ക​ണ്ണൂ​ർ: യു​ണൈ​റ്റ​ഡ് മാ​ർ​ച്ച​ന്‍റ്സ് ചേം​ബ​ർ പേ​രാ​വൂ​ർ യൂ​ണി​റ്റ് ന​വം​ബ​ർ 22 ന് ​ന​ട​ത്തു​ന്ന പേ​രാ​വൂ​ർ മി​ഡ്നൈ​റ്റ് മാ​ര​ത്ത​ണി​ന്‍റെ ഒ​രു​ക്ക​ങ്ങ​ൾ പൂ​ർ​ത്തി​യാ​യി. ക്ലീ​ൻ കേ​ര​ള ഗ്രീ​ൻ കേ​ര​ള ഹെ​ൽ​ത്ത് ന്യൂ​ജ​ൻ ആ​ശ​യം ഉ​യ​ർ​ത്തി​പ്പി​ടി​ച്ച് ന​ട​ത്തു​ന്ന മൂ​ന്നാ​മ​ത് എ​ഡി​ഷ​ൻ മി​ഡ്നൈ​റ്റ് മാ​ര​ത്ത​ൺ ന​വം​ബ​ർ 22ന് ​രാ​ത്രി 11 ന് ​പേ​രാ​വൂ​ർ പ​ഴ​യ ബ​സ് സ്റ്റാ​ൻ​ഡി​ൽ നി​ന്നാ​രം​ഭി​ക്കു​മെ​ന്ന് സം​ഘാ​ട​ക​ർ പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു.

കി​സ്ന ഡ​യ​മ​ണ്ട് ആ​ൻ​ഡ് ഗോ​ൾ​ഡ് ജ്വ​ല്ല​റി, ഹ​രി​കൃ​ഷ്ണ ഗ്രൂ​പ്പു​മാ​യി ചേ​ർ​ന്നാ​ണ് ഇ​ത്ത​വ​ണ മാ​ര​ത്ത​ൺ സം​ഘ​ടി​പ്പി​ക്കു​ന്ന​ത്. ഒ​ളിം​പ്യ​ൻ ടി​ന്‍റു ലൂ​ക്ക​യാ​ണ് ഇ​വ​ന്‍റ് അം​ബാ​സി​ഡ​ർ. നാ​ലു പേ​ർ അ​ട​ങ്ങു​ന്ന ടീ​മു​ക​ളാ​ണ് മ​ത്സ​രി​ക്കു​ക. ഇ​വ​ർ​ക്കാ​ണ് കാ​ഷ് പ്രൈ​സ് ല​ഭി​ക്കു​ക. സിം​ഗി​ൾ ആ​യി മ​ത്സാ​രി​ക്കാ​മെ​ങ്കി​ലും കാ​ഷ് പ്രൈ​സ് ല​ഭി​ക്കി​ല്ല.18 വ​യ​സു​ള്ള ഒ​രാ​ൾ​ക്ക് 300 രൂ​പ​യും 18 വ​യ​സി​ന് താ​ഴെ​യു​ള്ള കു​ട്ടി​ക​ൾ​ക്ക് 100 രൂ​പ​യു​മാ​ണ് ര​ജി​സ്ട്രേ​ഷ​ൻ ഫീ​സ്.

പേ​രാ​വൂ​ർ പ​ഴ​യ സ്റ്റാ​ൻ​ഡി​ൽ നി​ന്ന് ആ​രം​ഭി​ച്ച് തെ​റ്റു​വ​ഴി, തൊ​ണ്ടി​യി​ൽ, ചെ​വി​ടി​ക്കു​ന്ന് വ​ഴി പ​ഴ​യ ബ​സ് സ്റ്റാ​ൻ​ഡി​ലാ​ണ് 'മാ​ര​ത്ത​ൺ സ​മാ​പി​ക്കു​ക. ഏ​ഴു കി​ലോ​മീ​റ്റ​റാ​ണ് മാ​ര​ത്ത​ൺ റൂ​ട്ട്. ഒ​ന്നു മു​ത​ൽ മൂ​ന്നു വ​രെ സ്ഥാ​ന​ങ്ങ​ളി​ൽ എ​ത്തു​ന്ന പു​രു​ഷ-​വ​നി​താ ടീ​മു​ക​ൾ​ക്ക് 15000, 10000 , 5000 രൂ​പ വീ​തം കാ​ഷ് പ്രൈ​സ് ല​ഭി​ക്കും.

50 വ​യ​സി​നു മു​ക​ളി​ലു​ള്ള അ​ഞ്ചു വ​നി​ത​ക​ൾ​ക്കും 60 വ​യ​സി​ന് മു​ക​ളി​ൽ ഉ​ള്ള അ​ഞ്ച് പു​രു​ഷ​ന്മാ​ർ​ക്കും ആ​യി​രം രൂ​പ വീ​തം പ്രോ​ത്സാ​ഹ​ന സ​മ്മാ​നം ല​ഭി​ക്കും.

സ​ർ​വീ​സി​ലു​ള്ള യൂ​ണി​ഫോം വി​ഭാ​ഗ​ത്തി​ന് പു​രു​ഷ​ന്മാ​ർ​ക്കും വ​നി​ത​ക​ൾ​ക്കും ഒ​ന്നാം സ​മ്മാ​ന​മാ​യി 5000 രൂ​പ​യും ര​ണ്ടാം സ​മ്മാ​ന​മാ​യി 4000 രൂ​പ​യും ഗ്രൂ​പ്പി​ന് ല​ഭി​ക്കും. 18 വ​യ​സി​നു താ​ഴെ​യു​ള്ള ആ​ൺ കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും യ​ഥാ​ക്ര​മം 3000 , 2000, 1000 രൂ​പ​യും സ​മ്മാ​നം ല​ഭി​ക്കും.

ഒ​രു ല​ക്ഷം രൂ​പ​യാ​ണ് ആ​കെ സ​മ്മാ​ന​ത്തു​ക. പ​ത്ര​സ​മ്മേ​ള​ന​ത്തി​ൽ ഭാ​ര​വാ​ഹി​ക​ളാ​യ ഷി​നോ​ജ് ന​രി​തൂ​ക്കി​ൽ, കെ.​എം. ബ​ഷീ​ർ, ഒ.​ജെ. ബെ​ന്നി, വി.​കെ. രാ​ധാ​കൃ​ഷ്ണ​ൻ, പ്ര​വീ​ൺ കാ​റാ​ട്ട്, ജോ​ഷി മാ​ത്യു എ​ന്നി​വ​ർ പ​ങ്കെ​ടു​ത്തു.