കോ​ട്ട​യം: അ​ക​ല​ക്കു​ന്നം പ​ഞ്ചാ​യ​ത്തി​ൽ ന​ട​ന്ന ജി​ല്ല​യി​ലെ ആ​ദ്യ വി​ക​സ​നസ​ദ​സി​ൽ അ​വ​ത​രി​പ്പി​ക്ക​പ്പെ​ട്ട​ത് നാ​ടി​ന്‍റെ മാ​റ്റ​ത്തി​നു​പ​ക​രി​ക്കു​ന്ന ചെ​റു​തും വ​ലു​തു​മാ​യ പ​ദ്ധ​തി​ക​ൾ.

പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് മാ​ത്തു​ക്കു​ട്ടി ഞാ​യ​റു​കു​ളം, സെ​ക്ര​ട്ട​റി സ​ജി​ത്ത് മാ​ത്യൂ​സ് എ​ന്നി​വ​ർ ന​യി​ച്ച ച​ർ​ച്ച​യി​ൽ ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ നി​ര​വ​ധി പേ​രാ​ണ് വ​രും​വ​ർ​ഷ​ങ്ങ​ളി​ൽ ന​ട​പ്പാ​ക്കേ​ണ്ട വി​വി​ധ വി​ക​സ​ന ആ​ശ​യ​ങ്ങ​ൾ മു​ന്നോ​ട്ടു​വ​ച്ച​ത്.

ബ്ലോ​ക്ക് ത​ല​ത്തി​ലോ പ​ഞ്ചാ​യ​ത്ത് ത​ല​ത്തി​ലോ ഒ​രു പൊ​തു​ശ്മ​ശാ​നം വേ​ണ​മെ​ന്ന ആ​വ​ശ്യം പ്ര​ദേ​ശ​വാ​സി​ക​ളി​ലൊ​രാ​ളാ​യ ശോ​ഭ​നാ രാ​ജ് മു​ന്നോ​ട്ടു​ വ​ച്ചു. കു​ട്ടി​ക​ൾ​ക്ക് ക​ളി​സ്ഥ​ലം വേ​ണ​മെ​ന്നാ​യി​രു​ന്നു ജെ​യ്മോ​ൻ പി. ​ജ​യിം​സി​ന്‍റെ നി​ർ​ദേ​ശം. കൃ​ഷി പ്ര​ധാ​ന ഉ​പ​ജീ​വ​ന​മാ​ർ​ഗ​മാ​യു​ള്ള പ​ഞ്ചാ​യ​ത്തി​ൽ ജ​ലാ​ശ​യ​ങ്ങ​ളി​ൽ​നി​ന്ന് കൃ​ഷി​ക്ക് വെ​ള്ള​മെ​ത്തി​ക്കാ​നു​ള്ള പ​ദ്ധ​തി​യും വി​ള​ക​ൾ സം​ഭ​രി​ക്കാ​നു​ള്ള കേ​ന്ദ്ര​വും മ​ഴ​വെ​ള്ളം ശേ​ഖ​രി​ക്കാ​നു​ള്ള ജ​ല​സം​ഭ​ര​ണി​ക​ളും വേ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ഗ്രാ​മീ​ണ ടൂ​റി​സ​ത്തി​ന്‍റെ സാ​ധ്യ​ത​ക​ൾ പ്ര​യോ​ജ​ന​പ്പെ​ടു​ത്തു​ന്ന​തി​നു​ള്ള പ​ദ്ധ​തി​ക​ൾ വേ​ണ​മെ​ന്ന് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് മാ​ത്തു​ക്കു​ട്ടി ആ​ന്‍റ​ണി പ​റ​ഞ്ഞു.

നി​ല​വി​ലു​ള്ള​തി​നു പു​റ​മെ പു​തി​യൊ​രു മെ​റ്റീ​രി​യ​ൽ ക​ള​ക്‌ഷൻ ഫെ​സി​ലി​റ്റി (എം​സി​എ​ഫ്) കൂ​ടി സ​ജ്ജീ​ക​രി​ക്ക​ണ​മെ​ന്നാ​യി​രു​ന്നു ഹ​രി​ത​ക​ർ​മ സേ​നാം​ഗം ശ്രീ​ജ​യു​ടെ ആ​വ​ശ്യം.

ക​ന്നു​കു​ട്ടി പ​രി​പാ​ല​ത്തി​നു മു​ൻ​ഗ​ണ​ന ന​ൽ​ക​ണ​മെ​ന്ന് ക്ഷീ​ര​ക​ർ​ഷ​ക​നാ​യ ബി​ജി​ൻ ജോ​സ് നി​ർ​ദേ​ശി​ച്ചു. ഹ​രി​തക​ർ​മ​സേ​നാം​ഗ​ങ്ങ​ൾ, അ​ങ്ക​ണ​വാ​ടി ജീ​വ​ന​ക്കാ​ർ, ആ​ശാ പ്ര​വ​ർ​ത്ത​ക​ർ, കു​ടും​ബ​ശ്രീ, സി​ഡി​എ​സ് അം​ഗ​ങ്ങ​ൾ, തു​ട​ങ്ങി നി​ര​വ​ധി​പ്പേ​ർ ച​ർ​ച്ച​യി​ൽ പ​ങ്കെ​ടു​ത്തു.