ഭീ​മ​ന​ടി: വെ​സ്റ്റ് എ​ളേ​രി പ​ഞ്ചാ​യ​ത്തി​ലെ ജീ​ര​ക​പ്പാ​റ​യി​ൽ​നി​ന്ന് പുരാതനയുഗത്തിലെ സം​സ്കാ​ര​ത്തി​ന്‍റെ ഭാ​ഗ​മാ​യ​തെ​ന്ന് ക​രു​തു​ന്ന ചെ​ങ്ക​ല്ല​റ ക​ണ്ടെ​ത്തി. ച​രി​ത്ര ഗ​വേ​ഷ​ക​നും കാ​ഞ്ഞ​ങ്ങാ​ട് നെ​ഹ്റു കോ​ള​ജി​ലെ ച​രി​ത്രാ​ധ്യാ​പ​ക​നു​മാ​യ ഡോ. ​ന​ന്ദ​കു​മാ​ർ കോ​റോ​ത്ത്, പ്രാ​ദേ​ശി​ക പു​രാ​വ​സ്തു നി​രീ​ക്ഷ​ക​നാ​യ സ​തീ​ശ​ൻ കാ​ളി​യാ​നം എ​ന്നി​വ​ർ ന​ട​ത്തി​യ നി​രീ​ക്ഷ​ണ​ത്തി​ലാ​ണ് സ്വ​കാ​ര്യ വ്യ​ക്തി​യു​ടെ പ​റ​മ്പി​ൽ ചെ​ങ്ക​ല്ല​റ ക​ണ്ടെ​ത്തി​യ​ത്.

മു​ക​ൾ ഭാ​ഗ​ത്ത് വൃ​ത്താ​കൃ​തി​യി​ൽ ഉ​ള്ള ദ്വാ​ര​മു​ണ്ടെ​ങ്കി​ലും മ​റ്റു ചെ​ങ്ക​ല്ല​റ​ക​ളി​ൽ നി​ന്ന് വ്യ​ത്യ​സ്ത​മാ​യി ജീ​ര​ക​പ്പാ​റ​യി​ലെ ചെ​ങ്ക​ല്ല​റ​യ്ക്ക് താ​ഴെ ഭാ​ഗ​ത്ത് ക​വാ​ട​മി​ല്ല. മു​ക​ൾ ഭാ​ഗ​ത്തു​നി​ന്ന് ഒ​രു മീ​റ്റ​ർ താ​ഴ​ത്തേ​ക്ക് കൊ​ത്തി​യെ​ടു​ത്ത നി​ല​യി​ലാ​ണ് ചെ​ങ്ക​ല്ല​റ​യു​ള്ള​ത്. അ​ടി​ഭാ​ഗം ഉ​റ​പ്പേ​റി​യ പാ​റ​യാ​യ​തി​നാ​ൽ നി​ർ​മാ​ണം പാ​തി​യി​ൽ​വ​ച്ച് നി​ർ​ത്തി​പ്പോ​യി​രി​ക്കാ​നാ​ണ് സാ​ധ്യ​ത. ഉ​ൾ​ഭാ​ഗ​ത്ത് നി​റ​യെ ച​ളി നി​റ​ഞ്ഞ അ​വ​സ്ഥ​യി​ലാ​ണ് ചെ​ങ്ക​ല്ല​റ​യു​ള്ള​ത്.

കാ​സ​ർ​ഗോ​ഡ് ജി​ല്ല​യി​ൽ ചീ​മേ​നി, തി​മി​രി, ബ​ങ്ക​ളം, പി​ലി​ക്കോ​ട്, പ​ന​ങ്ങാ​ട്, ത​ല​യ​ടു​ക്കം, ഉ​മ്മി​ച്ചി​പൊ​യി​ൽ, വി​കാ​സ് ന​ഗ​ർ, ഭീ​മ​ന​ടി, മ​ടി​ക്കൈ, ബാ​നം, കു​റ്റി​ക്കോ​ൽ, ബ​ന്ത​ടു​ക്ക, പാ​യം, പു​ത്തി​ഗെ, ക​ല്യോ​ട്ട്, കൂ​ട​ൽ, പാ​ത്ത​ടു​ക്കം, കോ​ടോ​ത്ത്, വ​ര​ഞ്ഞൂ​ർ, ചു​ള്ളി​ക്ക​ര തൂ​ങ്ങ​ൽ, കോ​ളം​കു​ളം, ക​ല്ല​ഞ്ചി​റ എ​ന്നി​വി​ട​ങ്ങ​ളി​ൽ നി​ന്നു മ​ഹാ​ശി​ലാ കാ​ല​ഘ​ട്ട​ത്തി​ന്‍റെ ച​രി​ത്ര ശേ​ഷി​പ്പു​ക​ളാ​യ ചെ​ങ്ക​ല്ല​റ​ക​ൾ ക​ണ്ടെ​ത്തി​യി​ട്ടു​ണ്ട്. ജീ​ര​ക​പ്പാ​റ​യി​ലെ ഭൂ​പ്ര​ദേ​ശ​ത്തി​ന്‍റെ ഘ​ട​ന​യ​നു​സ​രി​ച്ച് കൂ​ടു​ത​ൽ ചെ​ങ്ക​ല്ല​റ​ക​ൾ ഉ​ണ്ടാ​കാ​ൻ സാ​ധ്യ​ത​യു​ണ്ട്.