ഡിഇഒ ഓഫീസിനു മുന്‍പില്‍ കെപിഎസ്ടിഎ ധര്‍ണ നടത്തി

ഇരിങ്ങാലക്കുട: മെഡിസെപ്പിന്‍റെ പേരില്‍ അധ്യാപകരെയും ജീവനക്കാരെയും വഞ്ചിക്കുകയാണെ ന്നും ആരോഗ്യ ഇന്‍ഷ്വറന്‍സ് കാര്യത്തില്‍ ജീവനക്കാര്‍ക്ക് ഓപ്ഷന്‍ സൗകര്യം ഉറപ്പാക്കണമെന്നും ആവശ്യപ്പെട്ട് ഡിഇഒ ഓഫിസിനു മുന്‍പില്‍ കെപിഎസ്ടിഎ സംഘടിപ്പിച്ച ധര്‍ണ നഗരസഭ ചെയര്‍പഴ്‌സന്‍ മേരിക്കുട്ടി ജോയ് ഉദ്ഘാടനം ചെയ്തു. കെപിഎസ്ടിഎ വിദ്യാഭ്യാസ ജില്ലാ പ്രസിഡന്‍റ്് പ്രവീണ്‍ എം.കുമാര്‍ അധ്യക്ഷത വഹിച്ചു.

സംസ്ഥാന വൈസ് പ്രസിഡന്‍റ്് സാജു ജോര്‍ജ്, സംസ്ഥാന എക്‌സിക്യൂട്ടീവ് അംഗം ആന്‍റോ പി. തട്ടില്‍, വിദ്യാഭ്യാസ ജില്ലാ സെക്രട്ടറി ഷിജി ശങ്കര്‍, നിധിന്‍ ടോണി, എം.ജെ. ഷാജി, മുഹമ്മദ് റാഫി, സി.ജെ. ദാമു, സുരേഷ്‌കുമാര്‍, ബി. ബിജു, എന്‍.പി. രജനി, എം. സീന, കെ.എം. റാഫി, കെ.ഇ.അജി, മെല്‍വിന്‍ ഡേവിസ്, ജോസ് പോള്‍ എന്നിവര്‍ പ്രസംഗിച്ചു.

ADVERTISEMENT

പകരംവന്ന ഉദ്യോഗസ്ഥനെ പഞ്ചായത്ത് ചാലക്കുടിയിൽ തടഞ്ഞുവച്ചു

ചാലക്കുടി: ദേശീയപാതയിൽ അടിപ്പാത നിർമാണം നടക്കുന്ന മുരിങ്ങൂരിലെ ഗതാഗതക്കുരുക്ക് സംബന്ധിച്ചു ചർച്ചചെയ്യാൻ എത്താമെന്നു സമ്മതിച്ച എൻഎച്ച്എഐ പ്രോജക്ട് ഡയറക്ടർ എത്തിയില്ല. ഇതോടെ പകരം എത്തിയ എൻജിനീയറെ എൽഡിഎഫ് ജനപ്രതിനിധികൾ തടഞ്ഞുവച്ചു. രാത്രിതന്നെ മുരിങ്ങൂരിൽ റോഡ് ടാറിംഗ് ആരംഭിക്കാമെന്ന ഉറപ്പിലാണ് മണിക്കൂറുകൾക്കുശേഷം എൻജിനീയറെ മോചിപ്പിച്ചത്. എൻഎച്ച്എഐ സൈറ്റ് എൻജിനീയർ അമലിനെയാണ് മണിക്കൂറുകളോളം പൊതുമരാമത്ത് വകുപ്പ് റസ്റ്റ് ഹൗസിൽ തടഞ്ഞുവച്ചത്. പ്രോജക്ട് ഡയറക്ടർ എത്താതെ എൻജിനീയറെ മോചിപ്പിക്കില്ലെന്ന നിലപാടിലായിരുന്നു ജനപ്രതിനിധികൾ. വിവരമറിഞ്ഞ് ചാലക്കുടി എസ്ഐ ഋഷിപ്രസാദിന്‍റെ നേതൃത്വത്തിൽ എത്തിയ പോലീസിനെ കൊരട്ടി പഞ്ചായത്ത് വികസനസമിതി ചെയർമാൻ കെ.ആർ. സുമേഷ് റസ്റ്റ് ഹൗസിന്‍റെ ഗേറ്റ് അടച്ച് തടഞ്ഞു. പോലീസ് ബലപ്രയോഗത്തിലൂടെ സുമേഷിനെ മാറ്റിയാണ് അകത്തുകടന്നത്. പോലീസ് എത്തിയപ്പോൾ എൻജിനീയറെ തടഞ്ഞുവച്ച മുറിയുടെ വാതിൽ ജനപ്രതിനിധികൾ അകത്തുനിന്നും കുറ്റിയിട്ടു. അടച്ചിട്ട വാതിലിനു മുന്പിൽ കെ.ആർ. സുമേഷും മറ്റു പഞ്ചായത്ത് അംഗങ്ങളും കുത്തിയിരുന്നു. തുടർന്നു സ്ഥലത്തെത്തിയ ഡിവൈഎസ്പി പി.സി. ബിജുകുമാർ സിപിഎം ഏരിയാ സെക്രട്ടറി കെ.എസ്. അശോകനുമായി നടത്തിയ ചർച്ചയെതുടർന്ന് അടച്ചിട്ട മുറി ഉള്ളിൽനിന്നു തുറന്നു. ഡിവൈഎസ്പി, പഞ്ചായത്ത് പ്രസിഡന്‍റുമാരും എൻജിനീയറുമായി ചർച്ച നടത്തിയശേഷമാണു പ്രശ്നപരിഹാരമായത്. മേലൂർ പഞ്ചായത്ത് പ്രസിഡന്‍റ് എം.എസ്. സുനിത, കൊരട്ടി പഞ്ചായത്ത് പ്രസിഡന്‍റ് പി.സി. ബിജു, കാടുകുറ്റി പഞ്ചായത്ത് പ്രസിഡന്‍റ് പ്രിൻസി ഫ്രാൻസിസ്, ഡെന്നീസ് കെ. ആന്‍റണി, പഞ്ചായത്ത് അംഗങ്ങൾ തുടങ്ങിയവർ ചർച്ചയിൽ പങ്കെടുത്തു.

ഒടുവിൽ ടാറിംഗ്,

തൃശൂർ: മണിക്കൂറുകൾ നീണ്ട ഗതാഗതക്കുരുക്കുകൾക്കും സുപ്രീംകോടതിവരെ ഇടപെട്ട നിയമവ്യവഹാരങ്ങൾക്കുംശേഷം ദേശീയപാതയിലെ സർവീസ് റോഡുകളിൽ ടാറിംഗ് ആരംഭിച്ചു. മുടിക്കോടും കല്ലിടുക്കിലും ആന്പല്ലൂരിലും ടാറിംഗ് തുടങ്ങിയിട്ടുണ്ട്. ടോൾപിരിവ് ഹൈക്കോടതി തടഞ്ഞ് രണ്ടാഴ്ച പിന്നിടുന്പോഴാണ് ഗതാഗതക്കുരുക്ക് ഒഴിവാക്കാനുള്ള ഫലപ്രദമായ നടപടിയിലേക്കു കരാർ കന്പനിയും എൻഎച്ച്എഐയും കടക്കുന്നത്. ചാലക്കുടിയിൽ എൽഡിഎഫ് ജനപ്രതിനിധികൾ നാഷണൽ ഹൈവേ അഥോറിറ്റി ഓഫ് ഇന്ത്യ‍യിലെ സൈറ്റ് എൻജിനീയറെ തടഞ്ഞുവച്ച സംഭവവുമുണ്ടായി. മുരിങ്ങൂരിൽ ഇന്നലെ രാത്രിതന്നെ ടാറിംഗ് നടത്തുമെന്ന ഉറപ്പു വാങ്ങിയെടുത്ത ശേഷമാണ് സമരം അവസാനിപ്പിച്ചത്. ആമ്പല്ലൂരിൽ ചാലക്കുടിക്കു പോകുന്ന പാതയിലാണ് ടാറിംഗ് നടത്തുന്നത്. ഇരുഭാഗത്തേക്കുമുള്ള സര്‍വീസ് റോഡുകളില്‍ ടാറിംഗ് ഇന്നു പൂര്‍ത്തിയാക്കുമെന്ന് അധികൃതര്‍ അറിയിച്ചു. ഗതാഗതക്കുരുക്ക് എത്രയും വേഗം പരിഹരിച്ച് ടോള്‍ പിരിവ് പുനരാരംഭിക്കുന്നതിനാണ് ദ്രുതഗതിയിലുള്ള ടാറിംഗ്. മാസങ്ങളായി തകര്‍ന്നുകിടന്ന റോഡ് ചെയ്യണമെന്നാവശ്യപ്പെട്ട് നിരവധി പരാതികള്‍ ദേശീയപാത അഥോറിറ്റിക്കു നല്‍കിയെങ്കിലും യാതൊരു നടപടിയും ഉണ്ടായിരുന്നില്ല. ടോള്‍ പിരിവ് നിര്‍ത്തിവച്ച സാഹചര്യം വന്നതോടെയാണ് സര്‍വീസ് റോഡുകള്‍ സഞ്ചാരയോഗ്യമാക്കാന്‍ തയാറായത്. അടിപ്പാത നിർമാണം നടക്കുന്ന മുടിക്കോടും കല്ലിടുക്കിലും സർവീസ് റോഡ് റീടാറിംഗ് ആരംഭിച്ചിട്ടുണ്ട്. ഇന്നലെ ഉച്ചകഴിഞ്ഞാണ് ഇവിടെ ടാറിംഗ് ആരംഭിച്ചത്. കല്ലിടുക്കിൽ തൃശൂർ ഭാഗത്തേക്കുള്ള ടാറിംഗ് ഏകദേശം പൂർത്തിയായി. മുടിക്കോടും കല്ലിടുക്കിലും പാലക്കാട് ഭാഗത്തേക്കുള്ള സർവീസ് റോഡിന്‍റെ ടാറിംഗ് പുരോഗമിക്കുന്നു. ടാറിംഗ് ആരംഭിച്ചതോടെ ഇരുഭാഗത്തും ഏർപ്പെടുത്തിയ ഗതാഗതനിയന്ത്രണത്തെതുടർന്ന് ദേശീയപാതയിൽ ഗതാഗതക്കുരുക്ക് രൂക്ഷമായിരുന്നു. കല്ലിടുക്ക് മുതൽ പീച്ചിറോഡ് ജംഗ്ഷൻവരെ വാഹനങ്ങളുടെനിര നീണ്ടു.

തൃശൂരിൽ വീണ്ടും വണ്‍വേ പരീക്ഷണം

വട്ടംചുറ്റുമോ എന്നു കണ്ടറിയാം തൃശൂർ: നഗരത്തിലെ തിക്കും തിരക്കും കുറയ്ക്കാനായി ട്രാഫിക് റെഗുലേറ്ററി കമ്മിറ്റിയുടെ പുതിയ നീക്കം. നാളെമുതൽ ചെട്ടിയങ്ങാടി മുതൽ എംഒ റോഡ് വരെയുള്ള പോസ്റ്റ് ഓഫീസ് റോഡിലും സാഹിത്യ അക്കാദമി റോഡിലും വണ്‍വേ സിസ്റ്റം പ്രാബല്യത്തിൽ വരുമെന്നു സിറ്റി ട്രാഫിക് എൻഫോഴ്സ്മെന്‍റ് യൂണിറ്റ് സ്റ്റേഷൻ ഹൗസ് ഓഫീസർ അറിയിച്ചു. ഇടുങ്ങിയ റോഡും വാഹനങ്ങളുടെ പെരുപ്പവുംമൂലം ബുദ്ധിമുട്ടിലാകുന്ന യാത്രികർക്കു സുഗമമായ ഗതാഗതത്തിനു വഴിയൊരുക്കുക എന്നതാണ് ലക്ഷ്യം. പോസ്റ്റ് ഓഫിസ് റോഡിൽ എംഒ റോഡിൽനിന്ന് വാഹനങ്ങൾക്കു ചെട്ടിയങ്ങാടിയിലേക്ക് പോകാം. എന്നാൽ ചെട്ടിയങ്ങാടിയിൽനിന്ന് എംഒ റോഡിലേക്കു വാഹനങ്ങൾക്കു പ്രവേശനം ഉണ്ടായിരിക്കുന്നതല്ല. പോസ്റ്റ് ഓഫീസ് റോഡിൽ ഫ്രൂട്സ് കച്ചവടം നടത്തുന്നവർ വാഹനങ്ങൾ ഒരു വരിയായി നിർത്തി രാവിലെ ഒന്പതിനുമുന്പ് കയറ്റിറക്കുകൾ നടത്തണം. സാഹിത്യ അക്കാദമി റോഡിൽ സാഹിത്യ അക്കാദമി ജംഗ്ഷനിൽനിന്നു ഫൈൻ ആർട്സ് കോളജ് ജംഗ്ഷനിലേക്കു വാഹനങ്ങൾക്കു പ്രവേശനം അനുവദിച്ചിട്ടുണ്ടെങ്കിലും ഫൈൻ ആർട്സ് കോളജ് ജംഗ്ഷനിൽനിന്നു സാഹിത്യ അക്കാദമി ജംഗ്ഷനിലേക്കു പ്രവേശനം ഉണ്ടായിരിക്കില്ല. വണ്‍വേ നിയമം തെറ്റിക്കുന്നവർക്കെതിരേ കർശനനടപടികൾ സ്വീകരിക്കുമെന്നു സ്റ്റേഷൻ ഹൗസ് ഓഫീസർ അറിയിച്ചു.

വീണ്ടും ദർഘാസ് ക്ഷണിച്ച് റെയിൽവേ, അടങ്കൽതുക 140 കോടി കുറഞ്ഞു

തൃശൂർ: ആധുനിക സൗകര്യങ്ങളോടെ വിമാനത്താവള മാതൃകയിൽ നിർമിക്കുമെന്ന് അവകാശപ്പെട്ടിരുന്ന തൃശൂർ റെയിൽവേ സ്റ്റേഷന്‍റെ നവീകരണത്തിനുള്ള ദർഘാസ് വീണ്ടും ക്ഷണിച്ച് റെയിൽവേ. അമൃത് ഭാരത് സ്റ്റേഷൻ പദ്ധതിപ്രകാരം ഈ വർഷം ആദ്യത്തിൽ ക്ഷണിച്ച 393.57 കോടി രൂപ അടങ്കലുള്ള കരാർനടപടികൾ നിർമാണം പൂർത്തിയാകുംമുന്പേ റദ്ദാക്കിയതിനുശേഷമാണ് 253.76 കോടി രൂപയുടെ പുതിയ അടങ്കൽതുക ക്ഷണിച്ചിരിക്കുന്നത്. 30 മാസമാണ് നിർമാണകാലാവധി. കരാർരേഖകൾ സമർപ്പിക്കുവാനുള്ള അവസാനതീയതി സെപ്റ്റംബർ 19 ആണ്. 2026 ആദ്യം നിർമാണം ആരംഭിക്കാനാകുമെന്നാണ് കരുതുന്നതെന്നു റെയിൽവേ ഉദ്യോഗസ്ഥർ അറിയിച്ചു. സ്റ്റേഷൻ വികസനപദ്ധതിക്കു റെയിൽവേ ബോർഡിന്‍റെ അനുമതി ലഭിച്ച് ഒന്പതുമാസം പിന്നിട്ടിട്ടും രൂപരേഖ അന്തിമമാക്കിയിട്ടും ടെൻഡർ നടപടികളാകാതിരുന്നതു പലവിധ പരാതികളും ഉയർത്തുന്നതിനിടെയാണ് പുതിയ ദർഘാസുമായി റെയിൽവേ രംഗത്തുവന്നിരിക്കുന്നത്. വിമാനത്താവളങ്ങളിലേതുപോലെയുള്ള തുറസായ ഇടങ്ങൾ, കാൽനട മേൽപ്പാലങ്ങൾ, വിശാലമായ പാർക്കിംഗ് സൗകര്യം തുടങ്ങി അടിമുടി മാറ്റത്തോടെ ഒരുക്കാൻ ആലോചിച്ചിരുന്ന സ്റ്റേഷനിൽ 2024 ഒക്ടോബർ 30നാണ് സ്റ്റേഷൻ പുനർനിർമാണപദ്ധതിക്കു റെയിൽവേ ബോർഡിന്‍റെ അന്തിമാനുമതി ലഭിച്ചത്. ഇതിനുപിന്നാലെ പുതിയ സ്റ്റേഷന്‍റെ രൂപരേഖ കേന്ദ്രമന്ത്രി സുരേഷ് ഗോപി സമൂഹമാധ്യമങ്ങളിലൂടെ പുറത്തുവിടുകയും ചെയ്തിരുന്നു. നവംബർ മൂന്നിന് കേന്ദ്ര റെയിൽവേ മന്ത്രി അശ്വിനി വൈഷ്ണവ് തൃശൂർ സ്റ്റേഷൻ സന്ദർശിച്ച് പദ്ധതിയുടെ ഔദ്യോഗികപ്രഖ്യാപനം നടത്തി. സ്റ്റേഷൻ വികസനത്തിനു ടെൻഡർ ക്ഷണിച്ചുള്ള ആദ്യ വിജ്ഞാപനം 2025 ജനുവരി 25നു റെയിൽവേ പ്രസിദ്ധീകരിച്ചിരുന്നു. ഇതുപ്രകാരം മാർച്ച് ആറിനു ടെൻഡർ തുറക്കാനും തീരുമാനിച്ചിരുന്നു. ഇതാണ് പിന്നീട് റദ്ദാക്കിയത്. മധ്യകേരളത്തിലെ പ്രധാന സ്റ്റേഷനുകളിൽ ഒന്നായ തൃശൂരിന്‍റെ വികസനപ്രഖ്യാപനം യാത്രക്കാർക്കും റെയിൽവേക്കും ഏറെ പ്രതീക്ഷ നൽകിയിരുന്നെങ്കിലും പുതിയ ദർഘാസും പ്രതീക്ഷകളുടെ പാളത്തിൽ കയറി മുന്നോട്ടുപോകുമോ ഇല്ലയോ എന്നറിയാൻ കാത്തിരിക്കുകയാണ് യാത്രക്കാർ.

ബെസ്റ്റ് പെർഫോർമർ പുരസ്കാരം നേടി തൃശൂർ കോർപറേഷൻ

തൃശൂർ: കേന്ദ്ര സർക്കാർ ഇന്ത്യയിലെ നഗരങ്ങളുടെ ശുചിത്വനിലവാരം നിശ്ചയിക്കുന്നതിനായി നടത്തുന്ന സ്വച്ഛ് സർവേക്ഷൻ 2024 റാങ്കിംഗിൽ ബിഗ് സിറ്റി കാറ്റഗറിയിൽ കേരളത്തിൽ രണ്ടാംസ്ഥാനം ലഭിച്ച തൃശൂർ കോർപറേഷന് സംസ്ഥാന സർക്കാരിന്‍റെ ബെസ്റ്റ് പെർഫോർമർ പുരസ്കാരം ലഭിച്ചു. ചരിത്രത്തിലാദ്യമായാണ് കേരളത്തിൽനിന്നുള്ള നഗരസഭകൾ ശുചിത്വ റാങ്കിംഗിൽ ആദ്യ നൂറിൽ എത്തുന്നത്. കഴിഞ്ഞ തവണ ദേശീയ റാങ്കിംഗിൽ ഉണ്ടായിരുന്ന 333-ാംസ്ഥാനത്തുനിന്നാണ് 58-ാംസ്ഥാനത്തേക്കു തൃശൂർ കോർപറേഷൻ മുന്നേറിയത്. തിരുവനന്തപുരത്തു നടന്ന ചടങ്ങിൽ മന്ത്രി എം.ബി. രാജേഷിൽനിന്ന് മേയർ എം.കെ. വർഗീസ്, തദ്ദേശസ്വയംഭരണ വകുപ്പ് ജില്ലാ ജോയിന്‍റ് ഡയറക്ടർ ഡി. സാജു, ജില്ലാ അസിസ്റ്റന്‍റ് ഡയറക്ടർ ബിന്ദു പരമേശ്വരൻ, കോർപറേഷൻ സെക്രട്ടറി വി.പി. ഷിബു, ക്ലീൻ സിറ്റി മാനേജർ പി.വി. അജിത്, സീനിയർ പബ്ലിക് ഹെൽത്ത് ഇൻസ്പെക്ടർമാരായ മനേഷ് ബാബു, ഐ.വി. രാജീവ്, ബാബു ലൂയിസ്, ജയപ്രകാശ്, ശുചിത്വ മിഷൻ യംഗ് പ്രഫഷണൽ രാഹുൽ രാജീവ് തുടങ്ങിയവർ ചേർന്നാണ് അവാർഡ് ഏറ്റുവാങ്ങിയത്.

നഗരസഭ തൊഴില്‍മേളകൾ ഇന്നും നാളെയും

ഇരിങ്ങാലക്കുട: പ്രാദേശിക തൊഴിലവസരങ്ങള്‍ക്ക് പ്രാധാന്യം നല്‍കിക്കൊണ്ട് ഇരിങ്ങാലക്കുട നഗരസഭയും കുടുംബശ്രീയും വിജ്ഞാന കേരളം പദ്ധതിയുടെ ഭാഗമായി സംഘടിപ്പിക്കുന്ന തൊഴില്‍ മേള - "കര്‍മ 2025' ഇന്നു രാവിലെ 10 ന് ടൗണ്‍ ഹാളില്‍ നടക്കും. നഗരസഭ ചെയര്‍പേഴ്സണ്‍ മേരിക്കുട്ടി ജോയ് ഉദ്ഘാടനം ചെയ്യും. 30ല്‍ അധികം സ്ഥാപനങ്ങളില്‍നിന്നായി 300ല്‍പരം ഒഴിവുകളാണ് കണ്ടെത്തിയിട്ടുള്ളത്. കൂടുതല്‍ വിവരങ്ങള്‍ക്കും തൊഴില്‍ അന്വേഷകര്‍ക്കും തൊഴില്‍ദാതാക്കള്‍ക്കും മേള കഴിഞ്ഞും നഗരസഭയില്‍ പ്രവര്‍ത്തിക്കുന്ന ജോബ് സ്റ്റേഷന്‍ വഴി ബന്ധപ്പെടാവുന്നതാണ്. ചാലക്കുടി: ബ്ലോക്ക്‌ പഞ്ചായത്തും നഗരസഭയും ഗ്രാമ‌പഞ്ചായത്തുകളുടെയും കുടുംബശ്രീയുടെ സഹകരണത്തോടെ സംയുക്തമായി സംഘടിപ്പിക്കുന്ന പ്രാദേശിക തൊഴിൽ മേള നാളെ ഗവ. മോഡൽ ഹയർ സെക്കൻഡറി സ്കൂളിൽ നടത്തും. തൊഴിൽ മേളയിൽ പങ്കെടുക്കുവാൻ പ്രാദേശികമായും അല്ലാതെയുമുള്ള തൊഴിൽ അന്വേഷകർക്ക് മുൻകൂട്ടി രജിസ്ട്രർ ചെയ്യുന്നതിന് സൗകര്യം ഒരുക്കിയിട്ടുണ്ട്. തൊഴിൽ മേള സനീഷ് കുമാർ ജോസഫ് എംഎൽഎ ഉദ്ഘാടനം ചെയ്യും. നഗരസഭ ചെയർപേഴ്സൻ ഷിബു വാലപ്പൻ അധ്യക്ഷത വഹിക്കും. തൊഴിൽ സംരംഭകർക്കും അന്വേഷകർക്കും അന്നേ ദിവസം സ്പോട്ട് അഡ്മിഷന് സൗകര്യമുണ്ടാകും. ചെയർപേഴ്സൻ ഷിബു വാലപ്പൻ, ബ്ലോക്ക് പഞ്ചായത്ത് പ്രസിഡന്‍റ് വേണു കണ്ടരുമഠത്തിൽ, എൽഡിഎഫ് ലീഡർ സി.എസ്. സുരേഷ്, രാധിക രാജൻ, ടി.കെ. ബാബു തുടങ്ങിയവർ പത്രസമ്മേളനത്തിൽ പങ്കെടുത്തു.

ചന്ദനക്കടത്തുസംഘത്തിലെ ഒരാള്‍ പിടിയില്‍

വെള്ളിക്കുളങ്ങര: ഫോറസ്റ്റ് റേഞ്ചിലെ വിവിധ ഭാഗങ്ങളില്‍‌നിന്നും ചന്ദനം മുറിച്ചുകടത്തിയ സംഘത്തിലെ ഒരാളെ വനപാലകര്‍ പിടികൂടി. കൊടുങ്ങ മഞ്ഞപ്പിള്ളി വീട്ടില്‍ വിഷ്ണു (28)ആണ് പിടിയിലായതെന്ന് വെള്ളിക്കുളങ്ങര റേഞ്ച് ഫോറസ്റ്റ് ഓഫീസര്‍ കെ. എസ്. ഷിനോജ് അറിയിച്ചു. ഇഞ്ചക്കുണ്ട് ഭാഗത്തുനിന്ന് മൂവര്‍സംഘം ചന്ദനം മുറിക്കുന്ന സമയത്ത് നാട്ടുകാരുടെ സഹായത്തോടെ പിടികൂടാനൊരുങ്ങുമ്പോള്‍ മോഷ്ടാക്കള്‍ ഓടി രക്ഷപെട്ടു. തുടര്‍ന്ന് നടത്തിയ തിരച്ചിലിനൊടുവിലാണ് ഈ കേസിലെ പ്രതികളില്‍ ഒരാളായ വിഷ്ണുവിനെ മുപ്ലിയം ഫോറസ്റ്റ് സ്റ്റേഷന്‍ ഡെപ്യൂട്ടി റേഞ്ച് ഓഫീസര്‍ പി.എ. അനൂ പിന്‍റെ നേതൃത്വത്തില്‍ പിടികൂടിയത്. അറസ്റ്റ് രേഖപ്പെടുത്തി ചാലക്കുടി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ പതിനാലു ദിവസത്തേക്ക് റിമാന്‍ഡ് ചെയ്തു. ഈ കേസില്‍ ഉള്‍പ്പെട്ടിട്ടുള്ള മറ്റു രണ്ടുപേരെ പിടികൂടാന്‍ ഊര്‍ജിതമായ അന്വേഷണം നടത്തിവരികയാണ്. ബീറ്റ് ഫോറസ്റ്റ് ഓഫിസര്‍മാരായ എം.എ. രാകേഷ്, കെ.എസ്. ദിപു, എം.സി. ഷനിത, കെ.ജെ. ജിന്‍ഷ, ഡ്രൈവര്‍ ടി.കെ. അഭിലാഷ് എന്നിവരും പ്രതിയെ പിടികൂടിയ വനപാലക സംഘത്തില്‍ ഉണ്ടായിരുന്നു.

മാള ഡോ. രാജു ഡേവിസ് സ്കൂളില്‍ ടിബറ്റന്‍ കവി ടെന്‍സില്‍ സ്യുണ്ട്യു

മാള: പ്രശസ്ത ടിബറ്റന്‍ കവി ടെന്‍സില്‍ സ്യുണ്ട്യു ഡോ. രാജു ഡേവിസ് ഇന്‍റര്‍നാഷണല്‍ സ് കൂളിലെത്തി. 25ഓളം രാജ്യങ്ങളിലൂടെയുള്ള അദ്ദേഹത്തിന്‍റെ പ്രസംഗപര്യടനത്തിന്‍റെ ഭാഗമായാണ് ഇവിടെ എത്തിയത്. അമേരിക്കയിലെ പല യൂണിവേഴ്സിറ്റികളിലും അദ്ദേഹത്തിന്‍റെ പുസ്തകങ്ങള്‍ സിലബസില്‍ ഉള്‍പ്പെടുത്തിയിട്ടുണ്ട്. 17 ഭാഷകളിലേക്ക് ഈ പുസ്തകങ്ങള്‍ പരിഭാഷപ്പെടുത്തിയിട്ടുള്ളതാണ്. ടിബറ്റില്‍ സ്വാതന്ത്രപ്രസ്ഥാനത്തിന്‍റെ പ്രമുഖ മുഖമാണിദ്ദേഹം. ഇന്ത്യയടക്കം ലോകത്തിലെ പല രാജ്യങ്ങളിലും ജനാധിപത്യത്തിന്‍റെ അടിസ്ഥാനശിലയായ വോട്ടവകാശത്തെച്ചൊല്ലി പ്രതിഷേധങ്ങള്‍ ഉയര്‍ന്നുവരികയാണെന്നും ആയത് ജനാധിപത്യ വ്യവസ്ഥയ്ക്ക് ഭൂഷണമല്ലെന്നും അദ്ദേഹം പറഞ്ഞു. ടിബറ്റില്‍ ജനാ ധിപത്യം പൂര്‍ണമായും അടിച്ചമര്‍ത്തിയിരിക്കുകയാണ്.ഇന്ത്യയെപ്പോലെ ചില ഒറ്റപ്പെട്ട രാജ്യങ്ങളുടെ സഹകരണം ടിബറ്റന്‍ ജനതക്കുണ്ടെന്നും അദ്ദേഹം കൂട്ടിച്ചേർത്തു. ചെയര്‍മാന്‍ ഡോ. രാജു ഡേവിസ് പെരേപ്പാടന്‍ അധ്യക്ഷത വഹിച്ചു. ഡയറക്ടര്‍ അന്ന ഗ്രേസ് രാജു, പ്രിന്‍സിപ്പൽ ഇ. ടി. ലത, അഞ്ജലി വര്‍ഗീസ്, കെ.ഇ. അമ്മിണി, എം.എ. ഗ്രീഷ്മ, പൂജ ബി. പൈ, ശ്രേയ സൂരജ്, വി.എസ്. അനുപമ, ഷെറില്‍ മേരി എന്നിവര്‍ പ്രസംഗിച്ചു.

ജനാധിപത്യത്തെ ഇല്ലായ്മ ചെയ്യാനുള്ള നീക്കത്തിന്‍റെ ഭാഗം: തോമസ് ഉണ്ണിയാടൻ

ഇരിങ്ങാലക്കുട: ബിജെപി സർക്കാർ പാർലമെന്‍റിൽ അവതരിപ്പിച്ച മന്ത്രിമാർ, ഭരണാധികാരികൾ എന്നിവരെ "ജയിലിലടയ്ക്കൽ ബിൽ'ഭരണഘടനാ വിരുദ്ധവും ഫെഡറൽ സംവിധാനത്തെ തകർക്കുന്നതുമാണെന്നും കേരള കോൺഗ്രസ് ഡെപ്യൂട്ടി ചെയർമാൻ തോമസ് ഉണ്ണിയാടൻ. കുറ്റം ചെയ്യുന്നവർ ആരായാലും ശിക്ഷിക്കപ്പെടുക‌തന്നെ വേണം. പക്ഷേ, ബിജെപി ഇതരനേതാക്കളേയും മുഖ്യമന്ത്രിമാരേയും മന്ത്രിമാരേയും ഭരണനേതൃത്വവും ഉദ്യോഗസ്ഥ - പോലീസ് കൂട്ടുകെട്ടും ചേർന്ന് ഒട്ടനവധി കള്ളക്കേസിൽ കുടുക്കുന്ന ഇപ്പോഴത്തെ സാഹചര്യത്തിൽ കേന്ദ്രത്തിന്‍റെ പെട്ടെന്നുള്ള ഈ നീക്കം ശുദ്ധ ഉദ്ദേശത്തോടെയല്ലെന്നും ഉണ്ണിയാടൻ പറഞ്ഞു. കേരള കോ ൺഗ്രസ് ഇരിങ്ങാലക്കുട നിയോജകമണ്ഡലം നേതൃസംഗമം ഉദ് ഘാടനം ചെയ്തുപ്രസംഗിക്കുകയായിരുന്നു അദ്ദേഹം. ഇരിങ്ങാലക്കുടയിൽ നടന്ന നേതൃ‌സംഗമത്തിൽ നിയോജകമണ്ഡലം പ്രസിഡന്‍റ്് റോക്കി ആളൂക്കാരൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി മിനി മോഹൻദാസ് മുഖ്യപ്രഭാഷണം നടത്തി. ഭാരവാഹികളായ സേതുമാധവൻ പറയംവളപ്പിൽ, പി.ടി. ജോർജ്, സിജോയ് തോമസ്, ജോസ് ചെമ്പകശേരി, മാഗി വിൻസെന്‍റ്്, ശങ്കർ പഴയാറ്റിൽ, ഫെനി എബിൻ വെള്ളാനിക്കാരൻ, അഡ്വ. ഷൈനി ജോജോ, എം. എസ്. ശ്രീധരൻ മുതിരപ്പറമ്പിൽ, ലാസർ കോച്ചേരി, എബിൻ വെള്ളാനിക്കാരൻ, ടോം ജോസ്, ഫിലിപ്പ് ഓളാട്ടുപുറം, നൈജു ജോസഫ്, എൻ.ഡി. പോൾ, ജോമോൻ ജോൺസൻ, വിനോദ് ചേലൂക്കാരൻ എന്നിവർ പ്രസംഗിച്ചു.

മോദിയും പിണറായിയും ഒരേപാതയിലൂടെ സഞ്ചരിക്കുന്നു: ഷിബു ബേബി ജോൺ

കയ്പമംഗലം: കേന്ദ്ര സർക്കാരിനെ നിരന്തരം പ്രീണിപ്പിക്കുന്ന പിണറായി വിജയന്‍റെ സമീപനം കേരളത്തിൽ ബിജെപിയെ കൂട്ടുപിടിച്ച് വർഗീയ ധ്രുവീകരണത്തിലൂടെ എങ്ങ നെയും അധികാരത്തിൽ കടിച്ചുതൂങ്ങുക എന്നതാണെന്ന് ആർഎസ്പി സംസ്ഥാന സെക്ര ട്ടറി ഷിബു ബേബി ജോൺ ആരോപിച്ചു.ആർഎസ്പിയുടെ ജില്ലാതല ഫണ്ട് ഏറ്റുവാങ്ങ ലും കയ്പമംഗലം മണ്ഡലം നേതൃയോഗവും ശ്രീനാരായണപുരം മോഹൻ മെമ്മോറിയൽ ഹാളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ജനാധിപത്യം അട്ടിമറിച്ച് കള്ളവോട്ടുചേർത്ത് അധികാരം പിടിച്ചെടുക്കുന്ന ബിജെപി തന്ത്രങ്ങൾക്കെതിരെ പ്രതിപക്ഷ നേതാവ് രാഹുൽ ഗാന്ധി നടത്തുന്ന പോരാട്ടത്തിന് പ്രത്യക്ഷ പിന്തുണ നല്കാത്ത പിണറായി വിജയനെ തിരിച്ചറിയണമെന്നും ഈ അപകട കരമായ അവസ്ഥയ്ക്ക് ജനങ്ങൾ 2026 ൽ മറുപടി നല്കുമെന്നും അദ്ദേഹം പറഞ്ഞു. ആർഎസ്പി ജില്ലാ സെക്രട്ടറി എം.പി. ജോബി അധ്യക്ഷത വഹിച്ചു. കേന്ദ്ര കമ്മിറ്റിയംഗം പി.ജി. പ്രസന്നകുമാർ, സംസ്ഥാനകമ്മിറ്റിയംഗം വാഴയിൽ അസീസ്, പി.ഡി. സാജൻ, സജിൻ ആർ. കൃഷ്ണൻ, അഡ്വ. കെ.എം. ശ്രീജിത്ത്, പി.ബി. സുഭഗൻ, കെ.കെ. സൗദാമിനി തുടങ്ങിയവർ പ്രസംഗിച്ചു.

ഭൂമിയുടെ ന്യായവില പുനര്‍നിര്‍ണയം തുടങ്ങി

എടതിരിഞ്ഞി: വില്ലേജിലെ ഭൂമിയുടെ ന്യായവില സംബന്ധിച്ച നടപടികള്‍ വിലയിരുത്താന്‍ ആര്‍ഡിഒയുടെ നേതൃത്വത്തിലുള്ള ഉദ്യോഗസ്ഥസംഘം സ്ഥലത്തെത്തി പരിശോധന നടത്തി. ഇരിങ്ങാലക്കുട ആര്‍ഡിഒ പി. ഷിബു, മുകുന്ദപുരം താലൂക്ക് ഡെപ്യൂട്ടി തഹസില്‍ദാര്‍ എ.വി. സജിത, വില്ലേജ് ഓഫീസര്‍ പി.എസ്. സുജിത്ത്, അസിസ്റ്റന്‍റ് കെ.ജെ. വിന്‍സന്‍ എന്നിവരാണ് സ്ഥലത്തെത്തിയത്. വില്ലേജിലെ ന്യായവില സംബന്ധിച്ച അപാകങ്ങള്‍ പരിഹരിച്ച് പുനര്‍നിര്‍ണയിക്കുന്നതിന് കഴിഞ്ഞ മാസം 18 ന് ജില്ലാ കളക്ടര്‍ ഉത്തരവിട്ടിരുന്നു. വില്ലേജ് ഓഫീസറുടെ നേതൃത്വത്തില്‍ ഇതിന്‍റെ ഔദ്യോഗിക ജോലികള്‍ ആരംഭിക്കുകയും ഫീല്‍ഡ് പരിശോധന നടപടികള്‍ നടന്നുവരികയുമാണ്. ഓരോ അഞ്ചുവര്‍ഷം കൂടുമ്പോഴും ന്യായവില പുതുക്കുന്നതിന്‍റെ ഭാഗമായി പുനഃപരിശോധിക്കാമെന്ന സര്‍ക്കാര്‍ ഉത്തരവുണ്ട്. 2018-ല്‍ സംസ്ഥാനത്തെ ന്യായവില പുനര്‍‌നിര്‍ണയിക്കാന്‍ സര്‍ക്കാര്‍ തീരുമാനിച്ചിരുന്നെങ്കിലും എടതിരിഞ്ഞി വില്ലേജില്‍ തുടര്‍നടപടികളുണ്ടായില്ല. അതുകൊണ്ടുതന്നെ വില്ലേജിലെ ഉയര്‍ന്ന ന്യായവിലയ്ക്കു പരിഹാരമുണ്ടായില്ല. ഇതിന്‍റെ അടിസ്ഥാനത്തിലാണ് എടതിരിഞ്ഞി വില്ലേജിലെ ന്യായവില സംബന്ധിച്ച പ്രശ്നങ്ങള്‍ പരിഹരിക്കാന്‍ കളക്ടറുടെ നിര്‍ദേശപ്രകാരം നടപടിയാരംഭിച്ചിരിക്കുന്നത്. വില്ലേജിലെ എല്ലാ സര്‍വേ നമ്പറുകളിലുള്ള ഭൂമികളും പരിശോധിച്ച് വില സംബന്ധിച്ച അപാകങ്ങള്‍ രേഖപ്പെടുത്തി റിപ്പോര്‍ട്ടാക്കും. വില്ലേജിലെ മുഴുവന്‍ ഭൂവുടമകള്‍ക്കും പ്രയോജനപ്പെടാവുന്ന രീതിയില്‍ ഭൂമിയുടെ ന്യായവില കുറയ്ക്കുന്നതിനായി സര്‍ക്കാരിലേക്ക് ഒറ്റ നിര്‍ദേശം നല്‍കാനാണു നീക്കം. വില്ലേജില്‍നിന്ന് നല്‍കുന്ന റിപ്പോര്‍ട്ട് ആര്‍ഡിഒ, ജില്ലാ കളക്ടര്‍ എന്നിവര്‍ വഴി സര്‍ക്കാരിലേക്കു സമര്‍പ്പിക്കും.

കോരേച്ചാല്‍ ക്ഷേത്രമൈതാനിയില്‍ ചെണ്ടുമല്ലിവസന്തം

കോടാലി: ക്ഷേത്രമൈതാനിയിലെ ഒരേക്കര്‍ സ്ഥലത്ത് ഓറഞ്ചും മഞ്ഞയും നിറത്തിലുള്ള ആയിരക്കണക്കിനു ചെണ്ടുമല്ലിപ്പൂക്കള്‍ വിരിഞ്ഞത് മനോഹരകാഴ്ചയൊരുക്കുന്നു. കോടാലി കൊരേച്ചാല്‍ ശ്രീദുര്‍ഗ കിരാതപാര്‍വതി ക്ഷേത്രസമിതിയാണ് ഓണത്തെ വരവേല്‍ക്കാന്‍ ചെണ്ടുമല്ലി കൃഷിചെയ്തത്. നാംധാരി എന്ന ഹൈബ്രിഡ് ഇനത്തിലുള്ള ചെണ്ടുമല്ലിത്തൈകളാണ് കൃഷിക്ക് ഉപയോഗിച്ചത്. മറ്റത്തൂര്‍ കൃഷിഭവന്‍ മുഖേന രണ്ടായിരത്തിഅഞ്ഞൂറോളം തൈകള്‍ വാങ്ങി കഴിഞ്ഞ ജൂണിലാണ് ക്ഷേത്രസമിതി ഭാരവാഹികളുടെ നേതൃത്വത്തില്‍ പൂകൃഷിക്കു തുടക്കംകുറിച്ചത്. ഓണക്കാലത്തേക്കാവശ്യമായ പൂക്കള്‍ ജനങ്ങള്‍ക്കു കുറഞ്ഞവിലയ്ക്കു പ്രാദേശികവിപണിയില്‍ ലഭ്യമാക്കാന്‍ ലക്ഷ്യമിട്ടാണു പൂകൃഷി നടത്തിയതെന്ന് ക്ഷേത്രം ട്രസ്റ്റ് കമ്മിറ്റി സെക്രട്ടറി സുരേഷ് കടുപ്പശേരിക്കാരന്‍ പറഞ്ഞു. ക്ഷേത്രക്കമ്മിറ്റി അംഗങ്ങളും വനിത കൂട്ടായ്മയായ ഭഗിനിമണ്ഡല്‍ പ്രവര്‍ത്തകരും ഭക്ത ജനങ്ങളുംകൂടിയാണു കളകള്‍നീക്കിയും വളപ്രയോഗം നടത്തിയും ചെടികളെ പരിപാലിച്ചുവളര്‍ത്തിയത്. ഒാഗസ്റ്റ് തുടക്കത്തില്‍ത്തന്നെ ചെടികള്‍ പൂത്തു. മഞ്ഞയും ഓറഞ്ചുമായി രണ്ടുനിറത്തിലുള്ള ആയിരക്കണക്കിനു പൂക്കളാണ് ക്ഷേത്രമൈതാനത്ത് വിടര്‍ന്നുനിൽക്കുന്നത്. ചെണ്ടുമല്ലിപ്പൂക്കളുടെ വിളവെടുപ്പ് നാളെ രാവിലെ 10ന് ശബരിമല മുന്‍ മേല്‍ശാന്തി എ.വി. ഉണ്ണികൃഷ്ണന്‍ നമ്പൂതിരി നിര്‍വഹിക്കും.

തൃശൂർ സഹോദയ ബാസ്കറ്റ്ബോൾ: ദേവമാതാ, പാവറട്ടി സ്കൂളുകൾക്കു വിജയം

മുണ്ടൂർ: നിർമൽജ്യോതി സെൻട്രൽ സ്കൂളും ദേവമാത ഇന്‍റർനാഷണൽ സ്കൂളും സംയുക്തമായി സംഘടിപ്പിച്ച തൃശൂർ സഹോദയ സ്കൂൾ കോംപ്ലക്സ് ജില്ലാതല ബാസ്കറ്റ്ബോൾ ടൂർണമെന്‍റ്് ആവേശോജ്വലമായി സമാപിച്ചു. തൃശൂർ ജില്ലയിലെ നാല്പതോളം സിബിഎസ്ഇ സ്കൂളുകൾ മാറ്റുരച്ച ടൂർണമെന്‍റിൽ പാട്ടുരായ്ക്കൽ ദേവമാത സിഎംഐ പബ്ലിക് സ്കൂളിന് പൊൻതിളക്കം. അണ്ടർ 19 ബോയ്സ്, അണ്ടർ 19 ഗേൾസ്, അണ്ടർ 17 ഗേൾസ് വിഭാഗങ്ങളിൽ ദേവമാതാ സിഎംഐ പബ്ലിക് സ്കൂൾ ഒന്നാം സ്ഥാനം കരസ്ഥമാക്കി. അണ്ടർ 17 ബോയ്സ് വിഭാഗത്തിൽ പാവറട്ടി സെന്‍റ്് ജോസഫ് സ്കൂൾ ഒന്നാംസ്ഥാനം കരസ്ഥമാക്കി.സമാപനച്ചടങ്ങിൽ മുണ്ടൂർ നിർമൽ ്യോതി സെൻട്രൽ സ്കൂൾ പ്രിൻസിപ്പൽ സിസ്റ്റർ മേഴ്സി ജോസഫ് എസ്എച്ചും ദേവമാതാ ഇന്‍റർനാഷണൽ സ്കൂൾ പ്രിൻസിപ്പൽ ഫാ. സിന്‍റോ നങ്ങിണി സിഎംഐ യും ചേർന്ന് വിജയികൾക്കു സമ്മാനദാനം നിർവഹിച്ചു.

മുള്ളൂർക്കരയിലെ കെഎസ്‌യു - എസ്എഫ്ഐ സംഘർഷം: കെഎസ്‌യു നേതാക്കൾക്കെതിരേ കേസ്

വടക്കാഞ്ചേരി: മുള്ളൂർക്കരയിൽ കെഎസ്‌യു - എസ്എഫ്ഐ സംഘർഷം. എസ്എഫ്ഐ പ്രവർത്തകൻ ദേശമംഗലം സ്വദേശി ആദിത്യന്‍റെ പരാതിയിൽ ഗണേഷ് ആറ്റൂർ ഉൾപ്പെടെ ഏഴു പേർക്കെതിരേ കൊലക്കുറ്റം ഉൾപ്പെടെയുള്ള വകുപ്പ് ചേർത്ത് വടക്കാഞ്ചേരി പോലീസ് കേസെടുത്തു. മുള്ളൂർക്കരയിൽ ചൊവ്വാഴ്ച വൈകിട്ടായിരുന്നു കെഎസ്‌യു - എസ്എഫ്ഐ സംഘർഷം. കെഎസ്‌യു പ്രവർത്തകരായ ഗണേഷ് ആറ്റൂർ, അൽഅമീൻ,അസലാം, ജിജേഷ് എന്നിവരെ കൂടാതെ കണ്ടാലറിയാവുന്ന മൂന്നുപേരെ കൂടി ചേർത്ത് വടക്കാഞ്ചേരി പോലീസ് കൊലക്കുറ്റം ഉൾപ്പെടെയുള്ള വിവിധ വകുപ്പുകൾ ചേർത്താണ് കേസെടുത്തത്. സംഘർഷത്തിൽ ഗുരുതരമായി പരിക്കേറ്റ് തൃശൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിൽകഴിയുന്ന ദേശമംഗലം വട്ടപ്പറമ്പിൽ വീട്ടിൽ വി.എസ്. ആദിത്യന്‍റെ മൊഴിയുടെ അടിസ്ഥാനത്തിലാണ് കേസെടുത്തിരിക്കുന്നത്. കാലിക്കട്ട്് യൂണിവേഴ്സിറ്റി ഡിസോൺ കലോത്സവവുമായി ബന്ധപ്പെട്ട് കിള്ളിമംഗലം കോളജിലും മാള കോളജിലും എസ്എഫ്ഐ, കെ എസ്യു വിദ്യാർഥികൾ തമ്മിൽ സംഘർഷമുണ്ടായതിന്‍റെ മുൻവൈരാഗ്യത്താൽ മുള്ളൂർക്കര റെയിൽവേ ഗേറ്റ് കഴിഞ്ഞുള്ള ചായക്കടയുടെ മുൻവശത്ത് വച്ച് ആദിത്യനേയും സഹപാഠിയായ എൽദോസിനെയും കെഎസ്‌യു പ്രവർത്തകരായ ഗണേശ്, അസലം, അൽഅമീൻ, ജിജേഷ് എന്നിവരും കണ്ടാലറിയാവുന്ന മറ്റ് മൂന്നുപേരും ചേർന്ന് ഇരുമ്പ് കമ്പി ഉപയോഗിച്ച് തലയ്്ക്ക് അടിക്കുകയായിരുന്നു. പോക്കറ്റിൽ നിന്നും ഗണേഷ് 8000 രൂപയും മൊബൈൽഫോണും തട്ടിയെടുക്കുകയും ചെയ്തുവെന്നും എഫ്ഐആറിൽ പറയുന്നു. വടക്കാഞ്ചേരി എസ്ഐ ഡി.എസ്.ആനന്ദിനാണ് കേസിന്‍റെ അന്വേഷണ ചുമതല.

അമലയിൽ ലോക കൊതുകുദിനാചരണം

തൃശൂർ: അമല മെഡിക്കൽ കോളജിൽ വിവിധ പരിപാടികളോടെ നടത്തിയ ലോക കൊതുകു ദിനാചരണത്തിന്‍റെ ഉദ്ഘാടനം ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ് നിർവഹിച്ചു. ജില്ലാ പഞ്ചായത്ത് മെന്പർ ജിമ്മി ചൂണ്ടൽ, അമല ഡയറക്ടർ ഫാ. ജൂലിയസ് അറയ്ക്കൽ, ജോയിന്‍റ് ഡയറക്ടർ ഫാ. ഷിബു പുത്തൻപുരയ്ക്കൽ, വൈസ് പ്രിൻസിപ്പൽ ഡോ. ദീപ്തി രാമകൃഷ്ണൻ, കമ്യൂണിറ്റി മെഡിസിൻ മേധാവി ഡോ.സി.ആർ. സാജു, എന്‍റമോളജിസ്റ്റ് മുഹമ്മദ് റാഫി എന്നിവർ പ്രസംഗിച്ചു. കാന്പസിന് അകത്തും പുറത്തും പരിസരശുചീകരണം, പഞ്ചായത്തടിസ്ഥാനത്തിൽ ബോധവത്കരണം, ക്വിസ് മത്സരം, കൊതുകുനിരീക്ഷണം, ഉറവിടനശീകരണം, കൂത്താടിനശീകരണം തുടങ്ങിയ വിവിധ പ്രവർത്തനങ്ങളാണ് ഒരാഴ്ചയോളം നീണ്ടുനിന്ന പരിപാടിയുടെ ഭാഗമായി സംഘടിപ്പിച്ചത്.

കുത്തിയിരിപ്പുസമരം നടത്തി

തിരുവില്വാമല: പഞ്ചായത്തിൽനിന്ന് സ്ഥലംമാറിപ്പോയ അസിസ്റ്റന്‍റ് എൻജിനീയർ, സെക്രട്ടറി എന്നിവർക്കു പകരക്കാരെ നിയമിക്കാത്തതുമൂലം പഞ്ചായത്തിലെ വിവിധ പദ്ധതികൾ അവതാളത്തിലായി. എൻജിനീയറിംഗ് വിഭാഗത്തിന്‍റെ പ്രവർത്തനങ്ങൾ പൂർണമായും നിലച്ചമട്ടാണ്. എംഎൽഎ ഫണ്ട് ഉപയോഗിച്ചുള്ള റോഡുകളുടെ പണിയും അവതാളത്തിലാണ്. നാലു വർഷത്തിനുള്ളിൽ അഞ്ച് സെക്രട്ടറിമാരാണ് ഇവിടെ വന്നുപോയത്. ഉദ്യോഗസ്ഥരെ അടിയന്തരമായി നിയമിക്കണമെന്ന് ആവശ്യപ്പെട്ട് പഴയന്നൂർ ബ്ലോക്ക് പഞ്ചായത്ത് അസി. എക്സിക്യൂട്ടീവ് എൻജിനീയറുടെ ഓഫീസിനുമുന്നിൽ പഞ്ചായത്ത് പ്രസിഡന്‍റ് കെ. പത്മജ, വൈസ് പ്രസിഡന്‍റ് എം. ഉദയൻ എന്നിവരടക്കമുള്ള ഭരണസമിതിയിലെ ആറ് അംഗങ്ങൾ കുത്തിയിരിപ്പുസമരം നടത്തി.

മേളപ്രമാണി ചൊവ്വല്ലൂര്‍ മോഹനവാര്യര്‍ക്ക് വീരശൃംഖല സമ്മാനിച്ചു

ഗുരുവായൂര്‍: മേളപ്രാമാണി ചൊവ്വല്ലൂര്‍ മോഹനവാര്യര്‍ക്ക് വാദ്യകലാകാരന്മാരുടേയും ആസ്വാദകരുടേയും സാനിധ്യത്തിൽ ഗുരുവായൂരിന്‍റെ വീരശൃംഖല സമ്മാനിച്ചു. ഗുരുവായൂര്‍ തന്ത്രി ചേന്നാസ് ദിനേശന്‍ നമ്പൂതിരിപ്പാട് ഭദ്രദീപം കൊളുത്തിയ ചടങ്ങിൽ കോഴിക്കോട് സാമൂതിരിയുടെ പ്രതിനിധി ഗിരിധർ വർമ വീരശൃംഖല അണിയിച്ചു. കഥകളി കുലപതി കലാമണ്ഡലം ഗോപി ഉദ്ഘാടനം ചെയ്തു.കോട്ടയ്ക്കൽ ആര്യവൈദ്യശാല മാനേജിംഗ് ട്രസ്റ്റി ഡോ. പി.എം. വാര്യർ അധ്യക്ഷനായി. മേളപ്രാമാണിമാരായ മട്ടന്നൂര്‍ ശങ്കരന്‍ക്കുട്ടിയും പെരുവനം കുട്ടന്‍മാരാരും ചേര്‍ന്ന് മോഹനവാര്യര്‍ക്ക് ഉപഹാരവും നല്‍കി. മുതിര്‍ന്ന മേളം കലാകാരന്‍ കിഴക്കൂട്ട് അനിയന്‍മാരാര്‍ കീര്‍ത്തിചക്രവും നാദസ്വരം വിദ്വാന്‍ തിരുവിഴ ജയശങ്കര്‍ കീര്‍ത്തിശംഖും സമ്മാനിച്ചു. മമ്മിയൂര്‍ ദേവസ്വം ചെയര്‍മാന്‍ ജി.കെ. പ്രകാശന്‍, പാറമേക്കാവ് ദേവസ്വം സെക്രട്ടറി ജി. രാജേഷ് കുമാര്‍, എന്‍.പി. വിജയകൃഷ്ണന്‍, വി. കലാധരന്‍, ജയരാജ് വാര്യര്‍, അന്തിക്കാട് പദ്മനാഭന്‍, വി.പി. ഉണ്ണികൃഷ്ണന്‍, ഗുരുവായൂര്‍ മുരളി തുടങ്ങിയവര്‍ പ്രസംഗിച്ചു. രാത്രി മട്ടന്നൂര്‍ ശങ്കരന്‍ക്കുട്ടിയും മക്കളായ മട്ടന്നൂര്‍ ശ്രീകാന്തും മട്ടന്നൂര്‍ ശ്രീരാജും ചേര്‍ന്ന് തായമ്പക അവതരിപ്പിച്ചു.

സെന്‍റ് അലോഷ്യസ് കോളജിൽ ദേശീയ സെമിനാർ

തൃശൂർ: എൽത്തുരുത്ത് സെന്‍റ് അലോഷ്യസ് കോളജ് ഇംഗ്ലീഷ് ഗവേഷണവിഭാഗം ന്യൂ വോയ്സസ്, ന്യൂ ക്വസ്റ്റ്യൻസ്: എമേർജിംഗ് തീംസ് ഇൻ ഹ്യൂമാനിറ്റീസ്, ലിറ്ററേച്ചർ ആൻഡ് കൾച്ചർ എന്ന വിഷയത്തിൽ ദേശീയസെമിനാർ സംഘടിപ്പിച്ചു. കേരള സർവകലാശാല ഡീൻ പ്രഫ. മീന ടി. പിള്ള ഉദ്ഘാടനം ചെയ്തു. പ്രിൻസിപ്പൽ ഡോ. ഇ.ഡി. ഡയസ് അധ്യക്ഷത വഹിച്ചു. ഇംഗ്ലീഷ് ഗവേഷണ വിഭാഗത്തിന്‍റെ നേതൃത്വത്തിൽ നടക്കുന്ന ക്രിസാലിസ് ഓണ്‍ലൈൻ പ്രഭാഷണപരന്പരയുടെ അന്പതാം സമ്മേളനത്തിന്‍റെ ഭാഗമായാണ് സെമിനാർ സംഘടിപ്പിച്ചത്. മാനേജർ ഫാ. തോമസ് ചക്രമാക്കിൽ അനുഗ്രഹപ്രഭാഷണം നടത്തി. കോളജ് അഡ്മിനിസ്ട്രേറ്റർ ഫാ. അരുണ്‍ ജോസ്, ഐക്യുഎസി കോഓർഡിനേറ്റർ ഡോ.കെ.ബി. ലിബിസണ്‍, ഇംഗ്ലീഷ് വിഭാഗം മേധാവി സൂസൻ ജോഷി, സെമിനാർ കോഓർഡിനേറ്റർ ഡോ. അതീത കെ. ഉണ്ണി, കോളജ് റിസർച്ച് ഡയറക്ടർ ഡോ. സി. ബെറ്റ്സി പോൾ തുടങ്ങിയവർ പ്രസംഗിച്ചു. ഡോ. ടി. മുരളീധരൻ, പ്രഫ. ലത നായർ, പ്രഫ. മീന ടി. പിള്ള എന്നിവർ പാനൽചർച്ചയിൽ പങ്കെടുത്തു. പ്രബന്ധ അവതരണങ്ങൾ, പോസ്റ്റർ പ്രദർശനം, ക്വിസ് മത്സരം തുടങ്ങിയവയും ഉണ്ടായിരുന്നു. സമാപനസമ്മേളനത്തിൽ ഡൽഹി സർവകലാശാലയിലെ പ്രഫ. നന്ദിനി സി. സെൻ പ്രഭാഷണം നടത്തി. രാജ്യത്തെ വിവിധ സംസ്ഥാനങ്ങളിൽനിന്നുള്ള വിദ്യാർഥികളും ഗവേഷകരും അധ്യാപകരും നേരിട്ടും ഓണ്‍ലൈനിലുമായി സെമിനാറിന്‍റെ ഭാഗമായി.

പാലപ്പിള്ളിയിൽ പുലിയിറങ്ങി പശുവിനെ കൊന്നു

പാലപ്പിള്ളി: പുലിയിറങ്ങി പശുവിനെ കൊന്നു. ഇന്നലെ വൈകീട്ടാണ് ചീനിക്കുന്ന് ഭാഗത്തെ റബർ തോട്ടത്തിൽ പശുവിനെ ചത്തനിലയിൽ കണ്ടത്. ചിമ്മിനി ഡാം റോഡിനോടുചേർന്നുള്ള തോട്ടത്തിലാണ് പുലിയിറങ്ങിയത്. ഡാമിലേക്കു പോയ യാത്രക്കാരാണ് പശുവിനെ ചത്തനിലയിൽ കണ്ടത്. ജനവാസമേഖലയിൽ പുലിയിറങ്ങിയതോടെ നാട്ടുകാർ ഭീതിയിലാണ്. പുലിയെ പിടികൂടുന്നതിനുള്ള കൂട് സ്ഥാപിക്കണമെന്ന് മലയോരകർഷക സംരക്ഷണ സമിതി ആവശ്യപ്പെട്ടു.

പ്രവർത്തനം നിലച്ച് ക്രിമറ്റോറിയം; അനക്കമില്ലാതെ അധികൃതർ

ലാലൂർ: കോർപറേഷന്‍റെ കീഴിൽ ലാലൂരിൽ ആരംഭിച്ച ഗ്യാസ് ക്രിമറ്റോറിയത്തിന്‍റെ പ്രവർത്തനം നിലച്ചിട്ട് മാസങ്ങൾ പിന്നിട്ടിട്ടും അനക്കമില്ലാതെ അധികാരികൾ. പുകക്കുഴലിനു സംഭവിച്ച കേടുപാടാണ് പ്രവർത്തനം നിലയ്ക്കാൻ ഇടയാക്കിയത്. കോർപറേഷൻ ആരോഗ്യ സ്റ്റാൻഡിംഗ് കമ്മിറ്റി ചെയർമാന്‍റെ ഡിവിഷനിൽ പ്രവർത്തിക്കുന്ന ഈ സ്ഥാപനം 1999 ൽ 10 ലക്ഷം രൂപ ചെലവഴിച്ചാണ് ആദ്യം പ്രവർത്തനം ആരംഭിച്ചത്. അന്ന് വൈദ്യുതിയിലായിരുന്നു പ്രവർത്തനം. 2012 ൽ മന്ത്രി സി.എൻ. ബാലകൃഷ്ണനാണ് ഇതിനെ ഗ്യാസ് ക്രിമറ്റോറിയമായി മാറ്റുകയും ഉദ്ഘാടനം നടത്തുകയും ചെയ്തത്. എന്നാൽ പലവിധ തകരാറുകൾ നേരിട്ടിരുന്ന ഇവിടെ സെമി ഓട്ടോമാറ്റിക് സംവിധാനത്തിൽ എൽപിജി ഗ്യാസിൽ പ്രവർത്തിക്കുന്ന രണ്ട് യൂണിറ്റുകൾ കൂടി സജ്ജമാക്കിയതോടെ പ്രശ്നങ്ങൾക്കു താത്കാലിക പരിഹാരമാകുകയായിരുന്നു. ഒരേസമയം രണ്ടു മൃതദേഹങ്ങൾവരെ സംസ്കരിച്ചിരുന്ന ഇവിടെ പുകക്കുഴലിനുണ്ടായ കേടുപാടുകളോടെയാണ് വീണ്ടും പൂട്ടുവീണത്. സംസ്കാരകർമങ്ങൾക്കിടെ പുക മുകളിലേക്കു പോകാത്തതുമൂലം ടാങ്കുകളുട‌െയും സംസ്കരണപ്ലാന്‍റിന്‍റെയും പ്രവർത്തനം താളം തെറ്റി. നേരത്തേ ഒരുമണിക്കൂർമാത്രം വേണ്ടിവന്നിരുന്ന സംസ്കരണചടങ്ങുകൾക്കു നാലും അഞ്ചും മണിക്കൂറുകൾ സമയമെടുക്കാൻ തുടങ്ങിയതോടെ സംസ്കരിക്കുന്ന മൃതദേഹങ്ങളുടെ എണ്ണവും ചുരുക്കി. ജീവനക്കാരുടെ എണ്ണവും നാലിൽനിന്ന് രണ്ടായി കുറഞ്ഞു. സ്വകാര്യശ്മശാനങ്ങളിൽ ഭീമമായ നിരക്ക് വാങ്ങിയിരുന്ന സമയത്തും കോർപറേഷൻ പരിധിയിലുള്ള ബിപിഎൽ കാർഡുടമകൾക്കു 2000 രൂപയും എപിഎൽക്കാർക്ക് 2500 രൂപയും മറ്റുള്ളവർക്കു 3500 രൂപയുംമാത്രമാണ് ഇവിടെ ഈടാക്കിയിരുന്നുള്ളൂ. ക്രിമറ്റോറിയം പൂട്ടിയതോടെ മെഡിക്കൽ കോളജിൽനിന്നും ജില്ലയിലെ വിവിധ ആശുപത്രികളിൽനിന്നും കൊണ്ടുവരുന്ന അനാഥമൃതദേഹങ്ങൾ സംസ്കരിക്കാനും വഴിയില്ലാതെ പോലീസും നട്ടംതിരിയുകയാണ്.

മുത്തശിമാർക്കുള്ള മാക്സി തയ്ക്കുന്ന തിരക്കിലാണ് എൻഎസ്എസ് വിദ്യാർഥികൾ

എരുമപ്പെട്ടി: മാക്സികൾ തയ്ക്കുന്ന തിരക്കിലാണ് മരത്തംകോട് സ്കൂളിലെ എൻഎസ്എസ് വിദ്യാർഥികൾ. വൃദ്ധസദനത്തിലെ മുത്തശിമാർക്ക് ഓണക്കോടിയായി നൽകുവാനാണ് ഇവർ മാക്സികൾ തയ്ക്കുന്നത്. സ്കൂളിലെ എൻഎസ്എസ് വൊളന്‍റിയർമാരും സൂചിയും നൂലും എന്ന പേരിലുള്ള തയ്യൽ യൂണിറ്റിലെ അംഗങ്ങളുമായ ഹംദ, റോമിത്ത്, ലിയ, നിവേദ്യ കൃഷ്ണ, മിസ്ന എന്നിവരാണ് മാക്സികൾ തയ്ക്കുന്നത്. ചിറമനേങ്ങാട് കനിവ് വൃദ്ധസദനത്തിലെ 20 മുത്തശിമാർക്കാണ് ഇവർ ഓണക്കോടിയായി മാക്സികൾ സമ്മാനിക്കുന്നത്. വൃദ്ധ സദനത്തിൽ ചെന്ന് അവരുടെ ഇഷ്ടങ്ങൾ മനസിലാക്കിയാണ് വിദ്യാർഥികൾ മാക്സികൾ ഒരുക്കുന്നത്. എൻഎസ്എസ് അസിസ്റ്റന്‍റ് പ്രോഗ്രാം ഓഫീസർ ഡോ. എൻ.എ.വിനീതയാണ് ഈ ആശയം മുന്നോട്ട് വെച്ചത്. പ്രോഗ്രാം ഓഫീസർ രേഷ്മ പടിക്കവളപ്പിൽ, പ്രിൻസിപ്പൽ വി. സ്മിത, ലാബ് അസിസ്റ്റന്‍റ് ലിജി തോമസ് എന്നിവരും സഹായത്തിനുണ്ട്. പിടിഎ, എംപിടിഎ, എസ്എംസി കമ്മറ്റികളുടെ സഹകരണവും ഇവർക്ക് പ്രോത്സാഹനമാണ്. തൊഴിൽ അധിഷ്ഠിത വിദ്യാഭ്യാസവും അതോടൊപ്പം സാമൂഹിക ജീവകാരുണ്യ പ്രവർത്തനവുമാണ് എൻഎസ്എസ് യൂണിറ്റ് ഇത്തരം പ്രവർത്തനങ്ങളിലൂടെ മുന്നോട്ട് വെക്കുന്ന ആശയം. മുൻപും സ്വാതന്ത്ര്യ ദിനാഘോഷത്തിൻന്‍റെ ഭാഗമായി ദേശീയപതാക തയ്ച്ച് വില്പന നടത്തി ആ പണം കൊണ്ട് വൃദ്ധസദനത്തിലേക്ക് ഓണക്കോടി വാങ്ങി നൽകിയിരുന്നു. കഴിഞ്ഞവർഷം അങ്കണവാടിയിലെ കുട്ടികൾക്ക് ജുബ്ബകൾ തയ്ച്ച് നൽകിയിരുന്നു. ഇത്തരത്തിൽ വ്യത്യസ്തമായ ഒട്ടേറെ ജീവകാരുണ്യ സാമൂഹിക പ്രവർത്തനങ്ങളാണ് മരത്തംകോട് ഗവ.ഹയർ സെക്കൻഡറി സ്കൂളിലെ എൻഎസ്എസ് യൂണിറ്റ് നടത്തിയിട്ടുള്ളത്. ഈ ഓണം വൃദ്ധസദനത്തിലെ മുത്തശിമാരോടൊത്ത് ആഘോഷിക്കുവാനുള്ള തയ്യാറെടുപ്പിലാണ് എൻഎസ്എസ് വിദ്യാർഥികൾ.

വിദേശത്ത് മരിച്ചയാളുടെ സംസ്കാരം നടത്തി

പുന്നംപറമ്പ്: കഴിഞ്ഞ ദിവസം വിദേശത്ത് മരിച്ച കരുമത്ര സ്വദേശിയായ യുവാവിന്‍റെ മൃതദേഹം നാട്ടിലെത്തിച്ച് സംസ്കരിച്ചു. ജോലി സ്ഥലമായ ദുബായിലാണ് തൂങ്ങിമരിച്ചനിലയിൽ കണ്ടെത്തിയത്. കരുമത്ര കോച്ചാട്ടിൽ വീട്ടിൽ രവീന്ദ്രൻ മകൻ വിനോദ് (31) ആണ് മരിച്ചത്. വിനോദ് മരിച്ച വിവരം വിദേശത്തു നിന്നു കൂട്ടുകാരാണ് നാട്ടിലുള്ള ബന്ധുക്കളെ വിവരം അറിയിച്ചത്. വിനോദ് അവിവാഹിതനാണ്. രണ്ടു വർഷത്തോളമായി വിനോദ് ദുബായിലാണ് ജോലി നോക്കുന്നത്. അമ്മ: മല്ലിക. സഹോദരൻ വിമൽ നാട്ടിൽ ഓട്ടോ ഡ്രൈവറാണ്. മൃതദേഹം ഇന്നലെ പുലർച്ചെ നാട്ടിലെത്തിച്ച് സംസ്കരിച്ചു.

പുഴയിൽ വീണ് കാണാതായ യുവാവിന്‍റെ മൃതദേഹം കണ്ടെത്തി

കയ്പമംഗലം: പെരിഞ്ഞനം പൊൻമാനിക്കുടത്ത് പുഴയിൽ വീണ് കാണാതായ ബൈക്ക് യാത്രികന്‍റെ മൃതദേഹം കണ്ടെത്തി. ഇന്നലെ രാവിലെ മുതൽ എൻഡിആർഎഫ് സംഘം നടത്തിയ തെരച്ചിലിലാണ് പൊന്മാനിക്കുടം കടവിന്‍റെ അരക്കിലോമീറ്റർ തെക്കു മാറി അഖിൽ രാജിന്‍റെ മൃതദേഹം കണ്ടെത്തിയത്. കയ്പമംഗലം പോലീസ് മേൽ നടപടികൾ സ്വീകരിച്ചു. ചൊവ്വാഴ്‌ച രാത്രി ഒമ്പതോടെയാണ് ബൈക്ക് യാത്രികൻ കോവിലകം സ്വദേശി പുന്നക്കത്തറ വീട്ടിൽ അഖിൽ രാജിനെ പുഴയിൽ വീണ് കാണാതായത്. ഫയർ ഫോഴ്‌സിന്‍റെ തെരച്ചിലിൽ ബൈക്ക് കണ്ടെത്തിയെങ്കിലും യുവാവിനെ കണ്ടെത്തിയിരുന്നില്ല. സംസ്കാരം നടത്തി. അമ്മ: ശാലിനി. സഹോദരി: വേണി.

അടിപ്പാത നിര്‍മാണം: പൊടിയില്‍ മുങ്ങി ആമ്പല്ലൂര്‍

ആമ്പല്ലൂര്‍: അടിപ്പാതനിര്‍മാണത്തെതുടര്‍ന്നുള്ള പൊടിപടലത്തില്‍ മുങ്ങി ശ്വാസംമുട്ടുകയാണ് ആമ്പല്ലൂര്‍. മഴ മാറിയതോടെ രൂക്ഷമായ പൊടിശല്യംമൂലം പൊറുതിമുട്ടുകയാണ് വ്യാപാരികളും വാഹന യാത്രക്കാരും. വ്യാപാരസ്ഥാപനങ്ങളിലെ സാധനങ്ങളിലും ഉപകരണങ്ങളിലും പൊടി നിറഞ്ഞിരിക്കുകയാണ്. സ്ഥാപനങ്ങള്‍ക്കു മുന്പില്‍ വാഹനങ്ങള്‍ അല്പസമയം നിര്‍ത്തിയിട്ടാല്‍പോലും പൊടി നിറഞ്ഞ് വാഹനങ്ങള്‍ കാണാനാവാത്ത സ്ഥിതിയാവുമെന്നു വ്യാപാരികള്‍ പറഞ്ഞു. പൊടിശല്യംമൂലം ജീവനക്കാര്‍ക്ക് ആരോഗ്യപ്രശ്നങ്ങളുമുണ്ടാവുന്നുണ്ട്. സ്ഥാപനങ്ങളുടെ പ്രവര്‍ത്തനംതന്നെ അവസാനിപ്പിച്ചു. എന്നിട്ടും ഈ വിഷയത്തില്‍ ആരും ഇടപെടുന്നില്ലെന്നാണ് വ്യാപാരികളുടെ പരാതി. പൊടിശല്യത്തെതുടര്‍ന്നു കഴിഞ്ഞദിവസം വ്യാപാരികള്‍ അടിപ്പാതനിര്‍മാണം തടഞ്ഞിരുന്നു. ടാങ്കറില്‍ വെള്ളമെത്തിച്ച് റോഡ് നനച്ചുനല്‍കണമെന്നാണ് വ്യാപാരികളുടെ ആവശ്യം. അടിപ്പാതനിര്‍മാണത്തിന്‍റെ പ്രവര്‍ത്തനങ്ങള്‍ ആരംഭിച്ചിട്ട് ഒരുവര്‍ഷമായെങ്കിലും നിര്‍മാണത്തിലെ മെല്ലെപ്പോക്കാണ് പ്രശ്‌നങ്ങള്‍ക്കെല്ലാം കാരണം. മഴ പെയ്താല്‍ ചെളിയും വെയില്‍ ഉദിച്ചാല്‍ പൊടിശല്യവുമാണ് ഇപ്പോള്‍ ആമ്പല്ലൂരിലെ സ്ഥിതി. പല സമയങ്ങളിലും ദേശീയപാതയില്‍ കാഴ്ചമറയ്ക്കുന്ന തരത്തിലാണ് പൊടി ഉയരുന്നത്. ഈ സമയങ്ങളില്‍ ഇരുചക്രവാഹന യാത്രികര്‍ക്കു സഞ്ചരിക്കാന്‍പോലും ബുദ്ധിമുട്ടാണ്. പരാതി ഉയരുമ്പോള്‍ അധികൃതര്‍ ഇടപെട്ട് ഓരോ തവണ കുഴി അടയ്ക്കാൻ മെറ്റലും പാറപ്പൊടിയും കലര്‍ന്ന മിശ്രിതമാണ് ഉപയോഗിക്കുന്നത്. അറ്റകുറ്റപ്പണികള്‍ക്കു പിന്നാലെ മഴ പെയ്യുന്നതോടെ ഇത് ഇളകും. മഴയ്ക്കു പിറകെ വെയില്‍ എത്തുന്നതോടെ ദേശീയപാതയും പരിസരപ്രദേശങ്ങളും വീണ്ടും പൊടിപടലങ്ങളാല്‍ മുങ്ങും.

മാന്ദാമംഗലത്തു കെഎസ്എഫ്ഡിസി തിയേറ്റർ കോംപ്ലക്സ്; ഭൂമി കൈമാറി

ഒല്ലൂർ: ടൂറിസം സർക്യൂട്ടിന്‍റെയും അന്താരാഷ്ട്ര സുവോളജിക്കൽ പാർക്ക് ഉൾപ്പെടെയുള്ള പുത്തൂരിന്‍റെയും വികസനത്തിന് ആക്കംകൂട്ടുന്ന മാന്ദാമംഗലം മൾട്ടിപർപ്പസ് തിയേറ്റർ കോംപ്ലക്സിനുള്ള ഭൂമിയുടെ രേഖ റവന്യൂ മന്ത്രി കെ. രാജൻ സാംസ്കാരിക മന്ത്രി സജി ചെറിയാനു കൈമാറി. മാന്ദാമംഗലം വില്ലേജിൽപ്പെട്ട ഒരു ഏക്കർ റവന്യൂ പുറമ്പോക്കുഭൂമിയാണ് സംസ്കാരികവകുപ്പിനു കൈമാറിയത്. ഭൂമി ലഭ്യമാക്കുന്നതിനു കഴിഞ്ഞ ഏപ്രിൽ ഒമ്പതിനു റവന്യൂ മന്ത്രി കെ. രാജന്‍റെ അധ്യക്ഷതയിൽ സാംസ്കാരിക മന്ത്രി സജി ചെറിയാന്‍റെ സാന്നിധ്യത്തിൽ യോഗം ചേർന്നിരുന്നു. റവന്യൂ മന്ത്രി നിർദേശിച്ചതനുസരിച്ച്, റവന്യൂ, വനം, സാംസ്കാരിക വകുപ്പ് ഉദ്യോഗസ്ഥർ സ്ഥലം പരിശോധിക്കുകയും ഭൂമി തിട്ടപ്പെടുത്തി റിപ്പോർട്ട് കളക്ടർക്കു കൈമാറുകയും ചെയ്തിരുന്നു. കളക്ടറുടെ റിപ്പോർട്ട് സർക്കാർ പരിശോധിച്ച്, ഭൂമിയുടെ ഉടമസ്ഥാവകാശം റവന്യൂ വകുപ്പിൽ നിലനിർത്തി, വ്യവസ്ഥകളോടെ സാംസ്കാരികവകുപ്പിനു കൈമാറാൻ തീരുമാനിച്ചു. ഒരപ്പൻകെട്ട് വെള്ളച്ചാട്ടം, പീച്ചി ഡാം, കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ട് - അന്താരാഷ്ട്ര പൂന്തോട്ടം - ചിത്രശലഭ മ്യൂസിയം, പുത്തൂർ സുവോളജിക്കൽ പാർക്ക്, പുത്തൂർ കായൽ ടൂറിസം, കച്ചിത്തോട്, വല്ലൂർ കുത്ത്, ചിയ്യാരം വാക്കിംഗ് സ്ട്രീറ്റ് തുടങ്ങി ഒല്ലൂർ മണ്ഡലത്തിലെ പ്രകൃതിരമണീയമായ വിനോദസഞ്ചാര കേന്ദ്രങ്ങൾ ചേർന്നതാണ് ഒല്ലൂർ ടൂറിസം സർക്യൂട്ട്. പുത്തൂർ സുവോളജിക്കൽ പാർക്കിനു സമീപമാണ് തിയേറ്റർ കോംപ്ലക് സ് സ്ഥാപിക്കുന്നത്. റവന്യൂ മന്ത്രിയുടെ ചേംബറിൽ നടന്ന രേഖകൈമാറ്റ ചടങ്ങിൽ കേരള ചലച്ചിത്ര വികസന കോർപറേഷൻ (കെഎസ്എഫ് ഡിസി) ചെയർപേഴ്സൺ കെ. മധു, സാംസ്കാരികവകുപ്പ് ഡയറക്ടർ ദിവ്യ എസ്. അയ്യർ, റവന്യൂ വകുപ്പ് അഡീഷണൽ സെക്രട്ടറി അനു എസ്. നായർ, കെഎസ്എഫ്ഡിസി മാനേജിംഗ് ഡയറക്ടർ പി.എസ്. പ്രിയദർശനൻ തുടങ്ങിയവർ പങ്കെടുത്തു.

അളഗപ്പ എന്‍ടിസി മില്‍ ജീവനക്കാരെ തൊഴിലാളികള്‍ തടഞ്ഞു

അളഗപ്പനഗര്‍: അടച്ചുപൂട്ടിയ അളഗപ്പ എന്‍ടിസി മില്‍ തുറന്നുപ്രവര്‍ത്തിക്കാത്തതില്‍ പ്രതിഷേധിച്ച് തൊഴിലാളികള്‍ മാനേജ്‌മെന്‍റ് ജീവനക്കാരെ തടഞ്ഞു. സംയുക്ത ട്രേഡ് യൂണിയന്‍റെ നേതൃത്വത്തിലായിരുന്നു പ്രതിഷേധം. അഞ്ചരവര്‍ഷമായി അടച്ചുപൂട്ടിയ അളഗപ്പ ടെക്‌സ്‌റ്റൈല്‍ മിൽ ഉള്‍പ്പടെയുള്ള എന്‍ടിസി മില്ലുകള്‍ തുറന്നുപ്രവര്‍ത്തിക്കാന്‍ കേന്ദ്രമന്ത്രി സുരേഷ് ഗോപി ഇടപെടണമെന്നു യൂണിയനുകള്‍ ആവശ്യപ്പെട്ടു. എട്ടുമാസത്തെ ശമ്പളകുടിശിക നല്‍കുക, പിരിഞ്ഞുപോയവര്‍ക്കു ഗ്രാറ്റുവിറ്റി നല്‍കുക, ഇഎസ്‌ഐ ആനുകൂല്യം നല്‍കുക, അര്‍ഹരായവര്‍ക്കു ബോ ണസ് നല്‍കുക എന്നീ ആവശ്യങ്ങള്‍ ഉന്നയിച്ച് മില്‍ ഗേറ്റിനു മുന്പില്‍ തൊഴിലാളികള്‍ ധര്‍ണ നടത്തി. ഡിസിസി ജനറല്‍ സെക്രട്ടറി കെ. ഗോപാലകൃഷ്ണന്‍ ധര്‍ണ ഉദ്ഘാടനം ചെയ്തു. എഐടിയുസി യൂണിയൻ ജനറല്‍ സെക്രട്ടറി കെ. ഉണ്ണികൃഷ്ണന്‍ അധ്യക്ഷത വഹിച്ചു. സിഐടിയു യൂണിയൻ ജനറല്‍ സെക്രട്ടറി ആന്‍റോ ഇല്ലിക്കല്‍, ബിഎംഎസ് നേതാവ് എം. തുളസീദാസ്, കെ. രാധാകൃഷ്ണന്‍, എം.ജി. ജുനീഷ്, ഇ.ആര്‍. മുരളി എന്നിവര്‍ പ്രസംഗിച്ചു. പുതുക്കാട് എസ്എച്ച്ഒയുടെ നേതൃത്വത്തില്‍ പോലീസ് സംഘവും സ്ഥലത്തെത്തിയിരുന്നു.

കാര്‍യാത്രക്കാരനെ ആക്രമിച്ച കേസില്‍ രണ്ടുപേർ അറസ്റ്റില്‍

ഇരിങ്ങാലക്കുട: കാര്‍ തട്ടിയതിനെതുടര്‍ന്നുണ്ടായ തര്‍ക്കത്തില്‍ കാര്‍ യാത്രക്കാരനെ ആക്രമിച്ച കേസില്‍ രണ്ടു പ്രതികള്‍ അറസ്റ്റില്‍. കൊറ്റനെല്ലൂര്‍ കുതിരത്തടം സ്വദേശി വേലംപറമ്പില്‍ അബ്ദുള്‍ ഷാഹിദ് (29), പട്ടേപ്പാടം തൈപ്പറമ്പില്‍ നിഖില്‍ (30) എന്നിവരാണ് അറസ്റ്റിലായത്. പുത്തന്‍ചിറ കൊട്ടിക്കല്‍ മുഹമ്മദ് സിദ്ദിഖിന്‍റെ ബന്ധുവിന്‍റെ കാറില്‍ ഈ കേസിലെ ഒന്നാംപ്രതിയും ആളൂര്‍ പോലീസ് സ്റ്റേഷന്‍ റൗഡിയുമായ ആളൂര്‍ മുരിയാട് ഉള്ളാട്ടിക്കുളം മില്‍ജോയുടെ (29) കാര്‍ തട്ടിയതു ചോദ്യംചെയ്തതിലുള്ള വൈരാഗ്യത്തില്‍ സിദ്ധിഖിനെയും കൂട്ടുകാരെയും ഭീഷണിപ്പെടുത്തി ആക്രമിച്ചു പരിക്കേല്‍പ്പിക്കുകയായിരുന്നു. മില്‍ജോയെ മുമ്പ് അറസ്റ്റ് ചെയ്തിരുന്നു. പ്രതികളായ അബ്ദുള്‍ ഷാഹിദ്, നിഖില്‍ എന്നിവരെ കഴിഞ്ഞദിവസം ആനന്ദപുരത്ത് യുവാവിനെ ആക്രമിച്ച് വാച്ചും മൊബൈല്‍ഫോണും കവര്‍ച്ചചെയ്ത കേസില്‍ ഉള്‍പ്പെട്ടതിനെതുടര്‍ന്ന് അറസ്റ്റുചെയ്ത് ജയിലിലാക്കിയിരുന്നു. തുടര്‍ന്ന് ഇരിങ്ങാലക്കുടയിലെ കേസിലേക്കുവേണ്ടി കോടതിയുടെ അനുമതിയോടെയാണ് ഇരുവരെയും അറസ്റ്റുചെയ്തത്.

രാജീവ് ഗാന്ധി വിഭാഗീയതയുടെ രക്തസാക്ഷി: തേറന്പിൽ

തൃശൂർ: വിഭാഗീയതയുടെ രക്തസാക്ഷിയാണ് രാജീവ് ഗാന്ധിയെന്നു മുൻ നിയമസഭാ സ്പീക്കർ തേറന്പിൽ രാമകൃഷ്ണൻ. ആസാം -പഞ്ചാബ് പ്രശ്നപരിഹാരത്തിനായി രാജീവ് ഗാന്ധി സ്വീകരിച്ച നിയമപരമായ സമീപനങ്ങൾ മണിപ്പുർ കലാപം അവസാനിപ്പിക്കാൻ മോദിയുടെ ഭാഗത്തുനിന്നുണ്ടായില്ല. രാജ്യത്തു വിഭാഗീയത വളർത്താനാണ് ഇന്നത്തെ ഭരണാധികാരികൾ ശ്രമിക്കുന്നത്. വോട്ടുകൊള്ളയും ജനാധിപത്യധ്വംസനങ്ങളുംവഴി രാജ്യത്തെ ബാധിച്ച ഭയത്തിൽനിന്നു ജനങ്ങളെ മോചിപ്പിക്കാൻ രാഹുൽ ഗാന്ധി നടത്തുന്ന പോരാട്ടങ്ങൾക്കു പ്രതിപക്ഷകക്ഷികൾ നൽകുന്ന പിന്തുണ ശുഭകരമാണ്. ഇന്ത്യയെ വീണ്ടെടുക്കാനുള്ള തീവ്രശ്രമത്തിന്‍റെ ഭാഗമാണീ പോരാട്ടമെന്നും അദ്ദേഹം പറഞ്ഞു. രാജീവ് ഗാന്ധിയുടെ 81-ാം ജന്മദിനത്തിന്‍റെ ഭാഗമായി ഡിസിസി സംഘടിപ്പിച്ച സദ്ഭാവനാദിനാചരണവും പൂഷ്പാർച്ചനയും അനുസ്മരണവും ഉദ്ഘാടനംചെയ്തു പ്രസംഗിക്കുകയായിരുന്നു തേറന്പിൽ. ഡിസിസി പ്രസിഡന്‍റ് അഡ്വ. ജോസഫ് ടാജറ്റ്, ടി.വി. ചന്ദ്രമോഹൻ, ഒ. അബ്ദുറഹ്‌മാൻകുട്ടി, ജോസ് വള്ളൂർ, സുനിൽ അന്തിക്കാട്, രാജേന്ദ്രൻ അരങ്ങത്ത്, ജോണ്‍ ഡാനിയൽ, ഷാജി കോടങ്കണ്ടത്ത്, ഐ.പി. പോൾ, സി.ഒ. ജേക്കബ്, ഡോ. നിജി ജസ്റ്റിൻ, ലാലി ജെയിംസ്, ആൻസി ജേക്കബ്, വില്ലി ജിജോ, കെ.കെ. ബാബു, അഡ്വ. വി. സുരേഷ് കുമാർ, അഡ്വ. സിജോ കടവിൽ, ബൈജു വർഗീസ്, രാജൻ പല്ലൻ, കെ.വി. ദാസൻ, കെ.എച്ച്. ഉസ്മാൻ ഖാൻ, കെ.ബി. ജയറാം, പി. ശിവശങ്കരൻ, എം.എസ്. ശിവരാമകൃഷ്ണൻ, സജീവൻ കുരിയച്ചിറ, രവി താണിക്കൽ, സന്തോഷ് ഐത്താടൻ, സത്താർ ആദൂർ, പി.ഡി. റപ്പായി, കെ. സുരേഷ്, ആശിഷ് മൂത്തേടത്ത്, ജേക്കബ് പൂലിക്കോട്ടിൽ, ജോർജ് ചാണ്ടി എന്നിവർ പങ്കെടുത്തു.

സ്റ്റേറ്റ് ജൂണിയര്‍ അത്‌ലറ്റിക്‌സ് മീറ്റില്‍ താരമായി പി.എന്‍. അഭിയ

ഇരിങ്ങാലക്കുട: തിരുവനന്തപുരത്തു നടന്ന കേരളാ സ്റ്റേറ്റ് ജൂണിയര്‍ അത്‌ലറ്റിക്‌സ് മീറ്റില്‍ താരമായി ക്രൈസ്റ്റ് കോളജ് വിദ്യാര്‍ഥി പി.എന്‍. അഭിയ. രണ്ട് ഗോള്‍ഡ് മെഡലും ഒരു സില്‍വര്‍ മെഡലുമാണ് നേടിയത്. തൃശൂര്‍ ജില്ലയെ പ്രതി നിധീകരിച്ചു മത്സരിച്ച അഭിയ 100 മീറ്ററില്‍ വെള്ളി, 200 മീറ്ററില്‍ സ്വര്‍ണം, 4 X100 മീറ്റർ റിലേയിൽ സ്വര്‍ണം എന്നിവ കരസ്ഥമാക്കി. സ്‌‌പോര്‍ട്‌സ് കൗണ്‍സില്‍ ഹോസ്റ്റല്‍ താരമായ അഭിയ ക്രൈസ്റ്റ് കോളജില്‍ സേവിയര്‍ പൗലോസിന്‍റെ കീഴിലാണു പരിശീലിക്കുന്നത്.

പാലിയേക്കര ടോൾ സംസ്ഥാനസർക്കാരിന്‍റെ മൗനംദുരൂഹം: ഒ.ജെ. ജനീഷ്

തൃശൂർ: ദേശീയപാതയിലെ ടോൾപിരിവ് നിരോധിച്ച ഹൈക്കോടതി ഉത്തരവ് ശരിവച്ച സുപ്രീം കോടതി നടപടിയിൽ സംസ്ഥാന സർക്കാരിന്‍റെ മൗനം സംശയാസ്പദമെന്ന് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്‍റ് ഒ.ജെ. ജനീഷ്. രണ്ടുവട്ടം സുപ്രീം കോടതി കേസ് പരിഗണിച്ചപ്പോഴും സംസ്ഥാന സർക്കാരിന്‍റെ അഭിഭാഷകൻ ഹാജരായില്ല. കോടതിയിൽ സ്റ്റാൻഡിംഗ് കൗണ്‍സൽ ഹാജരാകാത്തതു നിർമാണ കന്പനിയെ സഹായിക്കാനാണെന്നും, കേരളത്തിലെ പൊതുമരാമത്തുവകുപ്പിനു ദേശീയപാതനിർമാണത്തിൽ പരാതികളില്ലെന്ന കന്പനിയുടെ വാദം സർക്കാർ അറിവോടെയാണോയെന്നു വ്യക്തമാക്കണമെന്നും ജനീഷ് ആവശ്യപ്പെട്ടു. ദേശീയപാത വിഷയത്തിൽ നിരവധി സമരങ്ങൾ നടത്തിയ ബിജെപിക്കും ഇക്കാര്യത്തിൽ മൗനമാണ്. ആയിരക്കണക്കിനു ജനങ്ങളെ ബാധിക്കുന്ന പ്രശ്നത്തിൽ കേന്ദ്രമന്ത്രി സുരേഷ് ഗോപിയും നിലപാട് വ്യക്തമാക്കണം. നിർമാണം പൂർത്തിയാക്കാനാണ് ഹൈക്കോടതി ഒരുമാസം ടോൾപിരിവ് നിർത്തിച്ചത്. വിധിവന്നു രണ്ടാഴ്ച കഴിഞ്ഞിട്ടും പുരോഗതിയില്ല. ഗതാഗതക്കുരുക്ക് ഒഴിവാക്കാൻ കോടതി നിർദേശിച്ച നടപടികളും പാലിച്ചിട്ടില്ല. മേൽപ്പാലങ്ങളുടെയും അടിപ്പാതകളുടെയും നിർമാണക്കരാർ ഏറ്റെടുത്ത പിഎസ്ടി എൻജിനീയറിംഗ് ആൻഡ് കണ്‍സ്ട്രക്‌ഷൻ കന്പനിക്കെതിരേ തമിഴ്നാട്ടിൽ നിരവധി പരാതികളുണ്ട്. 383 കോടിയുടെ കരാറാണ് നൽകിയതെങ്കിലും 510 കോടിയായി ഉയർത്തുമെന്നു പറയുന്നു. 21 ശതമാനംമാത്രമാണ് നിർമാണം പൂർത്തിയാക്കിയത്. മന്ത്രിസഭയിലെ രണ്ടാമനായ കെ. രാജനും പുതുക്കാട് എംഎൽഎ കെ.കെ. രാമചന്ദ്രനും ജനകീയ ആവശ്യങ്ങളോടു മുഖംതിരിഞ്ഞു നിൽക്കുകയാണ്. ജനങ്ങളുടെ ദുരിതം വർധിപ്പിക്കുന്ന കന്പനിക്കൊപ്പം നിൽക്കുന്ന നേതാക്കൾ മാപ്പുപറയണമെന്നും ജനീഷ് ആവശ്യപ്പെട്ടു.

ഓണത്തിനു ഗിഫ്റ്റ് ഹാമ്പർ ഒരുക്കി കുടുംബശ്രീ

തൃശൂർ: ഓണത്തിനു ഗിഫ്റ്റ് ഹാമ്പർ ഒരുക്കി കുടുംബശ്രീ. കുടുംബശ്രീയുടെ സ്വന്തം ഓൺലൈൻ പ്ലാറ്റ്ഫോമായ ‘പോക്കറ്റ്മാർട്ടി’ലൂടെ വില്പന ആരംഭിച്ചു. ‘ഓണം കുടുംബശ്രീക്ക് ഒപ്പം’ എന്ന ടാഗ് ലൈനിൽ ഓൺലൈൻ പ്ലാറ്റ്ഫോമിലൂടെ എല്ലാവർക്കും ഓർഡർ ചെയ്യാവുന്ന രീതിയിലാണ് ഗിഫ്റ്റ് ഹാമ്പർ വില്പന ക്രമീകരിച്ചിട്ടുള്ളത്. കുടുംബശ്രീയുടെ ബനാന ചിപ്സ്, ശർക്കരവരട്ടി, മുളകുപൊടി, മല്ലിപ്പൊടി, മഞ്ഞൾപൊടി, സാമ്പാർ പൊടി, വെജ് മസാല, സേമിയ - പാലട പായസം മിക്സ്‌ തുടങ്ങിയ ബ്രാൻഡഡ് ഉത്പന്നങ്ങളാണ് ഗിഫ്റ്റ് ഹാമ്പറിൽ ഒരുക്കിയിട്ടുള്ളത്. 799 രൂപയാണ് ഒരു ഹാമ്പറിനു നിലവിലെ വില. ഡെലിവറി ചാർജും ഉണ്ടാകും. നിലവിൽ ഷിപ്പ്റോക്കറ്റിനെയാണ് ഡെലിവറി പാർട്ണറായി തെരഞ്ഞെടുത്തിരിക്കുന്നത്. സംസ്ഥാനത്ത് ആകെ ആദ്യ ഘട്ടത്തിൽ 5000 ഗിഫ്റ്റ് ഹാമ്പറുകളാണ് ഓൺലൈനായി വിതരണം ചെയ്യുക. തൃശൂർ ജില്ലയിലെ കുടുംബശ്രീ ബസാർ, കണ്ണൂർ കറി പൗഡർ കൺസോർഷ്യം എന്നിവർക്കാണ് 2500 വീതം യഥാക്രമം വിതരണച്ചുമതല. ജില്ലയിൽ ഇതിനകം രണ്ടായിരത്തിലധികം ഓർഡറുകൾ ലഭിച്ചുകഴിഞ്ഞു. ഓർഡർ അനുസരിച്ചുള്ള പാക്കിംഗ് പ്രവർത്തനങ്ങൾ കുടുംബശ്രീ ബസാറിൽ പുരോഗമിക്കുകയാണ്. ഗിഫ്റ്റ് ഹാംപറിന്‍റെ വിതരണം ഈമാസംതന്നെ പൂർത്തീകരിക്കും.

ബിനി ടൂറിസ്റ്റ് ഹോം: നിയമപോരാട്ടം തുടരുമെന്നു വിനോദ് പൊള്ളാഞ്ചേരി

തൃശൂർ: ബിനി ടൂറിസ്റ്റ് ഹോം വിഷയത്തിൽ നിയമപോരാട്ടം തുടരുമെന്നു കോർപറേഷൻ ബിജെപി പാർലമെന്‍ററി ലീഡർ വിനോദ് പൊള്ളാഞ്ചേരി പറഞ്ഞു. എൽഡിഎഫ് ഭരണസമിതിയുടെ സഹായത്തോടെ യാന്ത്രികമായി ഉണ്ടാക്കിയ തെളിവുകളുടെ അടിസ്ഥാനത്തിലാണു കരാറുകാരൻ അനുകൂലവിധി നേടിയെടുത്തത്. കരാർനിയമങ്ങൾ പാലിക്കാത്തതും കരാറുകാരനും കോർപറേഷൻ ഭരണസമിതിയും മേയറുംകൂടി നടത്തിയ ചട്ടവിരുദ്ധനടപടികളും ചോദ്യംചെയ്താണു ബിജെപി കൗൺസിലർമാർ ഓംബുഡ്സ്മാനെയും തുടർന്നു കോടതിയെയും സമീപിച്ചത്. കെട്ടിടം അനധികൃതമായി പൊളിച്ചതിനു കോർപറേഷൻ 29 ലക്ഷം രൂപ പിഴയും ഈടാക്കിയിരുന്നു. വിഷയവുമായി ബന്ധപ്പെട്ടു കൗൺസിലിൽ ബിജെപിയും കോൺഗ്രസും വിയോജിപ്പ് അറിയിച്ചിരുന്നു. രണ്ടു കോൺഗ്രസ് കൗൺസിലർമാർ കേസിനു പോയിരുന്നെങ്കിലും സെറ്റിൽമെന്‍റ് രാഷ്‌ട്രീയത്തിന്‍റെ ഭാഗമായി പിൻവലിക്കുകയായിരുന്നെന്നും ബിജെപി ആരോപിച്ചു.

ബിജെപി കൗൺസിലർമാർ രാജിവ‍യ്ക്കണം, കോൺഗ്രസ് മാപ്പുപറയണം: എൽഡിഎഫ്

തൃശൂർ: കോർപറേഷൻ ഭരണനിർവഹണവും വികസനവും തടസപ്പെടുത്താൻ അനാവശ്യവ്യവഹാരം നടത്തിയതിനു ശിക്ഷിക്കപ്പെട്ട ആറു ബിജെപി കൗൺസിലർമാരും രാജിവ‍യ് ക്കണമെന്നും അവസാനംവരെ ബിജെപിക്കൊപ്പംനിന്ന പ്രതിപക്ഷനേതാവ് രാജൻ ജെ. പല്ലനും കോൺഗ്രസും മാപ്പുപറയണമെന്നും എൽഡിഎഫ് കോർപറേഷൻ കമ്മിറ്റി കൺവീനർ യു.പി. ജോസഫ്. കോടതിയുടെ വിലപ്പെട്ട സമയം ദുരുദ്ദേശ്യപരമായി നഷ്ടപ്പെടുത്തിയതിനാണു ഹൈക്കോ ടതി പിഴശിക്ഷ വിധിച്ചത്. കോർപറേഷന്‍റെ സമയവും പണവും നഷ്ടപ്പെടുത്തിയതിനു ജനകീയകോടതിയുടെ ശിക്ഷനേരിടേണ്ടതുണ്ട്. രാജിവച്ചില്ലെങ്കിൽ നിയമപ്രകാരം ഒഴിവാക്കാനാകുമെന്നും കമ്മിറ്റി ഓർമപ്പെടുത്തി. ബിജെപി കൗൺസിലർമാർക്കൊപ്പം കേസിനുപോയ ബി ജെപിക്കാരനായ അഡ്വ. പ്രമോദിനെയും കോടതി ശിക്ഷിച്ചെന്നും കമ്മിറ്റി ചൂണ്ടിക്കാട്ടി.

കണ്ണോത്തുകുളം കണ്ണാടിയായി

പുന്നയൂർക്കുളം: ഒരുകോടിയോളം രൂപ ചെലവഴിച്ച് നവീകരിച്ചപ്പോൾ പാഴായികിടന്ന കണ്ണോത്തുകുളം നാടിന്‍റെ കണ്ണാടിയായി. ചാവക്കാട് ബ്ലോക്ക് പഞ്ചായത്ത്, ജില്ലാപഞ്ചായത്ത്, അർബൻ അഗ്ലോമേഷൻ നഗരസഞ്ചനപദ്ധതി എന്നിവയൊന്നിച്ചാണ് കുളം നവീകരിച്ചത്. നടപ്പാത, ചുറ്റുമതിൽ, ലൈറ്റ്, ഇരിപ്പടം എന്നിവയൊരുക്കി. 15 സെന്‍റ് വിസ്തൃതിയുള്ള കുളം സ്വകാര്യവ്യക്തി പഞ്ചായത്തിന് നൽകിയതാണ്. കുന്നത്തൂർ എള്ളൂരകായിൽ റോഡിനുസമീപം നവീകരിച്ച കണ്ണോത്തുകുളം എൻ.കെ. അക്ബർ എംഎൽഎ ഉദ്ഘാടനംചെയ്തു. പഞ്ചായത്ത് പ്രസിഡന്‍റ് ജാസ്മിൻ ഷഹീർ അധ്യക്ഷയായി. ബ്ലോക്ക് പഞ്ചായത്ത് പ്രസിഡന്‍റ് നഫീസക്കുട്ടി വലിയകത്ത്, ജില്ലാപഞ്ചായത്തംഗം റഹീം വീട്ടിപ്പറമ്പിൽ, ബ്ലോക്ക് പഞ്ചായത്തംഗം ഫാത്തിമാ ലീനസ്, മന്ദലാംകുന്ന് മുഹമ്മദുണ്ണി, ഇ.കെ. നിഷാർ, ഗ്രീഷ്മാ ഷനോജ്, കുഞ്ഞുമുഹമ്മദ്, അനിത ധർമ്മൻ, അസിസ്റ്റന്‍റ് എൻജിനീയർ എൻ.പി. ഷിധി തുടങ്ങിയവർ പ്രസംഗിച്ചു.

ശോചനീയാവസ്ഥയിൽ എറവ് മൃഗാശുപത്രി; ഇഴജന്തുക്കളുടെ ശല്യവും രൂക്ഷം

അരിമ്പൂർ: ശോചനീയാവസ്ഥയിലായ എറവ് മൃഗാശുപത്രിയിൽ ഭീതിയോടെ ജോലി ചെയ്യേണ്ട ഗതികേടിലാണ് ഡോക്ടർ അടക്കമുള്ള നാല് വനിതാജീവനക്കാർ. ഇടക്കിടെ വരുന്ന പാമ്പുകളെ പേടിക്കുകയുംവേണം. മൃഗാശുപത്രിയുടെ പല ഭാഗങ്ങളും തകർന്നനിലയിലാണ്. മൃഗാശുപത്രി കെട്ടിടത്തിന്‍റെ ഉടമസ്ഥാവകാശം സംബന്ധിച്ച് തർക്കം നിലനിൽക്കുന്നതിനാൽ അറ്റകുറ്റപ്പണിനടത്താനും സാധിക്കാത്തനിലയിലാണ്. മൃഗാശുപത്രിയിൽ മുറികൾക്ക് മുകളിലുള്ള വിടവിലൂടെയും ശുചിമുറിയിലെ ദ്വാരങ്ങൾക്കിടയിലൂടെയും പലപ്പോഴായി എത്തുന്ന പാമ്പുകളെകണ്ട് ഭയന്നതായി ജീവനക്കാർ പറയുന്നു. ഇവിടുത്തെ കിണറും പാമ്പുകളുടെ താവളമാണ്. പഴയ ഓടിട്ട ഇരുനില കെട്ടിടത്തിന്‍റെ മുകൾഭാഗം ഉപയോഗശൂന്യമായി കിടക്കുകയാണ്. ഇവിടെ മരപ്പട്ടി, വെള്ളിമൂങ്ങ തുടങ്ങി പലവിധ ജീവികൾ ഉള്ളതായി ജീവനക്കാർ പറയുന്നു. കെട്ടിടത്തിന്‍റെ പല ഭാഗങ്ങളും നശിച്ചുതുടങ്ങി. രണ്ടു മുറികൾ മാത്രമാണ് മൃഗാശുപത്രി കകുള്ളിൽ തട്ട് ഇട്ടിട്ടുള്ളത്. ബാക്കിയുള്ള ഭാഗത്ത് ഇരുമ്പുതകിട് മേഞ്ഞതാണ്. ഇതിന്‍റെ പല ഭാഗവും അടിഭാഗം പട്ടിക ദ്രവിച്ച് തലയിൽവീഴുന്ന അവസ്ഥയാണ്. മൃഗാശുപത്രിയുടെ ഉൾചുമരുകൾ പലതും നാശത്തിന്‍റെ വക്കിലാണ്. അതേസമയം 1974ൽ എല്ലാ രേഖകളോടുംകൂടി പണംനൽകി വാങ്ങിയ ഭൂമിയിലാണ് കെട്ടിടമെന്നും എന്നാൽ ഇതുസംബന്ധിച്ച് തർക്കം നിൽക്കുന്നതിലാണ് നിർമാണം നടത്താൻ കഴിയാത്തതെന്നും അരിമ്പൂർ പഞ്ചായത്ത് വൈസ് പ്രസിഡന്‍റ് സി.ജി. സജീഷ് പറഞ്ഞു.

ബസിൽ സ്വർണമാല കവർന്നു: തമിഴ്നാട് സ്വദേശിനി പിടിയിൽ

വടക്കാഞ്ചേരി: സ്വകാര്യ ബസിൽനിന്നു മധ്യവയസ്കയുടെ സ്വർണമാല കവർന്ന കേസിൽ തമിഴ്നാട് സ്വദേശിനി പിടിയിൽ. തമിഴ്നാട് ദിണ്ഡിക്കൽ സ്വദേശിനി മുരുകേശ്വനി(36)ആണ് വടക്കാഞ്ചേരി പോലീസിന്‍റെ പിടിയിലായത്. ഇവരോടൊപ്പം ഉണ്ടായിരുന്ന സഹായിയെ പോലീസ് തെരയുന്നുണ്ട്. പാലക്കാട് കറുകപുത്തൂർ പള്ളിപടി സ്വദേശിനി ഇളയടത്ത് വീട്ടിൽ സുലേഖ(58)യുടെ നാലുപവൻ തൂക്കമുള്ള സ്വർണമാലയാണ് മോഷണംപോയത്. കറകപുത്തൂരിൽനിന്നു ബസിൽകയറിയ സുലേഖ ഓട്ടുപാറ ബസ് സ്റ്റാന്‌ഡിൽ ഇറങ്ങുന്നതിനിടെയാണ് സ്വർണമാല നഷ്ടപ്പെട്ടവിവരമറിയുന്നത്. ബസിൽ സംശയാസ്പദമായികണ്ട തമിഴ്നാട് സ്വദേശിനിയെ യാത്രക്കാർ കെെയോടെ പിടികൂടി വടക്കാഞ്ചേരി പോലീസിൽ ഏൽപ്പിക്കുകയായിരുന്നു. എന്നാൽ പരിശോധനയിൽ ഇവരിൽനിന്നു സ്വർണം കണ്ടെത്താൻ പോലീസിന് കഴിഞ്ഞില്ല. മോഷണംനടത്തിയശേഷം സഹായിക്ക് ആഭരണംകൈമാറിയെന്നാണ് പോലീസ് സംശയിക്കുന്നത്. വടക്കാഞ്ചേരി ജില്ലാ ആശുപത്രിയിലേക്ക് ചികിത്സയ്ക്ക് വരികയായിരുന്നു സുലേഖ.

മുക്കുപണ്ടം പണയംവച്ച് പണംതട്ടി: യുവതി പിടിയിൽ

വടക്കാഞ്ചേരി: സ്വകാര്യ പണമിടപാട് സ്ഥാപനത്തിൽ മുക്കുപണ്ടം പണയംവച്ച് 12 ലക്ഷത്തിലധികംരൂപ തട്ടിയ കേസിൽ യുവതി പിടിയിൽ. തൃശൂർ പീച്ചി ചുവന്നമണ്ണ് ചിറക്കോട് വീട്ടിൽ ശ്രീപ്രിയ(37)യാണ് വടക്കാഞ്ചേരി പോലീസിന്‍റെ പിടിയിലായത്. വടക്കാഞ്ചേരിയിലെ ഒരു സ്വകാര്യ സ്ഥാപനത്തിലാണ് സംഭവം. 19ന് ഉച്ചകഴിഞ്ഞ് സ്ഥാപനത്തിലെത്തിയ യുവതി 188 ഗ്രാം മുക്കുപണ്ടം പണയംവച്ച് 12,35,000 രൂപ തട്ടിയെടുത്തുവെന്നാണ് കേസ്. വടക്കാഞ്ചേരി എസ്ഐ കെ. ശരത്തിന്‍റെ നേതൃത്വത്തിലുള്ള അന്വേഷണസംഘമാണ് യുവതിയെ പിടികൂടിയത്.

തൃശൂർ സഹോദയ സ്കൂൾ കോംപ്ലക്സ് ബാസ്കറ്റ്ബോൾ ടൂർണമെന്‍റ്: ആതിഥേയരായി മുണ്ടൂർ നിർമൽജ്യോതി

മുണ്ടൂർ: തൃശൂർ ജില്ലാതല സഹോദയ സ്കൂൾ കോംപ്ലക്സ് സിബിഎസ്ഇ സ്കൂളുകളുടെ ബാസ്കറ്റ്ബോൾ ടൂർണമെന്‍റ് മുണ്ടൂർ നിർമൽ ജ്യോതി സെൻട്രൽ സ്കൂളിൽ സംഘടിപ്പിച്ചു. മുൻ കേരള ബാസ്കറ്റ്ബോൾ ക്യാപ്റ്റനും കാലിക്കട്ട് സർവകലാശാല ബാസ്്കറ്റ്ബോൾ ക്യാപ്റ്റനും സബ് ഇൻസ്പെക്ടറുമായ കെ . ജിയോ ജോൺ പരിപാടി ഉദ്ഘാടനംചെയ്തു. കൺവീനർമാരായ നിർമൽ ജ്യോതി പ്രിൻസിപ്പല്‌ സിസ്റ്റർ മേഴ്സി ജോസഫ് എസ്എച്ച്, തങ്ങാലൂർ ദേവമാത പ്രിൻസിപ്പല്‌ ഫാ. സിന്‍റോ നങ്ങിണി സിഎംഐ എന്നിവർ ആശംസകൾ അർപ്പിച്ചു. തൃശൂർ ജില്ലയിലെ 40 ഓളം സിബിഎസ്ഇ സ്കൂൾ ടീമുകൾ മത്സരത്തിൽ പങ്കെടുത്തു. പ്രശസ്ത ബാസ്കറ്റ്ബോൾ കളിക്കാരും കോച്ചുമാരുമായ വി.എം. പ്രേം കുമാറും വി.എ. ജോർജും മത്സരങ്ങൾക്ക് നേതൃത്വംനൽകി.

കാർഷികസംസ്കൃതി തൊട്ടറിഞ്ഞ് സെന്‍റ് ജോസഫ്സ് സ്കൂൾ

തൃശൂർ: സെന്‍റ് ജോസഫ്സ് സിഎൽപി സ്കൂളിൽ കർഷകദിനം ആചരിച്ചു. അധ്യാപകരുടെയും പിടിഎയുടെയും നേതൃത്വത്തിൽ വിദ്യാർഥികൾ കൃഷിയിടങ്ങൾ സന്ദർശിച്ച് കർഷകദന്പതികളായ ടി.ബി. പ്രജു, ശുഭ എന്നിവരുമായി സംവദിച്ചു. സ്കൂൾ ഹെഡ്മിസ്ട്രസ് മേഴ്സി ആന്‍റണി, പിടിഎ പ്രസിഡന്‍റ് പി.ജി. സുരേഷ്, എക്സിക്യൂട്ടീവ് അംഗങ്ങൾ, അധ്യാപകർ തുടങ്ങിയവർ നേതൃത്വം നൽകി.

വയോധികയുടെ മാല കവർന്ന സംഭവം: സ്ത്രീക്കായി തെരച്ചിൽ

പേരാമംഗലം: മനപ്പടിയിൽ വീട്ടുജോലിക്ക് സഹായിക്കാനെന്ന വ്യാജേനയെത്തി വയോധികയുടെ മാലകവർന്ന സംഭവത്തിൽ സ്ത്രീക്കായി തിെരച്ചിൽ ഊർജിതമാക്കി പേരാമംഗലം പോലീസ്. സംഭവുമായി ബന്ധപ്പെട്ട സ്ത്രീയുടെ സിസിടിവി ദൃശ്യങ്ങൾ പോലീസ് പുറത്തുവിട്ടു. ഈ മാസം 12നാണ് കവർച്ച നടന്നത്. തമിഴ്നാട് സ്വദേശി കാമാക്ഷിയാണ് കവർച്ച നടത്തിയെന്നാണ് പോലീസിന്‍റെ പ്രാഥമിക നിഗമനം. പേരാമംഗലം മനപ്പടി സ്വദേശിയുടെ വീട്ടിൽ 11ന് വീട്ടുജോലിക്കായാണ് ഇവർ വീട്ടിലെത്തിയത്. അടുത്തദിവസം സ്ത്രീയെ കാണാതായതിനെത്തുടർന്ന് പരിശോധിച്ചപ്പോഴാണ് മാല നഷ്ടപ്പെട്ട വിവരം വീട്ടുകാർ അറിയുന്നത്. ഉടനെ വീട്ടുകാർ പോലീസിൽ പരാതി. അരണാട്ടുകരയിലും വടൂക്കരയിലും വീട്ടുജോലിക്ക് സഹായിക്കാനെന്ന വ്യാജേനയെത്തി കവർച്ച നടത്തിയത് ഇവർ തന്നെയാണെന്നാണ് പോലീസ് കണ്ടെത്തൽ.

മോഷണം; കാപ്പ ലംഘിച്ച പ്രതി പിടിയിൽ

ചാവക്കാട്: എടക്കഴിയൂർ അയ്യപ്പ സ്റ്റോഴ്സ് മിനി സൂപ്പർമാർക്കറ്റിൽനിന്ന് പട്ടാപ്പകൽ 31,000 രൂപ മോഷ്ടിച്ച പ്രതി പിടിയിൽ. കൊടുങ്ങല്ലൂർ അഴിക്കോട് വലിയറവീട്ടിൽ സുൽഫിക്കറി(40)നെയാണ് ചാവക്കാട് എസ്എച്ച്ഒ വി.വി. വിമലിന്‍റെ നേതൃത്വത്തിൽ പോലീസ് പൊന്നാനിയിൽനിന്ന് അറസ്റ്റ് ചെയ്തത്. ഇന്നലെ പകൽ ഉടമ സിജിത്ത് ഉച്ചഭക്ഷണംകഴിക്കാൻപോയ സമയത്ത് കടയിൽ ജീവനക്കാരൻ അഷറഫ് മാത്രമാണ് ഉണ്ടായിരുന്നത്. അഷറഫിന്‍റെ ശ്രദ്ധതിരിച്ചാണ് മേശയിൽനിന്ന് മോഷണം. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പിടിയിലായത്. പ്രതിയെ ചോദ്യം ചെയ്തപ്പോഴാണ് കാപ്പ പ്രകാരം ഇയാളെ തൃശൂർ ജില്ലയിൽ പ്രവേശിക്കുന്നത് ഒരു വർഷത്തേക്ക് വിലക്കിയിരുന്നു. നിയമം ലംഘിച്ചതിനും മോഷണത്തിനുമായി കേസുകളെടുത്തു. നിലവിൽ വിവിധ സ്റ്റേഷനുള്ളിൽ ഇയാൾക്കെതിരേ 18 കേസുണ്ട്. എസ്ഐ ശരത് സോമൻ, പ്രൊബേഷൻ എസ്ഐ വിഷ്ണു നായർ, എസ്ഐ ഫൈസൽ തുടങ്ങിയവർ ചേർന്നാണ് അറസ്റ്റ്.

കാടുകയറി വിസ്മൃതിയിലാണ്ട് ഉരിയച്ചിറ; പ്രതാപം വീണ്ടെടുക്കണമെന്നു നാട്ടുകാര്‍

ഇരിങ്ങാലക്കുട: നഗരസഭയുടെ കിഴക്കേ അതിര്‍ത്തിയില്‍ മുരിയാട് പഞ്ചായത്തില്‍ പുല്ലൂരിനും ഇടയില്‍ പഴയകാലത്തെ പ്രധാന ജലസംഭരണികളിലൊന്നായ ഉരിയച്ചിറ അതിജീവനത്തിനുള്ള പോരാട്ടത്തിലാണ്. ഒരു ഭാഗത്തു ജീവശ്വാസത്തിനുവേണ്ടി വീര്‍ പ്പുമുട്ടുമ്പോള്‍ മറുഭാഗത്ത് ഉരിയച്ചിറയുടെ ഉയിരെടുക്കാനുള്ള തത്രപ്പാടിലാണ് ഭൂമാഫിയ. ഒരുകാലത്ത് കാര്‍ഷിക ശുദ്ധജല ജലസേചനമേഖകളില്‍ പ്രധാന ആശ്രയമായിരുന്നു ഉരിയച്ചിറ. ഉരിയച്ചിറയിലെ ജലസമൃദ്ധിയില്‍ സമ്പന്നമായിരുന്നു പുല്ലൂര്‍, മുരിയാട്, അവിട്ടത്തൂര്‍ മേഖലയിലെ കാര്‍ഷികമേഖല. പ്രകൃതി കനിഞ്ഞു‌നല്‍കിയ ജലവിതരണ സംവിധാനം ഇപ്പോള്‍ കാടുകയറി കിടക്കുകയാണ്. 30 വര്‍ഷത്തോളമായി ഇവിടെ കൃഷിചെയ്യാതെ തരിശുകിടക്കുകയാണ്. എല്ലാ കന്നി മാസവും 10ന് അടച്ച് മീന മാസം പകുതിയോടെ തുറക്കുന്ന രീതിയിലായിരുന്നു ചിറ കെട്ടിയിരുന്നതെന്ന് പഴമക്കാര്‍ പറയുന്നു. വർഷക്കാലത്ത് വെള്ളംനിറഞ്ഞ് വലിയൊരു ജലാശയം ഇവിടെ രൂപാന്തരപ്പെട്ടിരുന്നതായും പഴമക്കാര്‍ പറയുന്നു. ഇരിങ്ങാലക്കുട പട്ടണത്തിലും മുരിയാട് പഞ്ചായത്തിലും ഉള്‍പ്പെട്ട ഏകദേശം നാലുകിലോ മീറ്റര്‍ ചുറ്റളവില്‍ കിണറുകളിലും കുളങ്ങളിലും ജലസമ്പത്ത് നിലനിര്‍ത്താന്‍ ഈ ചിറക്കെട്ട് ഉപകരിച്ചിരുന്നു. എന്നാല്‍ ഭൂമാഫിയകളുടെ വരവോടെ സ്വാഭാവിക തോടുകള്‍ പലതും ഇല്ലാതായി. അതോടെ ചുറ്റുപാടുമുള്ള സ്ഥലങ്ങളിലെല്ലാം വേനലില്‍ ലോറിയില്‍ കുടിവെള്ളം എത്തിക്കേണ്ട അവസ്ഥയായി. നേരത്തെ ഉരിയച്ചിറയില്‍ സംഭരിച്ചിരുന്ന ജലം കുറേശെയായും പിന്നീട് മുഴുവനായും പൊതുമ്പുചിറയിലെത്തി താഴെയുള്ള പുഞ്ചപ്പാടത്തെ നെല്‍കൃഷിയെ വരള്‍ച്ചയില്‍നിന്നും സംരക്ഷിച്ചിരുന്നു. പണ്ട് ഇരിങ്ങാലക്കുട ചന്തക്കെത്തിയിരുന്ന നൂറുകണക്കിന് കാളവണ്ടികളുടെ വിശ്രമസ്ഥലമായിരുന്നു ഉരിയച്ചിറ. പട്ടണത്തിന്‍റെ കിഴക്കന്‍ കാര്‍ഷിക മേഖലയില്‍നിന്നും കാര്‍ഷികോത്പന്നങ്ങളുമായി കാളവണ്ടിയില്‍ എത്തിയിരുന്നവര്‍ വിശ്രമിച്ചിരുന്നതും ഭക്ഷണം കഴിച്ചിരുന്നതും ഇവിടെയായിരുന്നു. നീന്താനും കുളിക്കാനും ഉപയോഗിച്ചിരുന്ന ഒരേക്കറോളം ഉണ്ടായിരുന്ന കുളത്തെ നവീകരണത്തോടെ ചെറുതാക്കി. 2010 ല്‍ കുളത്തിനു ചുറ്റും കരിങ്കല്‍ പടവുകള്‍കെട്ടി സംരക്ഷിക്കുവാനും വഴിയാത്രക്കാര്‍ക്കു വിശ്രമ‌കേന്ദ്രമൊരുക്കാനും നഗരസഭയുടെ നേതൃത്വത്തില്‍ നടപടിയുണ്ടായി. ഏക്കറുകണക്കിനുവരുന്ന പാടശേഖരം നികത്തുന്നതിനായി മണ്ണടിച്ചപ്പോള്‍ കൊടികുത്തി രാഷ്ട്രീയ പാര്‍ട്ടികള്‍ പ്രതിഷേധിച്ചിരുന്നു. മുരിയാട് പഞ്ചായത്തിന്‍റെ 100 ദിന പരിപാടികളിലോ മന്ത്രിയുടെ നേതൃത്വത്തില്‍ നടക്കുന്ന പച്ചക്കുട പദ്ധതിയിലോ ഉള്‍പ്പെടുത്തി കൃഷിക്കു സാഹചര്യമൊരുക്കാന്‍ അധികൃതര്‍ തയാറാകണമെന്നാണു നാട്ടുകാരുടെ ആവശ്യം.

എഴുത്തുകൊണ്ട് തിരിച്ചുപിടിക്കേണ്ടതു സാംസ്‌കാരികതനിമയെ: ടെന്‍സിന്‍ സ്യുണ്ട്യു

ഇരിങ്ങാലക്കുട: എഴുതുന്നതു മറവിയിലേക്കു തള്ളിവിട്ടുകൊണ്ടിരിക്കുന്ന ഒരു നാടിന്‍റെ സംസ്‌കാരവും ഭാഷയും ഓര്‍മിക്കപ്പെടാനാണെന്നു ടിബറ്റന്‍ കവി ടെന്‍സിന്‍ സ്യുണ്ട്യു. ഇന്ത്യയില്‍ ജനിച്ചുവളരുന്ന ഇന്ത്യക്കാരല്ലാത്ത ടിബറ്റന്‍ ജനതയ്ക്ക് അവരുടെ ഭാഷയു ടെ സ്വാഭാവിക ചുറ്റുപാടികളില്ല. സ്വന്തം നാടിന്‍റെ വേരുകളില്ല. അധിനിവേശം നടത്തുന്ന ചൈനക്കെതിരേ ആയുധം കൊണ്ടല്ല, മഹത്തായ ഭാരതീയ ആദര്‍ശമായ അഹിംസ മുറുകെപ്പിടിച്ച് ഭാഷകൊണ്ടു പ്രതിരോധിക്കാനാണ് തങ്ങള്‍ ശ്രമിക്കുന്നതെന്ന് സ്യുണ്ട്യു പറഞ്ഞു. ഇരിങ്ങാലക്കുട സെന്‍റ്് ജോസഫ്സ് കോളജിലെ ഇംഗ്ലീഷ് അസോസിയേഷന്‍ ഡേ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഒരു എഴുത്തുകാരന്‍ സ്വന്തം ഭാഷയെയും സ്വത്വത്തെയും തിരിച്ചറിയേണ്ടതുണ്ട്. തന്‍റെ ശൈലിയെയും ശബ്ദത്തെയും തിരിച്ചറിഞ്ഞാലേ എഴുത്തുവഴികളില്‍ വേറിട്ടുനില്‍ക്കാനാവൂ. നിരീക്ഷണങ്ങളിലൂടെയും വ്യക്തമായ കാഴ്ചപ്പാടുകളിലൂടെയും സംവദിക്കാനാവണം. ക്രിയാത്മക വിമര്‍ശനങ്ങളിലൂടെ വേണം നല്ല എഴുത്തുകാര്‍ രൂപപ്പെടേണ്ടത് - അദ്ദേഹം കൂട്ടിച്ചേര്‍ത്തു. പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അധ്യക്ഷത വഹിച്ചു. ഇംഗ്ലീഷ് വിഭാഗം മേധാവി ഡോ. സാജോ ജോസ്, ആന്‍മേരി അനില്‍, റെയ്ച്ചല്‍ റോസ്, അസോസിയേഷന്‍ സെക്രട്ടറി മറിയം ഹംസ എന്നിവര്‍ പ്രസംഗിച്ചു. ബിരുദ ബിരുദാനന്തര വിഷയങ്ങളില്‍ കഴിഞ്ഞ വര്‍ഷം ഏറ്റവും കൂടുതല്‍ മാര്‍ക്കു വാങ്ങിയ നേഹ ഡേവിസ്, അഹ്സന മറിയം എന്നിവര്‍ക്ക് ഉപഹാരം സമ്മാനിച്ചു. യുജിസി ജെആര്‍എഫ് നേട്ടം സ്വന്തമാക്കിയ ആന്‍ജലീന ബിജു, യുജിസി നെറ്റ് നേടിയ ലയ കൃഷ്ണ എന്നിവരെ ആദരിച്ചു.

കാപ്പ ലംഘിച്ച ഗുണ്ട അറസ്റ്റിൽ

കൊരട്ടി: കാപ്പ നിയമം ലംഘിച്ച് ജില്ലയിൽ പ്രവേശിച്ച കുപ്രസിദ്ധ ഗുണ്ട കൊരട്ടി ആറ്റപ്പാടം കുഴുപ്പിള്ളി വീട്ടില്‍ സന്തോഷിനെ (48) റൂറൽ ജില്ലാ പോലീസ് മേധാവി ബി.കൃഷ്ണകുമാറിന്‍റെ നേതൃത്വത്തിൽ അറസ്റ്റ് ചെയ്തു. കൊരട്ടി, ചാലക്കുടി പോലീസ് സ്റ്റേഷൻ പരിധികളിൽ 16 ക്രിമിനൽകേസുകളിലെ പ്രതിയാണ്. കൊരട്ടി സിഐ അമൃത്‌രംഗൻ, എസ്ഐ എം.വി. ജോയ്, ജിഎസ് സിപിഒമാരായ അഭിലാഷ്, നിഖിലൻ എന്നിവരടങ്ങിയ സംഘമാണ് പിടികൂടിയത്.

ഉടമയെ കുത്തിമറിച്ചിട്ടശേഷം എരുമ വിരണ്ടോടി

കയ്പമംഗലം: ഉടമയെ കുത്തിമറിച്ചിട്ടശേഷം എരുമ വിരണ്ടോടി കയ്പമംഗലത്ത് എത്തിയതു പരിഭ്രാന്തി പരത്തി. കയ്‌പമംഗലം കൂരിക്കുഴിയിലാണു വിരണ്ടോടിയ എരുമ നാട്ടുകാരെ പരിഭ്രാന്തിയിലാക്കിയത്. എടമുട്ടം കിഴക്ക് മേപ്പറം സ്വദേശി കറപ്പംവീട്ടിൽ അഫ്‌സലിനെയാണ് എരുമ കുത്തിമറിച്ചിട്ടത്. ഇന്നലെ പുലർച്ചെ നാലോടെയാണു സംഭവം. കച്ചവടക്കാരനായ അഫ്‌സൽ തമിഴ്‌നാട്ടിൽനിന്നും കൊണ്ടുവന്ന എരുമയെ വാഹനത്തിൽനിന്നും ഇറക്കിയശേഷം പറമ്പിൽ കെട്ടുന്നതിനിടെയാണ് അഫ്‌സലിനെ കുത്തിയത്. ഇവിടെനിന്നും ഓട്ടം തുടങ്ങിയ എരുമ കിലോമീറ്ററുകൾ താണ്ടിയാണു കൂരിക്കുഴിയിലെത്തിയത്. കാലിൽ സാരമായി പരിക്കേറ്റ അഫ്സൽ കോതകുളത്തുള്ള സ്വകാര്യ ആശുപത്രിയിൽ ചികിത്സതേടി. സലഫി നഗർ, കൂരിക്കുഴി, പതിനെട്ടുമുറി, പഞ്ഞംപള്ളി തുടങ്ങിയ സ്ഥലങ്ങളിലാണ് എരുമ വിരണ്ടോടിയത്. കൂരിക്കുഴി ഭാഗത്തുവെച്ച് എരുമ ഒരാളെ ആക്രമിക്കാൻ ശ്രമിച്ചതായും പറയുന്നുണ്ട്.

പേരാമ്പ്രയില്‍ സര്‍വീസ് റോഡുകളുടെ റീടാറിംഗ് തുടങ്ങി

കൊടകര: നാഷണല്‍ ഹൈവേയില്‍ അടിപ്പാത നിര്‍മാണം നടക്കുന്ന പേരാമ്പ്രയില്‍ സര്‍വീസ് റോഡുകളുടെ റീടാറിംഗ് പണികള്‍ ആരംഭിച്ചു. അടിപ്പാത നിര്‍മാണം ആരംഭിച്ചതു മുതല്‍ സര്‍വീസ് റോഡുകളിലൂടെ ഭാരവാഹനങ്ങള്‍ അടക്കമുള്ളവ നിരന്തരമായി കടന്നുപോകുന്നതുമൂലവും കാലവര്‍ഷത്തിലും കുഴികള്‍ രൂപപ്പെട്ട് റോഡ് ദുര്‍ബലമായ സാഹചര്യത്തിലാണു റീടാറിംഗ് നടത്തുന്നത്. സര്‍വീസ് റോഡുകള്‍ പൊട്ടിപ്പൊളിഞ്ഞതു സുഗമമായ ഗതാഗതത്തിനു തടസമാകുകയും ഗതാഗതക്കുരുക്കിന് ഇടയാക്കുകയും ചെയ്യുന്നതായി പരക്കെ പരാതി ഉയര്‍ന്നിരുന്നു. ഓണനാളുകളില്‍ ഉണ്ടായേക്കാവുന്ന ഗതാഗതക്കുരുക്ക് ഒഴിവാക്കാനുംകൂടി ലക്ഷ്യമിട്ടാണു റീടാറിംഗ് പണികള്‍ക്കു തുടക്കംകുറിച്ചിട്ടുള്ളത്.

ട്രാൻസ്ഫോമറിലെ അറ്റകുറ്റപ്പണിക്കിടയിൽ വൈദ്യുതി ജീവനക്കാരനു ഷോക്ക്

വടക്കാഞ്ചേരി: ട്രാൻസ്ഫോമറിലെ അറ്റകുറ്റപ്പണിക്കിടയിൽ വൈദ്യുതി ജീവനക്കാരനു ഷോക്കേറ്റു. കാഞ്ഞിരക്കോട് കൊടുമ്പ് സ്വദേശി പ്രസാദിനാണ് (39)പരിക്കേറ്റത്. കഴിഞ്ഞദിവസം രാവിലെ 11 മണിയോടെയായിരുന്നു സംഭവം. പൊതുമരാമത്ത് വകുപ്പിന്‍റെ കാന നിർമാണവുമായി ബന്ധപ്പെട്ട് തടസമായ ട്രാൻസ്ഫോർമറിന്‍റെ ഗ്രില്ലുകൾ മാറ്റിസ്ഥാപിക്കുന്നതുമായി ബന്ധപ്പെട്ട ജോലിക്കിടെയാണ് അപകടം. കൂടെയുണ്ടായിരുന്നവർ ഉടനെ ലൈനിനുമുകളിൽനിന്ന പ്രസാദിനെ കയർകെട്ടി താഴെയിറക്കി വടക്കാഞ്ചേരി ജില്ലാശുപത്രിയിൽ എത്തിച്ചു. തുടർന്ന് വിദഗ്ധചികിത്സയ്ക്കായി തൃശൂരിലെ സ്വകാര്യാശുപത്രിയിലേക്ക് കൊണ്ടുപോയി. കഴിഞ്ഞദിവസം വടക്കാഞ്ചേരിയിൽ വൈദ്യുതിലൈനിൽ അറ്റകുറ്റപ്പണികൾ നടത്തുന്നതിനിടെ ഒരു യുവാവ് ഷോക്കേറ്റ് മരണപ്പെട്ടിരുന്നു. നിരന്തരമായ അപകടങ്ങളുണ്ടാകുന്നത് കെഎസ്ഇബി ഉദ്യോഗസ്ഥരുടെ അനാസ്ഥയാണന്ന് നാട്ടുകാർ പറഞ്ഞു.

പാലയ്ക്കലിൽ ബസപകടം

ചേർപ്പ്: പാലയ്ക്കലിൽ സ്വകാര്യ ബസുകൾ കൂട്ടിയിടിച്ച് അപകടം. ഇന്നലെ വൈകീട്ട് നാലരയോടെ പാലയ്ക്കൽ സെന്‍ററിലായിരുന്നു അപകടം. കൊടുങ്ങല്ലൂർനിന്ന് തൃശൂരിലേക്കുപോവുകയായിരുന്ന വേദൻ എന്ന സ്വകാര്യ ബസും തൃശൂരില്‌നിന്ന് കൊടുങ്ങല്ലൂരിലേക്ക് പോവുകയായിരുന്ന ശിൽപ്പി എന്ന ലിമിറ്റഡ് സ്റ്റോപ്പ് ബസുമാണ് അപകടത്തിൽപ്പെട്ടത്. കൊടുങ്ങല്ലൂരിൽനിന്ന് തൃശൂരിലേക്കുവരികയായിരുന്ന വേദൻ ബസിനുമുന്നിൽ പാലയ്ക്കലിലെ പ്രധാന റോഡിലേയ്ക്ക് അതിവേഗതയിലെത്തിയ കാറാണ് അപകടത്തിനിടയാക്കിയത്. കാറിന്‍റെ വരവുകണ്ട് ബസ് ജീവനക്കാർ ബസിൽ തട്ടിയും ബഹളംവച്ചും കാർ ഡ്രൈവർക്ക് മുന്നറിയിപ്പുനൽകി തടയാൻ ശ്രമിച്ചെങ്കിലും ഫലമുണ്ടായില്ല. ഇതോടെ കാറുമായി കൂട്ടിയിടി ഒഴിവാക്കാൻ വേദൻ ബസ് പ്രധാന റോഡിന്‍റെ വലതുഭാഗത്തേയ്ക്ക് ഡ്രൈവർ തിരിക്കുകയായിരുന്നു. ഇതേസമയം പിന്നിലൂടെ തൃശൂരിൽനിന്ന് വരികയായിരുന്ന ശിൽപ്പി ലിമിറ്റഡ് സ്റ്റോപ്പ് ബസുമായി വേദൻ ബസ് കൂട്ടിയിടിച്ചു.

മാരാത്തുകുന്ന് റെയിൽവേ മേൽപ്പാലം: ടോപ്പോഗ്രാഫിക് സർവേ ആരംഭിച്ചു

വടക്കാഞ്ചേരി: മാരാത്തുകുന്ന് റെയിൽവേ മേൽപ്പാലത്തിന്‍റെ അലൈൻമെന്‍റ് തയാറാക്കുന്നതിനുള്ള ടോപ്പോഗ്രഫിക്കൽ സർവേ ആരംഭിച്ചതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. അലൈൻമെന്‍റ് കടന്നുപോകുന്ന പ്രദേശത്ത് നിലവിലുള്ള റെയിൽവേ ട്രാക്കുകളുടെയും റോഡുകളുടെയും വീടുകളുടെയും മറ്റു കെട്ടിടങ്ങളുടെയും ഘടനയും ഗ്രൗണ്ട് ലെവലും ടോപ്പോഗ്രഫിക്കൽ സർവേയിൽ രേഖപ്പെടുത്തും. വയലുകളും തോടുകളും മറ്റു ജലസ്രോതസുകളും സർവേയുടെ ഭാഗമാകും. സർവേ പൂർത്തിയാക്കി സാങ്കേതികവശങ്ങളും സാമൂഹികാഘാതവും പരിഗണിച്ചാണ് മേൽപ്പാലത്തിന്‍റെ അലൈൻമെന്‍റ് തയാറാക്കുക. അലൈൻമെന്‍റ് തയാറായാൽ മേൽപ്പാലത്തിന്‍റെ ജനറൽ അറേഞ്ച്മെന്‍റ് ഡ്രോയിംഗ്(ജിഎഡി) പൂർത്തിയാക്കി റെയിൽവേ അധികൃതർക്ക് സമർപ്പിക്കും. ജിഎഡിക്ക് റെയിൽവേയിൽ അംഗീകാരം ലഭിച്ചതിനുശേഷംമാത്രമേ അപ്രോച്ച് റോഡിന്‍റെ അലൈൻമെന്‍റ് അന്തിമമാക്കാനാകൂ.

യുവാവിനെ കൊലപ്പെടുത്താൻ ശ്രമം: പ്രതി പിടിയിൽ

ചേർപ്പ്: ഊരകത്ത് വീട്ടിൽകയറി യുവാവിനെ ആക്രമിച്ച് അലമാരയിൽനിന്ന് 80,000 രൂപ കവർന്ന കേസിൽ ഒരാൾകൂടി പോലീസ് പിടിയിലായി. ഊരകം ചെറിയപാലം വെളിയത്ത് വീട്ടിൽ കണ്ണൻ(18) ആണ് അറസ്റ്റിലായത്. ഈ കേസിൽ മൂർക്കനാട് ഇരട്ടക്കൊലപാതകക്കേസിലെ പ്രതിയായ അക്ഷയ്(അച്ചു-21) എന്നയാളെ നേരത്തെ അറസ്റ്റ് ചെയ്തിരുന്നു. ഊരകം പണ്ടാരച്ചിറ സ്വദേശി തട്ടാരപ്പുരക്കൽ വീട്ടിൽ സന്ദീപിനെയാണ് ആക്രമിച്ചത്. ജൂലൈ 30ന് രാത്രി 11നായിരുന്നു സംഭവം. 500 രൂപ ചോദിച്ചെത്തിയ പ്രതികൾ പണംനൽകാതായപ്പോൾ ആക്രമിക്കുകയായിരുന്നു. പരിക്കേറ്റ സന്ദീപ് വീടിനുപുറത്തേയ്ക്ക് ഓടി രക്ഷപ്പെട്ടു. ഈ സമയം പ്രതികൾ അലമാരയിലുണ്ടായിരുന്ന പണം കവരുകയായിരുന്നു. അന്തിക്കാട് എസ്ഐ എ.എസ്. സരിൻ, ചേർപ്പ് എസ്ഐ സുബിന്ദ്, ജിഎ സിപിഒ അനീഷ് എന്നിവരാണ് പ്രതിയെ പിടികൂടിയത്.

മൂന്നു വയസുള്ള കുട്ടി കുളത്തിൽവീണു മരിച്ചു

എളവള്ളി: ജാർഖണ്ഡ് സ്വദേശികളുടെ മൂന്നു വയസുള്ള കുട്ടി കുളത്തിൽവീണു മരിച്ചു. പഞ്ചായത്തിലെ വാക കാക്കത്തുരുത്തിൽ താമസിക്കുന്ന ജാർഖണ്ഡ് സ്വദേശി ജഗൻ-ജെയ് പ്രേമി എന്നിവരുടെ മകൻ ദീപേന്ദ്ര ബഗൻ (മൂന്ന്) ആണ് കുളത്തിൽവീണു മരിച്ചത്. ഇന്നലെ രാവിലെയായിരുന്നു അപകടം. പാവറട്ടി സ്വദേശിയുടെ കാക്കത്തുരുത്തിലുള്ള ഫാമിൽ ജോലി ചെയ്യുകയും അവിടെ തന്നെ താമസിക്കുകയുമായിരുന്നു ഈ കുടുംബം. രാവിലെ ഇവരുടെ ഫാം ഹൗസിനോട് ചേർന്നുള്ള കുളത്തിനരുകിൽ കളിച്ചു കൊണ്ടിരുന്ന കുട്ടി കാൽവഴുതി കുളത്തിൽ വീഴുകയായിരുന്നു. അമ്മയുടെ നിലവിളി കേട്ട് ഓടിയെത്തിയ സമീപവാസികളാണ് കുട്ടിയെ കുളത്തിൽനിന്നു പുറത്തെടുത്തത്. പ്രഥമ ശുശ്രൂഷ കൊടുത്ത് ഉടൻ ആശുപത്രിയിൽ എത്തിച്ചെങ്കിലും കുട്ടിയെ രക്ഷിക്കാനായില്ല.

ചാലക്കുടിപ്പുഴ‍യിൽ ഒഴുക്കിൽപ്പെട്ട് മധ്യവയസ്കൻ മരിച്ചു

ചാലക്കുടി: പുഴയിൽ കുളിക്കാനിറങ്ങിയ ഗൃഹനാഥൻ ഒഴുക്കിൽപ്പെട്ട് മരിച്ചു. അവിട്ടത്തൂർ സ്വദേശി മാളിയേക്കൽ ജോയ് (52) ആണ് മരിച്ചത്. ഇന്നലെ രാവിലെ ഒന്പതോടെ ഒരാൾ പുഴയിലൂടെ ഒഴുകി പോകുന്നതായി അറിയിപ്പ് ലഭിച്ചതിനെ തുടർന്ന് ഫയർഫോഴ്സ് പുഴപ്പാലത്തിനു താഴെവച്ച് ആളെ കണ്ടെത്തി. ചാലക്കുടി പുഴയിൽ അതിശക്തമായ ഒഴുക്കുകാരണം ഇയാൾക്ക് കരയിലേക്കു നീന്തിക്കയറാൻ സാധിച്ചില്ല. ഫയർഫോഴ്സ് റോപ്പ് എറിഞ്ഞുകൊടുത്ത് അരികെയെത്തി രക്ഷിക്കുകയുമായിരുന്നു. സിപിആർ നൽകിയശേഷം ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ഇടയ്ക്കിടെ ചാലക്കുടി പുഴയിൽ ഇയാൾ കുളിക്കാൻ വരാറുണ്ടായിരുന്നതായി ബന്ധുക്കൾ പറഞ്ഞു. മൃതദേഹം താലൂക്ക് ആശുപത്രി മോർച്ചറിയിൽ. ഭാര്യ: ലിൻസി.

വിദേശത്ത് മരിച്ചനിലയിൽ

വടക്കാഞ്ചേരി: കരുമത്ര സ്വദേശിയായ യുവാവിനെ വിദേശത്ത് തൂങ്ങിമരിച്ചനിലയിൽ കണ്ടെത്തി. കരുമത്ര കോച്ചാട്ടിൽ വീട്ടിൽ രവീന്ദ്രൻ മകൻ വിനോദ് (31) ആണ് മരിച്ചത്. ഇന്നലെ പുലർച്ചെയാണ് സംഭവം. വിനോദ് മരിച്ചവിവരം വിദേശത്തു നിന്ന് കൂട്ടുകാരാണ് നാട്ടിലുള്ള ബന്ധുക്കളെ അറിയിച്ചത്. വിനോദ് അവിവാഹിതനാണ്. രണ്ടു വർഷത്തോളമായി വിനോദ് ദുബായിലാണ് ജോലി നോക്കുന്നത്. അമ്മ: മല്ലിക. സഹോദരൻ: വിമൽ നാട്ടിൽ ഓട്ടോ ഡ്രൈവറാണ്. മൃതദേഹം നാട്ടിലെത്തിക്കാനുള്ള ശ്രമം തുടരുകയാണ്.

വാഹനാപകടം: കൊരട്ടി സ്വദേശിയായ യുവാവ് മരിച്ചു

കൊരട്ടി: ദേശീയപാത ആലുവ ദേശം കോട്ടായി ഭാഗത്തു വച്ചുണ്ടായ വാഹനാപകടത്തിൽ കൊരട്ടി സ്വദേശിയായ യുവാവിനു ദാരുണാന്ത്യം. കൊരട്ടി കട്ടപ്പുറം എളാട്ട് വീട്ടിൽ കൃഷ്ണൻകുട്ടിയുടെ മകൻ ശ്രീഹരി (27) ആണ് മരിച്ചത്. ഇന്നലെ പുലർച്ചെ ഒന്നരയോടെ ആയിരുന്നു സംഭവം. ശ്രീഹരി യാത്ര ചെയ്യുകയായിരുന്ന ബൈക്ക് ഒരു കാറിൽ തട്ടിയതിനെ തുടർന്ന് റോഡിലേക്ക് തെറിച്ചുവീഴുകയും ഇയാളുടെ ശരീരത്തിലൂടെ ടാങ്കർ ലോറി കയറിയിറങ്ങുകയായിരുന്നു. പൗൾട്രി ഫാമുമായി ബന്ധപ്പെട്ട സ്ഥാപനത്തിൽ ഡ്രൈവറായി ജോലി ചെയ്തു വരികയായിരുന്ന ശ്രീഹരി. വാഹനമെടുക്കാൻ പോകുന്നതിനിടെയാണ് അപകടത്തിൽപ്പെട്ടത്. സംസ്കാരം നടത്തി. അമ്മ: ഉഷ. സഹോദരി: ഹരിപ്രിയ.

വിരുപ്പാക്ക മിൽ മുൻ ജീവനക്കാരൻ ട്രെയിൻതട്ടി മരിച്ചനിലയിൽ

വടക്കാഞ്ചേരി: വിരുപ്പാക്ക സ്വദേശിയെ ട്രെയിൻതട്ടി മരിച്ചനിലയിൽ കണ്ടെത്തി. വാഴാനി വിരുപ്പാക്ക ഗ്രാമല സ്വദേശി കോട്ടയിൽ വീട്ടിൽ പരേതനായ രാഘവൻ മകൻ അശോകൻ(67) ആണ് മരിച്ചത്. കഴിഞ്ഞദിവസം വൈകീട്ട് അത്താണി കെൽട്രോണിനു സമീപമായിരുന്നു അപകടം. വിരുപ്പാക്ക സഹകരണമില്ലിൽ നിന്ന് വിരമിച്ച ജീവനക്കാരനാണ് അശോകൻ. സാമ്പത്തികബുദ്ധിമുട്ടാണ് മരണകാരണമെന്ന് ഒപ്പം പ്രവർത്തിച്ചിരുന്ന തൊഴിലാളികൾ പറഞ്ഞു. പിഎഫ് ഉൾപ്പടെ നിരവധി ആനുകൂല്യങ്ങൾ ഇയാൾക്ക് കമ്പനിയിൽ നിന്നു ലഭിക്കാനുണ്ടെന്നും മറ്റു ജീവനക്കാർ പറഞ്ഞു. കമ്പനി അടച്ചുപൂട്ടിയിട്ടു വർഷങ്ങൾ കഴിഞ്ഞെങ്കിലും തുറക്കാനുള്ള ഒരു നടപടിയും സർക്കാരിന്‍റെ ഭാഗത്തുനിന്ന് ഉണ്ടായിട്ടില്ലെന്നും മില്ലിൽ പ്രവർത്തിച്ചിരുന്ന 300 ഓളം തൊഴിലാളി കുടുംബങ്ങൾ പട്ടിണിയിലാണന്നും തൊഴിലാളികൾ പറഞ്ഞു. അശോകന്‍റെ സാമ്പത്തികബുദ്ധിമുട്ട് മൂലം മില്ലിന്‍റെ പ്രവർത്തന കാലയളവിൽ കമ്പനി എംഡിയുടെ റൂമിനു മുന്നിൽ തനിക്ക് മില്ലിൽ നിന്നു കിട്ടാനുള്ള പണം ഉടൻ ലഭിക്കണമെന്ന് ആവശ്യപ്പെട്ട് ദേഹത്ത് പെട്രോളോഴിച്ച് ആത്മഹത്യക്ക് ശ്രമിച്ചിരുന്നു. സംസ്കാരം നടത്തി.

ബിനി ടൂറിസ്റ്റ് ഹോം; നടത്തിപ്പുചുമതല കൈമാറിയ കോർപറേഷൻ നടപടി ശരിവച്ചു

തൃശൂർ: സ്വരാജ് റൗണ്ടിൽ കോർപറേഷന്‍റെ ഉടമസ്ഥതയിലുള്ള ബിനി ടൂറിസ്റ്റ് ഹോമിന്‍റെ നടത്തിപ്പുചുമതല ശക്തൻ ചേംബേഴ്സ് പ്രൈവറ്റ് ലിമിറ്റഡിനു കൈമാറിയ നടപടി ചോദ്യംചെയ്ത് സമർപ്പിച്ച അപ്പീലുകൾ ഹൈക്കോടതി ഡിവിഷൻ ബെഞ്ച് തള്ളി. ജസ്റ്റീസുമാരായ പി.വി. ബാലകൃഷ്ണൻ, അമിത് റാവൽ എന്നിവരാണു കേസ് പരിഗണിച്ചത്. കോർപറേഷൻ നടപടി നേരത്തേ സിംഗിൾ ബെഞ്ച് ശരിവച്ചിരുന്നു. ഇതിനെതിരേ കൗണ്‍സിലർമാരായ വിനോദ് പൊള്ളഞ്ചേരി, പൂർണിമ സുരേഷ്, വി. ആതിര, എൻ.വി. രാധിക, കെ.ജി. നിജി, എൻ. പ്രസാദ് എന്നിവരും അഭിഭാഷകനായ കെ. പ്രമോദും സമർപ്പിച്ച രണ്ട് അപ്പീലുകളാണ് ഡിവിഷൻ ബെഞ്ച് പരിഗണിച്ചത്. രണ്ട് അപ്പീലുകൾ സമർപ്പിച്ചവരും അഞ്ചുലക്ഷം വീതം 10 ലക്ഷം രൂപ പിഴയായി അടയ്ക്കണമെന്നും ഡിവിഷൻ ബെഞ്ച് ഉത്തരവിൽ നിർദേശിച്ചിട്ടുണ്ട്. മൂന്നുകോടിയോളം രൂപ ചെലവിട്ടു നടത്തിപ്പുചുമതല ലഭിച്ച സ്ഥാപനം ബിനിയിൽ നവീകരണം നടത്തിയെന്നു വിലയിരുത്തിയ കോടതി, വാടകകക്കാര്യത്തിൽ ചർച്ചനടത്തി കോർപറേഷന് അനുകൂലമായി വർധന വരുത്തിയതായും ചൂണ്ടിക്കാട്ടി. 7.5 ലക്ഷം രൂപയാണ് പ്രതിമാസവാടകയായി നിശ്ചയിച്ചിട്ടുള്ളത്. കോർപറേഷൻ നടപടിക്രമങ്ങൾ പാലിച്ചാണ് നടത്തിപ്പുചുമതല കൈമാറിയതെന്നു ഡിവിഷൻ ബെഞ്ച് വ്യക്തമാക്കി. പിഴസംഖ്യ ഹൈക്കോടതി മീഡിയേഷൻ സെന്‍ററിലും ബാർ അസോസിയേഷനിലും വിധിയുടെ സർട്ടിഫൈഡ് കോപ്പി കിട്ടി ഒരുമാസത്തിനകം അടയ്ക്കണമെന്നാണ് നിർദേശം. കോടതിവിധി ആശ്വാസകരമാണെന്നും അനധികൃതമായ ഇടപെടലുകൾ ഒന്നും ഉണ്ടായിട്ടില്ലെന്ന തങ്ങളുടെ നിലപാട് ശരിവയ്ക്കുന്നതുമാണെന്നും ശക്തൻ ചേംബേഴ്സ് പ്രൈവറ്റ് ലിമിറ്റഡ് പ്രതിനിധികളായ പി.എസ്. ജനീഷ്, സാജു ഡേവിസ്, റോജി ജോയ് എന്നിവർ വാർത്താമ്മേളനത്തിൽ അറിയിച്ചു.

ഒന്നാംവാർഷികത്തിന് ഓഫറുകളുമായി അഡോറ ജ്വല്ലേഴ്സ്

തൃശൂർ: 36 വർഷത്തെ പാരന്പര്യമുള്ള ടി.സി. ഗോൾഡിന്‍റെ ഹോൾസെയിൽ പ്രീമിയം ജ്വല്ലറി ഷോ റൂം അഡോറ ജ്വല്ലേഴ്സിന്‍റെ ഒന്നാം വാർഷികം ആഘോഷിച്ചു. ഗിഫ്റ്റ് ഗോൾഡ് കോയിൻ പദ്ധതിയുടെ ഭാഗമായി തെരഞ്ഞെടുക്കപ്പെട്ട 12 ഉപഭോക്താക്കൾക്ക് സ്വർണനാണയവും ഓണക്കോടിയും സമ്മാനിച്ചു. മുഖ്യാതിഥിയായി പങ്കെടുത്ത തൃശൂർ വനിതാ പോലീസ് സ്റ്റേഷൻ എഎസ്ഐ അപർണ ലവകുമാറിനെ ആദരിച്ചു. പെരിഞ്ചേരി സേക്രഡ് ഹാർട്ട് തീർഥകേന്ദ്രം വികാരി ഫാ. ജോബ് പടയത്തിൽ പങ്കെടുത്തു. അഡോറ ചെയർമാൻ ബിജു തെക്കിനിയത്ത്, മാനേജിംഗ് ഡയറക്ടർ ആദർശ് ബി. തെക്കിനിയത്ത് എന്നിവർ നേതൃത്വം നൽകി. സെപ്റ്റംബർ 14 വരെ പ്രത്യേക ഓഫറുകൾ പ്രഖ്യാപിച്ചിട്ടുണ്ട്. വിവാഹാഭരണങ്ങളുടെ പണിക്കൂലി ഒന്നരശതമാനം മുതൽ. ഡയമണ്ട് ആഭരണങ്ങളുടെ പണിക്കൂലിയിൽ 25 ശതമാനം കിഴിവിനൊപ്പം കാരറ്റിന് 7,000 രൂപ ഇളവ്. 30 ഉപഭോക്താക്കളിൽ ഒരാൾക്കു സൗജന്യ സ്വർണനാണയവും.

ചിമ്മിനി ഡാമിന്‍റെ പ്രധാന ഷട്ടറുകള്‍ തുറന്നു

പാലപ്പിള്ളി : ചിമ്മിനി ഡാമിന്‍റെ പ്രധാന ഷട്ടറുകള്‍ തുറന്നു. വൃഷ്ടിപ്രദേശത്ത് ശക്തമായ മഴ തുടരുന്ന സാഹചര്യത്തിലാണു ചിമ്മിനി ഡാമിന്‍റെ പ്രധാന ഷട്ടറുകള്‍ തുറന്നത്. നാലു ഷട്ടറുകള്‍ അഞ്ചു സെന്‍റിമീറ്റര്‍ വീതമാണ് ഉയര്‍ത്തിയിരിക്കുന്നത്. ഇതിലൂടെ 14.08 ഘനമീറ്റര്‍ വെള്ള മാണ് പുറത്തേക്ക് ഒഴുക്കുന്നത്. ഇതോടൊപ്പം സ്ലൂയിസ് വാല്‍വ് വഴിയും വെള്ളം പുറത്തേയ് ക്ക് ഒഴുക്കുന്നുണ്ട്. കനത്തമഴയില്‍ ഡാമിലേക്കുള്ള നീരൊഴുക്കു വര്‍ധിച്ചതിനാല്‍ ഒന്നിച്ച് വെള്ളം തുറന്നുവിടുന്ന സാ ഹചര്യം ഒഴിവാക്കാനാണു പ്രധാന ഷട്ടറുകള്‍ തുറക്കാന്‍ തീ രുമാനിച്ചത്. ചിമ്മിനി ഡാമിന്‍റെ പ്രധാന ജലവിതരണ മാര്‍ഗമായ കുറുമാലി പുഴയില്‍ ജലനിരപ്പ് അഞ്ച് മുതല്‍ എട്ടു സെന്‍റിമീറ്റര്‍ വരെ ഉയരാന്‍ സാധ്യതയുള്ളതിനാല്‍ കുറുമാലി, കരുവന്നൂര്‍ പുഴകളുടെ തീരത്തുള്ളവരോട് ജാഗ്രത പാലിക്കാന്‍ നിര്‍ദേശമുണ്ട്. ഇന്നലെ രാവിലെ എട്ടിന് 72.95 മീറ്ററാണ് ചിമ്മിനിയിലെ ജലനിരപ്പ്. ഇതുവരെ ഡാമില്‍ സംഭരിച്ചിരിക്കുന്നത് 124.75 ദശലക്ഷം ഘനമീറ്റര്‍ വെള്ളമാണ്. ഇത് ഡാമിന്‍റെ മൊത്തം സംഭരണശേഷിയുടെ 82.325 ശതമാനമാണ്. 76.70 മീറ്ററാണ് ചിമ്മിനിയുടെ പരമാവധി ജലനിരപ്പ്. പരമാവധി സംഭരണശേഷി 151.55 ദശലക്ഷം ഘനമീറ്ററാണ്.

അമലയിൽ റിസർച്ച് ഇൻഫർമാറ്റിക്സിൽ ചതുർദിന ശില്പശാലയ്ക്കു തുടക്കം

തൃശൂർ: അമല മെഡിക്കൽ കോളജിൽ അധ്യാപകർക്കും ഡോക്ടർമാർക്കുമായുള്ള ചതുർദിന ശില്പശാല ആരംഭിച്ചു. ലൈബ്രറി ആൻഡ് റിസർച്ച് ഡോക്യുമെന്‍റേഷൻ വകുപ്പ് നടത്തുന്ന ശില്പശാല ബംഗളൂരു ധർമാരാം വിദ്യാക്ഷേത്രം ഫാക്കൽറ്റി അംഗം റവ.ഡോ. ജോണ്‍ നീലങ്കാവിൽ ഉദ്ഘാടനം ചെയ് തു. ജോയിന്‍റ് ഡയറക്ടർ ഫാ. ഡെൽജോ പുത്തൂർ അധ്യക്ഷത വഹിച്ചു. വൈസ് പ്രിൻസിപ്പൽ ഡോ. ദീപ്തി രാമകൃഷ്ണൻ, ചീഫ് ലൈബ്രേറിയൻ പ്രഫ. ഡോ. എ.ടി. ഫ്രാൻസിസ്, കോഓർഡിനേറ്റർ ഗ്ലാഡിസ് ജോർജ് എന്നിവർ പ്രസംഗിച്ചു. റിസർച്ച് സോഴ്സസ്, വിവരശേഖരണവും വിശകലനവും, റഫറൻസ് മാനേജ്മെന്‍റ്, പ്ലാജിയാറിസം നിയന്ത്രണം, പ്രസിദ്ധീകരണം തുടങ്ങിയ വിഷയങ്ങൾ റവ. ഡോ. ജോണ്‍ നീലങ്കാവിൽ, ഡോ. എ.ടി. ഫ്രാൻസിസ്, ഡോ. ഡിജോ ഡേവിസ്, വി.ജെ. ലിറ്റി, ഗ്ലാഡിസ് ജോർജ് എന്നിവർ നയിച്ചു. വിവിധ വകുപ്പുകളിൽനിന്നായി 30 അധ്യാപകരും ഡോക്ടർമാരും ലൈബ്രേറിയ·ാരും പങ്കെടുത്തു. ശില്പശാല 22നു സമാപിക്കും.

ചൊക്കന എസ്റ്റേറ്റ് ബംഗ്ലാവിന്‍റെ ഗ്രില്ല് തകര്‍ത്തു

വെള്ളിക്കുളങ്ങര: ചൊക്കന ഹാരിസന്‍ എസ്റ്റേറ്റിലെ മാനേജരുടെ ബംഗ്ലാവിനുനേരെ കാട്ടാനയുടെ ആക്രമണം. ബംഗ്ലാവിനു പിറകിലെ അടുക്കളയുടെ ഭിത്തിയിലുള്ള ഗ്രില്ലുതകര്‍ത്ത കാട്ടാന അടുക്കളയ്ക്കുള്ളിലുണ്ടായിരുന്ന സാധനസാമഗ്രികള്‍ തുമ്പിക്കൈകൊണ്ട് വലിച്ചുപുറത്തിട്ടു. ചൊക്കന എസ്റ്റേറ്റിലെ അസിസ്റ്റന്‍റ് മാനേജര്‍ താമസിക്കുന്ന ബംഗ്ലാവില്‍ തിങ്കളാഴ്ച രാത്രിയിലായിരുന്നു സംഭവം. ഗ്രില്ലു തകര്‍ത്തശേഷം തുമ്പികൈ അകത്തിട്ട് അടുക്കളയിലുണ്ടായിരുന്ന ഗ്യാസ് സിലിൻഡര്‍, പലവ്യഞ്ജനങ്ങള്‍ തുടങ്ങിയവയും മേശയും പുറത്തേക്കുവലിച്ചിട്ടു. സംഭവസമയത്ത് ബംഗ്ലാവില്‍ ആളുണ്ടായിരുന്നില്ല. കഴിഞ്ഞ കുറേദിവസങ്ങളായി ചൊക്കന എസ്റ്റേറ്റില്‍ കാട്ടാനക്കൂട്ടം വിഹരിക്കുന്നുണ്ടെന്നു തൊഴിലാളികള്‍ പറഞ്ഞു.

കാട്ടാനക്കലിയിൽ ചൊക്കന, പാലപ്പിള്ളി

പാലപ്പിള്ളിയില്‍ സ്‌കൂള്‍വാഹനങ്ങള്‍ തടഞ്ഞു പാലപ്പിള്ളി: സ്‌കൂള്‍വാഹനങ്ങള്‍ തടഞ്ഞ് കാട്ടാനക്കൂട്ടം. പിള്ളത്തോട് പാലത്തിനു സമീപത്ത് ഇന്നലെ രാവിലെയാണ് കാട്ടാനക്കൂട്ടം റോഡിലിറങ്ങിയത്. കന്നാറ്റുപാടത്തെയും വേലൂപ്പാടത്തെയും സ്‌കൂളിലെ കുട്ടികളെ കൊണ്ടുപോവുകയായിരുന്ന വാഹനങ്ങളാണ് കാട്ടാനക്കൂട്ടത്തിനു മുന്നില്‍ അകപ്പെട്ടത്. രണ്ടു സംഘമായാണ് ആനക്കൂട്ടങ്ങള്‍ റോഡ് മുറിച്ചുകടന്നത്. പതിനഞ്ചോളം ആനകളുണ്ടായിരുന്നു. ഏറെനേരം യാത്രക്കാരും വാഹനങ്ങളും മുന്നോട്ടുനീങ്ങാനാകാതെ നില്‍ക്കേണ്ടിവന്നു. ആറ് ആനകള്‍ കഴിഞ്ഞ ആഴ്ചമുതല്‍ മേഖലയിലുണ്ട്. തിങ്കളാഴ്ച മുതല്‍ പുതിയൊരു ആനക്കൂട്ടം പ്രദേശത്ത് എത്തിയിട്ടുണ്ട്. കാട്ടാനകള്‍ നിരന്തരം റോഡിലിറങ്ങിയതോടെ പ്രദേശത്തെ തോട്ടംതൊഴിലാളികളും സ്‌കൂള്‍കുട്ടികളും യാത്രക്കാരും ഭീതിയിലാണ്. കാട്ടാനക്കൂട്ടത്തെ കാട്ടിലേക്കു തിരിച്ചയയ്ക്കാന്‍ അടിയന്തരനടപടികള്‍ സ്വീകരിക്കണമെന്നും എത്രയും വേഗം ട്രഞ്ച് എടുത്ത് മലയോര, തോട്ടം മേഖലകളെ വന്യജീവി ആക്രമണത്തില്‍നിന്ന് സംരക്ഷിക്കണമെന്നും മലയോരസംരക്ഷണസമിതി പ്രസിഡന്‍റ് ഇ.എ. ഓമന ആവശ്യപ്പെട്ടു. പുഴകടന്നാണ് കാട്ടാനക്കൂട്ടം ജനവാസമേഖലയില്‍ എത്തുന്നത്. പുഴയില്‍ ജലനിരപ്പ് ഉയര്‍ന്നതോടെ തിരിച്ചുപോകാനാകാതെ ഏറെനാളായി കാട്ടാനക്കൂട്ടം ജനവാസമേഖലയില്‍ നിലയുറപ്പിച്ചിരിക്കുകയാണ്.

ലൈഫ്മിഷൻ ഫ്ലാറ്റ് സമുച്ചയം ടെക്നിക്കൽ ടീം പരിശോധിച്ചു

വടക്കാഞ്ചേരി: ലൈഫ് മിഷൻ ഫ്ലാറ്റ് സമുച്ചയം; ടെക്നിക്കൽ ടീം പരിശോധന നടത്തി. സംസ്ഥാന സർക്കാരിന്‍റെ ലൈഫ് മിഷൻ ഭവന പദ്ധതിയിൽ ഉൾപ്പെടുത്തി 140 ഭൂരഹിത-ഭവനരഹിത കുടുംബങ്ങൾക്കായി വടക്കാഞ്ചേരി നഗരസഭയിലെ ചരൽപറമ്പിൽ നിർമാണമാരംഭിച്ച ഭവന സമുച്ചയത്തിന്‍റേയും ആശുപത്രിയുടെയും നിർമാണം പൂർത്തിയാക്കുന്നതിന്‍റെ ഭാഗമായി ലൈഫ് മിഷൻ ടെക്നിക്കൽ ടീം ഓരോ കെട്ടിടത്തിലും പ്രത്യേകം സൂക്ഷ്മപരിശോധന നടത്തി. സേവ്യർ ചിറ്റിലപ്പിള്ളി എംഎൽഎ, നഗരസഭ ചെയർമാർ പി.എൻ. സുരേന്ദ്രൻ എന്നിവർ സ്ഥലത്തെത്തിയിരുന്നു.

ഡയാലിസിസ് ധനസഹായം നല്കി തൃശൂർ ലത്തീൻ പള്ളി

തൃശൂര്‌: തിരുഹൃദയ റോമൻ കാത്തലിക് ലത്തീൻ പള്ളിയിൽ വിശുദ്ധ അന്തോണീസിന്‍റെ ജന്മദിനത്തിരുനാളിലെ ആർഭാടങ്ങൾ ഒഴിവാക്കി നിർധനരായ 250 ഡയാലിസിസ് രോഗികൾക്കു ധനസഹായം വിതരണം ചെയ്തു. കോട്ടപ്പുറം രൂപത ചാൻസലർ ഫാ. ഷാബു കുന്നത്തൂർ ഉദ്ഘാടനം ചെയ്തു. നൂറുപേർക്കു നൽകാൻ തീരുമാനിച്ച ഫണ്ട് അപേക്ഷകളുടെ ബാഹുല്യത്താൽ 250 പേർക്ക് അയ്യായിരം രൂപവീതം നല്കുകയായിരുന്നു. വികാരി ഫാ. ആന്‍റണി ചില്ലിട്ടശേരി, സഹവികാരി ഫാ. അനീഷ് ജോസഫ് പുത്തൻപറമ്പിൽ, പാരീഷ് കൗൺസിൽ സെക്രട്ടറി ബ്രിസ്റ്റോ തൈപ്പാടത്ത്, കേന്ദ്രസമിതി പ്രസിഡന്‍റ് ബെന്നി ചക്കാലയ്ക്കൽ, കൈക്കാരന്മാരായ മൈക്കിൾ നൊറോണ, റോമി തോമസ് തുടങ്ങിയവർ പങ്കെടുത്തു.

ഭാര്യയുടെ മാതാപിതാക്കളെ ആക്രമിച്ച കേസിൽ യുവാവ് അറസ്റ്റിൽ

അന്തിക്കാട്: വീട്ടിൽ അതിക്രമിച്ചുകയറി ഭാര്യയുടെ മാതാപിതാക്കളെ ആക്രമിച്ച് മാനഹാനി വരുത്തുകയും കാർ തല്ലിപ്പൊളിക്കുകയും ചെയ്തകേസിൽ ഭർത്താവ് അറസ്റ്റിൽ. തളിക്കുളം കച്ചേരിപ്പടി സ്വദേശി കുന്നത്തുപറമ്പിൽ വീട്ടിൽ ഷക്കീറിനെയാണ് (32 ) തൃശൂർ റൂറൽ പോലീസ് അറസ്റ്റ് ചെയ്തത്. കഴിഞ്ഞദിവസം വൈകീട്ട് ആറോടെയാണ് ഷക്കീറിന്‍റെ ഭാര്യ താമസിക്കുന്ന പുത്തൻപീടികയിലുള്ള വീട്ടിലേക്ക് അതിക്രമിച്ച് കയറി ഇടിവളകൊണ്ട് ഷക്കീർ ഭാര്യയുടെ അമ്മയേയും അച്ഛനേയും ആക്രമിച്ചത്. മാനഹാനി വരുത്തുകയും വീട്ടിലുണ്ടായിരുന്ന മറ്റ് സ്ത്രീകളെയും അസഭ്യം പറയുകയും വീട്ടിലുണ്ടായിരുന്ന കാർ തല്ലിപ്പൊളിച്ച് നാശനഷ്ടം വരുത്തുകയും ചെയ്യുകയായിരുന്നു. ഷക്കീറിന്‍റെ ഭാര്യയുടെ അമ്മയുടെ പരാതിയിൽ അന്തിക്കാട് പൊലീസാണ് കേസെടുത്തത്. യുവതി ഷക്കീറുമായി വേർപിരിഞ്ഞ് കഴിയുന്നതിന്‍റെ വൈരാഗ്യത്താലാണ് ആക്രമണം നടത്തിയത്. അന്തിക്കാട് പൊലീസ് സ്റ്റേഷൻ എസ്എച്ച്ഒ സരിൻ, എസ്ഐ അഫ്സൽ, ജിഎസ്ഐ സജീവ്, ജിഎഎസ്ഐ ബിനു തോമസ്, ജിഎസ്‌സിപിഒ ഷാനവാസ്, സിപിഒ ഷാജഹാൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.

പിക്ചർസ്ക് -25 ഫോട്ടോഗ്രഫി ഫെസ്റ്റിവലിനു തുടക്കം

തൃശൂർ: പുതുതലമുറയ്ക്ക് അപരിചിതമായ വിന്‍റേജ് കാമറകളുടെയും കാസറ്റുകളുടെയും കാസറ്റ് പ്ലെയറുകളുടെയും കുഞ്ഞൻ ടിവിയുടെയും ശേഖരവുമായി സെന്‍റ് തോമസ് കോളജിൽ പിക്ചർസ്ക് ഫോട്ടോഗ്രഫി എക്സിബിഷനു തുടക്കം. പഴയകാലത്തിലേക്കു തിരിച്ചുകൊണ്ടുപോകുന്ന ഗ്രാമഫോണും ആദ്യകാല മൊബൈൽ ഫോണുകളും ടൈപ്പ്റൈറ്ററുകളും അപൂർവകാമറകളുമടക്കം വൻശേഖരമാണ് രണ്ടുദിവസത്തെ എക്സിബിഷനിൽ അണിനിരത്തിയത്. ഡിപ്പാർട്ട്മെന്‍റ് ഓഫ് മീഡിയ സ്റ്റഡീസ് സംഘടിപ്പിക്കുന്ന പതിനൊന്നാമത് ഫോട്ടോഗ്രഫി ഫെസ്റ്റിവലിന്‍റെ ഭാഗമായാണ് പ്രദർശനം. ഫോട്ടോ എക്സിബിഷൻ, ലൈവ് ഫോട്ടോ സെഷൻ, പെയിന്‍റിംഗ് എക്സിബിഷൻ എന്നിവയാണു പ്രധാന ആകർഷണം. ഫോട്ടോഗ്രഫി മത്സരം, റീൽസ് കോന്പറ്റീഷൻ, ഫെയ്സ് പെയിന്‍റിംഗ്, ട്രഷർ ഹണ്ട് എന്നിവയുമുണ്ട്. കോളജ് പ്രിൻസിപ്പൽ റവ.ഡോ. കെ.എ. മാർട്ടിൻ ഉദ്ഘാടനം ചെയ്തു. മീഡിയ സ്റ്റഡീസ് ഡയറക്ടർ ഫാ. ഫിജോ ജോസഫ് ആലപ്പാടൻ, വൈസ് പ്രിൻസിപ്പൽ ഡോ. ഫെബിൻ ബേബി, എക്സിക്യൂട്ടീവ് മാനേജർ ഫാ. ബിജു പാണേങ്ങാടൻ, ബർസാർ റവ. ഡോ. ഫ്ലർജിൻ ആന്‍റണി എന്നിവർ പങ്കെടുത്തു. സ്റ്റാഫ് കോ-ഓർഡിനേറ്റർ ആതിര ജോസ്, ഹെഡ് ഓഫ് ദ ഡിപ്പാർട്ട്മെന്‍റ് ടി.ഡി. യദുകൃഷ്ണൻ, അധ്യാപകരായ ഫാ. പ്രതീഷ് കല്ലറയ്ക്കൽ, രേഷ്മ ആർ. കൃഷ്ണൻ, അഞ്ജലി സജു, എം.എസ്. രേഷ്മ, ടെസ് മേരി തോമസ്, സ്റ്റുഡന്‍റ് കോ-ഓർഡിനേറ്റർമാരായ വി.എസ്. ശ്രീനാഥ്, കെ.വി. അർജുൻ കൃഷ്ണ, സി.എം. പാർവതി എന്നിവർ നേതൃത്വം നൽകി.

പുതുക്കാട് ട്രെയ്‌ലര്‍ ലോറി മറ്റൊരു ലോറിയിലേക്ക് മറിഞ്ഞു

പുതുക്കാട്: ദേശീയപാതയുടെ സര്‍വീസ് റോഡില്‍ ട്രെയിലര്‍ലോറി മറിഞ്ഞ് അപകടം. ഇന്നലെ പുലര്‍ച്ചെയായിരുന്നു അപകടമുണ്ടായത്. അപകടത്തിൽ ആര്‍ക്കും പരിക്കില്ല. സര്‍വീസ്റോഡില്‍ നിര്‍ത്തിയിട്ടിരുന്ന മറ്റൊരു ലോറിയിലേക്കാണ് അപകടത്തില്‍പെട്ട ലോറി മറിഞ്ഞത്. ദേശീയപാതയില്‍ നിന്നും സര്‍വീസ് റോഡിലേക്ക് ലോറി ഇറക്കുന്നതിനിടെയാണ് അപകടം. ദേശീയപാതയുടെയും സര്‍വീസ് റോഡിന്‍റെയും ഉയരവ്യത്യാസമാണ് അപകടകാരണം. രാത്രിയായതിനാല്‍ വെളിച്ചക്കുറവുമൂലം സര്‍വീസ് റോഡിന്‍റെ ഉയരവ്യത്യാസം തിരിച്ചറിയാനാകാത്തതാണ് അപകടകാരണം. പുതുക്കാട് പലയിടത്തും ദേശീയപാതയും സര്‍വീസ് റോഡും തമ്മില്‍ ഉയരവ്യത്യാസം ഉണ്ട്. പലതവണ ഇക്കാര്യം അധികൃതരുടെ ശ്രദ്ധയില്‍പ്പെടുത്തിയിരുന്നെങ്കിലും ഫലമുണ്ടായില്ല.

സൗജന്യ ഡയാലിസിസ് സെന്‍റർ ഇന്ന് ഉദ്ഘാടനം ചെയ്യും

ചേർപ്പ്: ഊരകം സഞ്ജീവനി സമിതിയും ദേശീയ സേവാഭാരതിയും ചേർന്ന് നിർധനരായ രോഗികൾക്കായി നിർമാണം പൂർത്തീകരിച്ച സഞ്ജീവനി ഡയാലിസിസ് സെന്‍ററിന്‍റെ ഉദ്ഘാനം ഇന്നു വൈകീട്ട് മൂന്നിന് കല്യാൺ സിൽക്സ് ചെയർമാൻ ടി.എസ്. പട്ടാഭിരാമൻ നിർവഹിക്കും. ചേർപ്പ് ഗ്രാമപഞ്ചായത്ത് പ്രസിഡന്‍റ്് സുജീഷ കള്ളിയത്ത് അധ്യക്ഷയാകും. മുതിർന്ന സംഘം പ്രചാരകൻ എസ്. സേതുമാധവൻ സേവാസന്ദേശം നൽകും. മിഷനറികൾ ഒഴിച്ച് ഒരു കോടി രൂപ ചെലവിലാണ് ഡയാലിസിസ് സെന്‍റർ നിർമിച്ചിട്ടുള്ളത്. പത്ത് ബെഡുകളാണ് സെന്‍ററിൽ രോഗികൾക്കായിട്ടുള്ളത്. നാല് ബെഡുകൾ ഇപ്പോൾ പ്രവർത്തന സജ്ജമാണ്. ആത്രെയ ആശുപത്രിയുടെ പങ്കാളിത്തവും, മൂന്ന് ഡോക്ടർമാരുടെ സേവനവും ഡയാലിസ് സെന്‍ററിലുണ്ട്. റഷീദ് സുമന്‍റെ നേതൃത്വത്തിൽ രോഗികൾക്ക് ബോധവത്കരണവും ഉണ്ടാകും. തൃശൂർ ജില്ലയിലെയടക്കം നിർധനരായ ഡയാലിസിസ് രോഗികൾക്കായി 25 മുതൽ ചികിത്സ ലഭ്യമാക്കും. ഊരകത്തെ സഞ്ജീവനി സമിതിയുടെ സ്വന്തമായ സ്ഥലത്ത് പുതിയ കെട്ടിടം പണിത് വയോജനങ്ങൾക്കായി പകൽവീട്, സഞ്ചരിക്കുന്നപെയിൻ എൻഡ് പാലിയേറ്റീവ് കെയർ, ഫിസിയോതെറാപ്പി, കൗൺസലിംഗ് സെന്‍ററുകളും തുടങ്ങു മെന്നും സമിതി സെക്രട്ടറി കെ.പി. ഗോപാലകൃഷ്ണൻ, ജോയിന്‍റ് സെക്രട്ടറി വി.ജി. ഗോവിന്ദൻകുട്ടി, അംഗങ്ങളായ പ്രകാശൻ കരുമന,സി. വിജയൻ, അനിൽ എന്നിവർ പത്രസമ്മേളനത്തിൽ അറിയിച്ചു.

ഗുരുവായൂരില്‍ ഗണേശോത്സവം 27ന്; ഘോഷയാത്രയ്ക്ക് 300 വിഗ്രഹങ്ങൾ

ഗുരുവായൂര്‍: കേരള ക്ഷേത്ര സംരക്ഷണ സമിതിയുടെ നേതൃത്വത്തില്‍ ഗണേശോത്സവത്തിന് ഒരുക്കങ്ങളായതായി ഭാരവാഹികള്‍ പത്രസമ്മേളനത്തിൽ അറിയിച്ചു. പ്രധാന ഗണേശ വിഗ്രഹത്തിന് 23ന് വൈകീട്ട് നാലിന് മഞ്ജുളാല്‍ പരിസരത്ത് സ്വീകരണം നല്‍കും. നാമജപ ഘോഷയാത്രയോടെ ഗുരുവായൂര്‍ ക്ഷേത്രനടയിലേയ്ക്ക് ആനയിക്കും. മേല്‍പ്പുത്തൂര്‍ ഓഡിറ്റോറിയത്തിനു സമീപം പ്രതിഷ്ഠിച്ചശേഷം ഗണേശോത്സവം വരെ ഗണപതി ഹോമം, ദീപാരാധന എന്നിവയുണ്ടാകും. 24 ന് വൈകിട്ട് ആറിന് നഗരസഭാ ലൈബ്രറി ഹാളില്‍ സാംസ്‌കാരിക സന്ധ്യ അയ്യപ്പ സേവാസമാജം ദേശീയ ഉപാധ്യക്ഷന്‍ വി.കെ.വിശ്വനാഥന്‍ ഉദ്ഘാടനം ചെയ്യും. ഗണേശോത്സവ പ്രഥമ പുരസ്‌കാരം രജിത് കുമാറിന് മുന്‍ മിസോറാം ഗവര്‍ണര്‍ കുമ്മനം രാജശേഖരന്‍ സമ്മാനിക്കും. ഗണേശോത്സവ ദിനത്തിൽ കിഴക്കേനടയില്‍ നിന്ന് വാദ്യഘോഷങ്ങളോടെ ഗണപതി വിഗ്രഹങ്ങളുമായി വിനായക തീരത്തേയ്ക്ക് നിമജന ഘോഷയാത്രയാണ്. 300 ലേറെ ഗണപതി വിഗ്രങ്ങളുണ്ടാകും. ജനറല്‍ കണ്‍വീനര്‍ കെ.എസ്.പവിത്രന്‍, ടി.പി.മുരളി, പി.വത്സലന്‍, ടി.വി.ശ്രീനിവാസന്‍, എം.വി.രവീന്ദ്രനാഥ് തുടങ്ങിയവര്‍ പത്രസമ്മേളനത്തിൽ പങ്കെടുത്തു.

ദേശീയപാതയിൽ അപകടം

കയ്പമംഗലം: പെരിഞ്ഞനത്ത് ദേശീയപാതയിൽ ചരക്കുലോറി നിർത്തിയിട്ടിരുന്ന കണ്ടെയ്നർ ലോറിക്ക് പിന്നിലിടിച്ച് അപകടം. ആർക്കും പരിക്കില്ല. പെരിഞ്ഞനം പഞ്ചയത്തോഫീസിനുസമീപം ഇന്നലെ ഉച്ചയ്ക്ക് മൂന്നരയോടെയാണ് അപകടമുണ്ടായത്. പെരിഞ്ഞനത്തെ കടയിലേക്ക് ടൈൽസുമായിവന്ന കണ്ടെയ്നർ ലോറിക്ക് പിന്നിൽ കൊടുങ്ങല്ലൂർ ഭാഗത്തുനിന്നുവന്ന ചരക്കുലോറി ഇടിക്കുകയായിരുന്നു. കൊച്ചിയിൽ ലോഡ് ഇറക്കിയശേഷം ബംഗളൂരുവിലേക്ക് മടങ്ങുകയായിരുന്നു ചരക്കുലോറി. ഇരുവാഹനങ്ങളിലെയും ഡ്രൈവർമാർ പരിക്കേൽക്കാതെ രക്ഷപ്പെട്ടു. അപകടത്തെതുടർന്ന് കുറച്ചുസമയം ഗതാഗതം തടസപ്പെട്ടു.

ക്രൈസ്റ്റ് എന്‍ജിനീയറിംഗ് കോളജില്‍ ഐഎസ്ആര്‍ഒ സിമ്പോസിയം

ഇരിങ്ങാലക്കുട: ദേശീയ ബഹിരാകാശദിനാഘോഷങ്ങളുടെ ഭാഗമായി ക്രൈസ്റ്റ് എന്‍ജിനീയറിംഗ് കോളജില്‍ ഐഎസ്ആര്‍ഒ സിമ്പോസിയം സംഘടിപ്പിച്ചു. കോളജ് ഓഡിറ്റോറിയത്തില്‍നടന്ന ചടങ്ങ്‍ ഐഎസ്ആര്‍ഒ തിരുവനന്തപുരം വലിയമല ലിക്വിഡ് പ്രൊപ്പല്‍ഷന്‍ സിസ്റ്റം സെന്‍റര്‍ ഗ്രൂപ്പ് ഡയറക്ടര്‍ വി. ദിലീപ് ഉദ്ഘാടനം നിര്‍വഹിച്ചു. ബഹിരാകാശരംഗത്ത് ഇന്ത്യ കടന്നുവന്ന വഴികളെക്കുറിച്ചും ഇനി ഉണ്ടാകാന്‍പോകുന്ന മാറ്റങ്ങളെക്കുറിച്ചും വിദ്യാര്‍ഥികളുമായി അദ്ദേഹം സംവദിച്ചു. കോളജ് എക്‌സിക്യൂട്ടീവ് ഡയറക്ടര്‍ ഫാ. ജോണ്‍ പാലിയേക്കര സിഎംഐ അധ്യക്ഷതവഹിച്ചു. പ്രിന്‍സിപ്പല്‍ ഡോ.എം.ടി. സിജോ, ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിംഗ് വിഭാഗം മേധാവി ഡോ. കാരന്‍ ബാബു എന്നിവര്‍ പ്രസംഗിച്ചു. വിദ്യാര്‍ഥി പ്രതിനിധികളായ അനിറ്റ വിന്‍സെന്‍റ്, അഭിരാം ഹരി, ജാസ്മിന്‍ ബേബി, ആഗ്‌നസ് ഷനോജ്, ആര്‍ദ്ര മരിയ, എയ്ഞ്ചല്‍ റോസ് ഐവിന്‍, പോള്‍ ജോജോ കോക്കാട്ട് എന്നിവര്‍ പ്രസന്‍റേഷന്‍നടത്തി. തിരുവനന്തപുരം എല്‍പിഎസ്‌സിയിലെ ശാസ്ത്രജ്ഞരായ ജിത്തു ആന്‍റണി, വി.എം. ദീപക് എന്നിവരുടെ നേതൃത്വത്തില്‍ പൊതുചര്‍ച്ചയും സംഘടിപ്പിച്ചു.

ചെട്ടിക്കാട് തീർഥാടനകേന്ദ്രത്തിൽ ജന്മദിനത്തിരുനാൾ ഭക്തിസാന്ദ്രം

കൊടുങ്ങല്ലൂർ: ചെട്ടിക്കാട് വിശുദ്ധ അന്തോണീസിന്‍റെ തീർഥാടനദേവാലയത്തിൽ ജന്മദിനത്തിരുനാളിന് വൻ ഭക്തജനപ്രവാഹം. രാവിലെ 6.15 മുതൽ വൈകീട്ട് 6.30 വരെ ദിവ്യബലി, നൊവേന, ആരാധന എന്നിവനടന്നു. രാവിലെ പ്രസുദേന്തിവാഴ്ച. തുടർന്ന് ബിഷപ് ഡോ. ജോസഫ് കരിയിലിന്‍റെ മുഖ്യകാർമികത്വത്തിൽ നടന്ന തിരുനാൾദിവ്യബലിയിൽ ഫാ. ലാസർ സിന്‍റോ തൈപ്പറമ്പിൽ വചനസന്ദേശംനൽകി. അയൽസംസ്ഥാനങ്ങളിൽനിന്നുൾപ്പെടെ തീർഥാടകർ പുക്കളുമായി എത്തിച്ചേർന്നു. റെക്ടർ റവ.ഡോ. ബെന്നി വാഴക്കൂട്ടത്തിൽ, ഫാ. അജയ് ആന്‍റണി പുത്തൻ പറമ്പിൽ എന്നിവർ ആഘോഷങ്ങൾക്കു നേതൃത്വംനൽകി.

തെരുവുനായ ആക്രമണം; പരിക്കേറ്റവർക്കു ചികിത്സാസഹായം നൽകിയില്ലെങ്കിൽ നഗരസഭാ ഓഫീസിൽ സമരം

ചാലക്കുടി: തെരുവുനായയുടെ കടിയേറ്റ് ഗുരുതരപരിക്കേറ്റവര്‍ക്ക് ചികിത്സാസഹായം നൽകിയില്ലെങ്കിൽ തിരുവോണദിവസം നഗരസഭ ഓഫീസിൽ സമരംനടത്തുമെന്ന് പ്രതിപക്ഷനേതാവ് സി.എസ്. സുരേഷ്. ചികിത്സാസഹായം നല്‍കാത്തകാര്യത്തില്‍ ചെയര്‍മാന്‍റെ വാദം ജനങ്ങളില്‍ തെറ്റിദ്ധാരണ പരത്തുന്നതാണെന്നും സി.എസ്. സുരേഷ് പറഞ്ഞു. മെയ് 16ന് ചാലക്കുടി നഗരസഭ പതിന്നാലാംവാര്‍ഡില്‍ തെരുവുനായയുടെ കടിയേറ്റ് വിവിധ ആശുപത്രികളിലായി ചികിത്സതേടിയ മൂന്നുപേരില്‍ രണ്ടുപേര്‍ മെയ് 29നും ഒരാള്‍ മെയ് 30നും ചാലക്കുടി നഗരസഭാസെക്രട്ടറിയുടെ പേരില്‍ ചികിത്സാസഹായത്തിനായി അപേക്ഷ നല്‍കിയിരുന്നു. നായയുടെ കടിയേറ്റവരെ താലൂക്കാശുപത്രിയില്‍ സന്ദര്‍ശിച്ച നഗരസഭ ചെയര്‍മാനും എംഎല്‍എയും ആവശ്യമായ ഏതുചികിത്സയും തെരഞ്ഞെടുക്കാമെന്നും ചികിത്സാച്ചെലവ് നഗരസഭ തരുമെന്നും വാഗ്ദാനംചെയ്തു. മൂന്നുമാസം പിന്നിട്ടിട്ടും ചികിത്സാസഹായം നല്‍കിയില്ലെന്ന് മാത്രമല്ല കൊടുക്കാതിരിക്കുന്നതിനെ ന്യായീകരിക്കുന്ന നിലപാടാണ് ചെയര്‍മാന്‍ സ്വീകരിക്കുന്നതെന്നും സി.എസ്. സുരേഷ് പറഞ്ഞു. കടിയേറ്റവര്‍ ചെയര്‍മാന്‍ റിലീഫ് ഫണ്ടിലേക്കാണ് അപേക്ഷനല്‍കിയതെന്ന ചെയര്‍മാന്‍റെ വാദം തീര്‍ത്തുംതെറ്റാണ്. തെരുവുനായ ആക്രമണത്തില്‍ പരിക്കേറ്റവര്‍ക്ക് എത്രയും വേഗം ചികിത്സാസഹായം നല്‍കിയില്ലെങ്കില്‍ തിരുവോണനാളില്‍ പ്രതിപക്ഷ കൗണ്‍സിലര്‍മാരുടെ നേതൃത്വത്തില്‍ കടിയേറ്റവരേയും പങ്കെടുപ്പിച്ച് സമരം സംഘടിപ്പിക്കുമെന്നും സി.എസ്. സുരേഷ് പറഞ്ഞു.

സഹൃദയ കോളജില്‍ ലോക മാനുഷികദിനം

കൊടകര: സഹൃദയ കോളജ് ഓഫ് അഡ്വാന്‍സ്ഡ് സ്റ്റഡീസിലെ എന്‍എസ്എസ് യൂനിറ്റിന്‍റെ നേതൃത്വത്തില്‍ ലോക മാനുഷികദിനം സംഘടിപ്പിച്ചു. എക്‌സിക്യൂട്ടീവ് ഡയറക്ടര്‍ റവ.ഡോ. ഡേവിസ് ചെങ്ങിനിയാടന്‍ ഉദ്ഘാടനംചെയ്തു. പ്രിന്‍സിപ്പല്‍ ഡോ.കെ.എല്‍. ജോയ് അധ്യക്ഷതവഹിച്ചു. അസോസിയേറ്റ് എക്‌സിക്യൂട്ടീവ് ഡയറക്ടര്‍ റവ.ഡോ. ജോജി കല്ലിങ്ങല്‍, വൈസ് പ്രിന്‍സിപ്പല്‍ ഡോ.കെ. കരുണ, ഫിനാന്‍സ് ഓഫിസര്‍ ഫാ. സിബിന്‍ വാഴപ്പിള്ളി, എന്‍എസ്എസ് പ്രോഗ്രാം ഓഫീസര്‍ കെ. ജയകുമാര്‍, എന്‍എസ്എസ് വോളണ്ടിയര്‍ സെക്രട്ടറി പൂര്‍ണിമ ശങ്കര്‍, സ്റ്റുഡന്‍റ് കോ-ഓര്‌ഡിനേറ്റര്‍ സ്വറ്റ അനില്‍ എന്നിവര്‍ പ്രസംഗിച്ചു. തുടര്‍ന്ന് എയ്ഡ്‌സ് ബോധവത്കരണപരിപാടിയുടെ ഭാഗമായി വയനാട് നാട്ടുകൂട്ടം അവതരിപ്പിച്ച കുരവരശുകളി നാടന്‍കലാപ്രകടനം അരങ്ങേറി. കേരള ഫോക്‌ലോര്‍ അക്കാദമി അവാര്‍ഡ് ജേതാവ് മാത്യൂസ് വയനാട്, സാം ടി.മാര്‍ട്ടിന്‍, ബിന്ദു പീറ്റര്‍, ഷൈമി ബിനീഷ് എന്നിവര്‍ നേതൃത്വംനല്‍കി.

ഇരിങ്ങാലക്കുട നഗരം പകര്‍ച്ചവ്യാധിയുടെ പിടിയില്‍

ഇരിങ്ങാലക്കുട: കാലവര്‍ഷം കനത്തതോടെ നഗരവാസികള്‍ പനിച്ചൂടിന്‍റെ വിറങ്ങലിപ്പില്‍. ഡെങ്കിപ്പനി ബാധിതരുടെ എണ്ണം വര്‍ധിക്കുന്നത് ഏറെ ആശങ്കക്കിടയാക്കുന്നുണ്ട്. ഡെങ്കിക്കൊപ്പം എലിപ്പനിയും പടരുന്നുണ്ട്. നഗരമധ്യത്തിലെ കനാല്‍ബേസിസും കാരുകുളങ്ങരയിലുമായി രണ്ടുപേരാണ് എലിപ്പനിബാധിച്ച് ഇപ്പോള്‍ ചികിത്സയിലുള്ളത്. ഇരുവരും മെഡിക്കല്‍കോളജില്‍ തീവ്രപരിചരണ വിഭാഗത്തിലായിരുന്നുവെങ്കിലും ഗുരുതരാവസ്ഥ തരണംചെയ്തു. നഗരത്തില്‍ എലിപ്പനിബാധിച്ച് രണ്ടുപേര്‍ ചികിത്സയിലായതോടെയാണ് നഗരത്തില്‍ പകര്‍ച്ചവ്യാധിയുടെ തീവ്രത പുറംലോകമറിയുന്നത്. നിരവധിപേരാണ് ഇക്കഴിഞ്ഞ ദിവസങ്ങളില്‍ പനിമൂലം താലൂക്കാശുപത്രിയിലും മറ്റു സ്വകാര്യ ആശുപത്രികളിലും ചികിത്സതേടിയെത്തിയെത്തിയത്. കഴിഞ്ഞ ഒരാഴ്ചക്കുള്ളില്‍ അഞ്ഞൂറോളംപേരാണ് പനിബാധിച്ച് ചികിത്സയ്ക്കെത്തിയത്. ഇത് താലൂക്കാശുപത്രിയിലെ മാത്രം കണക്കാണ്. സമീപത്തെ സ്വകാര്യ ആശുപത്രികളിലെയും പഞ്ചായത്ത് ഹെല്‍ത്ത് സെന്‍ററുകളിലെയും കണക്കുകള്‍കൂടി എടുത്താല്‍ പകര്‍ച്ചവ്യാധിയുടെ തീവ്രത വളരെ കൂടുതലാണ്. നഗരസഭയില്‍ കഴിഞ്ഞ ആറുമാസത്തിനിടയില്‍ 40 ഓളം പേരാണ് ഡെങ്കി ബാധിച്ച് ചികിത്സതേടിയത്. ഡെങ്കി ബാധിച്ച് രണ്ടാഴ്മുമ്പ് ഒരാള്‍ മരണപ്പെട്ടിരുന്നു. പനി പൊട്ടിപ്പുറപ്പെടുന്ന മേഖലകളില്‍ സൂപ്പര്‍ ക്ലോറിനേഷനടക്കമുള്ള നടപടികളും ബോധവത്കരണവും നടത്തുന്നതല്ലാതെ മറ്റിടങ്ങളിലേക്ക് രോഗം വ്യാപിക്കാതിരിക്കാനുള്ള നടപടികള്‍ ആരോഗ്യവകുപ്പ് സ്വീകരിക്കുന്നില്ലെന്ന ആരോപണമുണ്ട്. മാലിന്യംപരന്നൊഴുകുന്ന നഗരത്തില്‍ പകര്‍ച്ചവ്യാധികള്‍ പടരാനുള്ള അനുകൂലസാഹചര്യമാണുള്ളത്.

ആസ്വാദകരില്‍ അനുഭൂതിനിറച്ച് ഗോപുരത്തിങ്കല്‍ പാണ്ടിമേളം

കൊടകര: ക്ഷേത്രവാദ്യകലാകാരന്‍മാരുടെ കൂട്ടായ്മയായ കൊടകര മേളകലാസംഗീത സമിതിയുടെ പതിനഞ്ചാംവാര്‍ഷികത്തോടനുബന്ധിച്ച് അരങ്ങേറിയ ഗോപുരത്തിങ്കല്‍ പാണ്ടിമേളം ആസ്വാദകര്‍ക്ക് അനുഭൂതിയായി. ത്രിപുടവട്ടങ്ങളാല്‍ ആസ്വാദകരെ കോരിത്തരിപ്പിച്ച് അക്ഷരകാലങ്ങള്‍ അഴകൊരുക്കിയ പാണ്ടിമേളം പൂനിലാര്‍ക്കാവ് ക്ഷേത്രഗോപുരത്തിനുമുന്നില്‍ മറ്റൊരു മേളഗോപുരം തീര്‍ക്കുകയായിരുന്നു. തിരുവല്ല രാധാകൃഷ്ണനായിരുന്നു മേളത്തിന്‍റെ അമരക്കാരന്‍. ചൊവ്വല്ലര്‍ മോഹനവാരിയര്‍, കൊടകര ഉണ്ണി, മൂര്‍ക്കനാട് ദിനേശന്‍വാരിയര്‍, അവിട്ടത്തൂര്‍ രാജപ്പന്‍, കീനൂര്‍ സുബീഷ്, മേളകലാസമിതി സുവര്‍ണമുദ്രജേതാവുകൂടിയായ കൊടകര വിജില്‍ ആര്‍. മേനോന്‍ എന്നിങ്ങനെയായിരുന്നു ഉരുട്ടുചെണ്ടക്കാരുടെ നിര. ഇലഞ്ഞിത്തറമേളത്തിന്‍റെ പ്രമാണി കീഴൂട്ട് നന്ദനന്‍റെ കീഴില്‍ കൊടകര അനൂപ്, കീനൂര്‍ പ്രേംദാസ്, പുതൂര്‍ക്കര ദീപു, കീനൂര്‍ അഭിലാഷ് എന്നിവര്‍ കുറുംകുഴലില്‍ സംഗീതമൊരുക്കി. മച്ചാട് രാമചന്ദ്രന്‍, പേരാമംഗലം വിജയന്‍, മച്ചാട് പത്മകുമാര്‍ എന്നിവരാണ് കൊമ്പുമായി അണിനിരന്നു. കണ്ണമ്പത്തൂര്‍ വേണുഗോപാല്‍, പോറാത്ത് ഉണ്ണിമാരാര്‍, കൊടകര അനീഷ് തുടങ്ങിയവര്‍ വലംതലയില്‍ താളമിട്ടപ്പോള്‍ മുതിര്‍ന്ന ഇലത്താളപ്രമാണി കുമ്മത്ത് നന്ദനന്‍, കീനൂര്‍ ഉണ്ണിക്കുട്ടന്‍, അനില്‍വാരിയര്‍ എന്നിവര്‍ ഇലത്താളത്തിലും നിരന്നു. മേളത്തില്‍ പങ്കെടുത്ത പ്രമാണിമാരെ മേളകലാസംഗീതസമിതി ഭാരവാഹികള്‍ ആദരിച്ചു.

മൂന്നു വയസുള്ള കുട്ടി കുളത്തിൽവീണു മരിച്ചു

എളവള്ളി: ജാർഖണ്ഡ് സ്വദേശികളുടെ മൂന്നു വയസുള്ള കുട്ടി കുളത്തിൽവീണു മരിച്ചു. പഞ്ചായത്തിലെ വാക കാക്കത്തുരുത്തിൽ താമസിക്കുന്ന ജാർഖണ്ഡ് സ്വദേശി ജഗൻ-ജെയ് പ്രേമി എന്നിവരുടെ മകൻ ദീപേന്ദ്ര ബഗൻ (മൂന്ന്) ആണ് കുളത്തിൽവീണു മരിച്ചത്. ഇന്നലെ രാവിലെയായിരുന്നു അപകടം. പാവറട്ടി സ്വദേശിയുടെ കാക്കത്തുരുത്തിലുള്ള ഫാമിൽ ജോലി ചെയ്യുകയും അവിടെ തന്നെ താമസിക്കുകയുമായിരുന്നു ഈ കുടുംബം. രാവിലെ ഇവരുടെ ഫാം ഹൗസിനോട് ചേർന്നുള്ള കുളത്തിനരുകിൽ കളിച്ചു കൊണ്ടിരുന്ന കുട്ടി കാൽവഴുതി കുളത്തിൽ വീഴുകയായിരുന്നു. അമ്മയുടെ നിലവിളി കേട്ട് ഓടിയെത്തിയ സമീപവാസികളാണ് കുട്ടിയെ കുളത്തിൽനിന്നു പുറത്തെടുത്തത്. പ്രഥമ ശുശ്രൂഷ കൊടുത്ത് ഉടൻ ആശുപത്രിയിൽ എത്തിച്ചെങ്കിലും കുട്ടിയെ രക്ഷിക്കാനായില്ല.

ചാലക്കുടിപ്പുഴ‍യിൽ ഒഴുക്കിൽപ്പെട്ട് മധ്യവയസ്കൻ മരിച്ചു

ചാലക്കുടി: പുഴയിൽ കുളിക്കാനിറങ്ങിയ ഗൃഹനാഥൻ ഒഴുക്കിൽപ്പെട്ട് മരിച്ചു. അവിട്ടത്തൂർ സ്വദേശി മാളിയേക്കൽ ജോയ് (52) ആണ് മരിച്ചത്. ഇന്നലെ രാവിലെ ഒന്പതോടെ ഒരാൾ പുഴയിലൂടെ ഒഴുകി പോകുന്നതായി അറിയിപ്പ് ലഭിച്ചതിനെ തുടർന്ന് ഫയർഫോഴ്സ് പുഴപ്പാലത്തിനു താഴെവച്ച് ആളെ കണ്ടെത്തി. ചാലക്കുടി പുഴയിൽ അതിശക്തമായ ഒഴുക്കുകാരണം ഇയാൾക്ക് കരയിലേക്കു നീന്തിക്കയറാൻ സാധിച്ചില്ല. ഫയർഫോഴ്സ് റോപ്പ് എറിഞ്ഞുകൊടുത്ത് അരികെയെത്തി രക്ഷിക്കുകയുമായിരുന്നു. സിപിആർ നൽകിയശേഷം ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. ഇടയ്ക്കിടെ ചാലക്കുടി പുഴയിൽ ഇയാൾ കുളിക്കാൻ വരാറുണ്ടായിരുന്നതായി ബന്ധുക്കൾ പറഞ്ഞു. മൃതദേഹം താലൂക്ക് ആശുപത്രി മോർച്ചറിയിൽ. ഭാര്യ: ലിൻസി.

വിദേശത്ത് മരിച്ചനിലയിൽ

വടക്കാഞ്ചേരി: കരുമത്ര സ്വദേശിയായ യുവാവിനെ വിദേശത്ത് തൂങ്ങിമരിച്ചനിലയിൽ കണ്ടെത്തി. കരുമത്ര കോച്ചാട്ടിൽ വീട്ടിൽ രവീന്ദ്രൻ മകൻ വിനോദ് (31) ആണ് മരിച്ചത്. ഇന്നലെ പുലർച്ചെയാണ് സംഭവം. വിനോദ് മരിച്ചവിവരം വിദേശത്തു നിന്ന് കൂട്ടുകാരാണ് നാട്ടിലുള്ള ബന്ധുക്കളെ അറിയിച്ചത്. വിനോദ് അവിവാഹിതനാണ്. രണ്ടു വർഷത്തോളമായി വിനോദ് ദുബായിലാണ് ജോലി നോക്കുന്നത്. അമ്മ: മല്ലിക. സഹോദരൻ: വിമൽ നാട്ടിൽ ഓട്ടോ ഡ്രൈവറാണ്. മൃതദേഹം നാട്ടിലെത്തിക്കാനുള്ള ശ്രമം തുടരുകയാണ്.

വാഹനാപകടം: കൊരട്ടി സ്വദേശിയായ യുവാവ് മരിച്ചു

കൊരട്ടി: ദേശീയപാത ആലുവ ദേശം കോട്ടായി ഭാഗത്തു വച്ചുണ്ടായ വാഹനാപകടത്തിൽ കൊരട്ടി സ്വദേശിയായ യുവാവിനു ദാരുണാന്ത്യം. കൊരട്ടി കട്ടപ്പുറം എളാട്ട് വീട്ടിൽ കൃഷ്ണൻകുട്ടിയുടെ മകൻ ശ്രീഹരി (27) ആണ് മരിച്ചത്. ഇന്നലെ പുലർച്ചെ ഒന്നരയോടെ ആയിരുന്നു സംഭവം. ശ്രീഹരി യാത്ര ചെയ്യുകയായിരുന്ന ബൈക്ക് ഒരു കാറിൽ തട്ടിയതിനെ തുടർന്ന് റോഡിലേക്ക് തെറിച്ചുവീഴുകയും ഇയാളുടെ ശരീരത്തിലൂടെ ടാങ്കർ ലോറി കയറിയിറങ്ങുകയായിരുന്നു. പൗൾട്രി ഫാമുമായി ബന്ധപ്പെട്ട സ്ഥാപനത്തിൽ ഡ്രൈവറായി ജോലി ചെയ്തു വരികയായിരുന്ന ശ്രീഹരി. വാഹനമെടുക്കാൻ പോകുന്നതിനിടെയാണ് അപകടത്തിൽപ്പെട്ടത്. സംസ്കാരം നടത്തി. അമ്മ: ഉഷ. സഹോദരി: ഹരിപ്രിയ.

വിരുപ്പാക്ക മിൽ മുൻ ജീവനക്കാരൻ ട്രെയിൻതട്ടി മരിച്ചനിലയിൽ

വടക്കാഞ്ചേരി: വിരുപ്പാക്ക സ്വദേശിയെ ട്രെയിൻതട്ടി മരിച്ചനിലയിൽ കണ്ടെത്തി. വാഴാനി വിരുപ്പാക്ക ഗ്രാമല സ്വദേശി കോട്ടയിൽ വീട്ടിൽ പരേതനായ രാഘവൻ മകൻ അശോകൻ(67) ആണ് മരിച്ചത്. കഴിഞ്ഞദിവസം വൈകീട്ട് അത്താണി കെൽട്രോണിനു സമീപമായിരുന്നു അപകടം. വിരുപ്പാക്ക സഹകരണമില്ലിൽ നിന്ന് വിരമിച്ച ജീവനക്കാരനാണ് അശോകൻ. സാമ്പത്തികബുദ്ധിമുട്ടാണ് മരണകാരണമെന്ന് ഒപ്പം പ്രവർത്തിച്ചിരുന്ന തൊഴിലാളികൾ പറഞ്ഞു. പിഎഫ് ഉൾപ്പടെ നിരവധി ആനുകൂല്യങ്ങൾ ഇയാൾക്ക് കമ്പനിയിൽ നിന്നു ലഭിക്കാനുണ്ടെന്നും മറ്റു ജീവനക്കാർ പറഞ്ഞു. കമ്പനി അടച്ചുപൂട്ടിയിട്ടു വർഷങ്ങൾ കഴിഞ്ഞെങ്കിലും തുറക്കാനുള്ള ഒരു നടപടിയും സർക്കാരിന്‍റെ ഭാഗത്തുനിന്ന് ഉണ്ടായിട്ടില്ലെന്നും മില്ലിൽ പ്രവർത്തിച്ചിരുന്ന 300 ഓളം തൊഴിലാളി കുടുംബങ്ങൾ പട്ടിണിയിലാണന്നും തൊഴിലാളികൾ പറഞ്ഞു. അശോകന്‍റെ സാമ്പത്തികബുദ്ധിമുട്ട് മൂലം മില്ലിന്‍റെ പ്രവർത്തന കാലയളവിൽ കമ്പനി എംഡിയുടെ റൂമിനു മുന്നിൽ തനിക്ക് മില്ലിൽ നിന്നു കിട്ടാനുള്ള പണം ഉടൻ ലഭിക്കണമെന്ന് ആവശ്യപ്പെട്ട് ദേഹത്ത് പെട്രോളോഴിച്ച് ആത്മഹത്യക്ക് ശ്രമിച്ചിരുന്നു. സംസ്കാരം നടത്തി.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]