പാ​ലാ: ആ​ശു​പ​ത്രി​യി​ല്‍ കൂ​ട്ടി​രി​ക്കാ​നെ​ത്തി​യ യു​വാ​വി​നെ ളാ​ലം തോ​ട്ടി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ദു​രൂ​ഹ​ത​യു​ണ്ടെ​ന്ന പ​രാ​തി​യി​ല്‍ പോ​ലീ​സ് അ​ന്വേ​ഷ​ണം ആ​രം​ഭി​ച്ചു. പ​ത്ത​നം​തി​ട്ട വെ​ച്ചൂ​ച്ചി​റ ഇ​ട​ക​ട​ത്തി കി​ഴു​ക​ണ്ട​ത്തി​ല്‍ ജി​ത്തു റോ​ബി(28)​യു​ടെ മ​ര​ണ​വു​മാ​യി ബ​ന്ധ​പ്പെ​ട്ടാ​ണ് പോ​ലീ​സ് നാ​ലു പേ​രെ ചോ​ദ്യം ചെ​യ്ത​ത്. ഇ​ക്ക​ഴി​ഞ്ഞ 19നാ​ണ് ളാ​ലം തോ​ട്ടി​ല്‍ റോ​ബി​യെ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്.

ബൈ​ക്ക​പ​ക​ട​ത്തി​ല്‍ പ​രി​ക്കേ​റ്റ് പാ​ലാ​യി​ലെ ആ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​ഞ്ഞി​രു​ന്ന സു​ഹൃ​ത്തി​ന് കൂ​ട്ടി​രി​ക്കാ​നാ​ണ് ജി​ത്തു പാ​ലാ​യി​ല്‍ എ​ത്തി​യ​ത്. ഉ​ട​ന്‍ വ​രാ​മെ​ന്നു പ​റ​ഞ്ഞു പാ​ലാ​യ്ക്കു പോ​യ ജി​ത്തു​വി​നെ കാ​ണാ​ത്ത​തി​നെ​ത്തു​ട​ര്‍​ന്നു സു​ഹൃ​ത്ത് വി​ളി​ച്ച​പ്പോ​ള്‍ മ​റ്റൊ​രാ​ളാ​ണു ഫോ​ണ്‍ എ​ടു​ത്ത​തെ​ന്നു പ​രാ​തി​യി​ല്‍ പ​റ​യു​ന്നു. ളാ​ലം തോ​ട്ടി​ല്‍ കെ​എ​സ്ആ​ര്‍​ടി സി ​ഡി​പ്പോ​യ്ക്കു പി​ന്നി​ലാ​യി ഇ​ഞ്ച​പ്പ​ട​ര്‍​പ്പി​ല്‍ കു​ടു​ങ്ങി​യ നി​ല​യി​ല്‍ മൃ​ത​ദേ​ഹം വെ​ള്ള​ത്തി​ല്‍ പൊ​ങ്ങി​ക്കി​ട​ക്കു​ക​യാ​യി​രു​ന്നു.

ജി​ത്തു​വി​ന്‍റെ ബൈ​ക്ക് ബി​വ​റേ​ജ​സ് ഷോ​പ്പി​നു സ​മീ​പ​ത്തു​നി​ന്നു ല​ഭി​ച്ചി​രു​ന്നു. ഇ​വി​ടെ ബൈ​ക്ക് നി​ര്‍​ത്തി​യ​ശേ​ഷം ജി​ത്തു ആ​രോ​ടൊ​പ്പ​മാ​ണു ളാ​ലം തോ​ടി​ന്‍റെ തീ​ര​ത്തേ​ക്കു പോ​യ​തെ​ന്നാ​ണു പോ​ലീ​സ് അ​ന്വേ​ഷി​ക്കു​ന്ന​ത്. ഈ ​പ്ര​ദേ​ശ​ത്ത് രാ​ത്രി​യും പ​ക​ലും മ​ദ്യ​പാ​നി​ക​ള്‍ ത​മ്പ​ടി​ക്കാ​റു​ണ്ട്. ഇ​വി​ടെ മ​ദ്യ​പി​ക്കാ​നെ​ത്തി​യ​വ​രെ​യാ​ണ് പോ​ലീ​സ് വി​ളി​ച്ചു​വ​രു​ത്തി ചോ​ദ്യം ചെ​യ്ത​ത്. ജി​ത്തു ഇ​വി​ടെ​യി​രു​ന്നു ക​ര​യു​ക​യാ​യി​രു​ന്നു​വെ​ന്നാ​ണ് ഇ​വ​ര്‍ പോ​ലീ​സി​നു ന​ല്‍​കി​യ മൊ​ഴി.

തോ​ടി​ന്‍റെ തീ​ര​ത്തി​രു​ന്ന് ജി​ത്തു ചി​ല​രോ​ടൊ​പ്പം മ​ദ്യ​പി​ച്ചി​രു​ന്ന​താ​യാ​ണു പോ​ലീ​സ് പ​റ​യു​ന്ന​ത്. മു​ങ്ങി​മ​ര​ണ​മെ​ന്നാ​ണു പോ​സ്റ്റ്മോ​ര്‍​ട്ടം റി​പ്പോ​ർ​ട്ടെ​ന്നും പോ​ലീ​സ് പ​റ​യു​ന്നു.