തൂർ സുവോളജിക്കൽ പാർക്കിലെ കനാലിന്‍റെ ബ്ലോക്കുകൾ മാറ്റാൻ അടിയന്തരനടപടി സ്വീകരിക്കാൻ മൃഗശാല ഡയറക്ടർക്കു നിർദേശം നൽകി. വെള്ളക്കെട്ടുണ്ടായ പ്രദേശങ്ങളിൽ നാശനഷ്ടങ്ങളുടെ സ്ഥിതിവിവരക്കണക്ക് അടിയന്തരമായി ശേഖരിക്കാൻ ബന്ധപ്പെട്ട വില്ലേജ് ഓഫീസർമാർക്കു നിർദേശംനൽകി. മഴ ശക്തമായി തുടരുന്ന സാഹചര്യത്തിൽ തൃശൂർ താലൂക്ക് പരിധിയിലെ റവന്യൂ ജീവനക്കാർ അവരവരുടെ അധികാരപരിധിയിൽ തുടരണമെന്നും ലീവ് അനുവദിക്കേണ്ടതില്ലെന്നും മന്ത്രി നിർദേശിച്ചു. യോഗത്തിൽ എഡിഎം, ഡെപ്യൂട്ടി കളക്ടർ (ഡിഎം), തഹസിൽദാർ, പുത്തൂർ പഞ്ചായത്ത് പ്രസിഡന്‍റ് മിനി ഉണ്ണികൃഷ്ണൻ, പാണഞ്ചേരി പഞ്ചായത്ത് പ്രസിഡന്‍റ് പി.പി. രവീന്ദ്രൻ, ഗ്രാമ-ബ്ലോക്ക് പഞ്ചായത്ത് അംഗങ്ങൾ, പോലീസ്, ഇറിഗേഷൻ, ഫയർഫോഴ്സ്, തദ്ദേശവകുപ്പ് ഉദ്യോഗസ്ഥർ, സുവോളജിക്കൽ പാർക്ക് ഡയറക്ടർ എന്നിവർ പങ്കെടുത്തു.

റെഡ് അലർട്ട്,, വെള്ളക്കെട്ട്

തൃശൂർ: റെഡ് അലർട്ട് പ്രഖ്യാപിച്ചിരുന്ന ജില്ലയിൽ ഇന്നലെ പെയ്ത അതിതീവ്രമഴ ജനങ്ങളെ ദുരിതത്തിലാക്കി. നഗരത്തിൽ ഉൾപ്പെടെ പലയിടങ്ങളിലും വീടുകളിൽ വെള്ളംകയറി. റോഡുകൾ തോടുകളായതോടെ ഗതാഗതവും താറുമാറായി. നഗരത്തിൽതന്നെ ഇക്കണ്ടവാര്യർ റോഡ്, ശക്തൻ, എംജി റോഡ്, അക്വാട്ടിക് ലെയ്ൻ എന്നിവിടങ്ങളിൽ വെള്ളക്കെട്ട് രൂപപ്പെട്ടു. അക്വാട്ടിക് ലെയ്നിൽ വീടുകളിൽ വെള്ളംകയറി ഗൃഹോപകരണങ്ങളും ഫർണീച്ചറുകൾക്കും കേടുപാടുകൾ സംഭവിച്ചു. കഴിഞ്ഞവർഷവും ഈ പ്രദേശത്തു വീടുകളിൽ വെള്ളംകയറിയിരുന്നു. പുത്തൂർ വെട്ടുകാട് പുഴ കരകവിഞ്ഞൊഴുകിയത് ജനങ്ങളെ ആശങ്കയിലാക്കി. പുത്തൂർ, വെട്ടുകാട്, ഏഴാംകല്ല് എന്നിവിടങ്ങളിലും വീടുകളിലും റോഡുകളിലും വെള്ളംകയറി. പാലപ്പിള്ളിയിൽ പഞ്ചായത്ത് അംഗം എം.ബി. ജലാൽ, അരീപ്പുറം മൈമുന, വലയംപാറയിൽ നാണി എന്നിവരുടെ വീടുകളിൽ വെള്ളംകയറി. പാലയ്ക്കൽ - ചേർപ്പ് റോഡ്, മുളങ്കുന്നത്തുകാവ്, മുക്കാട്ടുകര - മണ്ണുത്തി റോഡ്, പുത്തൂർ - മാന്ദാമംഗലം റോഡ് എന്നിവിടങ്ങളിൽ രൂപപ്പെട്ട കനത്ത വെള്ളക്കെട്ട് ഗതാഗതം തടസപ്പെടുത്തി. മഴയുടെ തീവ്രത വർധിച്ചതോടെ അതിരപ്പിള്ളി, വാഴച്ചാൽ എന്നിവിടങ്ങളിലും വിലക്ക് ഏർപ്പെടുത്തിയിരുന്നു. മഴപെയ്തതോടെ റോഡുകളിൽ കുഴികൾ പ്രത്യക്ഷപ്പെട്ടത് അപകടങ്ങൾക്കും വഴിവയ്ക്കുന്നുണ്ട്. ഇന്നും ജില്ലയിൽ ശക്തമായ മഴയ്ക്കു സാധ്യത പ്രവചിച്ചിട്ടുണ്ട്. യെല്ലോ അലർട്ടും പ്രഖ്യാപിച്ചിട്ടുണ്ട്. അശ്വനി ആശുപത്രിയുടെ പ്രവർത്തനം തടസപ്പെട്ടു തൃശൂർ: കനത്തമഴയിൽ അശ്വനി ആശുപതിയുടെ മുന്നിലും പരിസരത്തും പാർക്കിംഗ് ഗ്രൗണ്ടിലും സമീപത്തെ വീടുകളിലും സ്ഥാപനങ്ങളിലും ഉണ്ടായ വെള്ളക്കെട്ടിനെതുടർന്ന് ആശുപതിയുടെ പ്രവർത്തനം ഒരുമണിക്കൂറോളം തടസപ്പെട്ടു. ഇനിയും ഇത്തരത്തിൽ വെള്ളക്കെട്ടുപ്രശ്‍നങ്ങൾ ഉണ്ടാകാതിരിക്കാൻ അടിയന്തരനടപടികൾ സ്വീകരിക്കണമെന്ന് ആശുപത്രി മാനേജ്മെന്‍റ് ആവശ്യപ്പെട്ടു.

ബൈക്ക് കാറിലിടിച്ച് യുവാവ് മരിച്ചു

ഇരിങ്ങാലക്കുട: നിയന്ത്രണം വിട്ട ബൈക്ക് കാറിലിടിച്ച് ബൈക്ക് യാത്രികനായ യുവാവ് മരിച്ചു. എടതിരിഞ്ഞി മരക്കമ്പനിക്കടുത്ത് വില്വമംഗലത്ത് ബാബുവിന്‍റെ മകന്‍ രാഹുല്‍(25) ആണ് മരിച്ചത്. ഇന്നലെ രാവിലെ ഒന്‍പതോടെ പോട്ട-മൂന്നുപീടിക സംസ്ഥാനപാതയില്‍ കെഎസ് പാര്‍ക്കിനു മുമ്പില്‍ വച്ചായിരുന്നു അപകടം. ബൈക്കില്‍ ജോലിക്കു പോവുമ്പോള്‍ ആയിരുന്നു അപകടം. ഉടനെ സഹകരണ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇരിങ്ങാലക്കുട പോലീസ് തുടര്‍നടപടികള്‍ സ്വീകരിച്ചു. ബജാജ് ഫിന്‍കോര്‍പ്പിലെ എക്‌സിക്യൂട്ടീവ് ആയി പ്രവര്‍ത്തിച്ച് വരികയായിരുന്നു. സംസ്‌കാരം ഇന്ന്. അമ്മ: സിന്ധു. സഹോദരന്‍: ഗോകുല്‍.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]