പാ​ലാ: ന​ഗ​ര​സ​ഭ​യി​ലെ കി​ഴ​ത​ടി​യൂ​ര്‍ പ്ര​ദേ​ശ​ത്ത് വാ​ട്ട​ർ അ​ഥോ​റി​റ്റി​യു​ടെ കു​ടി​വെ​ള്ളം നി​ല​ച്ചി​ട്ട് 15 ദി​വ​സം. പ​രാ​തി പ​റ​ഞ്ഞി​ട്ടും ഇ​തു​വ​രെ ന​ട​പ​ടി​യു​ണ്ടാ​യി​ട്ടി​ല്ലെ​ന്നു നാ​ട്ടു​കാ​ർ പ​റ​യു​ന്നു.

പ്ര​ശ്‌​ന​പ​രി​ഹാ​ര​ത്തി​നു ന​ഗ​ര​സ​ഭ ടാ​ങ്ക​റു​ക​ളി​ല്‍ കു​ടി​വെ​ള്ളം ഈ ​മേ​ഖ​ല​ക​ളി​ല്‍ വി​ത​ര​ണം ചെ​യ്യു​ന്നു​ണ്ടെ​ങ്കി​ലും പൈ​പ്പി​ൽ കു​ടി​വെ​ള്ളം കി​ട്ടു​ന്ന​തു​പോ​ലെ സു​ഗ​മ​മ​ല്ല കാ​ര്യ​ങ്ങ​ൾ. ര​ണ്ടാ​ഴ്ച പി​ന്നി​ട്ടി​ട്ടും പ​രി​ഹാ​രം വൈ​കു​ന്ന​തി​ല്‍ നാ​ട്ടു​കാ​ര്‍ പ്ര​തി​ഷേ​ധ​ത്തി​ലാ​ണ്.

വാ​ട്ട​ര്‍ അ​ഥോ​റി​റ്റി​യു​ടെ കു​ടി​വെ​ള്ള വി​ത​ര​ണ​ത്തെ മാ​ത്രം ആ​ശ്ര​യി​ച്ചു ക​ഴി​യു​ന്ന ഒ​ട്ടേ​റെ കു​ടും​ബ​ങ്ങ​ള്‍ ഈ ​മേ​ഖ​ല​യി​ലു​ണ്ട്. ഇ​വ​രാ​ണ് ഏ​റെ വി​ഷ​മി​ക്കു​ന്ന​ത്. ടാ​ങ്കു​ക​ളി​ല്‍ എ​ത്തി​ക്കു​ന്ന കു​ടി​വെ​ള്ളം ശേ​ഖ​രി​ക്കാ​നും വീ​ട്ടി​ലെ ടാ​ങ്കു​ക​ളി​ല്‍ എ​ത്തി​ക്കാ​നു​മൊ​ക്കെ പ​ല​ർ​ക്കും ക​ഴി​യു​ന്നി​ല്ല. ന​ഗ​ര​സ​ഭ​യു​ടെ ടാ​ങ്ക​റു​ക​ള്‍ എ​ത്തു​ന്ന സ​മ​യ​ത്തു വീ​ട്ടി​ല്‍ ആ​ളു​ക​ള്‍ കാ​ത്തി​രി​ക്ക​ണ​മെ​ന്ന​താ​ണ് പ്ര​ധാ​ന പ്ര​ശ്നം. ടാ​ങ്ക​റു​ക​ളി​ൽ കൊ​ണ്ടു​വ​രു​ന്ന വെ​ള്ളം ശേ​ഖ​രി​ച്ചു ചു​മ​ന്നു​കൊ​ണ്ടു​പോ​ക​ണ​മെ​ന്ന​ത് പ്രാ​യ​മാ​യ​വ​രെ​യും രോ​ഗി​ക​ളെ​യും ബു​ദ്ധി​മു​ട്ടി​ക്കു​ക​യാണ്.

ഇ​പ്പ ശ​ര്യാ​ക്കും എ​ന്നു പ​റ​ഞ്ഞു

ചോ​ദി​ക്കു​മ്പോ​ഴെ​ല്ലാം ഉ​ട​ന്‍ ശ​രി​യാ​ക്കു​മെ​ന്നാ​ണ് അ​ധി​കൃ​ത​രു​ടെ വാ​ദം. ഇ​പ്പോ​ള്‍​ത്ത​ന്നെ 15 ദി​വ​സം ക​ഴി​ഞ്ഞു. ന​ഗ​ര​സ​ഭ വാ​ഹ​ന​ത്തി​ല്‍ എത്തി​ച്ചു കു​ടി​വെ​ള്ള വി​ത​ര​ണം ന​ട​ത്തു​ന്നു​ണ്ടെ​ങ്കി​ലും അ​തു ശ​രി​യാ​യ പ​രി​ഹാ​ര​മ​ല്ല. ത​ക​രാ​ര്‍ പ​രി​ഹ​രി​ച്ച് എ​ത്ര​യം വേ​ഗം വാ​ട്ട​ര്‍ അ​ഥോ​റി​റ്റി​യു​ടെ കു​ടി​വെ​ള്ള വി​ത​ര​ണം പു​ന​രാ​രം​ഭി​ക്ക​ണം.
ജോ​സ് ഇ​ടേ​ട്ട്‌ (വാ​ര്‍​ഡ് കൗ​ണ്‍​സി​ല​ര്‍)

ത​ക​രാ​ർ ക​ണ്ടെ​ത്താ​ൻ ശ്ര​മം

കു​ടി​വെ​ള്ള വി​ത​ര​ണ പൈ​പ്പു​ക​ളി​ല്‍ വ​ന്ന ബ്ലോ​ക്കാ​ണ് പ്ര​ശ്‌​നം. ഡ്രെ​യ്‌നേ​ജി​ല്‍ ചെ​ളി നീ​ക്കം ചെ​യ്ത​പ്പോ​ള്‍ അ​തു പൈ​പ്പി​ല്‍ ക​യ​റി ബ്ലോ​ക്ക് ആ​യ​താ​ണെ​ന്നു ക​രു​തു​ന്നു. കു​ടി​വെ​ള്ള വി​ത​ര​ണ പൈ​പ്പ് പോ​കു​ന്ന പ​ല സ്ഥ​ല​ങ്ങ​ളി​ലും കു​ഴി​ച്ചുനോ​ക്കി ത​ക​രാ​ര്‍ ക​ണ്ടു​പി​ടി​ക്കാ​ന്‍ ഊ​ര്‍​ജി​ത​ശ്ര​മം ന​ട​ത്തു​ന്നു​ണ്ട്.
വാ​ട്ട​ർ അ​ഥോ​റി​റ്റി