ആ​ലു​വ: ഗു​ണ​ഭോ​ക്താ​വി​ന്‍റെ മ​ര​ണ​ശേ​ഷ​വും വി​വി​ധ പെ​ൻ​ഷ​നു​ക​ൾ കൈ​പ്പ​റ്റി​യ ബ​ന്ധു​ക്ക​ൾ തു​ക തി​രി​ച്ച​ട​ച്ചു തു​ട​ങ്ങി. ഓ​ഡി​റ്റ് വി​ഭാ​ഗം ക​ണ്ടെ​ത്തി​യ പ​തി​നൊ​ന്ന് പേ​രി​ൽ അ​ഞ്ച് പേ​രു​ടെ പെ​ൻ​ഷ​ൻ തു​ക ഇ​തു​വ​രെ തി​രി​ച്ച് പി​ടി​ച്ച​താ​യി ചൂ​ർ​ണി​ക്ക​ര ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി അ​റി​യി​ച്ചു.

കേ​ര​ള സ്‌​റ്റേ​റ്റ് സോ​ഷ്യ​ൽ സെ​ക്യൂ​രി​റ്റി പെ​ൻ​ഷ​ൻ ലി​മി​റ്റ​ഡ് എ​ന്ന അ​ക്കൗ​ണ്ടി​ലേ​ക്ക് തി​രി​ച്ച് അ​ട​യ്ക്കു​ക​യാ​ണ് ബ​ന്ധു​ക്ക​ൾ ചെ​യ്യു​ന്ന​ത്. ഇ​തു വ​രെ തി​രി​ച്ചു വ​രേ​ണ്ട ഒ​രു ല​ക്ഷ​ത്തി​ല​ധി​കം രൂ​പ​യി​ൽ അ​മ്പ​തി​നാ​യി​രം രൂ​പ​യോ​ളം അ​ക്കൗ​ണ്ടി​ൽ എ​ത്തി​യ​താ​യി വി​വ​രാ​വ​കാ​ശ പ്ര​വ​ർ​ത്ത​ക​ൻ കെ.​ടി. രാ​ഹു​ലി​നെ​യാ​ണ് സെ​ക്ര​ട്ട​റി അ​റി​യി​ച്ച​ത്.

ത​ദ്ദേ​ശ സ്വ​യം​ഭ​ര​ണ വ​കു​പ്പ് ന​ട​ത്തി​യ ഓ​ഡി​റ്റിം​ഗി​ലാ​ണ് നി​ര​വ​ധി പ​ഞ്ചാ​യ​ത്തു​ക​ളി​ൽ പെ​ൻ​ഷ​നു​ക​ൾ ഗു​ണ​ഭോ​ക്താ​ക്ക​ൾ മ​രി​ച്ചു ക​ഴി​ഞ്ഞി​ട്ടും ബാ​ങ്ക് അ​ക്കൗ​ണ്ടു​ക​ളി​ലേ​ക്ക് വ​ർ​ഷ​ങ്ങ​ളാ​യി ട്രാ​ൻ​സ്ഫ​ർ ചെ​യ്യു​ന്ന​താ​യി ക​ണ്ടെ​ത്തി​യ​ത്. ചൂ​ർ​ണി​ക്ക​ര പ​ഞ്ചാ​യ​ത്തി​ൽ 11 പേ​രാ​ണ് ഇ​ത്ത​ര​ത്തി​ൽ തു​ക കൈ​പ്പ​റ്റി​യ​ത്.

തെ​റ്റാ​യി ന​ൽ​കി​യ തു​ക തി​രി​കെ പി​ടി​ക്കാ​ൻ പ​ഞ്ചാ​യ​ത്തു​ക​ൾ വി​മു​ഖ​ത കാ​ണി​ച്ച​താ​ണ് സ​ർ​ക്കാ​രി​ന് വ​ൻ ബാ​ധ്യ​ത വ​രു​ത്തി വ​ച്ച​ത്. സം​സ്ഥാ​ന​ത്തെ ഭൂ​രി​ഭാ​ഗം പ​ഞ്ചാ​യ​ത്തു​ക​ളും ന​ഗ​ര​സ​ഭ​ക​ളും ഇ​ത്ത​ര​ത്തി​ൽ ഗു​ണ​ഭോ​ക്താ​വ് മ​രി​ച്ചു ക​ഴി​ഞ്ഞി​ട്ടും പെ​ൻ​ഷ​ൻ ന​ൽ​കു​ന്ന​താ​യി ഓ​ഡി​റ്റ് വി​ഭാ​ഗം റി​പ്പോ​ർ​ട്ട് ചെ​യ്തി​ട്ടു​ണ്ട്.

ഡെ​ത്ത് സ​ർ​ട്ടി​ഫി​ക്ക​റ്റ് ന​ൽ​കു​ന്ന ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്ക് ഗു​ണ​ഭോ​ക്താ​വ് മ​രി​ച്ചു ക​ഴി​ഞ്ഞാ​ൽ വി​ത​ര​ണ പ​ട്ടി​ക ആ ​നി​മി​ഷം ത​ന്നെ പു​തു​ക്കാ​വു​ന്ന​താ​ണ്. എ​ന്നാ​ൽ രാ​ഷ്ട്രീ​യ സ​മ്മ​ർ​ദ​ത്തി​ന് വ​ഴ​ങ്ങി അ​തി​ന് ത​യാ​റാ​കു​ന്നി​ല്ലെ​ന്നാ​ണ് ആ​ക്ഷേ​പം. ഉ​ത്ത​ര​വാ​ദി​ത്ത​പ്പെ​ട്ട ഉ​ദ്യോ​ഗ​സ്ഥ​രി​ൽ നി​ന്ന് പി​ഴ ഈ​ടാ​ക്കി​യാ​ൽ മാ​ത്ര​മേ ഈ ​ത​ട്ടി​പ്പ് അ​വ​സാ​നി​പ്പി​ക്കാ​നാ​കൂ​യെ​ന്നാ​ണ് വി​വ​രാ​വ​കാ​ശ പ്ര​വ​ർ​ത്ത​ക​ർ പ​റ​യു​ന്ന​ത്.